2004 年 8 月 9 日 星期一 【晴】

尋日既日記打漏左d野,朝早補番
見到釗個留言
想剷佢,但係同佢打同埋引述d字既字面意思無關

唔記得同阿媽講我今日要返course (或者佢唔記得 我相信係前一個原因)
婆婆見阿媽咁耐都未返屋企,叫我打比佢
第一次打唔通 第二次阿媽叫我去吉野家食

rono響廣福上車
佢揪鎖匙扣住一張遊戲王咭
「卅蚊張,算平架喇,有d成千蚊」
我:「好難抽到果d呀?」
rono:「係冇得抽」<-即係買某d野或者去某d日本既大型活動(類似香港既漫畫節同書展)送

roadshow字幕話今日會考放榜
我:「唔係聽日咩?」
黎俊傑話可能係d人揀左餅舊年既帶黎播 @@

睇到roadshow果段宣傳片
會考10A比張全年免費乘車証佢
有個男拔話自己show呢張野比個司機睇果時心裡面有一種優越感
rono:「遊車河都得」
我:「唔知几時睇過話九巴一年抑或几年內淨係靠d毫子都賺多左几億」
↗即係車費$9.1冇毫子被逼比$10果d
rono:「比少都未計」
我:「睇過唔知乜野100個頹廢青年的條件其中一個話8個半車費比85個一毫子」
(比85個一毫子果d真係超頹...30個都冇人知你比少左啦)
rono:「有d人4個几車費比1,2蚊加一渣毫子架咋,個司機邊得閒同你數o者」(梗係比少左啦)

黎俊傑同kelvin玩阿bug部palm
捉國際象棋
我:「國際象棋真係難玩過中國果隻好多...」
bug:「梗係啦,國際喎,複雜好多」
玩到差唔多,黎俊傑:「我一隻搏你一隻都贏啦」
bug:「資優仔輸喇」

break
鋤左几鋪D,見到一堆人走堂,唔記得邊個又提議
bug:「唔駛驚丫,break完繼續鋤囉」
我估到阿bug想點,不過黎俊傑快我一步講左
「你想比佢捉到趕走丫嘛,鬼唔知你籠野咩」
結果rono走左

break完
kelvin玩palm,黎俊傑用阿bug部手機打牌
bug睇佢兩個玩

bug:「佢講第几條呀?」
我:「13」
bug:「嘩,你有聽佢講架?!」
我:「黎俊傑打牌,吳鴻志唔知玩咩,你睇佢地玩,我悶咪聽書囉」
黎俊傑:「而家玩保齡喇」
-____________________-"""

打麻雀真係一樣好緊要既技能
有冇人可以教下我...= =

放學
kelvin都做得到單手撐住欄杆跳過去
我用一個好慢既方法"檻"過去
覺得自己跳唔到過去係驚衰左會仆落地所以有心理障礙

bug:「你兩個係咪無聊丫,跳過去又要等埋我地」
kelvin:「冇呀,想比你地睇下我矯健既身手之嘛」
串嘴 -o-

kelvin:「係咪有車呀?」
返大埔果3個見到有一渣人上73x
我同bug跑過去上到
黎俊傑輕輕鬆鬆行過去都上到車 - -
「駛乜好似你兩個咁跑丫?」

我:「出年到呢個時候我夜晚肯定訓唔著」
bug:「我就肯定唔會訓唔著喇,你睇頭先我都訓得著」

覺得我打得機多既人唔該睇下呢段對話
bug:「會考到而家,阿唔係,mock到而家我都冇抖過」
我:「做過d咩黎呀?」
bug:「mock完左開始晚晚打機」
黎俊傑:「好辛苦呀?」
bug:「係啦~」
黎俊傑:「都可以8a丫嘛?」
bug:「點會呀」
黎俊傑:「你想話點會咁少呀?」

6日之後先到下一堂
246 246 1
突然間有番鬥志
今日第3日,之後6日全部都係full time一定搞得掂
所以15日bio至少會剩5日

有得將念加響人地身上既方法自然有得除念
有爆seed自然有相反既精神狀態

考慮緊提唔提前chem
兩個選擇都係對自己有害
對唔住良心好過害到自己
就咁決定!

>>August 11, 2004 at 9:13:35 AM GMT+8

2004 年 8 月 8 日 星期日 【晴】

一早起身又落左去跑步
響 車立 度見到一個女人
聞到好重香水味 -o-
好似保持1米距離喇喎...
諗起hunter用念既功夫 "圓"
以自己為中心,探測某個半徑範圍內(探測到几遠睇果個人既修為)所有野既一舉一動
果個人一定有超過1米既圓 -.-
行到去大廈個大閘度終於忍唔住向佢打左個hut chi <-佢響我前面背向我
不過冇噴到野出黎...佢又唔知我係面向住佢 XDDD

跑完都係好 支力 不過心口同肚冇再痛喇

apple icq hi我 都唔知行咩衰運 =.="""
「有野叫我幫你所以hi我的...免了」
「唔係ar!
　我想問你借maths answer ja!」<-混帳! 仲唔係有野叫我幫佢?
我點會有呢
講講下都唔知佢係想借我本野去抄定係借答案
完全覺得佢係扮可憐搏同情
(就算佢唔係咁我都唔會幫佢,第一做唔到第二唔想)
如我所料,呢個問題到8月先開始嚴重
拒絕幫佢勾起一d好痛快既回憶
　f.3一次CL唔記得咩test
　前一晚,顧同我話佢上堂訓覺所以test既野咩都唔識,叫我教佢
　我梗係唔教
　佢扮可憐搏我同情,不過我不為所動
　當時拒絕得越堅決越覺得痛快
有人聽我講番果件事,話我當時冇教顧裕勤係做得o岩

知道左我做過d咩衰野所以對我評價打折扣既人,請隨便
講左出黎,大家睇得出我某方面好衰
唔講出黎,証明我虛偽但係大家未必睇得出
偽君子不如真小人

imo course

教果個猛喎
做左3次team member !@#$%^&*

阿bug:「你o係個死人日記打埋d唔知乜野」

鋤啤
黎俊傑唔敬業,同kelvin(吳鴻志)打機 <-用阿bug部palm
所以kelvin冇鋤D
我同rono今日手氣好 :P

有一堂我睇harry potter有個人入過去兩次叫我唔好睇書
鋤鋤下啤果個人入過黎兩次
阿bug見到叫我地收埋自己副牌唔鋤住 @@
落堂,佢話見到有人玩啤牌唔聽書
「第一階段既課程都黎到一半既中段喇(rono重複左呢句咁抵死既說話一次 XD)...(略)...
　如果你黎淨係為左同朋友一齊玩下啤牌,我諗你都係唔好黎浪費自己時間喇」
咁break果時走堂果d算咩... <-今日有几個
(唔記得bug定係rono都有提出過走堂,之後決定繼續鋤D)
阿bug:「佢發現唔到我地」

rono:「黎呢度淨係羅份notes返去計詐嘛」
為左會考,我唔可以放咁多精神落imo
rono:「今年入到下年冇理由入唔到,再下一年都應該得」
kelvin離譜d...佢仲有3次機會 = =

kelvin:「你咁得閒日日打咁多(指字數)日記既?」
真正多字果d佢都冇見過...

返大埔
響吉之島出面落車
去到昌運,又聞到一陣香水味
今次2米...
會唔會過份左d呢? -.-"""

響機戰論壇見到一個topic "大家認為咩叫天才?"
有人講左呢段野
　不過我認為天才也是一種罪
　就是要懲罰佢要用來幫其他人
　因為他們有能力幫人...
呢段我講既:
　可惡呀呀呀呀呀!!!!!!
　我的成績不是班裡最top的,但很多人有功課不懂都會來問我
　所有人都知道誰才是真正厲害的(就是考第1,2那些)
　但偏偏問他們的人卻不多 <-即使我有叫問我的人去找他們不要找我
跟住有條友回應我講既野(節錄)
　作為天才
　即係咩野都好勁啦
　理論上,世上是沒什麼真正的天才的,
　很多天才對人的態度真的很差= =
　只是這一點,他們已經沒有資格成為真正的"天才"
　真正的天才,理論上人格也是完美的= ="
　功課唔問第1,2名,問你
　就可能因為你人緣好囉= =!
人緣好...係因為自己比人一種"老好人"既印象掛

星期一至五夜晚溫書冇可能有實質進度 = =

re hrzo:
我挺直個人黎跑架喎...

http://www.me.cycu.edu.tw/students/s8923250/2002-0301.gif
word真係先進喇 XDDD

>>August 10, 2004 at 2:54:46 AM GMT+8

2004 年 8 月 7 日 星期六 【晴】

朝早一起身阿媽叫我落風水廣場跑步
跑左一圈...見 支力
4圈之後...覺得自己極限跑埋第5圈
所以跑完5圈之後返屋企
後頸 心口 肚 左腳 有d痛
好似食完lunch先好番d...

lunch
我將個椰青入面d水倒落個杯度飲
細佬:「呃稱呀,d水仲多過d椰肉既」
......白痴 =.=

溫bio
我諗...我諗...我諗...
聽日可以搞掂pollution果課掛 = =
希望開始到photosynthesis啦...

看來我還是不要再用強化系來形容別人好了 @@"

下晝同夜晚各一次心口痛,兩次都唔係痛一野 >______________<
讀書讀左10年,未會考就兩腳一伸太唔抵喎
都過了至少一半的時間…
開始體會到咩叫 "今晚訓落床唔知醒唔醒得番" ...
我冇事既我冇事既我冇事既!!!

ecology mc sorted past paper
有勁多題係比個food web問你兩隻生物既關係係乜 <-long que都有問過相同既野
答案全部都係"predation and competition"
-__________________-"

仲有一條成日出既題目:
pyramid of number...
最底果個勁少,上一層勁多,再上一層又少左
唔駛諗...最底果個一定係一棵樹 =.=

re hrzo:
今朝跑完步之後有諗過你會唔會話我係個肺有事 @@
我覺得自己有必要去睇醫生...
睇埋聽日點囉

http://img.photobucket.com/albums/v369/kalong/129740.jpg
出人意表的牙膏哩 XD

>>August 10, 2004 at 2:54:09 AM GMT+8

2004 年 8 月 6 日 星期五 【晴】

尋日搞掂econ 聽日開始bio
有一日緩衝...睇harry potter

睇書可能仲易近視過玩電腦 @@
成日不自覺擺到本書同雙眼距離15 cm以下
拉遠番過冇几耐又擺近左 =.=

坐唔定 = =

mud終於開返嚕~
弊...
多樣野引開自己專注力 !@#$%^&*

中國對日本嗎?
執著於日軍侵華歷史的暴徒根本就是存心搗亂! -.-
日本仔好賤 -o- <-或者中國人唔識咁做係佢地蠢囉
白色衫同藍色衫既人發生左好多次碰撞
撞完之後通常都係白衫果個仆低
我睇唔足全場,所以有可能講錯實際情況

今日心口又痛...
不過尋晚係中間偏左既位置,今日係右邊
我心臟係偏左
(別提出心臟突然跑了去右邊之類的無聊想法,特別是釗)

26x頁
下次再睇就會睇完!

>>August 8, 2004 at 5:13:54 AM GMT+8

2004 年 8 月 5 日 星期四 【晴】

爸今朝返左工之後10點几叫我拎部相機比佢
打比阿媽問擺左部相機去邊
搵到之後媽聽電話,我未出聲佢就話左比我知
媽話阿爸打過電話叫佢話我知部相機響邊,同埋佢打唔通屋企既電話
(打唔通應該係因為我同一時間禁緊號碼打比阿媽...)
好多樣野都合理地發生響另一件應該較遲發生既事 XD

打開相機既電芯位見到冇入電
但係我完全唔覺部野冇電有d咩問題 (唔准笑! XD)
爸話佢黎到樓下果時我就咁比左部相機佢
過冇耐佢打黎話部機冇電叫我比埋粒電佢

溫完econ
好唔妥...
o岩o岩溫完書竟然唔識做d hw !@#$^&*
好彩最尾都係做晒
但我有少少覺得前半個暑假冇溫過書 = =

晏晝同媽,婆婆去飲茶
我到之前阿媽幫我嗌左個叉燒瀨粉
點知d叉燒大部分都係肥肉 =.= <-有肥肉既部分好難切出黎,唯有淨係食冇肥肉果几舊囉 -o-
卑鄙!
下次唔可以唔講明d叉燒要瘦 -.-"""

睇棟篤神探
見到黃子華搵支辣椒油同一支芥辣醬擠落去陳偉強(吸毒果個陳偉強呀...)塊面果下
我笑得好激動
笑笑下突然間覺得心口有d痛 <-未至於好痛,不過響心口都唔慌小事 = =
即刻唔敢再笑落去 @@
唔通我有心臟病?!
我仲未發明中子干擾裝置,唔可以就咁死左去架 >_________<
(↑呢句我真係講笑 XD)

睇到晚間新聞既一則報導
好似話太和有個細路觸電瓜左
房署個發言人話單意外由几個巧合構成
諸多藉口講到唔關房署事咁 -.-
條電線有問題就有問題啦
冷靜一點...
官僚作風早在几千年前就有了
我不必學克魯澤去毀滅世界 @@

>>August 6, 2004 at 4:06:16 PM GMT+8

2004 年 8 月 4 日 星期三 【晴】

今朝細佬去左佢學校d咩銜接課程
4點几先返 @@

溫econ
果然唔可以"剩2日" = =
聽日搞得掂掛

又回到鬆散的狀態了 -o-

黃慧中叫我去佢個flash板
原來佢又有打日記的哩
原來佢同好多人share個日記account哩
原來其中一個是吳鴻志哩
不過吳鴻志好少打 @@

細佬做銜接課程既功課
寫家人既資料...叫咩名 學歷/就讀的學校或年級
佢叫我寫自己果欄
備註果度我寫埋 "他叫我代筆寫的!!" XDDD

>>August 6, 2004 at 3:35:53 AM GMT+8

2004 年 8 月 3 日 星期二 【晴】

今朝既電話對話
「唔該搵吳家爵既家長丫」
「呃...佢地出左去喎」
「你就係吳家爵呀?」
「唔係,我係佢阿哥」
「我係香港道教聯合會圓玄學院第二中學打黎架(我居然背得出整個名字哩 XD)
　吳家爵佢本來今日要返一個銜接課程既,但係老師點完名話佢今日冇返喎」
我問細佬
「o下?唔係聽日先開始咩?」
打黎果個笑左几聲
叫我叫阿媽寫番封家長信之類解釋佢點解唔去
婆婆:「我諗全級今日得你一個冇返」

同釗討論每一班補課補几耐
嘩...梁sir都几凶下 = =
f.6 pure maths果堆人返几日補課每日9am-4pm <-中間有半個鐘或以下既時間食飯掛 !@#$%^&*
我會學阿bug自修架喇...

econ補課
落咁大雨我唔應該帶縮骨遮 -o-

1:16 or 17到4樓
威1:21到
「我到果時以為自己已經遲到架喇」
「我都係喎,grace仲未到咩?」

夾份買野比keating有錢剩
每人分返$5.5
曉同brella兩個強化系 @@
寫響黑板咪唔駛逐個人解釋一次囉 = =

見到閃電就要有將會聽到響雷的覺悟了啦
閃電就是大自然讓我們知道將會響雷的訊號啊

「上堂食野會唔會令你地專心d聽既o者? 我唔係鬧你地架」
庭 miki 賢 等人響度食pocky豬古力條,我都有份 :P <-似乎不懂得寫正確的"豬"字了 XD

grace講自己考車牌既經歷
佢話通常考車牌都係渣車行路肥左,泊車果part合格
佢自己就相反,仲要考左5次先得
「我渣左一年大膽車架喇,所以個考官咪見我考呢part考得咁自信囉」
我:「咁你考牌之前點泊車架?」XDDD

講完書,唔記得邊個話其他學校暑假都唔得閒要日日返學校補課
mst似乎太輕鬆了 @@
沒一科會教不完
不過要擔心bio和amaths會出現"強行突破作戰"的情況 -o-

「我會比心機架喇」
我好鄙夷佢以前成日 "扮弱黎突顯出人地有責任幫自己"
不過佢而家冇再咁做
所以而家錯果個,卑鄙果個,就係我!
錢偉賢同我講過:「我專登儲埋d問題一次過問你」話我應該為左咁多謝佢
今次,我係為左呢個原因,不過係真心講呢句說話,內心冇任何不滿
多謝你

豬話有好多f.3為左唔讀amaths揀左c班
哦
呢件事証明我識果4個f.3都唔係冇膽鬼!
(其中3個係數學精英梗係啦~ ^__________^)

同bobby一齊走
他不喜歡別人說話婉轉
該是放出系的 XD

>>August 5, 2004 at 7:47:18 AM GMT+8

2004 年 8 月 2 日 星期一 【晴】

溫econ
因為知道只有半日時間所以不專心一點嗎?!

出荃灣返imo course

響千色店出面落車
原來大窩口下一個站就係喇?!
上次同rono bug 黎俊傑 四個響果度落都唔覺既...

唔係几熟路,經行人路去馮漢柱驚行錯路
剩番唔夠10分鐘,行行車路冇咁易錯
所以響馬路中間行過去
馮夷:「嘩你咁勇行馬路呀?! (佢見到對面就係目的地)繼續丫繼續丫~」

行緊馬路既時候腦裡面突然間諗到一d野 <-同見到既野無關...所以唔係觸景生情
所有人都在努力,為了使自己
比別人變得更強,比別人走得更前,比別人爬得更高
那些全都是
人類的夢想,人類的願望,人類的報應
可是,為什么那 "比別人變得更強" 的 "報應" 卻只降臨在我一人的身上?!
連選擇幫助哪一個人的權利也沒有…
我覺得seed既克魯澤講d野好有哲理,而underline左果兩句比到我最深刻既印象

死人霍栢全唔黎又唔早講! .\_/.
佢供應娛樂比我地架嘛...XD
黎俊傑:「冇啤牌,冇palm,冇(可以打麻雀既)手機」

黎俊傑同rono早過我到
吳鴻志遲過2點半,但依然早過教果個
「我一出門阿bug先send msg比我話今日唔黎,如果我未出門仲可以帶副啤牌丫嘛」

吳鴻志同阿bug玩手提式icq
佢比其餘3個睇d sms對話
吳鴻志:「佢地話想走喎」<-第一個提出呢句既係rono
阿bug:「哈哈...咁走啦...」

悶左個半鐘
4點放break
rono猶疑左一陣走左

響巴士站見唔到rono
遲佢几分鐘之嘛...
佢上左早一班車 或者去左荃灣行街

返到大埔...4點半過少少
太早返屋企阿媽會問點解
所以響商場區兜左成個鐘先返屋企 = =

下次去要帶啤牌!
屋企好似得一副...
而婆婆又要玩接龍 <-佢話唔經常動下腦筋驚會老人痴呆喎 @@

seed同遊戲王撞時間,所以細佬錄左特種計劃黎睇
譯得超爛 -.-"""
阿斯蘭介紹果几部機體
「決鬥高達...(略)...集其餘4機之大成」
其餘4機以佢做藍本設計出黎都叫做集4機大成?!
「閃電高達...(略)...可以響其餘4部機用唔到PS裝甲既時候迅速接近敵方」
"其餘4機用唔到PS裝甲" 果句應該係 "雖然(佢自己)響隱形既時候唔可以用PS裝甲" 喎...
「剩番落黎果部...(略)...我發現佢有3種武器可以替換:重炮 鐳射劍 盾牌」
鐳射劍唔係響背包抽出黎就出埋個劍刃果d咩?!
得aile有盾牌所以將盾牌當係武器...=.=

黃子華,厲害! XD
蔡少芬:「咁都比佢睇得出破綻」
那角色的腦筋很好,只是體能不好 (我所嚮往的個人特質 :P)

http://www2.hkedcity.net/sch_files/a/mst/mst-0010061/myresources/200407/185086/izak_hikaru.jpg
都說過seed那個白色頭髮的男人叫塔矢亮了! XD
給不知道這回事的人看的→右邊的是棋魂主角 進藤光

http://61.64.198.221/ukweb/ukbbs/attachments/month_0309/DqYE_12006009.jpg
古墓派第n代弟子 @@
(不明白的可以看神鵰俠侶有關小龍女睡覺的方式的部分)

http://hometown.aol.ca/mmasapulu03/200471612594361.jpg
好明顯係大陸貨!
而且一定係官方出品 (用以宣傳政治主張的產物 或者"國營廠商")

>>August 4, 2004 at 12:59:55 AM GMT+8

2004 年 8 月 1 日 星期日 【晴】

econ & bio補課

lily專登帶左本暑期作業返學校喎 @@
「搵magnitude of displacement最細果個!」
如果"displacent最細果個"唔係佢,我可能唔會咁講

(下面唔關lily事)更加混帳的是
有人提出會把問題"偽裝"成在禁斷範圍以外
你不這樣說又可以瞞過我嗎?
已給了你超過10天的時間卻不懂好好利用
反而要用一個跟自己的承諾相抵觸的方法來迫我
是否有點過分(因為前一件事)和無聊(因為後一件事)呢?

econ
3粒半鐘 = =

派左一堆notes
豬:「呢張你冇呀」<-派左5張我淨係羅到2張
我:「不如一陣你先話晒比我知派左d咩喇」
之後我舉手話缺好多
grace:「你冇邊張呀?」
我:「淨係有好大隻字既3,4同第7頁」
肥庭:「嘩,你都缺好多張喎」
grace比晒成疊我揀 @@
再過冇耐 (↓我估既原因)
　由於阿may遲到既關係
　grace以為呢行得5條友
　但係前面d人留左一set比阿may

教banking
留1%就夠?! =.=
如果有人有必要突然間羅好大筆咁點算 @@!

10點几有個工友入黎話一陣會停電
grace:「一停電就放break啦」

放break
鋤D
高軒:「嘩7 full,嘩梅花2,...」
我:「你想爆晒佢d牌出黎呀?」
terry好唔開心望住高軒 XD

同高軒去m記食lunch
佢食唔落d薯條比埋我食
走果時剩左超過一包中薯條 = = (佢冇嗌加大)

食完再返去學校
ck(同高軒講) :「頭先真係完全見唔到你喎」
聽得多呢d野覺得悶 - -

bio補課用兩粒鐘教應試技巧
控制timing 一分鐘一分丫嘛
花時間睇下3揀2放棄邊題
有邊個唔識喎 =.=

如果唔係嘈應該可以早一個鐘放 -o-

放學同richard terry去大埔廣場
因為terry想去買game
(有人話佢"買d唔係正版既碟",會唔會厚道得滯呢?)

richard帶terry行到去八號花園個k12站
真架...帶路果個係richard呀...超神奇 XD
terry淨係要去大埔廣場
咁佢係唔係可以去吉之島出面個站呢?

richard:「terry你屋企有冇ps2架?」
terry:「你話呢」
頭先terry至買完几隻ps2 game =.=
richard:「我諗住你係用電腦玩架嘛」
我:「之前聽人講過...你將部電腦upgrade到玩到ps2 game果時,用左既錢已經夠你買部ps2有凸」
terry:「我聽有個比喻仲正呀,佢話到時可能出緊ps4,ps3就肯定出左」

原來我個schedule係編左3/8開始econ?!

>>August 3, 2004 at 3:10:12 AM GMT+8

2004 年 7 月 31 日 星期六 【晴】

今朝繼續玩揚尋晚比我既laser flash game
http://laser.narr.as/
全部25關
我尋晚到第10唔識玩落去
勁難玩
今日同釗互抄答案,上晝過左17 = =

同發,魚去漫畫節
打過比禮
佢今日唔得閒,所以唔去
魚叫我12點到巴士站,我同發都係咁講
不過我遲到左5分鐘以上...

響尖沙咀m記一人買一個餐一路行一路食
我衰左...
買左脆香雞翼
仲要響食完d雞翼之前飲晒杯汽水
好彩全程都冇覺得口渴

我響尖沙咀問過魚好唔好響果度買飛
佢話過左海之後響必經之路有一間
一人買左一張飛
魚見到背面寫住乜野每位家長可攜帶一名不超過11歲之小童
「唉呀,應該叫埋周＿釗或者高＿軒呀」
我:「周＿釗而家唔矮喇喎」
魚:「佢個樣細個」
我:「佢個心好老成」

雖然響必經之路有間seven
但係會展入口依然有一堆強化系既人響度排隊買飛 XD
仲多過持票入場既人 @@
↑強化系係hunter其中一個念屬性...代表性格係"頭腦簡單"

入面太多人
所以大會架起鐵馬分批放d人入去
不斷有宣佈話某個攤位好多人,要等一個鐘先比會場入面既人入去
第3次出同一句說話既時候
我:「點解佢唔用錄音」
發:「係囉,聽佢把聲好似冇晒氣咁」
我:「佢每宣佈一次呢句野就放一堆人入去(會場)架喇」
發:「係咪架」

見到一堆玩cosplay(動漫畫/遊戲角色扮演)既人出黎
今日cosplay節目係12:30-1:30
太遲去 -o-
我認得既角色唔多,不過記得有人用鐵皮整左隻鐵甲萬能俠 @@

排隊排左大約半個鐘,終於入到去 -o-

RO(online game呀)個攤位個台上面d司儀勁派RO碟
係扔出黎比人接
又近入口
所以非常之人多擠逼

"女生宿舍"是什么組合啊
好似話其中兩個要用自由行黎香港做野
我睇份場刊上面幅相覺得佢地樣貌年齡平均25歲
佢地如果有25既,少有歌手響呢個年齡出道
冇就慘咯,廿几歲老得咁快...

離開RO攤位冇耐就唔見左魚
發提議唔好理佢
所以剩番2個人

睇過晒所有攤位
除左最大果個叫做什么日本什么mega store
即係雜賣場
響出面見到個個參展出版社既書都有

淨係對東立果個攤位發生過既野有印象
發話某套7本既漫畫佢已經有6本
佢響果度見到冇果本喎,梗係想買啦
不過有18禁既封條 <-發話本野冇18禁既內容
行到埋個counter
收銀員:「你夠唔夠18歲架?」
發:「夠」
收銀員:「身份證」
結果唔駛講都知啦 -.-

我知咩叫色情,禁止未成年既人睇果d野好合理,我覺得連出版都唔應該
以我既理解,三級暴力多數係有關當局針對某d出版社,為左打擊佢地d書既銷路而設既"莫須有"
利益關係呢樣野太複雜
想做番d有用既野就要等自己有權力先得

非常罕見咁有一個志願
做科學家,致力研究中子干擾裝置(neutron jammer,妨礙核反應用的) XD
成功之後再諗個中子干擾調解器(neutron jammer canceller)出黎食專利都唔錯 :P
根據seed既劇情
前者既影響好似空氣咁無處不在,冇可能響世界上完全消除
後者淨係對裝左佢果一部機器有效

出左會場又見到一堆cosplay既人
今次我知道登場作品既角色有一半左右 @@
著艦長身份果套衫既lacus,連隻粉紅色冬瓜都整堆 (果條友簡直影衰晒lacus)
佐為(評語同上)
有一個啡色頭髮既女仔著住套zaft軍服
同扮seed果個塔矢亮(棋魂果個係依煞古! XD)既女仔一齊
我估啡色頭髮果係除左假髮,而個假髮係藍色既(即係athrun)

我本來想帶發去碼頭
冇地圖,所以行左去地鐵站 !@#$%^&*
不過經過另一間seven
佢買左杯大自由斟,響地鐵站入閘之前飲唔晒
我買左杯細既,入閘前飲晒

考慮過響尖沙咀落車坐271
去到旺角站發話過對面月台睇有冇位坐
我:「係就響油麻地過去啦」
發:「丫係喎...唔覺佢有經過油麻地」

返到屋企
兩隻腳板酸痛得好犀利 >________________<
應該係由 支力 而黎既

夜晚繼續玩laser game
暫時既極限係入左23
根據schedule,聽日開始econ
econ溫快d就有得玩
我相信自己溫bio之前會爆到第25關!

re hrzo:
我知道一定有人看得穿那機關
不過之前沒有認為是你而已

>>August 2, 2004 at 11:05:33 AM GMT+8