2004 年 10 月 8 日 星期五 【晴】

7點几醒左...訓唔著

9點几packard bell有條友打黎
原來留message真係有用 @@
佢話個復原程式可能比病毒破壞左所以唔用得
我尋日format左一個"不明的磁碟分割"
諗諗下覺得好有可能真係自己手賤 =.=
仲要我去灣仔用$60買番果隻program既碟 -o-

細佬玩"gundam seed-奔向無終止的明天"
我又玩
一開始即刻挑戰forbidden 2分半內打freedom+justice+n隻艦果關
原來呢關都几難玩...
不過屢戰屢敗,屢敗屢戰之後終於贏左

gundam seed既登場機體我最鍾意兩部
1.forbidden
http://www.hkedcity.net/sch_files/a/mst/mst-0010061/myresources/200407/185086/forbidden.jpg
出於對鐮刀既偏好 <-不過鍾意激光既多d,即係w果3代死神高達
同埋佢有無敵防禦,實彈同激光乜都擋晒
勁唔鍾意變形之後果個怪頭! 勁樣衰 -.-
2.justice
http://www.hkedcity.net/sch_files/a/mst/mst-0010061/myresources/200407/185086/justice.gif
兩把激光劍可以響手柄果度駁埋,駁埋果把劍好型,好襯佢
雖然freedom都有兩把駁埋既劍 (而且隊死最後大佬providence都係用果把)
但係我始終覺得得一邊既劍比較襯freedom
justice踩住個飛行板比揹住舊野好睇好多

人物我最鍾意兩個
http://animeinfo.liful.com/images/large_gundamseedD.jpg
1.阿斯蘭 (右起第二個)
我睇動畫不嬲都鍾意第二主角同埋棄暗投明既人多過鍾意主角
佢兩樣都係
2.lacus (左邊果個)
超靚!
將佢當一個人黎睇既話,我數唔出佢有咩缺點
不過真係完美得太過unrealistic
16,7歲可以搞政治發表咁多反戰演講已經唔合理
我覺得一個女性要當得起 "女神" 呢個稱號既話
"靚" "心地善良" "女強人" 都係不可缺少既條件 <-我冇話得呢3樣野就夠
而lacus就係(圖入面果件衫係佢做第三勢力大佬果時著既)

今日都出續集destiny
唔好再回顧喇
希望4大主角唔好越講越爛 =.=

接龍新紀錄!
53秒完成,13875分 ^________________^v

補習
alan:「中一氧化碳毒死得好靚架喎,大家有冇試過?sorry,有冇見過?」
我真係想同佢話自己有試過 XDDD

同高軒講自己部機近几日又中多几隻毒
高軒:「可能併發症黎架」
一個几好既猜測...XD

一返屋企媽即刻話jeff打過比我
miss tong(小學老師)約我地出黎喎
2:45 大埔墟m記等(收線果時差唔多2點半...= =)

原來miss tong帶我地去佢個教會 @@
正合我意哩 ^^
我一直想返教會
而且想有一個識既人帶我去
(當然正統係最緊要,所以張太几次叫我去 "耶和華見證人" d聚會我都冇去)

jeff同miss tong講之前同田田拗分果單野
佢對田田講過呢句野好深刻:「你咁做嚴重影響我既形象」
我記得發惡先果個係田田囉
所以影響形象果個係佢自己唔係jeff
miss tong差唔多每聽一句笑一輪 @@

知道左佢同小學個校長不和既真相
我覺得帶學生去教會冇問題囉,只要唔係強迫 <-miss tong唔會去強迫d學生掛

有個細路好自豪咁講自己f.1,2比人記左勁多缺點
佢間學校冇交功課之後老師催都唔交即刻記2個
上堂駁嘴都1個
↑嘿嘿嘿嘿嘿...如果mst有條咁既規矩,我肯定自己唔會識到kooby同cyrus呢兩個人 XD
(f.3-f.4既暑假果時我連有兩條友叫胡潔華/區永恆都唔知)

原來佢星期六下晝既聚會係少年團契黎
睇一個聖經古仔
耶穌12歲果年佢屋企(成個家族)去耶路撒冷過逾越節
返去果時失左縱
最尾佢媽發現佢坐響一堆(經學)教師中間一路學野一路問佢地問題
周圍個個都好驚歎佢叻得咁緊要

佢講最keyword果句經文:"(耶穌講既)我當以父的事為念"
無論咩事,只要同信仰有所衝突(例如父母叫你拜神燒香)都應該以信仰為優先
嗯,理應如此

掛住打機...
本來諗住今晚做paper 3結果冇做到 = =

幫jeff打文
743字,8分鐘
即係大約每分鐘93字
乜我打字速度起伏咁大既?!
頭先jeff同miss tong都有講過打字呢個話題
miss tong隔離個師奶話用速成冇可能快過倉頡
我同jeff都提出反對
嘿,這雙手用來打字是principle of absolute & comparative advantage哩

re co:
近排好多人留言 @@
你計準左唔夠1000字先post上次個留言架? XD
大部分發生過既事都打晒落去係我個人風格! :P

re 柳穎璇:
我用得著把你每一篇日記的每一個字都copy&paste過來嗎? -.-

re owl:
講得好丫~
我一直覺得hunter念屬性test果個網將強化系同特質系撈亂左
應該加分去強化系既答案加晒特質系,and versa vice
柳穎璇自稱得到個結果係特質

>>October 10, 2004 at 3:21:01 AM GMT+8

2004 年 10 月 7 日 星期四 【晴】

入課室一坐落自己個位區佬即刻問我借phy hw抄
比左佢
勁細聲講(冇expect任何人會聽到) :「唔係好想借比你」
說到底,是我沒有"當眾翻臉"的勇氣吧
是害怕有後果嗎?

在日記裡只能用手罵人,真不過癮
一定要找個機會用口!

有一題畫左XYZ 3個sound wave出黎,問邊几個一樣咁大聲
個個人做果時都覺得三個一樣,但書個答案淨得XY
唔記得邊個根據呢個答案作一個解釋:「Z果個amplitude真係細少少」

bobby:「書個答案都話XY咯,咪XY囉」
我覺得佢既本性唔係咁
負面睇可以話佢不求甚解
但時代進步,咩都講求economical
好似bobby咁樣慳水慳力咪几好

jacky話進進本書個答案係XYZ @@
呢個出版社真係廢 -.-

派左張旅行通告
進進問邊個有海洋公園全年入場卷
全班得brella一個舉手,比人笑
但係進進話yypang同豪汝蘇汝豪有果時又冇人笑果兩個
好明顯有人形象好低b先會比人笑 XD

grace真係好恐怖 = =
響度講點樣防範算計佢老公同佢屋企個工人
佢同鄰居各自keep對方個工人既passport <-之前講過

仲要每年改一次遺囑
「呢d野真係冇人知架喎,容乜易行出街比個招牌責死架...(略)...
　渣得架車出街就預左會出事架啦」
miki:「行得出街就預左」
我:「一出世都預左」
我就快16歲,寫定都差唔多 XDDD

佢話就算佢老公既遺囑係比晒d遺產佢
佢自己果份都唔駛100%比晒佢老公
我覺得咁樣某程度上合理架
grace話過佢自己份身家大過佢老公果份架嘛 @@

「咁又點」
為左討好任何人而改變自己既行動…
係一件好虛偽既事
我最憎係虛偽!

double amaths
kfc話amaths計limit淨係用兩招就得
我諗起射鵰英雄傳既郭靖打唔知邊個果時講既野
「我只用這一招就足夠應付你了」咁上下啦,金庸作旁述話佢咁樣暴露自己"得一招"呢個弱點
其實唔難,係多野寫(容易寫錯)o者~

英文堂繼續做paper 3
份卷第一頁話建議我地用40分鐘做task 1,20分鐘task 2
kooby話出卷果個多數係預我地50分鐘task 1 10分鐘task 2...=.=

賢話我日記冇野好睇
因為我講既所有野佢都知
就算同周圍d人講既野都係,因為佢坐我隔離 @@

進進好清楚第6堂phy第7堂form period,仲一上堂就講明
但係佢又即刻羅份海洋公園既唔知咩野出黎 =.=

去海洋公園要做phy hw
用data-logger計過山車/跳樓機/海豚既motion...-____________-"

kooby:「我想睇海洋劇場呀」
我:「你知要做功課就即刻唔想睇啦」

我同miki,bobby各講過一次:「可能淨係黃源進教果兩班要做呢樣野」
估錯左

進進一話a班全部人強制做,b c班optional
kooby即刻勁大反應
support kooby again!
去旅行果時做功課真係勁煞風景 -.-"""
而且得一班要做其他班optional好唔公平
(win-win solution:a班都optional,lose-lose solution:b c班都強制)

我覺得如果全班有30條友唔做果樣hw既話黃源進吹我地唔漲!
或者,負責幫進進帶部相機去既jacky唔帶
(jacky,這就拜託你了,此舉對全班的人都有利呀!)

lunch at大埔會展
毛韋淇帶住我地兜几個大圈先決定響邊度食 -.-

jacky今日講過唔同ck拗無聊野,食野之前又拗餐飽 =____________-"

assembly
同一首詩唔知唱左几多次
之後mrs lam話明最尾一次再唱過 =.=

有人話唔鍾意比人嗌全名
我就係知道柳穎璇會響人海裡面搵我出黎之後睥住我 XD
今朝早好細聲話唔想借hw比區佬抄果時既眼神
同柳穎璇響assembly見到既一樣

大鄺sir既chem補課係比人問書?!?!
唔去喇 = =
高軒:「要問書打電話(alan cheng)都得啦」
我:「聽日都得」

我同高軒講細佬d英文語譯做得點差法
高軒:「整篇論仁論君子比佢嘆下囉」
我:「johnny(仲尼,鬼佬真係咁叫佢) said...咁呀? 死喇,仁同君子已經唔識譯,呀,good people囉」
高軒:「喻於義呢?」
我:「義呀...即係正義啦,justice囉,good people think of justice,err...small people think of...」
高軒:「sh_t! 仲要small people!」

返屋企
整電腦
backup晒d重要既野落cd-r
rono send左個防毒比我
scan whole computer for virus,搵到1隻virus同4個咩咩undesirable xxx,清晒
勁感激rono...
我係女仔可能會以身相許 XD

想裝金山毒霸破解版(正版要比錢,連xx-day free trial都冇)
但係裝果時見到勁多亂碼字(原本應該係簡體)
算喇 = =

jeff叫我幫佢打作文
我問佢係咪睇左我日記
真係 @@
唔緊要喎,我專心既話15分鐘內一定打完 :P
又可以練打字

想用買機果時裝左響電腦入面既restore program將部機入面既野還原去買果時既樣
但係唔知自己記錯左要禁邊粒掣定係個program失靈...
打去packard bell已經過晒辦公時間
電話留言度留左個口訊,不過預左佢唔會覆我

我同JK講自己開唔到個restore program既事
話好肯定係要禁某一粒f掣,衰自己唔記得係邊粒
佢即刻話f11 @@ <-我印象中都係

柳穎璇日記:
　集會時，當說到不喜歡被人喚全名，我立刻斜視dANNY,
　我估計他看到了我的反應，然後他就奸笑起來。
估o岩左喇~
我既留言:
　喂
　不要胡說呀
　你在我那裡曾經留言
　"第一次見到你打我的全名...(略)..."
　我回覆說自己認為你想我以後每當提起你都打出全名
　你又不曾推翻那句話

聽朝再試一次!
而家已經事在必行,因為有病毒食緊我harddisk space
唔想拎去比人整
因為一定要超過一日
會唔記得發生過咩事打唔到diary

rono個防毒響我部電腦唔知出咩事用唔到...
開任何一樣野佢都即刻話咩野程式必須關閉,閂左個auto defence

>>October 9, 2004 at 3:22:09 AM GMT+8

2004 年 10 月 6 日 星期三 【晴】

見到黎俊傑
「你果袋咩黎?」
我:「pe衫囉」

黎俊傑:「一上到f.6就好得閒」
o下?!

一入課室見到成堆人響度抄尋日派既屍變題...
阿唔好意思,係思辨題
(張野既title寫住"孔乙己 范進中舉 思考題")

jeff好卑鄙!
問b班借model ans抄 -o-
份ans果5個point(答2個就得)有一個絕對係砌生豬肉
叫人自己作point答野就唔應該有model ans啦 -__________-"
我承認自己睇到model ans之前唔識寫"舞文弄墨"d咁深既字 =.=

terry比周sir叫答問題
之後周sir話佢好君子 @@
唉呀,周sir比terry既假面具蒙騙左喇...XD

咩話?!
淆底係黑社會術語?!
理佢丫
而家約定俗成個個都咁講就唔黑社會架啦

周sir叫作文70分或以上既人打篇文落電腦send比佢
我提出想幫賢(o岩o岩好70) :P

上完中文堂,ck同jacky勁響度拗d唔知乜野,勁大聲
bobby好似撐緊ck
我同高軒覺得好煩所以出左課室
小息都過埋,果三條友好似唔知道咁繼續雞啄唔斷 =.="""

winnie禁住耳仔唔想聽ck同jacky嘈
之後唔知問tony乜野
o下?!
咁佢聽到tony講咩架?

英文堂做03CE paper 3
勁多野跟唔到
肥西問駛唔駛再播一次,勁多人話要 = =

我差jacky $15
jacky差jeff $5
jeff差我$42
約簡佢,我差jacky $10,jeff差我$37 XD

ck同jacky又唔知搵d咩野黎拗
ck:「我唔會向現實屈服!」
jeff:「而家你地一定要向武力屈服!」
高軒:「唉呀,一係斷手一係屈服喇」

chem lab
田田做demonstration
搵張橙黃色既唔知咩紙塞落個test tube變左綠色
我果時睇緊
「o下?」
田田:「你冇野呀?」
佢講完我先知做咩事 @@

柳穎璇問我要用咩username login bio department
我:「你用我果個丫,返去改password做123456」
柳穎璇:「你係咪真係改?」
我:「好呀」
嘿...

玩隱形墨水~
用dil.H2SO4響紙度寫字之後烘乾會有黑色
田田比左疊日曆紙我地
我同賢一人羅到一張11月唔知几多號
賢:「我要10號呀」
係喎...
結果賢搵唔到,我就羅到10月28 :P
thx ceci~
再響剩番果疊入面搵左張8月25比朱~

我寫左"bday~"
朱寫"生日"
賢寫"yin",用左勁多墨水,搞到其他人既紙都比佢店到少少

嗯
10月28果張要留為紀念~ ^^"

miki佢地几廿個整左勁多
贈左 "君子" 同 "偽君子" 兩張比terry
仲烘左張"科學求真知識救港"出黎,上面畫左曹宏威個頭形

lunch
蔡潤記
bobby冇帶飯所以跟埋去食

bobby見高軒落醋落得咁開心
佢又加左大量落自己碗野度
小心會變瘦或者變矮...XD

miki:「喂肥庭,不如開漫畫班教人畫曹宏威咯」
肥庭:「開你老豆,我都唔識畫」
我:「咁肥庭比錢潘煒延教你畫囉 XDDD」

bio
講DNA
後半堂真係眼訓得滯,頂唔順訓著左
佢都係照書講咋嘛

賢再同我提起幫佢打作文
好呀~ @@

PE又跳舞...
跟錯晒d舞步 =.=

用hockey玩馬騮搶球~

rono:「搵左人整部電腦未呀?」
我:「仲未呀,几日都唔記得打去 =.=」
rono:「上次放學提左你啦,(我都想講呢句→)今日又提一次啦」

返屋企未到4點
搵左一輪先搵到packard bell個電話
大約4點-4:05打去
4點半後至聽到一把唔係錄音既聲
p.b.真係維持一貫作風喎 =.=
3月尾4月頭已經係咁,到而家都冇變 -o-
佢連byebye都冇講就收左線
如果唔係我一定會同佢提出"唔知你太少客戶服務經理定係太多人打去"
果條友話關virus事,叫我format
但係我有4-5gb既野...

11分鐘搞掂賢果872字
速度退步左 @@

細佬又做果d語譯功課
中文:你買了多少排朱古力? <-唔係"巧克力"咩? =.=
佢寫:how much did you buying chocolate? <-最尾個字佢唔識串,問我既
混帳...

rono send左個防毒比我
剷norton
我禁錯一個掣搞到佢次次都走去剷一個xp強制開既program(當然剷唔到)
一定要用系統還原 = =

http://clubdcdv.com/cms/modules/Gallery/albums/albvh57/953_G.jpg
後面果隻狗唔好彩...

http://img5.imgspot.com/u/04/247/04/clipimage007.jpg
干什么?!

>>October 8, 2004 at 8:51:07 AM GMT+8

2004 年 10 月 5 日 星期二 【晴】

見到derek
我:「cyrus響果面喎」
derek:「o下?!乜你咁眼利既?!」
我:「我每日行到果度都會望過去睇下有冇熟人響度」

我:「睇沈皓婷個日記話你本暑期作業度寫左d咩野比kfc發現左喎」
derek:「係呀」
我:「佢改簿定上堂果陣發現架?」
derek:「改簿果陣,佢響側邊用紅筆寫naive呢個字唔係咁用」

derek今日冇羅錯張影印咭出黎拍個讀咭機喇~ @@

返到課室,勁多人未做maths hw
婷坐左我個位抄賢果本
我(暫時坐住孫樂庭個位) :「等孫樂庭返黎你至走囉」
孫樂庭返左黎
「get away!」
婷好似好可憐咁...
想拎埋賢果本走
賢:「我都未做完呀」
我:「我果本響derek度」<-諗住叫佢抄我果本 @@

econ
grace話教左咁多堂書好悶,比past paper我地做
有一題"money would not exist if ...(略)..."
正確答案:C.there is only one man on the earth
A B D都肯定錯,唔表示C係o岩
佢又冇講世界上有几多個女人...XDDD

差唔多落堂
grace:「搵d econ既新聞講下」
今日中文背默論kai子,賢仲未背
所以我同賢講:「拿,講econ野喇,聽佢講既opportunity cost大過背書既opportunity cost」

我"ut"緊自己坐果張凳,想ｉ落miki張台度
咁o岩佢拉後張台
嚇死!!!
好彩我及時搵隻手禁住佢張台 @@!

amaths
bug講得唔o岩喎...
kfc照顧既點止成績好既學生o者
ck都繼續公然訓覺啦~
其實我都冇乜興趣聽書 :P

好似係第一次中文背默滿分 @@

周sir派左張ws
佢話某年慈禧下令改革科舉既syllabus
要考埋中外政治歷史同藝學,廢除八股文制度
之後有個主考官知道項羽同拿破崙都係好勁將軍而且兩個都係打敗仗
就出左一條試題"項羽拿破輪論"
有個考生唔識外國歷史,一開筆咁樣寫
「夫項羽,拔山蓋世之雄,豈有破輪而不能拿哉?
　使破輪自修其政,又焉能為項羽所拿者?拿全輪而不勝,而況於拿破輪也哉?」
笑死我...XDDD

周sir打既test參考答案最尾一行錯左隻字
xxx花的氣劫與動態
睇佢咁樣打錯字就知佢用咩輸入法(倉頡) XD
我:「"勢"字速成點打架?GS乜野?
　呀...你兩個都用倉頡,唔o岩channel =.=」
brella:「佢(指住柳穎璇)用速成架」
我:「咁點打架?6定係空格2?」
柳穎璇:「點解要空格既?」
我:「第2頁囉」
喂,用慣速成打字但未禁過空格果個
dl3,pc7,mo 3個空格 2 就打到你個名架喇

尋日bio test果兩張一樣magnification既X-ray photo
一張多d白色一張多d黑色,問邊個容易出現骨折
真諷刺,志願當醫生的柳穎璇 @@

陶問ck借phy book 2
我:「你一日帶几多本書返學架?」
陶:「我長期擺晒響學校,呢本就成日響屋企」

amaths
賢訓覺
佢醒果時我做緊section 13.3既practice
「嚇死,以為佢教緊13.3」

我:「差80分就破到你響資優仔部手機個紀錄 -o-」
(個位數一定係零,我果次同佢既紀錄差70)
bug:「你破到先算啦」
我:「佢踢走左你几個」
bug:「我頂!」

怒我淺陋
我今日先知原來魚香茄子既魚係鹹魚黎 = =
勁難食 >_____________<

響課室聽到d "快被遺忘的聲音"
事後真係覺得果三條友几恐怖下...

thx jacky話我知greedland bbs個網址~ ^^
金田一第7回一早出左 !@#$%^&*
尋日出左hunter 222(221回最尾佢話要出外取材,取左個几月)
之前見過一個forum入面有個人話決定唔再等落去
一個月之後上去一次過睇晒新果d
真係遺憾,成個月出得一回咁大把 -.-

rono:「玩唔玩?我拋高個銀仔你接」<-響走廊最出面既地方
我:「唔好喇,我接野好渣」

英文
肥西派quiz落黎叫我地幫隔離果個改 =.=
賢:「原來danny響呢part羅分 @@」<-mc gapfill

phy lab
朱斤佢地懷疑英文quiz究竟計唔計落成績表個分
其中一個原因係肥西叫我地改
唔記得邊個講:「隔離班全部都係老師自己改架」

試每個人既audible frequency
聽到最高音既係朱(~18k Hz)同brella(~19k Hz)
進進真係水皮...XD
~13k Hz就聽唔到

進進:「水管入面充滿水」
講黎解釋成條circuit每個位置既current都係一樣
水管未打開前是沒有水的哩
剛剛打開的短時間內也有很多地方沒有水 XD

真係越黎越覺得果條友個樣好乞人憎
果d唔係生得醜樣咁簡單,係相由心生
未試過憎一個人憎得咁緊要
想知係邊個可以私下問我
我可以講明佢係男既
不過唔好亂估,因為妄下定論真係會死得人

威問我電話號碼
唔記得邊個喇,好似係釗
話我成日比人問數既其中一個原因係電話號碼易記 =.=
我知另一個原因,長時間online !@#$%^&*
幫威寫埋個人資料響佢本schedule
我:「行動電話?我冇喎」
威:「好快就會有架啦」
我:「我想開手機架,之前爸媽都同我提過」
而家我覺得開左手機就多一個聯絡既方法 =__________=

路經圖書館幫婆婆借左本書 <-佢之前叫我得閒去喎
返到屋企,婆婆話果個作者d書好睇喎
亦舒 @@

響街市見到阿媽同另一個師奶企響度傾偈
我細個(5歲或以下)有跟過阿媽行街市買 食送 架
但係跟得一排見阿媽成日見到識人就傾唔夠半個鐘都唔走
就唔想再去喇 - -

夜晚
媽話懷疑自己有糖尿病
!!!...
爸話媽樣樣野都驚有毒不如咩都唔好食 @@

細佬要做10題將中文句子譯做英文
做到去第6題果時我發現佢第6次問我野 =.=
我:「你題題都問既?!」
細佬:「我題題都唔識丫嘛」
即刻唔想教佢 -.-
講過好多次,專登唔肯用腦同真係唔識係兩回事
而細佬好明顯係前者

要慎言哩…
說得不清楚就會讓人誤會了…

阿媽傾電話傾左成個鐘,但係咁都唔緊要
緊要既係佢響房入面傾,望實個電腦 = =
佢睇住真係咩都唔做得...
玩左半粒鐘接龍,見佢仲唔走唯有直接出聲 - -

食香口膠食到咬到條利 !@#$%^&*

re 威:
我有諗過輪到我果組day 3做presentation果時比你地睇果d網址架~
當然係響呢度搵 :P
所以之後又覺得唔好
因為同班都好多人睇我個日記 @@
淨係我肯定既已經10個,成班既1/4

http://life.women.sohu.com/humor/cartoon/4090.jpg
呢隻朱(@@?)真係好過癮 XDDD

http://btzone.no-ip.com/attachments/month_0408/iPvK_q2y5TKprvfykdQ==.jpg
老麥什么時候變成宗教信仰的?!

>>October 6, 2004 at 3:23:48 PM GMT+8

2004 年 10 月 4 日 星期一 【晴】

返學途中見到朱
再行一陣見到彤
「朱同佢個妹響後面喎」
佢望過去
朱好似仲未行到去個角位,所以見唔到 @@

舊年每個cycle day 3班主任時間有3條友要負責做書介
今年3/4/5個一組做任何形式既presentation
一開始果組係kerry ellen carmen becky janet
carmen:「一陣有test,我地講d無聊iq題比大家輕鬆下」

「小明響考試出貓,咩都抄足晒佢隔離果個,但係點解隔離果個滿分佢零分呢?」
當然大家都知道初版既答案
進進:「我地學校中一隔離果個中二黎架嘛」<-唔知點解要安排得咁奇怪
嘿,還有一個可能哩
文理科班考緊唔同既野
有一個c班既人抄隔離果個d班寫既野or versa vice
(↗ex-3c既人知最尾兩個字邊度黎掛? XD)

「咩花最唔抵買?」
威:「呢個我知呀! 係霉貴」
又霉又貴 XD

進進又玩除43叫人答問題
2004/43
佢叫我計...
我好似禁錯左2003 = =

進進行過derek個位
好隨手咁閂埋佢揭開左既bio書~

原來0.03A既current已經電得死人 @@
基路亞細個果時一定係日日比人用0.029A電佢 XD

lily誇張化模仿一個人既語氣聲線講野
估早餐響課室門口出面,居然比我估o岩左 @@!
(望向lily之前我仲以為真係早餐架,大家睇我几失敗 /_\)
唔係好似前兩日咁毫根據亂估,係推測出黎

周sir派番之前做果几份依指示改寫/簡短寫作
唔計分果兩份係自己平時羅開既分數
計分果兩份就唔知做點解會勁flexor !@#$%^&*

「有d同學寫"死者已經死去",咁同"脆得黎又唔淋"有咩分別o者?」
我:「(同bobby講)肥得黎又唔瘦...呀,矮得黎又唔高」
周sir話人死不能復生係其中一個o岩既答案
「死者不能蘇生」XDDD

bio test
leo派左份卷落黎就開始計限時半粒鐘
"according to my clock,it's eleven thirty fives"
這傢伙的腕力是不是有點強得驚人呢? =.=

之後話有d "typing error"(賢:「串錯就串錯啦」)
kooby講左句野,總之同"改2個錯食左成2,3分鐘"有關
老實講,我不嬲唔妥佢咁樣大聲講野
但係今次我覺得例外,因為佢講出黎make sense同埋有建設性
leo冇補番時間比我地係另一回事

有條mc問舊骨邊度最硬淨
我用一舊斷左既雞髀骨黎諗 @@

唔補時都唔緊要啦
11:05交卷,我11點前都搞掂咯

前日響科大影相果時kfc幫我拎住份場刊
之後佢唔記得比番我(其實我羅番都係扔...)
今日比番我果時bobby搶左去
睇黎做咩o者,佢至多咪搵到兩個識既人名 =.=

放學
rono話遊戲王遲d仲有張變態過最初果張結界既"三重結界"
「今晚post張野比你睇丫」

join co 蔡榮 仲有個唔知邊個
行坑渠蓋
我:「好似好危險」
果個唔知邊個:「唔危險」
我:「如果你同我一齊行咪危險囉」
又係頭先果個唔知邊個:「行到金屬疲勞就跌落去」

細佬返黎話自己今日遲放學
鬧阿媽冇幫佢錄寵物小精靈 -.-

黃慧中個日記:
　派ｒｅａｄｅｒ　睇．．．
　ｍａｔｉｌｄａ．．．
　咪唔知幾時家姐．．同ｄａｎｎｙ　都有睇過ｏ個本～
諗起遊戲王入面海馬同貘良(闇人格)既對話
海馬:「我記得使用那張xxxxx是要扣掉自己500生命值的吧」
貘良:「哼,這種小事你倒是記得很清楚」<-我icq同佢講underline果句

rono post左果張三重結界響佢個diary
「佢好似畫少左隻手指」
覺得呢句野好過癮 XDDD

http://mygb.myftp.org/discuz/attachments/ZuaD_av8fq.jpg
個BB好慘 @@

http://www.e-gameclub.com/database/topic_image/{9C2E039A-6C7F-4141-A65F-9E43C0978BCD}_01.jpg
leo既腕力可能有得同佢既踢擊力匹敵

http://btzone.no-ip.com/attachments/month_0409/pIAA_12_9606.jpg
比佢「佢地鬧我阿媽...(略)...我向董建華示威要拉架」果句誤導左以為佢真係好可憐
諗清楚
怪都只可以怪佢言行過激

http://home.pchome.com.tw/boy/stupidpeoplepic/untitled.GIF
超人(地球防衛隊隊員變身果d) made in hk @@

http://bbs.mdjinfo.net/attachments/month_0408/FmY7_2.jpg
http://bbs.mdjinfo.net/attachments/month_0408/KoIm_snap0184.jpg
打人果個係比斯姬
第一幅圖比人打果個係基路亞
雖然睇hxh ova3動畫果時都睇過
但係而家再睇都覺得好過癮 XDDD

>>October 5, 2004 at 2:34:11 PM GMT+8

2004 年 10 月 3 日 星期日 【晴】

阿媽叫我著多件冷衫返學
我覺得著背心就夠
點知
返左學校行到上5樓見到側邊既derek先發現
自己原來出門口果時唔記得著多件衫 = =

佢地話derek響某一日既young post出現喎~
真係想睇下 :P

比課室d冷氣吹到勁凍 >______________<

英文
肥西用powerpoint教唔知乜野
"i think it is simple and u can easily understand"
賢:「知就好啦」
講得好! XD

肥西叫我地講d人既personality (uncountable nouns)
我好細聲講honesty
佢見冇人答就問一句:"what is the personality of an honest person?"
賢:「嘩,你戴左千年首飾(遊戲王入面戴左就可以預見未來既神器)呀?!」
喂,再咁落去我真係會以為自己識預知未來架喎 = =
↓好似有d唔正常
不過我真係唔希望自己有一d普通人冇,超自然既特殊能力
引申出去:天才同庸才之間我比較鍾意庸才

肥西:"do you know how to spell pyjamas? p,a,...?"
區佬:"py"
肥西撲通一聲跌倒在桌上 @@

講左十几廿次"read my notes" =.=

那件事…
可不要讓我預知得準啊!!!…

bio
leo話病既時候咳流鼻水發燒果d所謂"病徵"全部都唔係pathogen做既
係免疫系統搞出黎,目的係加強對抗pathogen既力量
西藥做既野就係禁低免疫系統既影響,拖長病既時間
好多死得人既病例如沙屎,都係因為白血球攻擊身體細胞
(我響停課果排已經上網睇過有人講沙屎點樣殺人,話「想死快點就加強免疫力吧」)
↓我體會到這句說話的意思了
「擁有強大力量的人的弱點就是力量本身」

開左學一個月多少少
leo已經教完4個chapter...=.=

周sir話台灣人好迷信
有隻唔知咩賭博佢地見人地遇到咩事中左獎就走去學人
仲話比果d人中左一定會好似范進中舉咁樣痴左線

lunch
又去大埔會展

我:「你日日都黎呢度架?」
黎俊傑:「係呀」

4條友都飲凍奶茶
得高軒一個異類話飲凍華田 @@

行過5b課室見到訓覺訓得好頹既rono @@

grace:「呢6個男仔點解咁嘈既?後面果兩個無辜既唔關事,邊個罪魁禍首快d認左佢」
jeff:「我一路訓緊覺」<-光明正大咁講呢句出黎...真係串嘴 - -

派番本phy hw
周圍d人o岩晒但個個都B+或以下
我錯一個答案A-
証明唔完美先係好 ^___________^v

放學見到有3個人響我一段距離既前面
其中我唔想見到既有兩個
所以放慢腳步希望比佢地拋離
佢地都几威架喇,要好少行得慢既我專登行慢d去避佢地 XD
不過去到好乞人憎果個紅綠燈位都係避無可避 =.=

一開機見到"你有10封未讀郵件"
9封係無聊野,剩番一封係showhappy通知我有人響度留言

釗係咪眼大睇過龍 =.=
你copy果句既上一行我咪引述左rono話遊戲變身之後高左好多唔make sense囉 @@

http://www.winning11zone.com/viewtopic.php?t=20515
嘿
真有趣哩…

>>October 4, 2004 at 11:31:22 AM GMT+8

2004 年 10 月 2 日 星期六 【晴】

玩mud禁錯左d野搞到勁大鑊...!@#$%^&*
　takeout gold <-應該係takeout 5 gold,咁樣打變左將銀行所有黃金羅晒出黎
　OK.
　※ give ying gold
　瑛姑看著你會心地一笑。
　你拿出一千二百六十九兩黃金(Gold)給瑛姑。
咩叫"會心地一笑"呀 =.=
收左我千几兩黃金應該笑到合唔埋嘴先o岩啦 -o-

今日係一堆資優課程既證書頒發典禮
正式既典禮2:30至開始
d學生就要11:15晨咁早去綵排 -.-

見到一架74x響路口
我張八達通唔夠錢,所以要去seven增值
勁好彩喎...
增完值架74x行左出黎
我追出去(當然唔係行斑馬線)
好彩果時有十几廿條友排緊隊上車
如果唔係我實趕唔切 @@

好耐冇睇roadshow既鈴聲推介喇
個零月到啦~
「kelly呢首歌真係講得出手機未來既變化呀,第4位"前所未見"」
遲d手機可以入子彈當手槍射人搞到平民唔用得呀 XD
「打機果時用分身術可以應付各方面既敵人
　但係攻擊敵人既能力就會減低,大家會點樣取捨呢? 第2位 joey既"分身術"」
証明佢打機唔夠pro啦
有d招係一定要打晒所有方向架嘛
咁分身咪會射死自己? XDDD
嘿...ella說的比喻真有趣,但更有趣的還是歌名

響彩虹村轉車->91
有張凳下面有d雞旦殼同旦黃碎 -.-"
奇怪既係之後我見到有個人想坐果個位
見到雞旦碎即刻行後一步,猶疑一陣又坐落去

簽到果時見到果次響荃灣發現我地玩啤牌既人 !@#$%^&*
佢話過會認住我地既名同樣...
即刻要dup低頭 = =

資優仔遲到喎~

佢轉左去果間國際學校讀d野淺過香港正規學校好多 @@
原本以佢既年齡應該讀year 10既
(小學=yr 1-6,中學=yr 7-唔知几多,yr 10應該係form 4)
但係因為佢考過GCSE O-level(相當於HKCEE既考試,不過內容淺好多)
所以跳兩級,一入去即刻yr 12
資優仔:「不過佢唔係淨係睇你成績囉,仲要睇埋社會服務呀果d野」

佢帶左本maths textbook去做功課
本書入面條條theorem都淨係就咁寫條式出黎唔講點prove
真係唔知香港同外國邊個先係填鴨式教育囉 -.-
某個chapter響度計y^3 * y^5呢d無聊數
之後果個chapter即刻differentiation =.=

隔几個位有個人拎左本bio textbook出黎溫
我認得佢揭去果頁係ch.19解釋飲多水飲少水對d尿有咩影響,所以知係bio :P
我:「嘩,駛唔駛咁勤力呀」
朱親口講過自己都係呢種人,出去食飯都會帶埋功課去做
......= =

資優仔:「我一個月$1000零用錢,今日o岩o岩出糧,得張$1000響銀包」
我:「有米...」
資優仔:「夠我每日搭車食飯架咋,返學一程$11,星期六又要出街」
我:「我星期六唔駛出街(指唔會出街玩)」
資優仔:「上晝要去中環(學整lego機械人),下晝荃灣(imo training),之後又要去沙田(補英文)」
除左"11號"(:P)之外我都好少用交通公具
所以資優仔減晒交通費之後都同我差唔多架喇 @@

有個人同我地解釋羅獎果時要點樣
「我中文唔好,可能讀錯你個名第一個字,咁多數都係你既
　錯第2個字都仲可能係你,錯埋第3個就一定唔係你喇」

一人羅一張紙跟號碼排位影相
資優仔45,我46
我地見到後面d圖案懷疑d紙係由一張大紙剪出黎既
問前面羅住43 44果兩個
真係 @@!

12:30食lunch
資優仔:「上次黃慧中佢地黎呢度羅獎話有個地方d野勁好食」
我:「又有飯堂又有canteen呀?」
(原來記錯左...科大係分左canteen同餐廳兩個地方 @@)

我猶疑左勁耐唔知食乜好 = =

資優仔:「收唔收1000蚊紙架?」<-之前煩左呢樣野勁耐唔知點算好 =.=
收銀員:「收,點解唔收呀?」
又一次証明"擔心"呢兩個字既存在係多餘既~

買左罐奶茶黎飲
個罐勁重,飲極都以為仲有 =.=

食完lunch仲有個几鐘先要返入個演講廳
響唔知邊度(室外,出面好好風景架 ^_______^)
見到有一男一女坐響一張長凳既兩邊,有咁遠隔咁遠
個女仔就係頭先好勤力拎本書出黎溫果個
第一個念頭覺得呢兩個人應該係唔識既
之後諗下,佢地係唔係詐唔識既呢? XD (應該第一個念頭o岩)

借資優仔部手機黎玩祝玉全(佢響top 5紀錄係打呢個名)同資優仔之前成日鬥玩既game
資優仔:「我日日返學玩先破到兩個祝玉全」
我:「o下?!日日返學玩?!」
資優仔:「係返學途中玩o者」

返入去吹水廳 <-我覺得演講只係一個比較pro既term,近義詞:吹水
上次捉到我地玩啤牌果個:「你地遲唔遲d呀」
2:2x咋嘛...
唔係2點半之前要入去架咩? = =

科大個唔知錢校長/前校長/錢副校長/前副校長發表吹水(正統名稱好像叫致辭吧?)
佢話科大有四五百個世界知名既教授 <-你地話咁樣唔係吹水係咩丫 -.-
資優仔:「唔知佢記唔記得晒果"四五百個世界知名既教授"既名呢?」

唔知咩咩校長話要6個a入大學6個c出番黎喎
curiosity,creativity,commitment等等,其餘唔記得

繼續打機
一有人行埋黎即刻收埋部手機以免比人發現 @@
試過兩次爆晒4關架
一次36750(排第5果個祝玉全37450,差70先贏到佢 -o-)
另一次33xxx
連續禁錯几個掣搞到game over
祝玉全話我冇打機天份真係冇錯 = =

輪到我同資優仔上台
我羅左張獎狀之後唔記得左要4條友拍埋一齊同嘉賓影一次相
有個人攔住我叫我埋去台中間先記起 @@
行返上去果時kfc笑我 - -

要去大合照,差唔多離開吹水廳果陣又有個唔知邊個話要加多2個c
critical thinking同另一個唔知咩
(一個講6樣一個講2樣,我打住機咁聽都記得一半,算好架喇 :P)

影完大合照,梁sir叫我地羅番張cert影左一堆相擺上學校maths department個網
資優仔:「唔知我仲算唔算係mst學生」
梁sir:「你永遠都係」<-比我係資優仔真係會眼濕濕...雖然淚水未必會流出黎
kfc:「得閒記得多d返黎探我地喎」
資優仔:「我會架喇」
kfc:「呢個(講緊我)就成日見到喇」

資優仔問佢爸可唔可以車埋我去其中一個方便既巴士站附近
所以我就去埋canteen等佢地
佢堅持請我飲野,飲左杯紅豆冰
佢見我羅住張cert行咁遠好易爛/"巢",就比左個folder我裝cert
又車埋我去鑽石山
好人到咁...
而且係好人得好真實
睇真左某d同學之前,我覺得佢(地)果種好人係唔真實既(造作)

經過我離開科大坐91/91m落車轉74x既地方見到一架74x

響鑽石山個巴士總站附近落車,資優仔帶我去搭巴士
見到2架74x走左出黎
資優仔爸話冇可能係之前見到果架
因為佢行果條路短過74x行果條好多

跳欄杆
"學而時習之" XDDD

出大老山隧道之後見到一幢野叫"恆生商學書院"
細路女話有d人想響會考之後讀恆商但連幢野響邊度都唔知
嘿...我是沒打算讀但知道在哪裡的人 :P

行大埔中心
終於搵到邊度有得賣果部卑鄙caltor
fx-3650p

見到一個人既背面以為佢係陳藝陶,見到佢高咁多肯定左唔係,但總有一d相似之處
再過一陣響冇几遠既地方真係見到陳藝陶同埋佢隔離有個男仔 = =
什么?!
這叫預知能力嗎?!
以為係果個同真果個肯定唔係同一個人,而且兩個多數無關
相似之處可能是用若干年前的屍體來堆砌面容吧

睇遊戲王
終於明rono講果張結界有咩咁屈機...

冇溫過bio...

>>October 4, 2004 at 8:14:25 AM GMT+8

2004 年 10 月 1 日 星期五 【晴】

唔知點解隻右耳聽野好似差左好多 = =

釗既日記真係勁多搞笑野 @@

12點換衫去補習果時有人打黎搵我
彤問maths
考慮過教唔教佢
好彩講兩句佢就明,同一時間我換好件衫~

遲到左2,3個字
唔關電話事
換完件衫之後阿媽又嫌呢樣嫌果樣
結果換左3次先出得門
呢樣先係遲到既關鍵 =.=

jeff前日bbq漏左d野叫我幫佢羅走
今日帶左去,但佢冇帶袋所以叫我羅返去響學校比佢 -o-

黎立亮話mc chan同ken chan都唔係几掂
一個講野語氣好似講武俠小說,一個 也母 型
其中一個既notes靚,上堂可以唔駛聽佢講
聽落真係几過癮 XD
雖然呢d野唔關我事

落左電梯見到brella同lily @@

夜晚
金枝慾孽結局
這劇集有沒有主角我不知道
但每個女人都一定是歹角,這點很清楚
我覺得區佬聽番黎果個結局版本仲好過我睇到果個
皇后,安茜,玉瑩,孔武,孫白颺->死
如妃->瘋
爾淳->逃離皇宮,但遇上戰亂天災等事,生活坎坷
tvb最鍾意咩都唔交代就話係結局 =.=

繼續睇遊戲王
rono:「遊戲變左身之後會高左超多,成個遊戲最唔make sense就係呢度」
仲有闇遊戲既眼睛同髮型同原本果個遊戲唔同 @@
佢叫我裝一個software,裝左之後可以睇到 .avi 既video
yeah~
長期既問題解決左喇 ^__________^

細佬又發現一樣唔正常既野
闇遊戲用緊個身體羅住一疊咭
遊戲(表面人格,淨係個靈魂走左出黎)隻手拎住城市內寄存響佢度果張"真紅眼黑龍"
?!

"ar"真係闇遊戲既口頭禪 XD
睇咁耐佢講得最多係呢句
意思係 對呀/好的/嗯/...etc

jacky又學朱咁一開始"唔好意思"之後問我數...
都話唔駛唔好意思咯 = =

re owl:
某年的10月1日是共產黨打贏國民黨不對嗎

>>October 3, 2004 at 12:07:13 PM GMT+8

2004 年 9 月 30 日 星期四 【晴】

↓用這4個字就能代表"十月一日國慶"對我的意義了
一日假期
有什么值得慶祝的?
大量士兵曾經在這一天死去嗎?

rono執意要等人地發佈200後既遊戲王(結局224)先肯一次過dl @@
我用bt dl左200-201(兩集響同一個file)同224

icq
rono:「你係冇得用(剩番果60gb harddisk),定本身唔夠」
我:「冇得用」
rono:「咁你搵人幫幫手lo」

朱:「唔好意思,我想問你少少野」
真係覺得好唔舒服,佢根本唔駛講唔好意思既
而且我今日又好得閒丫
早已說過我會先考慮自己的情況是否容許的了

媽同婆婆講左句廈門話
我:「(廣東話)咁真係好抵喎」<-用唔同語言對答,但大家都聽得明 XD
媽:「你識聽咩?」
我:「識呀」
媽:「咁几錢丫?」<-媽之前果句就係同婆婆講d椰青几錢,話好抵買
我:「$7.8 4個丫嘛」
自細都聽得明媽,姨媽,婆婆佢地講果d廈門話架喇
不過一路都唔識講咋嘛 :P

細佬:「覺唔覺隻雞少左兩隻髀呀?」
我:「你食左丫嘛 -.-」

showhappy開番
但係send左日記佢都唔出黎...= =

http://www.akzone2.com/upload/photo/2004/08/139149.jpg
LV 旦糕? XD

http://hkba.net/attachments/GK6E_9Bhx_tlelqKuss7efA==.jpg
這杯雪糕還真大 @@

http://www.unf-unf.de/show.php?did=559
睇你隻眼有几快...

>>October 2, 2004 at 4:04:24 AM GMT+8

2004 年 9 月 29 日 星期三 【晴】

朝早睇新聞
有個英國人比伊拉克恐怖份子捉左
佢既家人去求貝理雅應承恐怖份子既條件,撤兵釋放囚犯等等
貝理雅唔知講左d咩,總之講到自己幫唔到佢咁
佢自己老豆老母比人捉左我就唔信佢唔會用盡方法救人 -.-

升旗禮
有個人響度吹自己去個唔知咩交流營既經歷
勁刷人鞋喎,咩都話無上光榮機會難得
雖然我信有d野真係佢既親身經歷所見所聞
但係佢可以將呢d野當係bg info叫人幫佢寫
好難令我相信篇野係發自佢最真實既內心感受 <-我知呢個場合唔講得負面野

婷:「好似做緊閱讀理解咁,唔係咩?d文章都係咁架啦」

佢話圓明園有舊石頭比人寫左到此一遊几隻字覺得好嬲
我:「嬲咪拿起舊石扔爛佢囉」
真覺得自己說那句話的語氣很"黑暗"

北京好多人晨咁早走去睇升旗
哼,這又代表什么呀
"忠君" 和 "為國" 是兩回事哩
忠君,例如"就算董建華施政零分也會支持他"
為國,例如國家興盛起來你會感到高興(非像生意人那樣出於自己實質利益的不算)
看國旗上最大的星星就知道這是哪一種了吧

引用拉登講過既野:
「你都係地球人你唔去了解地球既歷史?」
「我從來唔覺得日本侵略中國有咩唔o岩,中國打左几多地方先有而家既土地?」
↑modified by danny:
　如果日本侵華係有錯既,中國以前消滅左咁多民族點計先?
　邊個知中國冇好似日本虐待中國平民咁樣對待過以前果d所謂"蠻夷"?

RE
講壓力
我連段片講左几多條友都唔知,有咩好講 =.=

mrs lam:「我睇你地參與程度黎比分,好似果邊d男仔成日傾偈既就比好低分」
bobby:「冇所謂喎」
我本人是頗為敬重mrs lam的
可能因為厭惡虛偽
如果 純粹/完全 為了"課堂表現"的分數而專心上課就很無謂

呀...
發今日放學要留低聽個唔知咩講座,唔可以去霸爐 !@#$%^&*
(今晚同小學同學bbq)

bio lab
...leo同一開始去睇個腎果堆人咩都講到勁詳盡
搞到後面冇時間要講少d =.=

區佬講佢唔知響邊度聽番黎既金枝慾孽結局
近排真係套套劇都sad ending = =
雖然多數人都預左金枝慾孽到最尾至多都係得一條女冇事
其他全部瘋癲/離宮/死亡揀一個

聽其他班d人講英文個quiz勁難 @@
我這些不怕死的沒覺得難
那么根據經驗
派卷的時候就會看到比自己預期差很多的成績了吧 XD

chem
掛住同賢傾遊戲王冇聽書 :P

chem textbook果個出版社出既補充練習
past CE paper應該比這些有用吧
(住我樓上個表姨媽個仔叫我唔好做exercise,淨係做past paper好喇)
我自問10年past paper都未必做得晒
太多exercise做唔晒咪盞o徙錢~
做果堆exercise既人係訂既人既"倍數"
預左架啦~

lunch
資優仔又黎左mst @@
佢話4b今日中文堂要作文,佢又走左入去作埋一份

高軒話比毛毛截左糊報唔到amaths補習
咁繼續補maths囉...XDDD

區佬,philip等等既"是非group"話肥西唔應該淨係最尾一分鐘先報時
(咪住...佢地有講人地好既野咩?邊度黎"是非group"?)
嘿嘿嘿...
突然間覺得自己好異類tim :P
想知道時間點解唔自己帶錶(鐘都冇話唔得既 XD)要靠監考果個講呀?
所以我果陣係完全唔知肥西究竟報過几多次時同每一次係咩時間囉

maths
kfc用"切繩"解釋sum to infinity
比一條長度係1既繩,響後面不斷"駁多一半",即係1+1/2+1/4+1/8+...
最後和2相當接近就當作是2
我知道最後和2相差多少哩
就一個atom或molecule吧
即使有辦法把那atom或molecule切成兩半
proton neutron electron沒得再切了吧

佢改簿真係改得好快 @@
今朝交左下晝就派番本簿比我地

kfc睇住本書揀ch.2比邊几題我地做hw好
6/10交
賢:「佢唔係舊年已經揀定架咩?」
賢:「果日唔係默論仁論kai子咩?」
"論kai子"
改得好! XDDD

有題hw 2粒星既,分a b part
賢一開始即刻挑戰果題 @@
b part "hence or otherwise find xxx"
我順住題號做
賢唔識做2星果題,問我
冇睇a part(佢話識嘛)直接做b

EOR
又3人一組role play
我做examiner 1答高軒問題
唔知點解讀得勁唔順暢,所以其中一句我講多一次
肥西坐響我隔離話我唔需要主動重覆自己講既野
因為ask the examiner for 扒凳 係考生既責任

勁大陣香水味 = =

高軒個role play係訪問飛機師
唔知佢寫左句咩"what can you see in the sky" @@

返屋企之後繼續做maths hw
2星那題算什么啊
做到a part不就直接可以做得出b part了嗎
b part寫"hence or otherwise find xxx"
仲以為自己教賢果時係用"otherwise",呢几日我會有難
人口統計果題唔記得冇星定是1星
難過2星果題好多(要寫好多step XD)

5點出門
本來想去富亨個75k站 <-唔記得榮暉果個向邊面行嘛
以為自己行錯路,原來o岩左 @@

巴士入面勁多人
估到今日應該有唔少人響大尾督bbq,會難d搵位

5點半去到
o岩o岩好有一張台+一個爐未有人要 = =

見其他人都係擺個袋響度走左去
我又跟住咁做,6點後出過去几次睇佢地到左未 <-冇mobile既問題 @@
頭2次返黎都有人準備用我霸左果張台側邊既爐
第3次有人落埋炭響個爐度 !@#$%^&*
迫於無奈要用離張台遠d既爐
如果我負責買炭,咁可以擺低袋炭響個爐側邊 = =

佢地7點終於到左喇~

許文耀,何勁威去同之前用左個爐既人交涉
同佢地換左張台~ ^^

見到其中一個男仔以為唔係小學同學
再過一陣我記起喇,就問佢係唔係何勁威
「唔係你以為我係邊個呀?」
小學果時佢講野把聲同行為舉止都勁似女仔架
(一個女仔把聲同未變聲既男仔真係好有分別)
變左勁多喎
7點半jeff同發到左
jeff:「佢而家把聲真係溝死女喎」

jeff:「個爐起得好靚喎,邊個起架?」
許文耀:「多謝」

林穎瑜買左罐啤酒帶去飲 @@!

許文耀:「你係咪有個fd叫高咩咩架?」
我:「係呀,高廷軒丫嘛」
許文耀:「佢好勁喎,行几耐山都唔 支力 既」

發:「你地應該買多d腸呀」
羅燕群:「我地低估左你地既食量」
我:「買多d腸同丸少d扒就o岩架喇」

佢地話吳沛珊好似冇乜坐過響個爐側邊,但成日都有野食
老實講,我次次望到佢都係食緊野既 @@
食緊野都叫人幫佢燒其他野食,而且次次都叫唔同既人 -o-

食左粒燒左好耐既魚旦 <-我擺離開個火几遠,所以未 火農
灼傷到嘴唇...

比租黎果枝燈"辣"隻到手指 >______________<

燒完野食玩true or dare
轉水樽,指住邊個就問邊個
true果d個個都問感情方面既野
我比人問小學鐘意過邊個女仔
梗係冇啦
唔記得邊個幫我答o岩左

羅惠恩有睇我既日記我知丫
林穎瑜又話佢有睇...
好驚訝喎! @@

個個都true or dare左一次
改變玩法抽啤牌最細果個受懲罰
A<2<3<...發有4次抽到梅A,勁邪 @@
不過其中一次我抽到楷A幫佢擋左 - -

jeff同黃嘉莉要早走
之後羅燕群又走埋

發:「咁多個入面danny最神秘,問極佢野(有關感情方面)都問唔到d咩野出黎」
嘿嘿嘿嘿...

8個人坐響出面果堆燒烤爐附近既長凳傾偈
何勁威問我地最唔滿意自己身體邊部份
好多人都話嫌唔夠高
我話多暗瘡(應該話塊面好多暗瘡既痕跡 @@)
何勁威:「你講d短期內冇得改變既野啦」
我:「咁樣矮都有得改變o者,你點知16歲一百五十几cm高既第日唔可以2米?」
佢地覺得奇怪點解几個女仔都嫌自己矮,如果好高既話男朋友會自卑
我:「女仔矮先方便"i"個男仔既心口膊頭丫嘛」
即刻比佢地話我變態
有几呀...
我又唔講鹹濕野既 -o-

唔記得許錦洲提出左個咩話題,自己唔講叫人講
發即刻叉佢
話英文考group discussion講個話題出黎要講d自己既意見,許錦洲咁樣唔掂
即刻勁講學業既野 @@

林穎瑜:「其實男仔鍾意響情人節收d咩架?」
許文耀:「唔係白色情人節先收架咩?」
林穎瑜:「是但啦」
一人講d意見
結論:心意大於物件的實質價值,親自造的東西就算難看也很有意義
果几個女仔真係諗得好恐怖 = =
送一筒紙摺既幸運星,話自己摺到d手指頭損晒
其實成筒野都係買番黎,手指損左係用針吉既
我:「其實你係咪溝緊仔o者?」XDDD

坐小巴返去
勁多人排隊
過左3,4班車我地先上到車...@@

>>October 2, 2004 at 2:48:03 AM GMT+8