2004 年 4 月 12 日 星期一 【晴】

今日好熱 -o-
不過櫃筒入面d衫全部都厚過件睡衣
所以換左仲衰 =.=

alice好睇唔過我踩到細佬一文不值咁喎...
長期對一個人既印象冇可能突然間改變架
佢絕對係死都都唔肯用腦一味要靠人地果種人 -.-
(從他打機就看得出了,做最有興趣的事他也是毫沒策略的)
看不起不肯用腦的人(如果佢係冇腦既我更加唔想教佢!)
所以...
我讀書的時候也有這么一個有功課不懂得做就可以去問的家人嗎?!
這些我全都是自己想辦法解決的!

幫阿媽製造左一堆翻版 XD
好似係8隻~
我諗阿媽唔應該10隻10隻碟咁買囉...
係買就每次買50隻或者100隻啦!
反正都要成日用架啦 @@

溫左上學期既中文
唔知自己當時做緊咩囉...
溫書可以完全唔睇原文都得既 @@
睇ck之前影印比我果堆notes & past paper
...我應該響放假之前問佢影印埋後面几課架 = =
到出師表為止
除左我覺得作者有心呃稿費果課之外全部都差唔多嚕~
好得閒走去研究埋d past paper既年份
估05年會出d咩 :P
花潮果然係隔年出 @@
(唔知淨係雙數年份出花潮係好事定壞事...因為未教果d好似越黎越難咁 !@#$%^&*)

做過中文習作
一題都未做完 =.=
journal寫左~
睇左電視節目,聽朝吹番個review出黎
然後就是bio...
第一個做既係maths,最尾一個做既都係maths :P
(一個最易既maths一個最難既maths = =)

夜晚響mud打浩劫
以前自己打緊十几廿隻殺手比d一秒殺晒既人嚇親
而家係人地比我嚇親 XDDD

>>April 13, 2004 at 12:51:41 AM GMT+8

2004 年 4 月 10 日 星期六 【晴】

今日睇埋hunter漫畫13-16~
下晝3點几至睇完...
基路亞是貓來的嗎?!
怎么他的面和手都能變成跟貓的一樣 @@
古拿比加想盡辦法,千算萬算終於把鎖鍊刺在團長和栢路達的心臟
栢路達不惜用自己條命做代價都將古拿比加個秘密話晒比幻影軍團知
團長又搵到除念師...
我一個禮拜睇晒hunter前果大截
所以體會唔到d讀者等漫畫等到頸都長既心情...
鬼叫佢個古仔作得咁好咩...
成日詐病拖稿,d人都奈佢唔何 =.=

hunter ova3 第5,6集有得dl嚕~ ^___________^
睇完
比漫畫的進度慢得多...= =

賢打黎問我星期五個日文係點樣既 @@
佢開唔到電腦...
如果唔係用櫻花打個字比佢一秒搞掂啦 -o-
「你較晒咁多日睇下邊個得咪知邊個係星期五囉」
「唔得呀,有隻野要星期五先捉到呀」<-其實咁咪一樣可以逐個試 =.=
「貝貝龍呀?」<-我竟然仲記得一隻兩三年前玩過既game d野 @@

是時候開工了
之前完成,自己卻忘了的 3件 (一早做晒maths,amaths,mce,但自己唔記得左 :P)
今日完成的 3件 ()
沒心機所以不想現在做的 2件 (journal,資優功課)
剩下暫時做不到的 4件 (tv programme review,中文習作,bio hw,bio past paper)
原來以工作數目計算,我已完成了一半啦?!
雖然完成了那一半都是較容易完成的東西 @@
而且剩下的時間少過一半...

細佬做假期作業
自己唔肯諗猛咁問我 -o-
我給他負面影響了嗎?
雖然他絕對是那種即使有齊一切有利條件也不能成材的垃圾

re dreyers:
有咩好驚丫?
反而你講"受驚"兩個字我就真係受驚喎...@@

>>April 12, 2004 at 5:53:28 AM GMT+8

2004 年 4 月 9 日 星期五 【晴】

尋晚睇monday redux到p.13x
今日...睇剩最尾几頁反而冇左之前堅持要睇晒既意志力 !@#$%^&*
(我原本有意志力咩?)

玩mud
用隻打不死npc練growable wp
諗住今日如果專心練6個鐘應該可以將連擊升到60 lv
點知到53 lv (之前52)
有連續几行msg彈左出黎
wiz話我咁樣係用bug...
我話唔知呢個係bug <-講真架 -o-
不過knife同air都唔信 -o-
唉...冇比人purge(delete account)已經算好彩咯
原來wiz仲知道之前用黎複製野既bug架! @@
2日比人發現左n個bug
knife話以後違反任何遊戲規則既懲罰剩番一個:purge
有bug大把人都會用架啦
爆出黎又多數冇著數喎

brella叫我幫佢dl一份譜send比佢
又係越講越遠
佢話自己同豬,曉,lily傾電話三個人都有提起過我 @@
　豬:複述我講過"自己講野果陣聽自己把聲同人地當時聽既唔同"<-梗係唔係我發現既野啦!
　曉:brella同佢講自己之前去camp張床有几細,叫曉列舉一個高既人(該是177m的區佬啦 @@)
　lily:brella問佢數既時候
　原來lily之前講"普通maths咋喎"呢句
　係因為我話"第5,第6個"果時佢聽錯以為我話amaths既第5,第6課
brella是完完全全的一個音樂人 @@
記一堆數字的方法是用so-fa names
我記數字的方法是...多數用手指按數字鈕時的移動路線 (例如電話號碼和大廈密碼的鍵盤)
証明我是按慣keyboard的人 :P

有時間睇兩本hunter漫畫
竟然冇時間睇埋本剩番2頁既書 =.=

全日都冇戴過眼鏡~
因為覺得響屋企唔需要睇太遠既野
戴左副眼鏡反而會濛左,睇書會更加容易眼訓

剩4日
要做9樣功課
雖然任何一樣我都可以一個鐘內完成...(專心既情況下)

>>April 10, 2004 at 3:43:02 PM GMT+8

2004 年 4 月 8 日 星期四 【晴】

今朝本來半專心睇緊書
點知有個主意一閃左出黎即刻專心唔到 =.=
個主意就係~
諗住響呢塊日記度整n首背景音樂落去比大家揀一首黎聽
搵左十几首midi既網址(全部來自cmidi.com)
點知試左n次都係唔work !@#$%^&*
整左几個鐘都唔得,心灰意冷
淨係擺一首invoke算 -o-

原本"半專心"既原因係mud有得用bug
響塔入面屈event出黎既bug比wiz修左 -o-
都怪我吧
釗話過wiz多數check既地方係ta1同ta13
(ta1 d怪獸最弱,用bug最方便,ta13打怪獸既回報最高,如果爆左攻擊力最好去呢度)
我唔記得左,響 ta1用果個bug = =
不過呢...
我覺得如果好似之前咁樣長用長有反而更加唔著數架 @@
因為只要有一次比人發現即刻冇得再用
而且唔一定得你一個識用個bug
是但一個同你唔熟既人走去用又比人發現,你就即刻咩都冇

聽日睇唔睇得晒本monday redux架?!...
雖然唔駛去科大o者...

原來showhappy個系統又改善左 @@
唔小心禁錯"上一頁"佢都唔會整唔見你d打左一半既野
好野~
o岩晒我呢d成日多手禁錯野既人 :P

>>April 10, 2004 at 3:46:37 AM GMT+8

2004 年 4 月 7 日 星期三 【晴】

今朝想繼續睇果本英文書
睇下keating派左寫住要做d乜功課果張野
原來我記錯左 !@#$%^&*
只係要oral presentation
唔係book report丫...- -
(不過響我做bk report之前知道都算好彩架喇~)

補番尋日diary一d唔記得寫既野 @@

哇呀...怎么豬打來問我的東西都是我自認最不擅長那兩科的丫?! = =
中文:
周sir有日派左96 CE中文閱讀理解比我地做,之後解過篇文言文
豬兩次都咁o岩去左choir比賽,而家做又有d字唔識解所以問我
bio:
拗左一大輪surface area to volume ratio @@
佢問完野之後同佢傾過我尋晚熄機前睇過一個論壇既 topic
post條link出黎比大家睇下~
http://www.winning11zone.com/viewtopic.php?t=11599
原來我一直都用了錯誤的讀書方法嗎?!
↑我咁懶梗係唔會用果班 "影印機" 既方法啦!
　我覺得自己錯,係因為我用左一個 "應該唔會太低分,但冇可能贏到影印機" 既方法

仲有一個論壇既 topic冇同豬講過,我想響度post埋出黎
http://www.winning11zone.com/viewtopic.php?t=11657
我的不滿不是來自獲選為第一的人
　我之前唔鍾意twins係因為佢地早期d歌 "姣到出晒面仲響度扮無知少女"
　明愛暗戀補習社,戀愛大過天係好明顯既例子
　我曾經在聽某些twins歌的時候確切地感覺到自己在顫抖丫...
是來自名單上 "因為明星的身份而得票" 的人數
　除左孫中山,貝多芬外全部都係 "明星" <-包括賣靚仔樣多過賣球技既球星
　但我覺得李小龍唔係 "因為明星身份而得票"
　換言之,10個有7個因為自己係明星而入到 top 10
(將果兩個topic既畫面拉到最下面,應該有 "前往頁面" 既link比你揀頁數黎睇)
我記起自己之前睇過另一則同twins有關
不過比上面果個好笑好多既新聞
一個公信力高但係我唔記得左叫咩名(:P)既機構做左一項問卷調查
問青少年認為邊個最適合做特首
連陳方安生(第2)都輸比佢地
我懷疑佢兩個識用比絲姬(57歲但睇落得十几歲)既念能力呀...
(做特首其中一個要求係年齡不小於40歲)
果種念能力係
　叫一個化裝師出黎,將目標人物(可以係自己)既身體變成點都得
　包括恢復精神體力/暫時增強力量或速度/甚至令身體返老還童
XDDD

去左配眼鏡~
因為而家果副真係花得太犀利 =.=
睇書既時候,冇戴眼鏡仲睇得清楚過戴左
(用半透明既眼鏡睇書係好快會眼訓架...)
右眼125近視75散光(兩樣都升左25)
左眼150近視(冇變)
2年
不知道算不算深得很厲害
原因又是沒有相關的知識 @@

意志力唔夠堅定 -o-
由20頁睇到67
本來仲諗住聽日可以睇晒成本
唔得嚕~
後日啦,反正後日唔駛去科大

lily:「係,你好,問數架」
我:「第5第6個」
lily:「o下?普通maths黎咋喎」<-其實我唔知佢講乜 @@
我:「唔係呀,我話第5第6個問我呢題呀,zoe響唔響度?」
lily:「唔響度」
我:「咁第5個囉...」
............................................................
這叫做累積經驗吧
以後一有兩個人問我同一條hw我就post自己既solution = =
懶得用html轉白色呀
唔想睇想自己諗點做果題既人自己唔好睇啦

supplementary ex.9 Q53
let 1/x - 1/y = k/(x-y) , k =/= 0
寫左若干個step,最後應該可以寫到呢兩條式出黎:
x^2 + y^2 = (2-k)xy
(x+y)^2 = (4-k)xy
∴(x^2 + y^2)/(x+y)^2 = (2-k)/(4-k)
∵k is constant
∴(2-k)/(4-k) is constant <-k係固定既,唔係任你代咩數值都得,所以2-k , 4-k , (2-k)/(4-k)都係固定
∴(x^2 + y^2) α (x+y)^2 <-細楷alpha個樣似正比例符號,借黎用住先啦 @@

嘩激動呀
http://jkl.myftp.org:5678/~thomas/chiu.jpg
post圖果個人話幅圖冇改過,姑且信佢啦 XD

>>April 8, 2004 at 3:17:47 PM GMT+8

2004 年 4 月 6 日 星期二 【晴】

7點半起身
尋晚12點後訓
要返學果時都係訓差唔多咁耐 = =

一起身覺得兩隻手臂,膊頭同背脊上半勁痛 >______________<
點解會咁架?!

食左几片提子麵包
換衫,食藥 <-唔知點解係換左衫先至食藥 @@
8點食第一次藥
咁下一次應該係12點
8點前食得几片麵包
過左4個鐘應該唔會仲係飽肚架喇
所以帶埋成包麵包返去 @@

行入學校見到 janet
「真係型,隻手拎住d書,個背囊都唔知裝咩既」
見到佢隻手羅住一樽水
我搵下自己個背囊,發現自己果然唔記得帶水 !@#$%^&*
頸渴都唔係問題,因為我通常響屋企飲3,4次野
(唔駛返學既時候習慣咁樣:朝早一盒牛奶,lunch同晚飯各一杯橙汁,臨訓前如果頸渴就飲一杯水)
咁點食藥丫?!

underemployment
「tvb好精架,佢同d藝人簽左d合約要佢一年淨係出半個鐘鏡」
夠啦
為左果半粒鐘,人地起碼要練十個鐘
好出奇咩?

書入面有一條題目
原本失業率5%
而家有1000個大學生畢左業,去搵工
如果全部都搵唔到野做,咁失業率會點
書上面既解答就假設原本有1萬個勞動人口
高軒:「如果原本得1百個勞動人口,加左1千個,失業率即刻到90几%」
我:「用最簡比例喇,當原本有廿個人,加一千個落去...」
禁計數機得到失業率係98.1%
grace lo:「係作都要作得有sense先得架」
XDDD

「香港呢几年黎有咩野既價錢係不跌反升架?」
應該得冇去過或者真係勁少去麥記既人先會咁問咋喎...

grace用豬肉市場做例子講物價
佢講點"湯"d豬講得好生動
我望下豬,佢個表情好驚咁 @@
唔...早餐笑得咁開心梗係因為佢羅豬黎開玩笑喇 XD

約莫平時第二次小息既時間放第2次break
我羅d提子麵包出黎食
呃...
bobby jacky oro三個問我羅 = =
放完break,grace入緊黎
jo:「喂喂喂~係咪有麵包呀?」
剩番塊皮都比埋佢嚕
bobby仲想搶埋去
死肥仔,果然為食 -.-

唔該晒高軒借水比我~
(我當然係離口飲 @@)

「我今日派左d notes比你地,遲d如果我突然間話收番晒黎random派番比你地」
好喎...
社會上最反對共產主義既必然係有錢人,最贊成既必然係窮人
同一道理,呢個情況下最快話反對既好自然應該係豬 曉 彤 佢地啦
肥庭今日冇黎,所以佢應該會贊成 @@
(果三個人任何一個抽番中自己或者另外兩個其中一份既機率太低,所以暫且唔計)
唔排除有人話:「你羅到我果份都睇唔明」既可能性

「呢d野一理通百理明架啦」
grace講左呢句野,過左一陣
高軒:「danny記唔記得呀? "一~理通百理明"」
我:「我頭先以為自己諗到呢d野係唔正常 =.=」
高軒:「教育電視丫嘛,係咪小學四年級呀?」
我:「係呀,係小學四年級」
高軒:「我響屋企得閒無事就會睇」
我:「唱唔唱得番成首呀?我淨係記得 "一~理通 百理明 明白了~計算可變簡單"」
高軒:「"全~心探討數學" 跟住唔記得左喇...呀! "明道理~答案終會找到"」
高軒拍下bobby背脊問佢記唔記得
bobby up左几下頭
好彩~
原來唔正常既唔止我一個
三個都係 XDDD
(返屋企響mud提起呢件事,co都話佢諗到...又多一個 @@)

grace今日成日做不文手勢喔...-o-

hunter第7本開頭既內容:
希索加打贏左一個識分身既人,整斷左自己既雙手
搵一個人幫佢用針線穿番好兩隻手,佢講左一句:
「我就是為了要看到你這樣高超的技藝才故意弄傷自己的」
大家如果睇跌打記得搞掂左要咁樣同個師傅講...XDDD

睇張月曆計劃之後每樣功課要做几耐
如果想睇晒hunter頭17本既話
放完假之前會做唔晒d功課 !@#$%^&*
即係實溫唔到書
咁唯有睇完hunter漫畫第8本之後暫時唔睇啦... <-睇埋第8本係因為o岩o岩dl左 @@

>>April 8, 2004 at 3:52:50 AM GMT+8

2004 年 4 月 5 日 星期一 【晴】

今朝6點半起身,食左兩舊麵包就出左去
大埔體育館打波 ^__________^
我 高軒 拉登 豬 彤 威 瑩瑩 suki jeff

威,拉登都同我有仇丫?! - -
一人打中我3次 -o-
之後學精左,唔再企前面打
威企我前面比我打番中後尾枕兩野 :P
一下重(佢話痛)一下輕(佢冇嗌出聲)

渣住自己枝拍,唔覺意打左一野落威枝拍度
佢就甩手跌把落地 @@
我是什么時候使用上內力的?!

唔覺意用左几野怪招出黎
但係又唔知點解o岩駛喎 @@
右手渣拍太耐,覺得痛同埋 支力
我就用槓桿既方法...右手渣住拍尾,左手推枝拍既中間
d波飛去對面既速度快左 @@
又容易打中喎
不過...一用番正常打法之後再轉成咁樣打就好低命中率喇 = =
仲試過一野唔知自己點樣揮拍
令到個波以U-shape既路線飛番去 @@

豬真會抓緊一分一秒 -.-
「我真係唔明丫嘛」
一個固定值除另一個固定值
得到既數值梗係固定架啦
負面思維是自然地存在於人類心中的事
↑↑↑↑簡單來說就是喜怒哀樂四個基本情感的 "怒" , "哀" 和這兩樣東西的伸延,我的是 "不滿"
若這種東西太強烈,便可以藉由zonder晶片把自己變成機械獸,隨意做任何事以消除心中的怨恨
給我一塊這樣的晶片吧...


夠鐘,照例打多几分鐘
高軒:「danny唔好走住丫,請你飲野呀」
我(大聲嗌) :「喂~唔好走住呀,高軒話請飲野呀」
良久都冇人返黎,剩番我 拉登 高軒 3個
高軒:「我淨係話請你」

返上屋企換衫落去
本來諗住淨係響m記買野帶返學校食
高軒唔比我走 -o-
「而家(10:20)我行返學校已經過左10:30」
「橫掂都遲到,遲多d遲少d都冇乜所謂啦」

唔記得左几點返到學校
according to my clock,the time was around 10:55 (+ - 5 mins)
係囉...
我應該可以say no架喎
死人高軒丫 -o-

淨係夾左份稿兩次就差唔多11點半要上去~
好彩遲到咋...
如果唔係有成半個鐘剩番,豬呢d咁識充分利用時間既人...-o-

肥庭:「我今日有黎係二百個比面」
我:「點解?」
肥庭:「今日社職camp囉,11點半入camp」
我:「你唔去呀?」
肥庭:「唔係唔去,係遲d入camp o者」

11點半之後再過左良久,都未見leo
見到賢響下面打緊籃球,仲未諗住上黎 @@

m頭遲到...
11:48先到4樓 -o-

leo講血糖
話見過一個學生上緊堂突然間暈左
之後知道原來個學生係體質有問題,血糖消粍得快過常人
從此可以上堂食糖以補充血糖...
嗯...我有少少見暈喇~

放左5分鐘break,leo就食完野喇 @@

再過一陣放3分鐘break
佢落去羅左袋紅提子上黎
有几個走得快撻左d去食
pfm strike.lianslap alice -o-

已經教得好快佢仲嫌慢 =.=

彭狗同leo解說人工呼吸既野
red cross人 @@

講好多曾經出過黎陰人既mc past paper
我好似o岩得一半...!@#$%^&*

同高軒 賢 jeff richard等等...入左m記~
不過屋企有飯食所以返左去~ @@

5點几先去睇醫生 = =
昌運果間"子建醫務所"
間診所好嬌小玲瓏 @@
勁平喎
2日藥 $100
4日藥 $140
睇完仲兜左大埔中心兜左勁耐先返屋企 @@

本書自從睇完20頁之後就冇睇過喇 = =

聽日又要補課...

>>April 6, 2004 at 2:30:27 PM GMT+8

2004 年 4 月 4 日 星期日 【晴】

尋晚又夜訓喇 @@
睇hunter ova2 <-問題係我之前睇過 =.=
3點左右至訓
今朝...好似8點起身

去機戰之地個留言板
見到有人將v型電磁俠兩集特別版既錄影帶轉左做電腦既file,比人用bt dl落黎睇
貼條link出黎果個話係70年代既動畫 <-玩機戰成日見到,但係唔知原來佢咁歷史悠久 =.=
我想知道70年代既超機人片究竟係咩一回事
所以就dl黎睇喇
dl完過左好耐先記起呢件事 !@#$%^&*

用廣東話講,但係竟然會有字幕! @@
字幕係由右向左既,唔知係活版印刷定係手寫,不過一定冇而家咁先進架喇
當時d民風純樸到丫...
敵人明刀明槍開炮射電磁俠個基地
(基地係有一個半球體既"防護罩"架,想知有關防護罩既野請參閱空想科學讀本)
唔知博士定健一見到就話:「真係卑鄙」
下下都話人卑鄙,但係我完全唔覺得d敵人卑鄙喎
因為打仗冇人會講堂堂正正講公平
比起我呢個年代睇果d,就完全係兩回事
(以gaogaigar做例子,因為呢套係我比較熟既超機人 @@)
首先敵人唔會直接話比你知/做比你睇佢攻基地
呢d野要靠iq超過200既猿頭寺計算出黎
當然更加冇人話d敵人卑鄙啦(可能有我唔記得,不過一定唔多)
所以說,不論什么職業,大家的要求也越來越高了
包括超機人們的能力 XD
gaogaigar既敵人比電磁俠果d聰明好多呀...

套野既內容我覺得點呢?
畫質唔提,因為始終係由錄影帶造出黎既野
見識到咩叫"將人名中文化,令大家有親切感" =.=
講出黎叫一個人做"史提夫",但係字幕寫係"健一" <-我梗係信健一啦,機戰都用呢個名既~
十足十富奸d風格 -.-
兩集所謂"集合晒tv版劇情既特別版"
最尾冇結局,旁述淨係話:「佢地一定會好努力,直至將拔山星既侵略者消滅為止」
唔知果個所謂"拔山星人既王"係點樣做到王個囉
佢對d人民咁衰,歧視"頭頂冇角既人"
我相信果個國家打仗果d士兵只有兩個情況其中一個:
個個士兵頭頂都有角,所以人數極少,唔知點解d人民唔識搞民變
以頭頂有冇角分"士兵階級",又唔知點解d低級兵唔識搞叛亂
(每個將軍頭頂都有角,最高級既將軍係三隻角,但係國王得兩隻角 =.=)

嘔左d白色固體出黎 >__________<
嘔之前我淨係食過麵包,飲過既野淨得牛奶
即係果d係入左胃既奶?!
豬叫過我記錄每次嘔既日期同食過d咩
我朝朝早都有飲牛奶,未有飲牛奶呢個習慣之前已經成日無端端嘔
所以同奶無關 <-同個is project同一道理 @@

豬叫我打比jeff同佢講聽日打波既事
打去jeff屋企,佢細佬聽電話
佢將我講既野全部複述一次比jeff聽
jeff真識駛人...@@

細佬下晝叫左兩個fd黎
其中一個係成日打黎煩住晒,叫細佬教佢打機果個
「你以後唔好再三分鐘就打黎一次呀o下,如果唔係我會叫你阿媽聽電話」
「得啦」
嗯,我應該唔好警告佢
如果唔係下次佢響電話入面實會同我話佢阿媽出左去 -.-

becky:「咁都捨得change...><」
講緊我個網名
我覺得 "積加" 比 "黑天使" 更加適合我囉
不過好名唔好名都差唔多用左兩年啦...
所以留言板和mud charactor的名字繼續叫做"黑天使"啦~

下晝上之前dl hunter ova 3果個網
dl左漫畫單行本黎睇,而家先知個故事背景 = =
到夜晚10點几睇完第5冊
除左小岡之外好多角色都做到洞察形勢/作出深入分析
至少我知自己做唔到佢地果d高度智慧
話說佢地同一個人玩蠟燭,鬥耐燒完,一枝長一枝短比佢地揀
個個響度諗長果枝會唔會有機關令到果枝燒得快過短果枝
古拿比加,基路亞等人將決定權比左小岡
小岡諗都唔諗就話:「我揀長果枝!因為長果枝一定可以燒得耐d! ^^」<-同其他人成一個強烈對比
我覺得果個世界既人口太多囉...
有好多人想做獵人(一個享有好多利益既職業)
但係要做獵人一定要參加一個非常嚴格既"獵人考試"先做到
「好多人想做獵人,但係平安去到試場既人好少」
「平均一萬個應試者只有一個合格」
類似句式太多,不能盡錄,總之咩都話淨係得好少人做到
痴咩線 =.=
咩都萬中選一,個世界有几多人可以比佢由一萬個揀一個呀?
"萬中選一"之後又"選"多n次...

>>April 6, 2004 at 1:45:34 PM GMT+8

2004 年 4 月 3 日 星期六 【晴】

凌晨2點先訓覺
今朝8點几就起左身 !@#$%^&*

裝左bt
用黎dl動畫
dl速度通常係個位數字既kb/s
每套動畫既大細全部以百mb做單位
dl完睇仲要有聲冇畫甚至個player讀唔到 -o-
搵到 "gundam seed全50集"
全部4.2xx GB
dl到8.x%(頭三集完成)就開頭几集黎睇
個player全部都讀唔到 = =
好彩唔係dl晒50集先check咋...

本英文書睇到20頁
jeff叫我睇完借佢
唔該晒jeff~
因為你,我就可以逼自己睇快d本書 ^__________^

6點几覺得眼訓,訓著左
但係個身好唔舒服,好耐先訓得著
7點几醒過一次,見到細佬玩緊部電腦
我唔想部3日(用得部機開始到而家未夠96個鐘,所以當3日)未hang過既新機比佢整hang呀
爸:「比細佬玩下都唔得,部電腦你架咩?係公架嘛」
死野去完大陸返黎講野d語氣就咁共產喇 -o-
算囉
細佬又唔識解除xp個休眠模式~

9點几訓醒
食完飯 10點半
哇?!
原來而家過左11點半架喇?!

>>April 5, 2004 at 7:59:28 AM GMT+8

2004 年 4 月 2 日 星期五 【晴】

今朝一起身就係8:45
見到枝時針差唔多指向9,記起豬佢地今日9點會上黎繼續做埋個project佢 !@#$%^&*
落去既時候係 9:11
一出 車立 即刻見到豬,曉,彤三個~
個密碼真係好記 @@
0．3．7．21
不過佢地係趁人地開左個門走埋入黎 @@

返上去繼續做埋個project剩番d野
將尋日剩番果5頁繼續縮
今次用左d短既vocab取代長既vocab
不過一直都冇好似死人tvb咁粗製濫造走去cut內容
最後終於縮到剩番4頁
仲剩番大約1/4頁既空位同埋前面有足夠比彤畫野既空間~
豬好野~

聽電話
「danny黎唔黎打波呀?」
「邊個呀?」
「你咁都唔認得真係唔開心...」
「究竟係邊個呀!」<-都唔知係佢把聲定係佢響電話把聲唔同左 -o-
「係高軒呀,你黎唔黎大埔體育館打波呀?9點至11點,而家都打緊喇」
「豬佢地響度做緊project呀」
「你問埋佢地去唔去啦」
「有邊d人去呀」
「得我同我阿妹咋嘛」

響成個project入面
提出改字同排版既意見 係曉(主要) 我(少過曉) 彤(少過曉)
(冇豬份係因為佢將成句唔o岩grammar既字出黎都睇唔出錯響邊 XD)
powerpoint技術支援,打字 我
(豬話既,不過我唔覺得自己用powerpoint會好似豬用word咁掂囉...)
word技術支援,控制mouse 豬
(我同佢一個用keyboard一個用mouse,不過始終唔係一個人,所以唔協調既情況成日出現 @@)
畫圖,補d手寫既字上去 彤
(豬話任何畫圖software都唔夠佢勁,我覺得佢寫字係可以做到 "偽造一份printer打既野出黎" )
佢地覺得我個printer可能同毛毛果個有得鬥 @@
不過我地冇試過用 "最佳" quality黎print野所以唔知啦

12點半發現我差唔多要去科大 !@#$%^&*
12:38食完個lunch就走左喇
豬,曉,彤留低繼續整埋剩番d野

1:26響科大其中一條電梯見到吳鴻志響上面
早到過我好多喎~ @@
點解今日咁快到既?!

我發現尋日做完d功課有好嚴重既錯誤 !@#$%^&*
頭一個鐘check番,好彩去小組導修之前改好左~

今次果3題功課几易喎~
第1,3題 上緊堂諗到
第2題 識得用一個阿sir唔建議既方法去証明 =.=

比兩個鐘既小組導修時間始終係太多 = =

阿sir提番起暑假個數學camp既事 @@
佢話我地聽唔聽得明d大陸人既普通話睇佢地來自邊度
如果個人係來自北京,講出黎會比較字正腔圓,就算聽唔清楚都估到佢地講
係西d或者南d既,就冇咁易聽
我個playlist有日文歌,但係完全冇任何英文同國語歌
原因就係聽唔明 = = <-dl日文歌落黎係因為好聽 :P
如果我被選中去果個8日7夜數學camp,我真係會考慮好耐去唔去囉...
暑假40几日,主要梗係用黎溫書啦
冇左8日一定好大鑊架喎...

講完晒4條example
阿sir:「大家個心都唔響度喇,不如比你地走啦」
4:24放我地走
死喇...我本來想盡量遲d返屋企架 -o-

返到大埔只係5:38...
行到去八號花園,響斑馬線對面撞正阿媽同樓上既表姨媽 !@#$%^&*
即刻走人 <-其實我咁樣唔好架,應該等阿媽綠燈行埋黎同佢解釋點解轉登唔返屋企仲好
以後如果想專登唔返屋企就唔可以行近屋企附近喇 = =

響大埔中心羅左本英文書出黎一路睇一路行
好唔專心睇書
所以返屋企之前睇到第9頁 =.=

行過一次入大眾
諗住買本中文補充練習
但係覺得我呢個假期淨係做晒d功課同埋溫到書已經好勉強喇 -o-
而且溫書比練中文paper 1緊要
遲早要練,不如等暑假先搞掂晒所有野佢啦

因為驚返屋企果時撞正阿爸出黎
所以我唯有...行樓梯上返屋企! @@
7:36上到7樓
睇左陣書...覺得時間好難消磨 (7:39)
所以行返樓梯落樓 =.=

返入屋企既時間係7:42 <-原本計劃唔到8點唔返去架
媽問我做咩咁耐唔返
我知阿爸唔響屋企,就同阿媽講晒我之前做過既野喇
「佢返黎你點同佢講?」
「話科大遲放學,返黎又塞車囉」
「如果聽日去拜公公你會唔會去?」
「會呀~」
「點解?」
「鄉下地方污糟囉,又要坐車坐坐咁耐走咁大段路先到(鄉下d地方令到我懷疑自己有潔癖 @@)
　你又成日話阿爸果邊d人(即係我既父系親人 @@)唔好」
「唔係鄉唔鄉下既問題,係佢地對你好唔好既問題」
我唔返去既主要原因係窮鄉僻壤,其次先係阿媽同我話d人衰 -.-
(當然我相信阿媽冇理由會作件事出黎啦)
我差唔多去沖涼果陣醒起阿媽問過我阿爸返黎之後點答佢
「你問我點答阿爸係咪驚我第日會咁樣呃你呀?」

我:「細佬係咪跟去之前問定阿爸羅左錢先呀?」
媽:「梗係啦,你估佢咁順攤咩」
我:「我梗係知佢冇咁順攤啦,不過尋晚我教佢如果被逼去點都要羅左錢先,如果唔係驚佢返黎反口」
阿爸次次叫我地返鄉下,去之前都會應承返黎比我地買一樣野
但係次次返左黎佢都借d意話表現唔好呀乜野就講過唔算數 -o-
所以我尋晚同細佬商量過
如果返屋企既時候阿爸響度,冇得唔返去呢
就一定要問定佢羅左錢先去,如果唔係佢返左黎會反口
不過唔知細佬覺得邊樣野opportunity cost大d啦 -.-
我覺得佢係果d為左錢乜都肯做既人囉
將一個十蚊銀睇到一隻cd咁大
可能佢為左買野而跟阿爸返去都唔定 <-不過去到一定唔聽話囉,橫掂錢都羅左咯
我冇細佬咁發錢寒,知道錢唔係咩都買到既

一開部電腦,發現部機上唔到網
以為又係和記問題啦
過左一個鐘左右
豬打電話黎同我話佢響 "區域網路" 度禁左 "停用" 唔知有冇影響
原來有影響架...-o-

阿媽同我話買左d空碟返黎,叫我幫佢燒d教跳舞既video
4,5分鐘copy晒原本隻碟d資料
4,5分鐘燒晒d野落另一隻碟度
唔知正常既機燒一隻60 mins video既碟要几耐
所以唔知咁樣算唔算快...@@

少左個細佬響屋企,我覺得好好架

>>April 3, 2004 at 5:58:41 PM GMT+8