2004 年 9 月 28 日 星期二 【晴】

朝早補番尋晚既日記 @@

一放假就覺得好頹.../___________\

睇遊戲王
我發現遊戲副deck(咭組)真係超有問題
一副deck 40張咭
入面有成十張野可以支援到一隻"黑魔導",而且張張都唔同效果
馬利克既deck都係一樣情況
有几張咭可以將用左既"死者蘇生"羅番入手牌再用一次
如果抽到晒果堆再生咭但係冇死者蘇生就搞笑
動畫既主角/朋友/對手個個行狗屎運行到落腳趾尾就話o者
(例如馬利克打10鋪有9鋪可以一開始即刻抽到"太陽神的翼神龍")
現實世界用咁樣既deck同人玩輸硬
第一
十几廿張唔同效果既咭都要出左黑魔導之後先發揮到
邊有咁好彩次次都用到形勢之下最o岩駛果張
第二
萬一果日好運得滯,洗牌洗到張黑魔導"寶物沉歸底"點算...=.=
玩任何既trading card game都係雙方每回合抽未用果疊牌既面頭果張
沉底即係未抽到張牌已經分出勝負

諗起atv播遊戲王果時海馬既一句對白
勁有深刻印象
有哲理只係次要既理由
主要係因為我覺得係個聲優好掂
氣勢,語氣,聲線等等全部都一流,佢句野真係講得好型
「我相信未來　係無限既　而過去　就只係一行足印」

f.5,7都要交冷氣費真係几唔合理架喎
全額書簿津貼既人應該唔多
剩番半額(我係)既交$200,其他$245
淨係9月會成個月開冷氣
10月至多咪淨係開前半月
之後11 12 1 2 3月都冇人會開冷氣啦
考完mock就成個學年唔會再響學校上堂
即係個半月既冷氣費要成二百几銀 -o-
lunch之前果堂如果要float既話一返黎已經熄晒冷氣
lunch之後佢又唔會即刻開喎

>>October 2, 2004 at 2:47:43 AM GMT+8

2004 年 9 月 27 日 星期一 【晴】

今日便服日哩

唉,jacky -.-
佢響bio textbook既reproduction果課搵圖畫落自己張台度

miki帶左個榮華月餅返學校...@@
切左8份,我食左一塊
賢見到好少人著便服
我望遠去數下...
朱斤 lily 柳穎璇 kerry
「得4個咋嘛,阿唔係喎,數漏左你(賢)唔好意思」
原來仲有richard @@
尋日見到張名單有9個參加
得6條友今日著便服

miki話賢果件深藍色衫背脊個位可以寫字
我同佢玩井字過三關 XD

grace入黎吹水吹左一堂先教書~
講讀大學/搵工等等既野
政府唔管呢d野,大學就可以收d教職員冇料到既仔女 =.=
唔係呀?!
父母識一間公司既經理所以請左佢呢回事我就唔覺得出奇喇

肥庭:「你叫咩名呀?我記得你叫danny唔記得你真名係咩」

派amaths test
x^2 - y^2 - x + y is the equation of xxxxx
寫漏左個等於0
m = 2 or 1/3
∴equations of the lines are y=2m+1 and y=1/3 m +6
錯得真爽呀...XDDD

英文
肥西派張紙落黎叫我地寫一堆慈善機構,有需要者,慈善活動,口號
成組都唔知"公益金"既英文名,響賢張便服日貼紙度搵到
唔sure"便服日"既英文,又抄貼紙
一句"口號"都諗唔到,就寫"便服日"果句落去 XD

bingo game
"a xxx to encourage hong kong people to help people in mainland china"
hints: a comparison
B____ __ _______ ____ _____
bobby寫"blood is not got from stone"
肥西既正確答案:blood is thicker than water
擺到明就係中文翻譯出黎 =.=

班主任堂傾班會活動
班會?
這是什么? XD

進進派左張唔知咩野
最頂果度寫"dear s5/s7 students"
叫我地04年10月8號之前上aska打自己既email address同手提號碼
最尾署名之後既日期: 28 2 2004
張野係唔係比04年2月果時既f.5/f.7架 = =

lunch去"大埔會展" XD
食完野去好運店買野飲~

jacky真係好鍾意畫畫 @@
佢揭開聖經唔知見到幅咩圖
就畫落個封面度(紅色個封面甩左佢搵張紙包住本聖經)

黃定康話自己舊年講過唔想今年再主持唱詩歌既週會
但係個老師聽錯左以為佢好想再做就比佢做多次

黃定康:「我睇到xxx就諗起呢首詩歌...(略)...睇到xxx就諗起呢首」
我:「搵部電腦scan佢個腦可能會copy到成本詩集出黎」
柳穎璇:「成本詩集我最鍾意呢首,呢首,呢首,(下刪n字,我才沒功夫去理是哪几首咧)」
我:「又一個背詩集既人」
所以比人踢左兩腳 -o-

返上課室
婷臨走之前千叮萬囑jacky今晚要帶個燈籠去海濱公園 @@

放學行到去吉之島出面條橋果時有個女人嗌我
"danny 我係月芳媽咪呀,你有冇見過佢呀?"
o下?!
一個同學既父母識我,好出奇
唔係響我全朵而係嗌我英文名既,更出奇...!!!

遊戲王op5真係勁好聽~ ^^
歌名係"overlap"

夜晚出街食~

食完飯去海濱
一個人去睇下會撞到几多識既人 XD

8點几入左去
到9點都未撞到一個識既人
再行一陣見到爸,媽 @@!

繼續一個人周圍走~
見到zoe同佢一個fd,mst既,唔識,仲有一個唔係mst既所以又唔識
zoe叫我幫佢地影相
影完相見到brella同brella媽

10-11點呢一個鐘內見到得最多人

「黃俏嘉!」
都話小學同學入面最易認係佢架啦 XD
「果個係唔係小學同學黎架?」
羅惠恩:「梗係唔係啦」
我:「仲以為自己又試認唔出...」

有條友嗌我個名
我知係玩mud識既朋友,但永遠都唔記得佢玩果時個id
原來係hob~
佢之前讀mst
之後唔知點解佢響學校會認得我
好似係因為陳嘉朗介紹我比佢識 @@

見到好孤獨既黎俊傑
我諗佢同前面既人係一齊去既,但比佢地isolate左...
阿bug響果堆人既最前面

唔?
呢個人係唔係何萬姿(又一個小學同學) ?!
從髮型(主要的根據)和面部(次要的)猜的 :P
如果要從一個多年冇見既人既外貌特徵去認佢出黎
最unreliable果樣就係髮型 XD

黃慧中同几個fd拋個熒光條砌出黎既波
仲諗住等佢地失手接唔到即刻執起黎扑佢個頭 XD
但係過左一段時間佢地都接得好準
我:「真係撞到你喎~」
(佢日記話夜晚會去海濱,我原本又諗住去撞人所以響icq同佢提起過 @@)
黃慧中:「哦~hi~」

返轉頭又見到zoe一行3人
有一個話再見到就唔知點
zoe:「唔會再見架喇」
很好的預知能力嘛
那時候我正想走,所以該不會再碰頭了

有條友唔知點解一路跑
好似係黃冠麟喎...
等佢慢左我再追上去睇清楚~
原來真係 @@
講左几句就繼續行返去

沿住林村河條路行
見到羅文鍵同一條友唔知係邊個黎
再行多几步
may:「danny?!」<-羅文鍵後面有兩個唔知邊個,再後面
肥庭:「中秋節快樂」
呢6條友11點半咁夜先出去玩?!

光的護封劍:3回合內封印對方的所有攻擊
光的封牌劍:指定對方手上的一張牌,令對方3回合內不能使用
看來這些都不及"2年"的封印強哩…
因為2年內是什么都可能發生的啊…

re co:
mst 6b 梁熙文
條友仔出年拔尖走 - -

re sch:
我冇你咁勁嘛 -o-
所以有需要溫書囉...
千祈唔好響度當做chat room = =
因為佢淨係show到有限數目既留言
你兩條友響度chat會"琴"晒其他人講既野

>>September 29, 2004 at 7:43:38 AM GMT+8

2004 年 9 月 26 日 星期日 【晴】

今朝拿起個吞拿魚包就食
食落d餡既味道勁苦 ><
睇下個包裝紙 <-應該係響seven買既
此日期前食用:27.09.04
原來同一日都唔得 !@#$%^&*
不過到我而家打日記既時候都冇影響 @@

背默論仁
唔知點解寫字果時勁手震
直不甩既筆劃都會寫到彎晒 = =
錯2個字

范進中舉
周sir話篇野原本係要用普通話讀
所以我自己細聲試下
之後佢抽几條友讀d精彩(以尖酸刻薄既為主)既對白
佢話篇野既文字比較口語化
用廣東話讀反而會順口過用普通話
唔怪得啦 =.=

區佬讀其中一段果時都做到少少"語氣"
不過依然唔似正常講野咁犀利(這很正常吧)
philip以"婷描述我唱k果時既聲線"讀到口都窒埋
嘿嘿
這代表什么呢?

把昨天曾經聽到的"比較"結合起來
(不錯,昨天上午曾經聽我電話的人,就是你!)
若有所思的樣子...

周sir叫tim扮"腆著肚子去了"既動作
tim扮得唔夠神似,賢自動請纓
(用篇文章既字眼,應該話賢"被眾人局不過")
企起身行一步就叭低
我覺得似"腆著屁股"多d囉 XDDD

因為坐響bobby,jacky兩個後面既關係
今次compo終於係"我問人野多過人地問我野"喇
唔鍾意"自己幫人(明顯)多過人地幫我"
但係"人幫我(明顯)多過我幫人"既時候又會有罪疚感
最理想的就是取得平衡,但這是不可能的
哇哈哈哈~!
諗咁多做咩丫,順應天命咪咩都搞掂晒囉

賢唔知問一句咩中文響英文點講
winnie答左佢
冇几耐肥庭又問一次 @@

落堂作唔晒
賢:「我就唔信佢落堂會即刻收!」
肥西:"no later than 4 o'clock"

chem lab
威還番支筆比豬
豬講唔該
o下?!
咁神奇既? @@

我:「聽日賞月,後日追月,今日係咩?」
becky:「喂,danny提出左個好問題呀,(重複一次比carmen聽)」
carmen:「迎月」
賢:「好有中國文化呀」
*thumb carmen! XD
其實我今朝都有問過阿媽一次呢個問題(果時真係唔知) :P

lily要寫label貼落beaker
問我借筆
嘿...原來個個打開我個筆袋借筆都會借果支既~ XD
原本係藍筆,換左支紅色芯入去
f.1用到而家架喇~
之前有支相反架,用晒所以丟左 @@

我響chem lab坐到咁前
作文實比田田斷正啦
所以我冇帶埋去
賢坐我後面所以佢可以作文 -o-

brella:「剪左頭髮呀?」
賢:「係呀」
我:「我都剪左頭髮喎」
曉"ｏ"形嘴望住我
我:「上個月」
XDDD

exp't要擺晒d beaker響film cupboard比佢react
田田見差唔多時候叫我地去羅番自己果group d野
observe完之後去倒野落chem waste bottle
我好早去到架啦
點知比其他人攝位
要等佢地搞掂晒先倒得野 -o-

lunch
又去新達果間好好
我見高軒jacky釗ck佢地都加辣椒油
自己又想試下 <-次次同親佢地去食都係得我一個唔加辣調味料 @@
釗:「你小心好似高軒咁」
我:「?」
釗:「辣得滯要溝水」
淨係落左一羹(固體既野多過液體)
辣到我個頭猛咁"標"汗 >_______________<
食兩三啖野食就勁頂唔順一定要飲水
但我知道飲晒成杯水就唔可以再食落去,只可以每次飲少少
勁難頂 = =

jacky:「winnie,你係咪混血兒黎架」
winnie:「唔係呀」
我:「你父母都唔係中國人呀?」<-吹得好離譜 XD
唔記得winnie講左句咩嚕,總之表示兩個都係中國人啦
肥庭:「我都係混血兒黎架」
miki:「你又係?」
肥庭:「山東同...唔知邊度」
我:「山東同邊度呀?」<-無聊問下...我知佢講既係中國兩個唔同既省
肥庭:「唔係呀,吹架咋」

bio
我同賢響度作文
早佢一步搞掂 :P
落堂交左比彤

我:「剩番4條友(其餘3個:賢 ellen kerry) 你地估邊個最慢丫拿」
kerry:「一定係我啦」
結果是賢 XD

PE
烈日當空之下hockey...@@

cha-cha
同威做partner~
轉舞步果時跟錯晒
唯有放棄左1 2之後由3開始跟住跳 @@

返屋企之後去睇牙醫
原來我冇蛀牙 ^_____________^v
淨係d牙石生得太深入(去到几隻牙之間)
淨係洗牙
搞掂之後覺得牙冇咁痛
返屋企洗面果時店到要害又痛過
原來之前心理作用 @@"

>>September 27, 2004 at 2:59:19 PM GMT+8

2004 年 9 月 25 日 星期六 【晴】

7點几比阿媽嗌醒話返學 = =
搞到我以為尋日星期日自己記錯左 !@#$%^&*
原來細佬學校今日有個唔知咩家長會
早兩個禮拜細佬叫過我上圓玄個網睇某個pdf睇左n次 =.=

再訓過,到差唔多10點婆婆嗌醒我
阿媽打電話黎
叫我幫細佬錄10點既電視 - -
我以為係幪面超人龍騎
心諗:咦?唔係12點架咩?
開電視見到佢播緊一套唔知咩戰隊系列
睇個畫面又唔似果集完左
諗:唔係已經播緊掛...
"戰隊"片播完之前記起,原來係棋魂 @@
重播既野都要錄 -.-"

把聲好似比以前奸詐左
我覺得似係自己專登做出黎既多d @@

原來我記錯左 :P
龍騎(我唔會睇 =.=)淨係響星期六播,星期日冇 <-我之前記錯左係六,日
時間係12點半,唔係12點

如果那結果是自己預計的事…
那為什么我還會對它的"臨近"有痛楚的感覺?!…

下晝出去睇牙醫
星期日下晝仲開門既真係少有...
阿媽話翠屏有間牙醫診所,咁我咪去囉
點知搵唔到 = =

睇金田一漫畫
"吸血鬼傳說殺人事件"
好似早4,5日先睇第4回咋喎
今日有第5回?!
乜popgo班翻譯組既工作進度真係咁唔平均?!?!

我似乎把時間預算得太鬆動了
10點几先做完mce,仲未背論仁 !@#$%^&*

嘿...(突然感到腦海裡浮現出"馬利克"的樣貌 @@!)
我認為不應該"為了讓自己能得益而跟比自己優秀的人做朋友"
所以才否定媽昨天跟我說的東西
識咁樣做,唔代表真係會實行
我識渣起把刀殺人,識放火,但我有真的這樣做嗎?
覺得那几句有問題
是否因為自己曾經這樣做所以心裡有鬼!

有"闇人格"這想法後,我感到自己的精神力強大了
"堅強的心,溫柔的心"
這是遊戲王動畫某一集的標題
前者是法老王的靈魂(遊戲的闇人格),後者是遊戲

>>September 27, 2004 at 9:08:46 AM GMT+8

2004 年 9 月 24 日 星期五 【晴】

睇遊戲王
城之內比太陽神燒到死咁滯
如果佢撐得住死唔去就贏馬利克架喇 -o-
睇到真係覺得好dum心囉...

"闇馬利克" 不愧是我所嚮往的 "闇人格" 模樣哩

歐西里斯的天空龍 "saint dragon the god of osiris"
歐貝利斯克的巨神兵 "the god of obelisk"
太陽神的翼神龍 "the god dragon of ra"
"歐西里斯" 同 "太陽神" 都係古埃及既神靈
(我知唔止一個國家有太陽神,講緊呢個係埃及藉既,叫做"Ra")
"歐貝利斯克" 就係一碌柱(咩 "方尖塔" "方尖碑" 喎)
"巨神兵" 都几失威下喎...XDDD

去補習
響k12聽到坐我後面果兩條友講野
話mst既人唔識踢波唔識踢5人場未踢過5人場等等
佢地未見過mst踢波勁既人o者~

derek話有個女仔著得好暴露
露左半個背脊出黎喎...
我諗佢同多數f.5差唔多年紀掛
都好離譜下o者 -.-

derek真係發冷 @@
大部份人都著短袖佢著長袖~

高軒話有部計數機好好用
識solve quadratic in 2 unknowns
嗯...
f.4早期richard已經用緊
暑假果時bug帶學校d功課去imo training做又係用果個型號
見到一粒掣覺得部計數機好卑鄙
粒掣度印左"S dx"(我打唔到"integration"個符號...),shift左就係"d/dx"
本amaths書既example做親"d/dx"都有几個step每個都超長
用計數機禁几野就搞掂真係好茅 -o-
所以我都想買番部 :P

notes入面有句"prevent sucking back xxx"
alan cheng:「將果個字(_ucking)個f轉做s就係架喇,寫親果d野通常唔會有錯別字」

原來第二份notes背面有佢個電話號碼同icq @@

返屋企
媽話朱同一個CE 6條a既人好fd
我一早知係邊個啦 =.=
imo training帶頭叫我地玩同唔聽書果個丫嘛 XD
係媽唔知阿bug由mock exam開始到放榜為止日日打機先叫我學佢既o者

媽叫我同d叻既人做朋友,有野唔識可以問佢地
有邊個唔識咁做呀
個個都唔會同差過自己既人做朋友
咁 "朋友" 就變左 "複製人" 既同義詞啦

弊!
講得唔完整
所以可能引來禍患...
不想那么多了!
要做壞人就做盡吧

re co:
pig_hrzo@=_=.really_pig.com
好! XD

>>September 26, 2004 at 5:00:15 AM GMT+8

2004 年 9 月 23 日 星期四 【晴】

嘿...
說得好哩
反正跟"暗裡把自己視作敵人"那些都不稔熟
為什么要理會他們怎么看自己呢

我覺得自己又變邪惡了
究竟是 "闇人格逐漸成形" 還是 "人格變得黑暗" ?!

econ
講完trade既past paper
grace話另一個老師話佢知大埔有間餐廳個廚師係響酒店退休既
又好好人,見grace係老師就唔知免費送杯飲品
好多人問佢間野響邊
佢唔肯講
之後d人退而求其次問邊個老師同佢講既
grace又係唔肯講 - -
話驚好多同學去果度同佢爭位喎
唔記得邊條友提議lunch釣佢尾 XD

「佢開間鋪頭唔係為左賺錢(成班都唔信),係為左做野既enjoyment」
呢d係我理想中既生活呀~ ^^
唔想完全唔做野
因為我認同"無業遊民是天下第一等苦人"
不過要等到自己唔駛為衣食住行擔憂果時先可以咁做

kfc勁好人~
中文test之前有堂maths(再之後兩堂maths用黎做amaths test = =)
佢比我地溫書 ^__________^

kfc話份卷有7題,70分鐘
有堆人即刻大聲表示憂慮/冇信心等等
哼
又在間接打擊其他人的信心嗎
之前好多次都係65或者60分鐘做8題
而家題數少左時間多左喎

唔知bobby係唔係真係比果班人"打擊信心"
同我話咩靠我,叫我test果時教佢
「你唔識做唔關我事你唔識做唔關我事你唔識做唔關我事呀」
我知佢唔係認真
多數情況下同我講笑都冇問題
不過我特別care呢類野o者

高估左"新詩三首"d題目既難度
同時低估左"花潮"既題目
一個高估一個低估
即係拉番勻 =.=

bobby又重提o岩o岩講過既無聊野
我:「你知唔知有几多人更加有需要過你」
bobby:「咁咪o岩囉,你周圍走問下邊個有需要幫你」
真是一個包拗頸的天才哩 -____________-"

小息完終於輪到amaths test
謝承恩入黎果時有人問佢有關個test既野
佢話成份卷50分最尾兩題加埋廿几 !@#$%^&*

頭35分鐘搞掂5題(佔成份卷一半分數左右)
剩番兩題先"傑"
第6題分a b part
一見到果時勁諗唔到a part所以暫時放棄
覺得做完另一題再諗可能有少少頭緒
第7題分a-e
去到e本來做o岩既
又唔知自己果時已經可以落結論寫答案
返轉頭做6(a)得左,6(b)諗唔到

搞掂埋7(e),剩20分鐘
好心急想快d諗到6(b)
突然間覺得"時間充裕,我唔駛亦都唔可以咁緊張,如果唔係反而諗唔到"
@@!!!
是"另一個我"告訴我的嗎?!

最尾2分鐘先諗到6(b)
原來a b part無關,唔識a都做到b -o-
而且果半題既solution超簡單...=.=

lunch
落山果時見到grace響前面
ck話跟住佢
跟跟下佢地自己放棄跟蹤 @@

去天外天食...

釗講佢果班英文堂發生左件事
佢個課室老師果張凳斷左一隻腳
佢班d人砌番落去扮冇野
肥西坐落去見凳既其中一隻腳鬆鬆地
就踢左一野整甩左隻凳腳,搞到自己跌低
我估佢果班大部份人當時一齊做緊一件好辛苦既事: 忍笑 XDDD
高軒話想借張凳過黎玩多鑊
因為lunch之後英文堂 @@

派左上次個paper 3
24/35
又試低分過晒圍住我果5個 /_______________\

每組4,5條友傾pros & cons of exam and daily assessment
我立場係支持daily assessment既
但平時d功課我成日都做得差過周圍几個
即係d.a.對我不利 = =

phy lab
同朱斤,philip對amaths test答案
philip知道6(b)咁易做即刻鬧晒全世界
不肯定他罵過哪些人了
我只記得出卷的人首當其衝吃了一句「叫佢食屎啦」
這蠻不錯嘛
把所有的不滿憋在心裡
還要一天到晚笑臉迎人你看多難受啊

以我所見
說別人 "門面" 那傢伙才最 "門面"
威,看到這句就來問我是怎么一回事吧
在某些方面(以某角度來看)比別人優越
反而被別人看不起(可能因為他們的觀點不同)
那兩人的共同特質? XD

嘿嘿嘿嘿...
先叫我不要把lens那兩條formula洩漏出去的人
有趣有趣
(當事人,我這樣說可不是出於不滿哩,只是為了說笑啦)

差唔多落堂果時有廣播話今日智社社職員選舉,叫智社既人走先
即刻有半班人係智社,包括我在內 XDDD

f.4果時成日"highest mark,jacky~"
佢都要補英文 = =
原本我對補英充既意見一直係 "否" 大過 "是"
不過 "是" 既比重越黎越大
而家當佢係差唔多一半,就擲銀決定啦! XD

icq
You have received an authorize request.
The following reason for the authorize request was given:
"Winnies =.="
You have authorized him/her to add you to his/her Contact List
是"雲妮黃"同學哩

i guess ur windows/lunix/xxxx is in english le @@
=.= what do u mean
u can see it?
i think ur basic language is eng...
read speak listen write everything in eng better than chin =.=
haha yeah
但係我都識打中文ga bor~
再講多几句我發現同呢條友chat係有需要開住個ie響↙呢個網頁架 = =
http://hk.dictionary.yahoo.com/

無端端揭開左本amaths book 2
rev.ex.11最尾一題同test果題勁似樣 = =
係橫直唔同左之嘛,test個答案x=-2,書果題個答案就y=-2
哇哈哈哈哈...
無論有冇溫過書我都會識做果題
即係我賺左! =.=V

響winning11zone forum見到個唔知咩"腦測"
email forward左比成張通訊錄既人
收唔到又想睇既人同我講聲啦~

>>February 24, 2006 at 3:03:21 PM GMT+8

2004 年 9 月 22 日 星期三 【晴】

左邊眼眉果個位又試好痛...
冇野店到都痛 >_________<

我細佬以前有個同佢同年既fd
佢讀小二果時試過感冒
感冒菌上腦,上緊體育堂突然間暈低
一暈就暈左几年,變左植物人
好似係兩年前醒左,但係痴痴呆呆
釗話感冒菌上腦死唔去好少有
我而家勁驚喎...

班主任時間進進話講個笑話比我地聽(嘿,說這句出來就知道沒有人會笑了吧?)
　一個人朝早唔肯起身
　佢阿媽話佢要返學
　訓果個話返學好唔開心,學生老師工友個個都針對佢,唔想返學
　佢阿媽話學校冇佢唔得
班人聽到呢度即刻踢爆果條友係校長 @@

又畫ray diagram
有條formula,直線可以畫得準d
原來呢招仲係有用

肥庭冇帶graph paper問我借
我:「冇喎」<-梗係昆佢架啦
肥庭:「1蚊」
我:「都話左冇,你比錢都係冇架啦,我都係用緊上次果張」

中文
派齊桓晉文既習作
3.5/7...!@#$%^&*
圍住我果5個全部高分過我 = =

看圖寫作+依指示改寫
前者都几難下...
作完已經expect自己會低分
後者今次反而易喎

maths
kfc教geometric mean
佢見到開唔知几多次方就無端端寫條equation出黎
x^3 = 1
x=2,-1/2 + - (root3)/2 i
jeff同bobby問我做咩無端端寫個"i"出黎
為什么現在的我會被認為懂得這些東西 -.-

lunch
又去發仔記
果個人比左d野食我之後周圍果几個客人即刻落order
等佢地搞掂
我:「你未收錢呀」
佢聽錯左以為我話未"找"錢,羅左5蚊出黎
我再講清楚件事一次
果堆人入面有個人講左句:「果然係學生呀」

買完野食見到co
佢話ps2有魔力,令佢打機打到唔肯訓覺
我:「是不為也,非不能也」
co:「是誠不能也」
我:「是誠不為也」
我:「一係"mung"左條電線佢囉」
co:「咁仲衰,個心吊住吊住更加訓唔著」
我曾几何時都係咁...

區佬,philip佢地問bobby食咁快之後係咪落去mmlc打機
jacky話係
佢兩個話咩咩bobby玩既game好深佢地唔會識玩之類
..............................

覺得自己今日上堂真係好冇心機

田田一入黎winnie即刻問佢識唔識唱一首唔知咩歌 @@
點知田田一開始話聽過首歌,班人叫佢唱又話唔識唱 - -

田田問香港邊度有同chlorine有關既工廠
miki:「青衣」
田田:「叻仔」
全班拍手~ @@
miki:「我吹咋喎」

肥庭:「我上chem堂不嬲都好留心」
又會留心到聽唔到要問我既...
一條友咁樣都唔緊要喇
同肥庭講完賢又問我我一次 -___________________-"""

miki:「"青衣"之後我就好留心聽書囉」

賢呢舊咁既龐然大物成日坐到偏埋我呢邊
真係好大壓迫感囉
同埋我既活動空間係會冇晒 = =

可能今次d藥丸袋上面寫既"有睡意"唔係吹水
又或者因為有兩粒都係"有睡意"
食左藥之後果一兩個鐘勁眼訓...

http://chizzz.no-ip.com/awet/attachments/forumid_17/xd9i_vda0saZBuUio0g==.jpg
以前睇過一篇唔知咩文章
吹台灣第日人口過剩會施行d恐怖政策黎提高人口死亡率
其中一項就係響馬路度整d炮台,一見到快車即刻射
估唔到原來真係有d咁既野...XD
我有個問題想問
如果架車快過個炮台射出黎既野咁點算? XDDD

>>September 23, 2004 at 2:39:38 PM GMT+8

2004 年 9 月 21 日 星期二 【晴】

訓醒果時覺得隻腳唔知點樣有d唔舒服
好想"contract小腿後面既muscle"
一谷恆左d肌肉即刻勁痛 >_<
呢d係咪叫抽筋?
好似十日八日之前至黎過一次咋喎...
最初有一起身抽筋果時係隔勁耐先有一次架

返學途中見到tony
有少少驚訝...
因為佢不嬲都係8:10左右或者遲好多至入課室
原來佢尋日都好早架喇 @@!
(我尋日8點後至拍咭)

有d人可以"不怒而威",有d人"自然地散發出高貴的氣質"
而果個人就係"從五官裡透出他卑劣的人格"
唔係親眼見到都唔信有人可以做到一個咁樣既面部表情...
內心所想的完全表露在面上

人家能想出自己有什么不懂的然後提出問題而你不能
一係你咩都識晒一係你自己淺陋
然後還要對那人感到鄙夷,更加不要得
我不想提起有關的人是誰
反正大部分人都猜到其中一個
不知道有人一直看自己不爽是一件很糟的事哩...

釗話我同co都係一上網就同現實世界既自己唔同晒
"另一個我"?
係就好咯~ XDDD

bio條mc真係好陰人 @@
得15%人揀得中o岩果個答案...

leo唔知落左堂未,問我地
班人昆佢話落左
早3分鐘咁又點o者,咪一樣要留響課室

最初聽到"論君子"既野仲以為呢篇野講既野正常番d
點知仲犀利過論仁果d =.=
我見到既多數人,包括自己認為好正義果d人都中左孔子講既"小人"
做君子唔會比人讚,而且扮君子果d人既行為舉止分分鐘仲好過真正既"君子"
而且好人通常都得到差過壞人既下場

jacky佢地又抽簽揀去邊度食
抽左几張都話反對 =.=
不過冇抽中過"唔食野"

買野食果時見到發
我見到佢之前已經記起自己今日唔記得帶本空想科學讀本架喇...
之前應承左佢星期一帶返學校
點知因為唔記得就拖左几日 !@#$%^&*

o下?!
我既病傳染左比jacky bobby jeff?!

買完野食返上課室食果時ck坐我前面個位
佢驚我傳染佢叫我坐遠d佢
我坐落自己個位之後拉後左張台
事後覺得咁樣証明自己真係太好恰
我當時應該大大聲話「做咩要我就你呀!你就我唔好?」架嘛
反正ck本身就好堅持利己思想 -.-

區佬又搵d新歌考philip係邊個唱既
"愛與誠"
philip:「真係白痴都識啦」
我係知道有呢首歌,但唔記得左
唔好意思囉,我連白痴都不如 -o-

jacky佢地上網打麻雀
我諗住睇下佢地就識啦
點知都係唔得 = =

威用口述教我打麻雀~
總算又識多少少
thx 威 ^____________^

區佬想搵個人幫佢響社職員選舉果度tick佢有出席
比選到一半走左去既(我知自己尋日有份咁做)仲cheap!
miki:「去果d戇居咋嘛,佢地唔識人幫佢tick名」

phy
畫concave lens既ray diagram
進進唔駛畫都計到個準確既image distance出黎
班人覺得進進識一d唔駛畫diagram直接計img distance既formula
但係問極佢都話冇喎
有人話進進好虛偽 @@

jacky開尋日個碧咸燈籠令佢出聲
kooby又想玩下,叫jacky傳隻野比佢
玩左几次進進都聽唔到
次次開著舊野響呢個corner都勁多人笑 @@

田田入黎之後應該有几次見到裝住燈籠果個膠袋架
完全分唔到佢係詐睇唔到抑或真係唔知 =.=

bobby畫左幅圖叫我將其中一條線寫成 in terms of 另外兩條線既長度
唔知佢地想做咩
落堂之後終於知喇
原來佢地要搵進進唔肯講果條formula
其實呢招某程度上係冇用
因為就算搵到條fmla出黎,會考果陣你都係要畫ray diagram

臨落堂miki同賢唱首唔知咩歌
我:「首歌叫小城乜野呀?」
肥庭:「小城故事」
我:「鄧乜鬼野唱架嘛」
miki:「鄧麗君」
我:「哮喘死架係嘛?("隨口up"既語氣→)死左9年喇喎」
miki:「真架?聽你咁講仲以為你吹水」
1995到而家唔係9年咩?
我記得鄧麗君死左果几個月內阿媽狂煲佢d歌架

放學同禮行左段路
我同佢講頭先既野
我:「等出年10周年又唔知會搞d咩活動咁樣」
"10周年搞活動"
講到好似係一件開心既事咁 :P

http://home.pchome.com.tw/online/peter6a3/2[1].jpg
http://home.pchome.com.tw/online/peter6a3/2[2].jpg
http://home.pchome.com.tw/online/peter6a3/2[4].jpg
http://home.pchome.com.tw/online/peter6a3/2[5].jpg
http://home.pchome.com.tw/online/peter6a3/2[6].jpg
江澤民這樣做是否叫"有辱國體"? =.=

http://img.photobucket.com/albums/v487/tsztsz2000/fung1copy.jpg
http://img.photobucket.com/albums/v487/tsztsz2000/Leung1copy.jpg
http://img.photobucket.com/albums/v487/tsztsz2000/edna220904_1copy.jpg
乜咁多女主播著呢件衫既?
有習慣睇新聞既人唔該幫我留意下仲有冇其他人丫~ :P

http://cn.yimg.com/ent/yahooent/20040810/200408101527511.jpg
架電單車好掂...@@

http://img.photobucket.com/albums/v418/dafeiiiii/12_8972.jpg
"夾公仔"遊戲的強化版?!

>>September 23, 2004 at 1:59:42 PM GMT+8

2004 年 9 月 20 日 星期一 【晴】

d社職員宣傳好無聊呀...
"講支持xx(班) xxx"
"請投xx xxx一票"
沒有內容的東西

賢:「你投廢票! media輸左呀」
我:「聽人話有60几張廢票,media輸80几張,加埋d廢票都贏唔到啦」

選之前我有諗過fan乜鬼野會贏
唔係出於任何理性既原因
隊名有"幻想"色彩既都比較著數
例如m&m係mst's myth(myth係神話咁解),miracle
↗真係唔係好記得m&m究竟係唔係贏果隊...

bobby,jacky冇帶maths書,借高軒果本
之後bobby猛咁響高軒本書度畫野 - -

kooby winnie叫bobby傳話去叫ck熄風扇
bobby亂up野叫ck開大d...@@

RE堂睇片
o下?!
原來講左兩條友架?
我仲以為淨係得響泳池嘔果個...= =

又來死亡包剪dup嗎?
顧顧猜輸左,要帶隻碧咸燈籠周圍走 XD
哼,願賭服輸,猜輸就唔好淆底啦!

bio lab
睇set-up,做activity book
leo想我地即堂交 !@#$%^&*
我一開始覺得到最尾區佬等人會出黎嘈,之後拖得一日就一日
(雖然佢咁做可以救到全班人,但我依然係唔認同呢種行為)
好彩有批冇帶既人 XD
區佬係負責冇帶唔係負責嘈就真係有少少出乎意料囉~

原來肉眼真係睇到set-up果舊野轉架 @@
一個鐘頭轉4圈...

jacky寫左十几張紙仔,各有一個食野既地方
我:「寫張唔食野丫」
jacky:「好,danny,我接受你既意見」
所以寫左張落去 XD
不過之前ck已經抽左"m記"

派chem test
一開始果題錯左...
見到周圍几條友都係寫pipette
以為冇人o岩
原來miki寫左"25cm^3 pipette" @@

lunch
原來m記又玩"學生餐"呢回事喎
薯條同脆香雞翼都係熱氣野...
咁食雪糕囉
失手倒瀉左少少 -o-

出左m記之後佢地突然間想一字排開咁行阻住d人
入左學校樓梯
有個唔識既人落,我地上去
我企最側邊咪讓路比果個人囉
比佢地鬧 -o-
我:「唔識架喎」
ck:「唔識都照唔比佢過!」

bobby問我借maths書
我驚會好似高軒果本咁
所以要強調唔可以畫我本野先敢借比佢 - -

我唔信掌相呢回事
不過以掌相既角度黎睇我隻左手都几過癮
"生命線"係斷既,而且斷出黎果兩邊差唔多長

社職員選舉
恭喜晒莫家浩做到社長~ ^^

連桷樟選3個post,全部落選
每選一個post之前都有15秒講少少野
選男群育 「請大家多多支持」
選宣傳 「我好鍾意畫畫架,投我一票啦」
選常務 「我打雜都好叻架」

當選女社長果個得8x票
全校約1200個學生,一個社應該平均300個啦
心諗:佢都做得好開心喎,8x票
點知女群育果個仲犀利,4x =.=
不過9條友爭一個post,贏果個冇50票都唔出奇

早餐比左最尾剩番果張選票brella之後走左
在心裡大聲叫著:卑鄙!

交埋常務果張選票,唔想睇班人就職所以想走
有彭芷菁守住個出口,唔走得 -o-
行前面果個門囉...
(好明顯係五十步笑百步啦 XD)
離開hall之前聽到有人大聲嗌有人走佬! = =

見到資優仔 @@
佢之前問我果題...
一堆人圍住張圓台唔知點樣坐
計combinatorics有邊個會諗到要用log =.=

出左校門之後見到婧婧
「仲以為你有咩事搵我」
佢話我比以前瘦左
我:「我磅自己一樣重喎...」
婧婧:「可能你個人拉高左」
「o下...?」
「你個樣殘左,個面形瘦過f.3果時」
我平時響屋企照鏡仲以為自己面形肥左架 !@#$%^&*

返屋企
阿媽掛左個膠袋響門口鐵閘度,入面有盒蛋撻同一張字條
佢話自己唔記得帶鎖匙出街,叫我返屋企之後幫細佬錄野
我之前唔記得今日要遲返屋企所以冇講...= =

仲以為細佬返黎見冇錄到電視節目會嘈
可能因為冇睇上個禮拜果集啦~

re hrzo/owl:
用簡單的名字,別人要詛咒你也容易一點
所以你要小心一點 @@

re 柳穎璇:
只想不做或根本做不到就隨便你
要是做得到又想做的話,你會先被掛掉

>>September 22, 2004 at 8:18:05 AM GMT+8

2004 年 9 月 19 日 星期日 【晴】

我起身果時覺得自己真係差唔多好番晒冇晒咳同鼻塞
細佬仲咳得好犀利
食野果時佢對住d食物咳
我:「你咳果陣向住冇人既地方啦」
細佬:「點解?」
混帳!!! -.-"

嘩...選舉宣傳真係一年勁過一年 =.=
舊年淨係返學果時見到一堆人派傳單咋嘛
今年離學校門口老遠已經聽到一堆人嗌d隊名
我聽到既野:
revolution完全冇
mok's life一聲
fan乜鬼野有几聲
media聲勢最勁 -.-

今年唯一好過舊年係我唔駛收起雙手都冇人夾硬塞傳單比我
不過好似有d避無可避...
上樓梯果時見到黎俊傑
我問佢拎住果疊咩黎
佢即刻比左張我,大標題寫住"revolution" = =
「叫晒你班d人投呢個丫」
肯定佢已經講過呢句對白唔知几多次 @@

唔記得帶econ past paper
問賢借
「我唔識寫d英文你會唔會答我先?」<-佢未搞掂篇compo
嘿嘿嘿
兩人同時有求於對方,這很好啊

柳穎璇唔知做咩交左兩本bio hw
佢話上次冇交所以今次交埋
我:「佢(leo)原本可能唔知你冇交,你交埋去佢就知喇」
唔記得柳穎璇講左d咩
總之我覺得呢個人咁做法係死蠢 XD

fan乜鬼野同media各有一堆人響操場嗌自己個隊名
嗌黎都好無謂o者...=.=

rono:「唔好投f字頭果個」
唔知佢點解咁講
不過投唔投佢都影響唔到我果一票點處理架啦

英文堂做presentation
melody果組講relaxation
肥西本來抽左個number,下一組係15號(benny)既
等melody佢地講完問邊組又係講呢樣野既
我地果組舉手
肥西叫我地出去講,話兩組都係relaxation所以一次過講晒佢
miki即刻勁鬧賢(in eng foul)
唔知點解
可能因為之前係賢諗個大題目

我地本身諗住睇多几組點講架嘛 = =

賢果句超正...
話咩watching an exiting tv program
肥西即刻叉佢 XDDD

隨口up几句講完
謝月芳 陳嘉璧 柳穎璇 張少君 果組話佢地又係做relaxation!!! -o-
miki:"sun of the beach!" <-因為果4個之前唔舉手搞到我地要出去先 - -
(↗當然係隔兩三行已經聽唔到既聲量)
我:"daughter" XDDD

phy
畫ray diagram
成日畫唔準d直線係因為我用間尺唔係好掂 = =
不過都係同意進進講既野
ray diagram既4分絕對易執過計數同寫paragraph既4分

lunch
去新達m記對面果間好好xx食
高軒唔知叫左d咩,除左原本兜麵之外仲有一碗勁辣既野
佢倒晒落去,辣到食唔落
jacky唔知係咪落得太多辣椒醬,食果時額頭勁多汗 @@

釗響新達買左支野飲
佢飲完就扔落個垃圾筒
喂,隔離有黃藍啡三色回收筒喎...

響走廊行行下有個o靚妹(睇個樣估佢f.1,2)叫我投唔知邊隊
真係唔記得係fan乜鬼野定係media
總之佢比我既印象就係候選內閣好識昆細路幫佢宣傳 -.-"""

assembly for 候選內閣宣傳
media話加設全身鏡
我即刻諗起果日phy堂進進話塊鏡淨係半個人咁高已經照到晒全身
即係media多餘 XDDD

最大果兩隊既政綱都有提過同其他學校既候選內閣搞聯校活動
如果聯左既候選內閣輸左咪好笑? XD

增加校運會以外活動在四社全年總分中的比例
信社贏晒前4年既全年總冠軍
但校運會全場總冠軍淨係得一次
即係果個內閣想比信社繼續"flexor"啦~ ^_______________^v

柳穎璇問我「r r r h z o...」係邊個黎
真係多人記錯釗個網名 @@
講一大輪原來佢都唔識釗,問黎把鬼~
柳穎璇:「咁佢識唔識我?」
我:「唔知喇,不過我肯定佢知有"柳穎璇"呢個人」
佢踢左我一腳
柳穎璇:「你未見過我打人哩?」
我:「"打"字係tick手邊」
↑唔應該響果個時候講 - - 打響日記就冇乜所謂

我講過
為表示對4 team人所作努力既認同,我會tick晒4個格
印象中舊年投廢票既人數勁少(我果時有份)所以覺得好威 XD

派左份學生會報
最尾几頁比左几張老師細個既相叫我地估邊個
進進話佢影果張相既時候同我地差唔多大喎 @@!
我:「你當年戴果副近視定遠視鏡黎架?」
進進:「近視」
唔記得邊個問:「咁你而家又冇戴眼鏡既?」
進進:「年紀大左會慢慢變番遠視架嘛」
miss leung同陳尚芸好似調轉左...(淨係比較當年同而家既身形)
梁sir細個個樣好得意呀~ ^^

果份野有一頁訪問舊年既學生會候選內閣
問果個話有3隊,問miracle當初覺得自己有几多勝算
答果個話有一半...
都好串嘴喎 =.=
同高軒呢件事,佢揭左頁更串嘴既野比我睇
一條友叫"張雨知"既作左篇文講d唔知咩感受
「在小學裡我是當然的全級第一」
我呢d小學冇羅過全級第一既人即刻想捉佢出黎打 -.-"""
仲有一句話咩咩如果冇遇到mst既好老師既話CE就羅少一半a
咁講法即係佢起碼5,6,7隻a啦
少一半即係就算比好廢既老師教或者自修都有2,3a
好想即刻捉佢去打靶 -_________________-"

細佬返中學唔夠一個月就要見家長 -.-"
阿媽話佢次次功課都唔交喎
混帳!!!

做amaths hw
做親a b part都錯到痴線...!@#$%^&*

>>September 21, 2004 at 9:58:55 AM GMT+8