2002 年 12 月 16 日 星期一 【晴】

今日好多好好好朋友生日呀 *o^
有 Ingrid 同 Veron 呀！祝佢地生日快樂啦！
仲有兩個都越大越靚添呀！

食程：※ BB 任食 → Haagen-Dazs ※ 食到人地收工囉......

>>March 23, 2003 at 3:55:04 PM GMT+8

2002 年 12 月 15 日 星期日 【晴】

今朝早 0815 同榮譽會員去左麗斯食早餐......
激早呀下......我竟然可以 0640 起身，勁呀！
0900 上堂，又對番尋日班嘩鬼......好彩今日教得個幾鐘，
不過阿榮譽會員就慘0的，因為佢做 assessment，
所以對佢地耐0的囉！佢由 10XX 上到 1300，而我呢......
就0係 Staff Room 做下 T3、整埋 YFA Competition 0的野，
仲有晏晝考試既 documents！本來晏晝去 Best Service 架...
但係因為太 "支力" & 不在狀態，所以冇去到呀！
加上去的話會好趕時間，所以拎晒 U 上 Head 但係冇去囉！
Lunch 同榮譽會員去左泳池餐廳食飯，食完就番去幫手考試......
改埋卷....然後就各自返屋企喇！我地仲 Tea 左雞蛋仔、夾餅......
我仲加埋兩定三粒章魚丸子囉......滿足到嘔呀......！

走左之後去左德褔，再去啟業......同屋企人食晚飯！
食完 1900 左右就返左屋企喇！異常既早呀！好耐都冇試過......

>>December 19, 2002 at 11:32:30 PM GMT+8

2002 年 12 月 14 日 星期六 【晴】

今朝又差點兒遲到，不過好彩冇事......
返到去整埋0的封封，就同 Gary 同事出左去！
本來唔駛我地去架，但係平時幫手個同事放假呢...
我地去左銀行、郵局......咁大個都未試過寄成 $500 幾信！
攪掂晒0的野就返公司做埋其他野，plan 下 X'mas 既活動......
搵野食搵得好高興......哈哈......快0的聖誕！快0的放假呀！

本來放工即走，但係要影印，卒之成點半先走......
又同哥哥一齊走，又俾佢係咁串我囉......*_*
如果有日佢串唔到我呢，佢一定會好唔安樂嗟！

初初幾驚會遲到呀！因為 1400 要上到 Head，但係我又未食野喎......
好彩嘉豪0係 Head 幫到我咋！如果唔係就慘慘喇！冇飯食......
上到去食左個飽、睇埋0的膠片，就上堂喇！慘慘的我喉嚨痛......
班小朋友仲要 "嘈生晒" ，真係俾佢地激死......聽日仲要上呢......呵！
好彩 VY 姐 15 點幾唻陪我嗟，如果唔係我一早就死左喇！

上完堂之後過左隔離房八卦，睇大燕姐考 YSL ......
佢班學生好攪笑架......0的手語打得異常可愛......
笑到我地三個差0的停唔到.......呵呵呵呵~*

夜晚我地八婆有聚會呢！就係去睇《無間道》呀！
但係唔齊腳呀......得我啦、會長啦、榮譽會員啦、
仲有 Catering 姐姐同小梅咋！我地去左吉吉 Food Court 食飯，
好好笑......初初得我、榮譽會員同小梅到左......
之後 Catering 姐姐唻搵我地......0個陣已經差不多 1930，
但係我地係睇 1950 架下.....卒之我地一路食一路不停睇錶，
個感覺有如玩 "勁食大賽" 咁！趕到嘔......滿足到嘔！
我地三個食食下 Catering 姐姐去左幫會長買麥當當......
再0係戲院 join 番，但係我地最後召集既時候......
會長仲0係 Poly 對面塞緊車囉.......呵......不過後尾佢都趕得切，好彩好彩！

套戲呢！好睇呀！好正！好型！仲有好多 "好"......
當然都好喊架下....不過可能呢句說話出自我口的話.....
大家就會預唔喊架喇......冇法啦.....鬼叫我睇咩都喊咩......
但係套戲戲既結局呢......有0的意外......冇諗過會咁囉！

睇完戲呢......本來諗住去食龜苓膏！但係收左工.....
又諗住去芝麻綠豆，點知勁多人，卒之去左杏花樓......
食左楊枝金露！成場好明顯大家互串架下......鬥難受！
食完糖水大家都各自返屋企喇！大家聽朝都早早囉......

我同榮譽會員聽朝要 0815 愛民呢......~o~

>>December 15, 2002 at 8:32:57 PM GMT+8

2002 年 12 月 13 日 星期五 【晴】

今日幫公司整0的 Calendar 寄俾0的客，本來淨做 HK 既，
但係後尾要幫 SZX 0個邊做埋......加加埋埋要整成 100 封呀！
哎呀......要打啦、入啦、貼啦......突然間又好似做庇護咁......

放工之後約左檗去行街街，地點又係尖咀架下......
俾個大山地話我返工尖咀、放工又尖咀......
不過冇法啦！鬼叫尖咀咁方便咩......Hehe~*
我地行呢個 LCX，行完去左味千食晚飯，滿足到暈......
之後再行埋加記 & 利時，買左個袋袋呢！靚靚 *o^
檗買左條靚靚裙，開心死佢！行完我地就返屋企喇！
大家都 "支力" 到嘔......隻腳又痛喎......呵！

>>December 15, 2002 at 8:01:55 PM GMT+8

2002 年 12 月 12 日 星期四 【晴】

今日返到公司，果然如我所料...多野做到嘔！
成朝都冇停過，慘到連 LET 都冇得去......
呢個星期本應要做既野，都唔知做唔做得晒架......

今日 Lunch 去左 Cafe Lagoon 食呀！好滿足！嘻嘻～*
下晝返去繼續努力，但係呢.....都係未整晒呀！
當然係放工 OT 啦！冇耐班同事叫左兩個 Pizza 餐......
但係 9 個人食都係食唔晒架下......淨番0的意粉！
卒之我做到 2020 先走，然後去美麗華送件......
再去埋 Nike Shop 拎隻 Thermal Mug，真係好靚 *o^

攪掂晒0的野我就出左旺角喇，買野、再 join 細佬同榮譽會員！
佢地買完野之後，我地去左 Neway City 唱 K 架！其實呢......
本來既行程係冇唱 K 架，哈......係一個 Bonus 囉！
但係淨係唱得兩個幾鐘咋！但都算 Ok 既！發癲的......
我地唱 "一千零一個" & "可惜我是水瓶座" 又唱左 3 次！好滿足！
原來呢兩隻歌又係上、下集唻架囉！不過我唱唱下由冇野變有野囉！

唱到 12 點幾先走，勁勁勁 "支力"！明天仍需繼續努力！
我膊頭0個兩塊扒.......真係酸得好緊要 >.<

>>December 14, 2002 at 1:54:42 AM GMT+8

2002 年 12 月 11 日 星期三 【晴】

今朝早......真係差0的就爆炸！想死 v_v
做乜全公司有親乜野都要關我事架呢？唉......
本身已經多野做，跟住呢個有事搵我......
0個個有事又搵我，會唔會0的野全部一次過唻晒先？
張 Reception Desk 終於都唻左，但係裝既時候......
又發現張 Counter Top 做短左囉！唉......有冇攪錯！！！
又要等多一星期，真係.....係咪有病架0的人？
好彩晏晝請左假做 Assessment 嗟！如果唔係定爆呀！

晏晝同班同事食完飯，逛左逛就過左 HO 喇！
同 Idy & Din 傾埋今日個 Program，不過我覺得自己呢......
好似乜都唔知咁，完全唔知發生緊咩事囉......呵！
下個星期真係要 prep 一 prep 先好去......如果唔係唔知會點架下！
但係今日都算 OK 既，好好又唔係.....過得去啦！唔錯架！

完左個野之後去左 101 玩，笑到傻左........
個個都0係度打交，佢地個 Office 頓時變左戰場......
玩到成七點幾先走，可憐既 Sandy 原本話 send 埋個 e-mail 走，
但係 finally 掛住同我地玩，send 左成個鐘個 e-mail 都未 send 囉！

好 "支力" 好 "支力" ！聽日又要繼續返工喇......
我有預感，聽日我一定會好忙囉！今日都未做晒0的野就走左......
聽日呢......好有可能俾人煩死......唉！好悲哀呀真係........

>>December 11, 2002 at 11:20:51 PM GMT+8

2002 年 12 月 10 日 星期二 【晴】

點解呢個世界咁唔公平架呢？唉......
原來唔係女人先善變，其實男人都唔弱架 ～*
又係0個句......「世事如棋局局新」呀！
Ａ型人 ～ 見慣見熟，真係要諗下可以點對住佢地？
要學下阿桃麗菲既 "錢" 話：要用個心去感受......
呢兩個月裡面，大家真係係咁送 "錢" 俾我囉！
有0的人要多謝 & 請食飯，有0的...唔殺左佢都算俾面喇！

今日放工諗住即閃，當然......世事冇咁完美既......
到最後要成 1820 先走得，即刻落去 Mimi 精品舖搵 aifaye 同學！
一齊去番學！Yeah~* 今晚上 AFT 呀！係第一堂.......
有好多八婆人一齊上，除左我地兩個 active member 之外，
仲有阿鐘嘉杰會長啦、PR 姐姐啦、Catering 姐姐啦、仲有小梅添呀！
不過我為左呢個第一堂而放棄左 ASTC 個 Meeting 囉！好似好衰女咁添！
遲下有堂仲撞 EM 添架......真係抵死囉......係咁報 course 丫拿......

放學之後我同榮譽會員 & PR 姐姐 & Louisa 姨姨去左 "麗B" 食飯！
但係都已經接近成 2300 喇！我地叫左個飯 & 意三個人 share！
飽飽之餘，埋單每個都係 $29 咋！好耐冇食過餐晚飯咁實惠囉......

>>December 11, 2002 at 11:34:24 PM GMT+8

2002 年 12 月 9 日 星期一 【晴】

好 "支力" 啊......今日本來唔太多野做，
但係又係臨放工既時候，突然多左好多 job 囉！
又要 OT 喇今日......都 O 到成八點先走呢！

>>December 11, 2002 at 10:19:00 PM GMT+8

2002 年 12 月 8 日 星期日 【晴】

今朝成 4 點幾 5 點先訓，7 點幾又起身喎！真係救命囉！
又爭扎左一輪先捨得起身，卒之攪掂到撘的士落彩虹轉車......
到最後都遲左大約 5 分鐘，不過都未係最遲......好彩！

今日就係去 Management Workshop 既大日子喇！
去九龍塘 join 晒之後有轉車接送我地入 IEd，都幾遠架......
大埔喎......幸好佢有轉車嗟......如果唔係就有排先入到去喇！
冇諗過呢，原來大家今日將我地 ASTC 班 OC 都分左落組......
初初我仲擔心0的野會唔會太高深、太難，我會唔知發生咩事，
不過到最後都 OK 喎！比我想像中易掌握，又撘到嗲喎......呵！
其實成個 Workshop 都唔錯丫，選址啦、選菜 (晏晝餐飯) 啦......
都幾好架！10 點幾同 3 點幾仲有個 Tea Time 添！幾威呀！

個 Workshop 5 點左右完，之後部轉車再接番我地番九龍塘！
不過慘慘的呢......我係勁 "支力" 架下！仲要 "支力" 到呢......
本來今晚要去婆婆屋企食飯，都係我唔記得左囉！
架車0個刻仲要係剛入隧道......所以到最後我決定返屋企！
但係前一個站就係要去逛逛又一城喇！佢 "PAUL" 聖誕樹呢......
真係好鬼死正，貫穿成 "楝" 又一城囉！遲下要去影下相先......

今晚卒之買左壽司返屋企食，好耐冇食過喇！滿足得很啊！
但係另一方面......真係好好好"支力"，今晚一定一定要早訓呀！

Um......近排脾四唔係好好呢......v_v

>>December 9, 2002 at 9:51:46 PM GMT+8

2002 年 12 月 7 日 星期六 【晴】

今日遲左出門口，撘遲左一兩班車......
當我仲以為自己會遲到，仲走去買埋早餐先返工......
返到去原來0岩0岩好 0910，幾好彩呀！冇開到齋喎，呵！

今日既工作唔算太繁忙，等我仲滿心歡喜以為可以放工即閃......
點知0個個整電話既哥哥攪左三個鐘都未攪掂，攪到我成 1340 先走......
之後就即過海港城 Food Court 搵姨姨同師兄食飯！三個食埋一模一樣既野囉！
我地食完飯之後就過左 PolyU，join 埋大家去同 Tracy & 芷萱影相喇！
好高興的我地四周圍係咁影，笑到癲晒囉......成班都傻左！

影完相相同 Tracy 番左屋企，準備今晚伍生囍宴既節目！
攪掂晒我地就出發去酒店喇！去到幫下手整埋0的野......
我就開始變得比較悠閒，食下 Tea、周圍傾下計......
之後呢......我同姨姨、天鈞 & Jason 去左打衛生麻雀......
又有一 "囉囉" 事件發生囉！唉......繼 "天 D" 之後又一巨獻 ～*

話說我地打打下既時候大家都已經打晒 "喊露"......
除左姨姨，因為佢隔離坐左個麻雀高手 (？) 李狄克！
有一下，當天鈞打左隻 8 筒出唻......我好高興咁拎左佢唻 "上"！
仲將另外兩隻牌拎左出唻擺0係隻 8 筒既兩旁......之後我再望一望 ～
我發現原來我 "上" 錯牌囉！因為隻 8 筒兩旁既牌分別係 5 & 7 筒.....
而我就以為隻 8 筒係 6 筒囉！當我發現既時候已經即刻扮晒野咁......
諗住拎番走佢，扮冇事發生，點知......原來我已經太遲喇！
因為俾姨姨身旁既李先生發現左啊，呵！慘慘的我......v_v
於是今晚就成晚俾人串番我兩年前既 "天 D" 事件......
再加埋今晚新鮮出爐既 " 587 事件"......唉......悲哀悲哀啊！
做乜次次玩親0的同賭有關既野，都總會 "囉" 一 "囉" 架呢？

我地 "飲" 到 around 11 點幾先走，之後又走左去影相，
不過今次係影酒店裡面 "PAUL" 聖誕樹囉......好靚靚架佢！
影完相、HEA 完之後我同 Carrie, Ingrd, Tracy & 嘉豪去左 My Coffee 呢！
哈哈......好耐冇去過喇！今晚飲左我好耐冇飲過既 Ice Mint Mocha！
不過係免費架！咪因為我星期一行過佢冇開而我又簽左名囉！

我地足足攪到成 02XX (8/12) 先走，之後飛快咁返屋企......好"支力" 呢......
聽日仲要去個咩 Management Worshop，慘囉......好擔心唔知醒呢！



世事如棋局局新 ＆ 經一事、長一智 ～ ⊙.⊙
呢兩句野越聽越有意思！好唔想接受自己已經大個女......

有個朋友同我講，話佢近排開始識得愛惜自己、肯左為自己諗，
聽完之後戥佢開心，因為佢識咁諗！但係我自己呢......就......

>>December 8, 2002 at 4:17:48 AM GMT+8