2003 年 9 月 27 日 星期六 【晴】

今日既開始係同伍區長傾緊電話，一個星期內......
0係同一個地方分別三日同三個區長講過電話.......

返到屋企又繼續講，不過係同愷盈，自佢轉工之後......
我地真係好耐冇講過電話喇，佢講既野真係好中 & 好0岩......
我真係係時候要大個女架喇，唔可以再好似細路女咁......
同佢講到 02XX 就停喇，因為姐姐用電話所以收左線呢！

0300 去左洗白白，洗完白白出唻 check & 清 e-mail......
正當我以為自己開始好0的既時候，收到個幾突然既 e-mail，
應該話係冇諗過會收到一個咁既 e-mail，真係忍唔住囉.......
令我又再次諗返起 Winnie 尋晚同我講0個句，我都唔想架其實......
但係唔知點解真係忍唔住囉！仲要每一次都係咁.......
不過.......喊左出唻可能會好0的呢.......我真係好亂呀.......

今日請左假，因為係灣仔堂基道學校既 Inaug. + Enrolment，
我應承左老師會 1100 落到去幫手，點知鬧鐘校左 0900 起身，
但到最後變左成 0950 先起身囉！之後揮的 1050 過到去，好野！
一直0係學校逗留到 15XX，今日個 ceremony 唔錯呀！
雖然唔係好多人唻睇，但係都算好 OK 呀！101 同 10 去慶功！

離開學校返左上 Head，之後同伍區長 & 姨姨去左行街......
其實係買野囉，包括左大家既下午茶同聽晚城南打爐既物資......
之後吽到 19XX 開油旺 SM，呢個 term 係大家開開下會走出唻架囉 -.-"

今晚個 SM 其實大致上都將問題解決左，係咪可以 run 得好......
就要睇 & 靠大家喇！不過我地有信心既，正所謂齊心就事成嘛！
而家最後出唻我又要做番 PMT 囉！睇唻佢真係太中意我喇......
個會比我想像中開得快，可能係我地四個人既問題啦......
0的野好快就傾好晒，大家意見仲好一致添，好難得架嘛......

開完會我地四個走左去食韓燒呢，燕恨左成半年喇......(佢話~)
今晚呢餐晚飯，成 2300 先開始食囉！加上個配撘有0的攪笑......幾新鮮！
我地由個會既中途開始笑到食完飯喇......totally 咁癲左！不過幾高興！
食到 00XX 就走喇！Um......開完會個人好似鬆左0的咁呀，希望真係啦！

尋晚訓覺既時候發左個好恐怖既夢，究竟代表住乜野呢？
無啦啦搵人殺死自己，慢慢死0個下真係好難受......
我好似身處當中咁，完全係抽離唔到囉，勁辛苦......
連迫自己訓醒起身都係唔得！唉......好驚會再發0的咁既夢嗟......

>>September 28, 2003 at 3:57:06 AM GMT+8

2003 年 9 月 26 日 星期五 【晴】

尋晚激早訓，起身返到公司好精神，不過呢.......
只係維持左個幾鐘囉！之後開始激頭痛 >.<

唉......次次諗住對自己好0的早0的訓，點知次次都係咁！
早訓的話之後0個日過得仲辛苦過凌晨先訓既日子，好一副賤骨頭！

本來諗住今晚放工又返屋企訓覺，點知晏晝老細打唻叫我去開會，
係開 Friendship Meeting，上到去先醒起原來 Tracy 都一齊開，好野！
開到 21XX 散會，之後落左旺角 join 燕，再去逛街食糖水，好滿足！

>>September 28, 2003 at 3:34:28 AM GMT+8

2003 年 9 月 25 日 星期四 【晴】

0000 開始0係歌和老街渡過，冇耐小丙媽媽打唻同我傾計......
傾傾下大家話走，於是我就去左撘地鐵，佢地就行出旺角......

我由九龍塘同小丙講到返屋企樓下，都已經點幾喇......
之後又再師兄再講過，講到兩點幾先捨得上樓，好 "支力"......
加上食左藥，以0的藥既眼訓程度，我竟然可以撐到 03XX 先訓！勁！

朝早放任自己地 0750 先起身，仲要慢條斯理咁執野......
082X 先出門口，因為尋晚太 "支力" 喇！所以決定打的返工......
一路撘車半路都係訓，不過今次打的個感覺同平時打既好唔同囉！
一返到工以為冇事，點知又俾 Sandy 同事話離遠已經見到腫腫咁 -.-"

心情唔好加上唔舒服，精神快要崩潰，旱有地選擇左放工返屋企......
不過臨離開尖咀既時候都去左幫班細路買手套先......原來都唔係好難搵嗟~
之後行左去碼頭撘 1A，又訓......返到屋企都成 2000 喇！返去執野洗白......
安定一下，俾自己靜下，之後拎左新玩意出唻問下究竟會攪成點......
可惜出唻既結果真係好令人擔心，究竟係我功力未夠？定係已成定局呢？

22XX 諗住訓既時候師兄打唻，又同佢傾過，傾到俾佢迫我訓覺囉 -.-"
不過講講下另一師兄 - 阿才打唻，變左同佢講，講完佢個電話就真係去訓喇......

短短幾日無啦啦發生左咁多事，我諗大家近排都好有壓力架喇！
好多謝各位同事既關心......呢個 support 對我唻講真係好緊要囉！
今次既事令我覺得自己真係大個左，可能真係係時候要接受現實啦......
衰衰的我仲要一日內同師兄講左 10 幾次一句令佢好難受既說話，對唔住呀 v_v

>>September 26, 2003 at 3:09:55 PM GMT+8

2003 年 9 月 24 日 星期三 【晴】

縱使今日 Sick Leave，不過都依然活動多多......
因為今日約左兩間學校做 visit 呢！犀利 ~~~

今朝起身冇耐，撘撘下車又收到個震撼消息......
第二個喇，睇唻呢個係一個 "連鎖反應" 囉 -.-"

今日上半場之行程：泳池餐廳 → HQ → 周氏
去完第一間學校，同黎主任 & 劉協調幹事去左食飯，
但係只係 18XX 囉0個陣，大家都好耐冇試過咁早食飯喇！
食飯途中又收到第三個既震撼消息，真係夠喇唔該......

食完飯我同劉協調幹事就去下場 -- 協和小學下午校，
原來下晝班係成 6 點幾 7 點先放學架囉......真係好晏啊 *o*
同校長 & 老師s 傾完都已經成 2100 喇！真係好犀利......

一傾完即過左 City join 人地既草同菜，一去到佢地走囉 -.-"
之後轉移陣地到 KFC，食左個葡撻 + 食左杯水，坐左冇耐又要走，
卒之走左去歌和老街公園坐 & 傾計.......仲走去坐人地0的 "禁區" 囉！

>>September 28, 2003 at 3:35:14 AM GMT+8

2003 年 9 月 23 日 星期二 【晴】

唔開心、唔開心同埋唔開心！點解我開始有番心機做野既時候......
偏偏會攪成咁？尋晚 23XX 至今晨 01XX 不停發洩，兩個鐘都係唔夠......

經過尋晚兩個鐘之發洩，得到今日隻眼係 "MARK" 唔開囉~
當然唔少得既腫啦......仲好眼訓添！好想抖下，好 "支力"......
放工姐姐唻搵我，一齊撘車返屋企，不過我去左睇醫生！

吽病吽左兩個幾星期，我終於都要屈服去睇醫生......
醫生話又係我腸胃問題囉，不嬲都唔係好，成日周圍痛.......
好彩今次唔使飲藥水，不過都有 6 種唔同既藥丸.......
再加埋聽日既 Sick Leave 紙一張，要好好咁抖下......

>>September 27, 2003 at 3:41:26 AM GMT+8

2003 年 9 月 22 日 星期一 【晴】

好 "支力" 的，本來尋晚話早訓，當然......
到最後都係做唔到啦！一早起身又死趕爛趕咁！

今日冇帶飯，晏晝同 Dor, Bo & San 去左仙跡岩食，
等左陣位就坐低啦，不過我地等食等左激耐囉......
等食既時候收到個電話，聽左個好震撼既消息......
聽完0個刻真係即刻失控，坐左0係度喊囉...... :'(
唔好意思的嚇親身邊幾位同事囉，仲以為我做咩......

自聽完個電話開始到夜晚返屋企呢段期間，腦袋一片空白......
點解尋日仲好地地既時候，今日個消息唻得咁突然囉......
返屋企途中同師兄講電話，由上等 601 講到屋企樓下......
行到正正屋企樓下呢，就到周區長打唻，同佢都傾左幾耐下.......
好似識佢咁耐都冇聽過0的咁語重心長既說話，卒之講到成 01XX 先上樓~~~

今日心情 & 感覺真係好唔好呀！你叫我唔好因為你而喊......
好認真我真係做唔到囉！點可以接受呢一系列既 "現實" 呢？

>>September 26, 2003 at 3:06:11 PM GMT+8

2003 年 9 月 21 日 星期日 【雨】

尋晚最後係成功將個 Homepage 轉左第 4 版架！哈哈......
整完個 Homepage 洗個白又再上番網，攪到 03XX 先去訓......

今朝諗住 0715 起身，點知到最後 0737 先起，呵呵......
仲趕得切叫埋師兄起身添，之後我攪下套 U，攪到成 0810 先出門口！
呢個時候先出門口當然係去左撘的啦，落左彩虹再轉地鐵......
好耐冇試過著 U 撘地鐵，一如以往，行到邊個個都望住晒囉 -.-"
好準時咁 0845 出到油地， join 左師兄去食早餐......
本來話去食粥 & 炒粉麵架，但係諗住等埋燕，所以我地去左食麥記呀！
食完剛剛好 0915，打俾燕佢就出門口，一見面就上的喇......
上到 Head 差不多 0930 啦，部電腦又傻左囉......大家乜都做唔到！
冇 Internet 既時間真係過得辛苦，因為人地全部野 upload 晒上網......

今日開 DM，都 OK 呀！見到好多妹妹，即係我以前班 SL(T).....
而家個個都 F.6 喇，咁就兩年......話咁快呀！突然覺得自己好老添 :p
哈哈.....開會既時候都幾攪笑，先唻睇睇大家坐既次序......
我 → 師兄 → 老細 → Daddy → 燕 → Kitty → AU Committees
好明顯全程呢 ～ 我同師兄傾、Daddy 同燕傾 & AU Committees 自己傾！
最好笑呢，都係講火鍋團時候既 "落水攪" 事件，大家都覺得係 "水餃" 囉 -.-"

個會果然由 1000 開到 1300，開埋 UM Meeting 又唔至呢個時間喇......
今日又有 "火羅" "火羅" 事件發生我身上喇，真係好無奈囉 -.-"
話說 check U 既時候有個 167 既妹唔舒服，之後仲成個人軟晒......
咁我就上番 Head 搵擔架床啦，但係我又搵唔到喎！正當我衝出門口......
諗住落番去幫手既時候，我就聽到0的 "Ti Lic Ta Lark" 既聲音0係我附近......
望一望，我先發現......原來係我對鞋個底甩左大半囉，唔係咁邪呀化 -.-"
最難受既係今朝早開會前有個 55 既妹又發生同樣既事囉......呵~~~~~~

開完 UM Meeting 換過衫，我地一行 6 人去左泳池餐廳食飯 & 吹水......
我地呢 6 人有我啦、燕啦、Wendy 啦、師兄啦、Eddie & Steven......
一出 Head 門口落緊雨囉！無啦啦又落雨，但今日0的雨味好腥呀......
我地坐低落 order 既時候已經係 1427 喇！好彩仲叫得切午餐嗟 ^_^
食完野傾完計我地成 16XX 先走，走既時候太大雨所以要滯留囉......
企左個幾 "字" 就行喇，之後我同師兄返番 Head，嘉豪上左唻......
返到去我幫佢地整左少少野就走喇，好 "支力" & 唔太舒服呢......

返到屋企差不多 1900，難得一見的今晚竟然齊一屋四個人食飯囉！
今晚食壽司 + 魚生飯，不過我食左一半飯就已經食唔落喇......
可能因為頭先兩點幾先食 Lunch 啦，另外又唔係好舒服呢......
得到淨番0個0的聽日由媽媽負責攪掂佢喇！因為我唔帶飯嘛......呵~~~

今日收到份禮物呀，好高興！話說開完會既時候 Athena 話有野俾我......
接著冇耐佢就拎住左個小袋過唻問野，問完就俾左袋野我......
話係 Van & Ming Ming 俾我架，拎過小袋後我就 "踢住拖" 返番 Staff Room，
以我既性格，返到入去當然第一件事就係開唻睇下係咩啦......
哈哈哈哈......係一隻震震 Hamomimi Cube 既公仔唻架！激靚呀 *o*
唔......應該話係兩隻，因為係一隻細吊住一隻大，再拉 & 震......
真係好好好靚架！哈哈哈哈......好 surprise 呀！多謝妳地啊......*o^

>>September 22, 2003 at 12:36:35 AM GMT+8

2003 年 9 月 20 日 星期六 【晴】

今晨 03XX 先訓，0730 起身，撘 0810 班車......
差不多 0830 出到尖咀，好有雅致咁去行九公返公司......

原來一早去行下公園個感覺唔錯架！哈哈.......
不過條路短左少少 & 時間唔係好夠囉......幾舒服 ^_^

今朝早好忙，為左追野一個鐘內打左俾同一個人成五次......
真係有0的唔好意思，不過為左大家唔好 "殺上殺"......
唔好意思都要打喇......嘻嘻！過左 1100 開始好少少......
之後仲打俾 Din & Sandy 講左成個鐘，好一句資深人士呀下......

放工之後成 1400 先走，之後同檗左去食飯......去左佢飯堂！
佢既一句：「煙不離手，酒不離口」真係好正 ～ 各位同學，保重呀！
同檗食完飯之後行左去海旁轉左個圈，然後就撘車返屋企喇！
因為今日真係好唔舒服呀！行到碼頭撞見 Alice 呢......好耐冇見佢喇！
撘 1A，本來諗住訓返屋企，點知又訓唔到，撘左成粒幾鐘先返到屋企......
撘撘下車聽聽下歌，無啦啦眼濕濕......又乜事呢？唉......
又俾人講中，我真係又有0的野，好左一個月又唻過？

返到屋企 "HEA" 左陣去左訓覺，初初又訓唔著......
後尾無啦啦自己0係度喊囉 -.-" 喊喊下就訓著左喇......
訓到 20XX 師兄打唻，約聽朝食早餐，又同佢講左成鐘.......
發現 ～ 原來而家存在既問題比想像中仲要多，點解會攪成咁？

食過晚餐，想將個 Homepage 轉第 4 版呀！唔知今晚整唔整得晒呢？

本來今晚去 My Coffee ，不過冇去到呀，因為......真係勁辛苦...... >.<
個頭好似俾野 "COOL" 住左咁，撘撘車下仲胃抽筋囉......都係第一次！
幸好今日自我控制左，如果破埋 1 日 20 既紀錄，恐怕我都要等死！

機會係要自己爭取，但係如果選擇左放棄的話......怨都無謂！

>>September 22, 2003 at 12:30:57 AM GMT+8

2003 年 9 月 19 日 星期五 【晴】

尋晚未夠 0000 就訓左覺喇！訓左 7 個鐘......
不過訓得多仲越攪越衰，今日超辛苦......

初初返到公司都仲 OK，不過之後痛左成日囉 -.-"
又唻發冷發熱作發燒，究竟幾時先燒得成呀？
成日咁 "吽" 發好慘嗟......唉......好悲呀 v_v
個頭 ＆ 喉嚨痛爆左，成個星期喇 ～ 好辛苦呀！

本來放工諗住返屋企訓覺，點知呢......又冇返到囉！
最後同 BoBo & Sandy 去左玩，我地去左港晶開 show 呀！
雖然得兩粒鐘，不過還可以啦，因為大家都好耐冇去過喇......
走左之後仲去左 "威連威老道" 添，行左個轉就過番尖東撘車喇......

又撘 13X，一去巴士站到走左架車，等左激耐...... -.-"
好彩之後唻左架冷氣巴，不過撘車都撘左成粒鐘囉！
想訓又訓唔到喎，唯有靠部電話同部 MP3 囉......
返到屋企真係激 "支力" 呀！個頭......真係就爆囉 >.<

事實證明，對自己好係唔得架！仲發現，對人太好亦令自己唔開心 ～

>>September 20, 2003 at 1:55:56 AM GMT+8

2003 年 9 月 18 日 星期四 【晴】

尋晚同自己講要 0000 去訓覺，點知呢.......
遲左半個鐘，都算 OK 啦，起碼都唔係點幾兩點先訓丫~

今朝 0725 起身，目標係 0745 出門口，因為今日要撘 1A！
最後 0750 先出門口，一行完百幾級樓梯係咁勁跑囉......
上到車坐左冇耐就訓喇，一路訓到出尖咀，果然係撘 1A 好0的！
"好似" 係咁啦 ～ 只不過係暫時性咁覺得，不過而家就要早0的起身囉！

今朝公司發現墮湖事件，好慘慘呀......
我隻 Hamomimi 火車杯唔知做咩，自尋短見......
跳左落我隻 Hamomimi 杯度呀......好慘慘呀......濕晒！
之後同佢洗完白返唻仲要俾人串：「大貓小貓落浴盤」囉 -.-"
其實呢句野係源自「大珠小珠落玉盤」囉！哥哥果然係文學人喎！

今日晏晝做到癲左，真係唔好講笑，勁忙勁 "MUNG" 勁頭痛......
仲要0係最忙既時候有個阿嬸打唻發癲，唔好俾我見到佢......
如果唔係呀......殺左佢都有份！一講完0個個電話嚇親人囉我......

放工好唔妥的即閃，本來諗住去撘 1A 架，但係晏左走......
所以到最後都係走去撘 13X，真係越唻越憎撘呢架車.......
好耐都冇試過一放工返屋企，我諗可能要用年唻計喇......
返到唻都係 19XX 咋，勁早！如果唔係唔舒服，其實唔會咁早囉 -.-"

今晚清 E-mail 又睇到0的好正既野 ～
對的時間，遇見對的人，是一生幸福。 錯的時間，遇見對的人，是一聲嘆息。
對的時間，遇見錯的人，是一場心傷。 錯的時間，遇見錯的人，是一段荒唐。

>>September 18, 2003 at 10:08:16 PM GMT+8