2003 年 4 月 15 日 星期二 【晴】

今朝 0835 出到尖咀，勁耐冇試過......呵呵~~~
我諗我以後要 keep 住撘 0810 0個班車喇！
不過一定要知醒起身囉！如果唔係又係要伸手.....

今朝早餐食細個好中意0個隻蛋卷，個品名唔記得左啊！
但好耐冇食過，所以買左，再 + 多罐 V8，好健康！
返到去唔算太多野做，但唔知點解，做做下就成 11 點喇！
唔覺唔覺呀真係！但係 1130 - 1300 0個段時間又好難過喎！
同隔離位靚女傾傾下計，發現左0的野 ～ DR. DOR DOR 理論：
「原來係咁食零食會令一個人覺得0的時間過得快0的架！」

仲有，好明顯 ～ 今天哥哥撩打囉，係咁勁串我呀下......
激唔高興啊 @.@ 唉......人地哥哥喎.....仲話照顧我囉......
唉......心淡！不過好笑既係，今日睇左個生日書既東西......
原來哥哥係我最合拍既朋友囉！因為佢係其中一個日子既人！

今晚返左屋企食飯，不過有點兒後悔......唔好提喇！
一如以往全晚對住部電腦囉！仲又砌左架 "重型挖土機"......
好正 & 靚！仲識轉添架！好有型架！諗起都抵......
聽日要連埋上次0個架 "掃雷車" 拎番公司，擺靚靚 *o^
仲淨番架迷彩十字車未砌咋！遲下一定要砌埋佢呢......

今晚仲執過個 Homepage 呀！再一次 upload 唔到上網 ～ 激死！
好明顯我已經唔記得晒點0係個 FrontPage 同用 ws_ftp Upload 囉！

家姐今晚去左婆婆度訓，可以獨霸部電腦喇！哈哈哈哈......

>>April 16, 2003 at 1:24:35 AM GMT+8

2003 年 4 月 14 日 星期一 【晴】

呢個星期一開始，眼訓症非常嚴重 v_v
真係唔係好得呢......點捱到禮物尾呀？
不過好彩，星期五開始係公假囉！呵呵......

好頹呀今日！(其實都已經好幾個星期......)
今日晏晝仲諗緊返唔返屋企既時候檗打唻......
竟然撩去食飯喎！呵......當然我應承左啦！
於是我地放工之後就去左 Cafe 21 喇！當然......
唔少得我地一見必備既物資，不過大家今日都唔太需要！

食左個雞雞 & 金菇既定食，超滿足！
由於檗食到熟晒既關係，本來冇既雪糕都有！勁 *o^
食完成個 Dinner 真係滿足得好緊要囉！

食完野我地行左去碼頭商務睇書，睇到人地收工囉！
之後......就各自各返屋企喇！

>>April 18, 2003 at 2:46:50 AM GMT+8

2003 年 4 月 13 日 星期日 【陰】

超 "支力" 的 ～ 今朝成 4 點幾 5 點先訓......
因為尋晚掛住玩，砌車車 & 玩十字繡 ～ 正！
晏晝 "札" 醒都已經 1230，但係都 "碘" 到 1250 先起身！

一起即刻攪掂晒所有野，再食左件餅......
就打的落牛頭角喇！因為今日要去派防炎消毒包啊......
其實今次都算係一個幾危險既 Service，保險唔包喎，
不過講真，對我都冇乜影響既......
我一向都係0個句：「係中就中架啦，命中注定」

今日臨出前個 Briefing 都講左好耐......不過好彩！
如果唔係我地出發既時候就會好曬囉！
但係後尾都好熱啊！因為我地副裝備好勁架！
由頭包到落腳架下......首先有頭笠、眼罩、口罩 (仲要係 N95)、
手套、一件類似手術袍既野、背心 & 鞋罩......勁呢......
另外大會仲提供左一條運動褲 + 鞋 (白飯魚) & 襪俾我地......
一去到就要換左先，之後再加0個 "咋" 裝備囉！好犀利呀真係！

Briefing 既中途董太唻左囉！當然唔少得0的記者啦......
仲有一班房署既人，佢地真係好鬼勁，成班好似做 Show 咁！

我地西九既一班同事去左 13 & 14 座派，都要行幾遠......
但係遠並唔係一個問題，係大家著住0個套野再行埋過去......
過到去已經係咁勁滴囉0的汗，件衫當堂變左 See Through 呀！
我同明仔一組，我地都算做得幾快呀！都係頭0個幾組返到 Centre，
返到去仲有野食 & 野飲，不過一返到去俾人幫你除裝備0個下呢......
真係好似做完手術咁呀！俾人除光左半身......哈.....都有點兒尷尬架下！

等齊人又做左個 Evaluation，做左成個鐘囉！
我地走既時候都已經差不多 7 點喇！
之後去左安基苑0個邊食飯.....食完就返屋企喇！
真係好好好好 "支力"，仲要加埋肌肉酸痛......
今晚一定要早早覺覺呀 *.*

>>April 13, 2003 at 10:18:35 PM GMT+8

2003 年 4 月 12 日 星期六 【晴】

今朝又叻叻多次，知醒起身！呵呵......
約左同事食早餐，又早左一班車，早左 4 字架下！
不過返到公司照舊，唔願做野囉......唉......v_v

放工即彈，約左 Counter 班同事 & Tracy，
去左觀塘有間玩具文具批發既公司，好高興......
0個度0的野好平架！我買左成籃野 80 蚊都唔駛！
買左好多車車、十字繡，仲有我好中意既萬花尺！
另外仲買左個叫 "疊疊高" 既 "趣味遊戲添！

去完買野都成 4 點喇！本來仲諗緊過唔過大窩口......
但係又好想返屋企訓覺，加上買野又係0係觀塘啦......
不過到最後我都有去到呀！因為0個邊人手不足，
又要趕聽日派0個0的喎......所以去左幫手呢！

去到都已經 1648，一做就做到 21XX 喇！
做完真係好好好"支力" 呢！之前仲話早0的返去抖......
點知之後係出番旺角食野，仲撩埋人出唻飲野囉！

出番旺角我同梅同學去左食 M 記，呵呵......
食左新新口味既草莓脆脆麥旋風！YEAH *o^
之後就去左等 Andrew & Ivy 喇！本來諗住去 KK.....
但係因為太嘈 & 太臭既關係，所以我地決定轉地方，
去番我地既老地方 - 海富苑個露天劇場！
勁勁的我地仲有 AGENDA 添呀！幾威呀......
難受既係 ～ 會唔會第一個 ITEM 係 "講電話" 囉......-.-"

坐到成點先走呀我地，好明顯我不在狀態啦！
一唻太 "支力"，二唻近排心情激差......講真......
今晚得唔到我想要得到既野囉......不過算啦！

唔知點解，呢排覺得自己有0的問題......
好似周圍個個圈都唔係好0岩 FEEL 咁！

生命中，不斷的有人離開或進入。
於是，看見的，看不見了；記住的，遺忘了。
生命中，不斷的有得到和失落。
於是，看不見的，看見了；遺忘的，記住了。
然而，看不見的，是不是就等於不存在？
記住的，是不是永遠不會消失？

>>April 13, 2003 at 9:02:31 PM GMT+8

2003 年 4 月 11 日 星期五 【陰】

今朝叻叻的知醒起身，0845 已經出到尖咀喇！勁！
不過今日唔知做乜，好唔舒服！除左心情唔好之外.....
今日勁冇胃口，竟然連一包旺旺海苔雪燒都食唔晒......唉！

今日食完 Lunch 返公司既途中，發現左一樣野......
童軍行山既時候，會用紅絲帶縛0係樹度唻認路......
原來呢......有人會用煎釀三寶唻掉落地認路架！哈哈~*

夜晚又去左整防炎包，終於都唔係貼貼紙喇......
今日去左入消毒片 & 入膠袋，都唔錯呀 *o*
做到差不多 10 點先走，之後我地一眾人去左食飯.....
去左沙嗲王食呢！超級勁滿足......同尋晚有得揮呀下！

今日呢......廿個唔開心既話我有廿萬個囉......
好耐冇試過咁低喇......做乜無啦啦會咁架？唉......
做乜都好唔順利好唔高興咁，全日都好似舊飯咁～
即係個人呆左 & 反應激慢！......仲幾度想喊......唉......

乜皺得眉頭多會成日病架咩？

>>April 13, 2003 at 8:39:37 PM GMT+8

2003 年 4 月 10 日 星期四 【陰】

今朝又唔太知醒起身，攪到遲左班車囉又......
呢個星期冇一朝準時起到身，聽朝一定要試試......
勁慘既係今日班車企足全程，條腰骨超痛......>_<

返到 Office 好明顯就超眼訓啦！不過唔太緊要.....
因為我地每日都有 "眼訓症"，1D 都唔出奇架！
但係之後就要係咁撩人傾下計囉！好彩......
有一班好好既同事陪我癲！YEAH *o^
我同哥哥仲0係度玩倒數囉！由仲有 8 個鐘開始，
數到得番 6 分鐘，幾高興呀！夠鐘即閃啊......
走既時候仲同埋寶寶 3 個0係 "LIP" 口玩遮.....好好笑！

今晚本來約左班同事食飯，但係後尾都 Cancel 左.....
到最後我去左同 Wendy & Keith 食飯，去左 UCC VIenna......
食佢個 Set Dinner......好明顯大家都滿足到扒左0係度......
因為實在食左太太太多野喇......捧住個肚咁走囉要！

食完野，周圍行左陣，又去左 Mes Amis 飲酒！
今晚好 "高髻" 的，我地係去飲紅酒架......*-*
好正！都係第一次咁悠閒咁坐0係度同朋友飲紅酒......
仲傾左好多之前大家都未傾過既野，個 feel 真係好正！
大家講0的野又好中好0岩聽喎！仲出左好多個結論添......
其中以呢個比較頂癮 ～ 「大係一個 BONUS !!! 」
我地飲到 11 點幾就走喇......聽日仲要返工嘛......唉.....
唔知幾時會有下次呢？不過 Keith 17 就走喇喎......
咦......咁咪即係就係一個星期之後囉？時間過得真係快！

今晚同 Mes Amis 0個度0的蠟燭影左兩張我所謂既 "藝術相".....
好靚 ～ 尤其紅色0個張呀 *o^ 不過0的蠟燭就俾我玩到熄晒囉！
要0的姐姐同個 Manager 係咁幫我地換，真係唔好意思喇......

>>April 11, 2003 at 12:59:02 AM GMT+8

2003 年 4 月 9 日 星期三 【雨】

心淡 ～ 同一個問題：對身邊既朋友太好，究竟係好係壞？
呢個問題0係我既朋友圈子裡面，其實都經常出現......
因為太就佢地、對佢地太好既時候，有機會會反彈 ～ 傷番自己！

但當你好真心真意對一個朋友既時候，發現佢一次又一次咁呃人你.....
最難受既係......佢明知你知佢呃你，但佢都仲可以照舊一樣咁對你......
究竟咩心態呢？點解仲可以繼續咁真心真意咁對佢呢？
剎那間......好想鬧自己：點解你咁戇居架？仲要戇居左咁耐添 -.-"
好失望，後悔過往既付出！雖然如此，但令我睇清左一個人......
或者更令我知道我要再衡量／反省一下，我對朋友既.......???
唉......唔想接受但終需接受，因為呢個係一個現實！
接受完呢個現實之後，下一步我會選擇遠離呢個人......

將一個冇乜用兼幾無謂既 E-mail 留左足足年半～
但係都仲未捨得 delete，究竟係想留住0的咩呢？

>>April 10, 2003 at 11:01:33 AM GMT+8

2003 年 4 月 8 日 星期二 【雨】

要接受自己已經大個，真係好難......
要做埋 1D 配合既野，係更加難......

>>April 9, 2003 at 12:22:37 AM GMT+8

2003 年 4 月 7 日 星期一 【雨】

好眼訓，今朝成 4 點先訓呢......
好怕會唔知醒起身，點知冇事！反而早左添！
縱使我早左起身，撘早番班車，點知都差0的遲到囉！
因為塞車架下......無啦啦今日條馬路0的車多到丫.......

成個朝早渾渾噩噩咁過左，下晝同同事們食完 Lunch 就走喇！
請左假 ～ 因為我今日終於去左 Pitman 申請張 Diploma 喇！
我發現呢......原來我爭張 OP 就可以拎埋張 S & A 既 Dip. 喇！
好想去考番佢呀，舊年都係自己衰啦...... 唔早溫書攪到肥左！
唉......而家好後悔添！不過呢，佢個 "within 2 years" 有0的難度呀！
因為我第一張 Cert 係 7 月 3 號既事囉！點算好呢？
好想再考，但我怕會再 "side" 多次錢囉......

攪掂張 Dip. 就撘番車車上 Head，幫手寫下咭，仲有呀......
今日0係 Head 打 "烏蠅球" 囉！好犀利......勁喲！

夜晚又去左整防炎包，不過 2100 就開始收拾喇！
加埋我地又遲到，其實都只係做左0個 1 個鐘囉！
之後我地同 NTD 既同事們一齊去左食飯，話時話......
我發現原來自己好耐都冇試過食一餐咁正常既晚餐喇......
食完去左撘飛 VAN，不過今次呢架冇 N 年前0個架咁好 Feel 呢！

今日又發現左，原來身邊有個朋友同我又好似......
雖然只係識左佢兩個月左右，同佢傾計時發現左呢樣野......
但當然佢比我積極得多啦！但係當我發現大家好似0個刻......
真係好高興！因為又多個 "同黨" 嘛！

>>April 10, 2003 at 10:17:56 AM GMT+8

2003 年 4 月 6 日 星期日 【晴】

經過尋日既散心活動後，今日終於可以訓晏0的喇......
哈哈 ～ 不過其實都係 11 點幾起身......
之後就過左長沙灣搵 Carrie，再一齊過大窩口！

今日晏晝去左大窩口整防炎包，撞到幾多人呀都.....
雖然今日只係貼貼紙，但係都 OK 呀！因為一路傾一路整嘛！
但係個肩頭0個兩塊扒就真係好 "支力" 囉......

由於冇資源既關係，所以今日 1630 就走得喇......
走左之後同梅佬 & Ivy 同學出左佐敦 & 尖咀......
去左行下街、食下野、傾下計 & 飲下酒 @ Mes Amis！
雖然得 3 個唔齊腳，但係都唔錯，傾左幾多野架都......
仲知左好多野添！成 11 點幾 12 點先走......呵呵......

>>April 11, 2003 at 12:37:30 AM GMT+8