2003 年 7 月 18 日 星期五 【晴】

今晚，HO 開會，呢個星期係咁開會囉 -.-"
下個星期都 1234 咁落呀！好犀利！
果然......心情唔好既時候就中意係咁做野！

放工同 Sandy 一齊去左撘船過海呀！
過到中環再行番過夏愨道，唔算太遠......
沿途又冇人行喎，下次絕對可以繼續呀！

近來愛上聽許慧欣既歌呀 ～ 好正！
如果有人有齊佢３隻碟就好喇.......

話時話，咁就ｇｒａｄ左１年多0的喇 *o*
時間......果然過得好快，以前讀書都唔覺既！

>>July 20, 2003 at 3:25:26 AM GMT+8

2003 年 7 月 17 日 星期四 【晴】

放工又上 Head 開會，不過遲左開，早知係咁......
我唔駛咁趕啦！幸運的今晚 21XX 就散會喇！

開完會我地一眾人撘的的落旺角，佢地去食飯......
我就去左搵燕師姐行街街，行左個幾鐘啦！唔錯......
勁多野勁減呀！可惜冇 $$$ 啦......如果唔係？嘻嘻......
臨走之前去許留山買左個 "金撈"，就係我既晚餐喇 -.-"

之前 Download 左千嬅既 Make Up，都算 OK 喎！
而家 MP3 勁聽呀！好好聽 ～《稀客》呀，正架！

近排呢，AD 個問題呢，好似 Get 到少少咁！
都係0個句：唔想！唔得！唔可以！要頂住呀！
好耐好耐冇試過咁樣喇！真係好辛苦啊 >.<

>>July 20, 2003 at 3:16:42 AM GMT+8

2003 年 7 月 16 日 星期三 【晴】

尋晚返到屋企一沖完涼就訓左喇！勁快！不過......
其實我係唔知自己訓左架囉！只知 03XX 起過身，
走過隔離房同姐姐講：「我訓喇！」......
一路訓呀訓，冇校鬧鐘既我，0815 "扎" 醒......
冇反應囉！直至 0830 再醒，今次真係大鑊喇！

起身極速咁梳洗，飛的返公司，個死人司機......
係咁兜路之餘，仲好話我俾 $500 紙佢冇得找......
而家咁既服務態度點得架？最衰我冇抄低佢車牌 No......
返到公司 0910，唉......又要罰 $30 喇！慘慘呀！

今晚放工又 OT，我左邊座山真係越唻越高喇......
又極速 "生長" 囉！幾時先做得完座山呀陰公......

>>July 20, 2003 at 3:08:34 AM GMT+8

2003 年 7 月 15 日 星期二 【晴】

今日又 Automatically Down 喇！又係唔知咩事......
其實我都已經慣喇，成日都係咁既！唉 v_v

今晚放工上 Head 上 HC，但係頭半堂都冇上......
留左0係 Staff Room 開會，下半堂先上番咋......嘻嘻！
放學之後我地預備左個神秘生日會俾會長啊......
因為今日係佢正日生日呀！Daddy Happy Birthday *o^
我地上完堂我地0係 Lobby 度熄左燈，拎個蛋糕出唻......
同佢唱生日歌呀，但係支蠟燭中途不停咁熄囉，激死！

食完蛋糕之後佢地落左麗斯食飯，我做埋0的野之後......
就落去搵佢地傾左陣計 & 八卦，傾到 23XX 就走喇！

>>July 20, 2003 at 3:01:58 AM GMT+8

2003 年 7 月 14 日 星期一 【晴】

第 2 晚自由晚 ～ 本來諗住同家姐去行街食飯......
不過到最後留左0係公司 OT 囉，仲要做鎖門0個個，
唔中意呀 >.< 因為公司個閘之前俾人拉爛左，成日鎖唔到！

返到屋企姐姐整左火腿粟米沙律，好耐冇食過喇 *o^

仲有 10 日就舊曆生日，仲有 1 個月就新曆生日......
不過今年呢，唔知點咁......個感覺有0的奇怪囉......
冇左以前既 "生日前興奮"，係咪人大左......就係咁架呢？

>>July 20, 2003 at 2:52:34 AM GMT+8

2003 年 7 月 13 日 星期日 【晴】

哈.......今日雙親又出國喇！好野！又釋放喇 *o^
話說尋晚同媽講講下野訓左，之後 22XX 醒左......
"HEA" 完沖涼未夠 0100 又訓過，好勁啊！
其實都唔係真係咁 "支力" 嗟，點解可以係咁訓呢？

因為尋晚訓得太多，今朝未夠 1100 就起左身喇！
平時邊有可能架？有問題、有問題......

晏晝約左 The Rock 既同學，1500 0係尖沙咀新世界集合，
然後搭 973 入赤柱，唔好講笑，車程都幾長呀......
如果唔係 4 個人一齊撘，都唔知點算好呀！實悶死啦！
我地0係巴士上面拎住會長份神秘禮物係度係咁影相......
但係個問題係.......0個份禮物...... 真係好核突囉！

我地入到赤柱，第一時間就去左 M 記食麥旋風，好滿足 *o^
之後去百佳 Shopping，買下野食 & 燒烤用品，都買左成 $ 500 呀！
買完野我地就由廣場行去正灘，搵爐啊！真係勁熱勁曬勁多人啊......
好彩的 ～ 我地都算快搵到爐，不過個 location 唔太好，仲水浸添！
最搞笑既係我地冇火機冇蠟燭冇報紙冇燒烤網冇檯布冇拖鞋......
連最重要既 "生日蛋糕" 同 Cream 都唔記得買囉！到最後呢......
燒烤網、報紙、檯布 & 火機都係問隔離借囉！好明顯呢......
大家 Shopping 買左好多野，以食既為主，但必需品就真係冇囉！

會長同 PR 姐姐唻到之後，我地就真正開始進行我地既生日派對喇！
我地首先送左張咭 & 神秘禮物俾會長，其實0個份禮物係一條"孖煙通"......
條 "孖煙通" 最特別既地方，就係條褲既背面有個假既大 Pat Pat 囉！
我地仲迫會長即場換左條褲同我地每個人影相，好鬼死正喲真係 *o^
不過最得都係梅佬0係會長換左條褲出唻既時候，企0係個場中間......
大嗌：「嘩......好大個 Pat 呀！」之後得到既係全場都望住晒囉！
真係好好好核突，但係大家都玩到癲晒 & 笑到停唔到囉 *o*

今次呢個 BBQ 呢，我地真係燒得好慢，我地早過晒隔離個0的開始，
但係隔離走晒既時候，我地都仲未到中場囉......會唔會先 -.-"
有一個爐仲要係已經走左兩場囉！當大家發現真係燒得好慢既時候，
我地決定用錫紙舖底一次過燒晒0的野食，但係得到既係0的錫紙著火，
然後要用塊 "雞扒" 去滅火，仲要我講講下電話既時候走去吹熄0的火囉！

最初我地仲話 BBQ 之後去赤柱廣場個邊飲野，當燒到 2330 既時候，
大家都 熱 & "支力" 爆左喇！所以最後都係冇去到，行左去飛 Van出銅鑼灣，
之後就各自返屋企喇！好好彩撘到架尾車 601 呀！嘻嘻......真係好 "支力" 呢！

>>July 20, 2003 at 2:44:47 AM GMT+8

2003 年 7 月 12 日 星期六 【晴】

今朝差不多 3 點先訓，但係犀利的 7 點就起左身喇！
仲早到出左去添！Hehe~* 話說約左 0815 食早餐......
點知呢......又係得我同 Sandy 準時囉！唉...... -.-"
我地 0835 左右食完，見佢地未唻......所以就走左喇！
返到公司 Bobo 打唻，原來其他同事後尾都到左囉 -..-"

今日都 OK 多野做呀！仲 OT 左陣添......
不過個頭激痛囉！慘喇.......冇痛一輪而家又唻過......
OT 完之後過左長沙灣整頭呢！講左 N 咁多次......
今次都終於真係去左喇！整左 3 個鐘咋！好快呀 *o^
仲染埋紅添，變番好似之前 highlight 0個陣咁......
好正好靚啊！原來我0的頭髮已經好長喇......
而家又長又直，好正啊！(今日俾人串呀~) 呵呵......*o^

整完個頭過左淘大買野食返屋企食，好滿足！

>>July 12, 2003 at 7:23:09 PM GMT+8

2003 年 7 月 11 日 星期五 【晴】

今晚放工之後，約左燕、茵茵 & Carrie 去謝 Sir 既喪禮，
講真，識左謝 Sir 都成 7 年喇！佢都算係由細睇到我大呀！
仲記得得知佢離開0個晚，真係好突然囉！只係拎住電話呆左......
本來今晚諗住會控制得住自己架，點知 Percy 講講下......
都係忍唔住喊左出唻囉，希望謝 Sir 佢主懷安息啦！

離開紅勵，大家興致勃勃諗住去 My Coffee，點知去到冇開到，
等我星期初行過仲話呢個星期去探佢，點知我一去佢就病左 v_v
後尾我地去左 Delifrance 囉，好明顯我地去到既時候人地已經差不多閂，
但係我地食完野都仲0係度傾計唔願走囉，卒之 23XX 個經理走過唻......
佢話：「唔好意思呀！我地收鋪喇...」就係咁，我地先肯走囉！嘻......

>>July 21, 2003 at 12:42:46 PM GMT+8

2003 年 7 月 10 日 星期四 【晴】

果然石小姐見到我地既留言之後...今朝打左電話俾我！
不過佢完全唔知原來師兄留0個張係 Octopus 囉 -.-"

今晚放工 OT 左陣，然後去左搵星期日既用具！
可惜呢......係搵唔到架！唉......行到勁 "支力" 啊！
之後走左去撘 28 番屋企，諗住去淘大買野食 ~
點知一訓......起身就係0岩0岩走淘大個站囉......
卒之轉的返屋企，食左罐粟米 & 0的雜食咋！


>>July 12, 2003 at 7:06:23 PM GMT+8

2003 年 7 月 9 日 星期三 【晴】

今日放工過左 HO 開會呀！開會前去左搵 Yvonne，
拎番星期日0的相相，幾靚架！不過塊面好似個 Ball 咁囉！

同 Bobo 喧嘩完就上去開會喇！散會後又去左 101.....
0係 Sandy 個位玩左一輪，有人畫左張 Octopus 囉 -.-"
大家上完畫畫堂就走喇......唔知聽日石小姐見到有咩反應呢？

>>July 10, 2003 at 2:27:34 PM GMT+8