2003 年 2 月 5 日 星期三 【晴】

話咁快已經係羊年第五日喇！今日返第二日工添喇......
今朝出門口大頭蝦.....唔記得拎藥！慘慘喇...冇得快0的好番！
不過就吽少一日囉！都 OK 既，對今晚去街街有幫助嘛......

一放工就閃喇！出左油麻地，再行落旺角 The Body Shop！
約左 Idy, Christy & Andrew 食飯！等等下仲見到 Nana 添！
我地去左東京迴轉壽司食，好正！尤其個軟殼蟹手卷呀下......
我地一路食一路傾，勁高興！可惜 Idy 要離開我地西九大家庭喇......
不過我一定會掛住佢架！哈哈哈哈 *o^

食完第一場，仲要趕第二場，就係油旺城南開年飯喇......
究竟係咪開年飯呢？我都唔知.....是但啦！一齊高高興興咪得囉！
呢餐0係九龍灣美心食，當然除左我地油旺城南之外......
仲有其他各方好友啦！又收左唔少利是呢！嘻嘻 ^.^

食完兩餐飯，本來諗住可以好高興咁伸手返屋企......
點知大家提議去大佬賢度拜年，拿.....係長沙灣架下......
雖然遠係遠左0的，但係鍾意湊熱鬧0既我.....又點會唔去呢？
去到都成 11 點幾喇！我地成打人傾下企下胡鬧下......
卒之就因為大家第日要返工，所以就散喇......
之後我去左撘飛 Van 返屋企！Hee......未夠 12 點就返到喇！

>>February 6, 2003 at 10:08:42 PM GMT+8

2003 年 2 月 3 日 星期一 【晴】

年初三！今朝 5 點幾先訓......唉......
一放假就日夜癲倒！不過算啦.....不嬲都係咁！
但係呢......我 9 點幾就起左身喇！

唔係因為要早起，還說是要做0的乜.......
咁早起身......係因為我發現我個下唇腫左囉 >.<"
繼尋日手腫之後，點知今日仲勁......
個下唇腫到呢......係我上唇既兩倍囉！椗椗......
會唔會咁核突先？唉......勁樣衰呀下......
咁大個女都未試過咁架嘛！好難接受架嘛......
唉......卒之0係王太威迫之下......我都唔可以唔睇醫生喇！
(話晒都病下病下病左成個月，但我都唔肯睇醫生架下......)
阿醫生都好似發緊夢咁......激死！問親佢乜都話有可能係既......
唔......都係劉醫生好0的！下次唔睇呢個呆呆醫生呀......
佢0個0的藥又話唔訓...... 點知......到左晏晝出去既時候......
我撘 Van 仔都訓左著囉！只係兩個 "字" 都冇既車程都訓左.......

晏晝過左沙田，同婆婆食飯睇戲......可惜的......
我等食既時候又訓左.......真係淨食囉！其餘時間勁訓！
之後去左睇 007 Movie，如果唔係尋日買左飛......
我諗我會選擇唔睇既今日！但係買左就冇法啦......
不過都好彩......冇 "side" 錢......因為我頂住冇訓囉！哈哈......

睇完戲......撘車返屋企又勁訓！訓到天昏地暗......
卒之一返到屋企......未夠 6 點就開始訓喇........

今日等食訓0個陣 Jess 打唻呢！嘻嘻......
即刻成個醒左！佢返左唻喇！好耐冇見過佢喇！
好掛住佢呢......唔知幾時可以見到佢呢？

>>February 8, 2003 at 11:04:28 PM GMT+8

2003 年 2 月 2 日 星期日 【晴】

今日感覺唔錯！幾好！好耐都冇試過喇......
可能因為冇乜點諗野啦！加上呢幾日夠訓呢！
本來今日都唔係好高興架！不過夜晚開始好ｄ啦！

今日起身，隻手腫左......唔知做乜事呢？Um *_*
我諗冇野卦......我諗！晏晝同媽媽 & 姐姐去左 Little Brazil 食！
好味好味！初初仲話唔好叫咁多野......點知最後佢地......
係咁叫囉......勁滿足！之後0係德福行左陣......
就過太古城，本來諗住買袋袋，但都係買唔成架下....Oh~~~

夠鐘就上舅公度喇！一如以往我地都係約晒時間上去......
去到閒談一輪，又係食糕時間！哈哈......今年食少左！
Yeah *o^ 抑制到喎......係一個好開始唻架！要繼續努力啊！
( 不過......其實可能係因為唔舒服先至會食咁少囉......)

今晚我咁大個女第一次過年出去睇煙花呀！哈哈 *o^
雖然好迫、條頸好 "支力"，但係個感覺真係好好好正！
0個刻真係好正，一片空白淨係係咁 "嘩".......嘻~~~~~~
一班人迫迫咁雖然好辛苦，但係一齊嗌個下真係好正喲！

睇完煙花食左個麥記晚餐！後尾仲去左飲咖啡......
同埋睇《行運超人》添呀！好攪笑 + 好滿足呢 ～*
最好笑係睇完戲行過中港城既時候，我見到隻老鼠......
我就問周圍燕燕同梅子傑：「咦？0個度係咪有隻老鼠呀？」
點知隔離0個個 "食 Q" 叔叔答我：「邊度呀？」
之後仲話埋我知......「係呀！」呵......好好笑囉！會唔會咁先？

多謝一位好朋友贈我：過得自己過得人 ～
多謝你啊！希望呢句真係0岩我使啦......Hehe *.^

>>February 6, 2003 at 9:55:38 PM GMT+8

2003 年 1 月 31 日 星期五 【晴】

今日開始......就係0係蘭桂坊......
我地飲飲下酒中途玩玩下走左去買相機囉！
影埋晒0的勁正既野......好好好攪笑喲！
正野包括：問隔離檯姐姐拎電話、咀人、掌上壓......
總之就正啦！哈哈 *o^ 卒之飲到兩點幾先走呢！
走既時候，我地0係個蘭桂坊路牌附近係咁影......
影影下先發現......真係唔係好夠影囉其實！

影完一輪我地就撘飛 Van 返出旺角喇！
我地成班一齊撘返出去......但係最攪笑既係......
會長由於飲得太多，途中又急急喎........
所以後尾忍唔住要0係佐敦落車去方便囉！呵......
返到屋企攪下攪下......成 5 點幾先訓啊！

訓得幾個鐘，又要起身喇！因為今日要去血站幫手......
601 改左路，攪到行遠左！但係都冇遲到！好彩......
今日 1200 - 1800 0係 CBC 幫手影相！全日名額 30 pairs......
但係到 1800 我地都只係影左 9 pairs 囉！um......真係爭0的喎！

一夠鐘我就走喇！因為夜晚要返屋企團年......
不過我都就攝左0的時間去 Time Square 行左陣！仲買左條巾添！
雖然冇尋日見到0個條咁靚！但都算 OK 啦！我怕我唔買的話會後悔呀！
所以爭扎左一輪之後都係買左架！哈哈......*o^

今晚上左中秀幸福樓食團年飯，但係我實在太 "支力" 喇！
所以飽飽就走先喇......嘻嘻......返左屋企洗白白洗乾淨......
迎接大年初一呢！聽朝又去拜年喇......好眼訓......要去訓喇！

>>February 8, 2003 at 10:08:35 PM GMT+8

2003 年 1 月 30 日 星期四 【晴】

今日呢.....星期四喇！哈哈......放假喇就.......
一早返到公司，阿哥哥已經開始串我呀下......
完全唔知點解ｄ人呀，冇野做就串人囉！好難受 >.<"

當其實同事比較閒既時候，偏偏我就忙囉......
因為月尾既問題，所以咪咁囉......唉......
Holiday Mood 極強！大家都唔係好好心機做野架！

晏晝落左稻香飲茶，公司請 *o^ 係咁勁笑、鬥串！
最好笑講開英文名既時候，發現左 SML 個名既來由......
真係好好笑囉！會唔會因為個咁既原因而改個咁既名先？

下晝依然好似朝早咁，到左四點幾就開始發癲喇！呵......
講講下老細突然走出唻，我地仲以為我地嘈得滯......
點知佢話：「如果大家冇野做就五點可以走架喇......」
1625...聽完呢句說話大家都 "幾" 高興，但係仲有 35 分鐘囉！

一到 1655 大家都開始去下 LET、執下野喇......
個鐘一響，大家就走喇！我同 Dorothy & Sambo 一齊走！
之後我同 Dorothy 去左行街街、行加記！
兩個勁中意買野既人去行......但係結果兩個都冇買野喎！
幾犀利呀！哈哈 *o^ 其實本來睇中左條巾架，但係呢.......
因為佢係 Last......所以到最後冇買到丫......

行完街街就去左銅鑼灣，同 The Rock 既同學們團年......
我地去左大久保食放題呢！嘻嘻......好好味！好食過旺角......
我地食左勁勁勁多野呀下......滿足到嘔.......不停係咁叫添呀下.......
食到後尾我頂唔順......係咁嗌走......個肚屈住屈住......激辛苦!!!!!!

食完放題，師兄同會長 join 埋我地，不過師姐走左......
之後我地就去行年宵喇！好高興呢！但係好迫迫呢......
可能因為舊年係晏晝行啦......所以冇咁迫......今年？
直行、橫行，連打斜行都試埋呀！幾勁呀！呵......*o^
走既時候仲撞見 Sandy 同事添呀！Hehe~*

離開維園，我地一行六人落左蘭桂坊飲酒，大家都係第一次去呢！
我地揀唻揀去，去左鸚鵡吧！但係去到......點知大家話......
如果去鸚鵡吧就唔駛去蘭桂坊啦，周圍都有嘛......
最初講去邊既時候冇人講嘛，咁我咪見邊咪話去邊囉.....點知......Oh~~~
算啦 ^_^ 我地去到都係玩骰盅，個個都飲酒但係 VY 姐飲 Pussy Foot 呀下！
最無奈係0的酒唻0個陣我同 Catering 姐姐竟然被人 check 身份證喎......
幾難受呀！不過都唔知開心好定唔開心好，但係真係好好笑囉！哈哈哈哈 *o^

>>February 7, 2003 at 12:01:46 PM GMT+8

2003 年 1 月 29 日 星期三 【晴】

就快過年喇！恭喜發財呀 ～ *o^
但係冇乜氣氛架下......唔係好得添！

近排除左脾４暴燥之外，把口都唔係好掂......
爛爛地又勁中意串人呀下......唔知發生咩事！
好似見親人都要搵下交嗌先安樂咁囉.......
所以如果我近排串親你既話，真係唔好意思喇！

今日又差點兒遲到，0岩0岩好趕得切囉！
另外呢.....今日全日個後尾枕勁痛！慘......
由朝早痛到夜晚，痴線架！我又冇做過0的乜......
做乜無啦啦會咁架？唉......勁慘呀下 v_v

今日 Lunch 好高興！我地一行四人去左 HK Hotel，
食 Lunch Buffet 呀！超級勁滿足呀下......好多野食！
最攪笑係佢連楊枝金露都有囉......幾勁呀！

放工之後留低左一陣，打下交，再出左旺角......
約左 Wendy 同 Jessie 食飯！原來呢，計計下......
我對上一次見 Jessie 已經係 12/8 既事喇！仲要係同我慶祝囉......
好耐喇......如果可以有多0的時間見就好喇！
我地去左紅螞蟻食 Din，再去行街街......
到最後去埋老友記添！佢0的楊枝金露都唔錯架！
一日食左兩次楊枝金露呀下......肥死囉！
今日先俾人話完我肥左......仲係咁食，真係......唉 >_<

承認近排真係有ｄ問題 ～ 但係冇諗過去解決......

>>January 31, 2003 at 4:13:43 AM GMT+8

2003 年 1 月 27 日 星期一 【晴】

又一個星期既開始喇！呢個星期應該好快過......
因為呢......禮拜尾就過年喇！好鬼高興又有利是嘛！
不過發夢真係太早......今日先係星期一咋......

尋晚食完個好美味既滿記楊枝金露就返屋企訓覺喇！
訓得好滿足，但係都成 7 點幾 8 點先起身囉......
趕得切冇遲到 ~ Yeah!!! 返到去都算幾精神添！勁耐冇試過！

今晚呢......放工之後去左食飯！同 Idy farewell 呀！
我地一行成 30 幾人去左旺角大久保食呀！一間房呀下......
真係好威威呀 *o^ 四張檯添呀......嘈到嘔，係咁不停影相叫野食！
食左兩個鐘，俾人迫走，出番條彌敦道之後，大家就祝福將走既 Idy......
我地既方法比較特別，就係0係條街到大叫大嗌，仲要高呼佢既中文名字！
攪到 Idy 幾咁尷尬呀......最好笑係0的路人行過竟然走過唻 "裝" 囉！呵呵......
我地仲當 Idy 係明星咁！0係條街度發晒癲咁.....痴左線 >o< Hehe~*

散左之後我同 Carrie 落左銀城影相，最初我地問佢地有冇人去既時候......
個個都話：「咦......唔去喇！」點知後尾師兄同聰聰 & 文文落左唻架下......
呵......仲要扮晒野咁呀下......Finally 我地五個人都影左張相相，好靚靚架 *o^

影完相，燕同事出左唻，班男同事去左打機.....
我地三個就去左食糖水，講下呢樣0個樣......但主要其實係聽燕同事講野，
因為佢出 placement 俾人蝦呀！好慘慘......希望佢冇事啦！唔好理0的衰人 ^-^

>>January 29, 2003 at 11:59:01 PM GMT+8

2003 年 1 月 26 日 星期日 【晴】

今朝係 AFT 第 3 次出 Field 既第 2 日呀！
凌晨 02XX 先訓，0800 起身......
起身之後仲要老遠走出去 Let 同刷牙洗面！
壓死左......臭到丫 >.<" 好難受指數簡直係天文數字！

10XX 出發......行行下變左爬山咁......爬樓梯囉係！
因為0個度太多樓梯喇！行到就唻抽既時候.......
真係好想爬......！但最高興就係上到去0個下，幾滿足呀！
我覺得自己今次行得好似比起上兩次好左架下......我覺得囉！
但慘慘的呢.......因為某件事，我成日係咁俾人串我囉......
" 我鍾意同大自然玩遊戲......" 好明顯呢......
呢句說話抄自「爛柵愚 - 孟瘦唻燈」既廣告囉！

今朝行行下既時候，我們行過條小河，0個處河水清澈......
於是大家好高興咁放晒0的手落去洗......勁清涼！
Finally......大家決定將我地既腳腳一齊浸落水.......
大家一放對腳落水，好爽！感覺前所未有啊 *o* 爽到丫......
雖然0的水真係好涷，但個感覺真係好好好正！
會唔會有人幻想自己0係浸緊日本溫泉先？
浸浸下如六經過......好明顯嚇親......但係濠哥仲可以唻洗面架下！
後尾當我地抹乾腳腳既時候又有另一班人經過，不過呢.....
由於佢地見唔到我地之前的行為、舉動，於是就搵0個0的水洗面洗毛巾，
0個下呢......我地真係覺得唔係幾好意思，但係又唔想同佢地講喎......
所以到最後我地都係當咩事都冇發生過咁......就走左喇！

至於晏晝......我地0係個好 "正" 既地方食完飯後，行多一陣......
老師叫我地搵撻靚靚既地方，等我地搵到之後就即刻放低晒0的袋......
以為可以休息，點知原來係玩 Case 囉！不過......
由於之前如六做既時候我地行過，所以估估下就知道咩事喇！
好明顯我地做個 Case 做得好求其啦......
所以本來如六行得快過我地，後尾又變左我地行先......
落到個石屎地之後......大家仲以為好快就到......點知仲有一大段路囉！
不過好彩都唔算行左好耐 & 辛苦！如果唔係就慘囉！呵......

行完兩日一夜既旅程之後，我地一如以往......出返西貢！
今次我地先去食小食，再去滿記！佢0的楊枝金露真係冇得頂呀！
好好好好味呀！食完就係滿足到暈啊 *o* 好味到丫......
食完糖水就返屋企喇！返到去第一件事就係洗白.....臭到乜咁......
點可以唔即刻 action 先？乜都洗左兩三次，沖完之後勁舒服呀！
好彩唔係夏天行咋......如果唔係真係慘死 & 臭死......點忍呢？

個膊頭勁勁勁痛！希望聽日會冇事啦......

>>January 30, 2003 at 12:26:01 AM GMT+8

2003 年 1 月 24 日 星期五 【晴】

真好的又到星期五喇！哈 *o^
今日返半日工咋，因為晏晝要返 SHCCC 拎 Cert 呀！
放工都攪到成 1330 左右先走.......慘慘~~~

離開公司同 Inty 去左撘船返中環，拎左兩打餅，
再撘的的返堅道，去左地庫茶餐廳食 Lunch！
唔知係太肚餓定係咩呢......我覺得佢0的野食好食左喎！

食完野就返 SHCCC 喇！首先我地去左 Staff Room 搵 Miss，
但係點知個個都未返囉！於是我地就放低左兩盒餅，去周圍行下......
再去搵容太拎 Cert，拎左一疊紙，有 Cert 有 Result Slip......慘慘的我......死得好慘！
預左會死既 Aｃcｏuｎtｓ＆ BＳ 真係死左！但連ＯP 都死埋囉！
激死喇 >.<"...有冇攪錯！不過安慰在ＷPＴ冇事，拎到１sｔＣlａsｓ！
另外ｓuｒpｒiｓe 在ＳEＳOＬ添呀，因為拎左個１sｔＣlａsｓ呀！
其他都冇乜特別，都算ｏkａy 啦！要快ｄ去申請埋張Ｄiｐ先......

拎完 Cert 就見到好多 Miss 阿 Sir 喇！見到胡太啦、Leo Sir 啦！
我地仲見到 Sister Rosangla 添呀！最威威係我地老遠咁走到上 5/F...
就係為左搵仙姐囉！佢仲帶我地去參觀個 Library 添！靚到丫......
大家都歎息我地享受唔到呢個 facility 囉......

今日金句：Ｓaｃrｅd Ｈeａrｔiｓtｓ～* Ｗe ａrｅ aｎgｌeｓ！

返完 SHCCC 就去左撘 109，去到銅鑼灣，再 join 埋 Carrie 上 HQ！
我地買左蛋撻 & Tiramisu 上去食，好好好味 & 正啊！
夜晚上 last 一堂 EM，食完成班人去左泉章居食飯呀！Hehe~*

死囉！我聽日出 Field 0的野完全未執過呢......
今晚又唔知要執到幾點呢？一定會破上次紀錄呀！
仲要病情越唻越嚴重添......不過自己抵死既我覺得！
悲哀的我已經今朝開始俾阿媽嘈我睇醫生嘈左半粒鐘，
返到公司又俾0的同事話我唔睇醫生呀下......救命呀！
不過呢......我都係冇諗住去睇架喎......呵！

ｕｍ......近排脾四暴燥得很呢 >o<

>>January 29, 2003 at 11:59:33 PM GMT+8

2003 年 1 月 22 日 星期三 【晴】

親愛既寶寶同事今日終於都頂唔順，請左 Sick Leave 呀！
當佢好舒服咁0係屋企抖緊既時候......
我阿哥哥就慘慘喇！0的電話多到 "扒" 0係度呀......
不過我都唔好得幾多，因為哥哥聽唔到0的電話就飛晒落我度囉！
呵......攪到我都唔係好願返位坐囉！

難受的 ~ 繼尋晚既 "山的事件" 後......
話說我今日好好咁安慰緊人既時候......
點知0個個 Cheap 'Lay' 竟然玩野，玩返我轉頭喎！可惡 -.-"
無啦啦俾人吹到 Bear Bear 聲仲要變埋熊囉！唉......
勁唔舒服既情況下俾人玩到好難受呀下......
仲要係頭腦極度唔清醒架下，如果唔係佢地都唔會玩得咁高興啦~
下次都係唔可以對佢地太好喇！哼......

放工之後本諗住行落旺角，但係後尾變左行街買衫！
0係 ceu 買左件靚靚衫！好靚好靚 *o*

買完衫出返旺記，約左 Carrie 去教協！
去到行行下撞到伍生囉！好好笑......
好明顯我又失控咁係咁買野，又冇晒 $$$ 喇唉......
之後仲要再約左師姐去買 AFT 0的野，又買左成 $500 囉.....

>>February 13, 2003 at 2:39:32 PM GMT+8