2003 年 5 月 27 日 星期二 【晴】

病完返工既今日，呆過碌木呀......唉~~~
全日渾渾噩噩咁囉......好難受......又成日作嘔喎 ~.~
本來諗住放工即閃，點知鬼咁多野要做......
到最後都 OT 到成 8 點先走，不過中途都落左樓下.....
同 Inty 去左太陽廣場呀！又冇囉不過......慘慘！

OT 完之後我上左 Head，為左要睇燕送既禮物！
係一條好靚既 Mimi 圍裙呀！高興死左呀 *o^
實在太靚喇！多謝燕燕呀！哈哈哈哈~~~~~~

今晚 ICQ 同榮譽會員傾開，要約去海洋公園呢！
但係大家都約唔0岩時間呀......慘呀！唔知幾時先可以去呢？

>>May 28, 2003 at 12:04:07 PM GMT+8

2003 年 5 月 26 日 星期一 【晴】

原來死撐都唔係辦法，終於頂唔順喇......
今日都係要向現實低頭 ～ 就係去睇醫生 -.-"
上星期都仲以為自己捱得住.....原來唔得囉！

今次睇冇上次咁多人，前後半個鐘就睇完喇 *.^
其實係因為掛左號嗟......Hehe~* 一入到醫生房.....
我同醫生講晒0的乜痛乜痛，佢聽完按完，同我講.....
其實妳都講中晒架喇 -.-" 呵呵......咁我下次咪即係唔駛搵佢？
不過呢......醫生今次開左好多藥藥俾我啊！食完仲想嘔......
拎藥既時候阿姑娘同我講：記住唔好食生冷野、肥膩野同難消化既野呀！
咁咪即係叫我唔好食野囉......oh......慘慘喇~~~~~~

睇完醫生返屋企，同 Dor Dor MSN，佢問我......
妳係咪同醫生講：醫生醫生，我今天一早起來，雙眼打不開！
然後醫生說：沒有什麼的，只是眼訓病啊！.......會唔會咁講先......

>>May 26, 2003 at 10:43:42 PM GMT+8

2003 年 5 月 25 日 星期日 【雨】

今日休息日 ～ 由 0200 訓到 1600，好勁 *o^
不過又係越訓越眼訓，仲好"支力" 添呀......

難得0係屋企，睇左《停不了的愛》......好正！

>>May 25, 2003 at 6:56:06 PM GMT+8

2003 年 5 月 24 日 星期六 【晴】

期待既今日終於都到喇~~~哈哈 *o^
今朝高興的買左個雞記 4 號早餐食，味道一般啦~~~
點知食完又痛囉.......我都唔係胃痛丫，定係肚痛喇！

好邪囉！尋晚訓覺發夢見到哥哥呀......好恐怖~~~
話時話，好耐冇發過夢喇！今日同佢講番先好笑......
佢竟然問我拎 "出場費" 囉！會唔會先 -.-" 0的人咁都得既......

今曰放工同 Inty 去左唱 K 呢！哈哈 ～ 好滿足啊！
又發現左一隻勁正既歌！就係 Yu 既《發奮》呀！
唱到 3 點幾 4 點，我地去左太陽廣場，本來諗住搵0的野......
點知......搵唔到囉！佢已經第 3 次去喇......不過都係冇呀......

行完街之後我就 join 左燕，一齊過銅鑼灣！條街真係好多人~
呢個 1:99 都算 OK 啦！我地個位雖然第一行，但係......都好後呀！
好明顯係去睇電視囉！由 1700 睇到 2200，5 個鐘呀！好犀利！
有幾 part 都好正架，仲好 high 添！不過有0的幾訓咁囉......

Um......聽日又係一日休息日喇！好野 *o^


YU ～《發奮》

這邊的他待我都未算差
也試過聯想出嫁　結果他戀上別人
好像來渡假　走過總要回家
(一樣遺下我　不過這次劇痛程度增加)

單身都不是那麼大痛苦
愛錯卻如此可惡　人後悔才算苦
太害怕寧靜會圍住我纏住我
這麼不勇敢　才令我心急揀錯人
營造了緊張的氣氛

原來孤苦都需要啞忍　誰需要賤賣緣分
最錯的一個吻　開心半晚　但卻後悔終生
原來孤苦都可以啞忍　從前以苦難來特訓
當午夜都不再怕　種種引誘難吸引　不哀求熱吻

無聊便旅行　別要給他隨便接近
認真追尋　夢內那人　誰人和我才最相襯

想以後　孤單都一個人　發奮

>>May 25, 2003 at 6:17:09 PM GMT+8

2003 年 5 月 23 日 星期五 【晴】

哈！Ivy 同學考完試喇！真係好 *o^
The Rock 重聚既日子越唻越近喇......

今日又 OT 喇！未夠 1915 已經走晒囉0的人.....
不過我都做到成 2045 先走呀......"支力" 到丫......

>>May 25, 2003 at 6:28:31 PM GMT+8

2003 年 5 月 22 日 星期四 【晴】

本來諗住放工即走，點知掛住同人傾野......
一傾傾左粒幾鐘，幾堅呀~~~ 1820 先傾完！
好彩......過到金鐘都有早！去到 HO 剛剛好呀！

今次過 HO 終於都見到 Idy 喇！以前呢......
次次佢唔係放假就係走左，今次見到佢喇 *o^

哈！今日收到細佬打唻既長途，好高興啊 *o^
完全冇諗過佢無啦啦會打唻啦......好驚喜呢！

>>June 29, 2003 at 3:04:45 AM GMT+8

2003 年 5 月 21 日 星期三 【晴】

今晚係呢個星期第一晚冇 OT 呀！哈哈......
其實係因為約左碧呀！好耐冇見佢喇！話時話......
我同佢上次見都已經係 2002 年 4 月 27 號囉！
會唔會一年見一次先？真係有0的唔好意思......
因為次次都係佢搵我囉！唉......下次我一定會自己搵佢架！

我地去左翠華食飯呀，一如以往一坐低就雞 X 唔斷......
由 7 點幾講到 9 點幾，好高興呀！好享受有呢種朋友架~~~
雖然唔係成日都會見，但係一見親都好多野講，仲要係講心喎！
食完飯我地行左過旺角，一路行經過好多以前大家成日一齊行既路...
好多野諗番起呀！0個陣成班人一齊去溫書，而家就得番我地兩個.....
哈~~~過到旺角我地又去左影咭咭呀！Yeah!!! 每年一張.....又有新野喇 *o^
影完咭發完癲我地就一齊去撘 Van 返屋企喇！唔知幾時會再見呢？

唔.......究竟做人地第三者......係好定唔好呢？
當你付出左好多既時候，又點會輕易放手呀 -.-"

>>May 26, 2003 at 4:11:30 PM GMT+8

2003 年 5 月 20 日 星期二 【晴】

成個月冇唱過 K，今日晏晝去左呀！勁滿足 *o^
唱左好多新歌呀！有心淡啦、習慣失戀啦、優先訂座啦......
呵呵......實在太高興喇！不過唔係好夠時間啦最衰......
等 The Rock 班人考完試一定要去唱個夠呀！

下晝落 Bank 既時候撞見個黑神，真係慘喇 v_v
見完佢之後果然應驗呀！胃痛左成個下晝......
勁辛苦呀......嗚~~~~~~ 好痛呀！今晚仲要 OT 架......

究竟待人接物有冇一個標準既態度呢？
某些有時候對住某些人，真係唔知可以點做......

>>May 20, 2003 at 8:18:54 PM GMT+8

2003 年 5 月 19 日 星期一 【晴】

自上星期一做過運動之後，乜都冇做過喇......
本來諗住今晚去，但係公司有野做唔去得......
真係要下定決心呀！咁樣落去都唔係辦法......

今晚又 join 左媽媽地食飯，去左紅螞蟻......
佢0的甜品真係正到暈呀！好好味啊 *o^

>>May 26, 2003 at 4:01:39 PM GMT+8

2003 年 5 月 18 日 星期日 【晴】

今朝打波打 9 點，但係我成 8 點半先起身囉！
呵呵......但係都早到喎！好野~~~ YEAH YEAH *o^

打完波返左屋企洗白 & 上網，晏晝落左德福......
同叔叔 & 姐姐飲茶，再行左陣......試左對 Converse 靚靚鞋！
不過冇買到呀，因為我好似真係有好多鞋，有點兒......-.-"
都係再諗下先會好0的......um......點算好呢？唉......

行完街入左 Ma On Shan，同婆婆食飯慶祝結婚紀念呀！哈哈~
不過慘慘的我個頭勁痛，冇乜精神囉！好慘呀！嗚嗚~~~~~~

>>May 20, 2003 at 4:35:54 PM GMT+8