2003 年 8 月 28 日 星期四 【晴】

真係衰開都係咁，一連兩朝 0800 起身、一連兩朝送車尾......
最後得到係一連兩朝都冇左 $80 囉......因為撘左一連兩朝的......

今日真係慘到暈，Donna Annual Leave - 我聽電話聽到癲左......
乜都做唔到囉，只係不停咁聽電話、聽電話，同埋聽電話囉！
完全聽到發脾四囉！仲要0係某段時間某個 Dept 0的人走晒......
對住0個班勁無禮貌既人，唔係唔扯火呀化...... -.-"

放工即閃，因為要上紅館 Rehersal 星期六個同心同根......
第一次上紅館個台，同想像中係兩回事唻架下......
個地下勁污糟囉，黑到丫 >.< 跟住呢，由個台望上山頂原來好近架......
但係點解平時睇演唱會0個0的望落去又咁遠架呢？

今晚 Her 到 2200 左右走，之後同姨姨一齊由紅館行落去......
一路行到旺角先撘車，中途仲分別撞見師姐 & 四少地添 :p



>>August 30, 2003 at 10:53:23 AM GMT+8

2003 年 8 月 27 日 星期三 【晴】

今朝遲左起身，對自己好好，走左去撘的囉 -.-"
仲要0係糧尾既時候做0的咁既野，唉......快0的星期六啦！

呢幾日都有帶飯，但係今日特別唔同，因為媽媽好高興......
將我個飯盒完完全全咁塞唔左 -.-" 簡直就嗌救命呀！
好彩 Step 幫我手一齊食咋，佢幫我手都攪到滿足到想嘔......
如果佢唔幫我的話就慘慘喇！點先食得晒？勁......

今晚放工又過左 HO 開會，行去中信條橋既時候......
先撞梅佬後撞凱詩，好犀利呀！去到都未齊人開會......
於是落左 101 玩，玩完傾完就上去開會喇 *o^
今晚個會都開到 21XX 呀，雖然話多數係 report 嗟......
開完會洪爺請食飯，我地去左名都呢！望就望得多喇......
真係食又未試過，不過比我想像中好 OK 喎，不論外觀定野食......
食到 around 23XX 就散喇！之後撘 601 返屋企訓晒全程咁滯！
呢個星期真係好 "支力" & 成日作病呢，可能係上星期累事啦......

>>August 29, 2003 at 1:55:07 AM GMT+8

2003 年 8 月 26 日 星期二 【晴】

經過尋日遲左 12 分鐘，今朝早左班車既時間出門口......
好不幸 ～ 又係送車尾囉！激死喇 >.< 點解次次都係咁架？

冇轉的既情況下，買埋早餐返去都係 0857 咋！呵呵~~~~~~
今日忙到嘔呀，簡中先得0個幾分鐘既時間抖下 "SHU" 下......
做到0的手手腳腳好似就斷咁囉又！唉......真係好 "支力" 呀！
今日又作發燒囉！吽病吽左成個星期都病唔出既感覺真係好辛苦架 v_v

今日不停斷斷續續咁同檗講電話，呢排傾得好密呀.......
一如以往，佢一聽我把聲就知我0個日心情如何，好勁 *o*
其實大家近排都 ～ 唔知點咁，唔係講我地兩個一齊0個陣喎......
而係大家分別地都唔知點咁 *_* 唔知大家呢個情況會 last 幾耐呢？
唔覺唔覺，我地已經有成 5 日冇見過喇！好掛掛呢~~~~~~

放工收 Questionnaire 收左成粒幾鐘，好彩一早預左嗟.......
如果唔係約人又遲囉，本來約 1930，之後變 2000 再變 2015......
今晚約左 Louisa & Keith 食飯，大家都各有各忙，所以攪到咁遲囉！
我地去左長沙灣食米線，食完之後游蕩左一陣，再 join Carrie 去左松記，
今晚我嗌左好耐話一定要食糖水，終於都食到喇！哈哈哈哈......
唔知點解，總之我今日就好想食去糖水囉！食到喇食到喇......食左幻彩明珠呀 *o^

食完糖水大家都講緊下場既問題，最初諗住去附近既新 Bar......
但係我係制止左大家架，哈哈哈哈......其實係冇可能我 take 呢個 action 囉......
基於上星期去得太盡 & 冇 $$$ 既關係......所以呢......咪咁囉！仲有......
其實係因為上星期應承過自己呢個星期要乖乖地嘛......好乖架我 ^o^
之後又提議過出番旺角去唱 K or 打機架，結果當然都係被 reject 囉！
不過到最後呢......我地係去左麥當當坐0係度吹水囉 -.-"
吹到 22XX 大家就各自返家喇，因為大家今日個樣都殘殘咁呀......

>>August 26, 2003 at 11:33:11 PM GMT+8

2003 年 8 月 25 日 星期一 【晴】

今日放工過左 HO 開會，其實兩個會撞左囉......
經過我同師兄相討後，佢去開 EHL 我就開 HIV/AIDS......

其實呢，我初初仲估我地會快0的開完......
咁之後可以去開埋 EHL 個尾嘛！點知結果相反！
哈哈......好明顯我地呢邊傾得高興0個頭 & 掛住玩囉！
今晚有個新手勢係用唻支持 Maggie 架！個手勢代表 "SUPPORT"！
我地 Core Group 好好架！好支持大家既......好勁呀！

從別人口中得知我 EHL 0個邊俾人擺左上檯，幫手攪佛教明珠......
個原兇係我親愛既師兄囉 -.-" 佢對我真係好好好架嗟......
不過講真我冇乜信心囉，因為呢個 Project 都幾大咁架嘛......

開完會同 Bo Bo & Sandy 去左食野，去左間食米線既地方.......
佢0的米線真係唔錯喎，只係 $12 咋！好抵好抵，仲幾好味添！
另外仲有炸魚皮呀，真係勁正呀！下次有機會要去過呀......

>>August 29, 2003 at 1:42:03 AM GMT+8

2003 年 8 月 24 日 星期日 【雨】

難得既一日休息日呀，要好好珍惜～
本來今日同屋企人食飯，但係打風所以唔食喇。

另一個難得係可以勁訓，一訓就訓到 1500 先起身，好爽！
不過中途俾0的煙臭醒左，同埋俾0的雨聲嘈醒過囉 -.-"
起身去完個 Let 檗打唻，一路刷牙一路同佢傾......
之後又一路食野一路傾，短短既時間又俾佢講中左.......
真係好犀利 ～「妳今日好似又有0的心事喎.......」OK 啦.......
搵野食既時候，發現原來屋企真係好冇野食囉！好唔得囉～

食完野就係上網、上網同埋上網，因為冇人同我爭嘛今日！
呵呵.......覆晒 msg board 0的 message，同時發現.......
原來我個 homepage 個 counter 有時都走得幾快架......呵~~~

上網上到 17XX 又走去訓過，再訓到 22XX 檗打唻......
今日真係訓到癲呀！仲訓到有點兒腫腫地囉......哈~~~~~~
2230 食晚餐，食左個全蝦餐：開邊蝦伊麵 + 咕嚕蝦球......

早幾日收到舅父 send 唻既 E-mail，今日先得閒睇.......

生活需要伴侶，快樂和痛苦都要有人分享。
沒有人分享的人生，無論面對的是快樂還是痛苦，都是一種懲罰......
分享不僅是一種感受上的抒發，更是一種人與人之間關係的建立......
多珍惜能與人分享的機會，和能與你分享的人。

>>August 25, 2003 at 1:20:57 AM GMT+8

2003 年 8 月 23 日 星期六 【陰】

今朝唔知醒起身，成 0800 先起身，撘左 0830 班車.......
出到佐敦轉的，返到去 0901，好犀利呀！哈哈........

可能呢個星期 "蒲" 得太多，攪到冇咩精神 & 開始作病.......
朝早咳左成半粒鐘囉！諗住去洗杯飲水，點知去 Let 洗杯既時候.......
成個頭 "坎" 左落個抹手紙個架度囉！痛到我丫 >.<

今日公司個 Server 死左，成朝都做唔到野呀......唉！
我就成朝0係度講電話囉！卒之個 Server 1245 左右好番.......
我就要開票囉！諗住開完票0岩0岩好可以走啦，惡夢就開始......
個黑人憎既 Printer 唔知發咩神經，print 到冇色但又格格咁......
所以 "喎" 左三張票，又要攪埋先走得，卒之係 1335 度先走架下.......

走既時候同 Joe & Ken 一齊走，俾人問開去邊，咪話去教書囉！
點知俾人串我「誤人子弟」囉！之後同哥哥講電話又係得到同一句架......
你兩個姓何架下，果然係黑人憎0的架喎......Cheap Cheap 呀~~~~~~

晏晝同 Daddy Andrew 一齊教書，班細路真係好正啊！好好玩 *o^
笑左一個晏晝囉！勁中意第四組既溫柔組 & 我個女 - 阿 Yan，真係好正！
講真，好耐冇教過書喇！今日教 3 個鐘好似仲 "支力" 過以前教 4 個鐘咁......
真係老喇我，可能加埋本身又病病地啦.......要好好休息下呢.......

教完書本來有兩個下場可以去，分別係以下：
(1) 去 Pacoley 個新 Hall 玩，不過因為佢未執好野 & "電聯效應"，所以去唔成！
(2) 朝早傾電話話可能今晚出去，點知放學檗打唻話佢返左屋企，所以...同 (1) 一樣！
so...到最後係同姨姨 (Louisa) & 愷盈出去左，我地由 Head 撘 Van 落旺角都訓著左囉 -.-"
可想而知大家 "支力" 既程度都幾咁嚴重 >.< 之後我地去左太子食 "魯" 肉飯 + 冰呀！
勁好味，但係唔知係真定係我太肚餓呢 :p 食完野去左行 Ikea，好耐冇行過喇.......
我行過人地0的床既時候，又 "坎" 親個頭囉！仲痛左今朝囉......唉.......激痛呀 >.<
行完 Ikea 又行番過旺角中心，周圍0的街樣轉左好多囉！我都唔係好耐冇出過去嗟？
我地行到 22XX 就起程返屋企喇！今晚又係撘寶達 Van，幸好冇 cockroach 囉！

近排聽上癮既一首歌 ～ 關心妍既《手下敗將》呀！真係好正 *o^

床頭燈早早給我關上　和綿胎抱著痛哭的模樣
我傻　傻人至少永不假裝

傻孩子早早把戀上　盲頭烏蠅般要當你手下的敗將
戀愛猶如盲人天堂　你我哪有夫妻相

流行榜　我總可以上一上　流行曲　你喜歡便唱一唱
某一週　我極度流行　昂然地做你冠軍 (如何能衛冕冠軍)

流行榜　我總可以上一上　流行曲　再長久一副冠軍相
始終都會退下來　拱手退讓　下降 (讓一仗) (承讓)

而明知貪新棄舊你本性　仍然不管一切　全力跟你硬拼
我怨不得人　受傷以後　哭夠後　自己生性

這一週　哪個她　喝香檳　慶祝她勝出了得到你歡心
我不恭善這一個某人　如她跟你認真

>>August 25, 2003 at 1:35:26 AM GMT+8

2003 年 8 月 22 日 星期五 【雨】

尋晚攪下又 0300 先訓，今朝極唔願起身......
仲諗過唔返工添，某程度上係因為尋晚.......

到最後 0750 都係起左身，勁快咁攪掂0的野出門口，
撘 0820 班車，不過返到去都係遲左 1 分鐘囉......
好憎撘熱九囉真係，熱到丫，又冇風入喎......勁慘呀！

尋日既頭痛今日繼續，仲 feel 到自己想發燒添......
即啪左兩粒 Panadol，第二日喇呢個星期，唉......
成個朝早都勁辛苦囉 >.< 仲要點都估唔到舊病復發......

Lunch 同 Dor, Cherry, Stephanie & 哥哥都帶左飯，一齊食 ～
話說食完大家就話不如訓番陣，終是就熄左燈，0係黑暗期間......
我將哥哥部電話拎走左，放左落卷抹手紙既紙筒入面......
當佢發現既時候，我地就打電話俾佢，諗住俾0的提示佢去搵番，
點知佢走左去睇其他野囉！真係好好笑架......不過後尾佢都搵到喎！
果然係我哥哥呀！呵呵~~~~~~ 不過係遲左少少咁嗟......
大家都覺得呢個遊戲真係好好玩呀.......下次要再玩過，但玩邊個好呢？

今日都算 OK 忙呀！臨放工既時候好少少，但係0個陣時就開始講電話......
不停咁講講講，我諗差不多由 1745 講到 1915 我走囉！都係同一個人喎......勁！
不過最好笑既係，原來我地既關係係要用 "曖昧" 唻形容囉！哦 ～ 原來係咁！

離開公司去左 Update Mall，約左 Jessica 去影貼紙相，好耐冇同佢影喇！
呢個係佢每次返香港既例行公事呢 *o^ 今日玩部新機真係好正啊！
影完相相逛左陣，就落地鐵站 join 其他同學喇！今晚係 5D 同學大聚餐呀！
根據以往既經驗所得，除左 Camp 之後呢個時候既聚餐通常都比較齊人架下......
今晚有唻既同學包括 (根據食飯時既坐位順次序排列如下)：
熙、Billy、馬騮 "Meet"、Jessica、遙、Pacoley、胡仔、李 Sir、蚯蚓、
奶茶、我、婉儀，仲有 5C 既恆敬同學，加加埋埋成 13 個架！
最衰我另外一個親愛的乖仔冇唻啦，因為佢要留0係公司開會呀.......慘~~~

我地去左漢和食韓燒，佢0的酸梅湯真係好正啊！好好味......
食左勁多野囉，乜都燒餐飽：燒賣、丸丸、三文魚刺身、0者喱......
到中段我已經投左降！不過佢地依然係咁食，真係好犀利囉！勁呀...... *o*
食到 2300 就走喇，之後大部份人都走晒，因為聽日要返工踢波 or 有下場......
淨番我、遙、熙、Billy & Pacoley，我地去左個 "聖地" 飲野呢......
途中不停咁傾呀傾，除左 "聖地" 事件，仲有 "OK" & "7-11" 既分別......
去到聖地吹左陣風之後，大家就開始不停咁影相，影相同埋影相呀~~~~~~

今晚笑到癲左囉！仲俾人話我做咩講野把聲高左囉.......
不過講真丫.......好耐冇試過笑得咁癲咁開懷喇 *o^

>>August 23, 2003 at 3:11:17 AM GMT+8

2003 年 8 月 21 日 星期四 【陰】

今日一開始過得好唔開心，因為打左個電話......
一日裡面攤兩次牌，真係好勁呀我，"好似" 好左少少囉 ～

其實本來諗住打埋個電話早0的洗白訓覺，點知......
就係個電話卒之又喊左兩粒鐘 & 得到 0300 先訓囉 -.-"
幸好今朝起身隻眼都唔算太腫，不過就 "MARK" 唔開囉！
返到公司之後仲要頭痛肚痛加胃痛，勁慘慘呀~~~~~~ >.<

今日好乖咁做晒所有 Leave Record，好犀利！
畢竟拖左兩個月，再唔做的話我怕我會 12 月先做囉 -.-"
勁做之餘，都係勁眼訓 & 悶悶地架下，淨係對住0的數字喎......
不過呢，今日做左樣新野，就係開 Cheque 喇！話時話......
幾好玩架！但係我唔小心整 "喎" 左兩張囉......真係唔好意思呀！

放工之後差不多 1830 先走，走之前同哥哥打架......好好玩！
其實都好無聊 & 唔係幾好架，不過簡唔中一次都 OK 既 :p
叻叻的我仲 K.O. 左佢呀！哈哈哈哈~~~~~~ 好野好野！勝利呀 *o^

今晚過左銅鑼灣食飯，其實係補祝我同 Inty 生日囉！
有 Veron, Eva & 奶同我地兩個，去左 The Barn II，OK 架0個度都！
食下傾下，仲有生日禮物收添！係我好中意既 i.t. x Mickey 散紙包呀！
成晚勁玩大家0的電話囉，仲有係不停影相、影相同埋影相架！

坐到 2100 就走喇！之後我同 Inty 去左下場，就係去 Nite Lite 喇！
因為今日係 Irene 生日呀！不過一上到去我同 Inty 出左露台傾計囉......
好明顯 ～ 又係攤牌時間，又係傾到大家都喊晒架下....... -.-"
傾完之後返左入去同 Hollie 玩占卜囉又！近排大家都變晒神婆咁呀......
玩到差不多 2300 先走，走0個陣仲好不願意地俾人梗硬請飲酒囉......
但又唔好意思托人手 "爭"，所以快快飲完快快走，佢仲話同我地坐低傾計喎 -.-"
好乖呀今晚，唔係飲左好多咋，不過成個星期加埋就......嘿嘿......OK 咁啦！

原來呢 ～ 0係最想玩既時候，知得既野越多.......
就越接受唔到，亦越發現自己真係玩唔起......唔玩喇！

今晚心口又再次隱隱作痛 >.< 發生咩事？唔要病呀......
唔要去醫院、唔要照、唔要食藥......乜野都唔想要！

>>August 22, 2003 at 2:19:28 AM GMT+8

2003 年 8 月 20 日 星期三 【陰】

尋晚飲完野返到屋企，攪下攪下攪到 0400 先訓......
點知今朝又唔知做咩 0600 起左身，之後再訓過囉！

訓到 0730 起身，好彩咋，幾驚今朝唔知醒呀 :p
返到公司都係 0854，今日撘冷氣巴呢！哈哈...0810 班車呀！
朝早都好地地，12XX 開始頭痛唻料，唔好講笑......
痛到好似俾針銡咁囉......係咪咁講呢？總之就好辛苦啦！
晏晝 Lunch 同 Dor, Sandy & Sandy 舅父去左和民食飯......
恨去左好耐，都冇諗過第一次會係去食 Lunch 囉！不過呢......
唔知係 expectation 太高定係佢 Set Lunch 既 Quality 既問題......
大家都一致認為佢0的野唔係好得囉 -.-" 唔......搵次要去試下夜晚飯呀！

放工之後去左撘船過中環，第一次撘下層呀！$1.7 咋......平上層 $0.5！
不過唔知係咪因為撘慣上層呢，我覺得下層唔係咁好撘囉！但都 OK 既！
過到中環再轉巴巴，又去左 Louisa 度玩，本來得我同 Hollie 架咋......
但係唔聽話既 Inty 又走埋上去囉！病又唔抖下喎.......冇野講啦......心淡！
今晚我地又玩 Tarot，又係準準咁喎！未出現既......唔知會幾時出現呢？

我地玩到成 2300 先走，返到屋企都成 00XX 喇！
撘撘下車師兄打唻，同我講上星期既問題，講真丫......
唔係唔想去面對，只不過係我未可以去面對囉......再遲下啦！
不過最難受都係佢0個句：「你既情緒咪就好似 97 前香港股市咁囉！」
哦 ～ 原來係咁囉！不過佢呢個比喻真係打得唔錯喎......要好好反思一下！

>>August 21, 2003 at 2:13:05 AM GMT+8

2003 年 8 月 19 日 星期二 【雨】

今朝晨早 0654 彈左起身，真係有0的問題......
返到公司都係 083X，買埋腸粉返去食，勁滿足！

朝早都算精神，晏晝真係激眼訓，得到係周圍煩人同我 MSN 囉！
呵呵 ~~~ 又有人理我喎！實在太好喇！好明顯成日晏晝等 6 點！

今日放工約左同事去高興高興，1820 同 Dor 走左......
本來諗住等埋 Sandy 架，不過佢個長命會真係......
好彩我地落去轉左冇耐佢就打唻囉！然後就出左油地喇！
其實出去既主要原因係為左去通達食野囉......
好耐冇去過喇！佢個 "三溝" 真係好正呢！仲加左兩粒辣辣魚旦 *o^
食完野 Bobo 唻埋 join 我地，佢食左個燒賣 + 魚旦囉......
仲得到個 "人既內外" & "食甜醬" 既感覺做左個比喻囉！勁呀！
我地之後去左銀城影咭囉......好攪笑 ～ 大家都好耐冇玩過0的咁既野囉！
仲要其中一個影既時候係冇得睇架下，所以...... "喎" 左！
影得勁樣衰呀 >.< 影完相相過左 KK 傾計飲野，飲左一打囉今晚！
又係我飲得最多喎......呵~~~ 今晚對大家仲有更加深入了解添呀！
都係0個句：人不可以貌相呀！我地由 20XX 坐到 23XX 囉！犀利 *o^
仲有呢.......今晚 KK 0的歌都好正 & 好應囉！呵呵~~~~~~真係丫......
要多謝各位好朋友 / 好同事贈我以下呢句：心情仍然很爛 但仍覺燦爛

近排再次養成日日改ｉnｆo 既習慣......
縱使幾夜返到屋企，都要改一改先安樂......
日日唔開心，亦已經成為另一個習慣！唔知為咩架講真......
不過仲要再加埋１日幾壞消息，真係唔得囉 >.<
以前唔開心既時候鍾意將個ｉnｆo 變成白紙一樣乜都冇......
但近來發現，原來唔係次次都會咁 & 得架，今次係一個例外！
Anyway, 多謝各位朋友近排對我既關心，不過......真係唔使理我架喇 ：）

>>August 21, 2003 at 2:12:01 AM GMT+8