2003 年 4 月 25 日 星期五 【晴】

尋晚勁眼訓，都算早訓！但係冇執到野！ 
其實係因為今晚會過 Idy 度訓，所以要去野！
今朝大概 0730 起身，洗頭 & 執埋野......都遲左少少！

今日攪到好似搬屋咁囉！奸奸的我今日 Sporty Look 返工！
所以 "咩" 住個背囊再拎住袋手抽都唔算好怪 ^_^
哈哈 ～ 今朝終於都食左腸粉喇！好滿足呀！
不過好不幸，就係食完呢個早餐之後，我食乜飲乜都肚痛囉！

今晚放工又係即閃，因為要過大窩口幫手！
今次係 "牛角包" 事件俾人隔離之後第一次去呀！
有少雯、燕、茵茵同我，去到仲見到 Tracy & 嘉豪添！
我地去左包口罩，全身又係著晒野咁...好似唔焗原來好焗！
收工既時候我地冇除0的裝備， keep 住左個 look 影相！
點知俾小丙媽媽話我似母雞囉！會唔會先 -.-" 好不高興！

離開之後過左荃灣買野，再 join 番黎主任 & Diana 去左食野！
我食左個 "酸水米線" (酸辣水餃米線)，好好味架！但係食唔晒.....
食完呢......又肚痛囉！好無奈囉！唉......

食完野我同少雯 & 燕就出發去旺角，上 Idy 度喇！
我地0係新世紀 join 埋 Carrie & 佢買既糖水一齊上去！
去到食下糖水、喧嘩一輪、仲傾左陣計添！
講下大家既年紀啦、深路歷程咁，知道左好多秘密添！
話時話，0的內容都幾令人驚訝！唔係好信囉......

大概 12 點有兩位送紅酒工人 - 小時 & 旺 唻左！
又喧嘩多輪，佢地同燕就走左喇！我地呢......
就開始收拾啦、洗白白啦......攪下攪下都成 1 點喇！
初初本來 Idy 預我地同佢一齊訓，不過唔係幾好意思......
所以我地用張梳化整左個好靚既被舖，三個一齊訓廳！
度下位、傾下計、發下癲，卒之我地都成 2 點先訓呢！

>>April 27, 2003 at 7:22:15 PM GMT+8

2003 年 4 月 24 日 星期四 【晴】

今朝買緊早餐先知道老細又要返大陸 ～ 呵！
早知就買腸粉食啦！不過算啦......聽朝先食！

今日好犀利呀！ 一次過入晒 3 日既 PV 呀！
差唔多入左成 100 張添呀！Print 得幾勁呀！

今日一放工就閃喇！同 Carrie 過左葵芳行街街，
去買野星期六去做姊妹，當然到最後大家都有收穫啦！
我地仲去左好好粥麵食野添！好好味 *.^
本來少雯都唻架！但係呢，佢要同 DO 開會呢......

>>April 27, 2003 at 5:53:28 PM GMT+8

2003 年 4 月 23 日 星期三 【晴】

自尋日起身開始個心口位痛左成日，痛到今日都仲痛緊 -.-"
所以今日冇返工，因為決定去睇醫生！經阿劉姑娘既建議......
我起身之後就過左聯合急症室睇醫生，唔知係咪非碟型既關係......
個急症室唔係好多人，由入去到睇完都係用左 2 個鐘左右！
阿醫生好攪笑架，係咁問呢樣問0個樣，問左勁多野......
最要命既係我照 X-Ray 既前後都問我擔唔擔心，原來佢係講非典型囉！

睇完醫生成 3 點幾先去食野，一餐 = 三餐：早、午 & 下午茶 ～
食完野，返屋企上下網，攪完一輪就去洗白白喇......始終去過醫院嘛！
洗完白執好野就出發上 Head 喇！因為今晚要開會呢！

今晚有開會前叫左外賣，唔知係咪唔舒服既關係......
我叫左個菜遠雞絲河，但係食左一半都冇已經食唔落喇 v_v
對我唻講出現呢個情況真係試都未試過呀！勁！

開完會返到屋企已經 23XX 喇！好 "支力" 呢.......

>>April 24, 2003 at 12:12:58 PM GMT+8

2003 年 4 月 22 日 星期二 【晴】

呢兩日細佬都 send 左越洋 SMS 俾我呀！
好高興！嘻嘻 ～ 我知你實睇到既，係咪？

今朝終於都履行左要做運動，0615 起身......
Grad 左咁耐都未試過呀！我都覺得自己好犀利！
落去樓下緩跑徑運動左半個鐘，算係咁啦......
之後返屋企沖涼洗頭就返工喇！出到尖咀仲食左個早餐呢 *.^

今日返工0的時間過得好快呀！可能因為放完個長假.....
堆堆埋埋要做啦0的野，話咁快 1 點、話咁快又 6 點！

放工之後出左油地，同少雯一齊去左剪頭髮......
終於都捨得去剪喇我！想剪好耐架喇，都等左好耐呢......
難得今日大家都想去剪呢！仲做埋焗油添！呵呵 *.^
不過攪掂晒都已經成 9 點喇！等我仲話返屋企食飯.....
飛 Van 返到去都 2130，食埋野....2200.....咁夜食實肥死啦 v_v

原來從一個人笑既 "LEVEL"，可以知道佢既心情係好定壞！

>>April 22, 2003 at 11:09:44 PM GMT+8

2003 年 4 月 21 日 星期一 【陰】

今朝本來諗住一早起身去跑步，當然......
計劃到最後泡湯啦！唉......真係要決心減肥呀！
自從 10 月病愈後肥左勁勁勁多呀 v_v

晏晝去左 Poly 開會，一路飲茶一路開......
佢0個個香芒XX卷真係好正呀！好美味 *.^
開完會我同燕 & 茵茵出左旺角行街街，不過冇收穫呢！
佢地走晒之後我去埋教協，買左新書書呀 ～ Yeah!!!
之後再過左金鐘搵媽媽行街街，食埋飯先返屋企呢！

今日收到 Idy 既電話，好高興！星期六去做 "花女" 呢！
哈哈 ～ 兩個廿歲女既去做 "花女"，真係有點兒那個......

呢幾日好多朋友打唻或者 send message 俾我睇我點，
真係好多謝大家呢！不過 soli 呀......我真係未好番呢......
但係......我都希望可以快0的好番呀！可惜......唉......

我俾自己既限期已經到喇！但係我仲未做到決定......
要問既人 ～ 有0的問左、有0的未問......
連最唔想聽0個句，都已經聽埋，睇唻......
我最好都係慢慢咁接受呢個現實把啦.......！

>>April 21, 2003 at 10:04:23 PM GMT+8

2003 年 4 月 20 日 星期日 【晴】

尋晚打機 (Palm) 打到成 3-4 點先訓，勁 "支力"......
今朝訓到 12 點幾起身，起身之後過左粉嶺龍山寺探爺爺！
最好笑既係 ～ 去既途中見到我阿 William 仔0係度等車囉......
入開粉嶺，之後去埋奶奶度，因為佢個 Centre 唔入得去，
所以變左我地企0係樓下，佢望落唻傾計囉 *~*

離開粉嶺出左尖咀，陪媽媽拎野，但係拎唔成......
之後我同叔叔去左行街，睇靚野！哈哈 *o^ 好耐冇行過街喇！
今日終於忍唔住，買左 Le Coq Sportif 對鞋鞋啊 ～ 好野 *o^
下個目標係隻 G-Shock 呀！要今年生日買俾自己呀......

夜晚我地去左元綠食野，好美味 ～ 嘻嘻 *.^
食完野我又去左星光行商務睇書，又睇到人地打烊囉！
不過好唔夠喉呀！唔知幾時再可以去睇過呢？Um.....

>>April 21, 2003 at 8:26:27 PM GMT+8

2003 年 4 月 19 日 星期六 【晴】

今日推晒所有野留0係屋企，好滿足......
好難會用 "好滿足" 唻形容留0係屋企既時候......
因為今日，同平時有0的唔同囉！

訓到 2 點幾先起身，屋企得番我一個，正~*
因為家姐尋晚去左婆婆度訓，而雙親就出左去......
起身食左個杯麵 & 幾塊餅，仲飲左檸茶添！
成個晏晝對住部電腦，周圍搵下野睇......唔錯唔錯！

尋日開開下會，講開官小，老師話我聽......
佐官就要 "摺" 喇！已經開始縮班添喇......
唔知係咪真架呢？我今日上網 search 過......
搵到個 Homepage 但係又唔覺有提過喎！
究竟即係點呢？好想知喎......*_*

睇下野、聽下歌、整下個 homepage，咁就一個下晝喇！
黃昏時候 ～ 開左久違了既鋼琴，再搵番0的譜出唻彈下.....
真係好耐冇彈過琴喇！隻手......硬左好多......啊！
其實仲有衝動拎埋個 Violin 出唻玩，但係......都係下次先啦！

本來今晚中同 & 紅記都約左食飯，但係呢......
中同0個班得 ICQ Message，又冇電話 confirm 喎，咁咪算囉！
紅記0個場呢，係老細約架，本來都想去，但係周身骨痛，所以......
咪咁囉！不過就變左得自己食囉！因為雙親去左表妹度......
呵呵 ～ Yeah!!! Very good 呀！好滿意今日既生活！不過夜0的點就唔敢包喇！

今日發現 ～ 呢個 AlmondRoca Cookies 勁好味呀 *o^

>>April 19, 2003 at 7:04:34 PM GMT+8

2003 年 4 月 18 日 星期五 【晴】

尋晚返到屋企有人用電腦，要等！因為未做晒公司野......
但係等到用得都成兩點幾喇！0係 "支力" 到嘔既情況下，
我用用下訓著左囉！所以到最後，乜都冇做過囉......

今朝開會開 10 點，我 9 點起身，執下野攪下......
最近後用左我最喜愛既交通工具撘去九龍塘！
非常方便的 ～ 1005 到達！齊人我地就過左 City 喇！
我地去左 City 個 can 開會！仲食左個好抵既早餐！
不過美中不足既係......唔係好夠熱囉！唉......

我地一開就開到 2 點喇！之後我同少雯 & Michelle 去左城軒飲茶！
好耐都冇飲過茶喇.....好滿足！不過話時話城軒0的野幾好食喎！
我地飲完茶之後去左行又一城，同少雯睇衫衫！因為呢......
佢下個星期 6 去做伴娘呀！嘻嘻......今日終於見到佢著裙喇 *o^
我地行到 5 點半左右，雖然冇收穫但好滿足呀！實在太耐冇行過街喇......

佢地走左之後我仲 stay 左陣，本來諗住去 Log On 買筆筆！
但係實在太多太靚喇！所以最後我決定唔買！幾叻叻！
後尾去埋 Page One 睇書！不過我都係想去星光行商務多0的......
仲想去教協，更想搵個地方自己一個好好靜下......

其實呢，本來今日約左 The Rock 班同學仔打 Bad 囉！
但係0係我今朝開開下會既時候，梅同學打唻同我講......
佢 book 錯左場，book 左 16/5 囉！會唔會先？唉...... -.-"
由於佢打俾我既時候開緊會，之後我 break 再打俾佢.....
諗住睇下佢通知左 Wendy 未，點知佢答我：「我尋晚話左俾佢知喇！」
會唔會先？做乜唔話埋俾我知喎！正常既都知我冇咁早訓啦......
打唻冇人聽，留言俾我都得嗟......唔高興唔高興唔高興呀 :@
激死喇！等我今朝早執衫執拍攪到遲左出門口，點知得唻就係白拎囉！
好明顯 "咩" 左成日囉！頂 ~~~~~~ 有冇攪錯先？好 "慶" 呀！激死喇！

近排心情真係好唔得，超級極度勁低呀下，應該仲有得落！
激唔穩定！所以今晚 Dip 班同學食飯我都冇去！唉......

話說今朝開完會既時候有位高層打唻，真係嚇一嚇.....
原來佢話係 SCMP 0個邊想搵0的 Volunteer 做個訪問囉！
我好好彩咁仲左獎囉！呵 ~~~~~~ 真係恭喜晒！
本來話個記者會 1600-1630 打唻，當我仲以為佢唔打既時候.....
佢0係 1930-2000 打唻囉！正常的問左0的好 common 既問題......
但最攪笑0個題都莫過於 - 「咁你呢個星期會唔會如常咁出街呀？」
究竟呢題有咩用呢？好有興趣知喎......咁攪野既......

agnes b. + Nikon = b.Nikon!! & Paul Frank meets Dr. Scholls!
而家攪 Crossover 既品牌越唻越奇怪 ...... *~*

>>April 19, 2003 at 12:45:47 AM GMT+8

2003 年 4 月 17 日 星期四 【陰】

等左幾日終於都等到今日喇！由聽日開始.....
就係一連四日假期喇！實在太高興、太感動喇！

今日都有幾多野做呀話時話，本來呢......
今朝仲 Plan 緊今晚放工去商務睇書睇到人地收工！
點知到最後，咪變左另一回事囉......呵！

話說 Daddy 打唻撩今晚去睇 2130，幫佢打晒俾各位，
到下晝 4 點幾 5 點 Firm 左我、Ivy & 梅佬都會去......
後尾梅佬話同埋立一齊唻，即係 total 有 5 個去！好！

到臨放工既時候，發現仲有樣好麻煩既野未做，
所以決定 OT 做埋佢，點知一做.....做到 2030 先走！勁！

走左之後 join 埋 Daddy & Ivy 一齊撘巴巴落油地！
當然......得出既結果係遲到啦！不過撘車途中......
高興的 ～ Ivy 同學送左個好靚既 Mimi 蘋果電話繩俾我呀 *o^
呵呵呵呵......靚到暈左啊！雖然佢長左少少咁......

落到油地，食左個 M 記 Din，就睇戲喇......
我地去左睇《Johnny English》呀！唔係好得！
但幾好笑！有人嫌佢唔夠好笑囉！OK 啦......
有0的位都笑到停唔到喎 - 我隔離0個個！
失敗的 ～ 呢套戲我竟然都有位喊囉......會唔會先？

睇完戲，本來諗住去唱 K，點知梅佬同立走左去行街！
所以我地都係決定告吹，得0個 3 條友唱咩喎......
呢個嬉戲 Mood 好明顯隨住時間越夜越低，有0的唔正常.....
後尾得番我地 3 個一路行一路諗去邊，諗住飲涼茶.....
點知唔0岩口味又走左 -.-" 唉......心情一路咁滑落囉我！
卒之 "mor 下 hea 下"，我地去左石磨坊食糖水.......
我地叫左：芒果河粉撈、朱古力蛋白燠鮮奶、
芒果黑 "LOR" 米芝麻卷 & 雪白如筒卷......
又好滿足，仲食唔晒添！都係第一次食糖水食唔晒囉！

>>April 19, 2003 at 5:38:13 PM GMT+8

2003 年 4 月 16 日 星期三 【晴】

哈哈 ～ 星期三喇！仲有聽日咋，放假喇......
本來尋晚開 Management Meeting，但係冇開到，變左今晚開！
不過到最後我一樣冇開，因為要開體驗營個 Meeting 呀！

我 1810 就走左喇！去左買麻糬波波，嘻嘻 *.*
之後再撘 Van 仔上火車站 join Ivy，好唔好彩......
佢排第 5 但係我架車得 4 個人落車囉.....第 2 次喇！

好明顯，今晚開會全程俾人勁串呀下.....黑人憎的師兄！

>>April 18, 2003 at 9:50:45 PM GMT+8