2003 年 6 月 26 日 星期四 【晴】

經過尋日既 "個半鐘" 事件，我決定好好咁訓一覺！
今晨 1 點左右訓，訓到成 8 點先起身呀！卒之......嘻嘻！

今日全日都想實行 A 計劃，可惜唔可以啦！唉......
晏晝 1700 請左一個鐘假，去洲際幫手做 Donor 既頒獎禮，
又見到0的高官，又係勁多記者囉！場面真係好大啊......

因為之後要上 SFA，所以我 1915 左右就走喇！
上到 Head 原來都係剛剛開始上堂，早知唔咁趕啦！
放 Break 既時候嘉豪買左雞雞上唻，勁滿足呀！
好明顯因為上星期腸胃炎既關係，大家都 "GUM" 住我唔好亂食野！

2200 上完堂，同幾位好同事0係 Lobby 傾計，傾到 2300 左右就走喇！
同燕、梅佬 & Louisa 落左旺角，去左麥當當食宵夜呀！嘻嘻......

慘慘喇 ～ 近排情緒高低起伏不定，加上的士事件......
會唔會係0的咩唔好既先兆呢？嘩 ～ 不過話時話......
今日加加埋埋都用左成 200 蚊唻撘的士呀！好貴好傷呀 >.<
晏晝同哥哥傾開計，先話要儲錢喎！真係要努力咁儲呀！

>>June 27, 2003 at 10:08:28 AM GMT+8

2003 年 6 月 25 日 星期三 【晴】

12 點 ～ 今次係0係 K 房渡過呀！旺角 Neway City......
裡面有間 Twins 既 Ichiban 興奮房喎！其實係得兩套衫！
話就話係佢地演唱會既時候著過，其實都唔知係咪既......

今次唱 K 終於都叫齊人喇！勁耐冇試過喇！勁高興 *o^
仲有好多 "囉" 位囉！首先有人扮壞咪然後入 "高潮"......
繼而又有人扯斷左支咪，仲要拎住唻影左張相囉 -.-"
最攪笑係有人唔覺意咁俾人發現左佢 "早洩" 囉！唉~~~
我地成晚0係間房度不停係咁影相，影到傻左咁呀！
唱歌又玩「一人兩行制」喎，0的高低聲勁攪笑囉！
但係真係好好玩呀！玩得真係好開心呀！幾 "支力" 都抵啦！

Wendy 唱到 2 點就走先喇！之後我地 3 點都走喇......
埋單仲送左《千機變》既飛兩張，哈哈......好野 *o^
返到屋企 3 點幾 4 點，點知家姐仲未洗白白囉 -.-"
卒之等下 HEA 下，食埋姐姐買俾我既紫米布丁.......
沖完個涼都已經 0530 喇！天都開始光呢......訓覺！

我0係張床都碌左陣先訓得著，我諗真係訓著都已經 0600 喇！
今朝 0730 起身，起0個下真係唔係好信自己起到身囉！哈哈...
訓得0個粒半鐘左右，竟然會起到身呀！好叻叻呀！YEAH *o^
不過唔好話，今日返工都返到呆下呆下咁......個頭 & 膊頭勁痛呀！

放工之後約左屋企人去唱 K，勁喲！唔好講笑......
我都係第一次 24 個鐘內唱左兩次 K 囉！我覺得自己好犀利呀真係！
由初初沙聲開始咁唱，唱到最後把聲清番晒囉！無得頂 *o^
今晚唱到 2200 就走喇！真係要返屋企好好咁訓下呢......

>>June 27, 2003 at 3:30:07 AM GMT+8

2003 年 6 月 24 日 星期二 【晴】

哈哈 ～ 今日係 The Rock 六月生日會既大日子呀！
期待已久呀！大家都好耐冇一齊去高高興興咁玩過喇......
整左0的 surprise 俾兩位壽星女，點知我地攪0既仲 surprise 囉！

一放工出左家樂俾咭咭燕同學簽，之後再梅佬去左教協 "吽"！
0係教協 "吽" 左差不多成粒鐘，然後我地就去左買蛋糕喇！
本來諗住買完蛋糕先拎上酒樓，點知去到姐姐同我講我冇 book 到囉！
嚇死喇！咁我尋日 book 既時候係同邊個講架？真係 surp surprise 呀！
不過好彩姐姐話佢可以俾到位我地咋，如果唔係都唔知點算呀......

放低個蛋糕之後，等我同梅同學仲玩向左走向右走既遊戲......
扮分開咁唻！點知約左同學們 2030 0係 Cyber City，我 2035 打電話...
個個都撘緊車囉！勁 hurt 呀！慘慘呀 -.-" 卒之又 "吽" 喎囉！
"吽" 到咁上下我就先上去拎位，冇耐 (即係 Daddy 寫咭既時候) 佢地就到喇！

我地今晚食火鍋呢！係咁叫呀叫，其實都唔算食得好犀利......
但唔好講笑，大家都滿足到嘔呀！都唔明點解 Daddy 仲可以話唔覺飽囉！
食完火鍋之後，本來有 2 個 surprise 俾兩位星女，點知......
● 中場驚喜 1 ～ 壽包 ●
話說我叫梅同學叫呀部長上壽包既時候，佢好直接咁同個部長講......
「唔該上壽包丫！」......好明顯大家即刻知道係咩事啦 -.-"
● 中場驚喜 2 ～ 生日蛋糕 ●
食完壽包之後，大家以為準備走既時，我諗住叫阿待應姐姐拎個蛋糕出唻！
點知......我細細聲同佢講：「唔該可唔可以幫我拎埋個蛋糕出唻丫......」
接著佢大大聲的同阿部長先生講：「XX 號檯話上埋個蛋糕喎......」
真係難受到極點呀！我細細聲同佢講，佢就大大聲咁同全世界講喎！
好明顯 ～ 今晚俾壽星女們既 surprise 變晒俾我囉！我諗呢......
如果我係阿 Smiley Face 的話，我今晚個樣會 keep 住係 The Rock 既會徽囉！

打完爐就 join 埋燕同學，一齊去 Neway City 唱 K 呀！哈哈哈哈 *o^

>>June 27, 2003 at 11:34:06 AM GMT+8

2003 年 6 月 23 日 星期一 【晴】

黑人憎的 ～ 今朝俾人嘈醒 & 臭醒......
難受程度達到成 200 個呀！激死我喇......

返到公司好似唔停咁呀！到晏畫開始先叫好0的......
不過就係咁俾人吹我做呢樣做0個樣，抖下得唔得呀？

放工都成 1840 左右先走，之後行左落佐敦搵檗！
我地去左翠華餐廳食晚飯，本來諗住睇戲架，但係......
0的場次確係唔係好0岩囉！卒之坐下坐下傾下傾下.......
坐到 8 點幾！我地好耐都冇試過咁喇！個感覺......
真係好鬼正囉！平時唔係 Coffee Shop 就係落 Bar / Pub，
今次呢 - 原來茶記都 OK 喎！呵呵.......掂呀掂呀 *.^
好鍾意佢 Info 0個句 ～ 翠華餐廳　兩杯奶茶　一個好友

今晚最犀利呢，都莫過於係我地兩個既體力 + 精神呀！
會唔會兩個人由尖咀行去九龍城，再由九龍城行番去旺角......
但係都未覺 "支力" 喎！係咪好叻叻先？最勁架呢......
係我地兩個都著住對尖頭有 "爭" 鞋囉！都咪話唔堅呀！
卒之最後我地0係旺角就撘車返屋企喇！我真係覺得我地好犀利！

返到屋企之後收到0的唔係幾好既消息呀，唔係幾開心！
幾個都係有關 "離開" 既消息，點解會一晚之間一次過唻晒架？
真係唔高興呀！點解今日心情起伏咁大既？通常咁樣既情況.......
都唔係一個好既兆頭.......千祈唔好有咩事呀.......有0的擔心呀！

>>June 24, 2003 at 1:48:35 AM GMT+8

2003 年 6 月 22 日 星期日 【晴】

Hehe~* 今日係 aifaye 同學生日呀！祝佢生日快樂呀 *o^
要過得開開心心，仲有阿梅同學話祝佢年年 2X 歲呀！

今晨 1 點幾訓，訓到晏晝 2 點幾起身......
起身食左個包包，再俾媽媽迫我食左個梨 & 半個 Kiwi，
坐到 1545，又走去訓過囉！呵呵......不過最後 1800 俾人嘈醒！
我都唔駛咁早起身，0的人講野呀，又會講到成層都聽到囉！

1900 出發去荃灣去食大菜呀！仲記得細個一去食大菜好高興！
不過唔覺唔覺，今次呢個 "炸彈" 已經係兩年內第 5 個喇！
仲要係呢 5 個都係以私人名義收架喎！好犀利啊！原來呢......
我十幾歲女已經開始收帖喇！其實會唔會早左少少先.......

今晚呢......係 Mandy 同事請飲呀！我地 1 行 7 人一齊去......
大多數都係 casual 咁去囉！不過有人 "坤" 左我地架下 -.-"
一對新人送左個膠既水晶生果俾各位來賓，雖然唔係話太靚......
但係我又覺得佢幾得意喎！飲完即走，返到屋企剛剛好 12 點！
死囉！好怕聽朝唔知醒起身囉.......早0的訓早0的訓......

>>June 24, 2003 at 1:37:10 AM GMT+8

2003 年 6 月 21 日 星期六 【陰】

今朝......差點兒就唔知醒返工，好彩冇事！
好明顯係因為之前兩日訓得太高興，訓到傻左 x_x

今朝返去清番呢兩日既野，話咁快就 1 點喇！
放工即刻 "BILL" 上 HEAD，今日晏晝又要上 SFA 啊！
上到去 1405 先至林老師延遲到 1415 先上堂囉 -.-"
早知唔咁趕啦！仲要俾佢串：「乜你唔知咩？」...激死！

今日上到 1650 就走喇！同 Ingrid 去左新世紀有0的野攪！
攪得勁高興，希望真係得啦！雖然又冇左一筆，但都 OK 抵喎！

夜晚同 aifaye 同學去左拎 Con.，再掃下街......
之後佢就入左長洲喇！好高興啊、仲好妒忌添......

今日突然發現做漏左件事呀！其實我覺得都幾大鑊......
但係冇人嘈喎，呢下先令人驚嚇呀！死啦......點算好呢？
搵左幾位義工同事好友訴苦，佢地都話：「冇事既......」
希望真係冇事啦！講真0個句，我真係好擔心呀 >.<

>>June 24, 2003 at 1:28:26 AM GMT+8

2003 年 6 月 20 日 星期五 【雨】

慘慘啊 ～ 腸胃炎 "谷" 住 "谷" 住......
今日冇返到工，全日訓！其實都唔係咁好......

>>June 22, 2003 at 1:11:47 AM GMT+8

2003 年 6 月 19 日 星期四 【陰】

今朝早起身見冇事，就返左工喇！點知......
返到公司食完個熱狗之後又唻料囉！唉......
卒之晏晝請左 Sick Leave 返屋企睇醫生，
早知係咁，朝早就唔返喇！咁又冇多 $30 喇 >.<

晏晝仲同屋企人去左飲茶啊！乖乖的......
我食粥咋，不過食左 3/4 左右已經食唔落......
1D 都唔似我囉！飲完茶就返屋企睇醫生喇！
依舊係腸胃炎......今次有支好靚既粉紅色藥水呀！
不過飲過去0個下，"LAR" 喉嚨架囉！好唔好受呀 -.-"

>>June 22, 2003 at 2:54:54 PM GMT+8

2003 年 6 月 18 日 星期三 【晴】

今朝 0700 起左身之後訓唔番，慘慘呀！
半個鐘都唔俾我訓埋佢......0725 已經攪掂晒所有晒！
坐左三個 "字"，0740 就出門口喇！到最後......
未夠 0830 返到公司做開門0個個囉 -.-"

慘慘的 ～ 今日成日都想嘔，仲要激頭痛、胃痛 & 痛痛......
救命呀 >.< 唔要個個月睇醫生呀！又要睇......唉.......
呢個壞習慣已經由 96 年開始，究竟幾時先甩到呢？

夜晚放工即閃，仲早過 Dor 走！勁呀！
一走就去 Habour City 進行我既採購行動......
採購完畢就上 Head 上堂喇！好明顯上一上堂......
係咁勁笑之後好似好左0的架，快0的冇事就好喇！

>>June 22, 2003 at 1:08:11 AM GMT+8

2003 年 6 月 17 日 星期二 【晴】

今日好慘慘呀！食完晏晝飯之後就開始頭痛......
仲想嘔添呀！好辛苦.....情況同舊年 3 月 11 一樣！

放工成 1845 先走，但係開會開 1900 喎！
急速地去買左個 Mc 餐就過 HO 喇！都遲左少少......
高興的個會開到 2100 就完喇！哈哈哈哈 *o^

>>June 18, 2003 at 3:17:04 PM GMT+8