2003 年 1 月 21 日 星期二 【晴】

今朝返到公司個個都好精神......
唔知點解呢？好好笑 ~o~
晏晝食完飯返去大家又講下 BBCC......
真係好難受囉......-.-"

幾經辛苦等到 6 點，因為今晚約左班同事去唱 K 呀！
好鬼高興 *o* 等呢日等左好耐喇......
由於大家都未走得，所以我同 Dor & SMB 走先！
一開始我同 Dr. Dor Dor 係咁點歌......
得到既結果係點爆左架！呵呵.......
到哥哥同 Ben & Patsy 到埋，我地都唱左幾多歌下喇！
唱到中段，我同哥哥就開戰喇......
咪就係因為佢衰多口囉！既衰又爛 *.*
跟住就開始玩 "散打" & "愚公移山" 囉......
唉......會唔會係山先？激死......v_v
仲要講講下變埋樓 / 花園囉！呵......

玩得好鬼高興呀今晚......勁 "支力" 囉不過......
仲要咳到痴肺......唔想睇醫生......
但係個個都係咁叫我睇醫生！因為怕我傳染？呵......

>>January 22, 2003 at 11:12:12 AM GMT+8

2003 年 1 月 20 日 星期一 【晴】

尋晚 "支力" "支力" 的，返到屋企未夠 7 點就訓左喇！
足足訓左 12 個鐘先起身，沖左個涼就返工喇！

今日 workload 都還算可以，不過臨放工0個下就......
放工之後飛左去 Poly 搵燕燕同 Ivy，
行個 Mega Sale，但係冇乜驚喜囉......-.-"
睇完 join 埋 Andrew，再出發去沙田！

我地成區同事食團年飯，之後呢......
再去老細屋企開會&食糖水！
再傾下計、睇下相，攪到成 11 點先走！
走既時候同 Daddy 0係巴士站發神經，嚇親明少......

>>January 22, 2003 at 11:06:40 AM GMT+8

2003 年 1 月 15 日 星期三 【晴】

呢幾日真係好好好多野做......
唔知幾時先可以完完全全咁做完呢？
呢個月，我仲要係咁返學......點做得晒？

今日朝早旱有地 7 點起左身......犀利！
當然可以好悠閒咁行返公司，哈哈......好耐冇試過！
返去食完個早餐，就努力咁工作......
直至第一次睇錶，已經係 12 noon 喇！幾勁......
連 LET 都冇去過呀......好威威呀突然間覺得 -.-"

今日 Lunch 同班同事去左唱 K，我地已經一響即走......
但係點知去到都要等到 1325 先入房囉......呵......
不過都 OK 啦！因為我實在太耐冇唱 K，太餓喇......
真係好好好滿足，但係美中不足既係......
我地為左可以唱多0的歌，所以全部未唱完就要 CUT 囉！
仲有呀......原來我同 Patsy 把聲好0岩架......Hehe~*

今晚留左0係公司開會，8 點半就開完喇！Yeah~~~
好好好 "支力"！之後去左撘車上中秀食野......
懶懶既我諗住唔諗去食 Mc，點知佢 10 點就收左囉......
卒之去左茶餐廳食炒公仔麵，再行番返屋企喇......

今日過 Probation 喇！不過唔知有冇得加人工呢？
另外今日仲學左個新野......就係哥哥教既 "呀......"！
真係好好好犀利！咁都俾佢諗到囉......呵.......



ＫeｌLｙ隻 ※ 情毒 ※ 真係好正 *o^

良藥原是帶苦　但情毒其實更苦
能讓淚水將一生浸沒　味蕾上遺下苦澀
偏帶一絲醉甜　似鴉片　我戒不了

能像焚內猛火　又能像埋入雪霜
情慾是最毒那可救藥　或寧願賠掉一生
都放不低某人　那初吻　動魄驚心

讓我飲下去　到寸心盡碎
還酬謝你贈我的滿肚苦水
再凶的毒藥　也不比情長
到死也無法抵抗那心癢　甘去受傷

讓我飲下去　劇痛忍下去
唯求在我毒發輕吻我的嘴
再傷的毒藥　也不比懦弱
會使你麻痺失去了思想　甘去受傷

>>January 18, 2003 at 3:03:18 AM GMT+8

2003 年 1 月 10 日 星期五 【晴】

今日先發現，原來個ＡＦＴ ～
我地組 "謝鏡ｔｅａｍ" 同隔離組 "如六"......
撞左ｃｈｅｅｒｓ囉！會唔會咁0岩先？呵......*o*

新一年 ～ 每個人有唔同既睇法、見解同定義！
有人覺得係一個新開始，亦有人覺得冇乜特別......
有人充滿希望，亦有人冇期望，更唔覺得係咩一回事......

呢個１月好充實，冇時間亂諗野！１２３ + "Ａ++"...... 繼續自虐！

>>January 16, 2003 at 12:23:25 AM GMT+8

2003 年 1 月 6 日 星期一 【晴】

一路都好想出完 Field 之後既一日唔駛返工......
估唔到我夢想成真呀！呵！好高興但好辛苦......
因為病左囉！不過算啦......起碼有日抖下嘛......

>>January 10, 2003 at 12:00:11 AM GMT+8

2003 年 1 月 5 日 星期日 【晴】

謝鏡ｔｅａｍ ～*
醒呀勁呀仲好掂！
一股作氣，作戰到底！
排除萬難，成功到達！

>>January 9, 2003 at 11:58:13 PM GMT+8

2003 年 1 月 2 日 星期四 【晴】

呢個星期六又要出Ｆiｅlｄ喇！唔夠時間執野......
仲要唔夠訓添呀！點算？天文台又話轉涼喎......死啦......
會唔會凍死山頭架？本應都有十度既......但係呢......
新界地方減兩度、山上減兩度、荒山野嶺減兩度......嘩 *o*
都係唔好再亂咁減......減減下變左負度呀唔係幾好啦......
唔知星期日起身會唔會變左條雪條呢？我冇羽絨睡袋喎......Oｈ!
我一定要捱到底呀！因為去完今次仲有兩次要去呀！努力 ～*

>>January 5, 2003 at 11:47:45 PM GMT+8

2003 年 1 月 1 日 星期三 【晴】

新年快樂呀！Ｈaｐpｙ Ｎeｗ Ｙeａr *o^
高興的 ～ 今年平安 & 除夕夜兩晚都有出去玩呀......
但係可惜的......我都仲有俾人規定幾點返歸囉！

０３年一開始，真係唔太高興 ～
只係因為打左一個電話，好後悔囉......
不過算啦......我仲有咩可以做先得架？唉......
一新年就 "唉唉" 聲，真係唔係幾好意頭！唉......

今朝卒之都冇開到會，因為......唔好提喇！
不過 finally 由今晨 5 點幾訓到晏晝 4 點幾，唔錯唔錯！
好耐都冇試過成日留0係屋企，最重點係我今晚0係屋企食囉！
自我 8 月返 TB 開始，都冇返過屋企食飯喇......

Um......今晚一定要早0的訓，因為聽日又要返工喇！
加上今日條頸有0的痛，唔知係訓得唔好定係尋日玩成咁......
星期六仲要係 Wild Camp 架......死囉！都唔知捱唔捱得住添架......

>>January 1, 2003 at 9:37:20 PM GMT+8

2002 年 12 月 31 日 星期二 【晴】

除夕夜 ～ 可惜的今日冇得放早......
不過好彩尋晚超夜訓，所以今日好精神！
嘻......今日一放工即閃喇......哈哈......

下晏榮譽會員、會長同小梅去左睇 AFT 0的0野，
但係到最後乜都冇買到呀......睇唔0岩呢......
之後榮譽會員同小梅唻左搵我放工呢......好高興！
我地去左掃街呢......不過都唔係掃左好多野......
然後就再撘車去九龍城，join 埋 Catering 姐姐......
去環球嘉年華呀！今年0個處好大、好好氣氛呀！
仲有好多新新機動遊戲添呀......好多都好想玩！
但係玩唻玩去都係玩番舊年0個0的多囉......
我勁想玩 Revolution 呀！但係呢......佢地冇人陪我玩呀！
因為睇完都想嘔喎......所以到最後大家都指明唔玩 "唇" 就都乜得！
唔得！遲0的一定要去再玩埋其他野呀下......仲要記住著褲囉！

玩0個幾個 Game 大家初初都話要嗌囉......
不過後尾我變左係咁勁笑囉！因為聽見佢地亂咁嗌嘛......
笑到聲都冇埋咁滯！最好笑係榮譽會員囉，
皆因佢......嗌錯晒0的位，人地未嗌佢就嗌囉！
仲要係得佢一個嗌添......真係 "囉囉" 到丫......

玩完之後出番黃埔食飯，因為買左飛飛睇《金雞》......
睇 2345 呀！所以第一次倒數就0係個戲院裡面倒喇！
唔知係咪之前聽人講得好正，所以都幾大期望架.......
不過都算 OK 既，但要命的我睇呢套野都喊囉......呵！
睇完戲就返左屋企喇！超 "支力" 超眼訓囉.......

>>January 1, 2003 at 9:02:13 PM GMT+8

2002 年 12 月 30 日 星期一 【晴】

尋晚訓既時候對腳好似唔係我既咁囉......
個感覺有如癱左咁......痛到嘔茄......慘慘啊 ～*

今日好犀利的起到身返工，但係就眼訓爆......
仲有勁勁勁腰酸背痛囉！個人一郁就痛到乜咁......
仲要一路入 Data 一路大嗌眼訓囉......勁辛苦呀！
不過過左晏晝之後就好左好多，可能因為打過交唻啦......
連0的腰酸背痛都好左少少添......

今晚上 EM 時玩左個心理測驗，我最後個分數爆晒燈囉 *o*
最要命既係我班同學0係老師講分析既時候0係度大叫........
" 嘩、嘩、嘩......好準呀！" then 望晒過唻架下......
唔通我真係 "Ａ++" 型人？佢0個個分析真係準到嘔！
仲令我得到呢條方程式： ｆrｅe = ｇuｉlｔy ......

放學之後走番過 Staff Room，就拎番星期六日去 Camp 0的野！
慘慘的我地組要分開落其他兩組囉......分開左我地三個女仔......
嗚......不過而家我同 Dydy 就會同小梅 & 燕燕一組！
而 aifaye 同學就同會長同一組囉......分開晒喇我地......
講真，真係有0的擔心唻緊0的 Wild Camp......究竟我頂唔頂得住呢？

離開 Head 之後我同 Dydy, Louisa, 小梅 & 燕燕落左旺角食飯......
食到飽飽之後再去食埋炸雪糕 + 竹筒飯 + 金桔檸檬.......肥死囉今次......
不過慘慘啦......間舖頭做埋聽日咋......以後冇得去食喇......
第一次變左最後一次......食多少少都唔係好過份嗟！何況我地 4 個分......

>>January 1, 2003 at 3:02:22 AM GMT+8