2003 年 8 月 8 日 星期五 【晴】

今日...... 真係黑仔到爆呀！前所未有既黑呀 >.<
又一次証明 Ken 講得0岩......個人一燥就會變黑！

尋晚上完堂食埋野返到屋企都 00XX 喇......
沖完涼再攪掂星期日個 Program 既野......
卒之係得到 03 - 04 先訓囉！但係訓0個下勁精神囉！

今朝起身，本來可以準時出門口，就係為左對鞋......
遲左少少，送車尾之餘，仲要撘左班勁塞既熱九囉！
0係佐敦轉的士......諗住買到早餐 & 唔會遲啦......
點知買唔切早餐，返到公司都係剛剛好 0900......
算喇都已經，到去 Let 洗杯既時候，唔覺意 "冼" 手......
成隻杯打爛左囉！唔係唔黑呀嘛....... @@
仲諗住尋晚訓完個覺......可以將尋日既激唔高興整走......
原來都係唔得，生日月攪0的咁既野真係勁難受呀 v_v

呢幾日整0個 2 個 Report 終於都整完，勁無奈咁所有料都要自己搵，
其實都唔係咩大問題，最慘係我搵到料但係唔識用囉........
0係大家都忙到嘔既情況下，我都煩左唔少周圍既人，真係唔好意思！
真係做到發爛囉呢兩日......本來今晚要去攪個同心同根既野......
都因為要 OT 而甩左人底，又多一個唔好意思囉......
勁 "支力" 呀！OT 完上 Head 拎野，可憐的我仲要頭痛胃痛周身骨痛囉！

唉...... 今日仲係我地 5D Annual Camp 既大日子添呀！
本來可以去架今年，但係因為某0的事所以去唔到呢......慘~~~~~~
又甩多人一次底，真係遲早我怕會變左「飛機王」囉 -.-"

雖然黑仔，不過今日都有個好消息，就係《大逃殺 II 》有著落喇！
今日食晏0個陣哥哥撩我地睇喎......呵呵......好野！有得睇！期待著~*

0802 → 20 = (12 x 1) + (1 x 1) + (1 x 1) + (1 x 1) + (2 x 1) ...... 仲有 3 囉！

>>August 8, 2003 at 8:17:00 PM GMT+8

2003 年 8 月 7 日 星期四 【晴】

近呢一年好耐冇試過好似今日咁低......
兩個唔開心，今日有成二億個囉......

放工即走，因為我怕如果我再留低會發癲.....
點知到最後都係要由 Habour City 走番唻開門囉......
上到 Head，姨姨見我就話：「做咩 "LAR" 埋塊面呀？
妳個樣好唔掂咁喎......妳冇野呀嘛？做咩呀？」
今晚上堂冇乜點出聲，老師問：「做乜妳今日咁靜既？」
放學之後，小丙媽媽問：「Um......阿女妳做咩呀？
唔開心呀？做咩 "LAR" 埋塊面既？定係妳唔舒服呀？」
好明顯......我塊面好似刻住左「好唔開心」4 個大字 -.-"

>>August 8, 2003 at 8:13:45 PM GMT+8

2003 年 8 月 6 日 星期三 【晴】

今朝睇報紙見到 Sogo 有 Sanrio Summer Festival 2003，勁吸引 *o^
初初仲諗住冇得去既時候，點知唔覺意咁做左魔鬼，有人陪我去喇......

放工之後過左 Sogo，同 aifaye 同學一齊去呢！勁高興！
我地都有收穫，我仲好豪咁買左兩條電話繩囉！其實唔抵架......
但係真係好靚呀！成廿萬個靚囉.......加埋其他野，又冇左 200 幾蚊喇......
今次仲以 19 蚊既抵價買左之前好想買既一個玩具 ~ Penguin Kitty 呀！
不過唔緊要啦！因為0的野真係好鬼死靚呀 *o^ 其實仲有好多野想買......
但係0個0的太貴喇......所以......都係只可以睇囉......

行完個 Festival 我地去左 Sup Sand 食野，佢0的意粉真係唔錯......
少少都食到飽飽囉！再加埋杯雀檸，簡直犀利呀 *o* 滿足到丫.......

>>August 8, 2003 at 8:04:36 PM GMT+8

2003 年 8 月 4 日 星期一 【晴】

經過兩日體力勞動，真係"支力" 到嘔茄呀......
如果今日係星期日或者公假咁就好喇......

放工本來想返屋企打波，點知落雨 cancel 左個場，
卒之留左0係公司 OT 囉！20XX 先走，返去已經想死.....
因為真係好 "支力" 呀！勁想死.......但種想死既感覺好正喎！

今日金句：潑婦罵街、陪人訓街 ～ 會唔會好難受先 -.-"

>>August 6, 2003 at 5:04:19 PM GMT+8

2003 年 8 月 3 日 星期日 【晴】

攪掂0的野返到屋企都已經成點咁滯啦，勁 "支力" 囉 -.-"
返到去本來諗住沖涼，諗諗下同家姐講數：「俾我訓一個鐘啦！」

"一個鐘".......卒之訓左 3 個幾鐘，一醒我以為 4 點幾......
但沖完涼已經 0530 囉！等唻我又睇錯鐘囉係.......呵~~~~~~
沖完涼又走去攪電腦，攪到 0600 勁眼訓......去左訓！

今朝 0730 醒左，0800 先起身，刷完牙洗完面換好衫......
勁眼訓囉！咁0岩雙親落左街食早餐，鞋都著好既我.......
即刻除鞋走左上媽媽張床再訓過囉 -.-" 激難受.......
卒之佢地返唻我聽到佢地講野先知自己又走左去訓囉......
Then......仲唔即刻出門口咩.......好彩時間0岩0岩好咋！

上到 Head 已經見到好多同事，成朝都未訓醒咁囉......
準備班細路考試0的野既時候，完全係一個發緊夢既樣囉......
明明條 Key 已經掛左出唻 N 咁多個月，我敢死走番去個櫃都搵囉 -.-"

考完班 FA、改埋卷，再 hea 左陣，就同 Allister, Diana & Joda 去食飯，
我地去左旺角食雞雞，今日師兄唔知發生咩，係咁 "阿叉" 我囉 -.-"
食完野佢地各自去行街，我就撘飛 Van 返屋企喇.......

晏晝選擇左返屋企執野，只係執左少少......搵番好多回憶！
搵到早兩年 ECPF 個 Project "Our Coffee" 既 Questionnaire.......
唔係搵到的話，都唔記得自己曾經做過一個咁既 Project！
另外仲搵番好多 96, 97, 00 年既野，當年放唔低既 Forms, Minutes......
今次一年過咁掉晒，好明顯我一路認為自己放唔低既.......
終於都放低左喇！總共用左兩年.......原來係可以架，值得高興既......
不過其實那邊廂都幾衰架我......因為將 "放唔低" 呢個波拋左俾人囉！
但另一方面，其實而家呢個 position 都幾令人擔心......因為真係好亂呀 *~*

由 1600 返到屋企執到 2200 呀！好犀利呀！今晚可以訓個好架喇！

上個星期元氣大傷呀！呢個星期要繼續.......因為好滿足！
對於自己近期既操心擔心激心，終於都忍唔住喊左出唻 v_v
究竟我係咪鬧得過份左0的呢？好似自己仲比當時人緊張......

>>August 4, 2003 at 11:15:55 PM GMT+8

2003 年 8 月 2 日 星期六 【晴】

晨早流流 N 個消息一齊唻，唔係唔爆粗呀化？
真係俾呢班同學們激死喇......個個都係咁......
同學們呀 ～ "撇脫" 0的啦妳地，咁樣落去唔得架！

晏晝放工過左 HO 去 EHL 個 1 Day Workshop 呀！
臨上去之前去左 Starbucks 買 Lunch 呢，有好介紹呀......
就係新既 Caramel Coffee Jelly Frappuccino 呀！好美味架 *o^
Hehe...其實係 Sandy 同學介紹架！真係成廿個正呀！
今日個 Workshop 呢，唔錯呀真係！又知多左野......
最鍾意司徒老師 EHL 既新解釋：Enforce Humanitarian Life ～
好有意思呀！大家都好鍾意呢個新名呢，好有 Energy 呀！

完左個 Worshop 出左佐敦等 Bi 姐，之後去左澳洲......
茶餐廳食個 Dinner，難受的...... Bi 姐一坐低即叫快餐，
過左一陣佢仲好奇怪點解個湯意咁耐都仲未唻......
跟住我同番佢講佢先知自己叫錯左囉！佢仲以為自己叫左特餐 -.-"
0係唔夠飽既情況下，佢卒之叫多左奶油多囉......好犀利！

食完 Din 我地過左 King's 飲野，去到0個陣 2010，
姐姐話 2100 要清場囉！咁即係......得 50 分鐘囉......
我地都照叫左半打...$98 咋...好抵呀！哈哈~~~~~~
當我地仲擔心緊飲唔晒既時候，好彩姐姐到最後 2140 先清場呀！
都係得番半支未飲晒......總好過 2100 既時候兩支半啦......

離開 King's 就係惡夢既開始喇，飲左兩支都唔知有冇既 Bi 姐...
一行出街，就0係人地兩條馬路中間個 "膊" 位攤0係度囉......
會唔會好核突先？不論過馬路定撘緊車既人經過都望一望囉 -.-"
而我呢......咪挨住0係條燈柱度望住佢訓囉！椗椗......
訓左幾個 "字"，咁0岩隔離差館出車，接著我地就俾兩位警察 "逗" 囉！
佢地仲要兇佢話：「係咪飲醉酒呀？起唔起到身呀？
仲訓既話不如叫十字車啦......駛唔駛幫你叫十字車呀？」
0係叔叔講完呢番話既時候，Bi 姐先肯起身囉...呵 -.-"
佢起身之後我諗住同佢上九公慢慢坐慢慢訓啦......
點知行緊條斜路上去既時候佢無啦啦又訓低左囉...唉......
今次又訓左成半個鐘囉！激似件展覽品囉，激樣呀唔該！
中途打俾打緊牌既檗，佢激動到 cut 我線打去報警囉 -.-"
到最後報案中心個姐姐打唻，我 Cancel 左個 "Order" 囉！
好彩佢都識死起身，可惜只係起左幾分鐘...又 "dart" 番落去囉！
之後卒之 call 左 Keith 出唻幫我一齊 "的" 佢返屋企囉 -.-"
由 Keith 唻之前既幾分鐘開始，我就勁鬧 Bi 姐囉！
都唔明點解佢可以攪成咁，我仲要鬧佢十句句句都有粗口囉！
鬧得激大聲......Keith 一唻到即 "gum" 住我囉！好明顯......
我上演左場潑婦罵街囉！不過我鬧佢0個陣條街冇乜人囉！好彩~~~
之後我地同佢撘 Van 轉火車返屋企，到粉嶺都已經 00XX 喇！

講真，都有0的後悔 cancel 左個 order，其實應該照落......
或者報左警，等佢入埋廠...可以等佢清醒下囉！而家攪成咁好咩？
唉......呢班人都唔知做咩，無啦啦個個都唔知做乜咁......
究竟早兩年既大家去左邊呀？講真...其實自己都一樣 *~*

>>August 4, 2003 at 10:46:54 PM GMT+8

2003 年 8 月 1 日 星期五 【晴】

尋晚超勁呀！未夠 12 點就訓左喇！犀利！
今朝早 0730 自己起身，好威呀！勁耐冇試過......

晏晝我地去左稻香飲茶呀！Mida 請架！多謝多謝 *o^
勁攪笑囉！籠奶皇包叫左 4 次都唔唻.....
卒之我地差唔多成 1415 先返到公司囉......

今日放工係公司既生日會呀！哈哈 ～ 我食左今年第１個生日蛋糕喇！
雖然個蛋糕係公司既，但係８月得我一個生日，所以都當係我架喇！
個蛋糕呢......真係好靚勁靚激靚靚呀 *o^ 係阿 Dor 阿 San 揀架！
我幫佢影左好多靚靚相相呢！哈哈，仲要唔該哥哥 & 嫂嫂借個相機我呀！

完左生日會就走喇，約左 Louisa 地食飯，本來去和民架！
但係後尾因為某0的事所以冇去到呢......變左去行街街 *o^
買左件 Nike Tee 呀，好靚！仲見到個袋袋好靚呢，不過唔買喇......
因為我實在太多袋袋喇 =.=" 另外仲有兩件橙色 Tee 勁靚囉......

洗白白...結躂躂 ～ 今日聽 Bobo 講架，不過我真係唔好明囉！

>>August 2, 2003 at 12:19:31 PM GMT+8

2003 年 7 月 31 日 星期四 【晴】

撓攘一輪我地去左一間名世界杯既野度飲野......
一坐低大家都不停咁食 Nuts 囉！但冇人諗飲咩架......

呢次飲野真係飲得好高興，好耐都冇試過喇 *.^
好好笑囉！真係好正......又係一個突如其來囉！
今次出左好多 "景點" 囉！好攪笑囉真係......

1. 消失天與地

話說當我地0係麗 B 食野，等 PR 姐姐唻既時候，
梅先生好流暢咁講左一大段說話，然後再以 "消失天與地" 結束，
雖然個原因同內容完全唔好笑，但係佢呢句令我同 aifaye 同學笑到死左 x_x

2. 平心而論

話說梅佬以前同 55 有0的野，咁當大家講開 55 同 81 個 Project 既時候，
佢就想 comment 55 0的會員，但係佢第一句係話 "平心而論..." (下刪 N 字)，
好明顯......之後大家即刻趁住呢個機會，勁 "JER" 住佢間：
「哦！你原來平時一0的都唔平心而論架？」「點解唔平呀？」
「係咪因為有人令你有 bias 呀？」等等等等等........呵呵......

3. 廿一世紀火箭年代

話說 PR 姐姐問會長諗住幾時結婚，會長一副勁正經既樣想答，
咁大家就以為有野聽啦，點知由會長第一句既說話就係......
「而家廿一世紀火箭年代......」會唔會有0的想死先 -.-"
點解佢次次都係呢句架......可唔可以轉過第二句呢下次？

4. 西裝偶像

話說講開著西裝呢個問題，PR 姐姐就話見到天鈞著西裝著得好睇，
原來天鈞仲係佢既「西裝偶像」添呀！不過講真天鈞著西裝真係唔錯架！
咩色都著得好睇喎，唔係個個都得架嘛........

5. CAREER GOAL

話說到 aifaye 同學俾人問諗住幾時結婚時，佢就話喇......
「我想大學一畢業就嫁人， 唔使出唻做野，做家庭主婦係我既 career goal...」
之後大家就即刻連珠炮咁一路笑一路問，以 PR 姐姐既問題比較正......
「咁你既 Career Path 呢？Career Development 呢？仲有 Career Plan呢？」
好明顯......比人問完既同學......好無奈囉真係........但係真係好好笑喎 ^.^

6. 那邊廂 "哈哈哈"

話說當我地講緊如果我地 The Rock 裡面有成員向另一位成員示愛，
另一位成員會唔會驚俾人玩呢？即係當 A 話：「我一路都好喜歡你架！」
而 B 答「我都係！」就係0係呢個位......唔知大家會唔會係 "那邊廂"......
"LEI" 埋然後一齊彈晒出唻指住佢地 "哈哈哈" 囉！勁攪笑，我地仲 Dem 左幾次囉！

7. 孖仔孖心肝 → 梅XX

承上題，我同梅佬講：「喂呀，如果冇人要我你會要我架可？」
跟住pr姐姐就話喇：「好似梅小惠呀！不過係邊套戲呢？」
aifaye 再接住咁答：「《他來自江湖》......」點知係錯既......
PR 姐姐就話喇：「《孖仔孖心肝》先0岩呀，先有梅…佬做......」

8. 我食得瘦肉多，想轉下口味，我地有冇可能？

Refer to 6，話說大家要搵人示範 "那邊廂" 呢個遊戲，可惜呢......
個個都入唔到戲，跟住就由會長做 A 、PR 姐姐做 B 喇！
點知會長繼 3 之後，今日講既第一句......竟然係......
「我食得瘦肉多，想轉下口味，唔知我地有冇可能呢？」
大家一聽完之後都笑到停唔到囉！勁難受啊...... -.-"

9. NON-HYGIENE

話說當我地玩「七八九，飲到嘔」既時候，由於團年飯 PR 姐姐冇黎既關係，
所以佢就唔識玩，咁我地就教番佢啦，到佢擲到 9 要飲既時候......
因為杯酒實在幾滿下，咁佢就問喇：「可唔可以飲自己個杯？」
呢個時候阿會長又衰衰咁講：「呢個遊戲係 non-hygiene 架！」勁串囉......

我地今次又講，要快0的搞畢業 Camp / 旅行，唔知幾時搞得到呢？
另外亦要恭喜梅佬拎到 First Hon. & 搵到老細讀 MPHIL 呀！
仲有我地 The Rock 成立左一週年喇！我地仲有好多個週年要慶祝呢！

返到屋企又兩點幾，又俾人嘈！呵 ~~~ 唔理得咁多喇！
玩得高興咪得囉！唔理得咁多 LU！何況今日 The Rock 幾齊人嘛！

今日返到公司，都幾 "支力" 下呀！不過都 OK 啦！頂得住！
好好笑 ～ 話說我放工既時候 send 左個化妝遊戲俾其他同事玩！
大家都玩得勁高興囉！尤其 Sandy 個 "全紫妝" & 哥哥0的 Gd Taste 妝......
個個都笑到癲晒囉！笑完我就過左環南搵 Inty 姐，拎咭 & 傾計，
可惜今日係用尾佢要跟單啦！如果唔係就可以去飲野喇.....

今日學左句人地既口頭禪 ～ 笑到甩胃 by Donna ～ 好攪笑呀 *o^

>>August 2, 2003 at 12:21:50 PM GMT+8

2003 年 7 月 30 日 星期三 【晴】

今日又係0係戲院過 0000 喇！不過話時話......
以前冇乜機會可以咁，但係今年都已經試過好幾次喇！

由於睇戲前打左俾壽星女 Bibi 講生日快樂 & 打探好唔好睇......
經佢既評論後，我入去0個刻對部戲既 expectation 唔太高囉！
不過其實 ok 喎，雖然有0的聊，但係佢比我諗既好笑好多囉.....
成場都有 3/4 滿架！大家0的拍手位 & 笑位都好齊喎！氣氛好好呀 *o^
睇完都差不多兩點喇！我已經即刻返屋企架喇......點知都俾人勁吹囉！
其實呢......咁樣無啦啦走去做左0的野個感覺真係好好架！
超正勁正激正呀！好 Bonus Feel 呀，如果次次都係咁高興就好喇......

返到屋企成 02XX，好明顯一返去即俾人話囉 -.-"
之後攪下攪差唔多 0400 先訓，好鬼勁架真係......

早早起身返工，激眼訓啊，撘架車仲要冇得坐......慘！
晏晝落左元綠食野，大家都好瘋狂咁食，只因大家唔駛俾 $$$！
哈哈......勁滿足囉！係咁嗌呀嗌......嗌完再嗌......不停勁嗌囉！
食完飯返到公司，仲見到貪靚既大佬0係度玩美容喎！笑死左我地囉......

放工同 aifaye 同學一齊上 Head 上 AAK，The Rock 都算幾齊人呀......
不過就係爭左 Wendy 囉！早知原來而家有 YK 都報得，初初就幫佢報埋啦！
放學之後我地又落左麗 B 食飯，唔覺唔覺麗 B 又變番我地飯堂喇！
大家不停咁 8 呀 8 囉！最難受係我唔覺意講錯野，之後有人大嗌......
" 喂！落去飲野啦不如，走喇走喇......." 就係咁囉...... -.-"
就係咁，之後我地一行 5 人撘左架的落左太平道飲野囉......
當揀緊邊間既時候仲撞見 19 既房同學添呀！

>>July 31, 2003 at 11:16:25 AM GMT+8

2003 年 7 月 29 日 星期二 【晴】

今朝勁型，自己起身，出去見到媽媽用緊 Let......
之後我走左入佢房訓過囉！得到係俾佢勁話架......

今日又 AD 喇！幸好指數冇尋日咁高啦......
勁慘慘的 ～ 我條腰骨唔知做咩超級勁痛囉......
一郁就痛，慘喇......咁攪法會唔會 "梗" 左架？

放工即刻走上 Head，因為今晚要考 AHC 呀，
本來諗住 Lunch 食完個飯盒溫，點知到最後訓左......
仲要俾哥哥地嗌：「喂...妳唔好死呀......」會唔會先 -.-"
卒之咪上到去考天才囉！慘慘喇......計埋上星期個 SFA，
總共冇左成 $210，都未計如果兩個 Course 都要再上過的話......
今次真係百佳囉......唉......好悲哀啊 >.<

考完 AHC 同 Louisa 去食野，本來諗住食粥......
但係因為熱熱所以都係返番麗 B 架！佢個炒烏冬 OK 喎......
叔叔果然冇介紹錯，不過係油左0的咁囉......Hehe~*
我地坐到 22XX 就走，再行落旺角，本來返屋企架喇......
點知行過金聲，見到《戀上你的床》既廣告，終是呢.......
大家都話想睇喎，咁我就提議：「不如去旺角百老匯睇下啦......」
哈哈......高興的 *o^ 有呀有呀！勁高興的我地就買左 2350 場飛，
再去左麥當當，食 McFlurry 呀！點解次次睇戲前都有 McFlurry 既？

有同學睇完尋日既 Diary，回應左我以下兩句：
1.「係你越唻越好嗟......」乜係咩？唔覺喎......
2.「日久見人心呀......」某程度上我都幾認同既......

>>July 30, 2003 at 2:29:22 AM GMT+8