2003 年 3 月 5 日 星期三 【晴】

今朝一返到公司，好精神！可能呢......
真係同尋晚早訓有關啦！但係話時話......
唔知係咪太早訓既關係，尋晚訓得唔係咁好！

話說今日同人地 MSN 既時候，撩人陪我去 shopping......
當我仲諗住有得去既時候，到晏晝大家決定唔去囉......
因為"你個人"怕我會情不自禁，所以唔俾我去......好慘慘呀 v_v

到最後我留左0係公司捧哥哥場呀！今日 Training 佢負責嘛！
好好的佢好快就攪掂 & 講完，都未夠 1900 就完晒成個 Topic！
好犀利！時間尚早，所以我就同佢地一齊走，決定返屋企！
難得順利一出去有車 (其實都要追囉！)，2000 左右就返到屋企喇！

不過好不幸，一返到屋企都未夠半個鐘就唻左三次！
好耐都冇試過喇......唉......近排又唔知攪乜......唔通 SMART = DOWN？
唔會卦？我諗......！如果可以有幾日俾我發洩下就好喇！一日都得架！

工程進行中！第三日......進展得尚算順利！Hehe~*~*~*

>>March 5, 2003 at 8:57:16 PM GMT+8

2003 年 3 月 4 日 星期二 【晴】

今日呢......諗住博下可唔可以唔留，
不過到最後既結果，係唔得架！嗚.....
又冇左一日訓覺喇！但係算把啦.....Hehe~*

今日比起尋日好0的，8 點鬆0的就走左喇！
返到屋企洗埋白，都係 9 點幾......今晚一定要早訓！

>>March 5, 2003 at 8:49:18 PM GMT+8

2003 年 3 月 3 日 星期一 【晴】

星期一 ~ 本來應該好高興！
我尋晚仲諗住今日放工即刻返屋企訓......
但係......我唔記得左今個星期係公司 Training Week......

今日放工本來 1830 就可以開始 Training，
點知攪唔掂部 Projector，卒之成 1845 左右先開始！
完左之後仲要執埋0的手尾，卒之攪下攪下差不多 2030 喇！
其實呢......我諗都係要日日留架喇......不過算喇！
當學下野囉！都係冇左少少時間嗟.....我諗！

同阿虎一齊走，我地走左去飲涼茶囉！好好笑......
上次同 Dor Dor 又係咁！兩次都係佢地請......
真係唔係幾好意思添......-.-"

>>March 5, 2003 at 8:46:12 PM GMT+8

2003 年 3 月 2 日 星期日 【晴】

今朝未夠一點就訓左喇！好犀利！Yeah!!!!!!
訓到 9 點彈左起身，好明顯上堂上 10 點囉......
即刻攪掂晒0的野......要好豪咁......飛的上去囉！

由 10 點教書一路教到成 4 點，之後再睇佢地考試......
卒之我地攪到成 7 點先走！好威威喲 *o^
離開 Head 同 Carrie & Christy 又落左東京食壽司......
我地第二次一齊出去，兩次都係東京呢......Hehe!!!
又有戀愛世紀 & 軟殼蟹手卷呀！正正正呀！
食完野本來諗住返屋企訓覺，點知呢......走左去行街！

去左睇 MP3 Player，因為 Carrie 要買俾細佬！
睇左 N 咁多間，由比價開始......到最後變左起機底！
Unitech.....韓國？大陸？諗起都仲好好笑囉......又會咁都有既！

我地 1945 食完行左兩個幾鐘，卒之到最後呢......
好明顯我俾阿 "累人" 攪到我......陪佢一齊買囉！唉......
即係話計埋佢細佬0個部，我地係兩個人買左三部機囉！
買左成四千幾蚊呀！幾勁呀！仲係咁叫呀哥哥送野俾我地添！
不過佢都淨係送左0的電芯同記事簿俾我地咋......都有啦唉！

買完之後返屋企既時候，有0的後悔添......>o<
今次真係一時衝動累事囉......唉呀.......咁就冇左一筆喇！
不過呢......我一返到屋企就即刻走去 Load 晒0的歌落機！
好高興呢！哈哈......但係......都仲有0的後悔喲......唉......
係時候要撘少0的的士，買少0的野，儲番冇左0的錢錢喇！

>>March 3, 2003 at 4:33:00 PM GMT+8

2003 年 3 月 1 日 星期六 【晴】

今日請左假，同班 JU 去益力多參觀！
今朝起身既時間仲早過返工呢......-.-"
一早約左 Ivy 姐姐食早餐，點知佢唔知醒......

我地好準時咁到左沙崙，未夠鐘就上晒車喇！
再去愛德接埋其他小朋友，我地 1135 就到左廠喇！
去到睇下個廠、睇左套卡通片，仲有益力多飲添！
原來廠0的益力多係清過平時買0個0的架......
我覺得好0的喎今日0個0的......不過最衰得一次機會啦！

>>March 14, 2003 at 5:23:15 PM GMT+8

2003 年 2 月 28 日 星期五 【晴】

聽日放假，今日返工要做埋0的未做好既野！
今日返工時間係朝 9 晚 9 呀！犀利！今晚呢.......
OT 到得番自己一個0係公司......仲要鎖門鎖閘！
但 "囉囉" 的鎖左幾次先鎖到囉！唉......失敗！

乜我有變過咩？真係唔多覺喎！不如大家話我知丫......

>>March 3, 2003 at 10:47:11 PM GMT+8

2003 年 2 月 27 日 星期四 【晴】

將一隻龍蝦浸入熱水裡面 ～ 就即係將佢慢慢咁殺死！

>>February 27, 2003 at 11:47:08 PM GMT+8

2003 年 2 月 26 日 星期三 【晴】

今日又好努力咁整 Rate Sheet，整到有0的想打爛部機！
唉.......0岩0岩先分好晒0的 Port，但仲有一大疊紙紙要入囉！
慘慘囉！又唔知要攪到幾時先攪掂，仲要俾人係咁吹添！

本來諗住今日放工 OT 埋疊 Rate 佢，但係後來呢......
都係放棄左！因為對住佢實在太 "MUNG" 喇！唉......
所以我放工就上左 Head 喇！終於都肯 "的" 起心肝......
上去整番好0的 T3、改晒0的卷，仲將所以未攪掂既野攪掂晒！

由 1830 攪到成 2100 先走，終於都攪掂......但係遲下又唻過 v.v
不過算啦......我係 PMT Staff 嘛！所以一定要努力做好佢！
都係捱埋呢半年度嗟！一定要捱埋落去啊......*o*

嘻嘻......星期六會帶班 JU 去參觀益力多呢！哈哈......
如果快0的到就好喇........咁大個女都未去過呢......哈......

>>February 27, 2003 at 11:35:22 PM GMT+8

2003 年 2 月 24 日 星期一 【晴】

今朝好唔願起身呢！唉......今日先星期一咋......
爭下扎下攪到 8 點先起架今日係！用左三個字.....
不過都要送車尾......撘完巴士再轉的士返工......

今日要努力咁執番好張 Rate Sheet 呀！不過呢......
一執 Rate Sheet 感覺就如殺左我一樣！唉.....勁難受！

放工做多左一陣先走，因為今晚約左 Bibi & Inty 去街街！
我同 Inty 一齊0係尖咀放工，唔知發咩癲，我地走左去撘的士囉！
撘去九龍城 百營，親愛既 Bibi 一早就去拎左位喇 *o^
我地 7 點鐘去到，唱到 11 點半先走，勁滿足！今日既戰績係 12 呀！
成場大家不停捉唱錯字，好好笑......唱幾句大笑幾分鐘......
淨係笑都笑到死左......最經典：「"播" 一朵迎春花.......」^o^

撘車返屋企既時候撞見 Heman，一睇就知我做0的乜.....勁喎！

又另一隻歌 ～ １８７４ ～ 攪到我......點解又會咁既？

仍然沒有 遇到 那位跟我絕配的戀人
你根本也 未有出現 還是已然 逝去

懷疑在某一個國度裡 的某一年 還未帶我到世上那天
存在過 一位等我愛的某人 夜夜為我失眠

從來未相識 已不在 這個人 極其實在 卻像個 虛構角色
莫非今生 原定陪我來 卻去了 錯誤時代

情人若 寂寥地 出生在 1874 剛剛早 一百年 一個世紀
是否終身 都這樣 頑強地等 雨季會 降臨赤地
為何未 及時地 出生在 1874 邂逅你 看守你 一起老死
互不相識 相處在 同年代中 仍可 同生 共死

買左葫蘆喇！希望會比之前好啦......


>>February 27, 2003 at 11:24:59 PM GMT+8

2003 年 2 月 23 日 星期日 【晴】

今朝 3 點幾先訓，11 點幾 12 點起身.......
好耐都冇試過咁晏起身喇！雖然唔夠訓......
但係都好滿足！因為都訓左差不多 9 個鐘呀 *o^

起身沖涼洗頭，之後再出左尖咀，去消防局......
其實係個 JU 既 function 去參觀，咁0岩又開放日喎！
幾好玩啦我覺得，對於我呢個 Age 都唔算太悶......
但係都悶悶地架喇！最高興咪影左個車車 Calendar 囉！
不過可惜的我因為趕住走所以留左俾愷盈幫我拎！
係呀.......我臨走撞到愷盈真係幾鬼高興呀！哈哈 *o^
佢知我唻但係又唔出聲喎.......擺到明俾個驚喜我啦！

去完消防局我就約左 Inty 同學，一齊去睇人體奧妙展啊！
真係有好多屍屍，但係又好似唔係咁真咋喎......唔......
其實如果唔係因為有贈卷的話，我諗呢......
1. 我一定唔會去，因為太多人喇實在！
2. 我一定唔會 skip 睇咁多野，又係因為太多人囉！

我之前聽人講個個都行左個半兩個鐘，但係我地呢......
就只係行左大約一個鐘囉！仲買左隻紀念品 - 蛋蛋枯盧骨！

去完兩個咁有教育意義既活動，我同 Inty 同學本來諗住去睇戲......
但係行左好幾間 Cinema 都搵唔到我地想睇既戲，一係就唔0岩時間，
所以到最後都係因為太 "支力" 而決定去飲野行街算數......Hehe~*~*~*

飲完野就去行街街喇！行左金百利，Inty 就買到野喇，但我就冇......
本來發癲的想釘多個耳"loan"，但係後尾都冇釘到！因為要等下次極低既時候先釘！
咁其實我今日應該釘得囉......唉......係呢期都得至0岩！

行完街，去左食 Din，去左麥記食！本來仲諗住唔食架嘛！點知......
呵呵......食得好高興，初初仲要話唔食囉！哈......哈......哈......哈......
但係呢......食食下既時候......聽到有人話要隻囉！跟住又話咩要報警喎！
不過最後就兩個人都唔見左架！都係 1st time 0係麥記聽到有人話隻囉！
之後仲好笑呀......有人傻傻地既人0係度食野........當佢食得興起既時候......
0係度玩野，將成個餐飛左出唻囉！究竟0個個係巨無霸餐煙花定炸蛋呢？
睇完呢兩場咁好睇既戲之後我地就各自返屋企喇......希望可以早0的訓啦！
因為實在太太太 "支力" 喇我！唉........聽日又星期一喇！點解咁快架？

>>February 26, 2003 at 2:34:39 PM GMT+8