2003 年 8 月 18 日 星期一 【晴】

今日既心情，係 13.5 號，即係介乎 13 & 14 號咁囉......
冇 13 號咁差，但係比 14 號壞囉！唉......無啦啦又攪成咁！

近排真係唔知攪乜鬼，今日0係公司都喊得出囉......
今日又係一講電話即想喊，有兩次忍唔住去左 Let & 後樓梯囉 -.-"
晏晝食飯既時候連碗麵都食唔晒囉！又好似尋晚咁......
不過下晝食左個四方果 JELLY 囉！我隔離位 Ms Dor 仲係咁嗌食魚旦囉！
得到係以下唔辣 ":D:D:D:D:D:D" 同辣 ":@:@:@:@:@:@" 既魚旦樣架......

放工之後同 Dor & Sandy 去左掃街，掃左燒賣、魚旦 & 魷魚，好美味 *o^
掃完就過 HO Rehersal 喇！過到去都係遲到，不過好過冇到啦......
今晚 Re 得 OK 喎，班小朋友又乖喎！O 到差不多 2100 先走......

離開 HO 出番旺角，去左搵我既 Dream Shoes，終於都俾我搵到喇！
就係對 Converse 尖頭黑色布鞋喇！買左呢樣仲買左其他 "LUM SUM" 野，
哈 ～ 瘋狂的勁買野呀近排，呢個月餘下既日子真係唔知可以點過囉......

唔開心既時候買野唻發洩真係一件幾好既事，但係......
如果好似我持續左咁耐既話，就真係有0的危險囉......
0的 $$$ 儲唻儲去都係不停咁勁用勁用，儲唻都冇用啦......

>>August 19, 2003 at 5:16:08 PM GMT+8

2003 年 8 月 17 日 星期日 【雨】

難得可以訓晏0的，點知又係自己彈左起身.......
沖完涼食左個雞尾包，問題係：點解而家度度0的包都咁大個既？

睇完報紙攪下攪下 1230 出門口，先過金鐘再上西營盤，
今日又去左 Louisa 度玩，冇上次嗌得咁勁喇！叻叻 *o^
我地仲玩左 Tarot 添呀！唔好講笑，真係勁準呀！星期三再唻！
玩到 1930 走，去左食餐蛋一丁麵，繼個雞尾包之後......
就係佢喇！成 7 個幾鐘冇食野，餓到我丫........噢.......唔好受呀！

今日呢 ～ 唔覺唔覺咁沖左三次涼囉，唔係冇潔癖呀化？
仲有，呢幾日都勁瘋狂咁洗 $$$，真係好大鑊，果然係心情唔好既表現......

不理不理還需理 ～ 點解我次次都衰心軟架？
朋友 ～ 撇脫點吧！期待著你的《小丑故事下集》啊.......

>>August 18, 2003 at 1:53:34 AM GMT+8

2003 年 8 月 16 日 星期六 【晴】

又到星期六，應該好高興，因為唻緊有日半假放嘛.......
心情仍未平伏，今次 ～ 好傷、好傷、真係好傷.......

今日朝早，又差0的遲到，好彩唔使買麵包.......
因為可以返工叫 9 餐，唔好講笑.......遲少少都死啊！
忙到乜咁......又發現自己仲有好多野未做啊......點算？

放工本來要過 HO 聽個 Aids 既 Talk，點知冇去到.......
因為留左0係公司 OT 囉！同哥哥 & Bobo 一齊.......
我地先去左麥當當食 Lunch，拎左勁多 Cupons 囉 -.-"
食完返去繼續努力.......一路努力到 1600 就走喇！

離開公司，去左撘 203 過又一城，等左好耐.......
點知撘得仲耐囉！我 1650 上車，成 1740 先落車囉！
訓左幾次、醒左幾次，好勁啊！其實呢.......
過又一城係因為同屋企人睇 Sinba 囉！睇 1745......
唔好講笑，我遲少少落車都累到大家遲入場囉！
呢套戲呢 ～ OK 喎！其實我冇乜興趣睇架初初.......
都係因為陪屋企人之嘛，但係睇完我又覺得 OK 喎！
可能係冇 Expectation 既關係啦，如果唔係又好似 BR II 咁 -.-"

睇完戲，佢地去左食飯，不過我冇去到呢.......
因為之前個粟米脆片 & 爆谷實在太犀利喇！勁滿足！
佢地食飯，咁我去左行街街，呵呵~~~~~~ 又好耐冇行喇！
本來真係諗住行架咋，點知到最後......買左成 $500 野囉！
佢地食完飯，我搵番佢地再行多陣，之後我地又去左食 Happy 8 囉！
咁高興 ～ 我請！不過得到都係我食最多，因為佢地去左食飽飽嘛之前 -.-"

返到屋企又 22XX 喇！勁 "支力" 呀！點樣先可以令自己開心呢？

>>August 18, 2003 at 2:08:40 AM GMT+8

2003 年 8 月 15 日 星期五 【晴】

呢兩朝又唔願起身呢，嘻嘻......日日懶床身體好呀！
不過咁落去都唔係辦法，因為的左第二日嘛......

期待今日既來臨，因為今晚約左班同事去睇戲，
我地去睇《大逃殺 II 》呀！ 呵呵......期待已久啊 *o*
一放工諗住走，點知都 "MOR" 到成 1845，搵野食......
落左元綠食，超滿足，又有個 7 折，勁呀！Yeah *o^

套戲差不多成 140 mins，不過呢.......真係攤得長左少少囉！
好明顯係一套文藝片 + 戰爭紀錄片 + 愛情片 + 等等等等......
總之係一套三級笑片啦！雖然好多位都好好笑，但我都係有喊囉！
最難受係我隔離既哥哥 & Bobo，人地一喊就望住晒呀下......
講真，我覺得第一集好睇0的囉！唔知佢會唔會仲打算拍第三集呢？
最好笑的 ～ Bobo 講左句野好正：「我俾日本仔呃左 $50 囉！」

多謝朋友對 "第四個洞" 既回應，經過今次既事......
知道大家真係好錫我啊！仲知道邊個先係真朋友囉......
終於都感覺到自己有 Ｄaｄdｙ A ｎdｒeｗ 所講既「扮開心」囉！

>>August 16, 2003 at 11:34:11 PM GMT+8

2003 年 8 月 14 日 星期四 【雨】

今日係自己生日呢！話咁快又一年喇......
不過今年生日真係好唔開心囉！唉......

明明尋日應承過自己今日要開心0的，點知都係咁 ～
一早起身隻眼激腫囉！好明顯要化個妝遮一遮......
唔想撘熱九，所以俾自己舒服下打左的 ～ 生日大晒嘛！
今日可以濫用呢句野，因為要厚待一下自己嘛......
返到公司 Sandy 同我講：「頭先遠見妳都已經覺得係有野囉.......」
果然係好姊妹，越唻越愛佢 & Dor 囉！好偉大啊 *o*

高興的 ～ Stephanie 送左個 Mimi 既文具架俾我呀！勁靚！
睇唻我係時候要執一執我張檯，用呢個靚靚文具架喇......
晏晝一行十五人去左富臨飲茶，大家請客，多謝各位呀！
返上公司既時候見到 Sandy 神神秘秘咁，其實都估到有野......
但諗唔到既係，佢地送左隻 Mimi 杯俾我呀！仲要係日本架......
係 Sandy + Dor + Samuel + Bobo 一齊送架囉！真係唔好意思架......
星期日燒野食又唔使我俾、晏晝請我飲茶，而家仲送埋隻杯俾我......
真係好好好感動呀！最好笑係勁憎 Mimi 既哥哥竟然會送 Mimi 野俾我囉！

今日都有 surprise 位呀！話晒派派下 fax 既時候見到門口有人送花唻，
已經俾人串緊：「出去收花啦......」我仲話：「傻啦！點會係我丫......」
點知那邊廂 Donna 同我講：「Fabienne 呀，出去簽收喎......」
好明顯即刻成個人呆左囉！真係勁攪笑呀，等我仲諗緊係邊個......
睇完張咭之後唔係唔嚇親呀？即刻想大大聲咁勁笑囉，真係好多謝呀！
不過呢紮花就俾人講 & 串 & 問左勁耐囉！係咁俾人問邊個送......
Lunch 玩大迫供之餘......仲要有人俾人屈佢地係送花者囉！真係唔好意思 v.v
大家由收花開始講，講到我收工都仲講緊，會唔會有人話我自己買俾自己先？
我真係冇咁無聊囉！邊有咁多 $$$ 做埋0的咁既野呀？呵......

放工之後上 HQ 上埋 last 一堂既 Knotting，初初真係有諗過唔上架，
不過諗諗下，我唔想好似上次 AFT 咁 "林美香" 囉！又送 $$$ 俾人咩？
放學之後就真係大 surprise 喇！愷盈 & 燕係咁阻住我唔俾我入 Staff Room，
某程度上又係估到有野啦，不過冇諗過會有咁多人囉......
坐0係張 chair 俾師姐 "碌" 左我入去，入到去0個下真係勁多人呀......
我諗加加埋埋都有 10 幾 20 個人囉！勁呀 *o^ 仲有個 Tiramisu 蛋糕......
同埋一張大大生日咭，最難受個 Selling Point 係 ～ 肥熙設計架囉！
之後就有生日歌啦、仲有 Natalie 送既 Nike 斜咩袋呀！激靚 *o^
真係諗都諗唔到，原來佢地上次話買，其實係一個奸計唻架......嘿嘿！
今晚真係好多人呀，數都數唔晒，0係0岩0岩切完蛋糕0個刻......
就見到 Carrie 趕到唻囉！見到佢都勁 surprise 呀！一見佢即喊......
食食下蛋糕梅佬話走先，俾張咭我，又喊！尋日......真係唔好意思！
食完蛋糕講完一輪，我地就分車落左土瓜灣蘇記食飯......成打人囉又！
最攪笑係小丙媽媽問阿姐：「有人生日有冇野送呀？」
點知轉個頭阿姐抬左 "兜" 湯 (with 勁多渣) 出唻囉！好勁呀 *o^
食完傾完 2315 就走喇！明天大家都要返工嘛......所以唔可以咁夜呢！

今晚返屋企又係的攪掂，又生日大晒嘛！呢個呃撘的士既籍口真係唔錯！

今日又喊呢，其實同 Hollie & Inty & 愷盈講電話0個陣已經想唻......
跟住同 Dor Dor 玩玩下 MSN 又想唻，好彩每次都按捺得住......
點知今晚一見 Carrie 就唻！到梅佬俾咭我0個陣又唻......
講真，其實呢兩日加埋都喊得唔夠痛快囉！不過今日算啦......生日嘛！
多謝各方好友今日既電話、SMS 祝賀，今年既生日雖然過得好唔開心，
但係都要多謝各位為我諗既 Program & 你地既禮物囉！尤其以下.......
The Rock 一班好友、公司 Teammate、紅記一大班好朋友 ～ 我會學會大個架喇！

>>August 15, 2003 at 1:05:22 AM GMT+8

2003 年 8 月 13 日 星期三 【晴】

今日拎左 Annual Leave 去玩，不過呢.......
0係唔使返工既日子，我竟然 0600 就起左身喇！

哈哈......其實早起既原因呢，係因為咁既......
話說尋晚返到屋企差唔多 0100，咁呢......
我就坐左0係梳化等洗白 & 等電腦，點知等等下......
一如以往的又訓著左囉！呵~~~~~~今次勁囉！
一訓訓到 0600 呀，如果唔係有人起身我諗我今朝遲梗囉！
起身刷牙洗面洗頭沖涼，好爽！真係好舒服呢......
不過冇訓番呀！因為要玩電腦 & 我驚訓番會唔知醒呀！Hehe~

我地約左 1000 金鐘等，到最後都係有人遲到架下 -.-"
一去到有早餐食，係 Deli 既包包 + 一盒好得意既朱奶 ~~~
齊人就撘 629 去海洋公園喇！今日既天氣，真係好熱囉......
今日都玩左好多野呀！仲玩晒所有機動遊戲添......
尤其玩左我想玩好耐既跳樓機呀！但係......完全嗌唔出囉！

去完海記既生日前夕 ～ 心情低落到呢幾年既最低點！
要同一班朋友講對唔住，不得不承認今次自已好唔理智！
對唔住 THE ROCK 既朋友，俾左咁多時間攪今日既活動，
但係俾我自己攪禍左，我仲要無啦啦粒聲唔出咁走左.......
不過好認真0個句，我今日真係玩得好唔開心囉......

另外要多謝朋友們既關心，包括師兄、荷理 ＆ 檗 ～
多謝師兄電話慰問，可惜我真係控制唔到自己......講唔到！
多謝荷理提供一撻咁好既地方俾我勁喊，仲攪到你要陪我癲！
令到大家今晚都多左第 4 個洞，可惜我真係感覺唔到痛囉......
不過真係唔好意思，因為我呢兩晚既行為，令到你嚇親......
多謝檗既電話慰問，聽我喊左咁耐、聽我發癲......
雖然你知既野唔多，但知少少你次次都講得好中囉0的位.......
希望我你既提議我地可以做到喇！期待著啊......
既要多謝你一直對我既支持 & 關心，都要對唔住，0徒左你咁多時間！

今晚５個鐘頭裡面不停勁喊，我真係好 "支力" 呀 ～

勁愛以下呢段野，節錄自檗之 INFO (多謝妳！)：

馬戲團的小丑永遠都會帶給大家歡樂
但當他落左妝後他亦都只不過是個平凡的人
最近他的暴喜暴憂就連來睇馬戲的觀眾亦都感受得到
團長知道再係咁落去都唔係辦法
不過連小丑自己都唔知自己為何忽然低落
就好似一個小矮人一樣　原本好地地企係張高他二十倍的檯上面
突然跌左落個檯底到　唔埋他點爬點跳都上唔返去
未幾　小丑已經跳到好累好累　跟住............

>>August 25, 2003 at 1:28:27 AM GMT+8

2003 年 8 月 12 日 星期二 【晴】

哈哈......今晚係今年生日既第一個慶祝活動呢！
呵呵......好期待啊！好耐冇試過齊腳食飯喇......

放工諗住去搵褲，點知都係搵唔到，都係算把啦......
之後撘船過灣仔，等等下船撞見師兄囉！勁邪啊.......
過左灣仔之後就 join 左 Michelle，過天上人間食 Dinner 喇！
好耐冇去過喇又！今次又有包包食，好滿足！
今晚出席既同學仔包括有 Michelle, Hollie & Inty，仲有偶像呢！

我地食到 21XX 就走喇！然後轉左陣地去 Nite Lite，
0個度個景真係唔錯呀！靜靜地，仲有個露台可以包場 BBQ 添！
遲0的真係要搵次試下呀！不過要最低消費 $4000 囉，好勁呀！
我地仲同0個度既 Irene、邦哥哥 & 靚女老闆娘 Candy 玩成一片囉！
嘈到丫......佢地仲話我地唔算嘈囉！不過真係玩得勁 High 呀今晚！
今晚真係好正 & 回味，尤其以下......１2‧ＡuＧ ＠ ＮiＴe ＬiＴe

→ 理性既低落 ｖｓ冇智慧既低落 (大家明就明唔明就算喇......)
→ 沖蔘茶、淋花、淋水晶球 ＆ 餵魚 (各位返工之第一事......)
→ Ｂaｃaｒdｉ 1５1 (呢杯野，好似有成 70 幾度 Alcohol，但係飲完都冇事喎......)
→ 笑爆咀（呢個真係第一次見呀......偶像你好勁呀！)
→ 骰盅 = 失蹤 (問邦哥哥拎骰盅，佢話：「你要失蹤呀？」原來係咁......)

我地飲到差不多 12 點就走喇！加加埋埋飲左成半打 Cocktail 囉！
都未計杯 151，好勁！仲好爽添呀！我同 Inty 玩到癲左囉......
係咁勁打邦哥哥個電話，打到佢個電話都壞埋，我地都仲打緊，勁！

飲完野就返屋企喇！我地幾個除左 Hollie 之外，走左去撘泥 "MANG" 的，
撘左個住馬鞍山既媽媽囉！阿司機今次實賺到笑啦......我地個個都唔同地方，
先去秀茂坪再去樂富，然後再過隧道，由馬鞍山再返上水......唔係唔高興呀！

>>August 16, 2003 at 3:20:46 PM GMT+8

2003 年 8 月 11 日 星期一 【晴】

尋日出左成個月汗既情況下，一攤落床即訓呀！勁~~~
今朝仲要 0700 準時自己起身，好奇怪......點會咁架？

撘早左平時一班車，早左 20 mins 出到尖咀，
之後我去左麥當當食早餐，好滿足呀 *o^ 好耐冇食過嘛！
返到公司都係 0850 左右，簡直犀利呀！平時？嘿嘿......
晏晝食埋我地尋日燒淨既丸丸、雞翼 & 腎，好美味！
另外仲有優惠價 1 人 $15 叫左個元綠既 Set，好正呀！
加埋食左勁多野囉......超滿足呀唔好講笑......呵呵 *o^
今日大家都不停咁回顧尋日既情境，所以講下講下就 1800 喇！正！

夜晚上左 Head 傾同心同根創明天0的野，今次又有明星睇呢，
呵呵......會唔會好似上次 Solar Project 2003 咁多呢？係就好喇！

開完會我同 Lu Lu 姨姨去左 Neway City 唱 K 呀！勁滿足！
我真係好耐都冇唱過 K 喇！今日簡直係釋放呀！呵~~~~~~

心裡面唔想理太多，但係實際上都係做唔到 v_v
今個星期係生日週呀，可唔可以俾我過得開心少少呀？

>>August 13, 2003 at 7:09:23 AM GMT+8

2003 年 8 月 10 日 星期日 【晴】

尋日早早的返屋企，勁耐冇試過......
本來諗住早0的訓，但係呢......當然係冇架啦！

0950 起身，"HE HE HUR HUR" 執晒0的野去筲箕灣，
因為今日要去海防博物館攪個地雷既 Program，
由佢幾年前開我話要去，去到今日終於去左喇！

0係地鐵站 join 晒之後我地去左食野，去左大家樂......
0係炎炎夏日，我當然會飲佢0個0的咩 "冰冰" 既特飲啦！
本來想叫杯楊枝金露冰架，但係佢未整好......
所以呢，最後飲左杯 "雪碧薄荷特飲"，好明顯賣廣告啦......
不過好 OK 喎杯野，既有薄荷涼下，仲有雪糕添！正 *o^

食完個飯我地就去左海防 Prep 野喇！今日呢......
大家既指定服裝係新0個件 Power of Humanity 既 Tee 囉！
其實本來都冇乜野，但係因為個地方太敏感既關係......
我地本來0係室內既活動要變左出室外囉 -.-"
出面酷熱天氣警告，我地就著住件黑色 Tee 0係度走唻走去，
唔係唔熱死呀化？簡直想死呀 x_x 熱到丫.......
大家整個晏晝就係好似焗 Sauna 咁囉.......勁辛苦.......
由 12 點幾焗到差不多成 5 點，0的衫衫褲褲 "DART" 住晒，勁難受！
大家都覺得呢，其實今日出既汗仲多過平時一個星期出咁多囉......

完左海防個 Program，有順風車撘，出番地鐵站......
不過首先要遊個車河先囉！遊左柴灣 & 小西灣呢......
唔好話，又係一個新市鎮樣囉！同將軍澳差唔多樣咁既 *~*

夜晚入左小清，同公司班同事去 BBQ，其實佢地晏晝已經去左......
玩完游埋水，我夜晚先去 join 佢地囉！去到又係勁熱呀 x_x
不過都唔理喇！還掂今日出左咁多汗，咁就由得佢盡情咁出啦！
犀利的 ～ 我入去既時候撘到將軍澳轉 Van，個犀利呢......
係我見到0係將軍澳地鐵站裡面係有醫務所架囉！唔係唔勁呀.......

我地由 19XX 燒到 21XX，不過食淨左好多野囉！
卒之 Sandy 拎左返屋企，再煮好佢地聽日做我地既 Lunch 呀！
走既時候，又要行番0個條長 300 幾級既樓梯囉！Oh~~~
大家都一路行一路嗌晒救命咁，之後仲大嗌0係沙灘既 Dor 囉！
上到巴士站，大家都身水身汗咁，又焗完一次 Sauna 囉.......呵~~~~~~~
最攪笑阿孫上到去即刻話：「警告你地未來三個月都唔好攪0的咁既活動呀.......」
哈哈......雖然我入左去唔係好耐，但係真係好好笑 & 好好玩呀！
期待著下次去 Sandy 度打爐呀！唔知幾時有得去呢？Hehe......

返到屋企激 "支力" 呀！本來諗住即洗白，不過後尾換完衫......
攪下呢樣攪下0個樣，都係攪左一輪先捨得洗囉！死囉......
又咁夜訓，加埋兩日既體力勞動，聽朝會唔會唔知醒起身呢？

今日條 Route 都幾攪笑呀.......好多 "灣" 呀！
筲箕灣 → 柴灣 → 小西灣 → 筲箕灣 → 清水灣

>>August 13, 2003 at 7:37:33 AM GMT+8

2003 年 8 月 9 日 星期六 【晴】

估唔到一日既開始係一個惡夢囉！
話說尋晚睇睇下忽周訓著左，一路訓到今朝.....

0係冇校鬧鐘既情況下，正常應該起唔到身......
但係我發發下夢醒左囉......我諗近排工作壓力太大喇，
攪到連發夢都發公司野囉......救命呀！點解會咁......
我夢見一連串既黑仔情況，真係由出門口黑到放工......
卒之發發下發到發 "MUNG" 憎所以起左身囉......
起身0個下真係廿萬個想喊呀！不過可惜已經係 0745 囉！
所以都係要自我控制一下，起身梳洗返工......

放工之後約左 Hollie 去 relax relax，雖然好辛苦......
但係個感覺真係好正囉！最好笑 Louisa 話要錄低佢唻賣廣告囉！
今日將剩餘既 3 都攪掂埋喇！哈哈哈哈......好野！

夜晚返左德福同屋企人食飯，因為今晚同我做生日呀！
呵呵~~~~~~ 高興的啊 *o^ 今晚收到勁多禮物.......
有公公婆婆 & 大舅父大舅母既利是，姐姐 & 佢男友送既手鍊......
仲有小舅父小舅母送既 Swatch Skin Watch 呀！靚爆呀 *o^
真係勁高興呀！好多禮物呢！我怕我又會因為太靚而唔捨得用囉......

勁想搵 Converse 尖頭布鞋啊，但係搵極都搵唔到 v_v

>>August 10, 2003 at 11:22:02 PM GMT+8