2002 年 12 月 29 日 星期日 【晴】

尋晚返到屋企真係 "支力" 到嘔......
一 "dart" 落床，仲諗住訓個幾鐘之後起身執野......
因為今日上 AFT 要出 Field，但係乜都未買未執架下......

好可惜......到最後我係冇起到身架......唉......
到左 4 點幾 "札" 醒，當我諗緊自己要幾點起身既時候......又訓番囉！
呵......卒之我 6 點半先起身，發現自己尋晚乜都冇做就訓左囉！
一起身就搵衫搵袋仲有去沖涼，都成 7 點幾先攪掂0的野......
一出門口就飛的過鑽石山，點知撘撘下先發現唔記得帶銀包囉......
真係 "囉" 到暈！仲激死添呀......自尋晚開始......到今朝早......黑到爆囉！

同同學們食完麥當早餐之後，就去撘車車去西貢喇......
上車之後大家都好高興咁傾呀傾，但係落車既時候大家係訓晒囉！
然後......就開始我地今日既旅程喇！高興的我同 aifaye & wendy 係一組架！
"囉囉" 的 ～ 一路行一路有好多蜜蜂0係附近......然後有人問......
「其實係咪烏蠅唻架？」，接著...... aifaye 同學同快咁答......
「烏蠅會唔會0係度出聲先？」......其實佢係想講 "出現" 囉！呵......

朝早行完一段路，我地行左去嶂上食 Lunch，去到其實已經就 3 點！
最叻叻我地係第一組到囉！但係冇得食，因為0的野食0係 drew & mui 處囉！
等到我地呆晒咁......慘慘的我地食食下，有隻牛走左過唻......
仲將我地0的野食 & 垃圾食左囉......嚇到我地走都走唔切......
最要命係 Daddy 同小梅走埋隻牛度同佢講：「No, No!!!」......
之後再唻：「不能夠、不能夠！」～ 0拿！呢句係講國語架下......
會唔會佢聽得明先？呵......仲好意思話人係金毛牛同中國牛既分別囉！
慘慘之後我地仲要返去執垃圾......佢0個0的口水 + 草碎......成二億個難受呀！

食完野我地冇分 group 成班一齊行落山，於是我地八婆就走番埋一齊喇！
成條路有成 4/5 都係樓梯囉！行死！慘慘的我朝早已經 "拗" 左幾野......
到左走既時候......又繼續咁 "拗"......痛到我死......仲要一路行一路大笑喎......
辛苦到我丫......隻腳又係咁震喎......真係老喇！想當年 97 既時候......
都唔會行得咁樣衰既......今次真係核突到震呀！哎呀......#o#

行完又撘番巴士出鑽石山，今程個司機好 high，係咁飛車......
攪到我地想訓都訓唔到，就算嘗試訓都要驚定隨時飛出去囉......
然後我地去左蕉葉食飯，0的野食一唻大家都搶住唻食囉！
食完就返屋企喇......隻腳......真係好 "支力"......O......酸呀.......

>>December 30, 2002 at 11:02:35 AM GMT+8

2002 年 12 月 26 日 星期四 【晴】

今日同 Ivy, Ken & Wendy 上左山頂呀！
好鬼高興！因為好耐冇去過喇！好恨去......
終於都去到喇！撘完車上到去第一次事食左個麥餐 *o^

上到去係咁影相，係咁食風......吹到癲左囉！
0的相相唔錯呀！大家仲變左肥仔肥妹添！Hehe~*

撘車落番灣仔0個陣，0係我地趕住落車既時候......
阿司機飛左一飛車，正是我起身0個下......
想死 -.-" 然後我大叫左聲：「好爽呀！」其實好難受！

>>January 16, 2003 at 1:13:48 AM GMT+8

2002 年 12 月 25 日 星期三 【晴】

Ｍeｒrｙ Ｃhｒiｓt mａs *o^
第一年平安夜 & 聖誕晨釋放！真係好好好好正囉！
"撞人" 比賽由女子組勝出！Ｙｅａｈ～*

遊街、皇冠、權杖、閃閃星星 ～ 真係好靚呀！

0030 = 影到二竟然熄燈，三 ～ 影左囉！
0200 = 解封後通車儀式，好正啊！

>>January 1, 2003 at 9:38:51 PM GMT+8

2002 年 12 月 23 日 星期一 【晴】

今日有成卅個 "支力"！但係呢......
放工唔係好願返屋企，卒之上左 Head 做野，
但係其實我都成 18 尾先離開公司囉......

買左碗仔翅上去食，再同 Carrie 叫外賣......
叫得好高興，有薯條啦、司治啦、仲有西炒飯添！
但係到最後係食唔晒架下......呵......
食食下 Daddy 都上左唻呀！幾高興呀！但係呢......
好明顯佢講電話既時候係咁俾人串啦....哈哈 *o^ Yeah!!!

>>December 29, 2002 at 9:42:48 PM GMT+8

2002 年 12 月 22 日 星期日 【晴】

入到 UST 都已經係 22 號喇！呵呵......
好叻叻的.....我地去左一個冇人打蛇既宿度玩！
"囉囉" 的話通頂，但係我兩點就 "LUM" 左囉......
然後四點係到榮譽會員架，而小梅同 Dydy 就真係冇訓！
之後呢，好明顯當大家講到0的敏感既 Topic 既時候......
我同榮譽會員都不約而同地一齊彈左起身聽......
呢個時候......就係小梅想講佢同燕燕既野既時候喇......
但係呢......當佢一講：「冇野呀...」呢句......
我地就即係 "dart" 番落床，繼續訓囉......呵！
卒之我地係朝早七點左右先起身......最要命的......
係原來我一直0係佢地傾既時候都有撘訕囉......呵！

離開 UST 之後我地落左彩雲飲早茶.......
話說小梅打俾鐘生，叫佢估下邊個係衰人既時候......
佢竟然估係榮譽會員囉！仲估我係好人添呀！哈哈哈哈 *o^
幾鬼高興呀我！但係榮譽會員就0岩0岩相反囉......
之後我地叫左籠牛肉，有三粒喎，正當小梅叫大食既時候......
榮譽會員就話：「一向都唔食牛架！」跟住呢......
我又話喇：「我唔食呢隻牛架喎....」，最後......
連 Catering 姐姐都話：「我都唔食架喎！」......
卒之 ～ 我答左句：「咁一係我幫你食一粒啦！」......
就係呢句說話，我就真真正正咁成為一個 "好人" 喇！
嘩哈哈哈......最高興既係......呢句說話......
令我因為一粒牛肉而換番 5 粒鐘既睡眠時間，
仲由衰人變番好人添！高興死左喇......

其實成朝大家飲茶既時候，個話題就係......
究竟 "通頂" 既定義係咩呢......呵......？仲有呀......
用一粒牛肉換唻五個鐘加 "好人" ！真係好抵呀 *o^

飲完茶就番屋企喇！本來諗住再訓下，但冇訓到......
因為晏晝同叔叔嬸嬸又飲茶，之後再去探奶奶......
夜晚要又同屋企人食飯喎......卒之夜晚食 Buffet 既時候，
係勁勁勁 "支力" 囉！呵......今日攪掂埋剩番兩份禮物喇！

>>December 31, 2002 at 1:38:44 AM GMT+8

2002 年 12 月 21 日 星期六 【晴】

今朝又好似尋日咁 " 1 抽 2 LUNG" 咁返工......
不過幸運的係今日冇落雨，如果唔係就慘慘囉！
又好似尋日咁濕晒呀唔係幾好啦......

今日晏晝係 U10 Enrolment，我一放工就飛過去喇......
食左個飯之後就上去，慘慘的......我一著條裙既時候......
confirm 左自己真係肥左囉！太過份喇......唉......
仲要坐上台囉！核突到丫.......真係......樣衰得很啊！
個 Ceremony & refreshment 完左之後，我地一班八婆會員......
0係人地學校個操場發左癲咁影相囉......但係對面呢......
正正係一班 Member 囉！呵呵！但我地影得好高興喎！

成個 Function 完左之後我去左榮譽會員屋企......洗乾淨！
本來約左其他會員 1820 去到 238 門口等，點知我地遲左到架......
一去到亂到咩咁，完全冇人理會我地囉.....呵！同時間......
大家都好高興咁食呀食，到最後我同榮譽會員都冇食野架！

今次呢個 Christmas Ball 呢！好明顯係唔係 Ball 囉！呵......
0的節目都尚算 OK 啦！但係我地自己玩 corn 人高興0的囉好似......
仲有呀.....好明顯有人抄 Mass Dance 啦！跳得0個段仔......
我地之前個 "狂歡" 好玩得多啦......係咪先？
未完個 Party 我地幾個一班八婆就走左喇......因為有下場嘛！嘻！

首先呢.....我地落番旺角食野，之後呢......
我同榮譽會員、小梅 & Catering 姐姐入左 UST，
去左小梅個 friend 個宿度......諗住玩通宵......
但係入去既時候大家都未決定入去做0的乜架下......咁就 22 號喇！

>>December 27, 2002 at 2:45:07 PM GMT+8

2002 年 12 月 20 日 星期五 【晴】

尋日破紀錄後，今日 0703 就起左身喇！
我刷完牙出唻個鬧鐘都仲未響......好犀利！
食完個頭仲有充足既時間吹頭添！Hehe~*

失策的我今日唔記得左帶遮，出到尖咀大雨到丫......
我仲要 " 1 抽 2 LUNG" 咁！淋濕晒囉......卒之買左把遮......
再去買埋個早餐就返公司喇！縱使今日撘早左班車......
但係返到公司既時間係冇乜點變架......呵！

今日唔算太多野做，好彩咋......唔係就慘慘喇！
用左咁多時間整 Party 0的野，邊得閒呀？呵......
做做下野同哥哥走左出 Reception 坐0係度傾計......
順便抖下蛇下......哈哈哈哈......yeah yeah yeah~*

個 Christmas Party 攪得七七八八喇！話說尋日仲爭三份要買......
所以 Lunch 之後我同 Dorothy 又出動喇！今日仲加埋 Patsy 添......
" 三個女人一個墟 " 呢句野真係唔錯呢......我地今日証明左！呵！
我地主力都係0係個精品 Bazzar 度，好靚靚囉0的野.....靚死左！
之後返到公司都係三點幾四點，早過尋日囉......

放工之後即閃，上 Head 上 EM 囉！等我仲趕上去......
點知到最後成 1945 左右先開始上堂囉......呵......
好彩燕燕買左野食上去嗟......如果唔係一定餓死囉！

上完堂做埋0的野，我地一班人又落左黃埔食飯......
成 2300 先食......眼訓到暈......食到人地收舖先走囉......
返到屋企差唔多成點，最要命係有人0係我面前晒......
話自己聽日唔駛返工囉！有冇攪錯先？唉......妒忌死！

>>December 25, 2002 at 3:50:06 AM GMT+8

2002 年 12 月 19 日 星期四 【晴】

呢個星期既唔願起身指數比起上星期雖然低左......
但係呢，今朝我破左紀錄喎！成 8 點先起身......
不過都撘得初平時撘開班車喎！好犀利呵 *o^

返到公司，勁囉！一收有成 29 New Mails 囉！
又破紀錄！返到去就開始努力喇！雖然有好多野做...
不過好彩唔算太趕，如果唔係一定死梗嗟！
今朝我地仲整左0的佈置添！好靚靚架......尤其個門口！

晏晝又去左 PK 食，本來想去韓國架！但係唔安全呀......
食食下大家0係度講尋日下晝我放假......原來呢.......
最掛住我0個個唔係哥哥都唔係我後面既蔣生......
而係 Gary 同事呀！哈哈......聽完之後好好笑囉！
另外呢......大家今日亦不停咁問我尋日個 assessment 點，
我.......只係笑左笑，乜都冇答！因為都唔知可以點答！
走既時候.......又同哥哥開戰，"囉囉" 既佢差0的 "撞板" 囉！
係真係撞落塊板度囉！呵！另外我地仲研究左個問題......
就係 PDA 既 Palm & 煮野食用0個隻 "palm"......UM......
究竟第二個差唔多音既 "palm" 係點寫架呢？

食完 Lunch 我同 Dorothy 呢 pair 購物專員又出發喇！
今次既任務就係去買 Christmas Party 大家既禮物......
我地由 1400 行到差不多 1700，勁勁的.......
係由 Peking Road → 加拿分道 → Habour City.......
拎住一袋二袋咁周街走囉！又重喎......不過呢.......
袋住成 $3000 任 shop，都唔錯架......咁大個女都係第一次！
如果我可以有咁多 $$$ 去 shopping，一定會好滿足......
亦都會好快用晒囉......呵呵呵呵！慢慢等下啦.....
不過 Ok 既我地都買左廿份喇！再拎真係會死架......
高興的返到公司有同事請食 tea 囉！幾高興呀！

放工即閃喇今日！同榮譽會員去左又一城.......
好明顯我係去完成埋0個十份禮物囉......難諗呢......
又要諗下0岩唔0岩用之餘，又要擔心買左大家唔鐘意喎......
呢個 job.......真係唔易做架！唉......希望 Ok 啦！
由 19XX 行到差不多 2200，卒之都買左 7 份呢......
不過又係0個句......重死左囉 XoX......好彩問定0的哥哥拎左個袋，
所以可以兩大袋咁拎番屋企，如果唔係0係條街度實好樣衰！
本來諗住撘地鐵轉 Van，但係 finally 我0係九龍灣落左車......
轉的士囉！"支力" 到丫......不過最大既問題係......
我仲要拎番0的禮物返公司囉！真係高興到我想死囉.......

>>March 23, 2003 at 3:57:28 PM GMT+8

2002 年 12 月 18 日 星期三 【晴】

每一次放晏晝既時候，0個個朝早一定好多野做！
繼上個星期係咁之後，今日又係咁......慘慘啊......
原來呢......一個朝早真係唔係可以做到好多野架咋！

晏晝同班同事去左雅仕食，好明顯......慘慘的我........
又係咁俾我親愛既哥哥串囉......好無奈呀下......
不過走既時候同佢0係條街度開戰.....未分勝負我就走左喇！
之後去左訂野食 for 下個星期既 Christmas Party，
再自己周圍行下、HEA 下，睇下有咩禮物買得喎咁.......
攪攪下攪到成 3 點幾 4 點先到金鐘，仲要去行 GigaSport......
買左條褲褲，高興死我......恨左好耐喇！又抵喎......呵呵！

卒之呢......我成 160X 先到 Head Office，當然......
我又係冇 prep 過啦！唉......本來諗住尋晚溫下書......
點知對住個三吋 Folder，睇左一個 Module 既第一頁之後，
我就唔覺意訓著左喇！所以到最後......我都覺得自己冇乜做過野！

個 Assessment 未完我就走左喇！因為夜晚開會0的野未攪掂......
不過傾傾下見到 Edna，之後大家就好興高采烈咁一齊去左 APA 食飯！
一出門口仲見埋 Ming 添！幾好呀！呀......APA 個 Can 0的野幾 Ok 喎！

夜晚開會......0的野好似好有深度咁！都唔係好出得到聲！
但都算安慰既係......起碼我都有講過我既意見架！
不過最好笑呢，就係到最尾我地再約開會囉......要分開再傾嘛！
越快越好既情況下，我地好快就約左下星期一再傾喇......
最要命的，係我地約左去唱 K 傾囉！咁樣倒係第一次......
大家去 K 既 Main Point 好明顯係要去睇咸濕版 "假如" 囉！
不過我地真係未睇過......下星期一由 Christine 帶我地大開眼戒囉！

走0個陣撘順風車去藍田，再同 Edna 撘的士返屋企！
比起撘 601，真係快左成倍，都未夠 11 點就返左屋企喇！

>>December 20, 2002 at 12:07:45 AM GMT+8

2002 年 12 月 17 日 星期二 【晴】

呢幾日有0的唔舒服......快0的冇事就好喇！

今晚呢....又留左0係公司......開會！
開 Management Meeting，不過今次好0的，
都係開到 21XX (頭) 嗟！都冇上次 22XX 咁勁......
不過冇冷氣、又冇氧氣喎.......真係幾辛苦架......
所以中途出左去幾次，抖下氣、去下 LET、
斟下水，仲有同哥哥開下戰咁囉.......

今晚終於都拎左0個兩隻擺左好耐既壽司碟返屋企，
原來佢地都幾重架......低估左佢地添......
仲要行出去撘車既途中買左兩樽蘆薈，死未？呵.......
返到屋企，死左咁.......因為實在太 "支力" 喇.......

心情煩躁、脾四唔好、逃避問題 ～ ⊙_⊙

哎呀..... 弊喇弊喇！今次真係鑊鑊喇 ......

>>December 21, 2002 at 3:05:31 AM GMT+8