2003 年 7 月 6 日 星期日 【晴】

今朝早要考 YFA，本來尋晚仲諗住今朝早早起床，
不過到最後當然我係 "典" 床啦！卒之又用最快既方法上 HQ！

上到 HQ 攪掂晒0的野，師兄就上埋唻喇！
仲買左 633 既炒河粉添呀！好耐冇食過喇......好懷念呀！
好好味不過好大 "兜" 囉！滿足到丫......

我地今日考班 YFA 犀利喇！以極速咁考！
每次打孖咁入唻考......1005 開始筆試，1200 就考埋 Practical 喇！
一考完試我就走喇！過左銅鑼灣搵石 Sandy 食飯！
我地去左易牙妙手呀，佢個涼麵唔錯喎！大熱天時食 ～ 好正啊 *o^

食完 Lunch 我地就返番維園喇！今 day 係太陽計劃啊！
玩左一輪，熱到咩咁，我同 Sandy 再過左中央圖書館換衫！
熱到丫......成套衫濕晒呀陰公！最難受係仲要換 Full U 囉！
熱到想死呀 >.< 換左套 U 冇耐又係濕晒囉！

今日出場之前0係後台 Stand by 見到好多明星呀 *o^
有 Eason, Joey, Twins, Boy'z, Jade, Edison......勁多明星呀！
咁耐都未試過一次過見咁多，我仲係咁影相添呀......
不過呢......其實我係影佢地相囉！我都想同佢地影呀，可惜唔得啦！

好威威呀今次，我個 Reserve 既位係第一行架！不過係右邊囉 -.-"
仲要剛剛坐正個喇叭前面，隻耳仔......勁難受....."WANG" 到丫......
後尾塞住左囉係......好慘慘呀！完左 Function 我就即刻返屋企喇！
因為實在出左太多汗喇......勁辛苦！仲曬到紅晒添呀 >.<

>>July 10, 2003 at 2:15:12 PM GMT+8

2003 年 7 月 5 日 星期六 【晴】

今朝又係撘 0830 班車，0901 返到公司，遲左一分鐘 -.-"
返到公司又叫左外賣早餐，貪心的食左個麵餐......滿足到丫......

下晝放工去左 Hyatt 食 Buffet，不過0的野食既質素下降左架！
之後本來去買鞋，點知冇我想要既款，又冇得買 v_v
點解近排 shop 親 ping 都咁多阻滯架？唔高興~~~

冇得買野，過左銅鑼灣捐血，好有意義！哈哈哈哈 *o^
不過唔知係咪太耐冇捐，姑娘一 "吉" 針0個下呢.....
我條血管即刻 "LEI" 埋左囉！"吉" 唔到囉......
其實都唔係太大問題，但另一個問題係 ~ 我冇用麻醉藥囉！

捐完血就過左維園喇！因為要去 Solar 2003 個 Rehersal，
勁曬囉......慘慘的！成身濕晒，個人勁唔舒服呀 >.<
聽日仲要 Full U 咁去，慘慘喇！點算呀？唉......

完左個 Rehersal 約左 SHCCC 班同學，我地去左飲野，
去左 INN SIDE OUT 呀！0個度好正架，可以亂掉花生殼都唔駛俾 1500！
勁爽呀掉得！係咁飲、係咁食、仲係咁傾添呀我地！仲傾左好多攪笑野！
佢0個度個 Chiken Wings 雖然冇 Mes Amis 咁正！但佢個薯皮都唔錯架！
我地呢......無啦啦講下眼鏡，原來呢......帶眼鏡一定要帶有框既先好架！
另外仲有一個新既 "殺人法" 改自 CPR 既過程.......路線如下：
頸骨 → 胸骨 → 肋骨 → 尾龍骨 ～ 真係唔可以睇小呢 4 條骨架！
我地玩到 2200 左右就走喇！因為同學有下場 & 我要返屋企做 Mask ?!?!?!

近排發夢成日見埋晒0的九唔撘八既人......

>>July 7, 2003 at 12:38:43 PM GMT+8

2003 年 7 月 4 日 星期五 【晴】

好無奈......同一個情況又再次出現，今次仲要打孖唻囉！
勁無奈......從第三四五者口中得知，仲依然幫口講好說話！
某程度上，我寧願自己發現好過而家咁囉！呢樣就係唯一唔同......

呆左整整一個下晝，可唔可以唔好再咁對我呀？朋友們......

我想嘗試從另一個角度睇下呢件事，感受下當時人既心情......
可惜 ～ 我真係做唔到囉，太突然喇實在.......

得知真相既時候感覺有如俾人出賣，好想喊......
竟然忍得住，仲忍左一段幾長既時間，撘車既時候......
終於忍唔住！不過唔可以痛快咁喊，好不高興 v_v

本來諗住去買野或者搵人飲野，冷靜、發洩一下...
點知乜 Mood 都冇晒，頂~~~~~~~真係好 "慶" 囉今日！

>>July 5, 2003 at 10:32:33 AM GMT+8

2003 年 7 月 3 日 星期四 【晴】

期待已久既今日終於來臨，可惜並唔係我想像中咁囉......
因為尋晚有人捷足先登，攪到我好好朋友 "謝" 左！
放工之後約左呢位好好朋友，去左 Mes Amis 飲野......
一人一杯 Whisky Coke，仲有 share 左碟雞翼囉！
好明顯話去飲野其實變左去食雞翼囉...... -.-"
最犀利既 ～ 係我地 1930 左右已經離開歸家囉！勁！

心血來潮一個凍水涼，原來可以令自己清醒一下......

>>July 5, 2003 at 10:33:05 AM GMT+8

2003 年 7 月 2 日 星期三 【晴】

近排朝朝都唔願起身呢！叻叻的今朝 0730 就起左身喇！
仲撘到 0800 班車添，仲買埋腸粉返公司食添！美味啊！
不過呢......唔知點解次次食完0個度0的腸粉都肚痛囉！

晏晝去左飲茶呢，同孫仔補祝生日呢！成 15 個人啊...
好犀利啊！我同 Dor Dor 成場0係度 "0下唻0下去"，好好玩呀 *o^

夜晚又要上 SFA，因為要包下肢骨折，所以呢......
我係成套衫拎左上 Head 換囉！仲拎埋鞋添呀 -.-"
上到去好肚餓呢，好彩伍區長買左燒賣魚旦 + 薯條呀！
食完大家都高高興興去上堂喇！到左 2030 放 Break，
我地又走左落去華潤買雜食呀，勁興奮呀買得......
最難受係買豆漿 & 手指餅既時候，有人話要買原味......
係因為佢 "純潔" 囉！會唔會先 -.-" 放 Break 放到 2045，
但我地買完上去都已經 2100 喇！拎晒0的野食入去......
又食過！.....嘿嘿......今次真係肥死囉！晚餐係雜食囉！

放學同兩位城南同事撘的的落土瓜灣轉車，可憐的......
我等飛 Van 等左差不多成半個鐘囉！到我諗住撘巴士喇......
佢先唻車囉！激死喇 >.< 返到屋企差不多成 12 點，好 "支力" 啊！

>>July 3, 2003 at 3:46:27 PM GMT+8

2003 年 7 月 1 日 星期二 【晴】

今日做既第一件事就係去搵車喇！都幾攪笑......
行到 Hankow Road - 0004 - 6號 Van 尾班車係 0000 囉！
唉......激死喇！咁唯有行過碼頭啦！行到過碼頭......
Star Ferry - 0010 - 8A 巴士尾班車 - 2340，即係又冇啦！
行到過去已經 "支力" 到死左，咁0岩見到 1A 0014 開車，
所以最後我決定撘車返屋企，唔去 join 佢地喇！
成程車係咁勁訓，好舒服！差0的就唔記得落車架喇！
返到屋企，坐左陣，即刻走去洗白，因為太 "支力" 既關係，
所以決定唔洗頭 (還掂聽日係休息日)，洗完白即訓.......
都差不多 0200 喇！打俾檗佢仲0係公司囉！犀利啊！

訓到 0452 既時候，電話響起，有位同學打唻搵我傾計！
通常呢個時候打唻講得既野，都應該係平時唔會點講既野......
我好快就清醒左，仲好理智咁答晒同學既問題，突然覺得自己好叻！
竟然訓訓下醒左可以變得咁清醒咁理智，講講下電話既時候......
剛上床訓覺既姐姐問我：「妳頭先冇訓過架？」會唔會先 -.-" 三個鐘喎！
同同學講左半個鐘左右，佢就返屋企喇！成個過程好似講左好耐咁......
一個半個鐘既電話好比平時飲酒飲幾個鐘呀！難得難得～

講完個電話碌兩碌又訓番喇！成朝都不停咁訓下醒下......
卒之 1412 起左身，屋企冇人！正啊！周圍搵下野食......
雜食左0的澳門手信 + 一罐細 V8 就係我既 Brunch 喇！
食完 Brunch 玩左陣電腦，落左樓下買衫，
嘻嘻......買左條好靚既裙裙呢 *o^
買完野返屋企諗住執野，點知媽媽話唔好...
叫我等佢地去旅行先執喎...好啦...咁！

冇得執野變左周圍攤，攤攤下又訓左 -.-"
訓覺既時候發左個夢，講真個內容真係唔記得...
只記得自己個夢裡面不停咁喊，平時我一定會迫自己醒！
但係今次冇囉，由得自己係咁喊，真係喊得好痛快呀！
喊完之後醒左一醒，抹乾塊面，又繼續訓過喇......
成程由 17XX 訓到 20XX，因為檗同學打唻.....
佢出左街幾耐，我就訓左咁耐，又講到佢入 "車立"！
起左身之後又搵下野食，今日既 Dinner = Brunch 囉！

有人被重用、被睇好，究竟咁樣係好定係壞呢？
有人得寵、亦有人唔得寵，唔得寵既一定係壞事咩？
其實大家覺得好既一邊，並唔係真係想像中咁好......

>>July 3, 2003 at 10:28:43 AM GMT+8

2003 年 6 月 30 日 星期一 【晴】

尋晚攪掂晒0的野，未夠 12 點就訓左......
但係今朝都唔願起身，成 0750 先 "札" 醒囉！

返到公司又係忙碌既一日，因為好多野趕......
下晝我仲要拎左假，朝早又有新 TS Training 喎！
全朝都冇同人嘻哈過，係咁做野做野 & 做野！
Lunch 都冇出去食飯，卒之做到 3 點走，都未做晒......

下晝同 Sandy 去左港台，幫太陽計劃錄音......
第一次入錄音室，都唔係睇電視0個0的咁靚既.......
幫我錄音既係陳敬創，起初 Sandy 仲驚我見到佢地會係咁笑，
不過 finally 我冇架！哈哈......只不過俾佢地話我講得太快，
同埋咬字唔得清楚囉！最後都係錄左兩三次就攪掂晒喇！都算快架 *o^
最好笑係我最尾0個段 (= 最難受0個段)，係錄左三次囉 -.-"
中間仲要係：「(咳左兩聲)......唔好意思！可唔可以再唻過呀......」
出番唻之後，Sandy 話我聽我講得好好聽呀！哈哈...唔知係咪真架呢？
但係唯獨個難受位大家都覺得好好笑囉！我好想快0的可以聽番呀！
不過都要等到星期日呀！噢......慢慢等把啦唯有！

錄完音去左港台個 Can 食 Tea，唔錯唔錯！杯紅豆冰......
只係 $8.5，0的豆豆多到丫，又好甜喎！正呀 *o^
食完過埋一台還帶，我地就走喇！行番過 BU 0個頭撘車......

之後我上左 Head 呢！同主任房兩位同事傾計！
好明顯其實係我係咁阻住佢地做野囉！呵呵.......^o^
夜晚又上 SFA，衰衰的我地班同學成日都唔聽老師話，
攪掂佢成日用 "地獄之門" 唻嚇我地，可惜既係......
呢 "道" 門都已經嚇唔到我地喇，老師好可憐啊 >.<

本來上堂上到 2200，但係我 2130 就走左喇！
因為要返公司整埋0的野呀！為左快快攪掂......
所以我選擇左撘的士返去，0個個咁既司機......
竟然玩兜路，真係想殺死佢呀！好野丫拿......咁串！

返到去 2145，起勢咁做呀做，做到 2330 到頂唔順走喇！
其實都未做晒架！但係勁趕0個0的已經攪掂晒囉！
星期三要繼續努力呀！唉.....點解會咁忙架？慘慘呀 v_v

離開公司行去撘車，突然醒起我0係 Head 走既時候.......
佢地叫我攪掂打俾佢地，打俾佢地已經去到 Tracy 屋企樓下，
準備上去玩！我掙扎左一輪之後，最後都係決定上去，
於是佢地教我：「拿...你去睇下有冇 6 號 (VAN)，冇既話...
就過碼頭睇下有冇 8A，再冇的話你就要撘的士喇......」
講完呢個電話收線，再行番出個巴士站，0岩0岩好踏入 12 點！

>>July 1, 2003 at 3:29:50 PM GMT+8

2003 年 6 月 29 日 星期日 【晴】

今朝又成差唔多 0500 先訓，跟住 0830 起身......勁！
撘車上 Head 全程勁訓囉！返到 Head 上堂冇遲到呢！
今日上 SFA 上朝 10 晚 5 呀！成程係咁恰眼訓呀......

朝早放 break 既時候姨姨上左唻呀，哈哈......
仲帶埋我地尋晚0的 "剩餘物資" 上唻食添！
卒之呢......今日全日 break 又好、包完野都好.......
大家都係走過 Staff Room 拎食野囉 -.-"

晏晝落左新海翠飲茶，0的野食好似......差左囉！
飲完茶買左我最愛既芒果蘋果雪條食呀！Yummy *o^

1700 上完堂.......放學之後，我地又係食囉.......
食左尋晚買既另一個西瓜，好紅、好好味呀！
食完傾左陣我地就走喇！撘車返屋企既時候勁好訓呀！

乜我上期個 Info 真係咁犀利？攪到檗同學無啦啦打唻......
就係叫我解俾佢聽囉！不過唔解喇......自己參透下把啦！

CBS NVSU JV1 YOSLRW TVVE GPU IQHE UBDI ESKB!
UJZA FPP TZZT PJBG BMF SMZY Q TZBJ! TOPL......
GBKG NNN HJL IGCD CBS IGCD FTQC, TGYA IQHE INQL IJE1?
PZES TZZT PZES LN2 P JPT ZHAM JWO TDQ?

近排腦海成日都浮現近呢一年發生既事......
點解無啦啦會咁既？真係好奇怪啊.......
浮現既都唔係值得開心既事，咁先至慘 ～
除此之外，亦發現自己既自虐病復發......

>>July 1, 2003 at 3:07:59 PM GMT+8

2003 年 6 月 28 日 星期六 【陰】

呢個星期朝朝都唔係好願起身呀！唉......
日日都要死趕爛趕咁，不過算啦...都係自己晏訓嗟！

今朝撘 0830 班車，諗住會遲好多，好彩......
冇事呢！雖然都遲，但係只係遲左 3 分鐘咋！

今日公司換 Telephone System，成朝好唔得閒！
聽下電話飛下線，咁就一個朝早！冇做過野咁滯呀！
所以下晝留左0係公司，一唻要等班師傅攪掂晒0的野......
二唻就係自己做野！我0的同事們0係 1600 已經走清喇！
所以呢......之後我開晒 MSN & ICQ 搵人陪我呢！嘻嘻......
偉大的 ～ 哥哥返到屋企仲 install 左個 MSN 同我玩呢！
好感動啊！但係其實0係佢裝之前大家係 ICQ 緊下 -.-"

慘慘喇 ～ 我0的野要呢個月內攪掂，但我星期一又放晏晝喎！
呵呵......到最後我係做到 2045 先走囉！好勁喲 *o*
咁耐都未試過 OT 咁耐！仲勁過平時星期一至五添呀！
本來今日有個 Service 做，仲有明星睇添架......不過算啦！

OT 完畢過左長沙灣，去左 Lu Lu 姨姨屋企......話去 "玩"！
其實到最後係去食飯 & 做八婆囉！講下呢樣講下0個樣！
Mainly 係打爐架不過......食左勁多野呀！肥死喇今次 >.<
唔......話時話，我地呢群人好耐都冇試過咁約出唻玩喇！
雖然得 5 個人 (燕、愷盈、嘉豪、姨姨 & 我)，但係呢......
我地呢班 "姊妹" 都玩得好高興呢！全晚不停係咁勁 & 大笑！
一諗起嘉豪既 "姊妹姿勢" 就真係有點兒那個囉其實 -.-"
另外呢 ～ 當阿燕同事睇完我個 "難受動作" 既時候......
好明顯佢係想做一次俾番睇唔既愷盈睇！可惜呢......
當佢擺好 Post 準備覆述句對白0個刻，佢講左差不多 5 次，
都講唔到一句完整既對白囉！佢未講完大家都已經笑到停唔到！
今晚呢 ～ 我地仲創左專有既暗號呀！嘿嘿......唔係咁易明架真係！
以後講８野有計喇，唔駛怕俾人聽到啦！哈哈 *o^

食完野、傾完計，再食埋西瓜，都已經成 12 點幾喇！
可惜大家聽日都早早有野做啦，如果唔係就可以玩夜0的囉......
我地真係要快快約個期去 Camp / 過大海喇！好期待啊 ^o^

今日 update ICQ info 既時候，睇到有個妹打左呢句：
「ｓleｅp：一種逃避的方法」 ～ 某程度上我真係幾認同呢句！
因為我都成日用呢招去令自己好過0的，但當然有時係 "支力" 先訓啦！

>>June 29, 2003 at 3:52:18 AM GMT+8

2003 年 6 月 27 日 星期五 【晴】

尋晚麥當當宵夜時，亦係今日既開始喇......
宵完夜我地去左睇《千機變》呀，本來係睇 2350 架！
但係因為實在太多人喇，所以轉左睇 0020 呀！
呢套戲 ～ 其實都算 OK 喎！如果唔係有飛的話......
我都會照去睇架！不過而家有飛仲抵囉！嘻嘻 *.^
最難受係阿燕同學睇戲既時候竟然估我邊個位會喊囉......
犀利的又俾佢估中喎！果然係犀利啊 *o^
下個目標係《黑白森林》呀！唔知幾時有得睇呢？

睇完都 around 0215 喇！又係飛 Van 的的返屋企！
呢個星期第 2 晚又玩到咁夜添！好耐都冇試過喇......
返到屋企都成 0300 喇！都叫早左一個鐘啦，係咪？
今晚 0430 訓，都訓左 3 個鐘架！係上次兩倍呀！

今朝起身，個胃又痛喇！睇唻我真係要戒食 M 記，
因為次次食完都胃痛既......有冇攪錯架？食親都係咁既？

慘慘啊！又無啦啦唻個 Automatically Down 呀！唉......
完全唔知咩事囉！只係全日又痛又 Down......悲哀 >.<
今晚留左0係公司 OT 呢！好耐冇 O 過喇......
本來諗住去搵 Joe & Ken 食飯，但係到最後都返左屋企！
返到樓下咁0岩見到雙親0係度食飯，於是撘左檯食......
其實呢 ～ 我係因為見到佢地檯面個梅菜扣肉囉！嘻嘻......
原來我真係好耐冇返過屋企食飯喇！不過都冇緊要啦～

>>June 29, 2003 at 2:57:06 AM GMT+8