2003 年 9 月 7 日 星期日 【颱風】

由凌晨 01-02 訓到晏晝 13-14，都咪話唔犀利呀......
好耐都冇試過咁勁訓喇 *o^ 其實中間起過身架，不過......

訓醒既時候成個人腫左，最嚴重係個咀呀下......
唔知點解時不時一訓得多就係咁，不過今次個咀都唔算嚴重！

四點幾出左深水 "土步"，一路行呀行行到出旺角.......好堅！
行到出去之後去左 Neway 唱 K，哈哈......好耐冇唱過 K 喇！
不過呢......今晚既狀態一般咋......唔係好得咁，又唔舒服喎......

近期愛上左兩首歌：傅佩嘉既《轉》＆ 梁詠琪既《同班同學》*o^

>>September 12, 2003 at 4:43:36 PM GMT+8

2003 年 9 月 6 日 星期六 【雨】

今日既開始，0係 CityTwo 渡過呢！呵呵~~~~~~
乖乖左兩星期，係時候去 relax relax 喇 :p

我地一行五人 (Dor + Bo + San + Ben + Me) 去左飲野......
四個飲左一打 Budwiser，Sandy 又係飲 Woody Ice 架下......
玩左好多野呀，有：789、大話骰、接龍、拍 7......
但係呢......由於時間既問題，所以我地點鬆0的就走左喇！
走既時候仲0係出面食左辣魚旦呢！哈哈哈哈 *o^ 好好味！
之後我就同 Dor 一齊撘的的返屋企 LU......

返到屋企攪攪下成 0400 先訓，訓得 3.X 鐘又返工......
返到去大家又提番凌晨時分既拍 7 "火羅" 事，阿孫好慘啊......
但係真係好好笑呀！最衰哥哥冇同我地一齊去啦......佢一定好後悔嗟！
佢話下次要同我地去喎，不過呢......唔知呢個 "下次" 會係幾時呢？
今朝仲俾佢串我：「年青人真係衝動」.....哦...... -.-"

放工之後本來諗住返屋企訓覺，但係後尾打左俾叔叔......
約佢一齊去探奶奶，我一放工先去稻香飲左個茶......
之後就同叔叔 & 媽媽入粉嶺喇！攪到成 1800 先走......
夜晚同媽媽返左九龍灣食飯 & Shopping，收穫唔錯呢！呵呵~~~

>>September 12, 2003 at 11:22:42 PM GMT+8

2003 年 9 月 5 日 星期五 【雨】

呢個星期第二朝唔知醒起身，又打左的的 ⊙_⊙
次次一出糧就咁攪法，真係唔係辦法啊......

繼尋日 "火羅" "火羅" 事件後，今日又唻多兩單囉 -.-"
話說今朝同 Sandy 落左地鐵站買蛋糕，跟住睇本 Catalogue......
見到有個蛋糕叫 "豪情暢飲"，咁我就同 Sandy 講喇......
「喂！妳睇下呢個 "詳情好飲" (同音) 幾靚喎......」呵......
大家即刻靜左一靜，哈哈......唔係唔知咩事呀？

買完蛋糕返公司途中，我地講開今日報紙頭條......
講有個人去深圳按摩俾人拍穿耳膜，當我地講講下既時候，
我竟然同 Sandy 講：「嘩...咁咪會盲左囉！」......拿拿拿......
好明顯又一時口快講錯野，呢兩日真係丫......唉......v_v

其實下晝開始大家都已經等放工，可以落去嬉戲下......
放工我地即落三樓 --- 開雀局，唔識打牌既我，坐左落去......
由 "使" 牌到排牌整個過程，大家俾我既 Comment 呢......
就係話我好似玩緊飛行棋囉 -.-" 之後我就離左檯，去洗布 "LUM"........

成個飯局就期待其實係抽獎囉，我同 Sandy 攪得唔錯架！
不過呢......我地兩個都係空手而回架 :'( 唉......真係好唔高興！
10 份禮物 + 2 個現金獎都冇我地份，實在太過份喇......

Um......今日去買蛋糕0個陣見到個靚仔呢！其實係 Ben (Tong) 囉 ^_^
好耐都冇見過佢喇！原來佢0係美心做緊 Part-time 囉！勁攪笑......
佢見到我之後走過唻講左句野，我仲以為咩事，望一望先知係佢囉......嚇死~~~

>>September 12, 2003 at 11:11:57 PM GMT+8

2003 年 9 月 4 日 星期四 【陰】

聽日係公司生日會 + 中秋聚餐既大日子......
今日叫做剛剛病好，放工同 Sandy 去左行街準備~~~

行街準備其實係去買禮物囉，買得超高興呀 *o^
雖然唔係自己錢，但係拎住筆錢去買咁多野真係好高興架......
如果聽晚俾我抽到個頭 or 二獎實勁滿足嗟！呵呵~~~
我地買野中途仲走左去食小丸子 ^_^ 今次可以慢慢食喇......

買完禮物返公司包禮物，正當我欣賞 & 包0的禮物既時候，
就發現唔記得訂蛋糕呀 >.< 之後......我今晚既 "火羅" "火羅" 事件就開始喇 ～
話說我打 1083，諗住問下尖咀地記既美心電話，0係電話響既途中......
其實我都已經發緊夢架喇......點知當個姐姐聽電話：「請問有咩幫到你？」
我竟然答佢：「唔好意思呀！請問你地今晚收幾點架？」呵~~~~~~ -.-"
一路聽住我講電話既 Sandy，即刻彈左句問我講緊咩，"火羅" 爆囉！
之後我即刻同個姐姐講唔好意思 & 拎左美心個電話，但係呢 "火羅" 真係......

攪掂晒0的野我地就去左食飯喇！本來諗住去食海南粉......
點知間舖頭執左囉 -.-" 卒之我地去左麵軒食呀！好滿足 ^_^

>>September 9, 2003 at 11:48:18 AM GMT+8

2003 年 9 月 3 日 星期三 【晴】

由於尋日訓得太多，我完全覺得自己今日係腫左咁返工囉 -.-"
今朝起身刷牙洗面洗頭洗白，做晒所有野落到去都係送車尾......

卒之撘左 0810 班車，好彩唔使轉的的嗟......
仲買埋腸粉返去冇遲到添！呵呵呵呵......實在太好喇！
不過食完藥之後就唻料喇！成朝 wing 下 wing 下囉.......
完全冇精神，仲要面青口唇白，好恐怖咁啊.......
本來諗住晏晝請個假返屋企訓覺，但係因為太多野未做喇......
所以都係冇請到架！放工差不多 1830 先走，之後過左 Habour City，
去 Page One 買野，買完野就返屋企喇！最初去左排 215X，
點知等極都冇車，都係要行返出去撘 13X，又係撘熱九囉.......唉！

返到屋企都未夠 2000，然後即訓！訓到 22XX 起身食飯洗白 ～
我今晚真係好慘囉！因為返屋企途中......跌左部 MP3 個蓋囉！
唉......都唔係第一次喇！第一次0係 HO 執得番！不過呢......
今次都係逃唔過大難，真係可憐喇 :'( 都唔知幾時先得閒去買番架！

>>September 3, 2003 at 11:12:40 PM GMT+8

2003 年 9 月 2 日 星期二 【寒冷】

死頂左兩個星期，終於都頂唔順喇！要投降喇 >.<
今日病左冇返到工，點解近期病親都打風架？好邪嗟......

今朝 11XX 媽媽打唻，話 2 個鐘頭內掛 8 號喎......
叫我即刻落去睇醫生，如果唔係晏晝冇得睇啊......
慘慘喇！冇得睇劉醫生喇，要睇家怡醫生呀......
醫生開左好多藥藥俾我呢，仲要有我最唔中意既藥水！
唉......點解我成日都病病架？唔中意呀 v_v

醫生0的藥好堅架，食完又會 wing 架！仲勁眼訓囉......
聽日點返工呢？咁攪法實恰眼訓啦，噢......慘慘喇！

今日好攪笑呀！話說我睇完醫生返唻諗住睇電視......
睇下颱風既消息，點知一開個個台都淨係得雪花囉 -.-"
我完全醒唔起屋企個電視機壞左架下，慘慘呀！

>>September 3, 2003 at 11:30:35 PM GMT+8

2003 年 9 月 1 日 星期一 【晴】

唱 K 期間我地成班0係度勁玩佢個 "百萬富翁" 囉！
學左句新野，今日金句：「精誠所致，頂你個肺」

我地唱到 01XX 就散喇！竟然可以唱晒我地點既咁多歌呀！
好犀利 *o^ 好耐都冇試過唱得咁順利喇！好正好正同埋好正呀！

返到屋企洗完白就訓喇！聽日仲要返工嘛......
今日係開學日呢，話時話我都第二年冇學開喇......
唔覺唔覺，返左工一年零一個月，好似好耐咁既......

話說吽病吽左兩個星期，今日又覺得唔係好掂喇......唉！
勁咳之餘又帶0的頭痛頭暈，勁辛苦呀下......
有0的後悔返左工，因為勁冇精神做野！(可能加上尋晚夜訓啦~)
夜晚返到屋企仲犀利，企又暈行又暈，只係可以坐0係度攬住對腳！
人地同我講野又慢幾拍先識應人喎......勁無奈囉！

近期左眼上方成日都眼眉調，咁係代表咩呢？

>>September 3, 2003 at 10:56:32 PM GMT+8

2003 年 8 月 31 日 星期日 【晴】

0000 係食野之時，雖然有個麥當當包包......
但係真係唔係好夠，所以之後去左食野......

我地一行 6 人去左食野，有以下各位朋友 ～
Wendy, Christy, Carrie, Louisa, 傅詩同我.......
我食個貢丸米線又食唔晒囉！近排胃口激差呀下......
唔好講笑，真係勁 "支力" 呀今晚......
等我地初初仲話下場下場，到最後當然係告吹左啦！

食完野我同 Carrie 一齊走，由尖東開始行.....
本來諗住好似尋晚咁行到長沙灣，但係大家都好 "支力"......
所以佢行到佐敦就撘車喇！而我呢......就行到油地上車！
返到屋企冇耐就訓左喇！真係 "支力" 到爆燈呀 >.<

今朝 10XX 開始醒下訓下，12XX 起身，洗個白白清醒一下......
晏晝同姐姐出左旺角，join 叔叔 & 媽媽飲茶，又係食唔落野架......
但係個楊枝金露真係廿個正呀下......旺角新世紀美心呀！值得一試 *o^

飲完茶去左行街，難得的有收穫，哈哈哈哈......0係 K2 買左件衫 *o^
行完新世紀出番尖咀，返左公司換咭，咁大件事我竟然唔記得左囉......
係今朝沖沖下涼先醒起，如果唔係聽日同事們返工都唔知點算囉......

夜晚呢......又返左新世紀呀！今日係 YM Staff Gathering 既大日子呀！
其實本來晏晝去打波架，但係 book 唔到場，之後又講過話去唱 K，
但係又唔夠多人喎......所以到最後都係得番晚飯呢場囉 -.-"
我地去左金牛苑食呢，0個度0的野真係唔錯喎！老細今次果然好介入紹 *o^
今晚出席呢個飯局既新舊同事包括有：老細伉儷、天鈞伉儷、
師姐、我、師兄、Gary 同埋 Daddy，爭茵茵冇唻到呢......

食完飯 22XX，大家就問有冇下場，結果師姐提議去做我地未完成既事......
就係去唱 K 喇！哈哈哈哈......勁高興呀！不過 Gary, Daddy & 師兄都冇去呢！
得番我地 6 個，去左旺中 Neway，唔錯唔錯！不過今日聲沙丫...乜都唱唔到 v_v
好彩把聲越唱越開，由初初淨唱男仔歌，之後終於可以唱返女仔歌呀！哈哈 ～

>>September 3, 2003 at 10:49:20 PM GMT+8

2003 年 8 月 30 日 星期六 【晴】

0000 仲0係 My Coffee，坐多陣就走左喇！
之後呢......同 Carrie 一路由尖咀行到番長沙灣.......

行左個幾鐘啦，其實都唔係好遠咋喎，好 OK 呀！
不過可以係因為大家一路行一路傾既關係.......所以咁囉！
行到番長沙灣本來諗住撘 Van 返屋企，但又唔想走住.......
卒之走左去 McDonald 又坐過囉！一坐又坐左成個鐘！
02XX 去左撘車喇真係，等既過程又繼續傾，傾到走左三架車囉！
到最後第四架車先捨得上囉！0318 返到屋企，04XX 又傾左陣電話，
05XX 先去訓覺囉！勁呀！唔知幾時可以再有下次呢？好期待.......

訓左兩個幾鐘又起身返工，講真......早知唔訓好過訓囉！
返到公司隻眼恰埋左囉！得到係勁頭痛 & 勁眼訓架下......
放工之後去左火車站食野，都冇胃口，淨食左隻雞脾咋......
食完野返紅館，又要準備 her 同心同根囉，哈~~~~~~~

一去到換完衫，坐左冇耐就入左後台，再坐就坐左成 7 粒鐘囉！
呢 7 個鐘都幾悶呀！雖然.......做左以下一系列既野......
玩 & 傾計啦、睇歌星 Rehersal 啦、食下野啦、試 & 化妝啦.......
但係唔知點解都過得咁辛苦囉！最高興係同張敬軒影左相呀 *o^
坐到 2100 大家就準備出場喇，話等 20 mins 點知等左好多個 20 mins 囉！
等等下又同余文樂影左相呢！不過係三班 UGs 一齊影架 -.-"

到正式既時候比起我地早幾次 Rehersal 好好多呀 *o^
大家都 high 左囉，節目尾聲既時候有個握手既環節......
我又同張敬軒握左手呀，哈哈.......勁高興呀真係 *o^
之後我地成班紅記仔女仲一齊走晒落個台中間度影相.......
連一班高層都有同我地玩呀，個氣氛真係好正呀！

完左個 Function 大家就返後台執野清場喇.......
今晚真係玩得好高興呀 *o^ 尤其幫大家化妝既時候.......
出左唻個個都話靚呢！哈哈哈哈......好滿足 *o^
唔知我地呢十個人會唔會有機會再可以聚聚呢？如果可以就好喇.......

>>September 1, 2003 at 3:04:25 AM GMT+8

2003 年 8 月 29 日 星期五 【晴】

今日係小丙媽媽生日呀！哈哈......生日快樂呀 *o^
今朝.......第三朝......又係的士，哈......聽日快0的到啦！

今日好頭痛 & 舊患痛，唔係復發卦？唔好亂唻 >.<
真係好唔想喎，希望係因為 14 日既問題啦......

今晚放工之後 OT，之後約左陳師兄食飯......
去左加拿芬間 Pizza Hut，仲有佢個 friend 都0係度！
大家都好耐冇食過 Pizza Hut 喇！突然覺得好好食啊......
我覺得呀師兄又瘦番囉！佢話搬左新屋日日行斜路所以攪成咁囉！
但係呢......又唔覺佢以前行左真義里 7 年會瘦既？我都係啦...... -.-"

同陳才食完飯之後就散喇！之後過左 My Coffee 探 Johnny......
其實係因為約左 Carrie 嗟！我地兩個好耐都冇傾過計喇......
今日臨放工收到佢既 SMS 之後先約，好彩冇出到紅磡食飯嗟......
等左佢一個鐘左右，0個一個鐘好難過囉！但係佢一唻到之後呢......
0的時間突然間過得好快囉！哈......今晚傾左好多野 & 玩左好多野！
真係冇後悔大家0個下 "一時衝動" 囉！係一個明智既決定唻架 *o^
雖然大家近排都唔係幾好，不過今晚一聚......真係好正囉！

>>September 1, 2003 at 2:31:16 AM GMT+8