2003 年 7 月 28 日 星期一 【晴】

尋晚同 Daddy 傾電話，我地兩父女好耐都冇傾過計喇！
傾下呢樣傾下0個樣，傾到公事既時候，原來呢......
大家都曾幾何時都試過做得好唔高興想 quit 架！
講真......其實做義工嗟，有時太過執著咪盞自己辛苦！

同 Daddy 傾傾下既時候，我問左佢一個問題......
雖然佢個答案好 "行"，但我覺得佢答得我好正 & 真囉！
其實我自己都感覺到既，只不過係我個人既問題而唔理嗟！

講完電話洗下白白攪完一輪 02XX 先訓，仲話要早訓.....
日日都係得個講字囉 -.-" 一攤落床又係腰酸背痛咁......好慘！
今朝早差0的唔知醒呀！出到去都係0岩0岩好咋......唉！

今日既 AD 指數激高呀！死得啦......勁想去發洩一下囉！
激唔高興，今日又聽左個唔係幾高興既消息囉......
點解我周圍0的人成日應承話同我一齊整 / 做某0的野......
但係到最後都係會變左同其他人攪掂，而我就繼續一個 "等" 字囉！
真係越唻越覺得係我自己戇居囉！咁易信人既？唉......
如果應承左人唔得出句聲都好丫，叫人等好意思架咩？
原來呢個世界唔係淨係男人信唔過，其實男女一樣囉 -.-"

放工同 Amanda & Sandy 一齊走，勁攪笑囉......
話說講講下眼藥水呢個話題，Sandy 想同 Amanda 講......
"妳試下 V 老篤或者安寧都 OK 架喎......" 點知佢一講......
"妳試下 V 老篤或者 VO5 都......" 得到係大家勁笑囉！真係好正 *o^

今晚 YM 開 DSM，我地去左打爐呀！勁高興 & 滿足！
最攪笑 Daddy "蕩失路" 囉！當我地以為佢見到我地既時候......
原來佢係見唔到囉！今晚好慘慘呀，無啦啦變左丸丸 & 生根囉......
一切都係因為個 "LAU LAU" 而起囉.......勁慘呀！
食完都成 22XX 喇！之後我同師姐去左遊街，遊到成 2330 先開始返屋企......

哈哈.....哥哥爭左我隻蛋蛋成個禮拜，今日終於有喇 *o^
勁高興呀！有３隻添呀！哈哈哈哈.......多謝哥哥呀！

唔......每年臨近生日既找死指數都係特別高，今年一樣呀 *_*

>>July 29, 2003 at 12:23:13 PM GMT+8

2003 年 7 月 27 日 星期日 【晴】

尋晚又0係勁 "支力" 既情況下，0係梳化訓左......
今次最犀利既係...我由梳化返床再由床出梳化呢個動作，
足足做左三次囉！完全唔知點解要走唻走去架下 -.-"
到最後0係係梳化安定左囉！一路到今朝 07XX......
起身之後刷牙洗面洗頭沖涼，就過左金鐘喇......

過到金鐘約左周區長食早餐，再過 HO 睇 Dept. Nur. Comp.，
因為今次 2 teams 出 Dept. 都係 U10，所以去捧場嘛！
見到好多識人呀！原來尋日大家去左上水攪毅進個 Training...
聽佢地講好辛苦呀今次，最衰我冇準時覆 E-mail 啦！
如果唔係我都可以去幫手嘛，等佢地冇咁辛苦啦......

睇完 Comp. 出左旺角同叔叔食 Lunch，再去粉嶺探奶奶，
我真係好耐都冇去過喇！有點兒唔好意思添......:p
嘩......真係眼訓到丫......撘到大埔訓左囉......
近排真係好唔夠訓 & 訓得唔好呀，仲勁辛苦，不過我好滿足！

探完奶奶之後過左沙田，又同姐姐去行街呢......
今日收穫都唔錯呀！呵呵...我仲同姐姐買左同一款衫呀！
哈哈 ～ 真係好靚好靚好靚靚呀...不過又冇左一筆囉 -.-"
之後我地仲去食左 Happy 8 呀！勁正呀！最衰冇帶相機啦......
如果唔係一定影低佢呀！為左要影相，一定要搵次再食過呀！

食完 Happy 8 就返屋企喇！撘架 89X，由頭訓到尾，勁爽！
返到觀塘媽媽叫我買麥記返屋企喎，激死喇......
我完全唔記得左自己食完會胃痛囉，不過冇得怨啦，唔食都食左喇...

唔......究竟我係咪真係變左呢？唉......
仲記得早幾個月前，同個朋友傾開計既時候.....
佢同我講：「你而家講野好似冇左以前0個份謙虛...」
其實點解會變成咁架呢？究竟咁樣又係好定唔好呢？

《大逃殺ＩＩ》～ ８月１４上呀！必睇呀 *o^

>>July 29, 2003 at 1:42:03 AM GMT+8

2003 年 7 月 26 日 星期六 【晴】

今朝好犀利，鬧鐘一響即起身！勁呀！
撘番 0810 班車，又係返到公司開門呢......
返到去成班一齊叫早餐，又係食狗呀！不過呢...
唔知點解今日0個個特別飽囉...... x_x

今日 Dor Sick 左呀！冇人同我玩呀.......
星期六呢個 Holiday Mood 咁強既日子，真係好難過.....
幾經辛苦先等到 1300，不過今日有人唻洗地毯，所以......
即係要留0係公司囉！呵~~~~~~ 個鐘一響，係咁叫人走，
之後我同 Sandy 過左海港城，同佢去 Pork Chop Shop 換証，
再去惠康買章魚丸子食，真係好好味架！不過勁熱囉......
食完就返番公司繼續等囉！又唔太願做野喎......嘻嘻~~~

攪掂洗地毯，晏晝同姐姐去左行街街 & 食 Tea......
點知遇到0的勁 cheap 勁冇品既人囉！核突到丫...唔掂唔掂！
黃昏時間上左 Head 呀！本來諗住上去睇 Doc 架......
點知眼訓到乜咁......卒之 "係咁二" 咁睇左就走喇！

夜晚同媽媽 & 姐姐去左德福，去左香葉棧食飯呀......
超級勁滿足呀！呵呵.......之後又去左行街街呀！
個 "米奇老味" 既斜咩袋真係好靚呀...好想買呀......
最慘對鞋鞋唔0岩著啦...如果唔係實一早買左 v_v

今日好 "囉" 囉，話說有人同我講話佢去 Camp...
咁好自然我就問啦：「去 Camp 咁高興？去邊呀？」
人：「去長沙呀...」 我：「下？咩唻架？」......
多手的...我仲要打多句：「你返大陸呀？」......
好明顯有人睇完我多手0個句之後好無奈囉！呵~~~
隨即我就俾人串喇：「長沙0係係塘福0個邊架......」
唔好意思，我唔得交遊廣闊嘛，又點識0的僻既地方呢？
不過講真，我真係後悔......多手打多句囉 -.-"

>>July 28, 2003 at 11:03:34 AM GMT+8

2003 年 7 月 25 日 星期五 【陰】

今朝出門口仲諗住唔會落雨，點知......
行去巴士站越落越大囉！卒之都係要開遮！
0係 OK 撞到 Sandy，一齊返工！嘻嘻......

呢排成日都唔係好願做野，有時仲發呆囉坐0係度......
晏晝仲慘！0係飯氣攻心既時候......簡直嗌晒救命！
5 點幾打俾位仁兄諗住叫佢幫我地買野飲......
叫到佢買但俾人玩返轉頭囉！好彩我都有佢 "Pain Foot"......

放工之後同 Sandy 落左 3/F 行街，仲一齊買左個袋添！
係 b + ab 架！OK 靚架！由 270 減到 81，好抵呀 *o^
買完袋我仲行埋 Extravaganza & Muji，買左膠水喇終於都！
之後就返屋企喇！行左去碼頭撘 1A 呢......勁慢！不過訓得好爽！

撘車上左中秀食麥記，睇唻我真係以後都要避免食喇......
次次食完都中胃痛定肚痛既，唔通我有「麥當勞食物敏感症」？
唔係呀化.......好邪嗟........以後食麥記真係要小心0的喇 *_*

今晚早左返屋企，又 OSIM 左幾個 "字"，好舒服啊！
之後睇 930 囉！其實初初冇睇......不過按按下又0係度睇......
卒之......咪一睇戲就中囉......又喊到收唔到聲，勁樣衰呀！
仲要俾屋企兩位女士勁串我架下........唉........唔掂唔掂呀~

今日呢......無意中得知１Ｄ野，心裡面其實想知.......
但知道左又唔係想像中既一回事，鑊啦總之就 ⊙~⊙
我想保持緘默！其實有時有Ｄ野，都係唔出聲會比較好囉！
唔知幾時可以再去 INN SIDE OUT 或者 MES AMIS 呢？好想去啊！

>>July 26, 2003 at 1:44:51 PM GMT+8

2003 年 7 月 24 日 星期四 【雨】

呢幾晚都唔覺意咁坐坐下訓左，太 "支力" 喇實在......
"支力" 還 "支力"，哈哈......証明我既目標已經達到，繼續努力 *o^

今朝 04XX 起身，0500 先洗白，洗完都已經 0530 喇！
好正既係 ～ 依然係 8 號風球，如果一直掛到晏晝就好喇......
好明顯呢個只係一個 "想" 囉！因為呢......我大約 0700 去左訓，
點知 0845 就知道...... 0815 已經落晒波喇！唉.....我個夢要醒喇！

返到公司剛剛好 1015 但未開門，等我仲以為返唻有門口入......
今日話咁快就 Lunch 喇！我地去左 Cafe Lagoon 食呀！
甜品大廚送左個 Hamomimi 既芒果布甸呀！勁靚 *o^
不過如果佢係粉紅色既話呢，咁就更加好喇......

放工之後上 Head 開會呢，好攪笑既係......
大家今晚都好 "菜遠" 呀......幾齊心！哈哈 *o^

今日踏正 0000 既時候，收到個 SMS 呀！係 aifaye send 俾我架！
佢祝我舊曆生日快樂呀，好鬼高興呀！因為佢咁都記得.......
哈哈哈哈......多謝妳呀！不過呢個舊曆生日真係幾特別呀......
因為係0係 8 號風球中渡過......好型囉！呵呵~~~~~~

>>July 25, 2003 at 2:29:33 PM GMT+8

2003 年 7 月 23 日 星期三 【陰】

尋晚坐坐下梳化訓左，後尾 03XX 先起身洗白......
洗完白媽媽出唻去 LET，好明顯我就係即刻俾人話......
之後 04XX 就去訓喇！勁慘呢......腰骨痛呀！痛到我丫 >.<

今朝旱有地自己起身，係 0715 囉！勁呀......
早左少少返去，做第 3 個返呀！(呢個星期可能只得一次~)
今日返到公司條腰骨依然勁痛，仲要加埋大腿兩條筋扯住.....
都唔咁亂咁郁，真係痛到想死呀！唔知係咪因為尋晚呢？

呢幾日好似話打風呀！所以今日0係公司既討論問題都係呢樣......
唔知打唔打得成呢？如果聽朝掛 8 號就好喇.......咁咪可以休息一下囉！

晏晝姐姐唻左搵我食飯，我地去左 UCC 食呀！
食佢個 Set Lunch (= Set Dinner)，我地叫左一個......
但係都食唔晒囉！最後杯咖啡好明顯係大家都唔願飲囉！

一放工，個個即刻走晒，話打風要返屋企、又會冇車撘......
不過我都冇返到屋企，縱使王太一早打左唻叫我返......
其實本來今晚要過 HO 開會，但係因為打風所以 Cancel 左！
卒之同檗去左飲野，勁正常 ～ 我地去左 My Coffee 呀！
終於都去左喇！太好喇實在......哈哈......飲到 Johnny 0的咖啡！
大家今晚都係主要傾計啦，講下呢樣講下0個樣......
今晚俾人 "CHOK" 到呀！本來唔諗住講既都講埋，不過算啦......
話就唔講唔講 ～ 不過到最後都係講左！不過 1 個知夠喇！

飲到 around 2100 就走喇！臨走 Johnny 又係叫我地快0的返屋企囉！
好乖架......我地之後就一齊去左撘地鐵返屋企喇！哈哈......
返到屋企依然留意住天文報告，返到屋企電視話 1 個鐘內 8 號呀！
其實呢......會唔會早左少少呀？到最後......真係掛左喎！噢......

>>July 25, 2003 at 2:33:19 PM GMT+8

2003 年 7 月 22 日 星期二 【晴】

好耐都冇試過好似今日咁眼訓，其實呢......
我都係 around 0200 訓嗟，冇乜可能去到咁既眼訓程度囉 -.-"
攪到今日全日都呆呆滯滯咁，唔知自己做緊乜囉......

今日下晝發生左笑話，話說 M 同事去左 A 同事個位聽電話：
M 同事問電話裡面位小姐貴姓，佢問：「小姐請問你貴姓呀？」
人地答左佢之後，M 同事再問：「唐小姐呀？係咪螳螂個 "螳" 呀？」
在場聽到既同事都係度勁笑囉.....會唔會係「螳螂個 "螳"」先 -.-"

今晚放工即閃，約左燕 & 愷盈過 HO 考 SFA，考前我地去左食野，
威威的 ～ 我地考 1900 但係 1850 仲0係 PP 個 Food Court 食野囉！勁！
趕到去時間0岩0岩好，其實都遲左少少架.......不過冇事，有得考！
呢個筆試呢，我卒之係咩都冇溫過咁走去考囉......唔好講笑，有0的擔心！
到 Practical 呢，我覺得自己衰左骨折包紮 & CPR 囉！唉......肥一 Part 先有補考，
如果兩 Part 肥晒，咁就要俾多 $110，再上過個 Refresher 囉一係......

考完試我同燕 & 愷盈又返番 PP 個 Food Court 度飲野，其實呢......
初初係諗過去仙跡岩 or Starbucks 架，但可惜兩處都 Closed 囉 -.-"
我地由 21XX 傾到 23XX，之後就各自返家喇！唔......好擔心添 *~*

>>July 23, 2003 at 3:40:26 AM GMT+8

2003 年 7 月 21 日 星期一 【晴】

經過尋日既折磨，今日超級勁 "支力" 囉......
卒之唔知醒起身囉，又飛的返公司......囉！唉......
今日既 AD 情況非常嚴重，成朝都冇出過聲......

夜晚過左 HO 開會，開到 22XX 先走......
拎住個電話由金鐘上車講到秀茂坪落車......
我覺得自己好犀利囉！唔駛錢咁......

今日一段令人好難受既對話 ～
檗：「你冇野丫嘛？」 馬：「有呀...」
檗：「邊方面呀？」 馬：「方方面都有喎...」

千 fa 既《稀客》&《咬唇》真係好正喲 ～ *o^

>>July 25, 2003 at 2:36:54 PM GMT+8

2003 年 7 月 20 日 星期日 【晴】

尋晚諗住做埋 JU 份野，點知做做下訓著左......
再落埋梳化訓，一醒已經差不多 0600 喇！
所以到最後我都係放棄左，去左訓覺啊......

訓到 062X 又起身，因為約左 Carrie & Dick 食早餐！
不過呢......我地約左 0730，但係 Carrie 0715 打俾我.....
話佢0岩0岩起身囉 -.-" 卒之呢，得我同 Dick 食囉！

今日個 Nursing Comp. 都算 OK！好耐都冇咁體力勞動過喇！
不過個感覺唔錯喎！但最後得到係超級勁 "支力" 囉......
個頭勁痛、全身酸晒囉......好好好......救命啊......
完左個 Comp 之後昆叔請飲茶啊！嘻嘻.......幾高興呀大家 *o^

今日晏晝去左睇《新紮２》呀！恨左好耐終於有得睇喇！
犀利既係......呢套係我近幾年第一套冇喊既戲囉！
其實唔係冇喊位架，只不過係因為我想喊既時候......
坐我隔離0個個人擰左過唻望住我囉......呵 -.-"

又有問題出現喇，點算好？好煩呀！
真係唔明，究竟係唔係我有問題呢......
近排煩事一籮籮，名副其實一波未平一波又起囉 -.-"
唯有繼續 "慢性自殺" 啦！(多謝妹妹提供呢個 TERM！)

放低１年≠放低１世 ～ 呢次真係鑊鑊喇 >.<

>>July 21, 2003 at 3:33:03 PM GMT+8

2003 年 7 月 19 日 星期六 【晴】

今日實際既生活，比起預計既好好多喎！勁充實 *o^
尋晚攪腦攪到 03XX 先訓，今朝早......仲犀利......
未夠 0700 已經起左身，個人起左鬧鐘都未響！勁！

本來放工諗住上 Head 做埋 FA & 聽日0的0野架......
跟住有隻魔鬼撩我去唱 K 囉！又俾佢成功喎......
所以最後我地唱左兩個鐘之後先一齊上 Head 囉！
好明顯除左頭半個鐘之外呢，我地就係係咁勁嗌歌囉 -.-"
攪到而家有少少喉嚨痛添......仲要係咁勁飲水呀......
不過唔緊要啦！雖然唱左唔係好耐，唱完個喉嚨又痛喎......
但係我地都覺得今日 OK 盡慶架，發洩左成個幾鐘喎！但唔夠喉囉！

上到去攪掂聽日0的野之後，我地再落左黃埔食飯呢！
我地一行 6 人去左元氣啊！好耐冇食喇，好正喲！

其實呢 ～ 每日一等都唔係辦法囉！

>>July 21, 2003 at 12:34:22 PM GMT+8