2003 年 2 月 21 日 星期五 【晴】

今日呢......玩左個卜算姓名既野......
裡面0的分析又真係幾準咁喎！哈~~~
但係個 Result 講0的野都唔係幾好囉......

佢講我既人格都大部分準架：
生性聰明，有才華、自負，有傲氣。
反應快，變動大，個性令人不易捉摸。
不重視物質的享受，是天生的勞碌命又理想主義者。

不過呢......唔通我真係天生勞碌命？係就慘喇......

另外呢......呢句都幾恐怖：
一生勞苦，百事無成，且有大災橫禍，恐一旦發作，即無可藏躲

仲要加多個 (凶) 0係最後喎......唉......唔係咁悲哀呀化？

仲有呀.......呢段都係準架：
幼年時期父母親管教嚴格，踏入社會後工作壓力大，
又經常遭逢不受重視，或不受關愛的上司、長上。
具有承受壓力的耐心和耐力，但面臨強大壓力時反彈較強烈。
故為人急躁，喜獲尊重，否則必反彈，惟對於父母、長輩則能容忍。

哈哈......哈哈.......睇完之後真係有點兒擔心......
不過講真呢0的野.......睇完好既咪記，唔好既咪小心0的囉！
我諗唔係咁嚴重卦？我諗......我諗囉！

仲有呀！我既好好好 Jess 又再次走左喇！
好唔高興啊.......唉......話咁快就兩個禮拜喇！
今次佢返左唻兩個禮拜，我都冇同佢出過去添！
真係慘慘......成年半冇見，下次又唔知要等到幾時喇！

今晚呢......同 Inty 去左睇 "Chicago" 呀！
好正好正！雖然冇紅磨坊咁正......但係都好好睇呀！
睇完之後我地仲出左海旁傾計添！好耐都冇試過喇......
感覺好好！但係衰在太 "支力" 啦，如果唔係就可以傾耐0的喇......

>>February 23, 2003 at 10:00:17 PM GMT+8

2003 年 2 月 18 日 星期二 【晴】

睇左ｅａｓｏｎ演唱會 ～１般ｏｋ啦！
頭段唔係好得，但係尾段好喎！氣氛唔錯！
好多正歌......尤其係ｄ舊歌，好好聽呢！
* 大開眼戒 * 活著很好 * 他一個人 * 等等等等......

雖然個個都話好彩我冇出到ｆｉｅｌｄ～
但相反我覺得係一個遺憾囉！唉......好唔高興！
個個同我講既時候，都附帶左一0的佢地既難忘經歷囉！
不過唔去都好既......起碼唔駛組員們擔心我丫 v_v

>>February 23, 2003 at 2:18:09 AM GMT+8

2003 年 2 月 16 日 星期日 【晴】

全日訓，訓到個人渾渾噩噩咁......都唔知自己做緊乜！
唉........如果可以快0的好番就好喇！咁就可以玩好多野......
對於冇得出 Field 呢個遺憾......依然好唔高興呀！乜都冇喇......v_v

>>February 17, 2003 at 8:24:47 PM GMT+8

2003 年 2 月 15 日 星期六 【晴】

由尋晚開始已經唔係好妥，仲諗住早0的訓......
點知到最後自己訓左都唔知！唉......成床都係野之餘......
訓得極唔好！今朝卒之爭扎左好耐，都係頂唔順......冇返到工！

唉......慘慘的......點解只係一晚可以變得咁快架？
勁辛苦呀下......今朝一路訓下醒下，攪到 12 點幾先真係起身！
之後再爭扎多陣......決定左唔去 Field Training 既 Assessment！
唯有拜託 Ivy 同學幫我拎 D 野俾我0的 Teammate 啦......

悲哀的 ～ 出左三次 Field 竟然去唔到最後既 Assessment.......
真係 "side" 錢囉！冇左 $100 Course Fee，又冇左 $190 醫藥費！
最慘就係上晒之前0的堂......捱左兩個月......而家乜都冇......好慘呀！

食完藥個人發晒呆咁......超眼訓！但係又唔係訓得舒服訓得好喎！

>>February 16, 2003 at 1:04:58 PM GMT+8

2003 年 2 月 13 日 星期四 【晴】

今日呢......放工同 Sandy 出左旺角......
因為又去搵 Annual Dinner 個表演既道具。
今次終於都有收穫喇！哈哈......好彩嗟！

搵完買完晒0的野，我地決定去唱 K......
不過慘慘呢 ~ 因為度度都冇兩位囉！
我地由太子行到油麻地再行番旺角囉......
搵左成半打間先搵到間有位咋！仲冇限時間添 *o^
我地諗住揀歌歌 Annual Dinner 玩 Karaoke 比賽呢！

我地唱左兩個幾鐘先走......之後就返屋企喇！
不過呢......好 "支力" "支力" 呀！唉......

>>February 23, 2003 at 9:31:08 PM GMT+8

2003 年 2 月 11 日 星期二 【晴】

今朝 0800 驚醒，用左 10 分鐘就攪掂晒所有野出門口！
好好好勁喲！不過上車冇得坐，勁辛苦！到有位坐低既時候......
一合埋眼就即訓喇！超快呢！嘻嘻........*.^

今朝又係好忙，但係終於都抽到時間傾下 Annual Dinner......
個 Performance 囉！傾傾下大家都覺得我地要去 K 睇下囉！
所以之後就拎左老細既 permission 用 Lunch 既時間去......
點知老細俾我地 1230 去到 1430 添呀！幾高興呀！
仲係出公司數添！玩到 high 左囉！但係排得都幾咩架下......
大家當然冇放過呢個機會，中段都點0的自己歌......
阿寶寶同事唱呢個 "黑色幽默" 真係勁勁勁正 & 似喲！嘻~~~
我同 Sandy 仲合唱左 "你最紅" 添！如果搵到 Karaoke Version 就好喇！

晏晝返去繼續努力，不停咁做野 & 聽電話......
我個電話好明顯 short short 地......如果可以換左佢就好喇！
下午茶 Gary 請食餅呢！因為佢星期五放假......高興高興呀 *o^

話咁快就 1800 放工，我同 Sandy 去左玩具反斗城搵野......
點知我地搵唻做 performance 既道具一樣都搵唔到囉！
會唔會先？但係呢......反而我買左隻跳跳虎俾 Inty 囉......呵！
乜都冇買到我就返番公司喇！唔......究竟邊處會有呢？

返番公司，本來諗住開始做我0個堆未做既野.......
當我整整下既時候老細好高興咁發現左我未走.......
於是叫我幫佢手整埋佢聽日出 trip 既文件，整下整下......
整完已經係 2000 既時候喇！諗下諗下，我冇做過本案諗住做既野囉！
經我諗左一輪......就算留低，其實都係做唔晒架喇0的野......
所以到最後我決定離開公司返屋企......由於聽朝要 0730 去到沙崙......
點都要早少少返屋企訓既！不過係咪真係會咁早訓，我諗係另一回事囉！
咁唯有星期四晚 OT 埋佢啦！聽晚同星期五都唔得......仲有星期四！要努力！

撘車同 Patsy 傾電話，傾傾下傾到電話冇電......嘻嘻~
本來仲諗住打番屋企睇下家姐食野未，但係冇電嘛......
所以冇打到，自己上左中秀某間茶餐廳食粉......
食完就返屋企喇！都係接近 2200，好似好早咁.......

好擔心聽朝唔知醒起身呀......哎呀！一定要知醒！

今日有個朋友問我，點解咁忙都唔搵番一兩日抖下......
我只係答左句：「人係犯賤既~」唔......我諗係我既問題嗟！
唔知由幾時開始有舖自虐癮，愛上將自己既 schedule 排得密麻麻！
攪到一0的休息既時間都冇，將自己攪到越唻越殘......好得意咩？哼......
記得早排有個同我差唔多既朋友同我講......佢開始學會愛錫自己！
聽完之後好戥佢高興喎！但我自己呢？老實講...我仲未有咁既念頭喎！
過左十月個大病之後確係冇咁捱得，但反而我更要同自己鬥囉.......
可能呢個有0的似我既處事方法咁：做任何事都只會諗人而唔諗自己......

>>February 13, 2003 at 2:40:38 PM GMT+8

2003 年 2 月 10 日 星期一 【晴】

媽媽去左街街，我今朝又要靠自己起身喇.......
經過多次既經驗 & 考驗，當然今日我係失敗左架！
到最後用左最快捷既方法.......未夠 9 點就返到公司喇！

自上面 Offices 返工之後，我勁勁勁多野做呀！
唉......睇唻呢個星期真係有排忙......慘慘囉~~~
今日食左兩粒糖，但好不幸既係......
我兩次都唔覺意咁咳左粒糖落肚囉！差勁喲.......
0的咳好似又勁番咁......唉......真係唔好喇卦......

晏晝同班同事本來諗住落元綠食壽司......
但係由於冇位既關係，去左 City Super Food Court 架！
哥哥食左個咩鐵皮燒吞拿魚既定食，好攪笑架......
佢地吞拿魚係出面燒左但裡面生架！我試左一舊......
雖然冇乜味道，但係個感覺好得意架 *o^
(唔知點解大家都好奇我地用 "得意" 呢個詞去形容舊魚魚囉！)
食完飯飯我地仲去埋隔離個 Store 行，Dor Dor & Bo Bo 係咁買野食囉！

放工之後要返學，但係我都成 1835 先走......
遲左少少咁......但係原來老師仲遲囉 -.-" 呵呵！
唻緊星期六日出最後一次 Field 喇！好緊張呢......
今次差0的要上個 400 幾既蚺蛇尖，不過好彩.......
問問下都係唔駛上，但係都要0係落下行下咁囉......
今次除左係最後一次，仲係考試添呀！要溫下書喇......
要考下帶路呀、呢樣0個樣，當然唔少得考繩啦！呵~~~~~~
呢個星期尾真係要好好惡補惡補呀！仲要勁訓.......訓夠佢！

上完堂傾完野我地差唔多成班人落左愛民大排檔食飯......
去左食粥粥！好好味！食左好好好多野，個個都係 $15 咋！勁抵呀！

今日呢......榮譽會員發左個電郵俾我......
係關於星座架！講0的乜乜星座既人最點點點！
但真唔真就要見人見智喇......尤其巨蟹座0個0的呢......

***最漠視倫理道德的 ***用錢概念最奢侈的
***最沒有理財概念的 ***做事最虎頭蛇尾的

都是獅子座女生的特點嗎？我想不是吧！
但別忘了 ～ 最大方的也是獅子座女生啊！

>>February 12, 2003 at 12:37:23 AM GMT+8

2003 年 2 月 9 日 星期日 【晴】

今朝又早早起身，上 Head 教書！
慘慘的我好似又開始咳.......把聲勁唔掂！
一路教書不停咁飲水囉！但好彩今日佢地 practice 多囉！

本來諗住 1330 放學，點知都攪到 1405 先放！
一放學就去買飯飯食喇.......極餓呢！
最初打算食完野留0係 Head 做埋0的堆左好耐既 T3s！
但係到最後都係 "支力" 0個頭 (其實係懶)，冇做到走左！
離開 Head 過左 CBC 拎番部相機，如果唔係出 Field 冇得用！
離開 CBC......行一行條怡和街，首先撞到個中學同學......
再撞到 Sandy 同事！好好好勁......半條街撞到兩個人！勁！

撞完人過番 Sogo，逛左個 round 再去以前松板屋行多行......
就去左撘車返屋企喇！實在好好好 "支力"...... 想休息一下！

好耐冇試過晏晝就返到屋企，一返到去本來諗住訓......
點知對住部電腦，想整番好個 Homepage，一路整一路 ICQ......
但係整整下都係唔得！睇唻部腦真係中毒太深喇！唉......
之後走左去訓，訓左個幾鐘.....起身睇蝦丸大結局！勁拖架下......
睇完又繼續 ICQ 下、check 下 email......咁就過左一晚！

聽日又要返工喇！要早0的去洗白白訓覺覺呢！
近排個背脊好痛......唔知點解呢？唔通訓覺姿勢有問題？

>>February 12, 2003 at 12:49:02 AM GMT+8

2003 年 2 月 8 日 星期六 【晴】

今朝旱有地一早起身洗頭......勁！
不過反而比起尋日 & 前日遲左出門口喎......
可能因為要執樣既關係啦......哈哈哈哈 *o^

今日都算係成個禮拜返工最精神既一日喇！
因為0的藥終於都食晒喇！Yeah ~~~~~~
尋日趕完0的 Schedule，但係今日都要趕埋其他野......
所以呢~其實忙忙程度都幾高架！不過我諗下星期會好0的嗟！

一放工就同寶寶同事一齊撘車，佢去興趣、我去教書！
今次第一次教 YFAP，好似好教過 YFA 咁......
可能係0的0野佢地之前都學過，所以冇教初學咁辛苦啦！
黑人憎的有兩位同事0係我上堂之前唻搗亂 / 玩野......
0係阻止佢地既時候，我一拉起塊幕0個陣........
點知連個筒筒都 "mung" 起埋，卒之成筒野跌左落唻！
仲要 "擊中" 左我隻手囉......痛到丫......未上堂先骨折？唔好喇卦......
但係真係超級勁勁勁痛啊！摸舊骨好似凹左咁......"我諗" 冇事卦！
上左 3 個半鐘堂，對住 HQ 有味味既環境......捱到咁耐都幾勁！
所以呢......我都好好咁早左少少放學！大家高興嘛！
加上係因為我個喉嚨勁乾，仲開始痛添......

上完堂、離開 HQ，落左去撘 2C......等左差不多半個鐘車囉！
好彩有個電話嗟！如果唔係一定等唔到咁耐啦......
去到又一城本來要去 OPA 拎張 VIP Card，點知呢......
我張 Card 唔知係唔見左定俾人拎左囉！點做野架？激死！
之後0係又一城行左陣......但係冇收穫呢......
行完就返左九龍灣，買野食，返屋企喇！

返屋企0係度睇《流星花園 II 》囉！好耐冇睇......
初初仲話集集追，點知到最後加加埋埋睇左一個星期都冇！
仲以為今晚係大結局，原來係聽晚囉......呵......聽晚等我睇埋先！

頭先執 My Favourite 既時候搵到呢個 site，好得意架......
http://www.hcn.zaq.ne.jp/ryo01/hanabi/jhanabi.htm
係一個日本既 website，只要 1 click 個黑色 background，
就會有煙花架喇！雖然冇真既咁靚......但係起碼都可以令人滿足一下丫！

>>February 9, 2003 at 7:38:51 PM GMT+8

2003 年 2 月 6 日 星期四 【晴】

呢個星期食藥食到個人呆左......好慘~~~
一食完藥呢.....過多陣......就勁眼訓.....
真係好辛苦！點解阿醫生開0的咁既藥俾我架？

呆下呆下.......攪到連聽日開 BP 都唔記得喎！
卒之今日趕工期間要走落去訂蛋糕囉......哎呀！
食藥食到變左大頭蝦添......嘻嘻 *.*

放工同榮譽會員去左睇《百年好合》呀！
0係 Golden Gateway 睇 1815......原來都好趕架下......不過算啦！
我地一路睇一路食一路飲一路笑 ～ 套戲都算 OK 既！又喊囉唉！
不過由於飲得太快 & 多，睇睇下要去 Let 囉！Miss 左0的添！

睇完戲我地去左睇 Mobile 0的袋，但係睇唔0岩呢......
睇完袋就返各自返屋企喇！我撘左成粒鐘車，又係訓囉！
返到屋企食左0的糕糕，然後就洗白食藥訓喇！
今年過年呢......都算食得最少糕既一年囉！

>>February 8, 2003 at 10:38:54 PM GMT+8