2003 年 5 月 5 日 星期一 【陰】

尋晚 9 點就訓左喇！一整日都係用左 5 個鐘......
最犀利係一撻落床就訓左嘛！勁呀！不過呢......
今日返到公司都呆下呆下咁，可能訓得太多喇實在！

今日我阿孫返左唻呀！哈哈 ～ 高興的 *o^ 又繼續嘻哈！
我地晏晝去左富臨飲茶，食左勁多野呀......肥死啦！
又叫左楊枝金露，不過奶0個頭 & 0的柚同芒果都好酸囉！

本來今晚仲諗住去做運動，點知落雨乜 Mood 都冇啦......
卒之變左0係公司 OT 囉！O 到 8 點半度先走......
之後去左 City Super 買麻糬波波，再去撘車車......
中途仲買左枝柑桔檸檬添！呢個就係我今晚既 Din 喇！

>>May 14, 2003 at 11:03:17 AM GMT+8

2003 年 5 月 4 日 星期日 【陰】

又係一日休息日！訓到成 4 點起身！

好憎自己 ～ 點解咁耐都仲係咁？
點解我會咁易受人影響架？唉......

>>May 4, 2003 at 5:51:31 PM GMT+8

2003 年 5 月 3 日 星期六 【雨】

尋晚沖完涼等電腦用既時候等等下訓著左......
後尾家姐叫番我入房訓，但係張床乜都未執囉......
卒之就係呢度一個袋0個度一件衫咁訓左成晚囉！勁！
仲要唔較鬧鐘囉！好彩今朝都起到身！嘻嘻~

尋日大家都唔記得約食早餐，所以今日就自己攪掂喇......
滿足的我買左腸粉 & 燒賣食，返到公司仲有 Apple Juice 添！
今日全日都好 "支力" 咁，周圍都鬼死咁痛......v_v

今日放工 OT 左陣，之後約左 Veron 食飯！好耐冇見佢喇！
我地去左 Anytime 食，一坐就坐左成 3 個鐘咁滯，犀利！
傾左好多野呢！中途 Eva 唻左搵我地，之後就一齊去 shopping 喇！
好高興 ～ 我今日終於都買左背囊 & 銀包喇！哈哈.....講 & 爛左好耐......
兩樣都係0係 Laosmiddle 買架！不過加埋買左差不多 $600 呀！
之後仲要0係利時買左條想買好耐既紫晶......荷包乾涸喇.....哎呀！

行到咁上下，我就走左喇！約左 Wendy 0係旺角！
其實本來今晚係 The Rock 既飯局，但係呢個唔得0個個又唔得，
仲有呢個唔覆0個個又唔覆既情況下，得番我地同 Ivy 囉 -.-"
首先我同 Wendy 去左銀城，之後 Ivy 打唻，原來佢食左野.....
咁我地就去左西門町食野喇！但係佢唻到我地都已經飲埋野喇......
最後食完野我同 Wendy 就返屋企喇！Ivy 仲去 City 溫書囉！勁！

" DOWN MOOD → 正經左？" 哥哥你果然係得喎 *o^

>>May 4, 2003 at 4:42:50 PM GMT+8

2003 年 5 月 2 日 星期五 【晴】

一日既假期話咁快就過左喇！今日又要返工喇......
晏晝約左 Inty 食 Lunch，寶寶 & Dor Dor 都一齊去呢！
我地又去左 Ned Kelly 食！哈哈.....又係三文治！

Lunch 之後我同 Dor Dor 又去左辦貨，因為今日生日會嘛！
呢個月我地決定唔買咁多野喇！佢地次次都食淨晒既......
晏晝唔知發生咩事，返番公司之後勁 down，究竟做乜呢？
4 點幾 Dor Dor 擰過唻同我講：「妳成日晏晝都冇出過聲喎......」
呵......我都唔知咩事！就係咁，黑口黑面左成個下晝 + 黃昏！
連生日會我都冇預備、冇開，只係幫手執左0的野囉！

攪掂晒0的野我就走左喇！本來仲諗住今晚 OT，咁既心情點 O 丫！
之後又約左 Inty，我地去左諾士彿臺食飯，0個間野叫 Merhaba，
好靚架0的佈置，超級勁正！可惜我冇帶部 DC 啦！下次要去過影相呀！
我地兩個又好 "高髻" 咁開左支紅酒飲，仲食左雞翼 & 牛肉！
埋單都係 $407，開左支酒算係咁啦！因為我地唔係叫 Main Dishes 嘛！
滿足的食完都係 9 點幾，之後我就返屋企喇！好早返到去呢.......

>>May 4, 2003 at 5:39:18 PM GMT+8

2003 年 5 月 1 日 星期四 【晴】

期待已久既公眾假期呀！哈哈 *o^ 終於都唻喇！
由於尋晚大家都 "唔嗲唔釣" 咁！所以我都冇較到鬧鐘，
好彩 Michelle 打俾我咋，如果唔係一定起唔到身啦 -.-"

起身執好晒野就出去喇！首先出左銅鑼灣 join Michelle，
然後我地就撘 65 入赤柱，好耐冇去過喇！都係差不多！
入到去第一件事搵野食，之後再去行大街，高興的......
大家都有收穫呢嘻嘻！滿足滿足！行到咁上下 Inty 打唻......
本來諗住撘車出番去架喇！點知等等下車見到張懲教既 Poster，
係 sell 「香港懲教博物館」架！於是我地就行左過去喇！
由街頭行到街尾，點知得唻既結果係：星期一及公眾假期休息！
椗椗 ～ 唔係咁好彩呀化 ？不過我地都0係人地個門口影左幾張相！

影完相再撘番 Van 出銅鑼灣搵 Inty，本來我同 Michelle 都話訓訓抖下，
點知兩個係咁講講到出去囉！出到去又 Inty 又0岩0岩好出到唻！Perfect！
我地 join 埋之後去左維園炮台傾計呢！又係好耐冇去喇！依舊 ～
大家都係鍾意坐番0個帶既位架！不過今日好多蚊蚊囉......-.-"
我地傾傾下 Hollie 都出左唻呢！我地好耐都冇咁聚過喇！

坐夠本之後我地去左行 Style House，我0係 izzue 睇中左個袋，
不過當然......有人阻止我買啦！今次比賽由天使勝出呀 *o^
夜晚我地去左休閒 Cafe 食飯，仲有玩飛行棋啦！勁正啊！
行去既途中我0係名店城見到架 Colt + Heroic Rendezvous 車車！
勁勁勁靚呀！食完飯我地仲過埋 Time Square 間 Shooters 52 飲野！
我地落完 order 佢唻野既時候，我地先知原來 Happy Hour 買一送一！
好一個 Bonus 呀！幾個人坐0係度係咁講係咁講，呢個 feel 真係唔錯呀！
我地傾到 2200 就走人喇！大家聽日都要返工嘛！唉......-.-"

今日來回赤柱經過海洋公園行政大樓，就諗起 Year 1 0個年......
個 School Picnic，真係諗番起都好好笑，咁就年幾喇！好快啊 *.*

>>May 4, 2003 at 5:56:15 PM GMT+8

2003 年 4 月 30 日 星期三 【晴】

今晚又要過 HO 開會，所以一放工好勇咁閃左！
過到 PP 俾 Carrie 嗌左去行 Watsons，勁多平野......
好明顯我地係咁勁買啦！我地買左個勁平既風筒......
由原價 $169.9 減到 $29.7 囉！仲有個 $11.9 既磅添呀！

呢兩晚開會大家都好好笑，今晚仲去左玩添 *O*
我地玩黑夜搜索既 GAME，好明確.....我真係摸得好慢囉！
今日金句：「來也忽忽，去也沖沖」

TWINS 呢隻《那天很愛笑》既歌詞 ～ 好正！

身體差了　眉頭緊了　就似相機不懂對焦
是否我太倦了　體魄弱了　吹吹風也易發燒
身體差了　頭暈心跳　遇到知己也漸少

>>May 3, 2003 at 10:42:04 AM GMT+8

2003 年 4 月 29 日 星期二 【晴】

今晚放工準時閃左，因為要過 HO 開會！
乖乖的我 1900 準時到達，點知個個都遲到囉！
唉......呢個就係紅會人開會既習慣喇......-.-"

卒之等到成 1930 先開始開會，好彩 May 買多左兩個餐唻嗟！
如果唔係呀......一定餓死左喇 *~* 雖然今晚開會得 6 個人，
但係呢......勁好玩、勁攪笑囉！百厭的，我地幾個 "小朋友"......
激死左司徒囉好明顯！今晚真係超級勁多攪笑野呀 *o^
首先有 "郁緊" 事件，繼而仲有 "阿爸搵女"、"春田花花底" & "唔好唻" 事件！

>>May 4, 2003 at 2:37:12 AM GMT+8

2003 年 4 月 28 日 星期一 【晴】

唔知係咪因為尋日訓得多0個頭，尋晚 10 點幾落床.....
碌到成 12 點幾 1 點先訓得著！唉........*~*

今日返到公司，呆樣一個，返到去成舊飯咁.....
呆足一日！晏晝食食下飯 Din 打唻話今晚個會 cancel！
之後醒左一醒，即刻去 plan 下有咩節目！哈哈.....

話 plan 其實冇 plan 囉！因為勁做野......v.v
點知 5 點幾有個斯斯文文既女仔打唻，問我今晚得唔得閒！
嚇死 ～ 原來係 Michelle 姐囉！玩野呀下......~*
本來約左佢同 Inty 放工去飲野，點知好唔好彩.....
我 1758 既時候聽左電話，咁就變左去唔到飲野要 OT 喇！

OT 既第一件事撩左哥哥陪我過新世界，去間 BB 舖頭買野！
裡面0的野超得意呀！好可愛架 *o^ 我地仲同個 Super 好好傾添！
買完野都成 7 點幾，返到去都差不多 8 點喇！哥哥實好感激我啦！
做埋0的野，我 around 0835 同哥哥一走，之後我就去左 Mes Amis join 佢地喇！

好耐冇見過佢地喇！哈哈 ～ 雖然今晚只係坐左個半鐘左右......
但係大家都不停咁勁笑囉！好耐冇試過笑得咁開懷喇！個感覺唔錯 *.*
今晚試左 Virgin Colada 呀！嘻嘻......我地坐到成 10 點幾先走呢！

一個感人故事 * 用左兩個鐘頭先睇晒，忍住喊好辛苦！
兩件驚訝事件 * 用左個半鐘左右聆聽，真係不枉此行！

>>April 30, 2003 at 5:09:56 PM GMT+8

2003 年 4 月 27 日 星期日 【晴】

今日凌晨 2 點幾 3 點先訓，一訓就訓到晏晝 5 點喇！
好犀利 ～ 訓左成 14 15 個鐘！好耐冇試過喇......
雖然中間醒過幾次聽電話，但係都好滿足呢 *o^

起身之後全晚都對住部腦，食完飯洗完碗又繼續......
不過今晚要早0的訓喇！可能因為訓得太多所以好 "支力"！
另外呢......聽朝早仲要起身做運動呀！

+ 兩日前聽左一個電話 + 訓醒仍記得既一個夢 +
究竟有咩關係呢？個夢有點兒令人難受......
夢見打電話唻既人之外，仲夢見個好耐冇見既朋友！

>>April 27, 2003 at 9:53:51 PM GMT+8

2003 年 4 月 26 日 星期六 【晴】

今日係 Idy 結婚既大日子啊！今朝早 6 點就起左身喇！
起身刷牙洗面、沖涼洗頭後就換衫喇！之後呢......
Idy 二家姐買左 McDonald 早餐俾我地食呢！嘻嘻～
食完野其他姊妹都陸續咁到酒店喇！Total 有 9 個呀！

到齊後，我地就開始 prepare 定接新娘既遊戲喇！
包括有帶口罩啦、搵糖啦、食 Wasabi + 芝麻糊 + 蕉蕉飽、
做掌上壓食蕃茄等等......當然唔少得最 common 0既愛的宣言啦！
不過班兄弟唔係好夠落力囉！當然到最後都成功接到新娘啦 *o^

一對新人斟完茶之後，我地就同佢地返男家喇！
攪掂晒0的野再落左樓下酒樓食野，不過由於我地約左其他同事......
所以我地坐左陣就走左喇！出番尖咀既海洋皇宮飲茶.....
有黎主任、Diana、Tracy、小丙、燕、Louisa & 我地三個姊妹！
飲完茶再去碼頭 join 埋伍區長，就一齊撘船過大會堂觀禮喇！
好明顯 ～ 我地呢群人由朝都晚都係最嘈既一群囉！去到邊都係咁~*

觀完禮，大家不停咁勁影相啊！影完相之後就跟大會車返酒店.....
返到去我地成班姊妹同 Idy 0係房裡面食野 & 傾計，好高興呢！
再幫佢執埋0的靚靚衫 & 鞋，就拎落宴會廳，準備夜晚既飲宴喇！
不過落到去都冇乜野幫手，所以我地就去番西九班同事度玩......
之後仲開埋四方城 & 大 D 城啊！佢地玩得好高興！我就間中攝下位.....
慘慘的我有俾人勁串我當年既 "天 D 事件" 喇！真係好難受！

今晚見到 Thomas 呢！佢一見到我就同我講：「嘩，你肥左成個碼喎...」
死喇！以 Thomas 一個咁中肯既人都咁同我講，証明我真係肥左好多啦......
我真係要決心努力減肥喇！唉......一定要減肥呀！一定要堅持！

飲宴完左之後，我地返左上 Idy 房換衫 & 執埋0的野......
等佢地返埋唻之後我地就走喇！本來諗緊會唔會有下場.....
不過後尾都冇呀！因為我個肚實在唔係好掂！仲開始漫延去胃......
所以我決定返屋企！返到屋企洗完面做多個 Mask、再沖涼洗頭，
然後上網 check e-mail，已經頂唔順喇！唉......睇唻要快0的去訓！

Um ~ 今日 Idy 真係好好好靚呢！今次係第二次做姊妹喇！
第一次係上次表姨結婚，不過其實上次都唔係咁算......
因為只係接新娘既時候負責喧嘩一下，今次呢......
真係由尋晚到今晚都有幫手，雖然幾 "支力"，但係好滿足呢！

>>April 27, 2003 at 8:59:45 PM GMT+8