2003 年 3 月 15 日 星期六 【晴】

尋晚卒之 11 點幾訓左，都算係咁啦......
但係今朝都遲左起身呀！好彩約左同事食早餐冇遲嗟......
約左 0830 我都係 0835 到囉！嘻嘻......

今朝冇上個星期咁陣容頂盛呀！今次呢.....
有 Sandy, Cherry, Patsy, Bobo, 阿趙同我咋！
不過都唔錯丫！一班人食早餐幾開心丫......
係返公司既時候趕左少少嗟！好彩冇旨意 Dor 嗟！

今日既 Office Hours 好似好難過咁......
幾經辛苦先等到 1300！不過放工都要做埋0的野先走得！
卒之我換埋衫要成 1330 先走，等我仲約左姨姨 1345......
後尾遲左少少架都.......不過都準時去到塘尾道官小！

晏晝去塘尾道官小睇 JU46 Inaugration 呀！
0的小朋友真係好鬼死得意 & 可愛架！不過呢......
大家都話我上次班 40 得意 & 可愛0的喎......
嘻嘻.......7 月我又有團出世喇！哈哈哈哈 *o^

臨離開人地學校既時候我地0係度幫人 "清場" 囉！
"清場" 既意思係幫手食埋人地淨左0的野！Um......
好明顯佢地預多左，所以都淨番幾多下架下.......

清完場，我同姨姨、愷盈、伍區長 & Dick 去左新世紀飲野！
講講下去左 Double Star Cafe，但係0個度......超唔掂呀下！
傾傾下仲見到珮雯添！於是大家就0係度傾左一個鐘度......
因為要還番張檯俾人囉！哈......勁！

飲完野本來要入粉嶺，但係後尾 cancelled 左囉！
所以同愷盈 & 姨姨走左去行旺中，勁耐冇行過.......
行到咁上下 Ivy 出左唻，於是我就走先喇.......
同佢 & 小梅就去左創興 Green Box 唱 K 呢！嘻嘻......
好滿足！好明顯有某0的歌係特別點唱啦！
好好玩啊.......不過 Ivy 同學好慘呀！因為佢又唔記得帶包包！

我地由 1811 唱到 2130 左右，再 join 埋其他 The Rock 既朋友仔.......
約左去飲野呢！我地好耐冇試過咁齊人喇！好高興喲 *o^
不過都仲爭細佬 Ken 啦！唔緊要.......等佢返唻我地一定會再出過！
我地講左勁耐，卒之去左 KK，玩個 Heineken 層層疊 & 大話骰！
玩玩下俾人話我呃酒飲囉！唉......會唔會先？我都唔係0的咁既人.......
最後我地 0040 左右就走左喇！因為大家聽日都要 0900 囉！So.......

Um.......好想睇《下一站天后》呀！本來今晚撩得成去睇，點知.......
都係唔好提喇唉.......好想睇好想睇好想睇好想睇好想睇好想睇呀！

>>March 16, 2003 at 2:47:30 AM GMT+8

2003 年 3 月 14 日 星期五 【晴】

本來尋日放工同班同事去飲涼茶，但係冇去到......
因為有幾個未走得！所以呢......我地就改左今日去！
但係後尾冇去到涼茶舖，變左去大良八記呀.......

放工吽左陣，就成班人落左去食糖水......
阿趙請客呢！好正啊......有湯丸食呢！美味！
食完糖水傾完計我地就走喇！

之後我去左搵姨姨，0係海港城 Shop 左陣！
收鑊都唔錯呀！買左件衫，仲買左兩個盒盒俾 Dor & Gary！
係貓貓同狗狗，好得意架！好靚好靚 *o^
行到 8 點左右我就走喇！因為姨姨約左人......
今日又係超級勁 "支力"！今晚誓要早0的訓呀.......

>>March 16, 2003 at 2:28:57 AM GMT+8

2003 年 3 月 13 日 星期四 【晴】

今日過得都係咁啦......本來諗住放工上 Head 做野，
但係後尾同陳才哥哥會左個面，俾左隻生日 bear 佢，
再落左公司樓下機舖，食埋三寶買埋野飲， "hea" 多陣先走......

同才哥 "hea" 完上到 Head 都已經成 7 點幾 8 點喇！
睇見0個一大疊 T3s 就唔想做！最衰係已經過左 deadline，
唔做都唔得，想俾人鬧咩？都唔知仲 claim 唔 claim 到架......
希望冇事啦！今晚比起尋日早左....... 10 點幾就走左喇！

走既時候同姨姨落左下面 7 仔食燒賣魚旦，勁正！

好 "支力" 呀！唔知係咪上個星期慣左早訓......
呢個星期一下子晚晚都變番夜訓，真係有點兒辛苦呢 >.<

>>March 16, 2003 at 2:21:42 AM GMT+8

2003 年 3 月 12 日 星期三 【晴】

呢個星期唔算好忙....所以日日都可以準時走呢！
今日放工上左 Head 開會，由 1930 開到差不多 2300！
勁喲！好耐冇上 Head，一上就 stay 咁耐喎！好勁勁......

今晚開會，笑到傻晒囉我同少雯 & Michelle......
仲嚇親其他0係度既同事囉.......嘻嘻......^-^
我地既 planning 真係好好好好呀！但係做唔做到呢？
我諗得既！因為要對自己有信心嘛 *.*

Um......究竟自己揀0既好？定人地揀0既好？

>>March 14, 2003 at 4:19:18 PM GMT+8

2003 年 3 月 11 日 星期二 【晴】

呵呵......期待己久既今日終於都到喇！
因為今日放工約左班同事去唱 K 呢！呵呵 *o^
不過好不幸既係......佢地突然要開 Emergency Mtg 囉！

卒之我等埋佢地先走，去到 "紅盒" 都差不多 8 點喇！
好高興的......我地唱到 11 點幾先走架係！好興奮喲 *o^
唱左 3 次《我的驕傲》呢！超滿足！寶寶唱歌真係好正呢......

返到屋企真係好 "支力" 喇！好耐都冇試過玩到咁夜呢......

>>March 14, 2003 at 3:40:37 PM GMT+8

2003 年 3 月 10 日 星期一 【晴】

一個星期新開始，但係今日公司好多人都病病呢......
哥哥係其中一個呀！第一次做完兄弟就攪成咁......
真係慘慘囉！連虎都病到出唔到聲，真係好慘呀佢地.......

Um......0係咁多病倒既時候，我都要小心0的囉！
不過近排都有幾聲咳咳喎.......點算點算？

今日放工終於可以即閃喇！成個星期冇試過......
之後同 Dor Dor 去左行街街，由公司行到新世界！
好犀利！Yeah *o^ 佢就好好收穫喇！但我呢......
乜都冇買啊！一唻睇唔0岩，二唻尋日買左......
今日唔係幾好意思仲買啦......仲要係冇錢錢喎！唉！

我地卒之行到 7 點幾 8 點就返屋企喇！
撘左成程車......講足成程電話......囉！

>>March 13, 2003 at 1:41:46 AM GMT+8

2003 年 3 月 9 日 星期日 【晴】

難得今日推晒0的野，諗住去做一件好重要既事！
點知......尋日先知俾人"冼" 左一鑊！吹脹囉真係......
當然我唔會就咁 "side" 左一日啦！所以訓到 12 點幾先起身！

尋晚仲諗住起身之後上 Head 做埋0的手尾......
但係因為實太 "支力" 喇！所以都冇上到......
結果都坐左0係一個會令人跳樓既地方成兩粒鐘！
不過好彩後半個鐘都係 prep 定出街既事項嗟！
如果唔係真係走左出窗口跳落街囉......陰公！

3 點左右走左落德福 shopping，好耐真真正正咁行過街喇！
今日呢......買左兩件衫一條裙呢！好靚！原來都真係要黑色先得！
本來夜晚約左 Dor Dor & Bobo 去睇 Final Destination 2，但不幸的......
Bobo 唔舒服囉！所以到最後我地既約會就告吹左喇！

晚餐去左好好食米線！好美味呢......清清地......唔錯唔錯！
再買野返去既時候，0係 Mc 換左隻 The Dog 呀！
係隻蝴蝶犬，好好好得意架！好想換埋個散紙包呢......

Um........豐收過後，真係好 "支力"！聽日又要返工喇......

細個0個陣好鐘意喊，到而家大個左......
仲以為自己已經變好左，點知原來並唔係......

>>March 13, 2003 at 1:29:40 AM GMT+8

2003 年 3 月 8 日 星期六 【晴】

今朝成 3 點幾 4 點先訓，但係 7 點就起左身喇！
成個星期都早早訓，突然一晚咁晏晝仲要訓得咁少......
好好好辛苦呢！今朝爭扎勁耐先捨得起身囉.......

今日又約左同事們食早餐呢！好彩的我......
Gary 哥哥今朝唻左車我呢！Hehe......好高興 *o^
所以就唔駛趕喇！我地仲去左遊車河添呀！幾勁呀......

今次食早餐，我地有好多人呀！叻叻 (o'.'o)
有成 8 個人呀！好犀利！勁勁勁喲！係上次既 4 倍囉.......
不過坐坐下先醒起原來 hold Key 人都坐晒0係度囉！
卒之後尾我同 Winson 就返去先喇！因為要開門囉！

放工之後就上 Head 教書喇！今日又教 FP......
快快的考埋試添喇！嘻嘻......^o^......喲！
不過上完堂之後留0係 Head 做埋0的野先走......
但到最後都做唔晒呢......都已經做到 8 點喇！
頂唔順......所以走左！返到觀塘去左食粥.......
食完就返屋企覺覺豬喇！真係好好好 "支力" 啊......

>>March 11, 2003 at 5:07:15 PM GMT+8

2003 年 3 月 7 日 星期五 【晴】

由於尋晚做左鎖門0個個既關係，所以呢......
我今朝早雄心壯志一早起左身，諗住早少少返去......
但係後尾為左等家姐，都係遲左出門口......-.-"

嘻嘻......雖然等家姐遲左出門口，但係我都好快返到公司！
因為我地兩姊妹去左撘的士落彩虹轉 MTR 嘛！
我 around 0840 - 0845 就返到去喇！唔知點解......
各同事都好奇怪係我開門架下......會唔會先？好奇咩？
最慘係 C 先生話：「哎呀......最衰今日唔開六合彩啦！如果唔係我一定買！」
好明顯我既反應係......BEAR......BEAR......BEAR......囉！會唔會先？唉......

慘慘的啊！今日 Dor Dor 晏晝請 Annual Leave......唉！
但係話時話，呢個晏晝都幾忙呀！卒之係咁擺烏龍囉！
"囉" 左幾鑊添呀仲有！真係樣衰囉今次......0個刻呢......
我個腦好似垃圾崗咁囉！唉......都係第一次0係公司咁樣！

今日唔同既係我放工照 stay 公司但冇去到 training 呀！
因為實在太多人喇！所以費時入去......0係自己位做野！
佢地完晒 training 一個一個咁走，但係我今日都係最遲走架！
因為開左新野做......想做埋先走嘛！So......咪咁囉！

今晚早0的，2030 左右就走左喇！本來諗住周圍去睇下野，
但係 O O 下 T 既時候阿前社長 - 陳師兄打唻，撩我去唱 K......
好彩的又俾佢撩到喎！Um......講真，去發洩下都好嘛！
順便同佢補祝生日啦！話晒都爭左佢份禮物成兩年喇......
都唔係幾好意思既......不過要命既係我仲整崩左佢隻牙囉！
真係好好笑架個情境，佢又要八卦聽我講電話喎.......
咁我咪一手推開佢囉！點知就係0個0下我推到佢支咪......
成支 "隊" 左落個口到......整崩左佢隻牙......真係十萬個唔好意思呀！
我真係冇心架......幾驚佢嬲我呀......好彩冇事咋，佢咁好人......Hehe~*
我唯有憑歌寄意......"如若你的氣未下 誠實點針對我吧"......^_^
但係呢......0個0下......真係笑到我停唔到！好耐冇試過笑到咁癲！

我地差不多 2100 開始唱，唱到差唔多成點先走囉！
唉......今日真係好多 "囉" & "爆" 呀！攪到好辛苦添！
返到屋企......點幾喇！呢個星期最遲訓既一晚囉我諗都係！
諗諗下，好掛住今晚既 "賭愛" & "愛情頻率"，好好好正喲.......*o^
仲有囉！繼上次 1874 事件後，今次既主角係 "假如讓我說下去" 呀！


※ 假如讓我說下去 ※

任我想 我最多想一覺睡去 期待你 也至少勸我別勞累
但我把 談情的氣力轉贈誰 跟你電話之中講再會 再會誰

暴雨天 我至少想講掛念你 然後你 你最多會笑著迴避
避到底 明明不筋竭都力疲 就當我還未放鬆自己

我想哭 你可不可以暫時別要睡
陪著我 像最初相識我當時未怕累
但如果 但如果說下去 或者 傻得我 彼此怎能愛下去

暴雨中 我到底怎麼要害怕 難道你 無颱風會決定留下
但我想 如樓底這夜倒下來 就算臨別亦有通電話

我怕死 你可不可以暫時別要睡 陪著我 讓我可以不靠安眠藥進睡
但如果 但如果說下去 亦無非逼你 壹句話 如今跟某位同居

我的天 你可不可以暫時讓我睡 忘掉愛 尚有多少工作失眠亦有罪
但如果 但如果怨下去 或者 傻得我 通宵找進接下去

離開 不應再打攪愛人 對不對


嘻......聽朝又約左同事們食早餐，一定要知醒起身呀！

>>March 14, 2003 at 5:13:57 PM GMT+8

2003 年 3 月 6 日 星期四 【晴】

尋晚冇去行街街，返到屋企又一早訓左......
呢個星期真係好好好健康，日日唔去街......
晨早返屋企覺覺豬！呵呵......*o^

今朝一早約左同事們食早餐，但係遲左少少起身.....
好彩都冇遲到嗟！呵！但係到最後係得我同 Cyril 囉！
因為飛機王子 Mr Gary 佢......放左飛機，唉......唔掂唔掂！
返到公司就俾人勁串喇！哈哈.......等佢放我地飛機丫拿！

今晚放工如常留0係公司，但係個 Training 就成 1900 先開始！
因為有個麻煩 Agent 唻左，攪左好耐！攪到哥哥都唔等走左！
不過個 Training 都去左成粒鐘，完左之後我再做埋淨番0的0野......
都做到成差不多 2100 先走啊！Oh~~~~~~又做左鎖門0個個！

本來今晚過青衣同 The Rock 既朋友仔去掃街架！
但係由於一唻太夜走，二唻工程進行中，所以後尾我都冇去到呢！
好彩冇一早應承，如果唔係就會俾人話架喇......*o*
不過最慘都係 Catering 姐姐囉！因為佢成晚都0係度做電燈膽啊！

>>March 8, 2003 at 2:03:06 AM GMT+8