2003 年 9 月 17 日 星期三 【陰】

今朝 0745 "紮" 醒，準時 0810 出門口，0820 上車......
平時一定0岩0岩好，點知今日塞左半粒鐘車，轉埋的 0920 先抵達......

返到公司又繼續咁忙呀忙，到 1240 開始，我決定俾自己休息下......
燒左陣丸子，之後就夠鐘食飯喇！哈哈......今日得 4 個人咋......
食完飯，我地去洗 "兜" 0個陣又有 "火羅" "火羅" 事件發生........
話說我洗完野抹緊個蓋既時候，掛住同阿 "SIM" & 毛傾計......
跟住抹完個蓋就諗住 "CUP" 番好個 "兜" 再掉左張紙巾啦，點知......
我做既時候同我諗住做既係完全咁相反囉！勁 "火羅" 呀真係......

晏晝又忙過囉，做野做到差0的癲左，好麻煩呀真係......
加上個頭痛爆左......勁辛苦！發冷發熱，中途又作發燒囉......
本來諗住放工返屋企訓覺，當然......我係冇啦！
卒之留左0係公司 OT，清我隔離 "DAP" PV，但係都係清唔晒......
因為實在太多喇......加上好唔舒服，所以一到 2000 即閃！

離開公司蕩左陣，之後撘車返屋企，遲左個站落車又蕩多陣......
好中意一個人蕩街既感覺，好耐冇蕩過喇！最衰唔舒服啦......
如果唔係我會選擇蕩耐0的囉！不過都 OK 既，因為不在狀態嘛.....

返到屋企先得 21XX，勁耐冇試過咁早返屋企喇！
講真真係有0的唔慣，返到唻開腦就收到個唔係幾好既消息......
又有一個好朋友 & 好同學要走喇！走得好突然咁喎......唔高興 v_v
真係慘呀 ～ 囝囝要離開媽媽喇！你要好好照顧自己喇......嗚嗚~~~~~~

２個低係滿分今日有１百個，冇出現一排既 ＡＤ 近來又再出現番......
唔中意、唔中意同埋唔中意囉！我諗我要好好咁自我控制１下......

唉......有時有0的野，真係點避都避唔到架....... >.<

>>September 18, 2003 at 12:08:36 AM GMT+8

2003 年 9 月 16 日 星期二 【陰】

本來尋晚諗住早訓，點知 00XX 走左去講電話......
講左個半鐘，講完洗埋白再 "HEA" 完都已經 03XX......

今朝又要過九龍灣整野，可以乘機訓晏0的......
點知一訓訓到 09XX 先起身架下，即刻仆落去啦......
攪掂晒諗住去撘車出尖咀，點知行去0個個站......
係繁忙時間先停架囉 -.-" 激死我.......要行前多個站囉.......
卒之 1129 先返到公司，0的時間簡直就唔夠用呀！

晏晝去左富臨飲茶，同 Patsy 慶祝生日，食左勁多野......
異常滿足，之後仲同阿 "SIM" & 毛菇菇走左去行惠康添！
行到成 1415 先返到公司，好犀利啊我地......呵~~~
晏晝返到去又繼續做呀做，得到係本來諗住清既 PV 都係未郁過！

放工本打算即閃，點知 1800 副校長打唻......
同佢講左都幾耐下，等佢 fax 埋野過唻，我成 1845 先走囉！
一走即上 Head，今晚要開會嘛，不過上到去都未齊人.......
卒之攪到 2000 先開始開，但係都好過隔離 DO Meeting 架喇！
今晚西九勁多人，因為有個賑災大使 Briefing，見到勁多其他 Div. 既朋友呀！

我地開會開到 22XX，再等埋隔離開完，之後落左樂園食飯......
食飯又係不停咁笑囉，奸奸既伍區長，繼上星期味精0個次之後......
今日又唻，0係我飲飲下茶既時候講0的勁爆笑既野.......
之後仲要0係你勁辛苦既時候同你講：「咕嚕咕嚕咕嚕咕嚕......BU！」
唔係唔難受呀化佢呢野，連住兩個星期二呀下.......勁無奈呀 -.-"
不過最好笑都係 Uncle Fox & Auntie Wolf 呀，無啦啦仲整左個 Auntie Hippo 囉！

食完飯成 0000 喇！話說走既時候，小丙媽媽唔小心撞到 Uncle Fox......
之後 Auntie Fox 即刻同小丙媽媽追討醫藥費囉！哈哈......好攪笑呀！
因為大家都冇諗過 Auntie Fox 會講呢句說話囉......呵呵~~~~~~~

返到屋企成 0031 喇！好殘啊個樣....... >.<

頭先0係 Head 臨走之前同黎主任入左細房傾計.......
原來佢係同我講番升 ASO I 既問題，講下我點解升唔到......
其實呢，講真丫，我都覺得自已未升到啦，年資咁淺......
加上佢地講既原因：我 Leadership 呢方面既 Experiece 唔夠......
好認真係架，跟人做野就多，要我自己去 Lead 一班人做野......
我覺得我未必得 & 冇信心囉！所以呢，黎主任話佢地想睇多我一年！
聽黎主任講番我呢兩年既 Performance，其實都算 OK 既......
最高興佢同我講話我出左唻做野之後個人 Mature 左囉！呵呵......
佢仲話覺得我有進步，但講真，其實我覺得自己前年做得好過舊年架！
Anyway...... 升唔升呢個問題我又覺得唔係好緊要嗟！做得高興咪得囉！

今晚執 e-mail 既時候睇到以下呢句，講得 "好似" 好有道理咁......
心若改變，態度就會改變；態度改變，習慣就會改變；習慣改變，人生就會改變。

>>September 17, 2003 at 9:48:11 PM GMT+8

2003 年 9 月 15 日 星期一 【雨】

今日凌晨既工作就係 Update Diary 喇！發現到......
原來我又多左個讀者喇！哈哈......要多謝毛菇菇呀！

03XX 準備訓覺......仲落緊雨，好悶呀 v_v
可唔可以唔好成日落雨呢？唔中意下雨天呀......

0715 自己彈左起身，係有問題呀下果然......
仲諗住難得早起身早0的出門口可以慳下的士錢啦......
點知落到樓下行埋出村先發現自己唔記得拎電話囉......
白痴的 ~ 我仲諗住打上去搵人拎俾我，都冇帶咁又點打呢？
卒之又走番上去拎，拎完再行過！攪一攪之後......
其實同我平時趕頭趕命咁係冇分別囉......唉...... -.-"

本應呢個星期應該 OK 閒，但係原來唔係囉......
真係做到癲呀！加上今日有成半打同事冇返工......
但好彩既係比我想像中好囉！起碼冇聽電話聽到發爛丫 @@"

今日 Sam 返唻放炸彈，咪話唔犀利呀佢......
好放唔放人地月尾出糧0個日唻炸人，都唔知去唔去好？
唔去又好似好衰咁喎，但係好慘嗟，人地出糧又要冇左一筆......

放工 "HEA" 左陣先走，之後又上左 Head 做野......
攪掂之後就落旺角喇......0個架 Van......等左勁耐先開車囉！
好彩我全程都0係度講電話，所以冇咁難過呢......哈哈~~~
落到旺角逛左陣，再行過油地，同阿燕去左食飯......我地去左東京！
好耐冇去過，好美味啊！呵呵......食到尾仲撞見 Carrie 添！

食完野我地又走左去行街，去左家樂，走左去睇飾物......
勁靚靚的 ～ 家樂有間叫 Mas 既舖頭，佢0的飾物勁靚呀......
好明顯我地兩個即刻就發左癲啦......我諗我地逗留左成粒鐘呀......
大家都有豐富既收穫 *o^ 呵呵呵呵~~~~~~ 不過個荷包就慘慘喇......

Um.......方向越唻越明確，我諗我知道應該點做架喇 ～
又一個月喇，好似過左好耐咁呀.......不過我發現......又變左囉！

>>September 17, 2003 at 1:46:59 AM GMT+8

2003 年 9 月 14 日 星期日 【雨】

凌晨時分，又執執下野訓著左，我諗大概 02XX 啦......
一訓訓到今日 1230，其實係俾家姐個鬧鐘嘈醒左囉 -.-"

不過都好彩，因為 1400 要出到新世紀，所以呢......
1230 起身確係幾 sharp 架，加上我又冇校鬧鐘......
起身即刻刷牙洗面洗個白白，又好 sharp 咁 1315 出門口！
哈哈......今日既時間實在太準喇拎得！好正呀！

出到去都係 1350，早左去到目的地，個個都未到......
不過正常既，我呢班區同事，都冇乜邊個會約人早到既 ~
等左冇耐老細到左，佢同我講阿林師兄 1330 先起身囉 -.-"
企多陣師姐同天鈞都到埋，齊人之後我地 4 個走左去行街架！
行左陣就去左越南灣食野，因為我同師姐都未食飯嘛......
食個滿足，再嗲左陣既 1455，師兄仲係0係 "魚則" 魚涌架下......
所以我地決定再住先，因為大家都好想快0的攪掂快0的......行街！
卒之傾左陣師兄就到喇！繼續繼續......到最後個會係開到 1650 架！

開完會同師姐行左陣街，就落左火車站搵叔叔.....一齊入上水。
今晚同屋企人食飯呢，講真，呢邊既屋企人好耐冇試過咁齊人喇！
冇見好耐既三家姐大個左好多囉，就唻高過家姐喇！咁又就唻 13 歲囉......
我地去左上水廣場既客家好棧食飯，0個度0的野 OK 喎！不過 service 就.......

食完飯伯伯送奶奶返院，我地就同叔叔一齊撘火車.......
而我同家姐就0係沙田落左車，去左行街呢！哈哈哈哈 *o^
今日行左 2 個場都冇收穫，OK 啦，又糧尾喇嘛......有得睇冇得買！
我地仲走去左食雪糕，本來想食 Happy 8，但後尾食左 $48 0個個......唔知咩！
食完雪糕就去撘車返屋企喇，好 "支力" 呢！不過撘車想訓都訓唔到.......

呢兩日又無啦啦落雨呢，唔中意呀！落雨個人心情都冇咁好......
上星期尾剛病好，呢個星期好似又作病喇！唉......要撐住呀 *o*

>>September 15, 2003 at 1:49:01 AM GMT+8

2003 年 9 月 13 日 星期六 【晴】

發左兩日癲都係今晨 02XX 先訓，實補唔番啦......
一如我所諗既，今日會過得幾辛苦囉......算把啦.......

0745 "紮" 醒，0810 出門口，撘 0820 班車，0845 出到尖咀。
星期六果然係星期六，唔塞車司機又飛車，平時一定冇可能！
買過腸粉 + 柚子檸檬就返公司喇！今日仲帶左迷彩 cusion 返去......
因為而家個新幹線太薄喇，所以想換個厚0的既返去攬......順便拎番屋企洗洗！
個迷彩係上次行年宵同 aifaye 同學一齊買架！嘻嘻......勁靚 *o^

大約 1000 就唻料喇！頭痛肚痛 + 頭暈，勁呀！如果一早知道......
我放工一定會返屋企訓覺囉！不過難得我雄心壯志諗住上 Head 做野，
加上我拎左野出唻，所以......都係決定唔返！加上老細話有野俾我......
所以 Lunch 即刻變左約左周氏伉儷食飯......哈哈......更加冇得訓呀！

132X 同 Sandy 一齊走，之後我諗住過商務行下睇下有冇野買，
行到半路老細打唻，約我0係 HMV 等，join 左佢之後我地去左 UCC 架下 -.-"
早知去 UCC 咁就唔行啦......嘻嘻.......算啦.......當做運動把啦.......哈哈~~~
去到等左陣位，等等下去左行 Kiehl's 呢，幫燕買潤唇膏，我又一齊買呢！
坐低左之後叫左個 set，本來諗住唔叫架嘛......點知......次次都係咁~~~
食完之後大家都係捧住個肚走囉，其實已經坐多陣，過埋 1530 先走.......
但係真係勁滿足架下，不過個個碟飯都食唔晒囉.......呵呵~~~

食完飯同老細伉儷道過別，我就再次出發，先去 b + ab 買衫......(家姐既~)
再去星光行商務，本諗住逛個痛快，但又係星期六既關係，勁多人囉......
冇心機慢慢行，都係中意平日夜晚上去多0的，一定要搵晚去過呀！
雖然行得唔高興，但係都買左兩本書呢，唔知幾時開始......愛上左睇書.......

行完書館撘個 8 號上左 Head，難得 "的" 起心肝做野.......
今日絕對唔可以俾外來因素影響呀！連老細都覺得我唔得，我一定要得呀！
哈哈.......天助我也！因為上到去只得師兄0係度教書，成個 Staff Room 冇人......
我可以安安定定乖乖咁做野喇！勁高興呀，終於可以攪好0個0的擺左勁耐既野......
執過 2 個 Tray + 我個櫃筒，再打番幾份 Documents，都攪到 1900.......
之後鄭姑娘都上埋唻，仲有包薯條 + 紅柚柑桔 (唔 sure 個名~)，實在太好喇！
我地攪掂晒0的野成 2130 先走，得到係即打的落新世紀架下.......
因為我地約左燕一齊睇 2145 既《向左走‧向右走》呀！又係激趕架下.......
去到我地仲買左個 set (爆谷 + 汽水 2 杯) 食，因為佢隨 set 附送一個鐘，
雖然個鐘係用紙做，但係係《向左走‧向右走》既，又唔同0的既，好靚 *o^
佢個爆谷袋又係啦，就連兩杯汽水既杯都一個印住梁詠琪一個印住金城武......
最衰我地冇帶相機啦......如果唔係必影呀！可以放上 homepage 嘛 v_v

套戲成 100 分鐘，又係同我想像中唔同，諗住佢冇乜野講......
原來都唔係，中間仲有幾個笑位添！喊位......一定有啦！我又中左喇！
無奈的 ～ 由於睇到中場度開始急急，同隔離既鄭姑娘講既時候......
佢同我講：「其實妳呢個係咪笑位唻架？」會唔會先？人地咁慘你仲...... :'(
一散場即仆出去搵 Let Let，點知佢個 Let 成九丈遠囉！激慘，忍左勁耐 >.<

呢個星期唔覺唔覺咁原來睇左三套戲囉！好勁呀 *o^

>>September 15, 2003 at 2:47:34 AM GMT+8

2003 年 9 月 12 日 星期五 【晴】

中秋節翌日假期 ~~~ 今日開始0係 Sandy & Hoi 屋企呢 *o^
其實呢，仲有... BoBo, Dor Dor, Ben Ben 同埋我呀！

一去到大家都係傾、傾同埋傾，佢地屋企好多豬豬架.....
勁得意呀 *o^ 哈哈哈哈......好可愛呢！仲有好多 Pooh 添！
傾左陣就開始食野 LU，有腎 & 雞翼，之後仲有米粉呢，好豐富 *o^
完完全全咁彌補左我餐晚餐呀！好美味架呢......嘻嘻~~~
食完野，BoBo 收到哥哥既 SMS，佢最後都係唻唔到架，好慘呀~~~
之後我地就開左副大富翁喇，Sandy 為左我地特登買架，好偉大啊！

玩到 03XX 阿孫同阿婆要先走，得番我地 4 個......諗住抖抖，點知又食過！
今次係食湯圓呢，呵呵~~~ 中秋人月兩團圓嘛！其實都係拎個意頭嗟 :p
"MALL" 左成個鐘又繼續大富翁之旅，戰況非常激烈，仲好好笑囉......
慘慘既 Sandy 係第一個壯烈犧牲，佢仲要係咁多個之中乜都最少囉......
而本來幾有 $$$ 又幾有地既我，有個圈唔覺意去左有三間屋既淺水灣游水......
咁就要俾成 22,000 阿 Totally Mr Wong 囉，仲要賣屋賣地添，廿個慘 -.-"
當我問緊賣屋賣地既方法同點計既時候，發生左 "粗口事件" 囉，真係好好笑......
我地足足笑左成個 "字" 呀，又笑到碌晒地......原來樓唔係 in "躉" 係 in "撚" 囉！
賣完屋賣完地之後，慘慘的我仲俾其他兩位地王吊左我兩個幾圈先俾我破產......
等候破產既感覺真係唔好受架！不過 BoBo 好犀利，去左兩次太平山......
俾左兩次 30,000，佢都捱左勁多圈呀！每 round 冇晒0的錢之後呢......
佢一過起點拎番 2,000 又可以繼續，仲要不停咁贖番自己之前0的地喎......
真係好犀利呀下，佩服佩服！玩到佢破產我地就完喇！0個陣已經係 0600 喇！

0600 之後大家去左訓訓休息下，約定 0900 起身，犀利的我地做到呀！
大家 0900 起身集合，之後仲真係去左飲早茶添，履行左我地既承諾呀 *o^
飲完茶 around 1100，再撘丁丁落太古城，做我地尋晚想做既野......
就係去睇《大丈夫》喇 *o^ 好強的，呢個 UA 太古城中心呀......
我地睇 1150 但佢開門門 1140 囉！唔係唔強架，多人排到丫......
套戲唔錯呀，勁好笑，不過都有少少悶場，但係以 $40 睇真係 OK 喎！
勁中意佢句：「唔賭唔知時運到，唔滾唔知身體好」雖然咩，但係好正喎~~~

睇完戲去左 Foodcourt 飲野，飲完野再去行 Log On & 玩具反斗城！
大家都覺得自己好犀利呀，足足玩左成 14 個鐘囉！勁呀~~~
哈哈......今日終於都俾我搵到第 4 代既生日熊喇！勁興奮呀！搵左好耐喇......
仲有呀......太古城間玩具反斗城有好多扭蛋機架，扭得勁高興呀 *o^
仲記得當年扭都係 1 蚊 5 蚊，而家0個0的......已經變晒 5 蚊 10 蚊喇！
扭完蛋蛋分晒之後就真係散喇！真係玩得好高興呢！呵呵......

返到屋企都已經 1600，開下電腦 check 下依貓洗下頭沖下涼......
我到最後係選擇唔訓架！因為訓左我可能會唔起身嘛......所以~~~
我 1700 就落去德福喇，同姐姐行左陣街街，之後再上去食飯......
成餐飯都食左差不多 3 個鐘呀，慘慘的我又肚痛食唔落囉 =.="

食完個高力雪糕，我同家姐帶左樂程去左行 Trendy Land & Giftland！
買左個 Marie 既鏡盒俾佢做 "開學禮物"，好好笑的佢勁驚俾媽媽鬧囉 -.-"
好似我地細個咁，而家？唔理佢咁多啦.......點理喎.......哈哈~~~
當大家走晒之後，我同姐姐又去行過街，我0係 K2 買左件衫衫呢！
又係我最愛既 zip up 款呀，桃紅色的！呵呵......好靚好靚 *o^

我地行到 23XX 先返屋企呢！唔好講笑......我都開始爆瘡喇！
膊頭0個兩塊扒 (其實係0的肌肉) 痛到丫......哈......開始 "支力" 喇.......

>>September 17, 2003 at 1:48:51 AM GMT+8

2003 年 9 月 11 日 星期四 【晴】

又到８月１５喇！中秋節快樂呀 *o^
太好喇太好喇......聽聞今日返工有得早放呢！

凌晨開機既時候收到個妹妹既 ｍｓｇ，好正！
以下為其 ｍeｓsａgｅ既內容，多謝多謝：
"記住：睡眠時間的長短與生命的長短成正比，所以．．．．要訓多ｄ"

0400 先訓，又好似平時咁，訓得 3.X 鐘......又返工~~~
返到去發緊夢咁，勁頭痛......不過有平時咁辛苦囉！
晏晝同 Accounts 同事去左 Hong Kong Hotel 食 Buffet，好高興 *o^
好似做節咁呀，最好笑係我地玩人地0個部雪糕機囉......
個個都要 "LOOK" 個甜筒，哈哈哈哈 *o^ 好好玩架！
食完返到公司勁滿足，不過慘慘的肚痛囉！"碘" 左兩個鐘 >.<

今日 1600 就放工喇！哈哈......之後約左媽媽一齊撘車返屋企。
返到屋企涼左個身，就去訓覺喇！因為要儲夠精神去玩嘛......呵呵~~~
由 1800 訓到 2130，飯都冇食，一起身食左個燕窩月餅，係姐姐男友買唻架！
仲係冰皮添，好耐冇食過喇，好好味架，哈哈哈哈 *o^

食過月餅洗過頭沖過涼再睇過雜誌，就 ready 出發喇 ~~~
本來約 2300 去到筲箕灣，點知大家全部一齊遲，得到係 2345 先到架！
首先 Bobo 唻觀塘 join 我，再去藍田 join Dor Dor，話說我地等佢既時候......
發生左 "吻別" 事件囉，勁好笑呀，可惜既係段 message 洗左啦......
如果唔係可以大家一齊分享分享嘛......嘻嘻嘻嘻 *.^

近來好喜歡的一句：ｓｍ_ｓｒ_ｓｄ_ ( 其實係音唻架......哈哈 *o^ )

>>September 14, 2003 at 12:51:22 AM GMT+8

2003 年 9 月 10 日 星期三 【晴】

今朝要去九龍灣整野，所以唔使一早起身.......
08XX 先起身，哈哈......好高興呢！呵呵~~~~~~

09XX 去到九龍灣，拎個火牛去整......
0個條咁既路，行完好似焗完 Sauna 咁囉 -.-"
熱到我死呀 >.< 上到去又等左好耐喎......
等完 & 個身乾左之後就走得囉 -.-" 又熱過......

1117 返到公司，話咁快就 Lunch，好明顯係做唔切野架......
食完飯又出 Gateway 做野，好 "火羅" 的行到隻鞋爭甩左囉 -.-"
之後好努力咁做呀做，所以放工唔使 1830 就走左喇！

放工第一件事整番隻鞋，之後去左 My Coffee 等檗。
我同佢都好耐冇見喇講真，最好笑上次見完冇耐同佢講電話，
佢同我講：「我成 5 日冇見過你喇......」聽完之後雞皮都起埋架下 -.-"
今晚飲左好耐冇飲既 Ice Mint Mocha，仲同檗 share 左個公治.......
食完傾完坐到 20XX 就走喇，之後走左去行 Red Earth、影咭......
再出旺角行個銀城、買個耳環、睇睇電話 Plan......攪到 2135......
但係其實我地諗住去電影中心睇 2145 囉 -.-" 唔係唔奔呀化？

奔到去中心剛剛好 2145，即刻買飛，睇《姊魅情深》呢.......
恨睇左好耐，今晚終於都有得睇喇！其實呢套戲......一般啦.......
同我想像中有0的出入，又同 Jessica 講既幾吻合......一味靠嚇 -.-"
雖然唔係嚇得好多，但一嚇0個野都......哈！仲有要諗下野囉！

睇完戲 0000，一行出去就有車返屋企喇！犀利呀！

>>September 15, 2003 at 2:02:44 AM GMT+8

2003 年 9 月 9 日 星期二 【晴】

今日放工上 Head 開人力資源0個個會，同上次一樣......
大家入到房之後都係不停咁食餅 & 飲水，哈~~~~~~

今晚開會開到 21XX 咋，臨尾仲講話組團上深圳食羊添呀！
各位開會既同事都即時變左聯絡人，唔知攪唔攪得成呢？

開完會我地一行六人去左味精拉麵食野呢，好耐冇去過喇......
Tracy 介紹0個個咖哩牛肉烏冬真係唔錯呀 *o^ 仲有其他小食......
真係好好味呢！我地仲係咁傾呀傾，攪到差不多 0000 先走呢 :p

今晚學左個四字成語 ～ 對號入座！
唔知點解，我覺得呢四個字越講 & 聽越好聽呀......哈哈~~~

>>September 14, 2003 at 12:35:02 AM GMT+8

2003 年 9 月 8 日 星期一 【晴】

放工即閃......去學野。我要繼續努力，多多練習！

>>September 12, 2003 at 4:41:19 PM GMT+8