2003 年 5 月 17 日 星期六 【晴】

真係好喇！又到左星期六喇！今日係師兄生日呢 *o^
不過佢約左人，所以我地冇得同佢慶祝......
唯有遲下同佢補番食飯啦！Hehe~*

今日放工之後同屋企人去左樓下稻香飲茶......
飲飲下見到 Inty 走囉！仲見晒佢成屋人添！勁~~~

飲完茶見到0的好精彩既野，仲玩捉迷藏添~~~
之後過左 Hyatt 玩，哈哈......間房超正啦！
玩到咁上下，我同姐姐 & 表姨去左行街街，行 Agnes b.！
試左我之前對 Dream Shoes，超級勁正！買梗呀！呵！
表姨仲送左條靚靚 Mac Look 手鍊俾我添呀！好靚架~~~

行完街街我地買左好多 Sushi & 魚生，又上番 Hyatt......
食晚餐呀！仲另外叫左個印尼炒飯添！超好味勁滿足 *o^
不過另一方面......真係肥死囉！o......仲成日話要減肥喎.....唉！

我地之後嘆嘆咁睇下電視、訓下，攪到成 10 點先走呀！
聽朝仲要一早起身去打 Bad.......今晚一定要早訓啦！

今日呢......真係撞到好多人呀！Inty 啦、Sandy 啦，仲有個添呀！
不過奇怪既係我見親每個人既時候都要打俾一個人囉....會唔會先？

>>June 5, 2003 at 11:56:22 PM GMT+8

2003 年 5 月 16 日 星期五 【晴】

今晚又 OT 呢！點解突然間咁多野做架？
不過算啦......還掂冇得去玩又要儲錢......唯有~~~

>>May 20, 2003 at 2:39:13 PM GMT+8

2003 年 5 月 15 日 星期四 【晴】

每個月既 Management Mtg 又唻喇！好彩~~~
今晚差不多就 1900 開始開會！出 1830 架嘛......
0的人次次都遲既......唉......真係唔要得呀！

開完會都 2100 喇！再做埋0的野......
成 2130 先走！好 "支力" 好眼訓呢......v_v

>>May 18, 2003 at 11:06:50 AM GMT+8

2003 年 5 月 14 日 星期三 【晴】

今晚約左 Veron & 奶食飯呀！本諗住放工即閃......
但係最後都攪到成 1830 先走得，再走去撘船轉巴士！
好耐冇撘過船喇！個感覺真係好正架，尤其自己一個既時候 *.*

我地過左 Time Square 間元氣食野呀！超正！
食到勁滿足，初初都唔覺架......去完個 LET 之後簡直......
食完野逛左陣，再上地帶飲野，奶介紹個西柚白玉好好味架 *o^

諗完野奶就走左喇！我同 Veron 去左行東角"馬尺".......
我地好高興咁去左買水晶囉！今次我又買左條粉晶 & 螢石呀！
Veron 就買左條橄欖石，好綠架！0個個女仔好好傾架！我地仲係咁講價添 :P

>>May 18, 2003 at 11:04:13 AM GMT+8

2003 年 5 月 13 日 星期二 【晴】

本來今晚要開會，但係 cancelled 左呀！
所以呢......今晚突然變得好閒囉！哈哈~~~

放工 1800 sharp 走，過左德福同媽媽行街！
晚餐去左 Little Brasil 食呀！非常滿足啊......*o*

>>May 14, 2003 at 11:37:53 AM GMT+8

2003 年 5 月 12 日 星期一 【晴】

今日放工去左做運動呀！唉.......
肥左咁多，真係要好好努力啊！不過呢......
做完運動同媽媽、表姨s & 姐姐去左食飯.......
仲要係去 Fat Angelos 囉！個炸飯球超正呀！
仲有個 Tiramisu......好好味呀！不過勁肥囉 -.-"

>>May 18, 2003 at 10:53:40 AM GMT+8

2003 年 5 月 11 日 星期日 【晴】

本來尋日諗住上 Head 做野上唔成......今日上左！
尋晚冇較過鬧鐘，今日 12 點自己起左身，時間剛剛好 *.^

約左師兄 around 1330 上到去，點知佢仲遲過我囉......
我地諗住一齊做埋個 EHL，點知 Din 同學仲未 dispatch 隻碟唻！
即係......唔駛做呀！Yeah ~ *o^ 做到 1700 度就走喇....
乖乖的 ～ 之後返左屋企喎我......呵呵呵呵......

>>May 18, 2003 at 10:45:22 AM GMT+8

2003 年 5 月 10 日 星期六 【晴】

今朝遲左少少起身，所以又......嘻嘻嘻嘻~~~
同左同事去雞記食早餐，好滿足！不過呢......
返到公司冇耐就開始恰眼訓囉！好彩今日返半晝嗟 *o^

放工之後本來諗住上 Head 做野！但係返返下工媽媽打唻...
話去奶奶度呀！因為 Mothers' Day 嘛！所以到最後過左粉嶺呢！
我一放工就撘 K15 過新世紀 join 媽媽 & 叔叔飲茶！勁滿足 ^.^

去完奶奶度已經差不多 5 點喇！所以後尾我都冇上到 Head，
而返左屋企呢......好耐都冇試過咁早返屋企喇......呵~~~

>>May 14, 2003 at 11:28:39 AM GMT+8

2003 年 5 月 8 日 星期四 【晴】

今朝早早早咁起左身，本來去西貢玩，點知......
激死喇唉！超唔高興 & 無奈囉！會唔會咁先？

當我一決定唔去既時候，就高速咁攪掂晒0的野出左去！
果然 ～ 當一個人唔開心既時候會亂咁駛 $$$ 仲駛得好高興！
今日買左勁勁勁多野呀！又係時候申請破產喇陰公......>.<"

原來冇電話既日子係好好架！可以乜都唔駛理......呵！

>>May 14, 2003 at 11:09:42 AM GMT+8

2003 年 5 月 7 日 星期三 【晴】

今日請左 Annual Leave，去整埋0的吽左好耐既野！
朝早 10 點起身，都係比起平時遲左 2 個半鐘咋！
一起身攪掂0的野就上 Head 喇！要上去拎野擺野 & 影野！

0係 Head 做完野就撘 109 過海喇！約左 Inty 去天上人間食 Lunch！
本來約 1230，點知成 1305 先入去囉......
食完個 Lunch，去左 Pitman Office 拎番張 Dip.，
等我仲諗緊張野靚唔靚既時候，點知......
佢係同以前0的 Cert. 一模一樣囉！$300 呀......

拎完 Dip. 入左荃灣整我部 MP3 Player，可惜的......
要擺低佢兩個星期啊，要返廠喎！慘喇，兩個星期呀 >.<"
將部機交低左之後我地行左過愉景新城，中途撞見 Nina 呢！
高興的 ～ 我地仲同佢0係條天橋度影相添！Yeah *o^

行完愉景我地再行左過荃灣廣場囉！首先買飛，Hehe~*
因為睇 1940 既《向左愛‧向右愛》！之後就開始遊蕩生活喇！
我地周圍遊......可惜個商場真係好冇野行囉 -.-"
卒之 1715 就去左食 Din 囉！1830 走左再吽多粒幾鐘......
去左行宜家、去打"千秋"，仲行埋中華書局添！
行到咁上下 Bibi 都唻埋 join 我地一齊睇戲呢！

睇完已經 21XX 喇！我地去左間茶餐廳食野！
好明顯我今日係咁飲野...
食完飲完就飛 Van 返屋企喇！今晚都算早喎......

Um...呢個《向左愛‧向右愛》都算唔錯呀！
既有0的唔清楚但亦有0的意想不到，仲有......勁喊呀下！

>>May 14, 2003 at 11:04:12 AM GMT+8