2003 年 4 月 5 日 星期六 【晴】

健康的 ～ 俾師兄 "撩" 起我同 Wendy 去長洲，
最後去左行山......簡直係一個 AFT 既延續篇囉！

今朝好唔好彩，凌晨 3 點幾 4 點訓，都擔心緊唔知醒起身.....
點知.....中晒！約 9 點我 8 點 42 分起身囉！呵呵.....
一起身即係打俾佢地，會唔會有人話：我都預左有人會遲到架喇！所以遲 D 起身.....

卒之我地撘 10 點班船，11 點去到長洲，勁多人呀下......
好似去左旺角咁，不過可能因為今日係清明啦，所以咁多人......
我地沿住個海邊行，好舒服、好正！風景仲好靚添喲......
有撻地方呢，勁似桂林囉！仲勁多靚靚海景 & 石啊！
我地仲去左張保仔洞呀！我同 Wendy 都係女第一次咋.....
個洞呢......真係好黑同好窄囉！仲要見到四腳爬爬添......
一出番0個下，個頭狠狠的撞左一野，勁響但反而唔痛喎！
0個一下，成個人呆左，但好似即刻醒晒囉 *o*

最好笑係呢，我地沿住海邊行到一半既時候.......
見到有兩個石灘，中間都有個 "小海"，我地諗住過唔到......
所以行番轉頭，兜左個大圈過對面，但係到最後......
我們發現原來中間係可以爬過架囉！會唔會先？不過算啦......

遊完山我地就出番碼頭附近食野喇！不過好失望囉......
因為我地入0個間茶餐廳係因為見到佢0的客人食既碟碟幾大幾靚......
但係到我地叫既時候就好細碟，仲等左好耐添呀！唉......

我地今日影左好多相呢！好明顯係影到傻晒囉！
但好攪笑既係我們0係個山兜來兜去0個陣，成日都見到某幾班人......
最要命既係算連搭船返到中環碼頭都仲見到佢地囉！好邪.....

唔高興的 ～ 今日唔見左 Tracy 送俾我既生日禮物......
係大口仔電話繩呀！唉......佢0係長洲迷左路啦一定，慘慘 v_v

今日......目的達到 50%，但相信不久將來會打回原形囉！
但有半日好番一半都已經好滿足喇......

>>April 18, 2003 at 2:36:55 AM GMT+8

2003 年 4 月 4 日 星期五 【晴】

今日過得......有點兒那個......唔識講......
尋晚都唔算好早訓，但係今朝竟然知醒起身......
我覺得自己好叻叻啊！所以獎左自己食麻糬波波......

今日返到公司突然好忙，唔知點解架下......
由返工忙到放工，雖然我覺得幾充實，但係......
都係久唔久咁樣好喇！成日咁就慘慘囉 -.-"

今日晏晝公司 Sales 請食飯，又係稻香啦......
係咁笑......笑到死晒！成圍分開左兩個部分.....
一邊係咁食 & 笑 (一定肥死囉)，另一半呢......
就安安靜靜咁，慢慢食，仲有......0係度 "睇戲"！

食完 Lunch 我同 Dor Dor 去左 shopping，
一如我地以往既慣例，係咁0係度周圍大笑......
最難受咪又係去惠康囉！會唔會有兩個癲婆......
一人拎住 5 袋野 (惠康膠袋)，0係海港城行街囉......
買晒野返到公司都已經 15 點幾喇......"支力" 到嘔啊！

返去冇耐又開始忙過，連開 Birthday Party 都要同事幫手 set 場，
食就當然冇乜食添啦！唱完生日歌就返位做野，但係要清場架下......
因為公司班好好既同事，成日食完就閃囉！好彩都有0的好人......

執完野攪掂晒又繼續做野，好明顯今晚本來冇諗過 OT，
但到最後當然係 O 到爆左！勁 ～ 我都唔知點解會咁！
做做下哥哥就走喇！臨走都有過唻同我玩左陣......嘻嘻 *o^
真係好想睇下佢聽日剪完頭髮個樣呀.......

做到 2030 度就走喇！其實0的野仲未做晒囉......俾人迫我走！
不過算啦.......但係呢......有個好大既問題我走左先記得......
就係我未洗我隻裝滿茶葉既杯杯就走左喇！激死......又唔記得打咭囉！
乜都唔記得......睇唻我星期一返到去有排執手尾囉！

走左之後想去買麻糬波波，但係又買晒囉！唔高興......
想搵下地方行下，唔想返屋企住，但係已經 21XX 喇......
跟住咪係咁講電話囉......仲諗住行住條 Park Lane，
行到咁上下先去撘車，點知一開始就見到架巴士......
最後我都上左呀！平時等成兩個幾三個字，今日唔諗住撘.....
就即刻有車.....實在太過份喇！所以我決定撘！
返到屋企......冇耐家姐都返埋唻，我地一齊食我地既晚餐！
食左勁多野......死囉！近排胃口激好......係咁食野囉......唉......
又係時候要注意一下，如果唔係......又會繼續咁肥落去，大鑊囉！

難得一晚返屋企食飯既尋晚 ～ 睇左個電視節目......
真係好正！講0個個跑馬拉松既伯伯，佢真係好犀利！
我覺得佢好叻呀！尋晚睇完個節目，本來心情唔係幾好......
好似好左0的啊 :) 不過......可以好0的幾耐.......就真係唔知囉！

聽日會同學友們去行下，散下心......希望可以會令情況好轉啦！
講真......散心......期待已久...... 但效用有幾大？真係唔知 -.-"

苦沖開了便淡 ...... ～ 乜真係可以沖淡咩？

>>April 8, 2003 at 3:25:19 PM GMT+8

2003 年 4 月 3 日 星期四 【晴】

我實在太易受人影響喇！唉......
又係撘舊舊水的士既時間，唔掂唔掂......
唔可以俾自己繼續咁樣落去呀！係時候要醒下喇......

>>April 3, 2003 at 5:20:13 PM GMT+8

2003 年 4 月 2 日 星期三 【陰】

今日......全日好努力咁 "鬥" 份 IYEP 既 Normination Form.....
可惜個腦閉塞，對左成朝都冇乜成績！好彩搵到幫手，就係......
親愛既 Ivy & Bibi 同學！佢地幫左我一把，令我可以準時交到！多謝佢地呀 *o^

放工再作多陣就走左，再同 Ivy 同學上左 Head 繼續作！
最後當然攪掂啦......呢份 all in Eng 既 form 真係難倒大家......
0係大家個腦都唔願郁既時候出現，確係有點兒那個......-.-"

離開 Head 我地落左旺角，join 埋梅佬去左行潮特，行完再去唱 K！
0係呢個非典型肺炎 "流行" 既期間去唱 K，我都覺得自己好勇啊！
初初大家仲講緊會唔會要戴住個口罩唱，點知去到佢0個0的消毒......
好有型架！登記0個陣俾個咪套你，入到去再消毒0的咪囉！當然......
最後我地冇戴口罩唱啦，但我成場都好小心咁拎住支咪......唔太敢放低囉！
唱左陣燕同 Andrew 都唻埋，不過 Drew 好明顯就只係唻露一個面囉......
我地由 2024 入房，差唔多成 0030 先走呀！好滿足啊！呵呵......

>>April 3, 2003 at 1:17:17 AM GMT+8

2003 年 4 月 1 日 星期二 【晴】

呢個愚人節既新聞真係多到要死......
點解香港會攪成咁架？越唻越癲......
仲越唻越恐怖......究竟幾時先會回復正常呢？

唔知點解......今日0的時間過得好慢咁......
本來今晚要過 HO 開 EHL Working Meeting，
但係到最後都冇去到呀......因為......唉......

呢幾日過得好唔充實好冇方向呀......
係咪因為實在太得閒呢？Um......

>>April 1, 2003 at 9:23:39 PM GMT+8

2003 年 3 月 31 日 星期一 【晴】

對身邊既朋友過份地好，究竟係好係壞？

>>April 1, 2003 at 9:25:58 PM GMT+8

2003 年 3 月 30 日 星期日 【晴】

可以0係一個寧靜既環境下好好休息一下~~~
真係唔錯！可惜病病啦.......要快0的好番呀！
全日訓......真係好滿足啊 *o*

>>April 1, 2003 at 9:27:55 PM GMT+8

2003 年 3 月 29 日 星期六 【晴】

呢幾晚訓得唔係咁好，晚晚隔幾個鐘就醒一醒......
星期四0個朝 0630 起左身訓唔番，點知今日仲勁.....
0521 就起左身，係咪有咩事呢？我又唔係訓左好多.......

今朝例行約左同事食早餐，由於今朝早左起身......
所以我撘早左一班車，點知 0800 就出到去喇！勁！
最後我買左本雜誌上 KFC 一路睇一路等佢地......
最快既係 Cyril ，佢 0815 到左！之後大家都開始到喇......

公司加位呢！本來 order 左張檯話星期一先到，點知......
尋日無啦啦就送左唻囉！所以今日返到去就要攪喇......
辛苦各位男同事搬搬抬抬呀！慘慘的......我整整下又發呆囉！

攪完檯、落埋 Bank，好不容易先到 1300 囉！
放工之後過左中港城撘巴士上旺角火車站，搵叔叔食 Lunch，
我地去左 Delifrance，食完就出發去粉嶺探奶奶喇！
我地撘頭等呢，訓得好舒服！呵呵.......

走既時候我地就撘巴士，都訓得唔錯啊！
可能因為食左藥所以何時何刻不論何地都訓到喇......
之後我返左屋企，當然又係訓啦！家姐都係起身冇耐咋......呵！

呢三晚既晚餐都係餅餅或飽飽，如果唔係要食藥或許我會選擇唔食囉！
呢幾日既生活，都係起身、搵野食、食藥、上網、訓覺！不過唔錯喎我又覺得......
聽日呢......唔駛考 YFA，可以留0係屋企好好休息，仲有要好好珍惜最後一日自由呀！

>>March 30, 2003 at 5:27:30 PM GMT+8

2003 年 3 月 28 日 星期五 【晴】

今朝早到最後都請埋 Sick Leave，因為呀藥藥實在太勁喇！
但係我晏晝出左去同班同事 Lunch ，因為去 Cafe Lagoon 嘛！
呢兩日都冇胃口呀！尋晚同今朝0個餐都冇食！呢場都食唔晒0的野......

晏晝返工，其實如果唔係今晚要開會的話，我會選擇唔返既.......
初頭都 OK 既，不過一食完藥開始又呆過，好似一碌木咁坐0係公司！
幾經辛苦先呆到 6 點，諗住即走上去拎 U，點知俾人嗌住左整埋0的野......
最要命係我已經熄晒腦執好晒野......bear 囉簡直就.....不過算啦！

攪掂0的野我真係即閃喇！上到愛民拎左 U ，好滿足！
不過聽日已經唔駛著喇！因為基於呢個非典型肺炎，我地0的 Function cancel 晒！
不論係 YU, JU 定係 AU 或者 Staff，都停晒啊！所以呢兩個星期.......
我會好得閒呢！實在太好喇！0係呢個病病既時候，最需要就係休息喇！

上到 Head 剛剛好 1900，點知都係得 3 個到左......仲差 4 個！
早知我唔咁趕啦 -.-" 激死！今日個會都係 mainly 講 Nursing Comp.
當然，係 delay 架啦！仲要 de 到去 dept 前一個星期，即係 20/7.....勁！

好明顯我又藥力發作，開開下會呆左，人地叫我都唔知......
發緊夢咁囉十足十！唉......開完會野都冇食我就返左屋企喇！
仲唔即係返去食藥洗白訓咩？Um......一病真係好易"支力".....仲好辛苦添！

>>March 30, 2003 at 4:53:58 PM GMT+8

2003 年 3 月 27 日 星期四 【晴】

原來葫蘆真係會小器架！自上次 Dor Dor 應驗之後......
今次到我喇！...... 真係 ......慘慘囉！尋日仲好精靈.......
今日咳多左，仲傷風 & 勁頭痛添！卒之晏晝請左 Sick Leave......

晏晝我仲同班同事去左 Mc 食 Lunch 囉！幾勁丫......
食完 Lunch 我就上左 Head，拎 subsidy 呀！Hehe *o^
拎完錢錢就返屋企睇醫生喇！我 1520 去到，原來醫生 1600 先返！
等我仲以為要等好耐啦，好彩我早到咋，3 號籌......
如果我再晏0的先返去呀，就要等兩個鐘喇！好彩好彩......

一入去醫生房，醫生帶左口罩、著左袍，仲帶埋手套添......
攪到我覺得自己好似動物咁囉......呵呵！好彩唔係非典型嗟......
不過都係差未發燒咋！醫生仲俾左兩日假我添呀......

雖然病，但係今日好滿足啊！因為我終於都 format 左部腦喇！
而家好番好多呀！咩都用得番喇！仲可以整番個 Homepage 添！

UM *.* 食左藥藥 ～ 超級勁眼訓喲......

>>March 29, 2003 at 9:54:33 PM GMT+8