2003 年 6 月 16 日 星期一 【陰】

又係星期一喇！幾時先到星期六呢......

今晚又話冇水喇！唔知會唔會又 delay 呢？
等我仲諗住返工即閃，點知......梗係唔得啦！
做到差0的發爛渣呀 >.< 因為太趕喇！最近我決定慢慢唻！
卒之都做到 2000 先走呀！返到去好彩仲得切涼，呵呵 :P
不過冇飯食呀！好慘慘呀......淨係食餅餅咋！嗚嗚......

哈 ～ 今晚落 Converse 終於搵到我對 Dream Shoes 喇！
我叫左姐姐留俾我呀！唔知佢搵唔搵到呢？好期待啊 *o^

話說今晚同 aifaye 同學講電話既時候， 講起 The Rock 某位成員既情史......
講緊點解佢可以學壁球都可以媾到女......接著就有以下既 Conversation......
秘書小姐：「等我地又去學下0的球類活動先....」
榮譽會員：「去學 Fitball 呀笨......」
秘書媽媽：「去學乒乓波啦不如......」
最難受既係 - 全晚榮譽會員都0係度偷聽住秘書媽媽講野......
仲要唔難受0個句都唔聽入耳......好無奈囉！唉......

今晚家姐去左婆婆度訓！我可以獨霸電腦喇！哈哈哈哈......

>>June 22, 2003 at 1:07:07 AM GMT+8

2003 年 6 月 15 日 星期日 【陰】

今朝 10 點幾起左身，做左少少野......
之後再去訓過！訓到 12 點幾再起身......
晏晝同屋企人去左飲茶，好耐冇飲過茶咁喇.....

飲完茶本來諗住出旺角買野，點知極度肚痛......
所以冇出到去，0係德福逛左陣就返屋企喇！
行過運動家既時候，本來想買對 Birki 涼鞋......
但係著落又好似唔係好靚咁，所以呢......冇買到呀！

夜晚買左壽司 & 魚生返屋企食！好高興呢！
仲同媽媽兩個飲左一支紅酒，好耐冇飲過酒喇！好爽 *o*

近排好鍾意《想得太遠》呀！真係好正呢 *o^

大慨這算是迷戀　這路程得幾分鐘真是太短
大慨你都想去後樂園　卻怕孤單一個人兜圈
誰人在挑選　如何被挑選　如何教我結識你怎麼相戀
為何坐到那麼近　卻想得這樣遠　人浪為何會流轉

若幸運一點一早找到你　但幸運可否擔保得到你
就望著際遇鋪展我的天與地　願錯亦錯得起
若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
從來未吻你　卻已學懂去被忘記

憑什麼可以愛上所愛　我自問日夜等待
結局為何揭不開　等緣份　信緣份
我們只好相信　下集定是更精彩

大慨你正在回想　與別人剛剛分手剛受過傷
從前伴侶碰不見　你我偏可遇上　人寂寞便愛幻想

若幸運一點一早找到你　但幸運可否擔保得到你
就望著際遇鋪展我的天與地　願錯亦錯得起
若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
從來未吻你　卻已學懂去被忘記

憑什麼可以愛上所愛　我自問日夜等待
結局為何揭不開　等緣份　信緣份
我們只好相信　來來回回難避開

若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
仍然未識你　卻已幻想那份驚喜

>>June 15, 2003 at 8:18:54 PM GMT+8

2003 年 6 月 14 日 星期六 【陰】

今朝差點兒唔知醒呀！好彩冇遲到嗟.......
返到公司同同事們一齊嗌早餐外賣，壽星女請呀 *o^

放工之後留0係公司做野，做到差唔多 3 點先走......
又 OT......星期六都未試過 O 得咁勁喲！
攪掂就撘車入馬鞍山，因為今晚同公公婆婆食飯呀！

食完飯都係 9 點左右，返到屋企都係 10 點左右......
不過勁眼訓啊........真係好眼訓.......好想訓覺啊......

>>June 15, 2003 at 9:08:07 PM GMT+8

2003 年 6 月 13 日 星期五 【雨】

好想剪頭髮，但係剪唔成呀 >.<
要等到下個月呀，要儲錢整負離呀！

今日帶左相機同小橙影相呀！好靚呀 *o^

>>June 15, 2003 at 10:18:42 PM GMT+8

2003 年 6 月 12 日 星期四 【雨】

今朝終於都冇落雨喇！實在太好喇......
不過今朝差點兒遲到呀，就係為左撘冷氣車......

Lunch 我地一行 10 個人去左食雞呀！出去既時候陽光普照！
點知......返番公司0個陣呢......淋到乜咁呀！勁慘慘呀！
話說我地女子組先走，去左大家姐度飲涼茶......
本來仲話：「唔駛買遮啦！行幾步嗟！」點知......
行多幾步就見 Dor & Mandy 停左0係度睇遮喇！因為呢......
大平賣 ～ 10 蚊把呀！佢地好攪笑，係咁慢慢揀囉...哈哈...
好似唔記得要返工咁，我地就係咁不停 "吹" 佢地走......

今日呢 ～ Cherry 同事幫哥哥個橙畫左個笑樣呀，好得意！
之後哥哥自己多手畫左0的 "留海" 落去，攪到個樣好殘.....
好似佢咁呀！不過而家個橙去左我到呀！因為太得意喇 *o^
所以我決定聽日拎部相機返工同佢影相！好野 Yeah~~~
因為個橙，哥哥有個新名，佢話佢而家叫 "杏加橙" 喎......
所以係 "杏先生"，而我都一樣有個新名，就係叫 "橙妹" 喇 ^.^

放工之後約左 SHCCC 既同學食飯，同 Inty 補祝生日！
我地去左 BB 任食特區呀！食到嘔晒咁呀...... *_*
我地仲發現左個最新既減肥法：就係0係撘船既時候，
"COOL" 住側邊0個條繩，然後透過隻船行0個陣既磨擦力，
0係身上磨呀磨，達至減肥既效果！哈哈哈哈......好似好掂咁！

我地食完野由尖咀行到旺角呀！幾堅呀！
好明顯係因為飽得滯，所以要做個運動消化下啦......
話時話，今晚食飯真係笑得好高興呀！好耐冇試過喇.......
好似自 Year 1 之後，我地大家都冇試過笑得咁開懷喇！
咁樣就 Grad 左成年喇！真係好快呀...... ^_^

>>June 15, 2003 at 9:49:26 PM GMT+8

2003 年 6 月 11 日 星期三 【雨】

好煩呀！日日都落雨，落雨攪到個人既心情都差晒......
勁燥、超易攪 "慶"，唉......定係又係同學所講既 PMS 呀？

呢幾朝都因為盼望黑雨既來臨而好早起身.......
等我今朝聽新聞話黑雨，點知原來係澳門，仲要係尋晚囉 -.-"

今朝一早就出到去喇，做左開門0個個呢......
仲食左個好豐富既早餐，不過食完之後就係另一個開始喇......
今日我0係我個位起左座山呀！其實係因為堆晒未做0的野囉......
點知 11 點半俾人足左去開會，一開開到成 1 點......勁眼訓！

Lunch 我地落左樓下間 Cafe 食飯，超昂啊......
如果唔係落大雨我地都唔會去，不過味道都 OK 既！
食完個飯，上番去去個 Let Let 之後，我同 Dor 又去左行街！
今次我地去左瘋狂大購物，買左成 $500 幾呀！好高興 *o^
就係因為去左 Shopping，所以逃過大難......嘻嘻~~~
不過個難就由哥哥幫我擋左喇！辛苦晒佢喇 ^.^

晏晝好努力，係咁做呀做，完全冇停過囉 -.-"
慘慘的今晚仲要開會添，不過都好左架喇......
話開 1830，都 1845 左右開始......不過都開到 2015......
中途我地0個個 Partition 既同事們開左個 MSN Chatroom 囉！

一開完會我就閃喇！因為今晚屋企 10 點開始冇水呀！
點知......當我同 "HeHeHumHum" 咁走去撘車既時候......
一上車就收到媽媽既 Voice Mail，佢話我聽......
「今晚唔會冇水呀！因為改左 16, 17 呀！」會唔會先 -.-"
等我仲死趕爛趕，但係最大既問題係我下星期一要開會 / 上堂囉！
10 點開始冇，我就係正正 10 點開完會 / 上完堂囉！點算？
好好笑既係我同人講既時候，個個都叫我去九公攪掂囉！好0岩囉......

>>June 11, 2003 at 10:33:04 PM GMT+8

2003 年 6 月 10 日 星期二 【雨】

放工、聽 Talk、返屋企......又一日～

(唔該姨姨幫我買粥呀 *o^)

>>June 11, 2003 at 10:37:52 PM GMT+8

2003 年 6 月 9 日 星期一 【雨】

一早起身落大雨，架車又熱又焗 ～ 激辛苦 >.<
攪到個人鬼死咁 "MUNG"，唔鍾意呀！咦......

今日老細未返香港，大家仲可以有少許放肆.......
一到放工時候，我就即係 9 秒 9 閃左！話說呢......
晏晝拎袋俾燕既時候0係 3 樓見到條靚靚 b + ab 裙呀！
放工就落去買左喇！好靚靚呀真係......嘻嘻 *o^
買完裙裙落番 G/F 既時候仲見到哥哥 & 嫂嫂呢！

之後呢，就行落佐敦 join 左 Ivy 同學，一齊行！
哈哈 ～ 由尖咀行到旺角呀我今日，好叻叻呀......
真係要努力做下運動喇！肥左好多呀！嗚嗚......

>>June 11, 2003 at 10:29:53 PM GMT+8

2003 年 6 月 8 日 星期日 【晴】

今日既開始，又係0係戲院過呀！呢個星期第二次......
同一群人但係今次係 UA Times Square 呢！
我地去左睇《衰鬼上帝》呀！好好笑，真係好好笑......
縱使大家幾咁眼訓，但係呢大家都好努力咁睇......
本來睇完戲想去飲野架，不過 Daddy 話要返屋企做野喎！
唉......所以到最後大家都決定唔去，個個返晒屋企......

返到屋企攪掂晒0的野 around 0400 訓，0800 又起過身喇！
約左 Jessie 0930，返左真理堂，去睇 Wendy & Shirley 受洗呀！
見到好多信義人呢今日，傾下計、影下相.......咁就 1200 喇！
之後我地 1 行 5 人 - Wendy, Jessie, Katrina, 燕 & 我去左食飯呀！
我地去左花園食呢，走左信義咁多年都冇去過，真係好耐喇......
食完飯去左行街街，我地好犀利呀！今日總共做左兩樣 "勁" 呀！
1. 我地今日既配撘：大家 5 個都識，但係從未試過一齊出行！
2. 行街由 1300 行到 1830，勁！行到腳都斷呀 >.< 陰公囉！
(不過其實都唔係個個行到盡，係我同 Jessie 咋！燕都唔弱呢！)

今日聽葉教師講野既時候，佢提到近唻又係畢業典禮既時節......
0個下真係好 Touching 呀！原來唔覺唔覺我已經離開左信義成 4 年喇！
出年呢個時候就 5 年喇，個時間 = 我0係信義讀左 5 年書囉！
而家出唻做野睇返轉頭，先發現原來讀書既時間只係佔左人生既 1 小部份咋！

>>June 11, 2003 at 10:12:14 PM GMT+8

2003 年 6 月 7 日 星期六 【雨】

呢幾日都係咁落雨呀！心情又......唉~~~
今朝起身 5 分鐘內聽左 N 個電話，簡直想殺人！

撘平時班車返工，但早左幾個 "字" 就出到去喇.......
終是去左買麥記早餐，好耐冇食過，不過勁肥囉 -.-"

返到公司，又係咁......唔想做野！星期六嘛，加上......
唔知點解呢個星期六既時間過得特別慢架喎 >.<
放工約左哥哥 & Bobo 唱 K，好高興！但係呢......
臨放工既時候 Bo 講話佢地突然要 meeting 囉 -.-"
卒之佢地開會我就同班同事0係出面嘻嘻哈哈，傾下計～
等到佢地出唻，又到我要整野，最後攪到 1400 先走啊！

走左之後我地撘的的過左尖東，犀利既司機......
0係正港晶 Neway 門口俾我地落囉！仲要話：左邊呀......
去到有間大房玩，勁高興，中間仲發生左連篇笑話囉......

以下係兩兄妹既對話內容 ～ 哥哥正0係 Eason 0個頁點緊歌...
妹妹：「嘩.....Eason 呀！勁多歌要點啦！...咪住！上番一頁...」
哥哥：「夏 (同音字).......」妹妹：「1874 丫唔該！」
哥哥：「係呢度既 1874 下話？」妹妹：「係呀唔該！」
說畢，哥哥就按左 remote 上 1,8,7,4 既掣，不過呢......
原來妹妹係想點《1874》呢首歌囉......哈哈哈哈......好好笑呀 *o^

另一篇，不過呢個冇咁好笑呢！當 Bobo 點緊熱唱榜既時候......
妹妹突然大嗌：「落丫唔該！(意思：請落下頁～)」
點知 Bobo 就按左個 6 字，點左0個版既第 6 首歌......-.-"

我地唱左兩個鐘左右，係咁叫野食，好似唔駛 $$$ 咁呀......
食到尾既時候換左間細房，點知過去冇耐，發生左件怪事......
我地按按下個 Remote，佢冇晒反應，之後我地唔理佢既時候......
佢係咁發出0的 "Do Do......" 聲 (當按 remote 時既聲) 囉！
之後我地再按，按親掣揀歌，佢都會 "Do Do" 然後跳番去目錄架！
完全唔知咩事喎！搵人唻整0個陣又冇野，唔通 Bobo 講既係真既？

唱完 K 返左屋企，訓左兩個鐘覺，然後又出過去石聚喇 *.^
可惜的今晚又唔齊人，得 4 個人！唔知下次會唔會齊人呢？
我地去左銅鑼灣間 Fat Angelos 食飯！好高興......勁滿足呀！
原來呢......佢個果味茶都 OK 喎！不過個 Tiramisu 好似尖咀好食0的！

食完野又要搵節目，到最後又係去睇戲，過左 Time Square......
買左 0000 睇衰鬼，中間0個個鐘呢......我地去左 9 樓影咭呀！嘻嘻~*
我仲同 Ivy 影左張 Hamomimi 添呀！好靚架，好野 YEAH *o^

>>June 8, 2003 at 4:04:37 AM GMT+8