2003 年 6 月 6 日 星期五 【雨】

今日眼訓症非常嚴重，撘巴士既時候簡直訓到傻左......
去到佐敦既時候，我仲將成個人打側左唻訓添 :P

返到公司好明顯冇心機做野啦，成朝嗌眼訓......
終於發現大佬0個句好0岩駛：我好想返屋企呀！
等佢成日同我講，今次仲唔到我講下！哈哈 *o^

今日晏晝 Mandy 請下午茶呢！好高興 *o^
好彩我冇叫野食咋，因為佢送左好多腸仔......
攪到我地要係咁幫手食囉！食到丫...... 3.5 條呀~~~

放工上左 Head 開會，撘車上去既時候塞車呢......
所以又係咁訓......仲訓到周圍咁撞囉！勁響啊0個野......
上到去都成 1915 喇！遲左囉！不過齊人之後我地上左泳池，
一路食飯一路開，好明顯我0的腸仔仲0係度架......
今晚得 4 個人開，開得好快呀！哈哈...... 2040 左右就開完喇！

旱有的 9 點幾就返到觀塘喇！本想去行下間精品店......
但係太大雨喇......都係唔好亂唻！卒之打左的返屋企！
仲記得早年前又係一個下雨天，行0個間精品店......
放低左把遮0係間店門前既筒，點知走既時候把遮俾人拎走左！
把遮........ 唉！不過可能唔見左係要我忘記 D 野啦.......

>>June 6, 2003 at 11:04:43 PM GMT+8

2003 年 6 月 5 日 星期四 【晴】

尋晚訓得唔係幾好呀！今日成日都勁眼訓.......
又冇人陪我玩喎 v_v 好彩 Dor Dor 聽日返唻嗟！

其實今日都算 OK 忙，不過係自己唔願郁囉 :p
晏晝 Sandy 帶埋我飯呀！好高興 *o^ 不過呢......
食完飯之後我地同埋 Mandy & Cherry 一齊落左 M 記，
食新0個個 $5 雪糕囉！等大家都一齊話要減肥喎 -.-"

今日放工之後同 Ivy 同學去左行街街，落左 Extravaganza，
0個 "樹" 做緊半價呀！好鬼吸引！我都係頂唔住買左個銀包，
係 Vivienne Westwood 架！真係好靚，我懷疑......佢唔至 50% OFF 囉！
不過算啦.......都已經買左喇！好想買埋佢0的袋呀、鍊呀......可惜~~~~~~

行完 Extra 再去行 BB，行完 BB 再行 Esprit Outlet......
好似行左好多地方咁，但係都係行左一個鐘左右咋......
因為同學要上 Head 上堂，所以之後我就返左屋企喇......

今晚唔係點樣扭扭下扭到背脊條筋，激痛呀 >.<

>>June 5, 2003 at 11:53:43 PM GMT+8

2003 年 6 月 4 日 星期三 【晴】

今日既開始，就係0係戲院渡過喇！
因為我地去左睇《六樓后座》嘛，哈哈 *o^
套戲都 OK 好睇喎，開頭勁好笑，笑到停唔到囉！
但係之後就麻麻地喇......都整體都 OK 既！
睇完都已經 around 0200 喇！我地行行下既時候......
得知左個唔係幾好既消息囉！不過呢........
真係唔好意思呀！我地都冇諗過......咁攪成咁......

返到屋企都差不多 0230 喇！好耐冇試過咁夜返 -.-"
沖個涼、上下網，攪到成 03XX 先訓！激眼訓......
一訓就訓到晏晝 2 點起身，食左個午餐，包括：
肉鬆鳳凰卷 X 1、雞尾包 X 1、腸仔 & 蛋 X 2 同埋公仔麵 X 1/2
超級勁滿足，不過鑊鑊喇......食左咁多野......唉......

食完野就出左旺角喇！約左 Inty 去行街睇戲呢！
不過呢......睇見條街 D 人就想殺死佢地！黑人憎呢......
周圍迫、周圍撞、漫步、急停......等等乜都有......
所以話 - 我真係好怕星期六下晝 & 紅日0係條街度行囉！

我地去左睇《咒怨》呀！不過我覺得唔好睇囉......
都唔算悶既，但係唔太驚喎！最攪笑係完場有人嗌呃錢囉......
講真又真係幾架......分開晒 D 人唻講，但係講既同一時間囉！

睇完戲去左食野，食完野我地就一齊撘地鐵返屋企喇 *.^
聽日又要返工喇.......唉......呢個星期仲有 2.5 日呀！努力！

>>June 5, 2003 at 12:26:26 AM GMT+8

2003 年 6 月 3 日 星期二 【晴】

實在太好喇！聽日有假放，YEAH YEAH *o^
今日呢，好唔願做野呀！唉......聽日假期嘛......
不過話唔願嗟，因為公司近排有0的問題發生......
Dor 又放左假喎，所以我呢兩日都幫下 A/C 做野咁囉！

慘慘的 ～ 公司0的同事個個做野都做到好辛苦呀！
睇見佢地就慘，好似 5 月開始大家都好忙，講真......
連我都可以咁忙，佢地邊會唔忙丫？好慘慘啊......

今晚又去左 City 開會，差點兒就去唔到架喇......
好險呀！因為要 "突然" OT 呀！好彩 argue 成功，冇事！
不過去到開會既時候，好明顯大家既 Holiday Mood 都好重呢！
一唻因為咁，二唻因為 City 個 Can 太凍喇！全場大家係咁捽......
幸運的 ～ 開到 around 2100 就散會喇！其實仲有 D 野未講好囉......

開完會我同 Michelle & 少雯去左南山村既品香樓食飯！勁餓......
去到我地好高興咁不停叫野食，當然到最後....係我同少雯 "刷" 晒囉！
同時我地發現左，下次都係唔好咁信 Michelle 講：叫啦！我會食架喇！
間餐廳係 Michelle 介紹架，真係唔錯唔錯呀！下次要再去過呢！

今晚開開下會 Daddy Andrew 打唻，撩去睇戲喎！當然......
佢係成功左架！因為本來聽日同 Ivy 去睇《六樓后座》架......
但係佢臨時唔得，咁0岩 Daddy 又打唻喎，咁梗係去睇啦！
佢仲撩埋 Ivy & 燕添！好叻叻啊！我食完飯0係樓下 join 埋佢，
再行番出新世紀 join 佢地 - 去睇戲！Daddy 真係好耐冇同我地去玩喇！

>>June 5, 2003 at 12:22:49 AM GMT+8

2003 年 6 月 2 日 星期一 【晴】

又係星期一喇！好耐冇試過斯斯文文咁返工喇......
所以呢，今日好乖咁斯文 Look 番咁返左工......
但係最好笑既係 ～ 大佬0係 "車立" 口見到我既時候，
問我：「你做乜今日咁靚呀？去飲呀？」會唔會先 -.-"
好明顯呢即係......我真係好耐都冇斯文過返工啦......
好彩老細之前都冇嘈過我嗟......Hehehehe *.*

今晚呢......又係一個 OT 既日子 *_*

>>June 4, 2003 at 3:18:57 AM GMT+8

2003 年 6 月 1 日 星期日 【晴】

唉 ～ 尋朝起身已經冇水，諗住返唻有啦......
點知又冇過，一直等到今晨 3 點左右先回復正常呀！
沖得唻攪埋0的呢樣0個樣，訓既時候已經係 5 點咁滯喇！

12 點度起身，好似訓左冇耐咁囉 -.-"
起身之後落左德福同叔叔 & 姐姐飲茶~~~
飲完我地兩姐妹去左行街街呢......Hehe......
我地買左呢個 Dior 靚靚 Lip Gloss 呀！仲有九折添！

行完德福我就出左尖咀喇！去左我至愛既商務......
不過呢，原來星期六、日行真係冇平時放工行咁舒服......
因為實在太太太多人喇.......0的小朋友又周圍咁走喎.......

夜晚約左燕，首先行加記，當然......大家都有收穫啦！
晚餐我地去左厚福街一間台灣餐廳食飯，個位真係 high 到丫...
食完就勁趕去 Arts Centre 喇！今晚去左睇《請你愛我一小時》呢！
個位都幾 OK 架！套劇都唔錯嗟！仲見到明星添呀......哈~~~
睇完都 around 2300 喇！聽日仲要返工呢......O......

乜真係可以愛一個人一小時咩？

>>June 4, 2003 at 3:09:53 AM GMT+8

2003 年 5 月 31 日 星期六 【晴】

呢幾日既心情都好唔差，縱使少數時間有好過......
但係每日既頭尾都係一樣 --- 低落得很 v_v

尋晚攪呢樣攪0個樣，今朝成 3 點先訓，7 點起身......4 個鐘！
回想當年讀 Dip 既時候，每日訓 2,3 個鐘已經好夠，而家.....
以前去玩通頂，我一定會係 "通" 0個班既其中一個，而家.....
係身體差左丫？定係人老左呀？不過我都係後生咋喎......
人越大，發現身體越唻越差，成日都嗌凍、腰骨成日痛、胃痛、
肚痛、頭痛、頭暈......每日總有是但一樣，幾時先得老呀？唉......

今朝又約左班同事食早餐呢！約就約左一大班喇，不過呢......
到最後係得 4 個囉：我, Mandy, Sandy & Cherry (← 唻既次序~~~)
返到公司，又開始我忙碌既一日喇！唔知點解呢個 5 月會有咁多野做～
0的野做極都有，仲好唔夠時間做......OT 都 O 左好多日喇......
今日 ～ 朝 9 做到晏 2，好勁！做到個頭勁痛 & 暈囉......救命 >.<
中途頂唔住，去左 let let 發洩發洩，不過唔太幫到，因為唔可以太張揚......

同事們今日下晝約左打 Bad 呢！本來好想去，但係好似好多人咁......
尋日講既時候，計埋我有成 5,6 個架！所以諗諗下我都係決定唔去喇......
點知呢......今日最後係得番 3 個人打囉......O......哥哥做左燈膽呢！

卒之晏晝我同 Inty 入左西貢郊遊，入到去都 3 點幾，食完個 Lunch......
都已經接近 5 點喇！諗住周圍行下，俾個嬸嬸撩我地入灣，佢成功左囉！
但係無奈既係，我地去一個叫半月灣既地方，原來係 = 廈門灣囉......
即係 = 舊年 7 月我地去 Camp 既時候去0個個水清沙幼既灣囉！會唔會先 -.-"

入到灣之後，我地淨係周圍睇下、影下相、行下.....冇得落水玩呀 ～ 慘！
所以逗留左個幾鐘就走喇！撘番藍旗出市中心，中途仲見到一個美景......
就係 "仿日落 & 日出" 喇！真係好靚架！可惜唔係真架啦......呵~~~
出到去周圍行，去左睇水晶 (唔知點解同邊個去到邊都會睇呢樣野架下......)
當然......大家都有收穫啦！哈哈哈哈......荷包繼續乾涸呀 *_*

晚餐去左 Susanna's Seafood Restaurant 食呀！之前聽過好似好出名咁......
今日終於去左見識見識！0的野都幾好味架，不過可能我地冇乜胃口，
所以都食唔晒0的野，等我初初仲話去食甜品喎......點知......梗係冇去啦！

Um......自上星期腸胃炎之後，近排食野少左 (哈～當減肥都唔錯......)！
食少少都好飽，但係個肚都依然勁脹囉！仲要食完想嘔喎......v_v
究竟做咩呢？我之前又冇食過0的咩特別既野丫......一路咁落去的話......
會唔會變左要食流質餐架？有0的擔心，但係唔想睇醫生囉......

人與人之間，真係好容易會互相影響架！

今日係 Tracy 生日呀！祝佢生日快樂，開開心心呀 *o^

>>May 31, 2003 at 11:51:29 PM GMT+8

2003 年 5 月 30 日 星期五 【晴】

呢兩朝都係自己起身，好叻叻呀 *o^ 不過呢......
好叻叻都有好慘慘呀，就係 Dor 聽日開始放假喇！
冇人同我孖公仔喇！要等到 6 號呀......嗚嗚......

今日返到公司覺得極凍，唔通又發冷？
但係已經著左 3 件衫喇喎，真係有問題......
再 check 番我個 Personnel Record，原來呢......
我一直都以為自己身體好左係一個錯覺唻架......
0係 2003 年我都係 keep 住個個月俾 $$$ 醫生架！唉......

哈～我部 MP3 Player 拎左返唻喇，好高興呀！
今次都係多得 Freddie 幫我咋，好偉大......
不過呢......我懷疑個廠換左部新既俾我囉......
因為我之前0的歌冇晒之餘，連刮花既痕都冇晒！
哈哈......我估佢都係換過新既俾我架喇！好野好野 *o^

今晚放工本來諗住即走，但係都 stay 到 7 點，勁！
之後同 Ivy 同學去左行街街呀！Hehe....好高興！
我地既晚餐 ～ 非常美味 --- 6A 巴士 --- 哈哈~~~
同學今日仲送左隻 Jeans Mimi 俾我呀 *o^

>>June 4, 2003 at 3:00:59 AM GMT+8

2003 年 5 月 29 日 星期四 【陰】

今朝晨早 0700 自己彈左起身，訓唔番......
之後就換衫返工喇！0815 都未夠就出到尖咀喇！
食左個雞記早餐，但係有0的過份呀 -.-"

返到公司都係 0842，勁早呀！不過呢......
返去一陣我就開始覺得唔妥喇！頭痛頭暈啦......
講野又講唔到啦 (係表達能力有問題0個隻)......
心情又突然間唔係幾好啦，好低但唔係 PMS 呀下...
總之個感覺就係好唔舒服啦......唉......無啦啦咁既！
同 Daddy Andrew 講講下電話仲差0的標添呀......

晏晝同 Dor & Bo 去左食粉，食完買左0的野就返去喇！
返到去都係 1345 咋！途中仲見到哥哥去買" 4 個機會"！
0個 15 mins 呢，同哥哥玩左陣，再同 Ivy 同學講左個電話......
就開始做野喇！玩完講完我既心情 "好似" 好左少少，
但係呢個 "少少"，只係 around 2 hours 囉！唉......咩事呢究竟？

放工約左 Ivy 同學去紅盒玩，哈哈~~~ 超滿足！
好明顯 ～ 我去既目的係為左發洩囉！而今次呢......
目的係達到架！好野！Yeah Yeah *o^
聽日仲約左佢去行旺角呢！好高興咁呀！不過呢......
我有0的擔心......希望我可以控制住自己啦 :p

今晚 ICQing 同 Jessie 傾開計，當大家講開睇戲呢個 topic.....
原來大家都睇左《向左愛向右愛》呀！佢仲同我講......
"車太賢好似陳奕迅"......哈哈......唔講唔覺講開又真係幾似喎！

>>May 30, 2003 at 12:29:02 AM GMT+8

2003 年 5 月 28 日 星期三 【晴】

今朝差0的就唔知醒起身，撘到架車都係剛剛好咋......
唉......好掛住部 MP3 Player 呀！整左兩個禮拜，今日拎得喇！
不過呢 ~ 佢個 office 開既時候同我返工時間完全一樣囉！
可以點拎呢？一係就要搵人幫我拎，一係出 Courier 去囉......

呢排又好唔願返屋企，0的人實在太煩喇！唉......
放工之後過左銅鑼灣行街食飯，好高興呢 *o^
今日行 Sogo 試左 Addidas 新出0個對靚靚鞋呀！
但係呢......原來睇雜誌影0個對係靚好多囉......-.-"
行完街街去左麻布茶房食 Dinner 呀，想去好耐喇......
今晚終於都去到喇！哈哈~~~ 係同姐姐 & 叔叔去呢！
唔知係佢0的野好味丫，定係我地肚餓...我地兩個係咁食囉！

嘻嘻~~~今日拎左上次 Agnes b 0的戰利品喇！好野 *o^ 好靚呀！

>>June 29, 2003 at 3:01:32 AM GMT+8