2004 年 1 月 8 日 星期四 【晴】

呢兩日都係咁睇hon pro d 野...
今日係時候動工...照慣例打左個reference先...不過一直都唔知點落筆...寫一篇咁長既文...焦點太多...好難寫...有好多野想講...但當中e d野有大部分都係係人都知既...
而諗深一層...自己平日所寫既論文...大部分都係一d係人都知既野...而一d 其他人唔知既...不過係一d 基礎性既資料...睇左e 堆資料...就好容易演繹到一篇好既文章出黎...
咁我做既野有咩價值?

e 幾日真係冇打cm...但並唔代表我勤力...實在有太多娛樂...可以睇報紙...睇雜誌...睇DVD...睇有線...根本唔打機都可以好快浪費哂d時間...唉...仲話為昨日既玩樂贖罪...但昨日所做的和今日幹的...又有何不同? 好似而家打日記咁...其實都係徙緊自己既工作時間...唉...

終於出左成績...極為失望...只得一科符合自己既預期...兩科可以接受...不過可以做得更好...
一科更加係大炒...
見到科大炒科...真係好不滿...好唔開心...好想鬧俾分既導師...但係我接受e個分...
e 個分係我應得既懲罰...唔可以怪組員拖自己或者咩野成組合作得唔好...
自己做左一pat屎...一pat垃圾出黎...自然會得到一個垃圾既分數...
未開始做個present同paper之前...我已經預左炒(諗深一層...果陣有咁既放棄心態...衰係疚由自取...)不過真係估唔到炒得咁應同咁大獲...是我自己付出的努力不夠多...而換來了這樣的結果...
如果付出了努力...仲炒...我仲有資格可以憤憤不平...
而家咁樣死左...我就只能怪自己唔盡力...做得唔夠好...唔夠多...

有朋友話其實我考得都唔算差...唔明我仲不滿d咩喎...
其實就好似做一個負責幾條戰線既總指揮一樣...其他戰線因為自己既指揮而得到勝利...
但其中一條戰線因為自己犯既錯誤而搞到損失慘重...咁我係有功定有過呢?
小小既勝利唔值得沾沾自喜...除非你係全勝...失敗就一定要引以為戒...
覺得可以接受既其中一科...如果present再努力一點協調...考試再努力一點...唔咁懶...溫d唔溫d既話...我一定可以更進一步...

強烈的挫敗感...下個sem更加係全部西人教既西科...兇多吉少...
但唔可以俾任何藉口自己...一定要努力才行...

>>January 9, 2004 at 7:14:30 PM GMT+8

2004 年 1 月 7 日 星期三 【晴】

昨日打機打到4點先訓...
今日就要一早起身...因為?
約左人踩單車^^
食完野都成點...我地去左terry哥上次介紹間單車鋪...諗住又近又平...
上次聖誕期間都只係收35..今次獅子開大口收45? 老虎都講價喇...
講到條友肯讓步...話收40...但都仲係貴...但朋友好似聽唔到人地讓左40...
竟然插口...收40喇...好唔好?咁我當然冇得再出聲...就40...
$$$$$$$$$

本來想帶人去大尾篤踩的...但...竟然去左海濱公園之後就迷左路...要人地帶返我轉頭...好樣衰呀...不過最後都去唔到大尾篤...慘...

取左架爛車...係咁炒...我技術差都係原因...

踩完單車...身心俱疲...但都一齊行左陣沙田先走...

之後又去赴唔知做冬定過年既家族聚會...同一家酒家...
大家既焦點又係集中係我個表姪身上...因為佢我果一輩所生既第一個細路...大家都好錫佢...
我就好驚個個都咁縱佢...會令佢變左一個廢人...缺乏嚴師授以正道而生活係溺愛之中...我覺得咁係不幸...唔係幸福...希望佢大左唔會好似我諗既咁喇...

>>January 9, 2004 at 6:56:22 PM GMT+8

2004 年 1 月 6 日 星期二 【晴】

呢兩日都係咁*hon pro d 料...百幾頁百幾頁咁睇...真係悶到顛...
最怕果D 寫得好長好累贅既基礎資料..就咁睇加埋要明哂佢講咩...已經頭都大埋...
之前睇既資料又唔多記得...好在果做左份好長既OUTLINE...而家終於派上用場...係咁係份OUTLINE上面做筆記...應該好快可以開始動筆...希望係下星期之前搞掂個first draft喇...
如果按照計劃...可能星期一之前就搞掂...但以而家既懶散狀態...都係預多d時間比較好...

收到個時間表...d時間一樣咁衰...又係8:30堂...點頂...

每日都睇幾集Z 高達...個故事的確幾吸引...

本來按照今日既計劃...應該係睇哂所有料...打埋個reference list既...
點知下午掛住打機...
諗住打到食飯算喇...食完飯...睇埋報紙...突然又想打GTA...
打完GTA 又同王dull打cm...
已經變左病態機迷...諗緊仲同唔同王dull打cm果刻...內心真係爭札得好緊要...相信王dull亦都一樣...
決定打機果一剎那...竟然有好大既罪疚感..甚至有d想喊既感覺...就好似做錯左野既靚仔咁...
感覺好辛苦...
但又要打機...
結果我遭受到天罰...輸到訓直...發誓 e 幾日都唔打cm住!!!

>>January 7, 2004 at 8:42:08 PM GMT+8

2004 年 1 月 5 日 星期一 【晴】

凌晨2時57分...終於把工作完成了...真係眼都朦埋...做到...明天可以全力向hon pro 挺進...

昨日整天和王dull打機...睇左陣z 高達之後...就由2點打到夜晚10點幾...本來大家講好打3個鐘...點知愈打愈high...愈玩愈耐...唉...真是入魔了...

但唔打機...又好似冇咩野做...打機...又徙哂d時間...又是一個矛盾...

不過有時唔打機...薺同王dull chat 都幾開心...可以冇話不談...有時只係chat都可以chat成幾個鐘...
成日都係講88之後又冇喇喇入左另一個話題再傾過...
感覺上王dull係一個生活經驗幾豐富既人...問佢咩都可以答到你...反而學業上佢就好似冇咩天份...
但我覺得與其讀死書...不如有多d e d 生活經驗同閱歷更好...
好似我咁...巴士都唔識答...踩單車都成日唔認得路...真係唔多掂...

大佬成日買d 運動用品返黎...搞到我都玩埋一份...
不過做gym 既疲勞(係掛!!??我估...)好似仲咩消除到...做引體時個小腹好似烈開咁痛...
希望快d做到10下以上喇^^

屋企勁多零食...日食夜食勁happy...
小食多餐比節食更容易控制體重...別以為吃少點東西便可以減肥...
因為人體是會就你所吃的東西自動調節的...吃得少...新陳代謝速度便會減慢...一樣會做成脂肪的積聚...
反而少吃多餐...可以使人體保持著新陳代謝的一定機率...對減磅很有幫助...
不過...我而家好似係多食多餐...希望唔會變大肥佬就好了...

>>January 5, 2004 at 8:13:09 PM GMT+8

2004 年 1 月 4 日 星期日 【晴】

呢幾日都沈醉係z高達既世界入面...套野真係幾好睇...
雖然係幾年前既作品...
但都算冇入錯貨...值回票價...

發覺有很多事想做...但又沒有時間做...但又有不時候是無所事事而把時間白白浪費掉...
人生真是充滿矛盾呢...

前天有線再次播出綠里奇蹟...我又再看多了一次...好電影真是百看不厭...
十二國記也是值得一看再看的...可惜沒有時間...
如果可以的話...我也很想寫出一個能感動讀者的壯大故事...可惜我的文筆很差勁...未來忙於搵工...亦沒有時間去充實一下自己的寫作技巧...夢想不知何時才可以實現了...
發覺從前的作文十分幼稚...總是想把文章寫得有趣一點...但始終離不開敘事的框框...不管寫得再出色...也只是在記述一件事而已...缺乏靈魂...很希望可以再回到不停作文的年代...寫出優秀的文章...可惜已沒有可能了...

最近向某君表白了一些事...雖然明知道這並不是一個明智的決定...但我仍然被某種力量或意識驅使下做了...經常都出現這種情況...幹了不少蠢事出來...
懷有某種目的或不良動機去做一件事有報應是當然的...也怪不了誰呢...
不過事情演變成這樣也許是一件好事吧...成功了又如何?
只是增添困擾和煩惱而已...

每天都為副業而忙碌...很辛苦呀...錢真是不易賺的...快點完成它便可以做hon pro了...
加油^^

>>January 5, 2004 at 7:52:42 PM GMT+8

2004 年 1 月 1 日 星期四 【晴】

今日真係累到爆...
晨早起身...開電腦(唔知點解變左做無意識既指定動作...)玩左陣icq食d野就出門口...

著左件型仔線衫出去...點知竟然會熱成咁...明明係1月...點解仲好似夏天咁嫁><
換好衫就開始做gym...一入gym room 就見到有一對夫婦好努力咁做緊掌上壓...@@@
我就走左去做sit up 同引體...狂谷左一輪之後等埋廢剛就齊齊去打壁波...

不過做完gym真係累到爆...指導仔仔練習又勞氣又辛苦...仲搞到拉親隻手tim><...

辛苦完一輪...同廢剛 & charles走左去油尖旺逛街(真係3區都有行...)一路行一路係咁講野...勁開心...

下次行過^^...

第二朝起身...成身散哂...周身都肌肉酸痛...真係屎...
王dull就fit好多...d 運動 event 連續咁直落都可以捱得住...

>>January 3, 2004 at 6:10:08 AM GMT+8

2003 年 12 月 31 日 星期三 【晴】

唔經唔覺...冇喇喇又到左新既一年...
不過對我黎講...今年同舊年冇咩分別...冇咩感覺...正如自己生日都冇咩感覺一樣...
但點都好..都要講聲...新年快樂^^

可能昨日真係太疲既關係...返到屋企又通宵打機...
今日訓到成3點先起身...但奇怪既係我明明較左鬧鐘...醒果陣睇下個鬧鐘...明明仲係著住的...
咁點解會唔響呢?(又或者響左但嘈我唔醒...如果咁就真係恐怖...皆因我個鬧鐘都幾大聲...)

起身睇左陣男塾劇場版...有D不知所謂既感覺...冇左TV 版果種節奏明快既feel...睇到想訓...
之後同王dull打左陣cm...都唔知同閒日有咩分別...隨左冇人上網之外...

本來聖記7wi 殘黨有到數聚會...但我最憎e d大時大節同人迫...亦冇興趣睇明星...所以決定唔去...
而且我昨日玩得太盡...真係好疲...唔想見人同同人講野...打算係屋企抖下...

點知阿媽突然打黎話一班內地親友將會殺上黎我屋企...話係探下我喎...
搞到幾乎掟電話咁滯...(雖然好衰,,,但真係唔想招呼人...)
冇計..都要死死地氣執屋...廢事失禮人....阿媽返黎仲要話: 都唔係好亂0者...
梗係喇...我執過黎0y麻...仲揀左堆小食出黎招呼人...

雖然同班親戚都有講有笑(搞到我打cm都冇咩望畫面...只係差唔多就按一下...打字又得閒先打兩隻...)不過我真係唔多想講野...之後又同班姑姐去左食飯...食完又係咁傾計...之後仲嬲埋我一齊上太平山...幾打話有約算了...咁疲...0米搞我...

返到家...望下個鐘...已經十點幾...應酬左3個鐘...

其實唔太抗拒應酬...只係太多太密既話,,,就真係人多顛...
之後1到左12點...開個電視望下咩環境...就見到現場嘈到拆天(正常...水靜河飛先得人驚)
只係覺醒有種好煩既感覺...睇左一陣就即刻熄電視...
到數黎都唔知做咩...好似王dull咁去打牌好過...XD...

>>December 31, 2003 at 7:51:38 PM GMT+8

2003 年 12 月 29 日 星期一 【晴】

今日真係勁累呀...
十點鐘就起身換衫,食野(近幾星期第一次咁早起身...)
之後就即刻出門口...

當我準時到達之際...Terry同 Martin都唔知係邊度訓緊覺...等左成3個字先出現...
早知真係訓耐d...

租車果陣Terry又發揮佢既口才同人際7網絡...講到人減價俾佢為止...
我就唔識同人講價了...
上次同terry踩單車都係踩到海賓公園...e次竟然要由沙田踩到去大尾篤,船灣果頭...真係成日係度喪踩...
不過今日天氣又好...沿途風景又正...踩左成日都冇咩點出汗...特別係係個壩上面果段路d境真係靚到無論...同terry,martin仲影左好多相先走tim...
不過回程果陣真係斷氣咁滯...仲踩左去大埔影左一輪相...再喪踩返沙田...
踩到後尾連terry既車尾都見唔到...交車仲有d腳軟既感覺...><

之後又即刻趕去赴今晚之約...本來整靚左個頭...踩完單車之後就變左堆草...不過都冇計...唯有由佢...
由於要睇金雞趕時間既關係...竟然去左食麥記...食飽就即刻入場...
原本我唔想睇金雞...不過就下人...唔緊要...而且唔睇都唔知食飽有咩做...於是是但...

但估唔到套野唔差...如果冇左d無聊笑位就更加好...黎明果段同張學友果段睇得最有feel...
如果d 笑位唔係突登整到咁低能就好囉...

睇完戲一直係度阻頭阻勢既dolly終於閃人...皆大歡喜之下去左飲杯野先散...
成晚既氣氛都相當之唔錯...可惜既係喪踩一輪之後既我疲到爆...唔係更加開心^^

Terry哥講價既功力果然厲害...買野飲都有得平...有你真係慳返唔少錢...
單車技術進步左唔少...已經掌握左慢速行駛既技術...不過比起terry哥真係爭好遠...我單手渣太真係即炒咁滯...始終唔多識就力...

>>December 31, 2003 at 2:30:40 PM GMT+8

2003 年 12 月 28 日 星期日 【晴】

e幾日都係不停咁打notes...
而家愈打愈快...
一個鐘唔使就打好一份了...

夜晚出左去搞版聚...不過今日氣氛麻麻...
大家都比較靜..但都算開心...
金鳳d野食又唔錯...真係幾ok...食飽之後...
同以往既版聚一樣...又係去左機鋪打機...
雖然唔多like...不過大家想去(或者冇人諗到有咩做...)
是但喇...唉...

夜晚又同王dull仔仔打機打到4,5點...但我明天亦要早起...

近來icq 經常和一些朋友談到一些敏感的話題...
令我須要對某些事重新作出思考及定位...
思緒很亂呢...

>>December 31, 2003 at 2:31:20 PM GMT+8

2003 年 12 月 27 日 星期六 【晴】

唔經唔覺...又過左一個星期...
d 時間過得好快...距離畢業...出黎做野又近了一大步了...

放假其實係屋企都冇咩野做...
都係日日打notes 同打機...
再唔係就同王dull 討論人生的意義...

不過而家慣左個格式之後,打notes都快左好多...不讓terry專美...
不過...仲有好多未打...hon pro 都未陏過tim...搞到...><

近排放假...大佬成日在家...
於是...唔係爭機打就係一齊打機...呵...

希望...可以再多幾日假期...

ps. 為防止太晏起身...每日都較左鬧鐘...效果非常良好...
訓多同少一兩個鐘...原來分別不大...
不過就多左好多時間用...

>>December 28, 2003 at 10:44:40 AM GMT+8