2004 年 12 月 10 日 星期五 【晴】

連續數日不斷出街, 很累...
今日先發現, 櫃桶入面大部份都仲係短袖衫, 想著果d衫又摷哂所有櫃桶都搵唔到,
唯有求其笠件風褸就殺出去, 諗起黎, 都差唔多成年冇買過衫褲鞋襪了...呵呵...

預錯左時間, 令女神久候tim...
3點幾, 未食晏都唔多餓, 於是周圍行黎行去搵野食, 順便傾下偈...
不過我地求其選擇既果間餐廳, d野實在太難食喇>
收到巨神送的貴重生日禮物, 十分感動, 小弟一定會好好珍藏佢, 將佢當係家傳之寶咁一代傳一代...

之後同曹小姐周圍行, 等廢人dull放工...生平第一次同曹小姐傾咁多偈, haha, 聖誕再出黎玩過.
夜晚巧遇大丸及榮少, 近排真係見到好多同學仔既0者.

近排雖然成日出街, 但由於生日大哂關係, 幾乎餐餐都係免費餐, 多謝各位^^
不過今日夜晚食果間亞洲野, 個人覺得一般0者, 唔係你地講得咁好食播, 曹viv, 王dull~

再一次多謝至尊女神既禮物^^
聖誕再見喇^^

>>December 12, 2004 at 1:44:00 PM GMT+8

2004 年 12 月 9 日 星期四 【晴】

家中的電腦壞死十三天後, 終於重回家中.
在剛剛失去工作, 閒賦家中, 最須要電腦的日子, 它卻離我而去.
極慶之餘亦只有極之無奈.
尚幸家中叢書豐富, 偶爾翻閱當可聊解寂寞.

這十多日來, ps2都打厭了, 天天只是看動畫及小說, 閒時則出外走走...
電腦死左, 最慘唔係冇機打, 而係上唔到網, 好似同外界斷絕哂聯繫咁, 工已經搵唔到, 因為d 履歷係哂部腦度...

三成今天牛一, 平日這個時候都是忙於溫習, 應付考試, 今年終於可以脫苦海了^^
呢幾日身邊好友都請三成食左唔少免費餐, 再加上朋友賀電, 友濟間之濃情厚意著實令人巨動.

今天下午5時多時突然收到電腦公司電話, 話部機終於返黎, 即時衝出去取機...
但卻忘了現在是下班時間...台住部野...加埋個底板盒...應該答咩車返屋企??
結果三成選擇左地鐵, 貪佢車廂大也...不過由298殺去地鐵站就真係台到我死...

返家途中, 完美女神突然來電, 使三成十分狼狽, 唯有奮起神力, 一手台住部電腦, 一手講電話...
(由於趕時間, 唔可以停係度放底d野, 唯有邊行邊搬邊講...)結果幾分鐘通話就令三成付出沈重代價
手臂肌肉好像拉傷了, 返家痛到飛起...
之後同屋企人去天樂食野慶祝, 但由於台部機台左好大段路, 結果三成好似患左柏金遜咁...
雙手完全不受控制...搬部機仔都搞成咁...真係屎...唉

夜晚老屁打黎嬲去唱k, 但三成部腦返左黎, 好多野搞, 對手又唔聽使, 加上連日不斷出街, 明天又要出, 所以都係...算吧喇...下次先...呵呵

明日的4巨頭會議, joey及廢剛先後飛機, 結果得返我同女神撐台腳...
joey放飛機原因: 家姐牙痛
廢剛割巨斷義放飛機原因: 近排出街出得太密(!!!??)

部腦返左黎...又要開始找工...見工歲月.

>>December 10, 2004 at 7:29:23 PM GMT+8

2004 年 12 月 1 日 星期三 【晴】

呢兩日無咩特別, 無工返既日子, 加上電腦壞死, 仍然遊手好閒.
昨日夜會dolly發無情無義真君義, 不見多時, 真君仍然樣衰, dolly依舊醜陋, 但一行人仍暢談甚歡

翌日拜訪Dolly家, 炒他四蛋後即發生壞winning碟事件, 史稱122慘劇...
估唔到小dolly怕輸竟出此下策, 禽獸行為令人髮止.

之後取左隻中, 日, 韓聯賽版黎頂住先, 叫做好過無...不過唔知d人係咩水, 投入感始終大減.
結果和Dolly鬼混至六點幾才入眠...zzz

>>December 3, 2004 at 3:27:50 AM GMT+8

2004 年 11 月 29 日 星期一 【晴】

今天last day, 但工作仍然頗多.
不過上班初段則非常悠閒, 做左好多私事...

不過得閒左一輪, 又再做到唔停手...

結果都是9點幾才收工.

同SHADOW姐交換了一切聯絡方法後, 才揮淚拜別, 有緣再見...
E份工雖然辛苦, 但確是學了唔少野...至少工作心理質素強化了不少.
普通話雖有進步, 但仍很爛...

>>December 3, 2004 at 3:20:05 AM GMT+8

2004 年 11 月 28 日 星期日 【晴】

一整個星期天也是沈醉於侍道的世界中…
天天都是用不同的武器, 不同的裝扮殺殺殺, 爽也.

高達愈看愈起勁…但想不到看了四份一男主角便和其中一名女角搞起上來(被動地)…很色的作品…
但劇情真的相當不錯,豐富之餘又沒有太多濫情的情況出現
沒什麼悶場., 佳作.

阿記對利記, 阿記絕對令一眾捧場客失望, 輸得太難看了, 完全抵死.

今天shadow姐不知發什麼神經, 整個早上都係同三成玩樂談笑, 令三成也不由得愉快起來, 充滿幹勁…
記得那時在AG也是經常和松松及Raymond談笑呢, 唔停地做同事間又唔講野, 真是很局促很不舒服的.

上星期shadow姐不斷遊說三成留下, 結果今天出現了戲劇性的轉變…

夜晚食大餐^^…但夜夜都冇得走…好餓…

原來西環都有間天樂, 唔止銅鑼灣先有…今次佢地請左三成去果度食…
個牛扒同個疏乎你都好正…而且今次食飯成班人都有講有笑, 同下午既沈悶完全唔同…
鬼咩…下午成大班人座埋一齊, 當中有D人又互相唔妥對方, 好似睇緊金枝肉葉咁, 講親咩都就住就住…
氣氛又點會好…
今次得4丁人個FEEL就完全唔同哂…食得好哈皮…
可惜此情此景已經冇咩機會再出現了.

>>November 30, 2004 at 2:24:57 AM GMT+8

2004 年 11 月 27 日 星期六 【晴】

真悲慘…
昨日回家抖了一陣便要身水身汗搬成部機去灣仔整…
加上電腦公司要求三成帶埋個底板盒, 真係十分笨重…
送左去之後又要等佢check, 唯有周圍行…明明很眼訓的, 真係激死人…
結果最後去左天地(haha, 係天地圖書, 而唔係Air & Ground 啊)打左成個幾鐘書釘(仲買左百幾紋書, 所以我唔係混吉嫁)
搞到6點先收到通知話底板燒左, 部機要入廠…成個幾星期冇機用了…真係頂.
結果回家後便沈醉於侍道的武士世界…
睇完修羅之刻之後真係覺得特別好玩, 殺呀!!!屠殺了不少人呢(^^, haha)

另外, 在公司符近發現了一家好上好, 食品批發很平, 即時大量入貨.
成星期既軍糧都係40大元…抵!!!

>>November 29, 2004 at 1:39:14 AM GMT+8

2004 年 11 月 26 日 星期五 【晴】

前兩日同Billy 同 Shadow閒談時, 才發覺他們也不是想像中的工作狂來的.
只是此公司實在太變態, d單做到佢地百佳都做唔完, 親愛的阿head原來更是早已萌生去意呢…
來左3個星期, 仲係同一眾同事冇咩兩句, 有d 更加係連名都唔知同從未講過野tim…

但偏偏次次食飯都7,8個人, 佢地之間又唔會點講野, 搞到餐餐都係默默咁食…
好局促也…

昨天難得極早地收工, 6點多便走人了, 真是令三成極為興奮…可惜原來一切只是惡夢的開始…
鑑於平日有感睡眠極為不足, 於是回家立刻大覺訓, 在兩個小時的睡眠後即時變得精神弈弈…

點知訓醒食埋飯之後開電腦…發覺部機竟然開唔到!!!????
又燒左!!???6個月前先燒完火牛, 今次又燒乜X!???
唔通(我大佬)去錯左黑店買機???即時超慶…唔係因為冇機打…而係因為要取去整, 好q煩的…
天天上班時間已經唔多夠使…仲要食多我幾個鐘去搞機…頂!!!

高達愈睇愈happy, 每天都要看兩,三集先肯收手…
冇電腦玩點算?玩PS2囉…本來想練下英文及普通話的…但都是算了…

惡夢1後, 惡夢2便是午睡後, 夜晚竟然訓唔普….XYZ####@@@

>>November 27, 2004 at 3:17:31 AM GMT+8

2004 年 11 月 24 日 星期三 【晴】

每一天都極不願起床上班, 換衣服時在睡,等電梯時在睡, 站著等車時也在睡....
可以一覺訓到尾就好了…
雖然精神不振, 但一回到公司開始工作便睡意全消(只是睡意, 不是倦意)…始終太多野搞, 不振起精神不行…
不過最近都不太提得起勁, 都是輕輕鬆鬆慢慢地做…堆積如山時才開大馬力…

現時位子已便堆積的布樣及文件沒埋了…
普通話真的很爛…人家說到公司名稱時, 常常聽不清楚, 好像”信豐”, 人家便說了一萬次我也不知是什麼東東…
真係瘀… 睇黎三成既大名好快就會係大陸流傳…出名普通話廢也…

>>November 25, 2004 at 6:36:32 AM GMT+8

2004 年 11 月 22 日 星期一 【晴】

巨剛現在好像很幸福快樂的樣子.
從沒有人會希望自己的朋友得到幸福和快樂的, 看見廢柴中的XO小剛如此開心, 教人怎能忍耐!!!
終有一天, 我要把你的幸福, 你的一切狠狠地, 無情地, 溫柔地撤底摧毀!!!
把你的巨奮力踏碎!!!

今天上班很多電話及文件要打, 又有很多email要覆, 不過都是些很易處理的工作, 最煩只是打電話給大陸廠而已, 總是戰戰兢兢, 驚俾人笑d 煲冬瓜太水…
座我旁邊的新同事悶得瘋了, 來了3天仍沒事幹, 比三成第一天上班時更空閒…
周圍的人忙得發顛, 自己十分得閒的感覺真是極為難受的…
但她也不用對著一部啟動不能的電腦扮打字吧…看著沒有內容的mon, 雙手在keyboard 上密集移動…真是十分恐怖(汗…)

今天加班破哂紀錄, 加到9點半...精神的虛耗真的極大, 回家看了一會報紙便頂唔順訓左成個鐘...
工作快把三成的精力搾乾了...

Shadow 姐繼續每日一留...但加班加得咁勁, 雖然工作好充實, 但瘋狂又沒有補水(笑)的加班可不是人人吃得消的...好累啊...

>>November 23, 2004 at 5:45:36 PM GMT+8

2004 年 11 月 21 日 星期日 【晴】

星期六下班後在公司符近閒逛, 發現了一個食品批發市場, 下星期決定殺入去掃貨.
之後順道去了灣仔買了Gundam Seed回家, 昨天看了3集, 果然很有趣, 主題曲亦十分動聽, 200元真是超值…

今天仍是不想起床上班…天氣實在太凍了.
難得回到公司竟然十分悠閒, 不過過了不久便為了air freight 的問題忙得一頭煙.
但周圍的人比我忙一百倍啊, 像Shadow一個早上便收到了4十多個email要回覆, 真是人都顛(而在下要follow 及reply的email只有十個左右…haha)…
想不到離開了AG, 仍要處理AWB的事…

下午吃了一頓難得的快樂午餐, 可能是人比較少的關係, 只有一個新同事及和三成比較0岩傾的maggie 及 shadow, 使一向吃飯時沈默非常的三成也話多了起來.
公司的一班同事說要給三成搞歡送會, 其實有不少同事連野都冇同佢地講過, 冇喇喇一堆人搞咩歡送會也是一件麻煩的事…個人比較喜歡幾個0岩傾的同事搞小圈子更舒服…

今日幫Shadow 手覆左唔少email, 又打左幾個電話上去聯絡d 死人大陸廠, d普通話真係好唔掂...
有時都好嬲自己父母從來沒好好培養自己的, 由我自生自滅, 讀書又靠自己自發, 困在家中日日打機又唔理...真係...
好似細細個時就應該俾我學多d野, 識多d朋友喇...有好多野大個左想學都難囉..

不過而家怨黎都冇用, 唯有怪自己細個唔用功, 大個不努力.
人地讀大學就係讀書, 我就係玩多過讀...真係自己羅黎的.

今日好多野做, d 時間過得好快, 而且做得算唔錯, 都幾有滿足感的.
自辭職後, Shadow不斷留我, 令三成覺得自己總算唔係一無是處, 對公司叫有d 貢獻.
回想那時在AG, 三成覺得自己是可有可無的, 亦是三成辭工的原因.
現在都不知辭不辭這份工好, d 野又開始上手, 但間公司d 制度又唔多好, 返工時間又衰...
特別係勁多野做, 如果做上去真係比而家辛苦10陪, 諗起都怕怕...

回到家中又是沖涼, 食飯, 睇碟, 打機, 咁又一天...
生活真是毫無目標可言...很空虛無聊...
搵多多錢都冇用, 我又唔使錢咩滯既...覺得現在的生活只能用一團糟來形容...

>>November 22, 2004 at 6:17:01 PM GMT+8