2004 年 9 月 25 日 星期六 【晴】

今日全日都是在家休息, 只係落下馬會咁大把...
係屋企睇漫畫,報紙, 打機同睇星矢...

haha, 冥王篇睇咁多次都仲係覺得好正, 80大元真係買得過.
冇喇喇打電話俾小剛同佢煲電話粥, 一講就幾乎兩個鐘...由於平日三成係好少講電話既, 所以都0米話唔罕見.

夜晚英文台播風之谷, 記得細個果陣睇過, 但已經冇哂印象, 睇左佢個片頭就決定今晚留係電視機旁睇多次.
套動畫好正, 就係衰在d 垃圾配音, 講埋d 無聊港式笑話, 咩大亞灣, 謝廷鋒咁, 破壞哂套野d 氣氛.
本來可以聽日文配音, 但好死唔死, d 死人字幕配既係中文配音既台詞...
即係要睇日文就要唔睇字幕...迫住聽d 9唔答8既配音(睇返英文字幕就更加覺得佢9唔答8)...激死人.
不過都冇咩點影響套野既可觀性...最正既一幕就係個女主角張開雙手係架飛機仔跳出黎救隻甲虫仔果幕(三成想睇風之谷都係因為係宣傳預告時睇到呢一幕)...真係好正
如果係睇碟既話, 三成一定重播多幾次呢幕...太正喇^^

夜晚屋企突然斷水...落樓下用水桶取水返屋企用, 有d制水既感覺...
臂力好像強了不少, 單手取全滿水桶都仲係健步如飛~~haha(不過其實都係一段路仔)...

畢業禮d 野都未得閒睇同搞...真麻煩...
好多人都好鐘意呢d 儀式, 覺得一生人冇幾多次...但三成就比較奇怪, 最憎呢d 儀式野...
麻煩到死...但不去又會被父母責難...其實計我話張證書郵寄寄黎0米算囉...
但既然點都要去, 到時就唯有盡量happy d , 感受下畢業既氣氛同感覺喇^^

>>September 26, 2004 at 3:53:12 PM GMT+8

2004 年 9 月 24 日 星期五 【晴】

今天又要留在公司加班, 但其實一切的工作其他人已經打點好了,
只是等資料, 出個email, 打個電話就搞掂.

購入了聖鬥士的冥王十二官篇, 雖然已看過一次, 但仍值得收藏呢^^
而且只係$80紋就買到, DVD黎講都算抵了...haha

最近的這兩天都是不斷在反省自己的生活...後悔和愧疚的事實在太多了...
可惜生命冇take2...過去了的東西...發生了的東東, 即使想再來一次也已經是追悔莫及了...

讀完書之後生活就冇哂目標, 做咩都提唔起勁...唉唉唉...
我可以點...

Dolly又走了...祝他一路順風...

>>September 25, 2004 at 1:04:46 PM GMT+8

2004 年 9 月 23 日 星期四 【晴】

今天不知交了什麼惡運, 一回公司便被不斷被andy 揶揄, 不過三成常常犯些大意的錯誤也是罪有應得的...
不過算了, 因為今天三成終於請辭了, 以後可以不用受這些閒氣...真是媽的...

最討厭條友成日用 "佢"黎作為三成既代名詞...
例如他常對松松說: 你叫佢(即是本人)做xxxx, 搵佢搞xxxxx etc...
而且講得鬼咁大聲, 家下冇名你叫呀, 下下都用佢佢佢...
真是覺得很慶...平日則稱呼stella 做"阿姐(清潔果d?)or 師奶...真係點忍...

老實說, 離職的什麼原因都是假的, 頂佢唔順就真...
既然得不到尊重, 那留在這兒作甚?工作再努力也不會得到賞識...真是令人十分洩氣...
今日佢仲衰到話: WIlliam, 你知唔知你係我心目中好渣嫁咋...
真係佛都有火...咁渣0米唔Q做囉...你搵第二個捱喇!!!

很快三成離職的消息便傳遍了office了...haha...
大家都很關心三成呢^^ ~~~真是令三成一陣溫暖^^
特別是Raymond, 經常給予三成工作上的鼓勵, 就像是三成的父親一樣~~真是很感激他呢^^

午餐時一眾同事到維苑(某餐廳)豪了一次(其實只係$40...但一眾慳家同事很大反應)
但三成點的牛扒十分難食~~~(汗)

不知是否辭工了的關係, 回到公司後真是有成身鬆哂的感覺...
平日上班總是覺得屈住屈住咁, 真係做得唔多開心...
而且整天也是沒事幹, 空運部遊手好閒...唯有又同Joey 玩email喇...haha
咁0岩佢又得閒到死, 搞到d message 快到好似玩緊icq咁^^

及後andy離開office, 一眾同事變本加厲, 係公司開大食會...haha
狂食生果同月餅...
但之後andy又冇喇喇死返黎行行企企...結果成個office再次陷入一片死寂之中...

下班後, 拜託了松松代三成加班, 便去赴中學朋友之約...
今天約了中學時代的恩師蔡太出來聚餐, 但估唔到咁迫咁多人...
而且出現的很多都不是玩開的朋友呢...不過都是一些熟悉的面孔便是了...
其實三成好憎去d 7人以上既聚會, 咁多人好易各有各講, 想同遠d 既人傾下計都難...
好似今次咁, 隔太多人, 很難和蔡太談話呢...

很快又要煩考試和找工作的事了...
本想星期六報空手道班的, 但回心一想, 要是做編輯那類不定時工作, 豈不是白白把學費浪費掉嗎?
故還是暫時擱置好了...

>>September 24, 2004 at 6:00:38 PM GMT+8

2004 年 9 月 22 日 星期三 【晴】

唔呀, 這兩天都是閒得可以的, 沒什麼事情好記...
經過了星期一, 二的忙碌後, 又再開展了在公司混吉的生活...
唯一較特別的, 便是松松今天去了廣州分公司, 幸好今天沒什麼事幹, 不然三成便大頭了.

Andy照舊很煩, 忙的時候煩, 無事幹時更煩, 整天在公司行來行去, 真討厭...
三成便乘工暇時寫信給朋友(親筆信呀...不過字體極醜), 填公務員考試form...
為離職做定準備...
本來打算在離職後才做這種事的, 但原來9月28便截止了, 唯有盡快搞掂...

下午俾老闆叫左回家取部DC借俾佢, 估唔到返到屋企先發覺大佬取走左部DC, 冇計...
順手係屋企蛇返陣先...但真係車費都蝕埋...仲搞到身水身汗tim...
返到公司搞埋d shipment 就等收工...

放工前一小時, 一群飢餓的員工對月餅進行瘋狂搜掠~~~
Raymond 又話減肥~~~食得最多就係你呀!!!

今天又同Joey談心, 發覺佢真係一個可以將自己d 野毫無保留咁同朋友分享既人...
今時今日咁既世道人心, 仲可以咁做真係難得呀...

比較起來, 三成便深沈多了...除了因飢餓而來的憤怒外, 三成基本上是一個悲怒不形於色的人(喜就反而睇得出, 因為會忍唔住笑也)...
而三成在不開心時, 在他人面前總是會盡量保持笑容及友善的態度的...
三成笑得雖然唔好睇, 但總好過成日嬲爆爆0y, 係0米先~~~

>>September 23, 2004 at 3:01:22 PM GMT+8

2004 年 9 月 20 日 星期一 【晴】

哇...今天很忙, 上工以來首次整天冇停過...
雜務, booking, 一大堆工夫...感覺很充實呢^^
但其實很多東西三成都是故意放慢來做, 太快做完了便又沒事做了...

由於右腳有點輕傷的關係, 整天都是用左腳平衡身體, 真的十分累人...
那些雜務又要三成走黎走去, 不過三成喜愛忙碌遠多於遊手好閒, 多事幹才叫工作呢^^

今天下午和Joey去了食日本野...haha
佢果然冇介紹錯...真係食得幾飽啊~~
一路食一路傾, 講講下竟然講到古典文學tim, 估唔到joey姐都咁博學多材~
講講下仲講到果首傳說中既 "聽陳雷士的琴爭" tim^^
但說著說著, 真的很懷念以往的校園生活呢...
想起自己實在是錯過了很多東西呢...唯有把握現在, 展望將來吧(唔係賣緊咩基金廣告呀~~笑)

回到公司, 仍是不停咁做, 可惡的運輸竟然把一票出口貨送錯倉, 害三成平白要留在公司加班...
約左dolly 游水同還返d 漫畫俾佢嫁麻...真可惡...
幸好7點左右就做哂d野, 等埋速遞黎就走人...

不過天公不做美, 一到灣仔便下起大雨, 幸好泳池是室內才不損雅興...
今天不知怎的, 泳池美女如雲, 興致勃勃的dolly 經常大嗌: 果邊有鬼妹, 游過去睇下囉~~"
haha...游黎游去, 非常之累...今天身體狀態不佳, 經常覺得唔夠氣咁...
游左一個鐘之後左腳仲抽筋tim...仲要係正池中間...
三成游咁多次水都係抽過兩次筋, 記得第一次幾乎冇命咁滯,
而家泳術精了, 便很易冷靜下來呢...抽得再勁, 這些小泳池是浸不死人的...
幸好不太嚴重...拉了一會便很快可以再狂游了...(但心中總是有點不安, 害怕再賣老抽呢...始終肌肉十分疲勞~~~)

回到家中已經11點多了...超級累...
歸家時三成的完美女神(笑)突然來電, 精神立時一震...
命中+5, 攻擊+2, 運+30

>>September 21, 2004 at 4:58:04 PM GMT+8

2004 年 9 月 19 日 星期日 【晴】

經過了數天的休養, 今天的精神好多了...
haha, 一回公司便受到同事們親切的慰問呢~~~haha

但一回到公司便被Andy 疾, 真的很慶, 經常無理取鬧的傢伙...
竟然話: "咩都唔做就座係度..." 媽的...真想幹掉他...

下午第一次同老闆食飯, 又係去飲茶, 三成一向唔多好呢家野, 不過飲落又幾開心播...
可能Andy 唔係度喇...佢一出現我就周身唔舒服嫁喇...
松松例牌食飯都唔多出聲, 只係得三成同raymond 成日細聲講, 大聲笑...
老闆唔工作時, 都是一個幾輕鬆的人...
但唔知點解, 三成對台灣人冇咩好感...

今天都頗多工作, 很快便下班了...haha
回家又大打文明帝國...很累...
返工對住部電腦, 回家又對住部電腦...看來三成是時候找些有益身心的活動了...(例如空手道...haha)

>>September 21, 2004 at 4:36:54 PM GMT+8

2004 年 9 月 18 日 星期六 【晴】

唔呀, 文明帝國終於爆機了, 也看完了炎之蜃氣樓系列...
愛與誠5,6集也出了, 這兩天休養也不算太閒呢...

順手執埋屋, 但做完哂所有野之後就好失落, haha,
屈係屋企就係咁~~~但偏偏屈得愈耐就愈唔想出街, 真係奇~~

辭職後又要再找工, 真是麻煩, 而三成本身便是一個極怕麻煩的人...
很多時都想不如繼續做落去就算, 佢睇落又唔會炒我既...
但既然覺得份工唔適合自己, 又7可以貪圖一時安逸而得過且過呢...
唉...

不過總覺得辭職很難開口呢, 又不能說了便掉頭走的, 真麻煩~~
haha...

>>September 19, 2004 at 12:56:45 PM GMT+8

2004 年 9 月 16 日 星期四 【晴】

唉, 昨天真是慘, 幫公司pack 文件時俾個鋒利既櫃邊刮傷左隻手, 條痕超深, 希望唔會有疤痕喇...
真係好耐未受過咁重既傷囉, d血真係狂流...痛死人...

及後又受傷患困擾, 唯有請假, 可憐松松在公司孤軍奮戰了...

不用上班抖抖都好, 起碼可以訓耐d先, 算是因禍得福吧.
但醒左都係睇動畫同打機, 好似徙左自己d時間咁...算, 仲年輕...大把時間徙, ahaha

炎之蜃氣樓 的BL 場面愈來愈露骨了...還好故事不錯, 只是那些戰鬥場面比較悶...
兩條傻佬企係度做個手印, 只係就放d 氣出黎互爆...打得激d 唔得既咩~~~

雖然在家閒極無聊, 但都冇咩點找工...一路工作一路找工, 好似唔多適合我...
而且三成亦沒有這麼多精力一邊工作一邊準備interview呢...現在的三成, 只是一個頹廢的懶虫罷了...
總是在為自己不斷希望辭職的心態找理由, 例如待遇不高, 工作量少喇...Andy乞人憎喇...等等...
都唔知邊個理由先0岩...但三成想辭職的心態則是真的...
始終這份工作太安逸了...舒舒服服咁混吉又一日...完全不能投入工作...
返工只係想放工...比較起來, 松松便比三成盡責得多了...

安逸的環境令人腐化...三成覺得進了這家公司後, 雖然學到了不少珍貴的知識...
但人確是懶散多了, 無論怎樣都振作不起來...每天總是上廁所, 座在位子上睡覺, 行行企企...
這還不變成了一個廢人了嗎??

夜晚同Martin玩msn, 冇喇喇講到政治, 拗到面紅耳熱, 一講到政治, 幾好既朋友都好易水火不容,
睇黎確有同朋友避談政治既必要...

慢慢又講到道德價值同道德勇氣既問題~~係e方面, 三成真係好欣賞甘地...
無私既精神永遠令人佩服...
但想起來, 三成總是把道德價值定得很高, 但很多時都是講一套做一套...
認為人應該要誠實, 但又經常說謊...認為人應該守法, 但交通規則例不遵守
推崇情義, 但又不敬父母, 一方面敬慕先賢, 但又不努力鑽研學問...
唉, 只知反省, 但又不求進步, 為何三成生來便是如此頹廢沒志氣的傢伙呢...(怨天尤人中...)

>>September 17, 2004 at 5:35:50 PM GMT+8

2004 年 9 月 14 日 星期二 【晴】

後快又過了半個月了
還有半個月三成便打算離職了, 但很難開口呢...
希望三成走後不會做死松松吧...

今天都是玩下玩下, 磨下磨下又一日, 但都算多左d 野做喇...
松松個衰仔知道三成話想走既原因係太少野做, 即使推哂d 工作過黎...
希望三成真係幫到佢手喇~~

不過點都好, Andy實在太麻煩...如果可以吉死佢就好喇...
其實最重要都係因為份工俾唔多d 咩滿足感三成, 日日都係係度磨時間咁...
做完野, 唔理結果點都好, Andy都會走過黎串兩句同指指點點...
扼殺哂所有工作上既滿足感同成就感...
再留係度, 三成就一定會迷失自己,搵唔到自己既存在價值...

一直以來, 三成對自己的能力都是自信滿滿的, 不論在學業和暑期工的表現上, 都得到不錯的評價...但在Andy 旗下麻...真的沒有什麼工作的動力...學習的幹勁也消失了...
每天都是行屍走肉等放工...

還是好心分手好了...
說回來...三成好像一直沒有和公司簽約...不會不出糧給我吧...
......汗

>>September 15, 2004 at 4:05:59 PM GMT+8

2004 年 9 月 13 日 星期一 【晴】

今日下午同班同事去食PIZZA HUT﹐ 佢地真係難得豪一次﹐ HAHA
真係食得好開心﹐ 成班人都叫做可以有講有笑^^
有D唔捨得佢地TIM~~~不過三成仲字將想辭職既消息公告天下﹐唔知到時佢地會唔會請我大食一餐歡送三成呢﹖

下午回到公司﹐終於難得地忙碌起來﹐ 但今天自早上開始便谷住道氣﹗
Andy 掉左張速遞單令三成CAMP唔到錢﹐要自己幫公司俾錢(因為問ACCOUNT 取錢找速遞數的是三成﹐只怪自己座門口了。。。)條PK仲講埋D風涼話﹐真想打七佢﹗﹗﹗

下午在忙時﹐ Andy 又照舊係度行行企企﹐ 得閒就走過黎指手畫腳
真係討厭到爆﹐ 三成最憎做野果陣有人係符近揚黎揚去既﹗﹗﹗
真係非常之茲擾﹗﹗﹗你話有條咁既上司又點能唔想走﹐ 待遇又鬼死咁差
唯一好點的便只有一班同事罷了~~~
很討厭Andy 和老闆呢~~~

夜晚又要加班﹐ 辭職都唔知會唔會出返D加班費俾我既﹐ 不過算喇﹐ 當盡返自己既責任好了。

>>September 14, 2004 at 11:05:28 AM GMT+8