2004 年 11 月 19 日 星期五 【晴】

昨日先後同巨剛, dolly, 廢東等先後通過電話…近排唔知點解傾電話既時間又多左…
巨剛找到了巨巨, 感到十分幸福, 作為他的朋友, 三成亦為他感到巨動.
始終巨吾巨以及人之巨, 才是大漢巨頭所為.

夜晚打機時廢東又打來…不過佢e個朋友都算唔話得嫁喇…haha
雖然無義(用次貨換本人之正貨, 實為禽獸行為)…希望大家都有個光輝既前途喇,
另外亦多謝中華兄的關心啊, 可以給些錢三成便更好了…

夜晚係msn又同松松傾左一排…好像很辛苦的樣子呢…
希望Cathy可以好好幫他忙吧(雖然沒什麼可能), 再唔係請個個就搞掂了..


今天回公司也是很多野做, 不過由於昨天搞掂哂d野, 上午十分輕鬆及悠閒.
不過唔舒服得幾耐便要狂衝了…上左手之後d野做得快好多….d野仲不時可以提返阿head同答到佢既問題. 總算覺得自己幫到下手.
不過成日對住部電腦, 搞到對眼乾鬼哂…好耐.

今日又用我純正既普通話同d大陸廠溝通…好多音都唔識發, 唯有亂up…但亂黎都搞掂
不過 大陸人既工作態度真的不太好…很賴皮, 很憎同佢地溝通啊,

>>November 20, 2004 at 6:34:18 AM GMT+8

2004 年 11 月 18 日 星期四 【晴】

恭喜廢剛找到他的巨巨...但請小心無巨陸殺出拿走你的巨...

天氣很冷, 完全不想起床上班…
但總不能老是咼在床上賴死, 都要死死地氣回公司上班…

今天來了個新同事…雖然想了佢講野…但係公司既氣氛好似唔多0岩同人傾閒計.
今日做野好快手呢, 平時成日都係人地assign d 野俾我做, 但而家開始有少少上手, 已經唔使人叫就識自己找野做…haha總算幫到下手…
想起以前在松松公司也是經常犯錯…反而是辭職後犯錯卻是明顯減少…愈幹愈起勁…
想真點…初入職唔熟d野自然會不斷做錯…但碰釘多了, 自然會做慣做熟…
那時在Air & Ground經常介懷自己大意犯錯而不開心真是笨得可以(最後仲辭職閃埋tim^^)

不過e次辭工應該都係正確既決定…自己都係唔多鐘意做布…磨到隻手乾哂…
d大陸佬又冇禮貌, 次次打電話俾佢地都覺得好麻煩…到底自己想做咩野工呢…快d 搵人話我知喇…haha

>>November 19, 2004 at 3:35:42 AM GMT+8

2004 年 11 月 17 日 星期三 【晴】

昨日雖然搞掂返上網既野, 但Dolly`回了大陸, 都係冇FM打, 而適逢其會, 大佬剛巧回家, 於是就順勢讓左部電腦俾佢打餐飽(HAHA, 平日佢回家我多數都係同Dolly打緊FM)
佢仲買埋愛與誠既9,10期回來, 故事已經進入尾聲, 但時間不足, 結局遲d再睇.
修羅之刻亦看到了尾聲, 幕末篇比前兩篇更多的感動場面, 繼龍馬死後, 連沖田總司都死了…
場面極為感人…XD

現在愈來愈遲起床上班了, haha, 真的不大想返工…
今天午飯後順便同阿Head講左辭職既事…又同上次一樣, 又係想我留耐d先走…最好就唔好走…
haha…阿Head 待我不薄, 咁就應承左佢留多一個星期…(又要捱多一星期…但多一星期$$$)
講左辭工之後, 又係愈做愈起勁…可能是沒有盡頭的工作終於得到一個終結吧…

其實Shadow 姐真係幾好人, 跟佢做野相當唔錯, 但公司氣氛不太好, d人又串又粗聲粗氣, 成日卸膊同疾人...好乞人憎...
其實黎左咁耐, 都係同d同事無咩兩句...公司個氣氛令三成完全唔想講野...食飯時都係好沈默...
d同事都覺得三成係一個相當文靜既人...

工作多半個月便可以重獲自由...但前路如何仍是一片迷網...
畢竟自己也不知想幹些什麼工作...

>>November 18, 2004 at 4:19:21 PM GMT+8

2004 年 11 月 16 日 星期二 【晴】

好慘…昨日躊躇滿志, 諗住放工返屋企就同Dolly打FM, 但點知返到去就發覺屋企部腦上唔到網, 網上行個客戶服務熱線又收左皮(因為果時已經係夜晚十點幾), 唔單止打唔到機, 仲連網都上唔到, 真係激死人.
慶到札札跳…結果同Dolly傾左陣電話, 打場winning就訓了.

今日係午飯時間閃左返屋企搞機, d電話錄音真係煩到震, 搞左一大輪先發現原來係大佬個自動轉帳出左問題…真係到到今晚都唔知有網上未…

>>November 17, 2004 at 12:34:09 PM GMT+8

2004 年 11 月 15 日 星期一 【晴】

HaHa, 呢排係公司雖然做死人, 但總會有段時間可以用黎打下日記…

不過e 度既生活真係好鬼死枯燥乏味…d 同事又唔多講野…

我來左一個星期同隔離位(貌似猿加泳)都冇講過野咁滯, 講親都係早晨同唔該借借(個位真係大到爆)咁大把…加上變態既加班時間…

搞到做得好唔happy…有時都唔知自己想點…一時想走…一時又唔想走…一時又想即刻走…一時又想下個月走…

都唔知點解會咁既…我自己都控制唔到…

或者自己真係捱唔慣世界…但工比工, 人比人, 三成都係覺得e份工唔多掂…

唯一好既就係極近我屋企….但e點完全同工份無關.



每天回家已經是九時多, 一邊吃晚飯, 一邊看修羅之刻, 已經成為三成每天最大的樂趣…之後便是沖涼, 邊閱報邊打機….

完全冇時間做其他野…而家每日都好唔願意上床…一訓醒又要返工…



近排個Daily突然多左好多留言(其實都係果幾個…haha), 真係令人振奮(到底振奮d咩??冇人知..haha)

不過估唔到畢業之後, 仕途真係唔多如意, 不過e幾個月, 真係學左唔少野…工作態度同處事方法都改變左唔少…

所以學松松話薺…經驗真係好重要…

但而家點睇都係Joey份工最正

>>November 17, 2004 at 9:29:03 AM GMT+8

2004 年 11 月 14 日 星期日 【晴】

份死人工真係愈做愈唔開心呀…

間野d system 立立亂, d 同事之後又勾心鬥角, 成日互串…工作氣氛真係極為惡劣…
今次真係上左賊船囉…真是他媽的…
其實最鬼麻煩就係要搬d 布整sample 同寄俾d客…又徙時間, 又累死人…
其他出文件果d 野本來好簡單…但間公司d 文件處理冇咩系統, 求其係部腦開個folder放哂入去就算…
d 文件用哂word 格式, 結果因為方便既關係, 只係將d 資料co 黎co去…真係又亂, 又徙時間對, 又易錯…
唔多掂…
最慘都係瘋狂加班…和同事Billy仔閒談中, 他告訴三成公司生意並無旺, 淡季之分, 可說是全年無休…
救命啊…

其實都不要抱怨太多了...工作便是這樣子...
但近來變得愈來愈怨天尤人, 心中總是憤恨和妒忌一些人不用怎樣付出便得到很多東西(如含著金鎖匙出世)...從前的三成是從來沒有這種卑劣的嫉妒心的.
現在每天都要不斷催眠自己才有意慾上班, 例如幻想自己係座緊監既志士, 係為左主公盡忠既忠臣...但每天都會生出"我不再幹下去了!!!"的念頭...
每天做不喜歡的工作, 真的是很難受的事...從前唸書反而十分有勁...

ps. 原來真的是松松??!!真是令三成受寵若驚啊...
無緣無故辭工真是有點兒後悔呢, 始終工作環境舒服, 同事也不錯.
只怪三成一直想做海運, 不想做空運...其實聽聽Raymond 的建議兩邊做打遊擊也不錯, 只怕自己應付不來罷了...
但即使三成不在, 松松在工作上還不是應付自如, 又有美(Cathy姐, haha)相伴...日子還不是不錯嗎.

>>November 15, 2004 at 2:54:41 PM GMT+8

2004 年 11 月 13 日 星期六 【晴】

留言的真的是松松?還是假冒他的影武者??
haha

真係好鬼累呀, 昨日又瘋狂加班, 做了5日, 已經加班了十幾個鐘, 而且仲係無水補的無私奉獻, haha...在這兒加班, 和從前與松松一起舒舒服服地加班真是天與地的分別呢.
不過返工都係因為廢事日日偶係屋企獻世0者, 但日日咁ot法真係人都顛, 又要捱肚餓, 無飯食, 都0米話唔慘...加上公司d 人個個都係黑面神, 平日好少互相傾計...真係好鬼恐怖...
從前返工總會找到幾件特別0岩傾的, 但e度就好似無了...天天都係同班師奶(其實我估都係廿張尾, 三張頭喇)吃飯, 雖然佢地好好人, 但真係冇咩計傾...好死悶...

這兩天難得休息, 即時用盡佢...黎打機...haha...同Dolly狂打FM...
修羅之刻亦看到了幕末篇, 故事做得不錯呢...期待龍馬死亡的感動場面(冷血!??)

夜晚出了去同腐皮等人晚飯, 班人竟然遲到半小時, 浪費哂三成而家極為珍貴既時間...
去左pizza hut食飯, 但估唔到咁多人...成班人互訴近況, 不過馬B仲係咁低B, haha...而且把口仲好淫賤tim...
飯後佢地仲有節目...但三成唔同佢地顛了...早早回家好過...
本來想買套gundam seed 黎睇, 不過都係冇時間...遲d先...

看松松日記, 肥狼及德德好像在吉田郡山玩得十分開心, 如果車費不是這麼費, 答車唔係要咁耐的話, 我都好想可以勇闖吉田郡山啊~~~

>>November 14, 2004 at 5:18:24 PM GMT+8

2004 年 11 月 11 日 星期四 【晴】

Joey小姐, 你0米扮野喇, 你都係貼隻公仔係床頭臨訓前當沙包咁打既0者...
警告妳, 見此公仔如見本人, 要對佢尊重d 呀, 得返就攬住黎錫下佢喇.

明天就要考那個綜合考試了, 但最近忙得連溫書的時間都沒有...
聽日趕唔趕到去考果個爛鬼試都未知...唉...

今日一樣都好多野做, 其實d野對識做既人黎講真係好簡單…

但對我e d 咩都唔識既新仔就覺得陪感艱難.

今日學左點出PI, 其實都係睇Shadow 做左一次, 自己都仲係唔多熟點搞.

最主要做緊既都係幫shadow 覆email同打電話問人野既工作.

打電話最麻煩, 由於對內容一無所知, 次次都係阿head講完, 記住再對人up返出黎, 俾人問多兩問就唯有亂up…

另外d 死人爛鬼布, 日日對住佢地, 又搬又剪又摺, 搞到隻手都乾哂爆哂…好鬼死累…

不過都廢事成日抱怨囉…我阿head忙我10陪, 都唔明點解merchant會咁多野做既…

一個人做唔到咁多單就兩個人做喇, 真係麻鬼煩…

返到屋企已經好夜, 即時用哂d時間黎休息同玩…

進修, 或者練普通話e d 野就遲d先囉.

>>November 13, 2004 at 2:24:03 PM GMT+8

2004 年 11 月 9 日 星期二 【晴】

今日又係晨早返工, 因為太施施然, 以為會遲到喇, 點知返到去公司原來只係得小貓3, 4 隻,

同時發現公司部打咭機係俾正常時間慢成十幾分鐘的, 但公司其他鐘又好正常, 真係神奇(唔通係為左就返D成日遲到既人?)

部電腦終於SET 好左, 但原來咁就代表住做到死既開始…

真係由返工開始就全日冇停過, 食飯都得半個鐘食, 雖然我跟既女上司Shadow幾好人, 但佢成日忙到顛, 塞左堆野俾我做之後都唔特閒教我點做.

成日都係靠自己估下估下, haha.

所以真係想唔贊下松松都唔得, 佢真係一個不可多得既導師, 唔明講到你明, haha.

有d 掛住佢同Raymond tim…仲好懷念果個好靚既office 啊.

估唔到返工第二日就要加班, 因為Shadow 俾左好多文件我file, 佢都有叫我可以走人先, 留返明天再file.

但唔做完哂d 野又點可以走, 一於捱住肚餓pack 鬼埋佢….搞完哂都成9點幾了…真係餓死人…

估唔到一pack 就pack 左4個幾鐘…期間d file 多次因為推得太高而發生山泥傾瀉既意外, 差 d俾d 文件活埋…><

其實最煩都係要搞d 死人布, 又徙時間又徙力…回家時成陣牛仔布味…

好在上下班都只係要30分鐘唔使, 算係唯一既安慰.

回家累過頭…想打耐d 機…睇埋d 雜誌都冇精神…

zzzz

>>November 12, 2004 at 2:39:05 PM GMT+8

2004 年 11 月 8 日 星期一 【晴】

Joey 姐, 同你食飯當然開心喇, 只係舊can d 野食非人類所能接受0者.
隻野你鐘意0米好囉, 不過睇你個衰樣都係返到屋企之後就黎手掉左佢嫁喇...

本來在公司忙裡偷閒打了這兩天的日記的, 但電郵成日short short 地, 搞到腥唔到返黎...
都係遲d再搞搞佢先.

畢業禮過後, 今日便是另一個新的開始.

新的環境, 新的工作, 新的人事…

晨早返工…一回公司便是呆座…

個死人位好鬼死迫, 上一手好鬼污糟, 個位鋪哂塵, 櫃桶勁多垃圾.

真係十個頂.

全日都冇咩野做, 整天都是在打座練功, 咩野都唔識…

部腦又唔掂, 最慘都係個位超級細, 真係轉過身或者行出去都難, 真係死俾佢睇.

回家繼續玩樂, 完全無視新工作的挑戰

>>November 12, 2004 at 2:38:01 PM GMT+8