2004 年 1 月 23 日 星期五 【晴】

昨日終於都拜哂年喇...今年叔婆返左黎...所以要去佢度拜年...
雖然要去多一處地方...但我同阿媽果邊既親戚比較熟...亦多d野講...開心過去大埔好多...
而且又唔似大埔咁要搞到成十,一二點先有得返屋企...所以我都唔多抗拒去阿婆果邊拜年...
d 時間話咁快就過哂...返到屋企都只係下午4點...
去大埔就要成12點先返到屋企...感覺完全唔同...
點都好...拜完年...唔使再麻煩囉^^

阿媽又好似往年咁入左屯門...屋企其他人都各有節目...於是成間屋又剩返我一個...
hon pro first draft 又做完...其他科既野又唔想煩住...搞到成日無所事事唔知做咩好...
唔係打機就係睇書...要快d振起精神做野先得了...

得閒冇野做...睇左買左好耐既"天才遊戲"...套野係我鐘意睇果類片...麥迪文既戲一向都有d保證...
雖然唔算係一套一流作品...但都值得一看...屋企仲問人借落左成套007系列...但始終對e 類片冇咩大興趣...

天氣愈來愈凍...手腳都彊哂...最憎咁凍既天氣...
好難頂...><

>>January 24, 2004 at 2:03:17 PM GMT+8

2004 年 1 月 21 日 星期三 【晴】

€咁多既節日...我最憎既就係新年...
開電視...睇d質素比平日更差既賀年節目...睇班著到紅紅橙橙既藝人演馬嬲戲加唱走音歌...
去d 連個名都唔知點叫既親戚屋企拜年...答幾程車然後係一間陌生既屋入面偶成日...

今年大佬照舊唔拜年...走左去玩...死剩我一個...我再走埋老豆拆天都似...唯有頂硬上...

照舊去完西環就去大埔...加上天氣凍到人;都顛...成個人偶哂...

親戚: 阿健呀...你係...
我:我係阿威...
親戚:啊...阿威呀...又高左喎...
我:係咩?(根本幾年都未高過...)
親戚: 讀緊咩野呀...
我: 政治...(年年都問同一樣...)

同樣地...年年我都唔知應該點叫部份親戚...因為連阿爸阿媽都搞唔清楚d輩份...

今年同樣地....我係圖書館借左一堆精神食糧入大埔睇...
但今年比往年唔同...因為多左個0靚妹仔出現...
問清楚原來係我個姪女喎...做完人表叔...而家做埋人舅父...
個妹妹自稱7歲...但極度唔定性兼百厭非常...仲好冇禮貌 tim...
由於人人打緊牌既關係...佢結果成日痴住我...
而我就幫人湊女...
抱起佢飛黎飛去...又同佢推車仔...都玩得幾開心...
但我點都唔明將個氣球用支棍打黎打去有咩好玩...玩左e個遊戲成日...我終於忍唔住收埋左佢個氣球...結果佢用我隻手黎玩引體上升...

不過發覺自己真係唔多識教細路...因為唔識鬧人...反而跟住個0靚妹幫佢執頭執尾...
同埋...陪細路畫公仔同寫字都...真係好悶...
教0靚仔真係要好有耐性嫁...
今日真係上左好好既一課...

明天繼續拜年...@@@

>>January 22, 2004 at 6:43:23 PM GMT+8

2004 年 1 月 19 日 星期一 【晴】

返左學盯盯一個星期...又放假囉...
一早起身上8:30堂...但唔知點解心情極佳...即使訓得4個鐘都好精神爽利...
仲早左出門口tim...去到MTR station先係8點一過d...以為有排等喇...
點知阿剛又早到...太好喇...兩大xx齊外bu 挺進....
上陳峰堂廢堂一樣冇恰眼訓...

之後食過早餐,,,交埋hon pro 就上中史...
個教授教得唔錯...可惜d 內容冇咩系統...跳黎跳去...令人冇咩心機聽...結果都係成堂傾計...

今日睇左最後武士...套野真係拍得好有型...但如果你熟識日本歷史...咁就建議你唔好聽...
因為成套野d 歷史係亂咁黎...d人名...背景,,,武器...地方...咩都亂咁作...睇到冇咩mood...
但d盔甲就真係好靚...亦拍到日本仔武士果種feel...不過我覺得佢拍唔出武士道既精神...
成套野懶有深度...但對表達既主題就唔清唔楚...而且係典型既忠奸分明二元路線...
如果想睇日本武士...睇黑澤明既舊片好過...

人類的愛...果然缺乏流露於表面的外在表達方法是不行的嗎??...但什麼事也要整天掛在咀邊...總覺得很庸俗似的...但一點表示也沒有的話...果然是沒有一份安全感吧...給人的感覺也是空口說白話而已...
但你到底想我做什麼啊...(知道的就會知道...)

>>January 22, 2004 at 6:27:10 PM GMT+8

2004 年 1 月 18 日 星期日 【晴】

終於都到了hon pro 搏殺日最後一天了...
昨日我發揮NT 力量...一日打左5000...今日打多part 半就搞掂...
本來昨日應該可以完成第4章...但一打到萬一字...覺得聽日既時間可以搞埋佢...就收工走左去玩...
睇返做hon pro e 幾日...都係玩既時間多過做野(或者一半一半)...
搞到今日又要做得咁辛苦...
不過而家先係下午12點...仲有非常充裕既時間...

z高達終於睇完...睇到後段...主角已經有d 精神失常既現象...雖然一早知結局...
但最尾果集睇到佢精神崩潰都有d 好傷感既感覺...
又睇完一套出色既作品...
失落中...

7時零3分...NT力量全面爆發...hon pro 順利完成...

>>January 19, 2004 at 11:37:58 AM GMT+8

2004 年 1 月 16 日 星期五 【晴】

近排做hon pro真係做到眼都朦埋...做到兩點幾就頂唔順要訓覺...反而以前打機就可以打到4,5點都唔累...都係對住部電腦...但竟然差咁遠...
今日熄埋個icq...專心做hon pro...雖然都係抖下...停下...又食左兩次下午茶...
但做得兩個鐘已經打左二千幾字...後面既內容亦一路打一路諗...大致諗到哂點打...
唯一既問題係可能講得太多歷史...但唔講又唔得...唯有加多d解釋落去...盡量應返個題目...
好彩篇文既連貫性同流暢度都相當唔錯...讀落幾舒服...唔會俾人一大舊野既感覺...
而呢個亦都係我覺得自己寫既文章既唯一優點...

昨日成功調左堂...得到左兩日day off...成班都皆大歡喜...
回家時同好耐冇講過野既Emma 同 蛋哥傾計...原來佢地仲知道我既存在...感動...
同蛋哥講起讀唔讀master既問題...佢就話老虎都報...唔報就笨...講到我都心陏陏...
但諗諗下...自己對讀d西科已經開始冇咩興趣...加上以我既能力讀到大學已經係一個上天既恩賜...英文唔多好...技能又唔多...都取得唔錯既成績...一切都係因為得到幸運之神既眷顧...
再俾我讀上去都只會搞衰Master個名...
好似如果俾我返番3年前...俾我揀讀港大定浸會...我都係會揀返浸會算...始終自己既能力去唔到咁高level既階段...勉強符符錄錄咁捱過學位返黎都冇意思...
與其要學位...我反而想學更多既野...
如果好似Terry咁上進...或者好似蛋哥咁勁...我諗我都會報Master...而家...免囉...

>>January 17, 2004 at 11:01:31 AM GMT+8

2004 年 1 月 15 日 星期四 【晴】

呢幾日都係好慢好慢咁做份hon pro...昨日找ada借左d 舊hon pro 黎睇...
同想像中完全唔同...唔見得d 分析好有深度...大部分都係背景資料...咁唔多難寫0者...
其實所有野都係哂個腦度...e part up 咩...下一段講d 咩...一早諗好哂...
只係組織同用字既問題...
一直都好擔心寫太多背景資料...所以都用左唔少工夫係資料鋪排上面...盡量以精簡為主...
找丁偉簽名時...拍哂心口話"下星期我就交到份first darft俾你"...自己係一個冇deadline 就唔會搏命既人...時間愈緊迫...做得就愈好...愈快...所以突登係丁偉面前誇下海口...迫自己努力...
如果唔係咁做...真係新年都未必做得完...

Z高達就快睇完了...帶點悲劇性又令人感動非常的故事...個人覺得真的製作得非常1色...
比zz好看多了...zz 買了點來...看了一會便沒有意慾追看了...
新年又有一段假期...完成了first draft...冇事可做的我實在有必要好好鋪排一下自己的時間才行...
向Terry 哥學習^^

和屍會的姐姐一直有保持聯絡...但自己的英文實在爛得很...
她還說可以陪我練習英文...但....
不太好意思麻煩人家吧...

>>January 16, 2004 at 8:05:50 AM GMT+8

2004 年 1 月 14 日 星期三 【晴】

終於開學囉...
第一日返學(星期二)...冇見班同學仔咁耐...巢起左個頭...諗住好型仔喇....
點知得黎大量既負面反應...話似愛思屍坦...莫扎突...貝多芬...如果巢起埋右邊d頭髮...分分鐘話我係小飛俠都似...
但明明點睇都好型仔0y...可惡...

今sem d 科令人非常失望...西人...西科...西功課..冇一樣是好的...
真係有點捱的感覺...唉...轉科依舊麻煩...西系統仍冇改善...新的一年...仍是這樣...
幸好add科時一早排隊...唔係遲d排既話一定lag 到hand 機...陏都陏唔到...

e 幾日食飯...返學...放學...都同小剛一齊(偶然會加埋charles)...一放學就去行街...
諗諗下今年唔理咩科都係同阿剛一齊上...反而和王dull一伙人的相聚機會比上sem少了呢(汗...)

希望新一個sem會有一個好開始吧...

ps.荷包係咁大出血...好在平時唔大洗...仲有唔少盈餘...0米洗襟機住...^^

pps. 最近terry幫了我一個大忙...很感激他呢...
平日經常得到他的照顧...令我很不好意思...
感覺上terry是一個極為上進的傢伙...總是會妥善地分配自己的時間...
有時真的很羨慕terry擁有這麼強的上進心和拚搏精神呢...我便懶散多了...
而令我費解的是...作為一個家財萬貫...衣食冇愁的傢伙竟對錢銀這麼看重...絕不浪費金錢...
更經常為工作賺錢而拚搏...令我覺得自己實在太奢侈了...要好好檢討才行...

>>January 15, 2004 at 10:34:30 AM GMT+8

2004 年 1 月 12 日 星期一 【晴】

不知大家有沒有一個睡眠作息的時間呢?即不到這段時間便不能入睡...
我便是這樣了...

由於昨天十分疲的關係...我在這年來首次不夠十二點便上床睡了...
由於極為疲倦...所以很快入睡和睡得很甜(仲有夢發...)...
感覺上睡了很久很久...到完全睡飽了才醒來...以為已經天光了...但看看床邊的鬧鐘...竟然還是晚上1時多...但我已經完全地清醒了...

即是對我而言...剛才那一覺便好像是午覺一樣...當消除了身體的疲勞便會自動醒過來...
這種情況以往已經常出現...太早入睡反而推遲了真正的休息時間...(真是很無奈...)
現在天天都是上8:30和9:30的早堂...這樣的生活習慣真不知可以捱多久...唉...

半夜醒來...唯有做hon pro...起始時太急功近利了...總想快點完成它...而忘記了寫論文應有的規劃程序...幸好現在仍為時未晚...經過一輪努力後...整個論文的結構亦漸入佳景...

說起來...實在覺得自己的規劃能力很不錯...從前暑期工時所寫的計劃書(班人真係冇人性嫁...叫過新黎且咩都唔識既人做d咁既野..."而家有個問題x...我俾兩條友你...你同我係x 日前搞掂佢..."...經常喊的那一段時期有兩次是為了這些事而喊呢...幸好煞了過來...成為了非常寶貴的經驗^^)得到的評價亦相當不錯...在屍會時也擬定過類似的計劃...得到的評價也不錯(可惜資源不足...做出黎虎頭蛇尾)

其實規劃工作十分簡單...一個問題總會伴著很多不同的原素出現...而你要做的工作只是找出一條線把這些因素串連出來...但將來找工時有沒有機會給我展示這方面的能力呢?我自己便不太樂觀了...><

還有...剛寫完一篇文章的時候...最好隔了一段時間才為文章作出較正和修訂...因為剛寫好的一段時間...無論你怎樣看也會覺得自己的文章寫得很完美...反而隔了一段時日後...便會比較容易發現自己文章裡出現的問題...修正起來也事半功倍呢^^

>>January 12, 2004 at 7:26:47 PM GMT+8

2004 年 1 月 11 日 星期日 【晴】

呢幾日話就話冇打過cm...但一樣冇咩點做過hon pro...
如果用心做的話...現在應該已做了一半有多了...可惜現在才打了3千多字...
意志力愈來愈薄弱...遇到一點阻撓便找藉口咩都唔做...例如有人開大電視(我真係要好靜先寫到文)...或者就快食飯...都會令我放棄手頭上面既野...走左去休息...而且次次休息都會好長時間...
結果呢3日實際既作戰時間一定不足4小時...又開住icq...阻哂d進度...
最近總是這樣子呢...

今日同阿剛佢地re 完 科就去左買suit(當然照舊鋤埋啤...玩埋uno 先去)...買左成千紋野...
唔知係0米多人買...好多貨都斷哂碼...不過都冇心機選咁耐...睇0岩心水就買左佢...買e d野都係多幾個人一齊買好...隨左可以比下意見同冇咁悶之外...仲可以應付埋sales d 推銷攻勢...d sales 太熱情我就會覺得佢地好煩...搞到我好唔自在...

返到屋企...掙扎左一陣都決定做下hon pro...為左令個組織更完美...都係做哂d 筆記同規劃先...
一路寫一路諗...咁長既一篇文都係唔多適合用e d方法做...

阿媽返黎又對我買既果堆野評頭品足..."套suit 咁貴既? 3,400都有喇" "原價成千?值唔值呀"
"對鞋又xxxxx"
搞到我冇哂心機...下次都係咩都去女人街買算...

夜晚又一路食飯一路睇z 高達...科死果一幕又有d睇到 想喊既感覺...不過 d 氣氛營做得麻麻...而且呢一集畫功亦有d 走樣...如果唔係個feel仲正...一日睇3-6集...成套好快就睇哂...二百幾紋...真係抵睇...好睇過zz好多...

不過講到最感動...都係元祖高達娜娜死果幕...至於真係睇到流哂眼淚既野...就只有銀河英雄傳說e 一套野(仲要係流淚流得好勁果隻...記得果年仲因為唔同既事情係短短數月喊過幾次...但平日又幾年都唔喊一次...諗返起果段日子真係非常之特別...^^)

>>January 12, 2004 at 1:21:37 PM GMT+8

2004 年 1 月 9 日 星期五 【晴】

成績唔多如意(唔算太差...但唔係值得慶祝既程度...)...意外地得到大家既安慰...
可能我用d 唔多開心既logo...搞到大家都以為我好唔開心tim...起呢度多謝大家既關心...

同王dull討論今次既考試...提到對今次成績既不滿既時候...講到一樣野...
就係自己不滿既唔係考得差e個事實...而係導致而個事實出現既自己...
其實我對分數同成績並唔係太在意...但一取e d 野出黎講既時候就一定要用一個好認真同嚴格既態度...即使是表面上的尊重都是必要的...

對很多朋友面對這些問題,諸如學業乃至工作的態度都極為不滿...已經長大了...
總不能嘴邊總是掛住 "進大學只是呃學位...工作只是混水摸魚...虛應故事"這些說話吧...
對身邊的不如意...總是怪罪別人..."西教授俾分俾得差" "冇喇喇俾西老細炒左" "呢條友擺明唔妥我" 諸如此類的話...

在很多情況下...導致這些不如意事的不是你自己嗎?
個分衰...係因為你做既野唔合教授標準...俾人炒...係因為你工作表現唔掂...
話人唔妥你...更加可能只係自己小氣或者心理作用...唔通要人人見到你就咀?
賭輸錢...唔係因為你冇運...而係因為你去賭...

當明白左呢幾點...你就唔會成日怨天尤人...衰既係因為自己既態度唔認真同正確...

當然...有好多野唔係自己可以控制...好似我唔明點解部電腦成日斷線...點解bu d 系統同服務咁差...點解個社會咁多怨氣一樣...

>>January 9, 2004 at 8:08:15 PM GMT+8