2004 年 5 月 12 日 星期三 【晴】

由於考試既關係, 三成已經很久沒有打日記了.

現在補回吧.

其實都忘了這幾天幹了什麼...

今天, 和王dull等人去了食自助餐, d食物都是以日式為主.
d 食物都唔錯, 款式都ok, 但原價食就唔抵了, 幸好有優惠, 但埋單都要每人$150.
但裝修華麗, 設備不俗, 算係咁...

三成又係食到頂住個肚, 樣樣都想試d...結果當然是返到家中就係咁屙喇...

餐飯食得到幾開心呀...畢業之後唔知仲有冇機會同咁多同學食飯呢?

gali 話我d聚餐成日好靜...講落我都覺, 又唔係唔開心, 但總係唔多想講野...
可能大堆頭既活動真係唔多0岩我??我都係鐘意聽人講, 多過自己講也.

係e 度順手恭喜Gali找到好工, 望見家鄉.

>>May 17, 2004 at 5:56:21 AM GMT+8

2004 年 5 月 11 日 星期二 【晴】

今日返左學校借書溫中史, 順手借d 三國既書回家睇...
走果陣殺左去pageone 買書, 其實pageone d 書真係唔貴, 唔好俾佢個外表呃到...
而且九龍塘又一城果間d 書種仲好多tim...

本來一直想買一本曹操, 但太貴冇買...以為咁貴...唔會有人買嫁喇...
點知今日去到就發覺冇哂課...但就俾我發現左一本諸葛亮...
買左佢先...又唔見左百幾銀...估唔到BU 學生買書有折...但仲可以享用e個優惠幾耐呢...

下午去過一陣旺角, 順手睇下卡通片, 發覺有唔少H game都出現了動畫化的情況..
這也是必然的事...近來的H game不但故事內容愈來愈好, 而且人設多數有一定水準...
特別是那虐純愛系的, 自然有一定市場...加上原本的遊戲已有人配音, 不用再為配音員煩惱.
不過相信e d卡通都係fans 向居多...冇玩開既人都未必會買(包括三成也)

回到家中就打文...
之後就瘋狂打機...點解會玩到咁辛苦???

三成在裸體團的第一篇作品....
有興趣的話可到下列網址一看也.
http://www.ran2001hk.org/forum/viewtopic.php?t=5045

>>May 13, 2004 at 8:06:22 AM GMT+8

2004 年 5 月 10 日 星期一 【晴】

很久冇打日記了, 補返先...

今天三成和小剛到維園游水...再次體驗係5米池戲水既快感...
成日都游游下果陣會諗...如果係5米池度描筋會點呢?
成日都仍住仍住, 都唔敢太用力游...

照舊又係游既時間少, 玩, 灑太陽同吹水既時間多...
最衰有舊死人沒藏黑雲係池上空飄下飄下, 搞到d太陽時勁時弱...
唔係仲開心也.

近來真係上網中毒, 回到家...剛起身...都會下意識咁online...
無所事事之後就會自自然祭咁進入裸體團瀏覽...

由於前兩日係政宗要求之下公開左自己個msn, 個msn 係兩日之內多左十幾個聯絡人...

>>May 13, 2004 at 7:58:04 AM GMT+8

2004 年 5 月 9 日 星期日 【晴】

終於睇哂帽本之旅人, 最後幾集終於交代清楚(少少)個故事內容.
結尾先交代個故事世界組成既結構...咁既鋪排手法都幾特別.
不過唔多鐘意個結局...葉月真可憐...

葉月及莉莉絲的設定真係好靚, 愈睇愈鐘意...我一向唔買精品, 但如果e套野有精品出,
我諗我會考慮...最後幾幕真係深深觸動觀眾既心靈, 雖然係百合, 但一樣覺得果種feel好正.

昨日同裸體團之政宗論政, 論史, 一傾就傾左3個鐘...
打字都打到手軟也.

但如此彊化的中學制度下, 竟可培訓出如此有思考力之學生, 確是異數也.
回想三成在中學讀中史時, 也只是照抄, 照背, 那會去寫什麼學術論文呢.
裸體團真臥虎藏龍之地也.

講講下搞到三成都想執筆寫返篇人物列傳tim^^

>>May 10, 2004 at 9:54:32 AM GMT+8

2004 年 5 月 8 日 星期六 【晴】

通霄苦讀, 昨日一場大雨, 便把努力毀於一旦.
黑雨真是為害不淺, 但取消了考試後便萬里放晴, 可惡.

之後和裸體團一眾網友傾計後, 便去了大覺訓.

訓左一陣就睇碟, 打機...
還和裸體團的網友交換了msn, 談了一整天...
本來有offline meetting的, 但想在家休養一下, 便推了.

和王dull打打下機, 突然睇野化開哂, 之後即刻熄機訓覺,
仲以為係視網模有事tim, 好在訓左一輪對眼就冇事, 應該係溫書太搏的後遺症.
醒左一輪, 食左d野, 睇睇下波又發病, 頭痛到列開咁, 胸腹腫脹, 作嘔作悶...
真係勁慘, 唔眼訓都要係床上面典...

好在訓醒又冇事...

今日是母親節, 又要去北角同婆婆飲茶, 勁多人呀...
成街係人, 去酒樓又要等位...
本身真係好討厭節日,自己生日又好, 人地生日又好, 真係好麻煩...
好似我生日, 其他人總會對我特別好, 阿媽又會問我要唔要蛋糕, 但我覺得真係好煩是也.
我覺得最好的慶祝方法便是食一餐好既便行了...
什麼禮物不禮物的, 多麻煩.

回到家中, 已經成身汗...
好想抖一抖...

>>May 9, 2004 at 9:12:54 AM GMT+8

2004 年 5 月 7 日 星期五 【晴】

真是不幸的一天, 昨日一考完PA, 便回家狂讀IPE, 其專心程度曠古所未見, 只有會考時的專注可相比擬. 時時溫, 秒秒溫, 開夜車至4點, 打算早點起床明早再戰之際, 竟於8時得悉黑雨之惡號, 考試必將改期.

嗚呼, 然則苦讀為何? 夜車為何?
人生之無奈, 又一明證.

上裸體團發文時, 發現了一些令人欣喜的文章, 想不到三成也有一定的人望(嘿嘿)

昨日休息片刻, 閒暇之際, 與吾兄大玩引體上升, 並拍照留諗, 引為一時佳話.
家中裝設了一鐵條作引體之用, 常以為苦練.

手呈30度, 停10秒...
90度, 停10秒...
120度, 停10秒...
半空縣掛踢腿...

好累...
始終都是十下卜落...

>>May 8, 2004 at 12:58:54 AM GMT+8

2004 年 5 月 6 日 星期四 【晴】

終於到了考試的日子了.
這次考試是溫得最差的一次, 完全沒有心機,
三成都不知問題出在那裏.
只是看著份notes 發夢...看了又忘記...忘記了又再看.
結果看了等如無看.
那溫來幹什麼?

一切都由它算了, 高分..低分...識...同唔識...
都隨便它好了.
三成讀書一向不是求高分, 而是盡自己作為一個學生的責任...
時間付出了不少, 但讀不入腦, 也是沒法的事.

時間下午5時44分...
終於考完了...份卷果然是唔溫都識...但溫左...就...識多少少...
讀了很多...派得上用場的卻很少...
感覺上, 這次三成考得很差...答題雜亂無章. 題目問得太大太多...
時間卻是很少.
盡了力便罷了...目標維持不變, 希望取得B+

回家時, 順道上一上裸體團, 發現團中竟變成批鬥大會...(汗...)

>>May 7, 2004 at 9:48:07 AM GMT+8

2004 年 5 月 5 日 星期三 【晴】

昨日溫余伯真係悶到顛, 睇左d notes 大半, 三成個心已經有d 散散地,
捱到十一點之後就冇再溫了, 去了上網及和王dull打機.

唔明點解而家咁易心散, 中學考a level 時的專心致志去了那兒?
但要每天像考alevel 一樣死記硬背又太辛苦了, 但集中力大不如前卻是事實.

溫到悶, 大飲大食係指定動作, 一大盒二十包的麥提沙係一個星期內俾三成食左十幾包...
其他消耗...鑵頭湯大量, 火腿一包, 四州魚蛋大量...即食麵大量...公仔點心大量...
豬柳條大量....生果大量...
特別是糖果, 消耗速度極為驚人...有d 驚蛀牙.

昨夜打機打到2點9就準時睇波, 車仔真係勁, 1:0 令人振奮...2:0 high 到震...
2:1 將我打沈, 2:2 由天國跌落地獄...80分鐘熄電視...請將干查打杷...成個下半場三成係咁爆粗鬧既球員...

訓到幾乎成點先起身...一起身當然係睇卡通喇...
睇左個故事大半...終於明白個故事講咩了... 套野既交代手法真係非常之奇特, d 時間飛黎飛去...
真係唔知幾時係過去, 現在同未來.
但又好好睇喎...可能d 人物實在太靚, 真係睇到三成如癡如醉.
雖然有好強既百合feel, (如果是BL 就0米搞...套萬有引力都令三成受夠)...
但一樣好好睇.

完全冇哂心機溫書...點算.
發現明天考完放4:30, 回家抖一陣加睇newspaper同食飯, 都成8點, 夠時間溫ipe嗎?
編考試時間的傢伙給三成去死吧!!!

>>May 6, 2004 at 7:49:29 AM GMT+8

2004 年 5 月 4 日 星期二 【晴】

不知不覺得又星期三, 由於前日進度良好既關係, 昨日立時有所鬆懈, 結果玩左成日..
唉...發覺即使打機都只可以係夜晚, 下午打, 就會即時成個人散哂....
昨日打左3個鐘...就令三成崩潰左成日...用5,6個鐘去溫d 2,3個鐘就搞掂既野...
雖然未溫哂...但都唔再溫ipe 了, 溫余振先...

每日都睇兩集帽本之旅人, 套野真係充滿百合feel, 感覺真係好得意.
雖然故事都係好散, 但奇特既世界觀, 加上亂黎既劇情, 確係有一股奇異既吸引力,
愈睇愈好睇, 睇左7集終於開始明係度做緊d咩...
但呢套卡通既人設真係超級靚, 極度鐘意佢d畫風, 睇咁多套野, 最鐘意既人設都係e套...
女主角更是三成最喜歡的類型^^ 真係好好好好靚呀&@#

開電腦上一陣裸體團成為左每日既指定動作, 同人交流, 討論真係開心...
平日很難和身邊的朋友作如此深入的討論呢(受其知識, 興趣, 和能力所限也...)

今日開始溫余振, 一開始就取左份厚野黎睇...余伯d notes 又多, 又厚, 又散, 又亂...
呢份真係睇到嘔血, 成份百科全書咁, 咩都有, 但又冇咩系統, 睇真d....原來係由一堆唔同人寫既論上編埋一齊...
余伯d notes 成座山咁高...多而不精, 亂而無彰, 上堂又唔係有系統咁教, 嘔血也.

仲慘過中學時溫中史, 都唔知睇咩好, 唉...
不過都係記重點, 觀其大略, 最後靠吹水算.

>>May 6, 2004 at 7:38:51 AM GMT+8

2004 年 5 月 2 日 星期日 【晴】

再過幾日就黎第一科考試, 但都係玩既時間多, 溫書既時間少.
好在平日有備課, 而家溫返都好快...所以進度都唔錯.
不停咁自製notes, 希望考完余振之後用一日就可以revise 返哂d ipe...
自己整notes真係有好多好處, 整理既過程已經等如溫左一次, 再溫返又易找重點, 串返d 字就掂.

而家反而唔擔心考試, 而係擔心 考完試之後既日子, 點找工? 找咩工? 寄幾多封石沈大海既信?
一諗到e度就有d 不安...

都係不停地打機, 又打aoc, 又打cm, 又打決戰, 仲要得閒上下網...好似太輕鬆了..

隻十二國記所謂既"完結篇"已經睇哂, 根本個故仔就未完, 又搵笨...
之後就開左套帽本之旅人(一堆日文...意思係暗, 帽與書本的旅人)黎睇...
同個名一樣, 套野既故事非常之奇怪, 睇左三集都唔明係度做緊咩,
雖然奇異既故事往往會有一種吸引力, 但集集睇到不明所以都係唔多掂.

不過e 套野既人設真係超級靚, 配音又一流, 點解可以畫得咁靚嫁.
個故仔睇左咁耐, 都開始明左小小(只係小小), 但始終唔明佢個世界觀同設定.
唔通呢套係fans 向作品? 只有玩過隻h game 既人先睇得明???

>>May 3, 2004 at 6:19:27 AM GMT+8