2003 年 12 月 23 日 星期二 【晴】

愛是一種對別人的關心和顧念...包含愛的東西總是漂亮的...
但知盛對很多人都只是停留於喜歡的階段...而很少去愛人...
知盛覺得愛必須建基於血緣和熟悉親密的關係之上...你必須很明白和了解一個人...才有可能關心他的須要...

人與人之間的相處就是這麼奇妙...害怕付出自己的關懷...因為害怕對方不會接受...

而很多時候...交往久了....又會發現你喜歡的那個 "她" 與真實的"她"存在著很大的差異...
那個喜歡的 "她" 實際上只是自己強加於真實的"她"之上的第一印象...
所以知盛討厭陌生的傢伙...因為知盛總是看不到這些傢伙真實的一面...

由於發動了特殊技能...所以仆床仆了很久...
一起床便開電腦成為了例行公事...

打左陣Gta,做左陣扑頭黨之後...竟然的起心肝打notes...
打左兩個鐘...先得7頁...不過打好左d格式...之後應該會快d...

夜晚去左阿Jade家出席同學聚會...其實都麻麻地想去...不過咁耐冇見...是但喇...
去到一座低就狂食牛肉...由於不知道只有這麼少牛肉的關係...我一人吃了2,3人的份量...
我對不起大家><...

食完其實都冇咩野做...都係係度偶...dolly 仲拎埋部ps2黎打winning大賽...但其實我唔多想打...
唔打又成條戊利咁冇野做...唯有加入戰局...
唔知點解...對winning開始冇咩熱情了...難得的聚會...好像用來打機和打牌浪費了點呢...
成晚薺talk的只有claudy和gali一伙人...可惜他們的話題並不能引起我太大的興趣...
一些話題更令人感到有些煩厭的感覺...><

雖然這些聚會經常都是十分大堆頭...但感覺上總是很寂寞似的...有的打牌...有的看電視...有的打機...有d搞電腦...有d食野...總覺得這些聚會欠缺了一些凝聚力...

可能昨天的活動太愉快了...使今天有些被比下去的感覺...
但也算相當愉快吧...

頭髮真的太長...快點剪了它...實在不太會打理自己的頭髮...@@@

>>December 24, 2003 at 9:17:16 PM GMT+8

2003 年 12 月 22 日 星期一 【晴】

冬天是我又愛又恨的季節...
愛者訓得特別舒服...恨者是起床的一刻...凍得很難受...

到了嚴冬時...我的特殊技能便會自動啟動...把一早設定好的鬧鐘響鬧時間調後或乾脆按掉...
這特殊技能令我在約了人的日子十分苦惱呢><

今天也是延後了一小時才起床...愈來愈夜睡...但睡得愈來愈多...唉...

第一次去將軍澳...
感覺上冇保林咁靚...見到阿剛 D 戰艦..真係幾壯觀...唔怪得佢話要成半年先有可能砌好一隻囉...
而且...果D金屬版同相關書籍...真係好貴XXXXX...不過有嗜好總比沒嗜好的好...

今日成班人塞係間一百呎唔夠既房仔度玩...雖然轉過身都唔得...不過都玩得好開心...
而且對話很多...這才是朋友聚會的感覺吧...^^
感覺上同阿剛真係可以好多野講...冇咩冷場或者dead air...
投緣大概便是這意思吧...

Charles不斷出古惑(汗...)之下...成為了大贏家...幸好我也贏了一次xd...

返到屋企都成12點...又要打一陣機先訓...
好耐冇打notes喇...死火

>>December 25, 2003 at 7:24:31 PM GMT+8

2003 年 12 月 21 日 星期日 【晴】

十二國記終於睇哂...好唔捨得呀...
不過套野仲有唔少謎未解開...有d情節真係唔知有咩意義...
唔通真係要找返本原著小說黎睇?唔知有冇中文版呢...

睇完套野...就陷身於文字地獄之中...打得好慢呀...救命呀...
皇子~~~

夜晚又去同一定酒樓做東...
又係果款翅...果款雞...不過都好好食...1食得好飽...
而且比往日我仲同D親戚多左野講...呼~~

>>December 24, 2003 at 6:07:34 AM GMT+8

2003 年 12 月 20 日 星期六 【晴】

今日一起身就睇12國記...套野真係好正...
可惜就快睇完了...

睇緊大結局既時候...就俾阿東打電話黎摧左出去...真係慘...

第一次答地鐵去寶琳...發覺個站整得真係幾靚...
而且個商場真係好大...城市規劃方面真係做得唔錯...
一行就行到6,7點...

之後約左dolly先生食晚飯...不過...由於係寶琳大飲大食既關係...
好飽...
不過dolly介紹果間糖水鋪真係幾正...

買左隻錶俾阿媽...都好耐冇送過野俾佢囉...呵...

用左好多錢...$$$$

>>December 22, 2003 at 9:13:55 AM GMT+8

2003 年 12 月 18 日 星期四 【晴】

最後一日考試(其實根本只係考兩科...)考9點...
係e個要晨早起身既關鍵時刻...知盛當然要早d訓喇...
但知盛竟然...失眠...
典到5點起身睇左陣小說先訓得著...訓得兩個鐘...又要起身考試...羅命...

第一次帶家姐送俾知盛隻生日表出街...不過好似未能為知盛帶黎好運...
份卷真係冇題識...真係考天才波...不過知盛對自己寫既野都幾有信心...應該唔會衰得去邊...

考考下見到有人因為遲到冇得考而大喊...開頭仲以為佢哮喘tim...真係慘....

考完並冇好似以往咁有一身鬆哂既感覺...可能因為今次考試冇咩點努力過...唉...

本來去銅鑼灣打算買飛睇愛上這個家...竟然落左畫...連累王dull同知盛白行一次...不過之後知盛都投桃報李...係winning上報答左你...(慘)

發現睇卡通其實真係學到唔少野...起碼好過睇垃圾電視劇先...
十二國記確實有佢吸引之處...小說改編既動畫...衰極都有個普(真人的就唔多掂了)

夜晚阿東彈左份job 黎...都幾吸引...
但皇子令知盛同阿東都非常之氣頂...不過...算...
要忍耐...忍耐...

諗起中學miss 講果句...讀歷史係為左學做人...而家覺得好有道理...
諗返歷史上有唔少出名既人都係要梅左好耐先發圍...有d仲係要死左先得到人晃賞識...
對比而家d人少少野就要生要死...真係唔同得多...

次次睇報紙...見到有d0靚仔因為俾人鬧兩句崶跳樓....我都會係心入面叫一聲...死得好...
可能太冷血...但e d咁無能同軟弱...自私既人...真係唔死都冇用...
虧d專家仲要成日彈出黎話d父母要多d 遷就子女...完全唔make sense...

記得早排睇報紙話有個無聊西人教授整左個聖誕老人研究...話10個0靚仔有9個對聖誕老人(當然係人扮果d)反應冷淡...建議應否檢討廢除聖誕老人云云...

按照此一邏輯...廢除了聖誕老人後...下一個要廢除的便是父母...

>>December 19, 2003 at 7:51:36 PM GMT+8

2003 年 12 月 17 日 星期三 【晴】

又就快考試...
結果...前日盡情打機狂歡...5點幾先訓...顛嫁...

呢排皇子痴左線...晚晚訓覺前都向知盛宣示佢果種發乎情...止乎禮既愛的精神...看來他太寂寞了...不要想美人想瘋了便好...

前日知盛和皇子除了用古文(只是書面語加文言文...xd)交互發了一輪顛後...亦坦率地交談了數小時(當然是網上喇...)...很久沒和人chat這麼久了...不過久不久話題便會扯上兩個xx...不過只是開玩笑....沒有意圖冒犯之處...但說完這些話題...總有一點內疚的感覺...

中左十二國記毒...連發夢都投入了故事當中...更加非常心散...冇心溫書...死@@@...
自己既性格係某程度上同女主角好似呢...

近排成日都好肚餓...昨日剛食完晚飯...竟然覺得...
e...點解個肚仲係空既???
雖然未致於餓...但冇咩飽既感覺...再望下溫書時零食既消耗量...
有d驚...會變到好似加利...唔係...係變到加啡i咁肥...好驚呀...

晨早時份..清風送爽...狂人突然發顛...令天地震動起來...
雖然很討厭狂人...但自己在很多方面都有著他的影子...
畢竟....我們留著同樣的血!!!!

>>December 17, 2003 at 11:51:16 PM GMT+8

2003 年 12 月 15 日 星期一 【晴】

一年又就快過去了...新的一年..將會有新的開始,,,
就畢業了...有點不安...

食飯果陣罕有咁開左電視...播皆大歡喜...
睇左一陣...難以相信會有人睇e d節目...阿媽e 個電視人都頂唔順...熄左佢...
有報導話香港係電視劇集產量最多既地方之一...但整堆垃圾出黎荼毒我地班市民...有咩意思...
香港..係一個好貧乏既都市(當然唔係指物資喇)...

睇12國記...女主角曾經用貧乏黎形容自己既人際關係...我覺得用黎形容都市人(亦即係我)既生活就差唔多...

腦入面經常浮現女主角心理交戰既場面...可惜....轉入左第2章故事之後...佢既戲份已經唔多...

>>December 16, 2003 at 2:36:09 PM GMT+8

2003 年 12 月 14 日 星期日 【晴】

E幾日真係得閒到爆...
書...唔使咁快溫...HON pro都係一日睇一份notes...
日子非常清閒...

近排每日都沈醉係十二國記既世界入面...兩百紋真係抵到爆...
每日都只係睇3,4集...唔捨得咁快睇哂佢...
可惜第一部故事完結得比較快...其實發大黎玩仲過隱...
特別係女主角既自我反省...好touch...好正...e幕睇左3,4次...
好耐都未睇過一套咁既水準既卡通...上次買果套最終兵器彼女簡直係垃圾....
完全唔知點解會咁受歡迎...
e次既十二國記無論故仔...人設同畫功都有一定水準...加埋d配音員...正...

>>December 15, 2003 at 3:21:35 PM GMT+8

2003 年 12 月 11 日 星期四 【晴】

今日約左dolly去佢屋企打機...順手一齊食晏...

唔知點解...柴灣間KFC 好似難食過九龍塘咁多...
winning大戰...10場輸6場...dolly好勁呀...扭波真係唔夠佢扭...

夜晚去左同中學班友仔食韓燒...e次效率高左...好快就搵左間野食...
好耐冇去過漢陽苑了...多左好多冷盤...不過由於要一路打邊烅一路韓燒既關係...個爐搞到好食...
食得唔多盡興...只係搏命食冷盤...如果有三文魚就更好...

成晚都有講有笑(算係掛),,,感覺上都幾開心...氣氛亦都唔錯...冇咩冷場(係掛...)
雖然得5個人...不過都食得好開心...其實個人比較上鐘意一d小人d既聚會...大堆頭都係各有各講...
好無聊....

食完野之後...又係 "而家去邊呀" e個老問題...唉...
中六,中七既同學都係一個樣...

ps...開始有d擔心唔記得廣東話點講...

e 日好鬼累....

>>December 13, 2003 at 10:21:52 AM GMT+8

2003 年 12 月 10 日 星期三 【晴】

考完legal system之後...真係有d已經考完哂試既感覺....
成個人由高度集中既精神狀態中放鬆哂...

relax~~

一起身就去赴大丸之約...好似好耐冇見過阿囡喇,,,一起身笠件衫就出門口...
去到仲發現有疑似Gali 物體出現...
竟然趕paper都死出黎痴餐...(感動中)

大丸帶左我地去一間台灣野度食...我住符近都唔知有間咁既野...失敗...

多謝大丸請食飯^^...yeahyeahyeah~~~

>>December 13, 2003 at 9:58:31 AM GMT+8