2004 年 10 月 8 日 星期五 【晴】

今天是在Air & Ground 工作的 last day 了.
本想好頭好尾晨早回公司座鎮的, 誰知在地鐵內發生了近兩個月第3次的昏迷事件.
又答多左一個站去到葵興, 早到變遲到...唉唉唉

最後一日, 執少少手尾之後以為冇咩野做喇, 點知ANDY 仲繼續俾野三成做喎, haha
真係好, 時間話咁快就過...
不過臨尾又衰大意俾Andy 數說了一頓, 所以很怕他監視著自己的工作, 其實自己都見到自己入錯料(print 出來後...)但不幸地他在身旁, 想快快手手改左佢唔俾佢知都唔得,自不免要被說教了.

不過佢說教都係為三成好0者...辭職之後就唔覺得佢難頂了, 原因? 不明...
之後下午同一眾親愛同事揮淚道別, 其實隨了做sale 的兩人外, 和所有同事也算蠻談得來的.
所以有點捨不得呢...

和松松及兩名西人吃過飯後, 閒晃了一會後便回公司加班, 其實唔多想加班的, 不是怕辛苦, 而是怕camp錢麻煩, 咁少都唔知camp唔camp好, 但昨日已留了松松一人加班, 加班始終是三成的責任, 可是不能逃避的...不過講真, 加班都是幾爽的, 但真的有點累...睡眠不足之故.

和松松道別後, 便去周圍逛逛, 本想買對鞋的, 但看到一大班人迫在鞋店內便放棄了.
之後去葵涌廣場, 仲多人, 真係痴線嫁, 本來想買野都冇哂心機, 回家好了.
有d 人鐘意熱鬧, 三成就真係點諗都唔明...迫親死, 有咩好?
都係幾丁友最舒服...

回家繼續狂睇小說同鋼之鍊金, 今集的內容再次令三成有想哭的感覺...
故事真的頗有深意, 很有意思, 強烈推介之作.

識左廢剛咁耐, 一直唔知佢有寫online daily, joey 唔講我都唔知, 夜晚冇野做, 順手去睇下, 發現有三成名字出現的地方總是跟著一些負面的形容詞, 實在太可惡喇!!!

明天的活動因David 一人的自私慾望而取消, 令B哥及兩大巨頭大怒.
眾人亦懷疑大巨陸是因為害怕被人嚴刑迫供上期秘密所致...

>>October 9, 2004 at 5:46:01 PM GMT+8

2004 年 10 月 7 日 星期四 【晴】

今天嚴格來說已是三成在公司的last day (因為星期六只返半日), 不知是不是心理作用, 今天總覺其他同事都待三成極為友善, 仲請三成食飯tim.
自從三成話走佬之後, Andy亦都冇再疾三成了, 難道三成是他的眼中釘, 還是他想好好啄磨三成才故意成日串偶呢...但其實三成表現麻麻, 又真係抵俾人串既, 不過有時冇喇喇俾人疾兩句又真的不太好受的.

放工後和Andy一起下班, 更和他感性對話...(汗)
期間佢話: 其實你係個位度做d咩或者無野做我唔會理你嫁, 我又唔會話你地既...
之前佢又同三成講過: 你話呢度多唔多野做0y?不知幾疏乎..
佢以為咁樣好free 同好爽, 但三成就最憎呢d 無所事事獻世呃飯食既感覺...
我寧願日曬雨淋擔擔台台無時停好過...

呢幾日都睡眠不足...唉唉唉

繼David 對三成爆出佢既驚天大醜聞之後, 好友Dolly又爆左佢一個無人知既秘密俾三成聽...
haha, 得到朋友信任既感覺真係好, 所以平時口密d, 唔成日唱人及88掛掛都真係有好處嫁^^
生平最憎一d 靠爆人秘密同講人是非去同你拉近關係既人(即係剛剛識唔多熟但又懶係咩都同你講扮friend 的人, 但佢地up 的又是其他人的是非)...呢類人三成係絕對不會相信他的.

>>October 8, 2004 at 5:09:18 PM GMT+8

2004 年 10 月 6 日 星期三 【晴】

還有不久便要離開公司了, 很快便要告別安逸的生活, 迎向未知的挑戰.
想不到臨別秋波的這個多星期, 上班生活竟是異常地平靜, 異常地舒適.
毫無壓力下連帶犯錯也少了, 平日留意不到或粗心大意的地方, 現在也注意到了.
可能是三成故意把工作做得慢一點...慢慢搣所以便細心了一點吧...

工作了兩個多月, 雖然從這份工作上學到了很多東西, 但卻常常有在公司呃飯食的感覺.
每天8小時的工作時間實際上可能只有一半或更少是在真的在工作而已.

雖然以準備公務員試為由辭職, 但三成對公務員試的信心其實並不太大的.
而且考上了也不知能否獲得相關部門聘請, 故只能是離職的一部份理由罷了.

和友濟間論及離職問題, 三成也總是以和上司不咬弦為藉口帶過.
其實三成也不至於討厭Andy至這個地步, 他除了聲大大及粗聲粗氣不理他人感受外, 他待三成還是廷好的, 若連他也容不了那三成的器量便真的是太窄了.

只是每天在公司無所事事, 大吃公司糧草(月餅, 水果及可樂都被三成一個人掃清了) 及和Joey 大玩email時, 其他同事如Raymond, Stella 等卻在一旁辛勤地工作, 卻叫三成顏面何存?
三成的自尊再也不能容忍這種情況下去了, 故還是盡早離開吧.

松松常規勸三成莫要常想一步登天, 但即使經驗豐富如Andy者也是整天遊手好閒, 工作時間不平均(一段時間完全無野做, 一段時間又要趕工) 才是三成最討厭的.

下午和Joey 食米線, 食完之後返到公司就勁肚痛, 真係慘.

想不到三成的離職只是公司人事變動的開端, 更大的風暴在蘊釀中.

回到家便再看鋼之煉金術帥, 一部近期人氣奇高的作品.
看了短短4集, 便覺得這作品異常精彩, 故事很有深思, 可說是深深地觸動了三成的心.
看第3話時更因為主角的遭遇而突然有種想流淚的感覺, 很久沒看過這樣出色的作品了.

另一方面, 最近亦在追看古龍的名劍風流, 很好看呢^^
本來是在報章的副刊上看到的(那時陸小鳳的連載剛剛完結), 一天一天看一點, 慢慢被它的故事吸引, 很快便按耐不住找老媽班了全套小說回來...
答車下班再也睡不著了...但好看的東東三成是一定會分開來慢慢看的...
看完一套出色作品的空虛和失落感實在太可怕了.

>>October 7, 2004 at 4:57:52 PM GMT+8

2004 年 10 月 4 日 星期一 【晴】

近日的留言版很冷清呢...只有Joey 小姐一人撐場.(這亦是她唯一的存在價值...不要打我~~XD)

不知怎的, 最近幾天都沒什麼精神, 今天上班時更在地鐵內陷入了昏迷狀態...
結果導致首次答過龍唔記得落車既情況出現~~~

上班亦是沒事忙, 幹些雜務, 到廁所閒晃, 聽聽電話便又一天了.
再次為老闆去旺角辦台胞証, 雖然舟車勞頓, 但出去走走比在office 呆座及行行企企好多了^^

下午吃Joey 給的炒麵, 今次d 油好次多左d, 真係驚肥死@@
不過味道唔差, 仲可以慳返d 飯錢tim, wakakaka

返工, 放工, 回家, 打機, 訓覺, 咁又一天,
畢業之後生活真係好似冇哂目標, 返工做d 野又不過係d daily operation, 日日如是,
再次令三成想到那艱深的課題: 人生的意義...
現實生活實在太過枯燥, 重商拜金既社會更加令人感到精神異常空虛, 開電視, 睇報紙, 平日行街所見既都係香港近年流行既白痴低能文化, 真的令三成感到不是味兒.
現在的社會實在太少能夠振奮人心的東西了, 這可能也是三成喜歡看動畫, 投入當中世界的原因吧.

錢, 娛樂新聞, 事業, 購物等現代都市人最沈迷的東西, 三成卻是毫無興趣, 難道真是錯生了時代??

距離離職還有四天...

>>October 5, 2004 at 5:33:32 PM GMT+8

2004 年 10 月 3 日 星期日 【晴】

今朝晨咁早起身, 點解??
因為約左親愛既Joey食早餐囉^^
但唔知係0米早得滯, 個腦好似好實咁, 轉唔到, 只係識傻笑, 希望唔好悶親Joey姐喇,
係人都唔知佢唔係人咁品嫁喇...

不過M記d 早餐真係過份豐富, 食得好滿足...其實久唔久咁樣食下早餐都唔錯既^^

唉...真係估唔到, 昨日打完波, 今日就周身痛, 真係運動不足??
又唔係打左好耐, 但都搞成咁...真係...唉...

今日係公司都ok多野做, 做呀做, d時間都好快過...
而且d 野都開始上手, 做下做下都幾開心, 但再過一星期三成便要告別這間公司了^^

唔知係0米臨別抽波, 覺得Andy也不像三成初來公司時般惹厭了^^
不過講返Andy, 雖然係空運佢絕對係專業, 但佢係各方面既知識都顯得非常貧乏, 有時問d 野真係好鬼死無聊...而且在各方面都有點依賴松松呢^^

叫阿媽取d 信封返黎作辭職及投寄各類表格之用, 點知阿媽竟然取左佢公司d 信封返黎.
係個漂亮而雪白的信封面上印著XX公司的華麗字樣...

唯有回到家都即刻落街買過...
本來平時寫開信俾朋友都買左堆信封, 但細個得滯, 唔0岩使.
諗返上黎, 呢埋唔0岩使既舊信封其實係賊贓黎.
話說那次三成在日本城採購信封時, 因為思考某問題而進入失神狀態...
竟然取左堆信封就大搖大擺咁行出去(渣係手上面果隻), 當三成發現自己無俾錢時, 已經是數天後的事了...汗...
隔左幾日先去俾返錢又好似好怪咁, 唯有不了了之...

回想那次真是十分危險, 若果一個唔該俾人拉左...咁就...
其實三成很多時都會無故進入夢遊狀態, 希望不會有一天出什麼意外吧...

ps. 三成發現了新都會某店鋪的售貨員是名超級美女, 近呢兩個星期三成每次路過都要兜過去望兩眼先安樂...haha
點解葵涌會有咁多美女嫁^^
wakakaka

>>October 4, 2004 at 3:30:29 PM GMT+8

2004 年 10 月 2 日 星期六 【晴】

今日一起身就大流鼻水, 天氣一變個鼻就唔多掂.
想取d 鼻敏感藥黎食喇, 頂!!!點知又俾個好人老爹掉左...真係多得佢唔少,
慶到爆咁滯!!!

冇藥食都要出門口, 皆因約左阿剛, david 等打壁球是也...
午餐去左花園食, d set lunch 40唔使又夠full, 又幾抵喎...同返d 熟朋友食飯真係happy, 絕無冷場...
成場都有講有笑.

之後入場打波, 但打打下廢剛取左佢部相機出黎, 結果一班人就掛住影相了.
冇打一排, 好似有d 生疏左, 成日都俾阿剛同david 恰死, 真係慘@@@@
全日影左好多靚相, 不過唔知係0米少運動, 不過打左一陣隻手就有d 痛了.

打完波食tea, 竟然一食成個幾鐘, haha, 可想而知幾多野傾呢...
同時亦揭露了巨B哥charles找到政府工之謎, 期間David 更語出驚人道出自己既驚天大秘聞, 令全場嘩然, 可惜佢又大玩屌隱...眾人決定係下次聚會對此人嚴刑拷問, 佢好自為知喇.

夜晚足球比賽場場大戰, 可惜明天要上班, 否則將睇得更加盡興是也.

>>October 4, 2004 at 2:17:24 PM GMT+8

2004 年 10 月 1 日 星期五 【晴】

一大早便因阿媽再次發現軍資損失的怒罵聲吵醒. 距起床上班只有一個小時而已, 但同阿媽對話已經令三成昏睡既腦袋開始清醒, 真係上床訓返又唔係, 唔訓又唔係, 真係無陰公...
但自己有用既野比d人無緣無故丟掉的確是很令人憤怒的...(而老爹把老媽的東東統統掃掉的原因只是因為他要在那處地方放置自己的物品...真是媽的...)

剛剛重新入睡, 鬧鐘便又再無情響起了, 好想再訓呀!!!

上班, 下班, 又是一天了.
下班後無聊之下四處閒逛, 買左套星矢天界篇, 柯南同鋼之鍊金術士等...
同時又買左d 小食俾阿婆...(其實大部份都係俾自己食既...)

返到屋企, 已經唔使再諗, 講多無謂, 開碟有益, 即時開隻天界篇黎快樂下先...
點知...套野悶到人訓著咁滯...星矢幾時變左宗教電影嫁...配樂更加...
麻煩將個監制推出去斬!!!

真係...令人...非常...失望...
睇一次還左心願就算.

>>October 4, 2004 at 2:07:28 PM GMT+8

2004 年 9 月 30 日 星期四 【晴】

今天繼續是難得的假期, 但老爸又在家行行企企, 左執右執, 左煩右煩, 令三成放假的心情大減.
一覺醒來便看見老爸在執屋, 左一袋, 右一袋的垃圾清走, 三成剛剛起床, 自然亦懶得理會, 想不到如此懶一懶, 便種下了惡果...

夜晚約左王dull, 曹viv, 完美女神等食飯, 去左尖咀一間高檔美國餐廳大飲大食, 埋單除返都要成120大元, 抵唔抵就見仁見智喇, 都係可以接受既.
但個人覺得d 食物就麻麻0者, 不過都係志在聚一聚0者^^, 同曹viv成晚都傾左唔少, 估唔到佢又話想轉工喎, 不過既然份工鐘意做, 只係唔鐘意個阿head 0者, 因為咁而轉工又好似怪d...
不過呢d 野都係人夾人, 日日對住件唔鐘意既人又幾難頂既.

回到家中, 已經因為老媽已經因為老爸把大量未開封的食物, 藥品及其他東東無故丟了而在大吵大鬧了...期間有人更極為無賴及無品, 令三成再次大為反感...
畢業禮都唔知叫唔叫佢好, 算喇, 取左位先...

下次再算...

>>October 4, 2004 at 1:57:27 PM GMT+8

2004 年 9 月 29 日 星期三 【晴】

日記再次無故死亡, 而這次死亡時間更長達一星期, 但當三成想轉日記時, 它卻又無緣無故地復活了.
真可惡...
不過今個星期有兩天紅字的假日, 真的很爽呢^^
買了星矢的文庫版也有時間在家中慢慢享用了^^
燃燒吧!!!我的小宇宙!!!

>>October 2, 2004 at 1:54:24 PM GMT+8

2004 年 9 月 26 日 星期日 【晴】

自上星期提出離職要求後, 總覺得自己在公司的定位變得十分奇怪...
今天上班也只是早上有些雜務要處理...下午基本上還是很得閒的.
沒事做等下班真是十分累人, 別以為沒事幹便很輕鬆...
保持清醒狀態乾座是很花精神的...

本想做滿今個月便離開, 但被Andy要求做多一星期, 無奈之下唯有答應了...
三成最不擅長應付Andy這類人呢...總是被他吃得死死的...

其實雖然三成常對Andy口出怨言, 但Andy待三成還算是不錯的...
有時也會走來和三成交談和說笑(雖然豪不欣賞他的笑話)...
今天更突然走過來輕撫三成的頭, 真是嚇了一跳...

自我中心和口臭的人總是較乞人憎的, 加上私德不修便更令三成厭惡和他交往了...
所以三成和Andy只能說是相性不合吧...

另一方面, 亦很厭惡平日只懂得對Andy唯唯諾諾及隨聲符和的自己, 既然不滿Andy的道德價值, 為何不直陳己見或直斥其非呢...難道對著上司便要捨棄義理, 虛與委蛇嗎?
三成的道德勇氣還是不夠, 光說不練...如此下去, 可是很容易迷失自我的~~~

今天最快樂的便是中了一條二串1...雖然得4點幾倍, 但都好過無喇^^
但比起三成進貢馬會的, 這條2串1只是9牛一毛吧了...

HAHA, 這兩個月和Joey 幾乎是無話不談, 說起來, 即使是最親密的朋友, 三成也很少和他們分享這些事情呢^^
有可以信任的朋友實在是一件幸福的事^^

>>September 27, 2004 at 4:04:09 PM GMT+8