2004 年 8 月 19 日 星期四 【晴】

發了個很可怕的夢...通常造了什麼夢醒來後不久便會全無印象的...
但由於實在太可怕, 且在夢中遇到悲慘事情的, 更是三成平日十分親近的人...
真是教人不安的夢啊...

今天真是超級變態無聊呀!!!
由上班開始, 到下班為止都是無事可做, 遊手好閒, 好x 悶呀!!!!

本來comtech 有張booking黎, 可以有野做下, 但andy 唔知發哂神經, 搶左黎做(可能佢打機都打到悶...)搞到三成得閒到爆...

今日成個office d 人都好散漫, raymond 打機,stella 睇雜誌及上網, andy 訓覺, 傾電話..
松松又係照舊忙一輪之後就上網無聊一番...

最悶都係三成, 其他人都話或多或少有d 野做下, 但三成幾乎完全冇野做咁滯...
落街入公司數時,銀行勁多人排隊, 排左三成鬼死咁耐, 入完數就順手走去蛇王打左一鋪機(玩左10分鐘咋...唔好炒我呀)

松松見三成太得閒, 順手教多d 三成入口既野, 但聽完唔夠一陣就幾乎忘記哂囉....
慘也...

下班時和joey 一起答車回家, 佢部電腦又唔知中左咩野招...
睇黎佢同電腦既相性...

>>August 20, 2004 at 2:16:05 PM GMT+8

2004 年 8 月 18 日 星期三 【晴】

這兩天在公司都是十分得閒, 返工等放工...
無事可做...戇戇居座係度, 真無聊呢~~~

下午同王dull + Joey 食飯, 一講起巴士, 王dull就唔停口...
e個人真係太得閒喇, 竟然日日遊巴士河, 俾三成就留係屋企訓下覺好過~~~

返到公司以為都唔會有咩做, 點知就有三張booking 腥左黎...
真係慘, 三成入數時忘了把港紙轉回美金, 被上司數說了一返...
咁白痴既錯誤都犯得既, 明明自己仲對過幾次tim, 咁都睇漏眼...唉...
真係覺得自己好廢, 呃糧出咁...

放工和stella 一起回家, 都係介乎熟同唔熟之間, 唔算真係太多野講...
不過同d 同事吹下水都幾好既~~~

回到家打中國貳, 覺得遊戲的介意和文明帝國系列還有一大段距離, 只是一般水準~~~

>>August 20, 2004 at 11:54:12 AM GMT+8

2004 年 8 月 17 日 星期二 【晴】

今天又是晨早上班, 三成竟然係最早返到公司果個...
但由於松松忘了為三成配公司鎖匙的關係, 三成不得其門而入...真慘...
幸好過了一分鐘終於有人回來, 三成有門口入了^^

今天都是遊手好閒...入了一些資料, 行行企企又一天...
每天都發大量電郵同Joey 暗通款曲~~~成個冗員咁..
不過每天都有些新野學, 不過andy 真是愈來愈惹厭...
成日都好似冇你咁好氣咁, 真係搞到人非常心灰...

今日同事們終於唔再食包, 再次大魚大肉, 有講有笑, 非常happy^^
由於時間尚早, 食飽就同松松逛街, 三成仲買左想買已久既中國二tim^^
連加強版4集碟都係百幾紋, 都算抵~~~

放工同Joey一齊黎車, 真羨慕佢有張西鐵月票, 有人送堆百達通俾三成任用就好了~~XDXDXD~~

回家裝中國二, 裝左兩個鐘都未裝完...搞x錯...
激死人~~

>>August 18, 2004 at 3:58:10 PM GMT+8

2004 年 8 月 16 日 星期一 【晴】

很熱...很熱...
很想游水!!!!
沒有游泳的日子一點也不像夏天!!!

先回回Martin的話.
三成是重義之人, 視錢財如糞土, 糞土e 家野咁難頂, 當然冇理由俾朋友喇...
一百幾十就冇喇, 多謝就有一句既~~

推理之絆快看到尾聲了, 突然想談談動畫, 便開頁新的來寫寫吧^^(充數用日記???~~汗)

這動畫的人設很美, 雖然故事比較一般, 推理的部份更有些亂來的感覺...但不失為一套娛樂性豐富的動畫...
特別是女主角, 不論樣貌及性格也是超活潑可愛的, 十分搞笑, 三成很喜歡呢~~~
雖然經常心想若能有這樣的女友便很好的說, 但在現實中碰到這類人物也是十分令人頭痛呢(經常會作出一些惹來麻煩的舉動)

故事發展到尾段, 相信大部分謎底也會逐漸解開...
三成實在很想知道故事的發展會怎樣自圓其說呢??在起始部分一直在故弄玄虛, 若到了後期只是得淡笑或牽強帶過的話, 那便實在太令人失望了~~

今天終於有兩單野係俾三成一個人做哂, 很有挑戰性...
但Andy 真的很煩, 常常在後面指手劃腳, 口水多過茶, 仲不時串下三成tim(不過佢個人係咁...唔係惡意既, 但都令三成好唔高興)
但唔停手咁忙左一輛, 做完又係歸於沈寂, 船果邊真係好, d 單咁平均, 又唔使成日OT...
空運就一係忙到死, 一係就得閒到訓覺都冇人理...唉...

夜晚又同松松加班~~~好累...(雖然加班都係上網, 傾計同睇雜誌...但一樣好徙精神~~~)
下午Raymond 同 Stella 繼續減肥, 堅持食包, 三成同松松就食M記~~~
夜晚又食KFC~~~好油~~

>>August 17, 2004 at 2:25:11 PM GMT+8

2004 年 8 月 15 日 星期日 【晴】

Martin, 成間屋得三成同大佬打機, 要你個分插器黎做咩?
送本人都會考慮既~~~

英超終於開羅了, 兩日來買了兩條過關, 一贏一負, 細細地玩, 都有d 斬獲...如果另一條中埋就發了...同時亦贏左Dolly 一餐飯...

星期一又再上班了, 都是做些很鎖碎的工作...
換紙, fax, 寫速遞...真是十分無聊...剛剛意興闌珊之際, 下午Andy 突然叫以後某公司既進口俾哂三成做喎...
雖然一星期先得一兩單, 仲好易做, 但勝在有d 野俾三成跟下, 接下手0y...
不過 e 行又冇咩業績可以睇...搞到好似冇咩目標tim~~~

下午stella 話要減肥, 去百佳買料整三文治食, 三成同松松唯有屈就百佳食佢d 十元飯, 但質素真的麻麻~~吃杯麵好了~~~

吃飽後回公司繼續處理雜務...交電視, 煤氣費(氣從何來???要來何用???)...電話貴, 咁就用左半日...順手行左一陣街(都係睇左陣動畫咋~~~)

放工時聽到Raymond 話有其他公司招攬佢...唔知佢會唔會走呢???
三成返工返左一排...又有一堆親戚提供一堆條件算優厚既工招攬三成, 早早又唔來, 搵左你先來問人...真可惡...
剛剛上左少少手(只係全面承擔公司鎖碎雜務~~真慘)...最少做返一年半載先走喇~~~

但以後三成接手的工作, 都是要用普通話交談的, 慘了...
這幾天接電話時都有普通話人打來, 應對幾句尚可, 要全盤接手, 以後真怕俾d 客投訴呢...
唯有見步行步了, 希望如此普通話會有進步吧~~~

經常要打英文email~~才使三成覺得自己的學歷沒有白費(汗~~~)

>>August 16, 2004 at 1:43:49 PM GMT+8

2004 年 8 月 13 日 星期五 【晴】

今天要加班, 周末也要加班, 真是十分累人...
但沒辦法喇...而且自己對公司也沒有什麼貢獻, 好像騙加班費似的...
算了...

阿Head Andy 份人又串又口臭, 所以公司d 人背後都唔多妥佢...
三成覺得佢除左扮哂野同口臭之外, 都冇咩衰野0y, 仲不時教三成野tim...
雖然態度的確十分乞人憎, 但起碼是善意的...
不過松松對他好像很不滿意呢...還是少理為妙了...

呢個星期係公司成日發夢, d 野都冇咩用心記....感覺上有d 似君望之永遠果個女主角咁,
成日都係度遊魂, 咁落去真係唔掂...唉

加班都係松松做哂, 三成就係隔離訓覺...
當熟習下個程序喇...想幫都幫唔到咩手...

放工同松松一齊去買PS2 手制, 買左成舊幾水呢...真慘><

回到家都成7點了...睇完波就做體能...
地獄雙手連舉啞零一百下...再做sit up + 掌上壓, 好熱呀!!!
做體能真係好麻煩, 做做下自然會氣力不繼, cool down, 抖完之後就唔會想做...
所以三成次次都係一次過...
之後就沖涼..

haha..

>>August 14, 2004 at 2:45:50 PM GMT+8

2004 年 8 月 12 日 星期四 【晴】

今快又過了一星期了, 上班已有一段時日, 但感覺上仍未算太適應.
同事們都很友善, 平日也可以有講有笑, 工作環境亦十分理想...
但沒有單入時, 遊手好閒的感覺真難受...
松松都成日冇野做, 但佢係通天老倌, 成日有客打來問佢野...
要咩資料一找就有, 但三成就仲係雞手鴨腳咁...唉

下午走左去同Joey 食 lunch +行街, 同熟人食當然開心過同同事食喇, 起碼話題都多d0y麻...
吉野家個三文魚蟹子飯都算唔錯, 食得幾飽~~haha
之後去葵涌廣場個底層遊覽, 行完先發覺仲有咁多好野食, 最衰就係lunch hour 永遠都鬼死咁多人喇...早d放ｌｕｎｃｈ　 0米好囉~~~

回到公司, 阿head Andy 突然發作, 塞左一大堆單俾三成做, 佢就係後便監督...
得到佢既指導, 三成對成個運作流程熟悉不少...
三成一路入, 佢就一路講: 唔使咁心急既, 你慢慢做, 摸熟佢先, 我預你做到6點, 你唔使咁趕...(當時係兩點鬆d~~汗)
但入野入得咁慢, 又成日入錯, 搞到三成成個廢柴咁...
不過都開始覆下d 客既 email, d客都開始會腥下d email俾三成, 希望慢慢會愈來愈多野搞喇...
最憎冇貢獻, 等出糧嫁喇...

其實睇返三成同松松做既, 都係d daily operation 既工作, 有單出, 我地就入, 冇單出, 我地就夢遊...
就咁入data, 係人都識做喇...一定要快d 摸熟哂 公司d 野先得...

呢幾日三成既情緒都有d down...可能不滿自己太個廢喇...又冇咩專長...樣樣都唔夠人好咁...
但幸好三成雖然IQ 唔高, 但EQ 就肯定爆登, 三成一直覺得自己係一個控制情緒好叻既人...
開心又係咁...覺得好頹好灰又係咁...完全睇你自己點選擇...廷直d條腰, 咩都向好果方面諗...
心情自然就好d...

其實e 家份工都冇咩壓力, d 人對三成e d新人都唔會有咩期望, 諗返果陣德昌壓力大好多...
但同d 同事就好似更加好傾(果度d人吹水好叻)...可惜工作環境唔多舒服, 唔係再入去做都唔錯^^

>>August 13, 2004 at 4:41:21 PM GMT+8

2004 年 8 月 11 日 星期三 【晴】

今天上班仍是無事做, 極為無聊...
整天只是為解決公司的電腦問題而奔波...

Raymond 部機冇喇喇死左, 幫佢換過部機之後, 唔知點解三成部機都死埋, 搞左一輪先搞得掂...
(唔好問點整, 只係撞彩, 將d 線拔過再插, 換過d 新線等等)

今天學左樣打電話去d 運輸公司問價, 報返價俾個客知...
但全日真係咩工作都冇, 成個空運部都冇野做, 海運果邊就唔停手...
等時間過真係無聊...

下午去左同joey 睇fax 機, 順手買線(公司條線俾三成整鬼爛左...)
回顧返全日, 都係遊手好閒, 但明天將會很忙...

返工之後, 好似冇咩目標, 都係日日學野, 日日做野, 做完今個月, 又做下個月, 無休止咁做到死為止...諗落都好似冇咩意義...
最近總是覺得人生有點過份漫長而無聊呢...現時每天的流程便是...
上班--->下班--->回家--->看動畫+食飯--->閱報--->打電腦--->打ps2--->睡覺...極有規律...
對現時的生活不大滿意, 但不滿意些什麼又說不出來...難度患上了抑鬱症(汗~~~)

放左Joey 俾個堆大樹波羅係公司雪櫃, 希望唔會因為味道過份濃烈而變成恐怖事件喇~~~
講返上黎, 今日都食左成十粒以上~~(汗)...

>>August 12, 2004 at 4:00:18 PM GMT+8

2004 年 8 月 10 日 星期二 【晴】

今日返工真是十分得閒, 成日都冇單做, 周中就係咁清閒...
成個department d 人一齊上網同訓覺...但又唔可以做得太過份, 鬼死咁辛苦...

學左點樣係網上面查機位同航班, 同時亦開始識得分唔同類形既文件...
希望慢慢會做得愈來愈好吧...

下午和Joey 一起lunch, 但由於時間關係, 吃得比較匆忙...
下次找個好點的地方再大吃大喝吧...

整天都是遊手好閒, 幹些近似雜務的工作...
上班後, 水明顯喝多了(成日一得閒就去水機斟水飲, 原因不明), 希望連帶身體也會好一點吧...

很想游水, 在葵青果個唔知文化定藝術中心看到了一些瑜珈班招生, 即時有d 興趣, 身體和手腳都缺乏柔軟度...遲d 再留意下先~~~

不知不覺, 上班已有一段日子, 人生亦步入了另一個階段, 自己也比從前改變了不少...
但不知怎的, 最近總是經常有些寂寞的感覺(~~~原因不明...)
看太多動畫, 因而對現時的生活產生不滿?還是...唔唔...

>>August 11, 2004 at 2:44:56 PM GMT+8

2004 年 8 月 9 日 星期一 【晴】

昨日大佬買左winning 8返黎, 搞到三成都玩到好夜先訓, 撞鬼囉, 連續兩日都咁...
真係死得.

答地鐵真係烏下烏下咁, 但唔知點解一落車就好精神, 不過返到公司都係冇咩野做, 要等到十點左右先會開始唔得閒, 所以都係遊手好閒一返, 同做下d雜務...

今日難得Andy (三成同松松阿head)走過黎指導三成入單, 搞到三成鬼死咁大壓力, 平時又少練習, 手忙腳亂咁, 出左唔少錯誤...
搞到三成覺得自己好鬼無用, 返左成個星期都係一知半解...

平日睇terry日記見佢返完工之後都努力進修, 更加令三成十分慚愧...

但係Andy 既監督下, 對個程序都熟習左唔少, 但佢把口實在很臭(煙產一名), 離好遠都聞到陣味, 想嘔咁滯, 不過一於死忍, 閉氣關係確係三成一絕.

回家又睇左陣推理之絆, 個女主角真係非常吸引三成, 特別是她的配音配得很好, 很搞笑呢!!^^
如果在香港播, 以香港配音員的水準, 是沒可能達到這種效果的...
看得三成心癢癢的, 心想如果三成也有一個如此活潑可愛, 相信自己能力的女友便好了^^

>>August 10, 2004 at 4:26:46 PM GMT+8