2005 年 1 月 6 日 星期四 【晴】

雖然昨日一夜無眠, 但今日都係早早彈起身準備interview既事...
發現左一樣野, 愈係準備, 就愈係緊張, 愈係諗得多, 就愈驚青...
所以有時d野都唔使太著緊, 做足本份同功夫就算...

今次一in就in 兩個post...係同一間公司做兩個interview, 真係一次難得既經驗...
一in就in左個半鐘...又係一次好長既interview

覺得in得唔錯, 不過好多問題可以答得更加得體, 表現可以更好...
希望會請在下喇...

剛in完, 電話就響起, d 時間真係計得咁準?
一把甜美的聲音在電話邊響起...
神秘的電話...神秘的女人, 整件事都充滿著謎團...

能夠解開這個謎的, 唯有紅蓮花!!!(看小說看得太多了~~~汗^^)

>>January 8, 2005 at 11:42:07 AM GMT+8

2005 年 1 月 5 日 星期三 【晴】

晨早俾電話聲嘈聲, 正要發作之際, 我卻突然不怒了..
任何人聽了妳那把甜美的聲音也不忍對妳發怒的, 這點我也不例外, haha

傾左一陣, 未訓醒, 聲音自然呆滯, 傾談內容自然你講多過我講
並非在下不夠精靈也, 任何意識仍在睡眠狀態的人也是這樣的.

半小時後, 電話掛斷...搞左好耐先訓得返...
好眼訓...

訓得一粒鐘, 又要即刻起身食d 野就出門口, 皆因約左巨剛是也
去到九龍灣, 冇遲冇早, 時間剛剛好, 會合巨剛就即時衝去買飛
驚天奪寶第一日上畫, 但竟然無咩人睇, haha, 不過我地果位就好似前左d
期間巨剛不斷講: 不如坐後d喇...但懶惰既三成當然係多一事不如小一事喇, kakaka
套野都ok, 節奏緊湊, 不過d 謎題就太易解左d, 而且佢d 謎題並唔係咩常識, 而係套戲入面果個叫做共濟會組織既一d秘聞...
"唔, 呢個圖案係共濟會的xxxx, 有yyy的意思, 所以我地而家應該ooooo"
d 所謂既謎題根本係任件主角亂up, 根本唔會有人知(包括觀眾)共濟會係咩東東, 所以套野要觀眾用腦去思考既地方並唔多, 基本上都係入到戲院之後就座低, 直落等散場...

睇完套戲同巨剛係德福周圍行, 揀左好耐佢終於選到件心頭好, 不過又係得返擺出黎做display果件, 記憶中巨剛好少買到100%全新的東東, 鬼叫你個人又"舊"又"巨"咩, kakaka

之後返九龍塘取畢業相, 再請就黎生日既巨剛大刷一餐就回家
用餐期間女神突然來電, 令三成同巨剛欣喜若狂

回到家中都已經9點幾, 極累, 可憐明天仲要見工, haha
更慘既就係, 竟然訓唔著, 典到6點幾先訓到, 真係無陰公...

>>January 7, 2005 at 5:26:58 PM GMT+8

2005 年 1 月 4 日 星期二 【晴】

好窮呀...點算呀...
無錢呀...點算呀...
點搞呀...巨巨...
巨巨...好想快d 有工返呀!!!

>>January 5, 2005 at 5:27:33 PM GMT+8

2005 年 1 月 3 日 星期一 【晴】

話咁快一年又過去了, 上年這個時候還是正在校園求學的小伙子, 但現在卻是立足於社會, 苦思如何拿取失業救濟金的自了漢了.

今天晨早起身, 準備充足, 神清氣爽地去interview, 地點是荔枝角, 很遠, 車錢也很貴...
但也去碰碰運氣吧.

這間公司的設計令人感到很焗促, 很不舒服.
一入門口, 除左個reception counter 之外就得兩度門, 兩度木門, 你完全唔知入面有咩, 完全唔知入面有幾大, 你只係知你身處既地方細個屋企樓下間快餐店個廁所就夠...

座低, 填form, 填完就座係度等, 其他約左黎見工既各路人馬都陸續殺到, 一堆人, 質係個細到爆既地方, 你眼望我眼, 戇居居, 真係有d 滑稽既感覺

等了又等, 當有好精神座到唔精神, 好舒服座到唔舒服, 唔急座到好急既時候
真係想成支神丹一號咁一飛衝天返屋企算數...

等左一個鐘, in得5分鐘, 有d 打7條友既衝動

夜晚睇波, 明白咩叫魂遊太虛及發雞盲, 你唔知係咩?
問下旁證喇...

>>January 5, 2005 at 5:26:11 PM GMT+8

2005 年 1 月 1 日 星期六 【晴】

在下紅蓮花!!!

呢幾日都係度睇古龍既小說, 屋企既叢書真係非常豐富, 好多書都未睇過...

古龍既小說, 次次入面都有好多迷團, 等你睇完之後, 部分既迷解開左既同時, 又帶來更加多既疑問...

今次睇既, 係那一劍的風程...發現內容同上一部作品離別鈎有好多出入...
明明係續集...點解上集死左既今集會未死?明明斷左隻手, 又變返4肢健全?
古龍失億...

仲有!!!古龍d 書幾乎部部都爛尾!!!
冇爛尾既只有陸小鳳, 楚留香, 同絕代雙驕, 仲有三少爺的劍, 多情劍客無情劍, 仲有...
eee...原來都有好多無爛尾嫁播...不過總之都係以爛尾既居多喇...

Joey 姐問左個好有趣既問題
wakakakakakakkakaka

>>January 3, 2005 at 12:04:57 PM GMT+8

2004 年 12 月 29 日 星期三 【晴】

親愛的Joey, 多日不見, 如隔三秋呀, 真係好搣屎你呀
三成警告左你好多次, 唔好亂用個巨字嫁喇, 真係唔係人人識用嫁...
近排組織已經就巨化問題多次對三成作出警告, 再咁三成就真係蝦米跳海嫁喇...

唯一同意同值得稱讚既就係你用"廢剛"e個名詞黎形容某已故同學, 真係用得好好, 抵錫.

日記咩野鮫味十足0y, 慘野你唔知0者...

今日發生左一d好慘既事, 令三成感到非常失意, 可能昨日睇波唔夠訓喇, 令三成全日都不在狀態...
個腦轉得好慢, 變左語無倫次, 連我都唔知自己up緊乜...真係抵死的...
但真係好唔happy...回家即刻練一陣普通話, 充實下自己掃走d失意既感覺...

近排三成陷入信心危機, 自信同情緒都趺落谷底..
見到身邊的朋友撈到風生水起, 幸福非常的時候都總有一點酸溜溜的感覺...

不過各有前因莫羨人, 唯有盡量做好d自己, 希望好運快d 降臨係三成身上喇...

>>December 30, 2004 at 4:30:34 PM GMT+8

2004 年 12 月 28 日 星期二 【晴】

今日終於再次收到期待已久的電話....直情happy到爆哂燈喇^^

努力呀!!!加油呀!!!三成!!!

衝呀!!!光輝的未來就在眼前...

天氣很凍..凍到手腳都赤哂...
各位朋友~~小心冷親呀

>>December 29, 2004 at 10:45:57 AM GMT+8

2004 年 12 月 27 日 星期一 【晴】

一整天的活動...十分勞累...

俾巨巨發現左, 原來就係佢令我面紅耳熱, 心跳加速...

係巨巨既幫助下, 購得香鞋一對...以後唔使著難鞋.

呢個星期, 短短幾日, 已經用左好多錢...

巨巨不斷迫問三成, 三成則顧左右而言他, 亂up大法也...

食飽飯後, 同巨巨回味當日係公園手牽手共墨魚丸的溫馨(!!!???)場面...
今次變左食燒餅, 我一個食哂...wakakakakaka

>>December 29, 2004 at 10:42:45 AM GMT+8

2004 年 12 月 26 日 星期日 【晴】

我愛...故我在.

三成一直覺得自己是一個長於紙上作業多於實際運作的人, 而實際上亦確是如此.
戰略層面的計劃, 到了戰術層面上往往會有不同的反響.
知可以戰與不可以戰者勝, 先為不可勝，以待敵之可勝, 始終, 如此大事, 可不是小菜一碟, 西餅一件, 你話係唔係先.
不過三成亦知道企圖心及信心不足才是三成待人處世的最大弱點.

愛巨: 你把那個再幹一次不便行了?
三成: 是的, 但我沒有那個心情...
愛巨: ......

沒心情便是沒心情, 不想便是不想, 數天前還是熱情奔放, 激情澎湃的, 但點解會咁?
天知地知, 得我唔知.

想不到這兩天的日記, 會引起這麼大的迴響, 無數PK 更是對三成窮追猛打...
其悲壯之情況仿如火燒後欄, 實在是令人聞者傷心, 見者流淚也.
特別是巨B哥, 雄據3巨作壁上觀而不出面主持公道, 實令一眾巨頭齒冷.
巨頭不親, 天下誰能親之.巨巨剛不念同巨之好,劣行人神共憤, 更令一B三巨體制陷於破產!!!

真係無法可想, 想無可想, 就快想都無得想...
唔想咁樣, 可以點樣?

>>December 27, 2004 at 6:46:59 PM GMT+8

2004 年 12 月 25 日 星期六 【晴】

面紅耳熱, 心跳加速, 個心跳到彭彭聲~~~
唔知d人仲以為日本仔又打到黎tim呀...
三成為自己的驚惶失措, 感到啞然失笑, 仲真係笑左出黎tim...
如果俾人見到, 真係以為三成係傻既tim ar...

如果有棧指路明燈係度就好喇...
有時一條友亂咁諗, 真係好易會鑽牛角尖嫁麻, 你話係唔係先...kakaka
手中無巨, 心中亦要無巨...人巨合一, 方為處世之道.

電話是偉大的發明
在大氣電波中的的通話, 可以把人的距離拉近.
咦, 喂, 我唔鐘意講電話嫁播, 咁點算呀...
咁我都幫你唔到喇...><

一個無離喇更的擁抱, 或一次簡單的無聊聚餐, 已可使人感到如沐春風般的快樂.
到底人因何而快樂, 因何而傷心呢?
君不見和董佰佰碰面者皆突然親情洋溢, 齊過母親節, 媽媽聲不絕於耳.
董伯伯都係人0者, 又唔見同佢擁抱會令人有如沐春風般的快樂??
所以人就係咁奇怪...

呢幾日情緒大起大落, 時而高漲, 時而冷卻, 時而興奮...時而低落...
很疲累...

>>December 26, 2004 at 6:32:04 AM GMT+8