2004 年 9 月 12 日 星期日 【晴】

今天回公司總算有點雜務做了﹐雖然很無聊﹐但總算可以填塞多餘的時間。
美國那邊突然修改電腦系統﹐混亂的系統令公司眾同事抓狂了~~~
搞公司出的支票時﹐發現當SALES 真的很正﹐ 大吃大喝以致百達通的錢都可以出公數。
特別是百達通﹐這可是可以用來買東西的﹐如果任CAMP便真的很正了(當然不能太過份。。。)

下午為老闆到旺角辦証件﹐ 辦完後順道到信和走走﹐ 很多動畫想買呢^^
之後返公司執埋D 手尾就收工。。。
事實上﹐三成打算最多做埋E個月便辭職了﹐到時又要找工了。。。

希望OFFER還是和兩月前一樣的多吧~~~

回家狂玩文明帝國﹐ 當玩得興高彩烈時﹐ 系統突然彈出一句﹕ 2050年玩家將強制自動退休﹗﹗﹗(當時是2030年)
那三成征服世界的夢想豈不是。。。可怒也﹗﹗﹗

>>September 14, 2004 at 10:53:16 AM GMT+8

2004 年 9 月 10 日 星期五 【晴】

上星期發的email 把兩張invoice 搞亂了, 又被Andy 耶喻一返, 都怪自己不小心罷了.
今天又是沒有什麼事幹, 空運就是這樣悠閒的嗎?

遊手好閒到放工後, 便出發去大埔踩單車, 三成可是極不想去的, 因為真的是又病又累...
但不知為何又答應了人家..不想失約便只好去了.

對上一次踩單車已是上年的事了, 技術一點也沒有進步, 而且揀車次次都揀得好差...
真係踩死人.
剛剛踩了不久, 老屁便因為傷患復發而要召的士回家, 希望他沒事便好了.

之後一班人繼續喪踩, 踩完真係散哂...
但發燒的症狀卻好像隨著大量出汗而消失了...算是不幸中的大幸吧.

阿仙奴苦戰半場, 終於搞掂對手, 終於俾三成贏返多少~~haha
可惜買錯左條3串4, 俾馬會呃左d錢, 唔係仲贏多d...wakakaka

>>September 12, 2004 at 4:01:38 PM GMT+8

2004 年 9 月 9 日 星期四 【晴】

半個月又快要過去了...工作開始慢慢上手, 平日也少了犯錯.
但問題還是那個, 工作不多...

今天仍然是繼續混吉, 上午在看雜誌和閱報...
行行企企, 背英文生字...都完全唔知自己係度做咩...
係就係好free, 但冇咩成就感, 好似係公司呃飯食咁(仲要呃得唔多先慘麻)

好像空運平日極為得閒, 有單才忙碌的生活不太適合三成呢...
即使是管很多雜務的松松, 平日也有很多時間在公司獻世...
看來離開也只是時間問題罷了...

下午Andy提議去唱k, 結果真係一班人去了newway....
但原來松松和Raymond都是不喜歡唱歌的, 0米子都是由女同事們和Andy霸佔了...

回到公司, 突然收到不少booking, 本來星期天走的貨變了星期六走, 松松和三成即時忙碌了起來...
有工作時的感覺真的很好, 那一刻又不大想轉工了...可惜不是天天這樣忙碌...

由於要裝板, 今天又要OT, 三成本來身體不大舒服(好像有點發燒), 也只好抱病上陣...
但想不到今天裝板的效率很快, 平日要等到8,9點的, 今天未夠7點便搞掂了...
結果七點半就收工走人...
返到屋企即時死左咁滯(病死....)...

>>September 10, 2004 at 2:47:52 PM GMT+8

2004 年 9 月 8 日 星期三 【晴】

極為無聊, 近乎完全沒有事幹的一天...
唯一值得一提的便是同事Yvonne今天生日, 神秘人訂了花送來辦公室給她, 場面浪漫.

午休時一眾同事們去了聚豪閣飲茶, 間野靚就靚, 但食物就非常普通...
同Andy 吃飯雖然很煩, 但唯一好處便是他會搶著付紗或用公數付紗...

下午繼續清閒, 但由於Andy 有其他任務而離開了辦公室, 少了個無聊人在身邊行來行去, 感覺上舒服了很多.

混吉混到夠鐘, 就收工了.
咁又一日, 真係充實豐富到爆...

晚上回到家中, 打開電腦便收到來自遠方女孩的電郵, 原本以為她已經忙了三成的了...
因此收到email真的很高興呢^^

>>September 10, 2004 at 2:55:27 PM GMT+8

2004 年 9 月 7 日 星期二 【晴】

昨天第一次收到ATTN俾三成既fax﹐今天則第一次打俾D普通話客追貨
估唔到三成D普通話咁爛人地都聽得明﹐ 得閒再練下﹐ 希望可以見得下人喇。

係公司成日同Raymond 眉來眼去咁玩﹐ 如果三成既阿HEAD係佢就好了。。。
可惜係麻麻煩煩既Andy。

今日再次出現搞笑場面。
話說松松係工作上遇到少少困難。。。
Andy 出現﹐ ﹕ 不如你試下XXXX喇

問題解決

Andy﹕ 如果唔係我﹐ 你仲座係度昂99呀﹐ 所以話有時用腦係好緊要既。
松松﹕ 唔。。。係係。。。
Andy﹕ 咁你話我係唔係好醒先
松松﹕ ﹗﹗﹗﹗﹗

松松(無奈狀)﹕醒。。。

全場偷笑中。。。

好想轉阿HEAD。。。

今日﹐ 三成首次一人加班﹐ 松松留了一會便棄三成而去了。
反正加班也是等等等﹐ 等齊料執埋D 手尾就搞掂﹐ 也不算太辛苦吧﹐ 只是很浪費時間便是了。

買左兩條波同6合彩﹐ 希望會中喇﹐ WAKAKAKA

>>September 8, 2004 at 12:10:16 PM GMT+8

2004 年 9 月 6 日 星期一 【晴】

今天仍是混吉之日﹐每天在公司真正工作的時間一定不會超過4個小時
但漸漸地已習慣了天天獻世的生活﹐牛下牛下又一日。

不過D野都開始慢慢上手﹐係裝板冇咩機會親手做先冇咁熟0者。
其實一直想做船多D﹐唔多LIKE 空運﹐ 如果可以去海運果邊學下野就好了。

下午約了JOEY一齊LUNCH﹐ 都好耐冇同佢食過飯了。HAHA
一齊去左食上海野﹐大飲大食都係3十幾紋﹐都算OK抵。
食完野再一齊行陣街先返公司﹐ 期間有人不斷自稱自己非常慳家~~~XD
不過Joey又真係幾慳既﹐ 同三成一樣﹐ 都係冇咩物慾既人。。。

成日都要加班﹐苦也。

>>September 8, 2004 at 11:58:43 AM GMT+8

2004 年 9 月 5 日 星期日 【晴】

今日早左少少起身同出門口, 因為約左Joey交換軍需物資,
本想一起吃過早餐的, 奈何時間不足, 還是早早上路好了.

佢醒左一大盒意粉黎, 係想飽死人咩...
食左半盒已經有飽既感覺, 但因為唔想留, 所以都係清埋佢...
好鬼死飽呀!!!
haha, 但係公司"丁"野食, 又慳返一筆, wa卡卡卡.

這兩個星期﹐一直也在想轉工的問題﹐ 但又冇心機慢慢找工同見工。
係公司成日都冇咩野做﹐呢三篇日記都係係公司打既﹐真係得閒到爆。
其實如果多D野做﹐阿HEAD唔係ANDY﹐咁一定會開心好多。
呢排同RAYMOND多左好多野講﹐做親每一份工都會遇到呢類好好人又好好傾既叔叔既﹐
如果佢係三成既上司就好了~~~

還是先再做一會﹐睇定D先再決定好了...
得閒就偷偷地做自己野﹐反正人人如此﹐不滿意便炒三成吧...
但近來工作少了犯錯, 也算是一件好事吧...
但andy 真的十分討厭, 成日點人做e 樣做果樣, 但又驚死你做錯咁企係後邊指指點點,
成日d 野做到一半就俾佢搶返黎做, 咁就一開始自己做喇...
好似搞到我做得好差咁...真係乞Q人憎...

>>September 6, 2004 at 12:32:44 PM GMT+8

2004 年 9 月 4 日 星期六 【晴】

昨天下班回家後﹐本想只是小睡片刻的﹐但誰不知一睡便睡了5小時。
醒來已是七時多了﹐整整一個下午如此便浪費了﹐真慘。
算了﹐反正不睡也只是打機而己。

今天本想在家再好好休息一番的﹐但又要和妖博等人食LUNCH ﹐而家唔見都冇咩
幾可見的了﹐即使再累也殺過去吧。

冇見妖博一排﹐真係估唔到佢愈來愈明艷照人﹐遠睇真係幾靚(笑(笑)

成班人去左食元氣﹐60紋﹐都OK ﹐不過只係食左5碟﹐好似唔多夠。
之後去打牌﹐輸死人喇﹐本來輸好少﹐低死肥佬食人一鋪8番﹐
佢唔止贏三成錢﹐仲愈來愈串串哄TIM ﹐好乞人憎呀。。。
下次一定搞掂你既﹐哇卡卡卡。

玩完之後同Dolly去左食45紋壽司任食﹐D野麻麻﹐但勝在食幾多都得﹐
不過今日咁磨下磨下﹐都用左成兩舊水﹐嗚嗚

唔知點解﹐出黎做野之後度左好多﹐呵呵

>>September 6, 2004 at 9:25:50 AM GMT+8

2004 年 9 月 3 日 星期五 【晴】

不知不覺, 原來已有數天沒有打日記了...
由於事忙的關係, 還是隔些日子再把日記補回吧~~~XD~~XD

說真的﹐ 這幾天的上班生活實在沒有什麼好寫的。

每天都是在公司混吉﹐返工等放工等。
不是說沒有東西學﹐只是每天的工作量實在太少了﹐把工作速度放至最慢﹐ 慢慢幹仍是
很快把工作完成。
太困難的又不懂﹐即使是比三成忙碌和能幹的松松亦有不少時間是在公司獻世。

總之﹐ 在公司的時間總是流動得很慢。

回到家後﹐ 又是沉醉於文明帝國的世界中。
要是可以把在公司他\無聊的時間帶回家中便好了﹐^^

>>September 6, 2004 at 8:42:05 AM GMT+8

2004 年 9 月 1 日 星期三 【晴】

這兩天都不大得閒打日記, 而且現在也沒有什麼好打的,
天天都是在公司混吉, 實在有點乏味~~
上星期買了套炎之蜃氣樓, 昨天終於抽空看了第一集, 故事講述上杉和武田的轉生在現代出會的故事, 事實上, 這套動畫是在著名小說的基礎上發展而來的, 所以故事質素應該有一定的保證.
看了第一集, 亦覺得頗為有趣^^

但由於買了隻文明帝國三的關係, 這兩天都沉醉在遊戲的世界之中.
夜鬼不願訓的生活又再一次重現了.
要是能把在公司混吉的時間用來睡覺便好了^^

下午突然出現了一個即興的網聚...
雖然和他們很少見面, 但談得尚算愉快, 久唔久一次都唔錯0y...

>>September 2, 2004 at 5:17:27 PM GMT+8