2004 年 5 月 1 日 星期六 【晴】

三成呢幾日都係同電腦病毒搏鬥, 真係熄機, 開機, 都用哂d時間...
今次隻毒(實際上是幾隻毒...)真係兇狠, 同我自動不斷關機不特止, 仲會令連線速度減慢, 令人上網不能, 之後就係食ram, 100%佔用你所有記憶體...

隻毒仲係我打機既時候洗左我珍貴既紀錄, 幸好...
得到裸體團朋友的幫忙...給了我100%爆機檔...
謝謝..

為左部機, 三成呢兩日不斷四出奔走, 求教於朋友, 但都係冇咩大作用...
係呢度, 都要多謝王dull...terry...蛋哥...加利同martin既幫忙...特別係鳴謝裸體團既一眾網友...
係e個危難之秋, 俾左三成咁多寶貴意見...

昨日搞左成個下午, 先解決左自動關機既問題...但仲係餘毒未清...
大佬亦因為打cm記憶體不足而大為震怒(可能誇張左d...但條死仔...中左毒又唔理...仲打機!!!)
之後再搞左個機鐘...部機都係冇好轉...仲搞到王dull3點幾先訓...sor...

今日一起身...又上裸體團搵網友求救...但實際上都係冇咩用...
突然醒起可能update左個pc cillin 既data可能有用...於是即刻boot 機咁做...
其實由於佢一直有自動update...所以都冇咩為意...但係突然醒起既然隻毒block左我上網條link, 咁佢又點update呢...

由於上網時間愈長, 速度就會因病毒而愈來愈慢, 所以我一定要快...好在個更新檔都係得二百幾k...
一搞掂就立刻offline scan 機...發現中毒4種, 受感染既file達87個...
delete哂佢之後...就即刻更新window 程式...e樣野亦係一直冇做...
搞定之後...部機暫時都冇咩問題...上網問題順利解決...

上網搵料解毒既過程中, 係網友口中得知...d人攻擊windowxp 同2000既原因, 只係為左警告bill gate 0米掛住賺錢...要好好修正window 既漏洞喎...

白痴!!!
整網上病毒的人通通給我去死吧!!!!!!!!!!!!!!!!!!!!!

而家死剩仲不斷再生既..仲有一隻叫做DOS_AGOBOT.HM既毒, 資料完全不明...
好在威力不大, 有資料及解決方法請通知三成...tk

>>May 2, 2004 at 6:20:09 AM GMT+8

2004 年 4 月 28 日 星期三 【晴】

今日就是三成在大學的最後上課天, 本來都想同joey佢地一齊食早餐的, 但奈何唔想咁早起床...

最後一堂既余伯堂, 佢照舊廢話多多, 藉口多多, 但今堂都幾搞笑...
不過與其做楝篤笑, 不如認真d教書好過喇...

落堂之後, 食dd野就去左打波, joey 由於思覺失調急需求醫既關係, 爽約而去><
不過去醫院覆疹點都重要過打波既.

頭果個鐘因為太多人, 都係輪流打, 所以打左10分鐘唔夠...之後唔夠喉, 再book 多個鐘,
再打多一個鐘, 廢剛又話唔夠喉, 又再book 多個鐘...即係打左3個鍾...好累...

但點都好, 同王dull打波一定要好小心, 他專用波省人, 短短3個鐘內, 佢已經多次發球擊中三成, 無論三成座係場邊, 企得好遠, 或者係個場度打緊, 佢個波都係會飛埋黎三成度.
特別係三成同佢對戰既時候, 三成打左個無效波出黎, 想去執既時候, 佢竟然快速走位閃去三成後面搶波打, 一個波就省落三成塊面度, 真係中到應一應, 打上少少真係眼都俾佢爆埋...

奉勸各位一句, 小心王dull

本來約左東哥行灣仔, 點知場波一打打咁耐...真係非常sorry><希望東哥大人有大量, 唔好介意.

回到家, 剛想恰一陣就收到家姐電話, 之後抖左一陣就換衫再出街.
特登早d 出門口去行下188先, 估唔到d 老翻電腦game 又返分哂黎, 仲有vcd 同dvd 都係.
買左套12國記同帽本之旅人(又係著名H game 改編), 又有排睇了, 但亦唔見左百幾銀.

之後就同家姐去左食飯, 間唔知咩焗飯專門店d 焗飯真係幾好食, 個班戟十紋兩大塊, 真係幾抵,
成餐飯都有講有笑, 食得好開心, 埋單都唔使一舊水, haha, 真係請佢食多幾餐都唔肉痛...
(但點解我冇喇喇今日要請家姐食飯呢? 諗極都記唔起點解, 懷疑俾人洗腦..)

食完野就去同家姐行銅鑼灣, 一路行一路傾計, 雖然只係睇女裝, 但一d 都唔悶...
同平日既經驗真係唔多一樣, 平時同人行街, 成日睇女裝同d 精品睇鬼死咁耐都會令我好唔耐煩, 但可能同家姐fri, 所以都好開心...而且其實都只係睇左唔夠一個鐘, 唔知係0米因為家姐怕我悶, 唔敢睇太耐呢? haha

又去左sogo掃課, 買左大批零食, ^^

回到家, 同王dull打左陣機, 大佬就要用電腦, 同唔到蛋哥你地打機, 真係非常抱歉..
再一次對東哥失約...真係very sorry

>>April 30, 2004 at 7:23:10 AM GMT+8

2004 年 4 月 25 日 星期日 【晴】

今日一起身就打左陣決戰, 爆埋石田三成, 終於爆左三成先生了.
為三成先生報答了太閤大人的厚恩, 很興奮呢^^

順便一提, 決戰既動畫真係好有電影feel, 我覺得真係好正^^

之後食完lunch 就做中史paper, 我果part一早搞掂, 之後就係執組員果幾part, 將佢地編埋一齊,
開頭以為好快搞掂, 但估唔到班組員咩q都唔做, 只係求其將份冇改過或者改左少少既講稿腥俾我執, 慶到我爆...

又口語, 標點又唔統一, 馬可波羅又冇轉返Marco Polo,而且肯定冇check, 勁多錯字, 段與段之間又唔流暢, 慶到我係咁爆粗, 都未試過做paper可以做到咁慶, 雖然大家都好忙, 但認真d做, 唔會死 0者, 今次d組員仲係自己d 朋友, 更加慶, 估唔到執份垃圾報告都要由下午2點幾執到6點, 自己打一份新既好過...

毫無責任...好慶...
好q慶!!!做到想殺人!!!!!!!!!!!!!!!!!!!!!!!!!!!!!!!!!!!!!!!!!!

份報告做完之後相信會取返黎睇下同原本份稿有咩唔同既組員數目相信係零, 大部分人都係做完自己果part就算, 咩q都唔理, 沒有義理可言.

追求大義, 貫徹完成自己的責任是這麼困難的事嗎!!!?
這亦是三成先生的可敬之處.

>>April 26, 2004 at 10:31:54 AM GMT+8

2004 年 4 月 24 日 星期六 【晴】

今日一起身就即刻打電話去間電腦鋪度問部機既事, 知道可以代修之後就即刻台部機去灣仔找人整.
一個人搬, 搬到身水身汗, 去到條友好昂然咁問我, 你唔係話塊底板燒左咋咩?
仲咩成部搬黎?
真係樣衰, 之後條友幫我睇, 話唔係塊底版, 而係個火手燒左, 好在成部搬黎0者, 唔係只係折左塊底版來就整唔返了.

買左個新火牛, 加多把風扇, 咁就成3舊水...

之後又身水身汗搬部機返屋企, 仲要同菲庸迫巴士...

回到家就做余振paper, 順手食埋lunch(都3點幾4點...)

夜晚又係打機, 但近來打親aoc 都係呈膠著狀態...

>>April 26, 2004 at 10:17:00 AM GMT+8

2004 年 4 月 23 日 星期五 【晴】

昨日打機打到太興奮, 結果連部腦都燒埋, 而家先知自己係咁依賴部電腦, 冇左部電腦...功課又做唔到, 機又打唔到, 戇居居唔知做咩...

好在昨日買左兩本pretty Face, 有d 野睇下, 之後就去左打PS2隻決戰, 取左返黎成年都冇玩, 前日先開黎玩, 隻game既感覺唔錯...

今日玩左成日, 終於爆左德川家康, 有三成先生用了^^
三成的戰役真的難打很多, 幸好打過家康一版後, 戰術進步了不少, 用三成勝關原也沒有太大問題.
但這遊戲的動畫真的做得不錯, 又有字幕, 很有電影feel, 4,5年前的game仍有這樣的水準, 真勁^^

部腦燒左, 真係令我極為不便...

夜晚又去同阿婆食飯, 好鬼累...但留在家中也是無所事事...是但...

>>April 25, 2004 at 8:38:00 AM GMT+8

2004 年 4 月 22 日 星期四 【晴】

今天星期五, 夜晚約了pok 姐同Gary哥食飯, 都好耐冇見Pok姐了, 下午研究去邊度食野, 同做d 咩都搞左好耐, 辛苦Gary 哥了, 但次次出黎都要係e d 無聊野上面搞咁耐, 冇辦法, 次次都冇一d 有凝聚力既活動, 成日都要諗出黎做咩...如果一班人打下波, 游下水0米好囉...或者去行下山都係一個唔錯既選擇...可惜...時間..興趣...樣樣都好難配合...

赴約之前, 衝左去集成買漫畫先, Pretty Face 真係好睇...呢次借出黎之機順手買埋最新果兩期...
之後本來想行下先...但時間緊迫...188過門而不入...

到左金百利, 剛好7:30. 仲見到Gary哥, 佢剛準備去紐約買飛, 睇救命喎...
之後我就戇居居一條友係金百利等左4,5個字...早知唔咁早黎...慶...
不過算...

跟住去紅螞蟻食野, d 話題都係娛樂圈既無聊事, 無咩興趣, 黎黎去去都係講有咩新人...邊個靚,
邊個唔靚, 好煩(個人興趣問題...)
冇咩心情講野, 成個人都好累咁, 於是取左本雜誌扮睇算, 其實諗返今次出黎既目的都係為左見Pok 姐一面, 大家聚一聚, 目的已達, 都冇話咩開唔開心既問題...

之後食完佢地去睇救命, 我就去左d 上樓書店睇書, 想買一本書好耐, 但度度都找唔到, 今次又係失望而回, 好在今日出黎都買左兩本Pretty Face, 為左呢兩本書突登出黎一次都抵, 仲何況係同舊朋友會面呢^^

之後返到屋企, 沖過涼就即刻打AOC, 第一場3打2, 之後就2打2, Terry 哥好強, 次次都要用奇兵突襲先可以同佢打成平手, 但佢同emma好似對突襲唔多高興(石田三成乎!!!)

>>April 25, 2004 at 8:25:53 AM GMT+8

2004 年 4 月 21 日 星期三 【晴】

今天上完垃圾余振後(廢到爆, 返黎只係為左交paper), 食埋lunch 就同阿剛去左旺角買袋, 順手行埋仙達, 信和等商場, 夏天的旺角很熱, 又多人, 行兩步就成身汗...

去左信和睇碟, 好快就找到幾套我想買的東東, 十二國記喇, 生果藍喇, 果醬王子喇, 好多想買的東東, 流星花園劇場版等, 但最想買都是十二國記的第6章完結篇.

打算睇多幾間先買, 但係二樓行左陣, 竟然d 鋪頭突然全部拉閘封鋪, 真係黑仔到爆...
最後衝上間漫畫鋪買左兩本Pretty Face 算數, 另外仲想睇Monster...唔知有冇人有呢?

Pretty Face 想買好耐, 但一直找唔到第一期, 今次找到真係老虎都買, 故事是少女味比較重的一種, 但內容非常有趣, 畫功亦唔錯...真係一部不可多得的漫畫...

之後就去買袋, 以一個好平既價錢執到心頭好^^
筋疲力盡既情況下倍阿剛去買模型配件, 砌模型砌到咁pro 真麻煩...

>>April 25, 2004 at 8:33:22 AM GMT+8

2004 年 4 月 20 日 星期二 【晴】

今日好累, 昨日捱夜睇波, 今天又要早起...
無喇喇為了一堂無聊堂要著suit, 為左對括腳鞋, 貼膠布係腳爭都搞左好耐, 真麻煩...

去左個recuritment talk, 個management trannie真係好正, 但競爭太大, 英文要求高, 工作嚴格,
我想我都是應付不來, 還是算吧喇...

之後d人係咁問問題, 有d 問題根本唔make sense, 只係為發問而發問, 個人覺得呢d人真係好低能, 仲係停留係會考oral present既思維, 唔怕唔識, 唔怕唔明, 最緊要有野問...
膚淺...

上迪迪堂, 精神壓力唔知點解好大...長期處於高度集中狀態...
膽粗粗講左一輪野...雖然可能未必有pt, 但總勝過粒聲唔出...
發覺平日e d英文堂多d 發言, 對英文真係好有幫助, 起碼自己覺得係英文會話能力方面進步不少...
d無聊鬼仔過黎撩我都可以同佢有講有笑, 當然, 只係限於學科內容, 因為呢方面既對話平時練得多, 睇得多, 寫得多, 所以識唔少詞彙, 但生活上既溝通仲係有d 困難, 例如舉啞零英文係咩我就唔知點講...大學都仲係咁...

如果平日把握機會, 講多d..唔係縮埋一邊唔出聲, 自己!既英文應該會好好多, 講得差大不了俾人笑一獲...
精神高度集中既代價, 就係到左上堂後半段...個人即刻謝哂...
之後上ipe, 聽蛋哥佢地present, 雖然咁講有d唔好意思, 但我一句都聽唔入耳...
好累...題目雖然好熟悉, 但都唔想出聲, 個腦都就諗唔到野...

之後落堂就去左同蛋哥, terry, sindy 等人食tea, 成班人真係傾得好開心, 但加利個人就好謝,
唔出聲乜滯, 頭痛就要抖多d了...
一個tea都食左成個鐘, 但真係好happy^^

sindy發左神經, 係咁踩我對新鞋(買左好耐, 但著唔夠5次, 都算"新"喇)...
對鞋面俾佢整到花哂...可惡!!!!

ps. 上次借game俾terry哥, 竟然只有sound track, 而沒有遊戲安裝碟, sorry 呀, terry...
今天即刻補返隻game俾你^^希望你會鐘意隻game喇^^

pps. 東爺, 呢度唔係你留言既地方, 麻煩你同我扯!!!0米再係度一派胡言, 妖言惑眾
仲有, 閣下之三國戰史, 與本人無關, 請勿再對本人作出無謂滋擾!!!!

>>April 21, 2004 at 2:51:43 PM GMT+8

2004 年 4 月 19 日 星期一 【晴】

今日又返陳峰, 對e堂廢堂都冇咩期望了, 上堂都是傾計,發夢...
但據欣欣姐講, 當年IPE十分簡單有趣, 佢仲陳峰教得幾好tim...
奇怪... 唔信佢真係有可能教得好...year1開始廢人既形象就牢不可破...

之後去了同阿剛and charles 捉棋...haha...今次贏得真係爽,
但我同阿剛下棋既慎密程度真係好好...今次...

中史堂又是同加利傾計, 曾經試過留心, 但聽左一陣就恰眼訓, 勁悶...
都唔知點考試, 或者係果個咁既班房, 真係好難唔訓...d 墱太舒服.

之後食飽飽就去swim, 好耐未swim過了, 但個泳池開放時間竟然係3點之後, 都唔知d人點諗野既...
公家泳池就一點半開, 佢就要等到3點, 咩陽光都收哂喇.
幸好今日太陽十分猛烈, 雖然已經係3點, 但都有d 陽光, 希望曬黑d喇^^
但唔知係0米冇游太耐, 游了一陣便覺得手腳好累...要操多點才行了.
發覺學校個池真係好細, 今次試下全程唔換氣, 竟然咁都可以游一個池.

今次秉承大威游水既慣例, 傾計曬太陽既時間多, 游既時間少,
最後臨走之前先一口氣游4個塘, 但個池咁細, 真是好少兒科.
但唔知係0米太耐冇游, 都有d 散哂既感覺...

一回家, 剛想恰返陣就接到阿媽既電話, 話今晚出街同阿叔食飯, 其實咁累, 真係好唔想去...
但呢個阿叔係我細個果陣好錫我, 加上佢明天返加拿大, 俾下面都要去...
其實人家同你食飯, 人家一樣要付出時間, 所以都係0米成日扮大牌, 要人就呢樣, 就果樣...
於是都廢事抱怨, 食就食, 人叫咩, 我食咩, 全程振起精神, 廢事俾個死氣沈沈既樣人睇...
但...好累...
回到家就上床, zzzz
訓醒之後就執一執自己張床, 床頭既塵多到令你嚇一跳...家具一定要時常清潔, 最好一星期抹一次, 唔係就...
可惜, 老媽一向唔理e 方面既野, 我執完一陣就間屋又亂返, d 舊野又唔掉, 傳單又放係台面堆, 地下又冇人掃...真係唔敢請朋友來我屋企...

夜晚睇波...場波真精彩...王興桂加彭錦全其實唔差嫁...有火花...聽講波都幾有趣...
宵夜過多...肥死人...

>>April 21, 2004 at 2:29:50 PM GMT+8

2004 年 4 月 18 日 星期日 【晴】

在很慢很慢的速度之下, 終於完成了陳峰的IPE paper了...
從未試過做paper這麼輕鬆的, 慢慢地做, 做一會便打一陣機, 但都做得不錯...
內容頗充實...但很多都是左抄右抄再砌埋...希望唔會有大問題喇^^

這幾天都有打AOC, 打得很開心啊...8人大戰, 大家實力相當, 真係好好玩...
次次同Terry 打都有種好大壓力既感覺...因為佢太強, 強到1打7都有可能贏...
前日同蛋哥加emma 3個打佢1個(阿東有等如無, 真係要計佢既話, 作用都應該係負數..haha)
我都因為怕唔夠打所以偷襲佢...haha...搞到Terry唔多高興tim...
攻terry攻極都唔破, 一攻阿東就搞掂...haha...
有阿東做...對手...真幸運^^

星期日晚又打左場8人大戰...估唔到屁全d 朋友件件都咁勁...打左個幾鐘先贏...佔盡優勢都攻極唔入...結果又係靠偷襲取勝...hahaaha

天氣愈來愈熱了...泳池...等我吧...

ps. 在某討論區開了三成先生的主題, 想不到其他人對三成也有這麼高的評價呢^^
喜歡三成的人可是很多的^^, 和別人的討論也令我更了解三成這號人物^^
真的想不到認識及了解三成的人這麼多^^

>>April 19, 2004 at 10:10:00 AM GMT+8