2004 年 7 月 29 日 星期四 【晴】

時間愈來愈少...安穩而悠閒既快樂日子即將離三成而去...
到底應唔應付到未來工作上既挑戰呢~~

由於日記打左冇幾耐, 就即時有大量朋友查詢三成既工作情況(班死仔睇完又唔留下言...搞到冷冷清清...嗚嗚), 所以三成決定係度打哂出黎算數...

三成未來將會係葵芳既一間後勤公司上班, 自己呃自己就叫trainee, 好聽d 喇...但實際既情況就不過係clerk...
地點遠, 人工唔係高~~~不過人地份工都唔係要求大學程度, 所以都冇計了...嗚嗚...

haha, 其實做唔做都考慮左好耐...
marketing executive...人工穩定而且都算收入唔錯...
sales executive...包薪6000加佣金...可能好好搵...
最吸引既係...兩份工都係返灣仔...

但三成對e 類工作冇咩興趣, 又要cold call, 又要promote, 仲要日曬雨淋...
其實最唔想係成日要見d 無聊人, 同佢地推銷 e 樣果樣...

都係決定選擇三成一直以來既最大心願, 係貿易公司工作~~~haha
本來最想做出版社的, 但人地唔show我...真係慘...
屋企符近都請好多船務工作, 但理我果間偏偏係葵芳...

決定由低做起, 吸收足夠既工作經驗先~~~
但係人工唔高, 始終好似有d美中不足...~~~~~XD

其實三成到現在還不太清楚 船務...後勤...和貿易三者之間的分別...
但算了吧~~~XDXDXDXD

>>August 20, 2004 at 1:33:14 PM GMT+8

2004 年 7 月 28 日 星期三 【晴】

看了一部很令人感動的漫畫: "愛與誠"
主角無私的人格感動得三成快要哭了, 藉自我的犧牲來挽救自己所愛的人, 三成做得到嗎.

這幾天都是不見天日, 盤災快要死了...點先可以救返盤花呢...

終於睇完魔偵探了, 真的很爛, 只是一套惡搞, 搞笑而亂來的作品.
劇情十分無離頭之餘內容又十分牽強, 都是以搞笑為主, 連結局也爛爛地尾...
很多謎也沒有解開...

下一套想買的是北斗之拳和星河滿月...

昨日打機打到5點先訓, 好疲~~
但今日約左dolly, 仲訓過龍tim, 發夢自己按熄左個鬧鐘, 估唔到夢境竟然變成真實...><
好在都冇遲到~~~haha

今日發生係dolly 身上既各種靈異事件證明一個人做得衰野多, 就會有報應...

8月2日返工...
刺激的加班生活~~~

>>July 29, 2004 at 1:41:11 PM GMT+8

2004 年 7 月 26 日 星期一 【晴】

上回惡女Joey提到: 死仔包,你冇聽過貴人招風雨呀?又話我冇前途,作死呀?

三成的回答是: 對不起, 沒有聽過.

今日睇左玩謝麥高維治, 套野痴線嫁!!!不過又幾過隱喎~~
麥高維治真係慘, 果然無改錯戲名.

夜晚同大佬打winning 打到點半, 之後大佬訓覺, 咁三成又冇理由咁早訓嫁麻~~
於是試下打下俾Dolly, wakakakaka, 佢竟然仲未訓喎...
三成一路傾電話一路上下網, 打下機, 竟然傾到5點半先收線, 破左三成今年講電話既紀錄~~~

>>July 28, 2004 at 5:25:24 AM GMT+8

2004 年 7 月 25 日 星期日 【晴】

晨早起床, 清新開朗~~~lalala
9點起身, 約左joey 一齊lunch , 換件衫就出門口, 當然走之前要照顧下盤就快死既花先喇...(都是三成照顧不善><)

七月二十四從裸體團接獲松松的動員令, 號召三成領兵上洛.
七月二十六日, 三成整軍出發, 採迂迴路線, 經東涌線向目的地進發.
抵達後, 時間尚早, 把部隊稍事休整, 整理一下儀容後, 便向新都會主城進發.

進城後, 但見金壁輝煌, 地方寬敞, 果真是理想的辦公之地也, 就作為三成天下布武之所吧!!
入內呈上拜帖後, 便受到內大臣的接見.
但見內大臣其人濃眉大眼, 鼻朝天,衣著平庸, 太都無一條, 予人一般市井小民之感,
但神態不怒而威, 自有一番霸氣, 三成不感怠慢, 立時畢恭畢敬, 以王者之禮待之.
內大臣見狀大喜, 對三成倍加禮遇, 賓主間言談甚歡, 大有相逢恨晚之嘆.
卻不知此三成狡黠多智, 內大臣之舉無疑引狼入室, 可見國之衰亡, 冥冥中自有主宰, 此是後話, 略過不提.

呵呵, 今次個叔叔態度都幾串, 係d 自視甚高既類型, 三成反而較鐘意e 類人, 因其性格易掌握也.
interview 既內容來來去去都係差唔多.
正如joey 所言(joey講十句野入面都有一句野係反映緊現實既...), 人夾人既0者~~

之後時間尚早, 就去左行一陣街先, 買左隻玩謝麥高維治黎睇, 都係20元, 算抵喇~~
行左個半鐘先夠鐘食飯, 會合左joey 之後就向一眾美食進發...
唔明點解大部份公司都係1:00放lunch, 咁0米成班人迫埋一齊食囉, 班伙記要等位, 食又食得冇咁舒服, 之後就會無精神開工, 甚至內分泌失調, 進而產生精神失常等症狀, 點解唔可以早一個鐘, 12點就放食飯呢?<---純粹發up 瘋~~

明明黎既時候天氣大晴, 但會合左joey之後就落係大雨上黎...唔唔...
到底點解會咁?大家心照~~

同Joey 交談一返, 佢聲稱曾對三成作出深入研究, 希望了解天才誕生之謎, 老實講...佢咁樣, 無前途...無用...聽三成講, 平日應該讀多d 書, 吸收多d唔同既知識, 才能e樣野真係天生既, 恨都恨唔黎嫁麻...

食完野之後就去旺角同dolly行街, dolly又遲到啊, 害三成食塵食左4個字...旺角又熱喎, 三成又累喎, 真係企到好激氣嫁...成個人都企到偶哂...
當然, 善良既三成又點會對我親愛既dolly發脾4呢, haha

遠離joey 效應之後, 天氣再次放晴, 跟住三成行去邊, 個太陽就跟去邊, 一滴雨都冇落過...
證明左d咩? 大家心照喇, 唔使講到明喇掛~~

去信和換左套動畫, dvd都跳線, 真係太可惡喇~跟住就同dolly周圍走, 結果成日係佢買得最多野...
三成咩都冇買到...(但又係我約佢出黎嫁播...呵呵)

回家, 累壞了~~~

>>August 20, 2004 at 1:34:52 PM GMT+8

2004 年 7 月 23 日 星期五 【晴】

好好好好好...好眼訓呀...今日~~~
昨日亦是一夜無眠, 典到成七點幾先訓得著, 真係慘, 愈典就愈餓, 但起身食野又麻煩...
唯有餓住個肚訓喇~~真係辛苦...
肚餓真可怕...

醒左都已經成點...睇左陣動畫又上下網...
本來想午睡的, 但又俾dolly叫左去陪佢打機(當然是online喇)

夜晚落街剪個頭髮就同gali, 王dull佢地食飯, 點知gali一來就遲成廿分鐘...
搞到三成餓到扁哂咀...之後埋位就係咁叫, 係咁食...
其實成晚三成都好疲倦, 係累到隨時會訓底果隻...
搞到成晚都好似烏下烏下咁...之後仲要答車食甜品, 但三成更加想既係回家訓覺...
不過同朋友食下野又徙得幾多精神0y, 除左眼訓非常之外, 成日係咁食都係一舊水搞掂, 都算很抵了~~

>>July 25, 2004 at 6:34:22 PM GMT+8

2004 年 7 月 22 日 星期四 【晴】

昨日由於某件事情的關係, 十分振奮所以一夜無眠呢...
導致今天也是兩點不露, 太夜睡真的不太好呢...

找工找了這麼久, 真令人沮喪呢...
想了很久, 人工也不是什麼大問題了, 只要是喜歡的工作, 便去做吧...
始終三成找工不過想找些事做, 以脫離這個無聊的狀態罷了...

睡醒看了一會魔偵探洛奇, 買時本以為是像柯南那類偵探卡通來的, 但卻原來是一部亂來的惡搞卡通而已, 不過作為一套輕鬆小品也算不錯吧...
但早前看的那套魔法戀人實在太好看了, 比較之下, 令三成對這作品有點失望呢...

下午也是百無聊賴, 無所事事過日晨, 正在無聊的時候, 我的dolly突然來電, 邀三成一起去書展...
本來答應了和joey 一起去的, 但這傢伙卻突然要開OT, 便去了應dolly 之約...呵呵..

原以為很少人的, 那知卻是人山人海呢, 打了幾條蛇餅, 心灰意冷的我們便先行去過晚飯好了~~
一路食都一路傾得好開心, 之後返書展又一齊睇書, haha,
雖然有d迫, 但點都好過係屋企發毛先^^, 買了套加菲漫畫, 大出血了...
Dolly亦找到了古巨基那本所謂 "漫畫"...總算完成了J君的任務...
但為何女孩總喜歡這類東東??Dolly也說不出過所以來...

之後去點心皇飲杯茶, 食過包, 風花雪月一返便回家了~~

返家又玩體能, 現在做引體已可以像那些體操選手那樣翻來翻去呢^^
雙腳踏上天花的感覺真的十分奇妙^^ 但甩手的代價便是跌死...(因為e個姿勢一定係頭落地先...)

>>July 23, 2004 at 8:34:55 PM GMT+8

2004 年 7 月 21 日 星期三 【晴】

今日要interview, 雖然而家係深夜3點, 但三成仍然未訓...
打完機就做體能...從前做體能, 當做到肌肉疼痛時, 三成就會即刻收工...
第二日仲痛就會繼續休養...
但而家即使幾痛都繼續做, 那怕係肌肉撕裂, 三成都要好好鍛鍊自己既心志...
唔可以成為一個頹廢既廢人既...(雖然頹廢同做唔做體能冇咩關係, 但做體能點都好過日日打機0y...)
日日做幾十下引體, 小腹開始有d痛...

晨早起床準備interview, 話就話準備, 其實都係上網...同人玩下icq咁...
之後就換衫出發, 去到又係要填一大堆application form 先...
最慘就係唔知自己apply左咩post, 聰明既我就唯有亂撞, 之後填完又座冷板...

三成唔怕見工, 最驚座冷板, 等到個人偶哂, 座左成粒鐘先有得in(冇一粒鐘都有45分鐘)
今次interview 唔係叫三成介紹自己, 反而係係咁問三成問題,
如:1)你以前係xxxx做過播, 做d咩嫁...
2)咁你係xxx學左d 咩??
3)你覺得自己有咩長處??
4)如果我叫你yyy, 你會點做??
5)如果我俾隻不知名既產品你, 你會點推廣??

最後...問: 如果我要你負責去d美容院推廣一d 產品, 唔知你有冇問題呢...
答:沒有問題喇, 因為偶在從前曾xxxxx(真心話: 幹!!!我咁既人材, 咁既武功, 使做e d 野?)
又問: 咁如果我要係市場推出一隻產品, 你又有咩好橋.
自信滿滿狀地答: 偶會xxxxx(真心話:幹!!!我讀marketing 既咩, e d野我邊x識!!)

面試結束時, 條友話: 我地公司offer 左好多唔同既post, 我覺得你都係比較適合做sales manager 多d...(心中暗叫: 幹!!!早知島頭唔答得咁快咁開心喇...)

等待second in喎, 都唔知做唔做好...

之後四處溜撻, 又行左去灣仔食哈迪屍, 至尊甜狗, 好食呀^^
跟住就去天地圖書打左成個鐘書釘先回家...
好累...

回家後又joey又冇離頭咁打來同三成煲左輪電話粥,
點解佢份工可以咁free 既~~~(joey 按: 辛苦你唔知0者!!!)
嗚...但偶真係好想做左佢份工...不如你快d 辭職然後推薦偶喇~~~><
三成快乞食了, 座食山崩~~~

夜晚係msn 同王dull 傾左陣見工既野, 三成到目前為止都見左唔少工了, 都應該有雙位數...
而家interview都可以話係得心應手, (隨左普通話之外...)雖然唔可以話好好, 但起碼唔會好似果陣in 份trainee 時咁廢咁...

不過三成對自己既表現仲係好唔滿意, 三成總是希望每一個細節都做到盡善盡美...
現時interview時, 三成多會出現口乾及聲音沙啞的情況(講得太久時, )經常要乾咳清清喉嚨才可以繼續...其次, 便是三成總會出現講得太快的情況, 以致可能會有咬字不太清楚的情況出現, 常要在講了一會後, 注意到此一情況才慢慢地慢下來...

講得太快是很笨的, 最好給自己一些停頓的時間加以組織和思考才是王道, 但三成雖明此理, 但總是口若懸河, 沒辦法, 希望可以慢慢改善吧...

雖然還沒有找到工作, 但三成覺得每一次interview 都學到不少東西,
見工愈多, interview 時便愈有自信, 三成每次interview, 都能領略新境界...
希望快些找到工作吧^^

>>July 22, 2004 at 6:32:53 PM GMT+8

2004 年 7 月 20 日 星期二 【晴】

今日晨早9時便被電話吵醒, 原來是找三成去見工.
大家都知懶惰既三成係幾咁爛訓嫁喇, 但為左找工, 即使係幾咁眼訓都好, 接電話既時候都會黎一聲中氣十足加精神翼翼的"喂", 若是朋友打來的便會立刻重新進入昏睡狀態...

份工約我即日見, 但由於眼訓非常, 準備時間異常不足, 加上下大雨, 懶惰的三成便把日期改了...
把公司名, 地址mark低後, 又再昏睡...

其後又被電話吵醒, 這次是joey打來的...那三成當然不會對她客氣喇...(說笑而已..汗)
傾左一大輪之後, 就起身上網查下求先果份到底係咩工, 但竟然查唔到喎...
要怪只怪自己懶, 沒mark 低每一份工好了, 連in 什麼post 都不知, 希望上天保佑吧.

跟住仲要麻煩joey 幫我fax 履歷, 佢仲幫我改埋份resume tim...
joey 真係好人屎既0者(仲好得閒tim...), 所以三成特地係度對佢表揚一返...

昨日聽左小東既進言, 睇cable 71同79學普通話, 順手學下人地點發音...
鳳凰衛視d節目又幾好睇喎, 發覺聽係聽得明...但講就講得好爛...只怪細個果陣冇學喇...
大左想學就難了...

呢兩日在家閒來無事, 都搏命做體能, 平日實在太懶惰了, 當鍛鍊下自己都好@_@

ps. 係度為joey 家的可憐小貓默哀...這件事實在太恐怖了...

pps.Dolly 回來後, 電話的使用量暴增~~~

pps. 終於找到明天見工間公司網址了, 但仲係唔知in 咩post...點死

>>July 21, 2004 at 1:48:00 PM GMT+8

2004 年 7 月 18 日 星期日 【晴】

開始積極地找工了, 這兩天加起來腥了十多封求職信, 只要是合聘請資格, 及不太遠的,
三成也in 隻貓去...但現時的狀態, 不太想工作呢, 始終頹廢慣了, 但生活迫人, 唯有振起精神吧.

昨夜啟動了催眠學習法, 希望學好普通話, 但效果不太理想...
方法是找來一只普通話md, 放在md機中, 再把耳機放在耳上(廢話, 難道是放在屁股上嗎??)
然後邊睡邊播放...當然是一邊用心地聽, 一邊睡喇(這方法好像是從加菲貓動畫中學來的...)
但夜半冇人, 四下冇聲之時, 普通話特別響亮刺耳呢...
聲音直傳入腦中, 聽了半小時便受不了...但感覺上好像有點用呢.
普通話實在太悶了, 邊睡邊學..也不錯呢...

今天天公不做美, 但無聊的Dolly和三成一樣去了游水, 只是沒有太陽罷了.
原來Dolly係第一次來灣仔游水, haha, 仲以為以前同佢黎過tim~~
這次三成玩閉氣游水, 竟然一口氣游左大半個池...真係嚇左一跳...
游半個塘也只是換了兩次氣...不過這樣做很傷元氣呢...

由於天氣不佳, 唯有不斷地游, 很累啊...

游完水之後就一齊拍住拖咁行街街(汗~~+逃...)
haha, 三成都買左隻三國志英雄傳來玩下, 打發下時間...
Dolly亦買左幾套片呢..haha
遲d 同你一齊睇吧~~wakakakakaka

回家又是找工腥貓了~~XDXD

>>July 19, 2004 at 5:30:15 PM GMT+8

2004 年 7 月 17 日 星期六 【晴】

日記死左成個星期...昨日終於回復正常...
都懶得補回之前的日記了, 反正也是出下街...玩e樣玩果樣, 嘻嘻哈哈咁過日晨...
到底幾時先可以結束e d 咁頹廢既生活呢??

不過三成找工又係唔多積極既...JobDB, recruit e d網都唔係日日check住有冇好工(覺得介面很麻煩...) 找唔到都係抵死...睇黎要再積極點了^^

上星期見左兩份工, 發覺一講普通話呀...英文之類條利都會有少少打結...可能因為緊張既關係喇...成日個口都跟唔上個腦既速度...或者三成並唔係果d可以一路諗...又一路好有條理咁講野既人...講得耐..就會亂...但都冇計><

e個日記麻鬼煩...本來想換過個, 但發覺好多都係要收錢的..唔想俾錢都係出少d聲好了...

ps....普通話...完全冇心機學, 毫無語言天份...(灰死中...)

>>July 18, 2004 at 4:23:27 PM GMT+8