2004 年 11 月 7 日 星期日 【晴】

今日就係畢業禮, 由於昨日一家人早已影左相, 所以今日都冇請咩人黎, 只係得老爸黎觀禮...
之後同佢影左幾張相, 佢就去上班了...以為佢請左成日假, 點知只係請左半日...
咁都好, 不用帶他周圍遊覽咁累...
估不到死廢dull竟敢了本人父親傾計, 為免被身邊的蟻民及豬朋影響皇族的優秀思想, 三成一向不太喜歡自己家人和自己的朋友有所接觸...唉, 想不到宮禁為最低下, 最卑劣, 智能發展最差的王dull所破, 真係只能徒呼奈何...

成日都係不停影相, 影相, 再影相, 昨日家姐送的豬麥, 今天亦有出席, 並且大受歡迎, 更飽受身邊的禽獸同學蹂躪, 特別是李小姐, 更加是變態中的變態, 豬麥慘被不斷插鼻, 搓圓禁偏...真可憐.

其實都唔知點解可以影到咁耐, 9點半返去同joey食早餐, (係舊can, 慘, 畢左業都要食垃圾, 午餐又係同e個人去舊can食, 慘上加慘, 食物真係好鬼難食), 到畢業禮禮成, 已經係十二點半, 之後就不斷影相, 搞到成5點半先走...真係朝9晚5上班時間咁, 而且成日走黎走去, 真係腳都跛埋, 件死人袍又重, 好累呀.

之後同小剛飲左d野, 就同佢行左陣旺角, 由於7點約左人dinner, 行得都幾趕, 累上加累.
7點2去到以為一定遲到, 點知仲係一個人都無, 再次企係度苦等, 經過一天的勞累, 真是令站立也十分吃力了, 連帶胃口都冇埋, 最慘的就係今晚吃的是自助餐, 完全無食慾...><

哇哇, 三成至愛既完美女神座三成隔離呀!!!真係即時好似有d 聖光照落三成塊面度咁!!!
可惜因為太累, 唔多想出聲, 加上冷氣又凍, 身體機能受寒氣破壞...完全唔想陏, 變左一部食野機械...

吻別女神, 回到家中已經係十一點, 沖涼, 睇報紙, 上陣網, 打陣日記, 一日咁就無左.
本來好眼訓的, 但唔知點解, 一開電腦便醒神...真係奇.
明天便要開展人生新的一頁, 迎接另一階段的挑戰...
昨日, 明日, 已經係兩個完全唔同既世界, 諗到e 度, 覺得有d 滑稽既感覺...

>>November 8, 2004 at 5:44:00 PM GMT+8

2004 年 11 月 6 日 星期六 【晴】

今天星期日, 真是十分之累...
晨早起床, 同屋企人返bu影相, 真是十分麻煩, 但話哂畢業都算係大件事, 唔認真d扮下野又唔得.
其實三成對影e d 00 畢業相沒有什麼興趣, 基本上三成是個不愛影相, 只愛si位搞怪的人(即是搗亂, 呵呵). 特別是數碼相, 影了之後最多看一兩次, 便在folder 中封塵的了...

晨早去到又一城, 同阿媽會合左乾娘同契弟(唔係鬧佢, 佢真係我契細佬, haha)就食早餐,
順手傾下計, 影下相...
契弟愈來愈怪, 唔洗頭, 唔剪髮, 唔搵工(指暑期工...), 講野語無倫次(三成講廢話都係想引大家一笑, 但好明顯佢係好認真地語無倫次)...

食完早餐, 便回bu影相, 好熱呀, 件爛鬼畢業袍又吸熱, 真係搞到成身汗.
bu都冇咩野好影嫁喇, 不過就咁呢度影, 果度影, 都影左成個鐘.
之後家姐同姐夫黎埋, 家姐仲送左隻好可愛既麥dull俾三成tim, 可惜本來應承話黎既三成兄長, 來電聲稱身受重傷而不能前來(!!??)...

搞完一大輪, 去左樂富食飯, 期間契弟同姐夫大講三國志, 呢d 話題其實我應該有興趣, 以前既我早已口沐橫飛, 係咁講了.
但現在識得多了反而不想討論, 要識的早已識了, 他識的我識, 我識的他不識...haha...
不過識咁多無謂野, 做講故佬同細路仔講可能好受歡迎都未定, haha.
最近又睇完本南史同晉史, 又了解多左一d 自己本來唔了解的朝代, 雖然冇咩用, 但都當係充實下自己^^

一班有業者(唔計未讀完書既契弟), 竟然要失業者請客, 真係過份, $$$$$

回到家中, 正常應是開電腦, 上下網, 打下機的, 但回家時發現身受重傷, 身心俱備的兄長安座家中大打FM 及三國志10...於是三成唯有睇碟...

夜晚同大佬食飯, 大佬話冇錢...結果又係我pay...$$$
真係有冇搞錯...

>>November 8, 2004 at 5:26:16 PM GMT+8

2004 年 11 月 5 日 星期五 【晴】

這兩天經常覺得時間不太夠用, 連日記也懶得打了.
加上未來兩天又要為畢業禮影相, 真是十分麻煩, 剩下來自由自在的日子已經買少見少了.

修羅之刻今天終於看完了宮本武藏篇, 原本對此作不算太有興趣, 但想不到比想像中好看得多.
松松果然無介紹錯^^

今日去左廢剛鋪頭問佢借相機(屋企果部比大佬取走左), 星期日返bu同屋企人影畢業相...
佢間鋪, 真係拍哂烏蠅, haha, 鬼影都唔多隻, 佢辭工絕對明智, 日日座係鋪頭打座真係成仙都似...

雖然呢幾日都有不斷咁練, 但自己的普通話仍是唔掂, 完全唔見得人.
愈諗愈似鸚鵡學舌...年紀漸長, 吸收力及記性真的愈來愈差, 語文真係唔早早打好根基唔掂的...唉唉唉...

夜晚睇阿仙奴, 又再次係水晶宮d 咁既雞隊上面失分...
又係阿仙奴入波先, 又係後防發夢搞到俾人追平...
班人真係未受夠教訓咁, 場場都係咁...
特別係件龍門列文, 真係成件大廢物咁, 一射就穿...成場發夢, 係咁失位.
真係水晶宮班友醒少少都一定可以入多佢幾粒.
相比之下, 水昌宮件肥仔龍門就醒佢好多...
仲想打國家隊正選?真係發夢囉...

>>November 6, 2004 at 7:23:36 PM GMT+8

2004 年 11 月 3 日 星期三 【晴】

昨日老爸深夜來電, 說他被劫, 損失高達萬元, 連車也被天殺的賊子搶了.
真是令人氣憤, 同時慨嘆香港治安何以如此之差.

三成一向都覺得自己是一名唯心主義者.
除了自己的身體和腦袋外, 所有東西都是有機會失去, 不見了的.
有時看著自己在銀行中的積蓄, 總是有種很虛假的感覺.
若有一天銀行突然倒閉, 或電腦系統故障, 便什麼也沒有了.

雖然覺得錢財沒有什麼大不了, 但看到老爸損失如此慘重仍是心中一沈, 整天快樂不起來, 覺得十分難過.

不過無論如何, 三成還是覺得精神重於物質, 情義重於一切.

haha, 成日講d 無謂大道理, 都覺得有d 唔好意思...

不過今日真係慘, 昨日老爸遇劫搞到三成成晚個心都唔多舒服, 訓得唔多好...
晨咁早又收到老爸的無聊電話, 擾人清夢...
再入夢鄉時又收到工作的聘請通知...
終於搞哂d野, 重新再訓時, 無聊的martin又打來閒話家常...結果都係死死地氣起身算...
好眼訓呀!!!

>>November 4, 2004 at 6:48:37 AM GMT+8

2004 年 11 月 2 日 星期二 【晴】

今天九點便起身準備interview, 搞好哂d 野, 換埋衫就出門口.
平日有聽開三成present 既朋友仔都應該知道(唔知就係因為你係我present 既時候訓左!!!),
三成把聲不嬲唔多掂, 講一輪就會啖上頸咁, 聲嘶力竭, 成日要清一清喉嚨先可以繼續up.

所以今次出門口之前都食定d 好勁抽既喉糖先, 希望到時把聲清d喇.

今次去西環interview, 0米以為好近我家呀, 答丁丁去都要好耐嫁, 西環d 交通就係咁唔方便...
特別係對我黎講, 唔近又唔遠, 真係唔知點咁.

例牌早到, 填張form 仔就開波...
今次真係簡單到離譜, 5分鐘就收工...
佢話都幾大機會, 叫我等消息喎...
咁簡單?咁容易???

其實覺得自己d interview 技巧都係麻麻, 兩星期前in 的都是音訊全無, 到底有咩問題呢???
真係好想睇interview 界高手中既高手, terry哥表演一次佢珍貴而獨家既interview 技巧學下野...

偶然睇terry既日記, 見佢返工返得咁辛苦都咁上進, 不斷學習增值, 實令三成汗顏.
回家後便決定把埋藏在家中深處的普通話書籍取出來練習練習, 希望快d 學好d 普通話喇.

苦練一輪後便大覺訓, 醒來後也沒有打機, 繼續練習普通話...

夜晚出左去同Dolly dinner, 臨出門口前廢東打電話來阻住哂...
條粉人用d 次貨換左我d 正貨之後仲有面打電話黎, 實在豈有此理, 真係唔識死!!!

Dolly又話去灣仔食焗飯, 佢真係食極都唔厭, 迫左一輪電車, 去到間野先發覺佢平時食開個飯冇左, 真係抵佢死!!!haha
不過曼聯件死肥仔朗尼插水令佢得以享受一頓免費既豐盛晚餐, 點計佢都有賺喇.
食飯時話題自然離不開前途同工作喇, ha, 佢找工仲懶過我, 不過佢都有份騎牛搵馬工做住先, 但要找就真係要快了, 唔係做慣左份混吉疏乎工, 再轉工就難了.

係188購入左修羅之刻, 松松講到咁好睇, 搞到本來冇咩興趣既我都買左套黎睇下...
其實仲有好多以前睇過既出色動畫想買返黎睇, 好似小孩子的玩具, love hina 等等, 都值得一看再看...
不過都係遲下先喇, 而家睇左d新野先.

回到家中已經9點幾, 沖完涼, 睇埋報紙, 就繼續練普通話, 真係從未試過突然咁神心, 而且仲係好留心同認真學tim, 希望可以維持落去同有成果喇...
最驚就係學極都學唔識0者...

更難得既就係, 由今朝起身到e 家12點, 一日都就快過去, 竟然全日都冇打過機...
其實唔打機或者打少d 機都唔係咁難0者, 日子過得仲充實tim^^
不過未來仲有好多大Game 推出, 繼續沈淪真係幾乎係必然既事囉...

>>November 3, 2004 at 3:57:11 PM GMT+8

2004 年 11 月 1 日 星期一 【晴】

近日都係在家狂打三國志, 學小剛話薺, 真係好徙時間.
其實打機真的很無謂, 付出了多多時間但卻什麼也得不到, 唯一的是打機可以令你暫時脫離生活, 忘記哂所有煩惱...

發覺自己中左上網毒, 一日唔開電腦唔上下網就唔安樂, 冇野做時第一件諗到既事就係打機...
如果有人搬走我部電腦同ps2就好了...一開始大佬話買時便大力反對, 自知是受不了引誘的,
結果果然如我所料...玩得最兇的便是偶...

終於都看完整套鋼之鍊金術士, 想不到會如此結局收場...真是很慘...
一套出色的動畫故然可以帶給我很多樂趣和啟發, 但每次看完結局後總會陷入無盡的空虛和失落中, 連生活也提不起勁了...

死了, 明天還要interview~~~
唯有自求多福喇.

打完篇日記半個鐘後, 經過一輪自我催眠之後再次重拾鬥志.
振臂高呼: 街屎爹!!!屍屍咩!!!屍屍咩!!!

>>November 2, 2004 at 4:34:40 PM GMT+8

2004 年 10 月 30 日 星期六 【晴】

最近的生活都很"巨"...
巨爆程度5粒星.

由於三國志10剛剛入手, 打機時間立時大增...
不過都算玩得很有節制的了, 除了打機外, 還有不少時間拿來看書...

雖然每天都是玩,玩,玩, 但係唔玩都冇咩野搞.
信就係咁腥嫁喇, 腥到幾多就腥幾多,不過依然係咁揀擇...

沈迷於三國中, 文明帝國的霸業唯有暫時放下了...(haha, 成日都係打機...)

昨日本來想賭波的, 諗住捧下阿仙奴, 仲諗住買埋曼聯二串一tim....
但見讓波主客和先得1.4賠, 完全冇肉食於是冇買...
點知真係爆哂大冷喎!!!真係好彩冇買^^haha

不過修咸頓係打得好, 所以阿仙奴失分都唔太難過, 修記係值取一分既...
唔似上次xx曼聯件死肥仔搏12碼黎贏咁cheap...死雲佬又冇品, 今期輸波抵死!!!haha

畢業禮真是麻煩...今天終於打哂電話俾d 親朋戚友.
其實對畢業冇咩感覺, 但咩都唔做, 唔通知d 至親好友又唔得...
真係學廢東講句, "扮下野都要做嫁喇..."
求其影張靚相喇, 呵呵.

>>October 31, 2004 at 6:55:58 PM GMT+8

2004 年 10 月 28 日 星期四 【晴】

鋼之鍊金仲有4集就睇完了...
很好睇, 很想一口氣把他全看光, 但那樣太沒意思了, 所以一直忍耐著追看的衝動.

配樂真的做得相當不錯, 不論是電影還是動畫, 配樂都是相當重要的,

除了看動畫外, 便是看書和大玩文明3了.
文明帝國真的很有趣, 而且耐心地看他對每種發明和文明的介紹的話, 真的能學到很多知識.
(不過三成沒有好好看過便是了...汗)

最近的生活真的很頹廢和混帳, 但即使找到了新的工作, 也只是能更有系統地打發時間罷了.
我的人生仍是不會改變.

夜晚英文台播鐵甲再生人, 很久沒有這樣聚精匯神地座在電視前看電視節目了(平日的劇集實在太無聊了)
一看便是3小時, 有幾個位都好感動, 這是一套平淡而不沈悶的電影.
看完後發現智能叛變中的機械人三戒是鐵甲再生人的, 互相比較下自然是高下立見了.

>>October 29, 2004 at 4:41:46 PM GMT+8

2004 年 10 月 26 日 星期二 【晴】

昨日冇喇喇同阿剛傾左成粒鐘電話, 講起前途問題, 大家都有d 唏噓.
半年前大家都仲係大學嘻嘻哈哈, 但眨下眼畢業禮都黎緊囉.
時間過得真係快...

之後冇喇喇講起戰艦...小剛即時眉飛色舞(汗...)

今日好夢正酣既時候俾廢東打黎叫醒(其實已經係下午兩點幾...汗)
三成: 咩事呀...
東: 我黎左中環interview, 你因家落黎接我陪我去灣仔喇...
三成: 你0米自己去囉, 當我係你條女咩, 要我黎接你.
東: 你0米當做住我條女先囉
三成: !!!!!
三成: 咁...咁...咁....唔去都唔得喇...

成個下午就係咁俾人呃左...

回到家時玩左一陣就開飯...
一路睇鋼之煉金一路食飯, 睇到後期故事再次進入高潮, 好好睇呀!!!!

今日去灣仔時突然想買返套玩偶的遊戲黎睇, 熟我既都知我好一向好鐘意紗南嫁喇...
不過由於要幾舊水既關係...所以都係打消念頭...
(不過而家打日記時又再次突然好想睇...尤其係紗南同佢爸爸間既故事...)



呢幾晚都失眠, 好多野諗...同埋煩埋d瑣事..
尤其係諗到人為咩存在e d無謂野時...HAHA...
回想起自己實在係浪費了寶貴的校園生活呢...十多年來都沒有好好地認真學習, 以致現在肚內沒半點墨水, 成身刀都冇張利... 現在後悔也太遲了~~~

>>October 27, 2004 at 6:37:09 PM GMT+8

2004 年 10 月 24 日 星期日 【晴】

飲食失去節制, 晚晚都狂食雪糕.
3日食左半盒2公升...肥 死

阿仙奴無喇喇輸波, 心情不佳, 本來近排睇佢d 順景波都冇咩感覺既, 但一見佢落後就即時心急同煩躁起上黎...證明三成仲係一個球迷.

閒來無事, 取返d 星矢黎睇, haha, 愈睇愈有味.
其實d 劇情已經識背, 但係經典真係百睇不厭, 希望天界篇既幕後班底睇返d 舊作再好好反省下喇.

夜晚約左廢東, 大隻佬同martin dinner, 我就預早去旺角行陣先.
係信和終於買左鋼之煉金既大結局, 理應40有找既碟, 因為新出, d 鋪頭座地起價, 要50塊錢...
正常三成是不會買的, 但太心急想睇了, 唯有損失十元喇.

之後同早到的廢東呆等Martin, 可惡的傢伙.

一行人去左漢陽苑食韓燒, 其實一年食十幾次, 真係有d 厭, 不覺又提唔出其他好既提議, 是但喇.
唔通唱K咩(不過好似上次同廢剛, 鐵B銅巨咁係K房薺傾計唔唱歌又唔區~~~haha)

睇黎Terry哥既新工作前景一片光明, 三成都好登佢開心^^
著住件中山裝既廢東仲非常之意氣風發tim, 就快同Terry約埋一齊打佢嫁喇, haha
講到中港大戰, 廢東又大發謬論, 話體育根本就同政治有關, 香港識做就要讓路喎.
簡直係本末倒置, 完全冇義同體育精神.

食完, 又唔見一舊水, 好窮...

>>October 25, 2004 at 6:58:27 PM GMT+8