2004 年 8 月 8 日 星期日 【晴】

放了一星期假, 今天又要上班了...
昨日唔知係唔係玩得太夜, 結果可能個腦太興奮, 因而一夜冇眠...
成4點半先訓得著(最後有意識睇鐘既時間係4點半...)
訓得3個鐘, 真係想死...好在星期六訓返夠本0者.

晨早返到公司, 星期一好少單出, 今日學埋點接大陸貨, 真係好麻煩, 進口, 出口, 仲有海陸空, 樣樣做法都唔同, 出既單又唔同, 計重又唔同, 真係記死人咩...

唔夠精神, 有d 心不在焉tim...
話說打電話落單, 松松係隔離見到, 就話: e個係我地公司既電話黎喎...你打黎做咩??
三成: 係播...sor, sor...
再打....松松: 你做咩打電話俾返個呀...
三成: ........係播...

真係發哂夢!!!

下午老闆回來, 三成有幸蒙佢召見, 老闆如松松所言, 都好nice...
佢仲話做logistics 冇經驗同有經驗既薪酬係會差好遠, 叫三成好好加油喎...

食完飯都係幫手執頭執尾, 原本個位部電腦仲係開唔返, 仲係要座住第二度先...
真係奇...

放工約埋joey一齊答車...答車途中同小剛傾左半小時電話, 傾到落錯車...轉錯線...
真樣衰...不過恭喜佢找到工^^

返工之後, 回家既最大娛樂就係沖涼, 沖完之後真係有疲勞盡消既感覺...^^
好舒服呀...
每日都keep 住做下體能, 不過真係好鬼疲...

>>August 9, 2004 at 3:51:37 PM GMT+8

2004 年 8 月 7 日 星期六 【晴】

難得放假, 今日開左套推理之絆黎睇...三成都唔知點解會冇喇喇買左e套野既...
不過是但喇, 套野都算節奏明快, 人設又好, 都幾合三成口味...不過d 推理就簡單左少少...
好多都係個主角自己up, 但個犯人俾人up中左又自己認喎...
冇證冇據, 可以唔認既0者...唔多合邏輯...

不過睇到第4集竟然有d跳線, 有冇搞錯!!!成日都係咁, 睇到最開心既時候就搞D咁野, 令三成爆哂粗...
真係想打爛部電視咁滯, 三成成日都發脾氣, 不過都係係冇人係隔離既時候先會咁做既0者...
影響到其他人就唔好喇...

明天又要返工了, 有D 驚抖左兩日, 會將學到既野忘記哂, 明天老闆就返, 第一次見佢, 希望唔會出現雞手雞腳既慘況喇...

三成覺得自我陶醉是一件十分戇居的事, 但卻經常不自覺陷入了這樣的情況當中...
危險, 危險...

>>August 8, 2004 at 4:45:59 PM GMT+8

2004 年 8 月 6 日 星期五 【晴】

唔經唔覺, 終於到左星期六了...haha
又有一天假期^^
今日第一次做入口貨, 同出口又唔同, 真是十分麻煩...
而且很多資料d 文件都冇寫, 松松話係因為果d 係公司熟客, 做慣做熟, d人懶得寫喎...

頭一個星期返工有松松照住, 錯左佢又會話我知, 唔明又可以即問...(咁當然唔係每事問咁煩住人地做野喇...)其他就靠自己做多幾次, 撞多幾次板黎慢慢領悟...

今晚要去bbq 歡送雞仔, 本來唔多想去的, 但難得機會, 唯有去了...
但放1點, 個bbq又要成4,5點先開波, 唯有一條友去睇智能叛變喇~~

套戲都ok, 唔算係必睇果隻, 但起碼睇左唔會覺得俾人呃左錢先...
但總覺得橋段比較普通同簡單...不過動作畫面流暢, 劇情明快, 都算唔錯喇^^

之後齊人就入左唔知邊度bbq...68任燒, 都ok抵喇...
但咁鬼熱, 半飽就唔想燒囉...三成一直都麻麻地鐘意燒野食, 三成係有少少潔癖既, 覺得麻煩又痴立立, 真係燒完都唔多想食...食物種類唔算太多, 氣溫又熱, 真係食慾大減嫁...
可惜科拿佢地唔黎, 搞到冇得回收返d 動畫tim....

燒完都成十一點囉, 返到屋企上陣網, 睇埋d 報紙就好快訓著, 終於有得抖...

>>August 8, 2004 at 4:31:33 PM GMT+8

2004 年 8 月 5 日 星期四 【晴】

大名： joey
電郵： [email protected]
說： J小姐唔係我卦?
>>2004年08月06日 10:40:12

當然唔係話妳喇, 不過妳急急腳走出黎認, 明顯心中有鬼播.
唔通做左d 咩對唔住三成既事!??

昨日比較夜訓, 搞到今日起身好鬼累, 明顯唔多適應返工既生活.
行起路上黎都冇黎精神, 返工真係一件好累既事, 而且一諗到返工唔係只係返一兩個月, 而係返成世(你轉工都一樣要返工嫁)既時候, 即刻有d好頹既感覺.
呢個時候唯有不斷諗d 正面d 同樂觀d 既野喇, 自己頹影響埋其他人既情緒就唔好喇~~
好在三成一向都係控制自己情緒既專家, 答地鐵進行左一輪心理調整就冇事^^

今日返到公司都有幾多野做^^, 而且仲係第一次俾三成擔大旗做單tim^^
可惜第一次做就出左錯, 唔知收費有min, 令公司少收左一百紋><
但係今次係三成第一次全程跟足一個shipment, 令三成對個流程清楚左好多.
加埋松松既教導, 已經學識左唔少野了^^
其實做shipping 都唔算太多野做0者(係無單既時候), andy(阿頭)成日行左去蛇王, d 野就留哂俾三成同松松做, 真係衰, 不過andy 今日都難得走過黎教下三成野, 都算好了.
不過做shipping 要好多文件, shipper 唔出文件你就唔使做, 所以文件未到既時候就可以齊齊抖^^

今日係office d 時間過得好快^^, 雖然都係做d 濕碎野, 例如寫入數紙, 用打字機做單等...
不過都ok 充實...

本來今天打算看電影的, 智能叛變想看很久了, 但因為種種原因, 令計劃泡湯了...
本來都有d 唔happy 嫁, 但昨日都估到計劃可能告吹, 一早有左心理準備, 所以冇咩太大感覺...
但三成一定會去看這套電影的^^

有些時候總覺得人生很矛盾呢>< 沒有期望, 便沒有失望, 但事事也沒有期望, 便沒了生活的動力了...
但人生在世, 是不可能事事盡如人意的, 應該嘗試多點站在他人的角度想想, 若什麼事也只從自己的方便和立場出發, 便會成為一個大賤人了.

>>August 6, 2004 at 2:45:07 PM GMT+8

2004 年 8 月 4 日 星期三 【晴】

今日係公司完全冇野做, 真係極盡行行企企之能事.
都係幫手聽下電話, 同入下數咁...
所有工作加起黎個幾鐘就一定做得完.

覺得有d 冗員feel tim...不過d 野未上手, 又冇咩單俾三成試, 冇辦法喇..

夜晚同dolly dinner, 多謝佢d 漫畫~~(雖然三成已經睇過一次, 主要係代大佬借...)
明天又要上班, 身心俱疲...

>>August 5, 2004 at 4:27:21 PM GMT+8

2004 年 8 月 3 日 星期二 【晴】

今日真係好鬼死累呀...點解!!??咁都要問!!??
真係想知???

因為要加班囉!!!

昨日非常疲累, 所以早左上床, 但竟然又出現三成既壞習慣, 係咩??0米就係訓唔著囉!!!
今日比平日早左半個鐘起身, 因為約左joey 食早餐, 唔知做咩, 間屋d鐘short 哂, 床頭鐘冇離頭快左2,3個字, 真係可惡, 開左手提, 發覺時間冇喇喇快左2個鐘, 再睇真d, 連日子都由8月4變左8月6...
唔通係地球既磁場作怪??

每日答東涌線都要走一大段路, 唔知過一排三成會唔會更加fit 呢...

同joey去左M 記食早餐, 個熱香餅好大件, 食到好鬼滯, joey 話呢兩日有人激親佢喎, 講d 唔講d...haha, 神神秘秘咁~~~
三成仲將近來覺得最好睇既漫畫~~愛與誠借左俾joey, 個故仔真係唔錯, 好令人感動~~~
個四眼仔書虫雖然好似傻仔, 但其品格令人欽佩, 仲令三成非常慚愧tim...
其實做野又好, 愛人又好, 唔可以咩都只計較自己既, 應該多d 義無反顧既付出, 可惜三成做野成日都只會考慮到自己方便~~好在三成平日時常反省自己, 否則一定成為一個大賤人0者~~

返到公司, 都有主動幫下手做d 打雜野...之後就發毛...偶偶下公司d cpu 突然死哂...
順理成章蛇王...真舒服...

而家終於有d 明白做緊d咩, 自製notes 果然非常有用, 自己寫過一次, 消化左, 自然會有d明做緊d咩....估唔到以前既讀書方法, 而家返工一樣有用~~haha...
不過舊野未記完, 新野又塞過來, 三成既記憶力麻麻嫁咋...真係慘, 但總算學到唔少野...
嘿嘿嘿...
開頭咁亂全因d 同事得閒教a, 教完又跳左b 就教c, 所以搞到三成頭都大埋, 不過而家經三成用左工閒既時間加以整理之後, 已經了解左大概囉...不過報關d 費用同計算方法真係好麻煩...
原來間公司仲鬼死咁大, 上海都有分部, 又係少數有自己倉庫既運輸公司, 但點解大公司d人工都係咁鬼少...嗚嗚嗚...

今日三成都處理左唔少電話, d 客問野仲可以答到佢地tim^^
照住三成既松松行開左既時間, 個阿head突然有野問(本來係問松松既), 三成都答到佢(因為0岩0岩做完...)
不過好多野都係唔識, 冇兩個月都記唔哂...希望可以快d 獨當一面喇...

順利操作打字機, 不過對位極麻煩...

之後就要加班了, 人人都走哂, 死剩三成同松松, 不過其實加班冇咩野做...
三成要做既就係睇松松點做, 慢慢學習...其實加班都係等d貨上機出單...
未上機之前根本冇野做...所以三成同松松都係係度無所事事, 仲同松松捉左3鋪棋tim(2勝一負,yeah!!!^^)

雖然加班冇咩做, 但係公司d 精神消耗得特別快...好快對眼就好乾, 松松教我野三成都記唔入腦, 冇精神了...結果成十點幾先收工...不過最辛苦既係松松, 因為咩都佢做哂...三成只係學野同行行企企...

明天又要返工...好想抖下...回下氣...

>>August 20, 2004 at 1:37:41 PM GMT+8

2004 年 8 月 2 日 星期一 【晴】

呢兩日都好早訓, 兩點就即時zzz了.
有左昨日既經驗, 預時間更加準確, 比昨日更遲起身, 可以訓得耐d, 又唔驚遲到.

由於昨日實在太悶, 所以今日三成帶左d 英文notes, 同練握力既握力器係公司偷偷地玩...

不過比起昨日, 今日算充實好多, 因為有好多野學, d term 同 作業流程記到人都顛, 係咁抄notes, 但聽聽下已經有d 當機既感覺, 記憶體不足呀!!!
部電腦都仲係神神地, 今日終於收到自己個account 個password, 但部機整整下竟然short左...
結果要搬位先解決到問題~~~
全日都係係咁聽, 係咁學, 係咁睇, 好難吸收啊...不過辛苦松松 了, 教左三成好耐~~~
三成今日都好用心咁記同背, 但過左一陣就頂唔順了, 想不到出口一件貨仔都咁麻煩呢.

明天仲要加班~~~第3日...就黎料...
最少要2,3個月先可以融入公司運作, 希望唔會俾人炒喇...

下午同Joey lunch, 間野d 米線好大碗同好抵, Joey 仲請左三成食lunch 同士多啤梨tim~~~
呵呵...總覺得佢冇咁好死, 一定有陰謀, 以後出出入入都要小心d 至得~~~
不過都要講番句: 多謝哂^^

加班...同dolly 既 dinner 要改期了...

>>August 20, 2004 at 1:38:23 PM GMT+8

2004 年 8 月 1 日 星期日 【晴】

晨早起床, 舒舒服服咁係屋企食個早餐, 就換衫返工...

睡眠充足, 都算難得精神~~但由中環站行去答東涌線, 真係好鬼死遠, 要行5分鐘咁耐.
車廂仲好迫人tim, 不過係總站上, 點都有位座既...

返到公司頭果個鐘都係戇居居, 同d 同事say 下 hello 之後就座係自己個位度遊手好閒...
松松係e間公司已經做左3年, 以後三成都係同佢拍住上(兩個身份低微既小職員...嗚嗚)...大家一樣年紀, 都叫做有d野講下既...
不過其他同事都十分冷淡...冇人理三成~~~
同佢地講早晨, 佢地都係唔一聲就行開...
d 女同事又普普通通, 嗚嗚...

不過第一日都算係咁嫁喇, 松松都好肯教三成野(當然喇, 因為學識左三成就可以分擔佢既工作)...不過松松都幾好人既...

佢都俾左好多野三成睇, 但d shipping 既 terms 真係好難...d英文字隻隻都識, 但擺埋一齊就唔知佢up咩...好在松松 時不時都走過黎講解下...

但公司d人都幾悶, 平時都唔多出聲, 佢地之間講野都係一句起, 兩句止, 更何況係對三成e個新同事!!??
總之成日就除左做d 鎖碎既工作(可以消磨時間...只恨太少), 就係望鐘等放工...執下自己個位...刨哂成個位既鉛筆..睇notes, 得閒幫手接下電話...同去廁所~~~><
不過第一日都算幾多野做, 雖然都係遊手好閒, 度日如年, 但比起當年德昌座果一星期冷板, e d 都係小兒科了...haha
不過d 船務文件真係好煩, 原來出件貨仔都要搞咁多程序, 學唔少野...不過學左都好快唔記得...
希望做落左會慢慢記住喇...

下午食完飯之後, 三成去幫公司寄信...同埋去銀行入數, 松松都特登陪埋三成一齊去, 順手一齊蛇下王~~~haha
就咁行黎行去, 排下隊, 都磨左兩粒鐘...

5:45既時候, 大部份人都停止左工作, 松松仲伏左係台面訓覺, 其他人就輪流去廁所.
典型等放工既office 生活...haha

之後同埋Joey 一齊放工....
咁就一天...無咩野做...但精神消耗極大...
無野做...戇居居, 好眼訓...又唔敢訓...真係慘也~~~
公司電腦仲係唔可以玩icq 同msn 嫁, 因為成間公司既電腦都係一個sever, 俾美國總公司果邊知道, 即刻俾人炒都似喎...
咁唔知發下無聊email 又得唔得呢?

>>August 20, 2004 at 1:36:27 PM GMT+8

2004 年 7 月 31 日 星期六 【晴】

今日俾人呃左~~~~
本來成班人約好去沙灘的, 係銅鑼灣會合之後就齊齊出發...
三成準時到達既時候, 集合既地方照舊一個人影都冇...
點解d人係都要遲到???

等左兩分鐘, dolly出現, 實在令人恩慰, 佢仲作出一個好好既建議, 就係入sogo入面行陣先...
行到差唔多2:00(亦即係約定時間半小時後), 先有人打電話來問我地係邊...
最後, 成功抵達集合地點之人數: 3人...

海灘? 齊齊收皮就得...結果失望既三成改往泳池進發...
今次既活動完全係一次不可原諒既欺騙行為, 有俾人呃出黎既感覺...
加埋遲來既janice, 都係得4人...
係一個多人到幾乎游唔到既泳池嬉水三小時, 游既塘數少過6個...

游完之後偶到7點半, 再join 埋另一隊人一齊dinner...但三成真係覺得好疲...
一路行...一路諗: 快d回家...快d回家...

食完野同佢地利左一陣就回家...
累累累...

明天仲要早起返工...
竟然2點就訓得著...真係太好喇~~~haha

>>August 2, 2004 at 2:54:10 PM GMT+8

2004 年 7 月 30 日 星期五 【晴】

昨日約左久違了既GC 同牛屎出來聚會, 仲收到GC自北京帶來既手信tim...
而牛屎唔單止咩手信都冇, 仲想偷走三成份手信tim, 最後都係要用武力搶返返黎先得~~~

之後上左GC屋企一邊捉棋, 一邊睇花好月圓(廢片)...三國象棋真係幾好玩嫁...
可惜GC 棋力一般, haha, 兩次都係三成左右逢源, 輕易取勝~~~XD

夜晚同牛屎食飯...又唔見左一舊水, 就快冇哂錢喇XXXXX

收到joey 既求救電話, 公司電腦又冇喇喇中毒了...
D電腦病毒真係十分乞人憎, 三成都賴過無數次野, 中得多都久病成醫囉~~
希望佢部腦快D好返喇~~~~~

今日推左東哥既bbq 聚會, 冇哂錢喇, 而且日日都出街, 好累...
不過其實係屋企都係百無聊賴, 但又唔多想出街, 寧願係屋企偶下...
還掂得閒, 順手睇埋套末路驕陽, 湯漢屍真係好正...
不過成套野都好灰, 三成都幾怕睇e d 氣氛咁灰既戲~~~
但係老湯咁好戲, 仲好有戲味tim^^

>>July 31, 2004 at 1:14:37 PM GMT+8