2004 年 12 月 24 日 星期五 【晴】

曾幾何時, 三成覺得自己的日記是一個可以讓自己暢所欲言的地方...
但自己身邊的朋友, 所愛的人, 所恨的人, 都可能會在無聊時click 入三成的日記中瀏覽, 有很多事情和感覺也不太方便寫出來...
特別是一些三成自己本身也不太敢正視和面對的東西, 寫出來會有什麼後果呢?
而且寫了出來, 讓人看了又後悔那怎麼辦呢?

對不起, 三成便是一個這樣的傢伙...

曾幾何時, 三成覺得自己是一個相當清高, 重義理的人...
但慢慢發覺, 其實自己也不是想像中如此清高的, 也會妒忌, 也會有怨, 也會有恨...
說真的, 三成其實是一個相當自私及怕事的傢伙, 認清了自己醜陋的一面, 對這樣的自己更是打從心底裡討厭呢...但沒法子, 我就是我...
突然發現自己很像何必偏偏玩謝我的尼古拉斯基治...(汗)

人對未知的東西, 不能掌握的領域都存在著深層的恐懼, 人所以害怕死亡亦是此理.
在這方面, 我也是...
是的, 我害怕失敗, 非常害怕, 怕得要死, 只能透過虛假的謊言來自我保護及自我安慰.
在千百個同伴中, 能洞悉我的一切, 穿破我所有謊言並能直接對我宣之於口的, 只有你一個.

我明白了, 讓我們再次試試看好嗎?

打了一篇自省文, 看到這裡, 可能已經有不少讀友掩著口在恥笑三成了.
但這些自省文可是三成對日常生活的反省, 基本上是打給自己看的.
祝願這次的決心不會因為少少挫折而衰敗...

幸好, 仍不是有太多人理解巨的意識...
貫徹辨證思維!!!死守達達精神!!!

搵工呀!!!搵工呀!!!搵工呀!!!

>>December 25, 2004 at 5:24:05 AM GMT+8

2004 年 12 月 23 日 星期四 【晴】

今日係平安夜呀~~~
聖誕又到,聖誕又到~~~

聖誕佳節, 祝願大家聖誕快樂, 黎緊E幾日有一個開心又愉快既假期喇^^

不過唔好放假放到散哂, 無心工作呀, 唔係俾人炒左好似小弟咁失業就唔好喇, KAKAKA

今日都算渡過左個快樂聖誕, 晚餐d野又幾好食, 雖然諗返全日都好似無做過d咩特別野,
但一班人開開心心咁吹下水, 傾下計, 咁都幾好0y
又可以傾下計, 大家了解多d, 都唔錯.

不過到到尾段, 大家都疲疲地, 玩d益智遊戲都玩到有d牛哂...
基本上阿榮同佢個朋友兩條顛佬係度up緊d咩, 三成係唔多get到...
get到俾唔到咩反應...唔知阿榮會唔會有d 對牛彈琴既感覺呢?

回到家中, 已經很夜了, 但相信女神及王dull會比三成更晚回家...
返到屋企, 見到大佬張床空無一人, 即時對王dull興起一種強烈的歉疚感覺...
(不過內疚還內疚, 我係唔會俾錢佢或者請佢食任何野既...)

>>December 24, 2004 at 7:36:13 PM GMT+8

2004 年 12 月 20 日 星期一 【晴】

今日都一野腥左十幾封信, 希望有d 有回音喇....

去北角間鳳城酒家做冬, 都好耐冇去過了...
但超級多人, 訂左位都仲要等, 搞錯...
不過 d 野食都仲係可以維持水準....
食野期間, 表哥不斷遊說三成一齊攀石...但見到大佬玩到周身損哂, 素來愛惜自己身體的三成自然沒多大興趣...

>>December 22, 2004 at 5:38:08 AM GMT+8

2004 年 12 月 19 日 星期日 【晴】

好累, 好累, 好累,
今日晨早起身準備interview, 都好耐冇見過工了...
雖然緊張非常, 但昨日又訓得好好播(不過矮頸, 痛到爆, 慘)

提早d 出門口去影證件相, 估唔到地鐵果d即影即有方便同先進左咁多, 好過以前果d n倍...
影完先發覺唔記得帶較剪cut 相, 唯有即刻返家取喇(唔想徙錢買過把麻)

去紅磡見工, 估唔到都幾偏僻, 交通十分麻煩...
一去到就填表做test, 連份appliction form 都好鬼多野填, 好在個test 只係d 簡單既性向測驗, 不過d 英文都幾深...

終於都in 喇!!!係個一睇就知係成功人士既型叔叔in我, 仲一路食煙一路in tim, 真無禮貌...
不過e 次係三成第一個全程都用英文in 既interview, 仲in 左成粒鐘tim, 好在發揮都算唔錯...
可惜d 普通話實在太爛...雖然已經放膽講, 但有d 字唔識讀就唔識讀, 呃唔到人...慘
但估唔到自己d 英文對答都幾流利, 有進步呀, hahahaha

回到家都成2點了...in 11點...搞到成1點先走人...都算耐囉...個interview...做test 每個15分鐘, 做左兩個, 加埋等既時間, 即係只係interview已經用左成個鐘....汗...
返家好疲, 但都係發哂呆咁浪費時間...唔覺唔覺就5點, 頂唔順, 去小睡一陣先, 但條pk東又打黎嘈住哂...搞到冇得訓...

係好疲既情況下去同dolly打波...好累...不過打得好開心...

>>December 22, 2004 at 5:34:41 AM GMT+8

2004 年 12 月 18 日 星期六 【晴】

失業已經一排, 無工返既日子過得真係好舒服, 但另一方面又覺得浪費緊自己時間咁

日日遊手好閒, 不事生產, 生活毫無責任感可言...
都唔知自己應該從事d咩野工作好, 對未來充滿住不安同旁惶...

明天係失業以來的第一次見工機會, 但都冇咩點準備, 或者唔知應該準備d咩好~~
而家d工幾乎份份都要普通話, 都0米唔驚, 自己最弱就係e一環, 雖然近排進步不少, 但無練一排,
真係有d擔憂...

希望一切順順利利喇.

明天要見工, 但三成仍然夜夜都唔願訓, 打機打到成點,
唔係唔眼訓, 而係唔想訓, 有d害怕明天既到來, 唔係害怕見工, 而係害怕失敗...
自覺自己唔係一個經得起失敗既人, 無把握既野就寧願唔做, 但見工e 家野又邊有十拿九穩嫁...

但真係難以容忍自己有差劣既演出, 雖然衰左唔會死, 但勢必係三成心裡留下難以磨滅既烙印...成為三成人生眾多污點之一(雖然全是小事, 但偶然諗起都會好唔開心嫁~~~)

神...請保佑我吧(平日唔黎求, 有事先求, 鬼保佑你咩~~~)

>>December 19, 2004 at 5:19:03 PM GMT+8

2004 年 12 月 16 日 星期四 【晴】

唔經唔覺又星期五囉, 咁又一個星期, 時間真係過得超快, 話咁快, 兩個星期之後又一年...
時光不停流逝, 身邊的人和事也不停發生轉變...
成日養尊處優, 搞到肥左好多, 而家每日訓之前都會做返一陣sit-up, 為既就係保住小腹上果個美麗既十字...呵呵

夜晚同dolly去左打邊爐, 順手交份過期生日禮物俾佢...
雖然係一舊無咩用既擺設, 但我真係覺得件野幾靚, 幾型仔...
今次e間君悅真係唔錯, 野食種類多, 汽水任飲...但唔多適合兩條友食,
因為d單你tick1, 佢真係俾一碟黎, 即係你tick 左1既芝士腸, 佢上果碟就真係全部芝士腸, tick 2牛肉, 佢又真係俾兩碟牛肉...平時打邊爐樣樣tick 1既話應該係一個大碟上哂所有野, 每樣都得好少嫁麻, 但呢度就真係樣樣黎一碟...

我同dolly叫左兩次野食, 就已經頂唔順...食到幾乎嘔咁滯...
一野食左3個幾鐘...都算耐囉...仲要係撐台腳tim, 汽水每人飲左半打...真係食到怕怕...
不過埋單都係1舊, 都0米話唔抵, 係d 服務員豬左d, 不過都唔係大問題黎既~~

下星期...又打波...

>>December 17, 2004 at 6:57:56 PM GMT+8

2004 年 12 月 15 日 星期三 【晴】

今日又玩左成日, ps2 個eye toy真係幾搞鬼...雖然好白痴, 但真係幾得意...
不過玩時俾人見到的話,真係好易俾人當你痴線...

自從有人踢爆政府的壁球場年使用率不足5%後, 便愈來愈難book場了, 因為d 場俾d pk團體租哂黎用...頂..你搞還搞, 都留返個場黎俾人打波0y, 次次要夜到成9點,10點先有場, 真係搞q錯.
今日預早一日去book, 一樣無場, 真係想頂佢個肺...

無理由咁多個場, 全部租哂俾人嫁麻...咁叫d人去邊度打波呢...真pk

>>December 16, 2004 at 5:13:04 PM GMT+8

2004 年 12 月 14 日 星期二 【晴】

發現自己的身體狀況差了很多
從前中學時可以一口氣作60下sit up的, 現在作三十下便很吃力
半年前, 可以一次做十多下引體上升, 現在7,8下便十分吃力

身邊的一切都好像盡往不如意的一面發展...

今天看了早前買的"何必偏偏玩謝我" , 算是玩謝麥高維治的續作, 可別小看它, 它可是由尼古拉屍基治主演的...
套野同玩謝麥高維治一樣, 極度搞怪另類, 真係俾佢玩謝, 但又唔係唔好睇喎...
因為佢真係搞野得黎又相當過隱, 尼古拉屍基治更係演得相當出色...

下午在家打三國志時, 突然收到見工的電話, 腥信不過兩天, 咁快有得in?
但不知為何, 內心對這些interview的電話十分抗拒...但唔願in都要的起心肝in的, 成世係屋企發毛咩...
上班及失業了一排, 早前準備的interview東東都忘了, 要一段時間整理, 同時它又要求三成帶相及resume, 雖然是合理的要求...但resume未update, 同時那些證件相又是casual look...
正係死都搞唔切時, 佢又突然打黎話改期, 真係好...一定要係e段時間盡快充實自己先得...

FM update左新version之後, 就開唔到新遊戲...真係好q麻煩...又有排搞...xdxdxd

interview其實真係唔多驚, 最驚反而係佢考我普通話...因為三成的普通話只能以爛來形容...
快快努力惡補喇!!!

>>December 16, 2004 at 5:08:21 PM GMT+8

2004 年 12 月 13 日 星期一 【晴】

不知不覺已經星期二了, 是離職的兩周紀念日.
你話係屋企好得閒?又唔係播...
每日有規律的玩樂已經用哂全日既大半時間...
睇動畫喇, 睇漫畫喇, 打機喇...真係搵一兩個鐘好好找下工都冇時間咁(或者暫時未有心情吧...一來很耐冇見工, 二來未確定自己未來的路向)

仲有, 普通話都成個月冇練過了, 原地踏步, 其他如重溫過往看過的精彩動畫呀, 小說呀...更加是沒有時間喇, 新的尚且未看, 有那會花時間去看舊的?

從前上班時, 發現了西環有很多賣零食的店舖...今日再去掃貨...
買左極多既食物先係70大元...
真係有排食...開左鑵梨醋黎飲, 真係正到爆哂巨

回家都係係jijis度search 下有冇新工...jobsdb呀...recurit果d都未上...
俾d時間...希望可以谷回見工的狀態...而家要我聽日見工都真係即時死俾你睇的...

不大相信自己已經22歲了...相信松松君也是一樣吧...

>>December 14, 2004 at 6:34:03 PM GMT+8

2004 年 12 月 11 日 星期六 【晴】

玩!!!玩!!!玩!!!

今日一起身, 就係玩...
食飽飯即時開電腦打機...打三國, 打文明3, 順手上網
Gundam Seed 仲有幾集就睇完, 但已經冇咩心機睇, 開頭好好, 但到到後來有d爛同夾硬黎.
鐵血大旗門繼續沿襲古龍既一貫作風, 虎頭蛇尾, 甚至係虎頭無尾,
古龍系列叫做較為完整既就只有絕代雙驕, 陸小鳳同楚留香而已, 鐵血大旗門由最初睇到欲罷不能到到最後一期已經係飛字黎睇...真係非常可惜.

夜晚睇緊洲際杯時, 剛睇到12碼既緊張關頭, 久違既東爺竟然打黎阻住地球轉, 仲對三成胡言亂語, 人人得以誅之.

呢幾日都訓得麻麻, 午夜夢迴, 總是想到這些年來所作的種種愚行, 得罪, 傷害了不少人...
雖然很多只是雞毛蒜皮的小事, 甚至已經是事過境遷, 但總覺得欠了不少人一句對不起...
有些更是久未聯絡, 亦沒有一一致電道歉的勇氣.
誰說人生無悔?人生後悔, 遺憾之事實在何其多也.

>>December 12, 2004 at 5:07:31 PM GMT+8