2004 年 3 月 29 日 星期一 【晴】

DN Angel 真是一套不錯的卡通, 令我一再回味...
雖然劇情有很多不完善的地方, 但整體上給人的感覺很好...
輕鬆的戀情間又有點BL(相信大家知BL 點解嫁喇...)的味道, 實在十分搞怪^^
聽說漫畫的風味(??)更濃, 有點想買來看呢^^

今日回校上垃圾堂, 上完就見丁偉, 佢心情竟然非常之好...唔通因為見到我?所以咁開心?
今次一反常態, 同佢都講左好多野...成個會面都係一個幾輕鬆既情況下進行...
仲介紹左堆書俾我tim...丁偉成日都用一個好批判既角度去對佢d 學生...不過咁都冇壞...
睇黎我篇文既問題都唔大, 佢都冇咩建議俾我...就話大致上冇問題, 有d 野可以嘗試加, 加唔到就由佢...
佢仲講左句: 可能我要求比較多喇^^(聽到佢咁講真係覺得好好笑)
即係我篇文既問題應該已經解決哂, 不過可以再做得更好0者...如果見多佢幾次...真係改6,7次都有份^^...不過都會盡力深化份paper 既^^...

中史傾present...巨B 哥好唔踴躍...><(汗...)
真係有d 想斬佢...haha...下次投入d 呀!!!

之後借書做陳峰...麻煩到爆...佢快d 退休吧...

去旺角...想睇下有冇我想買既卡通...君が望む永遠(某00 Game 改編, 但h 的情節都刪去了...我想應該會是一個令人感動的故事...)及新暗行御史...

但去到信和, 所有店都幾乎關門了, 死剩一間很少很少的, 有少量動畫存課,
見好平, 於是買左套倒兇十將錄, 希望佢好睇喇...($15...真係點解會咁平...又唔係一集就完果d...)

回到家...仲收到牛屎條契弟既電話...唉...
唔想讀就0米鬼讀喇...幾乎想爆粗...
總不能老是停留在這個水準吧...GIS 也有很多hea 人...但沒有一個是這個樣子的...
><

>>March 30, 2004 at 10:16:05 AM GMT+8

2004 年 3 月 27 日 星期六 【晴】

昨日再睇多次月黑高飛...
真係好正...睇咁多次都係咁好feel...
不愧係我至愛電影...其他想睇多次既電視首推catch me if u can...

同王dull chat chat 到成4點先訓...眼都瞎咁滯...
之後上床訓覺...但一路訓就一路諗住中史present d 野...
於是訓訓下起身寫outline...寫寫寫...寫完先訓...
但再訓上床...竟然唔諗outline...而不斷諗應該點演繹個present...
好累...精神搞到...

起身又黎馬高波羅...好快就寫哂d pt...
之後又可以玩喇...
不過都要執好張cv先...

夜晚又睇多次DN Angel...飛鐘意果幾幕黎睇...
一樣咁開心...

係時候入新貨...

>>March 28, 2004 at 6:18:10 PM GMT+8

2004 年 3 月 25 日 星期四 【晴】

整套DN Angel 終於看完了...最後的數集故事都十分感動...很多幕即使回想起亦令人有感動落淚的感覺...但結尾兩集給人的感覺是太短...太簡單了...要是加多一兩集來加以演繹的話...相信會更好看...特別是角色間的對話及關係...總是有很多不夠喉的感覺...故事中斷不要加入那些無關重要的集數...像後期一樣加強集與集之間的連貫性便好了...

看完一套好看的卡通或電影...總是有很失落的感覺...令人感動的故事...有趣的劇情...總是不斷在腦海中俳迴...有點意猶未盡的感覺...亦有點空虛和寂寞...太投入故事的話便會這樣的了(汗...)

這兩天都沒有花太多時間來打機...反而時間幾乎都用在裸體團之上...
但短短一星期便升了兩次官...haha...向侍大將之路挺進^^

今天應可以完成做了很久的余振paper...唔...要加油才行...

終於做哂余伯paper...之後抖左陣就轉戰中史present...
本想做體能的,但屋企人係度就廢事,已經好耐冇練過了.慘><
中史present d 料真係睇到人眼突, 地名,古文,人名對比較正咩都有,直情係考古咁.
真係想講一句...馬可波羅有冇黎中國關我地叉事咩,知佢有寫本遊記0米得囉,咬d 冇講野,麻鬼煩.

同加利講開配音員,覺得香港d 配音員真係好唔掂.
以新睇一套DN Angel 為例, 香港班人一定配唔出男女主角既神髓,
咁多個角色,真係最鐘意日渡把聲, 好cool...好冰...石田彰真係配得好好...
女主角梨紅也配得很出色,那種強氣的性格很令人喜愛呢^^

>>March 26, 2004 at 6:06:20 PM GMT+8

2004 年 3 月 23 日 星期二 【晴】

明日又要上余振x 堂喇...
好想睇阿記對車仔...但明天又返早...
有d 衝動想走左果堂佢...反正又學唔到d 咩...又徙精神又徙時間...
但又好有罪疚感...
點好呢...唉...

好矛盾...

上星期係裸體團升左官...變左步兵頭...haha...
個樣都型仔左...
成晚都係度流連...睇左唔少出色既文章...
覺得自己好眇少...

最後結果選擇睇波..好有罪疚感呀...><

同大家分享一個小故事...
<<時值日本戰國...織田家當主信長年輕繼位...但言行舉止卻十分輕浮...一手扶養信長長大的平手政秀.對於不良少年信長的所作所為.一直默默地為他承受著各方的責難.容忍信長的狂恣.盡量讓他自由發揮.但是隨著信長的父親死去....家中四面楚歌之際.政秀的承受力似乎也到了限界.年老的政秀已經趕不上信長的腳步.再也無法理解他的作為。這位信長稱之為(老頭)的爺爺終於決定要用自己的生命來喚醒狂野的信長.於是在信秀逝世兩年後.信長二十歲時，政秀留下一封諫書而切腹自殺，這是另一件令信長痛徹心肺之事
政秀的諫書中寫的多是一些瑣瑣細細的勸導信長穿著舉止的事項.大概都是一些信長從小聽到大.已經倒背如流的嘮叨話.政秀再一次不厭其煩.鄭重其事地把這些話寫在切腹的諫書中.什麼「請不要赤身露體、請不要用草繩等不雅之物做裝束.請不要用筷子當髮簪...」句句都是信長身邊真實的情狀，越顯得政秀的情真意切。信長知道政秀的死訊之後.如蒙晴天霹靂，拿著政秀的諫書，一句一句地重複唸著自己的淘氣事，悔恨不已。之後更建立了政秀寺.來紀念政秀對他的撫育之恩.打獵時想起政秀.有時會撕裂獵物.擲向空中喊 ( 老頭這個給你吃 ! )或是過河時 用鞭擊起水花.喊老頭.這個給你喝 ! 信長的至情至性，在此表露無遺.至於他的裝束舉止呢?卻仍然如往常般絲毫不改 ...
但是信長並非不理會政秀的諫言.政秀意在言外的真心話.也就是要信長注意領民、家臣對他的風評，以度過此危急存亡之秋，信長了然於胸。>>

每次看到這段故事都會十分感動...
如果有一個對我這麼嚴厲...及愛護我(汗)的老爺子便好了...><

夜晚等睇波...做左一陣Paper 就取左D DN Angel 黎睇...套野我仲未睇哂...但呢次我唔係睇d 我未睇既集數...而係睇返之前睇過而又覺得值得回味果幾集(而且全都是呢兩日內已經看過的...汗)
淡淡的愛情...大家互相關心著對方...令人覺得很輕鬆之餘也看得很舒服...
沒有擁抱...牽手等親密行為...男女主角只是經常肩並肩的閒話家常而已(就像很要好的朋友一樣而已...但實際上他們是交往中的...)
不知怎樣...很喜歡這種似有若無的感覺呢^^

>>March 24, 2004 at 8:41:16 PM GMT+8

2004 年 3 月 22 日 星期一 【晴】

同Terry 先生傾左一輪...先發覺個日記原來不停咁產人d 留言...
最舊果個留言都係2004年的了...
不過諗到個日記係免費既...係得咁多...冇計...

今日返學上完堂捉棋...玩玩下突然整個本能寺之變隊林左阿剛...
haha...好爽...但由於沈醉於背叛既快感(汗)之中...好快就受到報應...
同明智光秀既下場一樣...行多左4,5步就玩完(13日天下!!!???汗)...

上完中史就同本田去睇Big Fish...
套野都幾過隱...有好多寓意...(有d真係 本田唔講我都唔知...睇完就算...多數都係訓覺時先會慢慢細味內容...)諗起上次睇迷失東京...之後夜晚上床果陣開場果一幕戲係我腦海陫迴左成晚(影住個女人背影果幕...加埋d 有 feel 既靜態畫面...)

Big Fish 係一套唔錯既片...劇情唔錯...結局感人...而且故事內容都幾有趣...
75分...值...

回家又睇左幾集DN Angel...故事很有趣呢...而且愈到結尾便愈正...劇情也開始進入主線了...
看得很起勁...通常最喜愛那些很cool...帶點神秘的角色...如渡部便是一個好例子...
配音的幹得很出色...不像香港...找不到像樣的配音員...零波麗等角色...完全配不出神髓...
兩地在配音事業上的投資差太遠了...><

愈看DN Angel...便愈懷念中學時的校園生活...不單是懷念過去...
更希望的...是能夠重新體味一次中學時代的生活...
大學真的很泛味呢...
真無聊...~~~

>>March 23, 2004 at 11:01:19 AM GMT+8

2004 年 3 月 21 日 星期日 【晴】

唔經唔覺又一個星期...三月中了...
愈來愈不捨得校園生活呢....

放假閒賦家中...都是整天遊手好閒...快要變成一個廢人了...
點谷都谷唔返起d 狀態同鬥心...睇一陣書就發夢...寫一陣paper就冇心機...
太多day off? 真係...

原打算前天搞掂余振paper的...但而家都未開始寫...
原來唔打機都可以好快冇哂d 時間...

日日都睇5,6集DN Angel...
到中段故事有返d 連貫性...好睇好多...
最怕係集與集之間一個個單元...唔睇一兩集都ok既劇或者卡通...
不過丁噹係例外...

>>March 22, 2004 at 6:18:36 AM GMT+8

2004 年 3 月 18 日 星期四 【晴】

短短兩日...已經睇左柯南同6集DN Angel...
柯南今次個劇場版麻麻...劇情有d 牽強...但故事好在都幾流暢...不過我都係鐘意柯南用小五郎把聲破案多d(因為好過隱抵死)...片尾既京都(實境)同文字燒都好靚...加埋倉木麻衣既主題曲...真係幾正...

至於DN Angel...感覺上有d 似怪盜St tail...不過故事同人設都好好多...角色既性格亦都好有趣...算唔錯...但故事又係有d 超現實...(主角又係識變身...近似冇所不能果d...唔知點解講親怪盜既都係咁...)但個故仔都幾輕鬆明快..亦都相當搞笑...係果類老少咸宜既卡通...

下午仲睇左陣爆旋陀螺...點解會有人鐘意睇嫁...角色又樣衰...故事又無聊...
仲衰過遊戲王...

之後做余振paper...其實都唔知點寫...都係睇下d 料先...
睇左一份notes都用左成日...4,50頁...睇到頭都大埋...呢科都好深...只睇教材既話...
但振哥上堂又唔講e d 難明概念...只講廢話...

本來想做日美比較的...但經研究...唔用中國黎比較的話...根本好難做...西方d 民主國家都係大同小異...個個差唔多...
令我更加質疑呢科既存在價值...好亂...都唔知點做好...
睇黎又寫份垃圾出黎...

決定做中,日比較...

>>March 19, 2004 at 6:05:38 PM GMT+8

2004 年 3 月 17 日 星期三 【晴】

今日上完余振堂廢野之後就去左旺角逛逛...
去到見到有老翻賣...先頭一直以為西人係好尊重知識產權既...但估唔到一入去就見到班西人係度好happy咁掃翻版...最令人驚訝既係d 紋身佬竟然可以用流利既英語同西人交談...真係分分鐘講得好過你同我...可見政府既職業英語運動幾咁成功...而且d 紋身佬既服務態度仲好好tim...
政府既宣傳真係有效...

買左好多碟...至愛既兩套電影...綠里奇蹟同月黑高飛都買埋...呢d 戲值得收藏...可惜 DVD 太貴...唔係買DVD...

另外...DN Angel 全套 及 搵左好耐既柯南劇場版入手...

ps. 有冇人知道邊度有pretty face 既第一期賣? 點解間間鋪都斷哂市既...><

>>March 18, 2004 at 8:28:55 AM GMT+8

2004 年 3 月 17 日 星期三 【晴】

今sem d 科真係西處未算西...一西還有一西高...
中史堂聽班友仔pre d 垃圾出黎... 亂q 咁up...長平公主...宦官...慈禧...電視劇...咩都出埋...
生動都唔等同亂UP 掛... 但好似冇人覺得有問題咁...個tutor 同d 人睇班友仔做棟篤笑竟然睇得好鬼開心(事實上我都有份笑...)...d 問題唔識答就亂答...d 野解唔通就亂up...仲俾tutor 贊話生動有趣tim...條友呀...大獲呀...呢d 咁既term真係難以相信出自tutor 同presentator 口中...
最憎人俾分俾得鬆...以為係咁派糖就大家開心...d 學術氣氛就係俾e 堆人敗壞哂...
冇要求又點會有進步? d 人d 問題又低能...
"你覺得文字獄同考據學有冇關係呢?" 呢d 等同問你覺得阿媽係0米女人一樣既問題竟然堂堂都聽到...再唔係就係問d 離題既野...唉...好慶...亦都好頹...冇哂努力既衝動...

之後東方個written test...自己搞到一pat 野咁...但覺得自己第一篇文寫得幾好...
但回到家...先發現一件事...都廢事多提了...係自己唔努力...成日練精學懶既報應...係上天對我既懲罰...

詳見大威傳 57 回 鐵筆桿言忠正氣吞山河 悔當初東方城大威絕念...

夜晚又同家姐食飯...唔知點解成晚都係up 埋d 廢話...覺得自己好唔掂...

>>March 17, 2004 at 4:57:35 PM GMT+8

2004 年 3 月 15 日 星期一 【晴】

終於打到日記喇...成日都登入唔到...真係麻煩...

今日難得早起...點知阿剛又遲到...搞到我等左成兩,三個字...好在有本 雜誌睇下...
冇喇喇阿東又走過黎煩鬼住哂...d 時間好快過...

上殘峰堂...呢堂真係愈來愈唔掂...講埋d 廢話...d data 又唔update...97年既資料都仲夠擔用...
呃飯食... 而且教得又差...感覺上佢根本係自己同自己講緊野...當班學生唔存在...
死氣沈沈...

上中史堂...又係傾計多過聽...
點考試啊...

之後食完lunch 就去左打big 波...但d 水準仲係好唔穩定...
一局好...一局壞...都係靠運多...打得麻麻...
打左兩個鐘...成身散哂...

回家即刻大覺訓...zzzzzzzzzzzzzzzz

夜晚上網...王dull 為行政主導定義所苦...幫佢找左成個鐘...得d 好散既資料...徙哂d 時間又幫唔到手tim...找唔到精確既定義...自己砌一個都係好方法...

>>March 16, 2004 at 3:41:45 PM GMT+8