2004 年 3 月 14 日 星期日 【晴】

呢幾日做既都係hon pro 既 second draft...其實根本好少野...
半日可以搞掂...都係自己懶懶閒...愈搞愈耐...今日終於都完成了...執埋封面同格式...
希望唔會有咩意外喇...最驚都係學校PRINTER print 到d 字變哂型...

最近都好夜訓...對住部電腦...上下網...同人chat下...咁就晚晚搞到3,4點...
好唔健康同好似浪費緊自己d時間咁...
最近先發覺原來一早做左裸體團會員...結果又搞到流連忘返...
時間呀!!!

仲未做好搵工既準備...

日日都打兩個鐘戰國無雙...
隻game真係整得幾過隱...有d 人話佢同三國無雙一樣...但其實好唔同...
戰國無雙戰場上面有好多小任務...搞掂左又有特殊劇情...

真田孤軍突入德川大軍段動畫好正呀...

>>March 15, 2004 at 2:34:36 PM GMT+8

2004 年 3 月 11 日 星期四 【晴】

昨日上余振堂...又訓左成日...
唉...飽食終日...無所用心...真係最適合用黎形容我既情況...
反而Terry哥就成日都咁enjoy 佢每一個學習既機會...佢科translation 好似好多野學咁...
但我真係enjoy 唔到d 廢堂...

之後放左學去同gali 睇school of rock...套野相當之輕鬆...抵死...
而且仲幾勵志...雖然劇情鋪排非常簡單...但都好好睇...值得推介...
100分我俾75分...

係金鐘發現某舊同學介紹既餐廳...貴到飛起...
好在一早係樂富平原食左lunch...一心去e間餐廳就死得囉...><

今日一起身又係睇書(當然係課外書喇...)之後食完野就即刻寫信...
一寫就寫左兩個鐘...都唔知點解咁多野寫既...之後又係一心一意等回信喇^^
不過次次寫完信都有d 油枯燈盡既感覺...次次都用盡心機咁寫兩個鐘...
真係幾累...可能累過做paper tim( paper有得抄...寫信冇...)

之後寄完信就返屋企...又係遊手好閒...始終都冇咩心機做second draft...
因為要今個星期內完成既話...我仲有大把時間...所以唔想做住...
但仲有成堆paper等住搞...又好耐冇睇過IPE 既書...愈來愈懶...

夜晚上網search 下 hon pro d 料...
諗住用google search...希望搵多d...佢真係找左好多網出黎...
但按入其中一個xx 資訊網就出事...即時話detect 到virus...即刻關左佢...以為冇事...
但點知再開過ie...佢自動幫我set 左個毒網做首頁...點改都改唔返...真係頂佢!!!
搞到次次一開ie...唔單止一大堆木馬網頁彈出黎不特止...仲係咁話detect 到有毒...
搞左兩個鐘都搞唔掂...

好在我緊記內事不決問Terry既教訓...請教Terry哥...
佢果然冇令我失望...好快就幫我搞掂...真係抵佢咁春風得意既...

Terry哥...多謝哂你呀...為左報答你...我決定俾機會你請我食飯喇^^

>>March 12, 2004 at 6:57:34 PM GMT+8

2004 年 3 月 9 日 星期二 【晴】

夜晚本來想做hon pro second draft 的...但王dull腥左佢份hon pro 黎俾我...
於是就幫佢睇睇...講真...入左大學...覺得中英文既寫作都進步左唔少...要我憑空作篇文出黎當然難...但寫paper特別係中文paper...我對自己真係好有信心...下星期個written test 唔知會唔會有理想既發揮呢? 希望唔係寫實用文喇...或者寫篇個人感想都0米話唔難...

結果一睇就睇左兩個幾鐘...都0米話唔累...不過都係一路同朋友 chat (chat親都好開心....^^...hehe)
一路睇...所以都幾輕鬆...

之後都同王dull 講左佢篇野既問題...我仲腥左一d 有問題既句子俾gali 叫佢俾下意見...希望王dull唔好怪我喇...

之前阿剛同廢東^^都腥左佢地d 文 黎互相研究...我都係見到唔妥就講...阿東仲話我好係咁踩同彈佢篇文tim(當然佢係講笑^^)...
gali 亦都話我對咩野都要求好高...其實我都係有果句講果句...冇一樣野係冇缺點的...見到唔滿意既野就指出黎...希望可以做到最好...王dull仲話我有d 完美主義者feel tim...

我自己都覺得自己對事物既要求好似太高...好似我對自己本身都諸多不滿...
講到又做唔到...明知應該咁做既...但我又冇去做...
例如我知打機唔多好...但我仍然繼續打...知道應該幫阿媽手做家務...但我又唔係成日都咁做...
滿口道德理想...但有事上黎就乜都唔做...

平日睇咁多書...對果d 捨己忘身...追求義理既行為有好高既瞳境...
但自己看到不平...不義之事卻經常沒有出聲...或礙於朋友情面...或礙於輩份...或礙於場合...
但最重要的還是自己缺乏勇氣直接直斥其他人的錯誤...只懂得隨聲符和...講野盡量投別人之所好...

平時又只識同朋友hehehaha...講野言不及義...對行善從未為之...
諗諗下自己幾乎冇捐過錢...冇做過義工...雖然我都想過去幫人...但又唔知d人值唔值得幫...
有時係街度見到d 有須要幫忙既人(例如跌野...或者冇手取野...)...我都要諗好耐先去幫佢地...
連呢d 小事都做唔到...

所以...希望大家見到我有咩野錯處...可以毫不猶豫咁指出黎...
記得年幾兩年係某留言版見到d 鬧我既字句...先知自己原來係其他人眼中係一個咁不土斟既人...
以人為鏡...可以明得失...如果人地下下鬧你都唔受...咁自己就唔會有進步既空間了...

志大才疏...希望可以快d 擺脫e個term喇...

>>March 11, 2004 at 10:22:22 AM GMT+8

2004 年 3 月 8 日 星期一 【晴】

今日又返學囉...放4日先返3日...都冇心情學習...搞到...每個星期都好似放緊悠長假期咁...
不過星期二係最有精神既一日...抖左4日...但一返去就對住陳峰...自己溫好過...

星期二...最開心既都係巨棋...巨到遲哂到tim...愈來愈難分勝負喇...3個人互相牽制...好過隱...
中史堂而家愈來愈似傾計堂了...3分聽書...7分傾計...學左d 咩呢(不過e 個都係衰自己..)

下午食飯...突然出現左sindy 同 xenia...好迫呀><...haha
巨gym...發現自己廢左好多...明明平日係屋企都有keep嫁...真係愈來愈懶???
引體幾野冇力...好失敗...咁辛苦先練到做到10下..., 一排唔操就打回原形...><
之後又同david 阿剛去左行街haha...
ok 便利店又有苛華田雪糕喎...
老虎都食喇...正...

夜晚又俾阿東煩住哂...我就delete佢...

>>March 9, 2004 at 4:39:10 PM GMT+8

2004 年 3 月 7 日 星期日 【晴】

最近個日記好麻煩...成日都登入唔到...
要夜媽媽先可以打返篇日記...

近排都0米話唔多野做...又想做哂余振paper...又要second draft...又要備課...又要找工...
又要打機...單單睇報紙每日都用左我個幾鐘了...而且睇一陣就好累...唔多夠精神...渣左好多...唉...

但雖然喇咁忙...但昨日都用左2個鐘寫信...呢次仲好有心機寫tim^^...

雖然好多野做...但日日都好頹廢...寧願行行企企都唔做...中學時都唔係咁的...愈來愈無意志力了...冇人迫...靠自發...真係差d...

今晚同家姐姐夫成大班人去食飯...好耐都未試過咁大堆頭了...先頭阿媽話去食自助餐...我仲以為係酒店果d tim...搞到著得鬼咁屍文...但原來不過係酒樓打邊爐任食...仲要去長沙環咁遠tim...

但呢次間野真係唔錯...佢除左打邊爐之外既食物款式非常之多...又有咩椰子燉奶...又有炸蟹球...
真係好正...即使唔打邊爐都一樣有野0岩食...又有翅又有龍蝦沙律...不過就要排隊取...比較麻煩一d...但都食得幾開心...^^

返到屋企即時打開信箱...有信喇!!!^^其實出門口果陣已經立到...但我唔取住...
返屋企先取...返到屋企都唔拆住...等到所有屋企人訓哂先慢慢睇...haha...
睇緊d私人野最憎有人38咁裝下裝下...靜靜地一個人睇好d...^^
收到信真係好開心嫁...睇到d 屬於自己一個既文字^^...可惜等左成兩個星期先收到...郵局d 人都唔知點做野既><...好想快d 回信...不過唔得閒住...又要星期六,日先得閒寫囉...

>>March 9, 2004 at 4:27:08 PM GMT+8

2004 年 3 月 5 日 星期五 【晴】

今日沖涼房既燈燒左...夜晚沖涼先發現e 件事...屋企又冇哂燈膽喎...
於是取左支電筒入去成支臘粥咁照住黎沖...個feel 真係好正...好得意...
久唔久咁玩下都幾過隱0y...

同阿剛網上捉棋...唔知點解...俾人食左隻師都可以繼續行...令我可以絕地反擊戰...
劉備死左...我仲有諸葛亮...haha

夜晚冇飯食...出街食咖哩...辣到阿媽都唔認得...食到成身汗...

深夜兩點睇阿仙奴...上半場已經3:0了...真係高唔止兩班波...覺得而家既阿仙奴...已經勁過三冠果年既曼聯...攻勢勁多元化...特別係d 小組...真係冇邊隊擋得住...反而睇其他隊既入波...偶然性比較強...好少可以做到阿仙奴果種攻勢出黎...令人賞心悅目...如果前面加個高佬中鋒就更完美(不過阿記都係打地波多...高佬可能冇咩用...)

半場休息...開電腦...上下網....見到阿東又forward左幾封email 黎...
又係d 核突野...今次真係睇到眼火爆...想嘔咁滯...唔核突既條死仔都唔腥黎...就快封鎖佢...
頂...真係發惡夢都似...好好好好好好好核突呀...洗眼呀!!!

>>March 6, 2004 at 7:07:56 PM GMT+8

2004 年 3 月 4 日 星期四 【晴】

今天...我必須坦然面對一切...承認自己的錯誤...
平八...對不起...我隊你唔住...想不到你會不喜歡這個名字...
平八...我應承你...以後盡量唔叫你平八...好唔好?haha
平八...從今日起...冇人會再提平八呢個名嫁喇^^

唔唔...整理notes中...
愈睇就覺得科中史d 資料好散...都唔知點溫囉...

>>March 6, 2004 at 12:22:23 PM GMT+8

2004 年 3 月 3 日 星期三 【晴】

今日上完余伯堂...約左王dull...大丸佢地去尖咀食lunch...之後就去睇戲...
本來約左gali佢地一齊走...但佢要倍平八去見迪迪...
於是我走左去又一城睇書...本來想買左本書就走...
點知忍唔住係度打書釘打左好耐...
不過我最後都幫襯佢地買左本書...haha
3百幾頁繁體書...只係幾十元...d台灣書都幾抵...

之後去尖咀會合群臣...但由於時間緊迫...(套戲就開場)結果要食麥記...
但點解要突登去尖沙咀食麥記呢???

M記成日偷偷加價..勁賤...短短一年...加左3次...

之後座船仔去左中環睇戲...間戲院好正...40元...睇兩個幾鐘...抵!!!
亂世情天同紐約風雲d 背景同感覺都幾似...不過後者 劇情亂好多...
呢套野我先前都冇咩大期望...但估唔到冇咩期望去睇既情況之下...又覺得套野ok喎...
不過都估到哂d劇情咁滯...但拍得幾緊湊...
但始終對愛情片冇咩大興趣...不過e套野都值得向大家推介既...

>>March 5, 2004 at 7:16:36 AM GMT+8

2004 年 3 月 2 日 星期二 【陰晴不定】

今日唔使上中史...但竟然忘記左...
好在係屋企備課果陣醒返起...唔係就傻仔...但早左一個鐘起身...
唔知做咩好...

發埋d 怪夢...夢見同女神行街...之後冇喇喇去左海灘同Joey 游水...
我: 仲咩係咁淺水游?
Joey: 有沙魚呀!!!(爆!!!)
之後我就俾沙魚追喇...
個夢迫真到爆!!真係出左成身汗...
但又好好笑...

上迪迪堂...又係唔知做咩...我愈來愈覺得自己有d 飽食終日...無所用心既感覺...
不過一個present仔...講果陣都緊張到爆...我講野成日要講好耐先入到局...
咁樣都緊張...到時搵工interview點算...唉...

之後IPE...Discuss見到Jackey 夫婦d 英文 真係好勁...可以唔使點諗就一輪咀咁係咁講...
真係犀利...我要plan 好哂...組織好哂先可以講得咁流暢...但我講野果陣個腦往往諗唔到野...
講到一半d 組織就會開始混亂...
Terry哥...阿東果d 都進步得好快...而我就原地踏步...
真係要好努力學習先會有咁既進步...而我雖然有d 進步...但慢好多...
太少刻意去學...去練...多數都係d 野殺到埋身先做...而係做既過程先慢慢學習...

每日睇報紙都用好多時間...
以前睇副刊...只係睇兩,三格...但而家幾乎所有專欄都睇哂...
以前都係睇完就算...但而家會學習下人地問寫作風格...細細篇文...但每一篇都好有趣味性...
寫長文難...其實寫短文更加難...有時諗到d 妙手偶得既精句...但勉強加落篇文度只會令篇文章四不像...以前d 作文咁低分...係有原因...
特別係公開既文章...就更難寫...有時睇到一d 學會出既期刊...寫出黎既野真係爛到爆...
雖然唔係要文留言古...但寫到連一睇既價值都冇...就0米鬼寫喇...
寫文的態度一定要嚴謹些才行...

>>March 3, 2004 at 4:47:58 PM GMT+8

2004 年 2 月 29 日 星期日 【晴】

呢兩三日都係係咁玩...玩...玩同玩...每日做一兩個鐘頭野就好似好巴閉咁...
時間太多了...d 野又唔緊迫...搞到都冇咩心機做...好耐都冇做完hon pro first draft 果種充實既感覺了...
迪迪d 野係要搞好耐...但愈搞就愈覺得佢d 功課好無聊...只係徙一大堆時間...
於是都係不停咁備陳峰同余振既課...
余振派既notes唔多討好...寫得又亂...又冇咩系統...睇完好似冇睇咁...一大舊野抄埋一碟...
睇到頭大...原來卻是一堆廢話...感覺上好難吸收...
都係自己找下書睇好了...

總是跟自己說...不可以再浪費時間了...但努力一會...又故態復萌...唉...
平日總是對自己大加批判來鞭策自己...但這招好像也不管用了...更開始有點傲慢及自以為是的感覺...

勉之勉之...勿以善小而不為...勿以惡小而為之...
有時行善需要比為惡更大的勇氣...做人唔好咁自私...咁卑鄙...有點勇氣好嗎?(唔係話人...只係同我自己講...)

努力...努力...

>>March 1, 2004 at 4:41:39 PM GMT+8