2004 年 8 月 30 日 星期一 【晴】

這幾天仍是工作問題困擾著三成, 突然湧現的工作offer 也不斷地動搖著三成的決心...
找不到找到工作並不是三成著眼的地方, 真正關心的, 反而是什麼樣的工作才是自己真正想做的.

今天去銀行入票, 真是排隊都排到人顛, 排了整整一個小時...
排隊真是無聊, 但回到公司遊手好閒更無聊...
整個上午便是如此度過了...

下午本來約了joey吃飯的, 但由於要同andy 去深圳的關係, 唯有取消了...
但和andy 獨處數小時, 真的超級累人...
andy 是一個刻薄的傢伙, 看到被他壓價的的士佬, 便想到見工時的三成(淚)...
但亦使三成學習到, 即使很想做一份工也好, 但不要被面試員拋疾, 否則蝕底都係你自己...

離心繼續蘊釀中...

>>August 31, 2004 at 4:01:58 PM GMT+8

2004 年 8 月 29 日 星期日 【晴】

今天又要上班了, 幹勁開始消磨得七七八八了...
沒有booking 的日子真的很無聊...

今天仍是一整天沒事幹, 都是看鐘過日辰...等待午休和下班的時間出現...
唯一愉快的便是今天終於出糧了...

晚上去了和剛, david, charles 等聚會...俾佢地呃左唱k, 好x 貴!!!
Tony後尾先join搞到俾人屈多個生果盤...埋單真係想喊出黎(笑)~~

但大家都找到工作了(除了charles 剛剛劈炮冇工外), 互訴工作點滴也十分有趣呢
亦反映出三成和在學時的好友們已踏上了人生的新一階段...
但最近工作真的覺得愈來愈無聊了, 開始有點離心...

三成的人便是這樣, 不去想, 便沒有事, 但一開始想便...
說起來, 這樣的性格好像有點衝動, 從前也因此而下了不少錯誤的決定...
所以今次三成一定要十分冷靜地思考及分析, 才去決定下一步的行動...

愈來愈懷念少年時期無憂無慮的生活了, 要是可以像漫畫一樣, 使用一些什麼秘術轉生重返少年時代便好了~~~^^

>>August 31, 2004 at 3:49:10 PM GMT+8

2004 年 8 月 27 日 星期五 【晴】

開始了漫長的上班生涯後, 更是覺得從前的學生和浪人生涯十分可貴...
現在幹的不是暑期工了, 不能只幹一兩個月便放大假不幹, 而是要不斷地幹下去...
實在是有點累人的感覺, 但份份工都係咁...除非自己係d天才畫家, 了隻核突公仔都值成千萬咁就唔同...

發覺學生時代時, 錯過了很多東西, 如果自己的意志可以自由地來往於過去和未來便好了~~
三成覺得自己在某程度上是一個要求很高的完美主義者, 對自己的錯誤和幹過的蠢事總是十分悔恨, 總是在想, 要是可以從新來一次便好了...
可惜這在現實中是不可能的, 唯有接受自己的不完美...接受自己的錯處, 在積極補救吧...

終於等到愛與誠的3與4了, 故事愈來愈精彩, 看得十分入迷...
幾位主角的性格都是三成心中的理想人格...亦正正反映出三成作為一個人所缺乏的東西...
每次看完這些充滿著青春和熱血的作品後, 心中總是會想: 我到底在幹什麼?

出擊馬會, 慘遭滑鐵盧...
最近三成幹了很多只從利己出發的事, 這可能是上天對三成懷有私心的懲罰吧...
可惡的馬會...

>>August 28, 2004 at 7:15:40 PM GMT+8

2004 年 8 月 26 日 星期四 【晴】

不知不覺, 又來了周末了...
很快又可以好好休息一天(星期日), 想起也十分興奮呢^^

說起來, 來到這間公司已經快有一個月了, 但仍是經常做錯野, 要人家幫三成執手尾...
三成也不想犯錯的, 只是在公司真的很難集中精神, 整天都是也也嗚的...
冇野做既時候真係座到個人偶哂, 連腦筋都轉唔到...
其實已經慢慢習慣了公司的工作程序了, 只是實習的機會並不算太多, 一天最多只入一兩次單, 跟一兩單貨仔, 好難操得起狀態...

做了一個月, 覺得公司空運的貨量並不多, Andy 更經常自誇可以5分鐘搞掂哂d 單...
既然係咁, 請三成黎做咩?
三成覺得自己幹的事, 都是由松松和Andy手上漏出來的, 怎樣看以這個工作量也沒有請人的必要...
整天遊手好閒, 實在很消磨鬥志呢...現在上班也不太提得起勁了.
雖然和同事們處得不錯, 但沒事幹白出糧的滋味真的不太好.
幸好, 這份工作還是有很多東西學的, 松松亦教會了三成很多東西...
最近突然有不少工作offer 給三成, 令三成心動不已, 但三成不希望自己成為一個騎牛搵馬的人...
還是先堅持幹下去, 再看看情況如何吧...

Andy 話遲d 會同老闆開會檢討三成既工作表現喎...
其實都唔係太緊張, 如果覺得三成對公司沒有貢獻的話, 便快快把三成炒掉吧~~~(雖然俾人炒既可能性很低...)
嘿嘿嘿...

>>August 29, 2004 at 5:08:49 AM GMT+8

2004 年 8 月 25 日 星期三 【晴】

不知為何﹐ 這兩天公司都是頗為清閒﹐
三成照例係冇咩野做﹐ 但都係唔做唔錯﹐一做就錯
再這樣下去﹐三成也沒有面目留在這間公司了。

昨天游水後﹐今天便說要打風了
幸好昨天去了﹐今日游一定很凍(但游冷水又是另一返滋味。

昨日游得太兇﹐使三成一整天都十分累
再加上又冇緣冇故做錯野(明明打果陣冇事﹐但PRINT出黎時卻----)
但人人都冇事﹐點會得你一個係咁﹖
可能又係自己唔知按錯左咩制喇(唯有咁諗)

夜晚又要加班﹐都是等呀等﹐真是累人。
但也可以順手上網和打日記~~~XD

發現新都會除了電梯小姐外﹐接侍/詢問處的小姐也十分漂亮
很想推倒她們呢(不要啊﹐ 這是犯法的﹗﹗﹗﹗)
再看一看﹐ 原來很多鋪頭的售貨員也是十分可愛~~~如果三成可以---
嘿嘿嘿~~~~(妄想中)

>>August 26, 2004 at 12:39:57 PM GMT+8

2004 年 8 月 24 日 星期二 【晴】

今日又係超級變態得閒...
做左一個鐘野就冇哂野做...但今天被老闆打電話來省了一大餐...真的很慘...
雖然好像十分無辜, 但都是自己的email出得不夠清楚...雖說有Andy監督, 但也不能次次也委過於他吧...Andy 的性格有點像三成的老爸, 所以三成對他的容忍力也十分高...
雖然冇喇喇被省, 但三成心中並沒有恨, 只怪自己處理得不夠完美吧~~~

好不容易捱到了下午, 和Joey 共晉午餐...吉野家的海台泡飯味道不錯呢, 只是二十元正, 都幾抵食...Joey部電腦好似成日出事, 今次到email出了問題...唔唔...沒有親身看過, 真的幫不了什麼忙呢...但這傢伙經常可以在公司看vcd, 真的令人羨慕~~~(妳d vcd來源係三成~~~記得飲水思源,知恩圖報呀!!!)

回到公司, 終於有些單入了, 今次罕見地沒有犯錯...留心點入, 始終會做得到的...
但入完後仍是沒有自己keep record, 下次要記著才行~~~

放工後和Dolly 去了游水, 游夜水的感覺很特別, 由於沒有太陽的關係, 大家都是拚命的游呀游的...
和平日懶洋洋的景況有很大分別...
遊到中段, 以一餐為賭注, 大家游一個塘鬥快, 出盡九牛二虎之力狂游, 真的十分疲累...
中段快放的三成在最後一刻氣力不繼, 輸了~~~

今日都游左十幾個塘, 而且都係冇咩點抖過咁游, haha, 久唔久游下夜水都唔錯~~~
明天不用上班便好了(^^)

生命中有些事情錯過了便不能挽回, 經常埋首於過去的遺憾之中,
空自後侮只會使自己的意志更加消沈...
但有時要控制自己的情緒也不是一件易事, 只能盡量把不開心和頹的時間縮短吧~~~

當不再須要找工作時, offer 便排山倒海而至...
但三成可不想只做了一個月便辭工, 忠臣不事二主, 如非覺得這兒再無可為, 三成應是不會離開的...(或是覺得自己不能對公司有貢獻時, 便會自動消失也...沒事幹的時候, 經常會有冗員的感覺呢)

>>August 25, 2004 at 5:01:43 PM GMT+8

2004 年 8 月 23 日 星期一 【晴】

今天又是加班之日了...

很多booking都是星期二出貨, 所以周中多數都會十分忙...

下午Andy 和松松買了大量食物回公司開大食會, 真是吃得飽飽的...
之後去了找Joey 閒逛, 順手取左佢 d PATPATU 返公司食~~
haha, 真係幾清幾甜, 放工前已經清哂...

今天三成又犯了錯, 次次都係松松發現, 再話俾三成知...
但今次的錯誤只是由於不熟習系統特性所致...所以三成都冇太大挫敗感...
只能夠要求自己每做一件事都留心d喇...

之後Andy 又將松松既功勞據為己有, 向三成說教了一返...
雖然十分串, 但三成都係冇咩感覺, 覺得佢出發點都是善意的...
Andy 行開後, Raymond 及松松都過來叫三成不要介意, 但三成真的不太介意, 只想自己可以做得更好...做得差, 自然俾人鬧...說真的, 對自己的表現三成真的不太滿意呢...
但心中總是滴沽, 為何三成找的每份工作, 難度和要學的東東都是如此的高和多呢...
不過比起德昌時, 這兒輕鬆多了~~~

加班時, 三成照舊都是幫松松執頭執尾, 很多事情都要仰賴他的提點...
但對工作的程序, 三成也有了一定的了解了...希望可以慢慢上力吧...

>>August 25, 2004 at 4:32:49 PM GMT+8

2004 年 8 月 22 日 星期日 【晴】

由於昨日都要holiday duty, 搞到三成好似冇咩抖過咁, 星期一繼續返工搏殺^^

新都會的電梯小姐真是很漂亮, 每朝早都令三成有十分清爽的感覺^^
今天上午都幾多野做, 雖然都是些簡單的雜務, 但已夠三成充實了一個早上...

誰知下午吃過飯後, 回到公司又是遊手好閒的...
這次連海運那便都比平日清閒多了...Stella 竟然有時間講成粒鐘電話, Raymond 又訓覺...
HAHA...很悠閒的感覺呢...
但三成便有點座立不安了, 不知為何, 星期一總是幹勁十足的, 很想找點事做...

今天Andy 不斷走過來撩三成講野, 看來他也是悶荒了...
愈同佢相處得耐, 就愈覺得佢似我阿爸...(汗)

同Raymond 都愈來愈多計傾...記得在德昌時, 亦有個類似他那樣性格的同事呢...
說來巧合, 連聲音也是十分像的.

佢仲問三成覺得 e 度係唔係好好做...
好做就幾好做既,但有時冇野做太清閒0者...
希望多d 野可以幫下手喇...

>>August 23, 2004 at 2:37:25 PM GMT+8

2004 年 8 月 21 日 星期六 【晴】

這一星期發的夢全都是和工作有關...例如在公司入單, 入資料喇~~~
同同事講野喇, 仲有駁阿head andy 咀tim(潛意識想反抗佢!!????)

今天是星期天, 本來大覺訓的, 但要送野俾客, 搞到三成不得安睡, 成日夢見自己訓過龍, 遲到...
又或者送貨既過程, 訓下又醒下...唉...
唔通工作已經成為左三成生活既一部份?
訓得唔多好, 晨早便起床了...罕見...

未夠一點便出門口去收貨了, 之後便捧住個大箱周圍走, 特別係過關果日, 單手托住個箱, 單手取證件, 真是有夠狼狽的了...
在交貨時, 成手文件,證件, 搞到張回鄉咭都跌左係個袋既暗格入面, 惹來遺失證件的疑魂...
這次真是有勞各位親切的海關人員的幫忙, 否則也趕不到船回家呢~~~

真是頗累...但當keep fit 都算唔錯...
不過可以單手托住個大箱咁耐(其實只得7磅重, 但好大件), 三成的體力好像進步了^^

>>August 23, 2004 at 2:30:21 PM GMT+8

2004 年 8 月 20 日 星期五 【晴】

最近在公司無聊時, 都會玩一樣玩意...拳風...
隔空揮拳攻擊4,50 厘米 外, 貼係牆上面既紙張...真係想找個人俾三成直接用力打一拳試下, 睇下會點...

今天比昨日多了點事情做, 但離獨當一面的路還很遠...
加班前和松松去了逛街, 買左d 漫畫返公司一路加班一路睇...haha
竟然見到帽本之旅人既漫畫, 即刻買, 可惜篇幅太短, 搞到個壯大既故事變得冇頭冇尾...
只係非常一般, 只0岩fans 睇...

放工時不過6點, 於是走去找下葵芳個泳池係邊, 實在太耐冇游水了...
回程時想走另一邊, 但點知條路是不斷上山的...害得三成差點迷了路~~
走得非常辛苦, 終於找到了地鐵站...(汗)...

約左廢剛食飯, 一齊講廢話真係開心...haha...
好耐都冇試過用e d ton 講野了^^ 最搞笑係食飯俾錢時, 用錯左人民幣找數,
同個老闆講返佢先知...笑到佢傻左...haha

講返起工作問題, 睇黎小剛份工唔多如意咁, d同事咁差...
三成間公司d 同事就唔錯, 不過就鬼死咁多野記同學, 俾左d notes 小剛睇, 佢都話非常複雜.
希望可以快d 上手喇...

回到家嘗試用單手做引體...一下已是極限~~~但很有趣...最大問題不是力度不足, 而是平衡問題...

明天冇喇喇要開工...真慘...

>>August 21, 2004 at 7:09:41 PM GMT+8