2003 年 8 月 21 日 星期四 【雨】

恭喜！都話你得o架啦！
今朝陪子建番學校，睇下荃官收邊個repeat中五。佢一直都驚自己peat唔到，話自己唔夠分，其實邊使驚o丫？單計teacher recommandation都已經贏人九條街啦！最後結果，荃官收o左佢，俾多次機會佢。子建要加油喇，今次唔可以再失手，我知你一定得o架，我一定會幫你！
因為我o地好有信心佢peat到，所以一早約齊哂人出o黎唱K慶祝，今次改番去greenbox唱，唱得耐o的，好開心o丫！
之後上o左死魚屋企，o係六叔佢o地o既結他伴奏之下玩「生命之旅」，以前未玩過，要睇住說明書下玩，最後僅僅$30000之差輸o左俾阿蝦添！

Re魚：我o個o的都唔好得幾多，要金睛火眼先睇到！

P.S.下年6A班29號正是在下！

>>August 22, 2003 at 11:42:31 AM GMT+8

2003 年 8 月 20 日 星期三 【雨】

好耐之前Miss Leung俾o左一大份essay我，叫我幫手打，擺o係History Society個website裡面。呢排我開行turbo係咁打，打到手軟，不過都有好處o既，可以乘機睇下o的高手o既essay係點o既樣。嘩，份份essay都水蛇春咁長，而且條條essay都係test題目，咁短時間之內都可以寫4版紙？完全唔知佢o地咁寫得出！其實我諗到o既point同佢o地一樣，只係我係完全冇時間個個point段段都寫五六行，相信呢個就係佢o地有至少27分，而我得最多25分o既分別！

Re挺：夠哂人o丫嘛～
Re Cafu:個波咁硬都射得爆？我斬幾腳已經好痛喇喎！

>>August 21, 2003 at 12:11:03 PM GMT+8

2003 年 8 月 17 日 星期日 【晴】

今日係我o既運動日！
首先，朝早同班小學同學同學踢波，難得Richard佢o地肯o黎深水埔踢。溫海雲進步得好勁，身位、速度、視野都係一流，由前打到後，連阿青都唔可以完全凍結佢；相反黃慧光可能因為o岩o岩斷完腳傷癒，未有十足狀態，淨係shoot power強o左好多，鄭堅鋒仲勁過佢。荃官人普遍技術水平好o的，不過體力就輸人九條街，打冇幾耐，連平時滿場飛o既Richard都扯哂蝦！
到o左晏晝，先o係吉野家同子建食tea，然後meet埋Fan佢o地去惠荃打羽毛球，雖然朝早先踢完波，不過打羽毛球o的體力都仲綽綽有餘。點知打打下，成班人突然間又走哂去玩truth or dare，所以最後都唔係打o左好耐，今次子建仲玩得大膽到挑戰我可以接受o既極限添！

Re子建：知喇，冇事喇！

>>August 18, 2003 at 12:16:51 PM GMT+8

2003 年 8 月 16 日 星期六 【雨】

見財化水…
我仲keep住中四、五o既舊書，宣明會o係將軍澳東港城搞緊個舊書義賣活動，本來諗住拎去o個度賣，雖然唔會賣得好價錢，不過都總算有錢收、又可以幫到人。今日我pack好哂o的書，daddy竟然突然間打俾我四叔，話我有o的舊書會拎去佢度賣。頂！本來諗住賣舊書、賣舊進攻足球、再加埋o係買書o個度打下虎頭，應該至少有$300落袋，賣進攻冇買家、打虎頭打唔得多、依家連賣舊書呢筆都唔知有冇(因為唔知daddy會唔會俾番少少我)，財政壓力無法舒緩！

Re蚊：咁下次要戴眼鏡睇清楚喇～
Re蝦：幸會幸會，以後多o的o黎喎。我…想…話…呢…今日我四叔打o黎話佢又搵到本"The Rise of Modern Japan"囉，我都好無奈…

>>August 17, 2003 at 3:16:35 PM GMT+8

2003 年 8 月 15 日 星期五 【晴】

同聰、蚊、Fan、子建同子建一個friend去美食博覽，本來約o左佢o地o係灣仔地鐵站等，不過我一o係長沙灣入車廂就撞到佢o地！1200左右就入場，初時都唔係太迫，不過之後開始越o黎越多人，俾人撞o左幾鑊！咁o岩今日蕭正楠做表演嘉賓，停低睇o左一陣。今年試食o既種類同質素好o左，連鮑魚汁都有得試，o的泡菜仍然係辣一辣都咁鍾意食。行完哂之後o係會場坐低抖下，Fan潛伏o左好耐o既「BB癲狂症」又發作喇！離開o左會場，搭船過尖咀繼續行，又去Citisuper食tea？太貴喇！我同聰決定去七仔買o的平民o野，又平又好食！Fan又可以舒緩下佢o的「末期BB癲狂症」，幾好！最後去太子同屋企人食埋飯先番屋企。

2003年Eric好歌流行榜(第33週)：

1)啼笑姻緣(陳小春)
2)17歲(劉德華)
3)以父之名(周杰倫)
4)飛女正傳(楊千嬅)
5)今天沒回家(陶吉吉)
6)窮爸爸(許志安)new
7)轉(傅珮嘉)new
8)忘記歌詞(陳奕迅)new
9)玻璃之情(張國榮)
10)私房菜(鄧健泓)new

Re Fan:今日已經補番哂數啦！
Re蚊：又會唔會o既？你今日都睇到飽啦！

>>August 16, 2003 at 1:52:27 PM GMT+8

2003 年 8 月 14 日 星期四 【晴】

出o左荃灣兩日都未買哂書，今日我o地轉移陣地，改去旺角睇下。不過搵o左幾間樓上鋪都未得，仲要俾人夾去o的車仔鋪，三等貨色。最後兩本History要o係漢榮買新o既，我要o既中化listening、Fan同Lo要o既兩本Pure Maths反轉成個旺角都搵唔到，商量過之後都係要去番荃灣o係自力買新，搭搭下地鐵，出現o左兩個蝦至愛o既BB，諗住拎起部相機影，死！行蹤敗露，我唔識佢o架！今年o既「撲書之旅」就o係自力以一本新書結束，埋單計數，老豆俾o左$1700我買，最後都只係打到$100多o的o既苦頭，業績未如理想添！

Re蚊：你搞到我冷傷風…

>>August 15, 2003 at 11:09:01 AM GMT+8

2003 年 8 月 13 日 星期三 【晴】

四叔o係馬鞍山耀安村同人開o左間舊書鋪，佢o尋日幫我留起o左幾本我想要o既書，今日我食完lunch就拿拿臨走去拎。
之後又十萬火急咁飛番去荃灣meet蝦佢o地，架Dennis Dragon 11m配亞歷山大車身o既43X好明顯係替工，我個位隔離仲有幾塊換出o黎o既85K號碼牌同路線牌！天雨路滑，架43X去到盡我都係遲到o左少少，死人蝦，捉我字虱？o係荃灣已經好難再搵到好o既舊書，自力、海暉、力生同荃豐都係食白果。
約o左蚊食tea，去吉野家，理想同現實果然係兩回事…佢o地係咁講o的唔多o岩我同子建聽o既o野，無奈。食完tea再去三聯，今次係買新書，淨係買o左本中化練習，仲有History全科同一本中化練習未齊，要出旺角再掃！

2003-2004球季曼聯波衫號碼(已確定)：
1)巴夫斯
2)加利尼維利
3)菲臘尼維利
5)李奧費迪南
6)布朗
7)基斯天奴
8)畢特
10)雲尼斯達萊
11)傑斯
12)貝利安
13)卡路爾
14)侯活
15)卡巴遜
16)堅尼
17)列卡度
18)史高斯
19)迪贊巴
20)蘇斯克查
21)科蘭
22)奧沙
23)李察遜
24)費列查
25)科東尼
26)布治
27)施維斯達
28)寧治

Re子建：心情好番少少，不過都係…
Re挺：你平時唔使點用錢嘛！
Re Fan:我其實想答「我唔知你係邊個」囉～冇計啦，o黎到o既一定o黎，我會試下叫多o的人！
Re蚊：兜頭淋？

>>August 14, 2003 at 3:40:40 PM GMT+8

2003 年 8 月 12 日 星期二 【晴】

頂！成肚火！
為o左聯絡感情，蝦firm好o左開學之後隔個星期一一齊出o黎食din，呢個我覺得冇問題o丫，於是我同屋企人講番件事，佢o地竟然話兩星期一次「太密」、蹝哂o的時間，淨係俾我一個月去一次！一個月一次？仲有冇少o的？我中六喇，唔係小六！出o黎聚下舊o者，有咩問題喎？反正升到F.6都會好多o野做，成日夜番屋企o架啦，呢樣又唔得o個樣又唔得！
仲有，我一個月o既使費都係得$240，好明顯係唔夠啦，媽咪竟然話：「你一個禮拜食兩次飯o者，要咁多錢做乜？」咁除o左食lunch，仲有其他o丫嘛！
總之我依家就勁唔妥，死都要據理力爭！Din我點都要去！

>>August 14, 2003 at 2:02:23 PM GMT+8

2003 年 8 月 10 日 星期日 【雨】

第一入戲院睇韓片，睇《The Classic》，一路睇一路都好想喊，好多感動位，呢套戲值得推介。
睇完行出o黎，原來落緊雨，真係唔知好彩定唔好彩。o係元祿食完lunch之後去力生買舊書，出盡九牛二虎之力、三寸不爛之舌先成功壓價買到幾本，不過都使o左$700，恐怖！

>>August 11, 2003 at 10:39:19 AM GMT+8

2003 年 8 月 9 日 星期六 【晴】

今日17歲生日，同子建、聰、蝦、蚊、Lo、Fan、Su、小丸、魚、Mina、小邪去Neway唱K慶祝。好多謝佢o地肯o黎陪我過生日，仲送o左禮物俾我，多謝！
子建、蚊：對龍門手套同護腕好o岩我！
聰：我好鍾意件英格蘭T恤！
蝦、Lo、Fan：間屋好得意！
o係K房狂玩「百萬褲窿」，次次都係得$8000，得一次有$60000，唔制！唱完K之後去行一陣千色店，唔小心玩大o左，激嬲o左子建，好對唔住呀！又去「碌齡」，俾Fan同蝦打低o左，1700先解散。總之我今日真係過我好開心，呢個17歲生日我唔會忘記o架！

2003年Eric好歌流行榜(第32週)：

1)17歲(劉德華)
2)啼笑姻緣(陳小春)
3)玻璃之情(張國榮)
4)披頭四(梁漢文)
5)以父之名(周杰倫)new
6)同班同學(梁詠琪)
7)總有一站愛上你(Boy'Z)
8)今天沒回家(陶吉吉)new
9)三千零一夜(李克勤)
10)飛女正傳(楊千嬅)new

Re聰：食飯一定會預埋你…如果你可以o黎o既話。
Re Cafu:唔會忘記你o既，我o地總有機會再見面！
Re蚊：咁咪好囉，努力！Thanks!
Re邪：又真係搶錢喎，願友誼萬歲！

P.S.其實今日都係曼聯隊長堅尼o既32歲生日，祝佢越老越有火(我指鬥心)，帶領曼聯再創高峰！

>>August 10, 2003 at 3:45:56 PM GMT+8