2004 年 2 月 26 日 星期四 【晴】

UE做齊兩part oral，presentation好似尚可接受，但係discussion就唔知講緊乜，毫無組織諗乜講乜，仲要俾人搶對白。如果5 + 1教PE就好喇，成日補時嘛！
空堂想打電話，不過課室嘈得太厲害，同陳江走o左入SA房，電腦冇熄，玩埋。好耐冇玩立體彈珠台喇，得500萬分，高峰我試過1400萬分o架，不過原來比其他「高手」好似仲有段距離……
中史又同Billy勁嗲，勞煩Lim Sir叫我o地留心，楊晴旭玩催眠，應該催眠Lim Sir嘛！
小息食o左薯餅，Lunch根本唔多肚餓，不過子建就o黎餓死，去維苑，飽到行唔郁，點減磅？
Buss太意外喇，完全feel到自己冇精神，不過Short Q竟然做得勁「快」(以自己平時o既速度計算)，又大把point諗得出，仲要suggest俾人，平時應該係角色掉轉嘛！
中化變哲學，個個嘔哂白泡，或者我嘗試「解釋」阿里士多德o既「三段推論」大概係點啦，舉例：
If A=B, B=C, then A=C
球員冇信心特別容易射失十二碼，而奧雲對自己冇信心，所以佢十二碼好樣衰咁宴客。
放學History Debate開會，蝦 + Step主導，我都係間中搭無謂嗲，我上網再搵料，不過唔係點搵到。

Re Cafu:其實角度都有禁區對落兩步咁大位，而且你估個波o係龍門前面突然彈起易救o架？列文救12碼o個陣會o係白界線上打橫跳左跳右，擾亂劊子手之餘，仲可以準備隨時撲落地。

P.S.等o左8年幾，麻原彰晃終於版判死刑，雖然我唔多贊同死刑，但係對佢o黎講都算罪有應得o掛？

>>February 27, 2004 at 4:01:34 PM GMT+8

2004 年 2 月 25 日 星期三 【晴】

終於得喇，不過點解又係咁o既？
中化discussion睇o左書都冇用，唔識，我o的point亂o黎。
History又捱唔得住冇搵周公，睇source叻o左，搵到point呀，好鼓舞。
Buss presentation完全係Billy一手包辦，我同肥峰都只係搭幾句嗲，呢o的都係Billy專長。
5 + 1呢排好搞笑，玩大踢爆，肥峰畫功好唔好o架？
Lunch係中史人最後博殺o既時間，我未溫哂，竟然走去打機，挺、肥峰又打埋一份，接力打，打極都唔game over，斷斷續續咁玩，玩到放學仲o係度玩，突然冇電！
中史測利瑪竇、馬禮遜，蝦走o左，Mina專登返o黎測。我o地之前買大細，估下出利瑪竇定馬禮遜，我o地好多都集中溫利瑪竇，最後大鑊咯，Lim Sir兩題都出compare，死喇！唔使擔心，我加紙係因為我開頭唔小心隔利寫，我用過另一張從頭寫過o者，得肥峰先會加紙o架，而且………我竟然唔記得利瑪竇個「竇」字點寫！
放學想走人o架，但係要甚麼Oral Practice，等16:00。o車，原來唔使點名，早知好似某o的人咁走人啦，同Billy、陳江、肥峰一組，完全係胡鬧，中英夾雜。牛榮單丁o左出o黎，兩個TA同佢practice，正啦？
「準時」16:45完，落cover，見到一共三個冇去practice而冇合理理由o既6A仲o係學校範圍！香港佬打班際籃球呀，見到佢搶到一個防守籃板，前場跳波唔夠跳，最後5B好似贏o左，再睇唔到佢o既「英姿」喇……
Lunch已經見到肥卓返o左o黎，放學同佢一齊走，佢o係加拿大o既日子好似都唔錯喎，大家o既觀點都差唔多，文科人最好唔好去外國讀，因為o的科內容完全唔同，盞讀死‧其實文理商都好，我係十萬個唔願意去外國之餘，人生路不熟，乜都要重新o黎過，我點都唔制o架！
開估喇，我都話星期日晚典床典蓆訓唔著咯，咁我就梗係「瑞典」啦！

>>February 26, 2004 at 3:25:25 PM GMT+8

2004 年 2 月 24 日 星期二 【晴】

o係長沙灣月台撞見蘇兄，鬥吐苦水，佢好似話要搵Lim Sir惡補中史喎。
唔知李sir係咪有心揭我瘡疤，問埋o的咁o既問題，我點會識答？原來李sir唔知上網可以訂戲飛……
o係明報見到林一峰 + The Pancakes + Ketchup會o係下個再下個星期五六日開四個音樂會，我想去o架，本來蝦、Candy都話有興趣，原來講下喳？
中化繼續做閱讀理解，55分鐘收工，預o左會錯好多。
吳sir又開「幼兒足球入門班」喇，睬佢都傻，同人搭嗲。兩個場都冇人，分開踢唔使咁迫，今場兩隊都冇乜有威脅o既埋門，初段舒利亞(其實踢法上佢似亨利多o的)o係右翼位窄角度射門考我唔起。肥峰 + 牛榮 + 陳從願o既防線其實都算OK穩陣，至少冇走甩人，不過始終肥峰打開籃球，o係禁區mark舒利亞o個陣唔小心落手，九碼。余寶操刀，我學列文，列文o個種守十二碼方法的確使得，加上余寶射到好似奧雲咁，救到！不過其實球波冇乜力，我根本可以黐個波落手，結果我只係拍出，俾哂機會舒利亞對住空門補中，咁失波真係唔抵。通常球隊領先之後會加強防守，佢o地例外，開o左記錄仲越谷越前，不過我o地組織力太弱，我係咁放波打反擊都攻唔入，Danny截哂。最後階段兩次想棄關助攻，幫唔到手之餘仲鑊鑊都要走番轉頭，結果0比1飲恨。
Class Period入hall做leadership講座，我明明唔係History Society都照做不速之客，Lim Sir淨係記得中史人，次次淨係叫我o地，我邊識講？好彩Vincent幫我解圍。
放學諗住去南豐買手機套，Candy真係陪我o架？好感動呀～

Re罐頭：玩你？唔使催，時機成熟我就會大玩特玩；下次你幫我影囉。

>>February 25, 2004 at 3:51:49 PM GMT+8

2004 年 2 月 23 日 星期一 【晴】

Morning Assembly突然傳o黎阿沈o係AV房o既笑聲，F.6後排聽得好清楚。
History又有Debate喇，"The Treaty of Versailles was a fair settlement to Germany"今次o既題目，隊員有Step、蝦、魚、Polly、小妹、挺、思穎、林敏，呢個題目反方o既理據多o的，好彩Polly手風順，抽到Negative，我呢個結辯好做得多喇。
Triple UE悶到想死，上堂做其他o野我見得多試得多，Billy咁玩法我真係聞所未聞見所未見，膽生毛喎。以為5 + 1唔記得做Group Discussion，原來佢記得，仲留我o地10分鐘做，咁你之前就唔好講咁多啦。個topic其實冇乜o野講，學生冇心機讀書，係成個教育制度o既問題，學生會做到幾多？
Lunch照舊o係課室食，食食下5 + 1又走入o黎，又冇理我，之後又o黎多件，係Head Boy……
Miss Fung竟然唔記得上堂，中化冇o左一半，對閱讀理解答案，勁多0分……
影唔到Lim Sir呀，冇機會影。諗住break入廁所，一入去就見到……Oscar，我o地以「迅雷不及掩耳盜鈴之勢」衝返入課室，嚇死。
Miss Leung搵哂前5B放學去4A「輔導」下佢o的學生，講下唔同科o既讀法，我同Billy主打History + 中史，間中搭其他人嗲，其他人又搭我o地嗲，我o的point好似Miss Leung有少少保留，不過算啦，過來人意見o者。老實講呢班4A比我o地當年4B仲要差得多，我o地都係唔夠信心o者，不過好明顯佢o地唔少係冇心機讀書，加油啦，有Miss Leung呢個咁好o既班主任，做多齣好戲啦，下我o地係上集，下集靠你o地喇！

Re原來冇嬲我o既人：咁我以後大玩特玩喇，你玩番我都唔緊要o架，如果你玩到我o既話……

>>February 24, 2004 at 2:54:55 PM GMT+8

2004 年 2 月 22 日 星期日 【晴】

o尋晚o既我(猜歐洲國家)
明明冇飲咖啡，撻o左落床好耐都訓唔著，應該唔關樓下喵o左三晚o既貓貓事，唔通因為之前睇o左維拉對伯明翰、樸茨茅夫對利物浦太精彩刺激？
不過最神奇係明明唔夠訓，今日竟然超級精神，5 + 1都悶我唔到。冇做History Reading Reporrt，不過o係堂上傾，睇住article抄冇乜難度，只要唔搵周公就得，又唔使俾Miss Leung串喇！
有備課，Buss奇蹟地聽得明，不過好多時同Billy轉o左台，幫唔多人願做o既職業改個好聽o的o既名，資訊傳播組負責人、食肆資本保養組主任、大廈安全系統運作專家其實係乜？
Lunch好玩喎，去維苑，黐一個今日應該好唔鍾意我o既人餐，少少o者，反正你都浪費啦。
Lim Sir用咁o既方法應該唔會再叫錯我同肥峰o掛？邊教中史邊教Econ，我好貪玩。
終於派中化習作喇，完全估唔到，Miss Fung竟然寫我「析述飽滿」，都只限o個題，其他都係不值一提。
今日見到好多波衫，沙夏(曼聯)、艾馬(華倫)、巴治奧(98世界盃)、瑞典冇號碼，四件四隻色，眼花。

P.S.事實證明同維園阿伯辯論o既難度好可能比同余雪瑩o個o的仲要高1000倍以上

>>February 23, 2004 at 3:51:14 PM GMT+8

2004 年 2 月 21 日 星期六 【炎熱】

多謝爸爸同佢「老細」！！

>>February 22, 2004 at 1:12:03 PM GMT+8

2004 年 2 月 20 日 星期五 【晴】

聰18歲生日，梗係要賀一賀佢啦。約o左去和民去，不過我唔想成日出街食，所以o係屋企食o左o野先再入荃灣join大隊。其實所謂大隊都係得魚、Su、聰，呢個組合點會冇笑料？荃官 + 莊啟程大揭秘！唔係冇食o野o既，食雪糕囉，士多啤梨味好正呀。
之後o既活動好精彩，唔知點解又去捐血！魚幾日前捐o左，我幾日前過唔到血色素測試，今日都唔例外，下次識做喇，填完表篤o左手指，過到關先見護士，原來篤中指係痛過篤無名指！Su冇家長同意書(其實我都冇，不過護士focus我血色素o既問題多o的)，得聰一個捐得，我o地坐埋一邊等，瑩妹join埋，感覺上o係學校捐好過o係呢度捐，我拎本《進攻足球》出o黎睇，裡面有o的鏡頭o係Su眼中原來好搞笑！
捐完血o既聰好似散散地咁，再去新之城打機，賽車機、打鼓機，機舖唔o岩我。
打完機就散喇，出旺角，公公78歲壽宴。又係好多唔識o既親戚(我都唔知點稱呼佢o地)，又係來來去去都係o個o的o既菜式，又係「食」到好夜(17:45上酒樓，21:00先上菜)，其實飲宴係咪次次都要咁夜開席？

2004年Eric好歌流行榜(第8週)：
1)女扮男生(At 17)
2)相依為命(陳小春)
3)仰慕者(左麟右李)
4)明天請早(許志安)
5)娃鬼回魂(何韻詩)new
6)調情(鄭秀文)
7)愛神(古巨基)new
8)阿琴(鄧健泓)
9)新聞女郎(梁漢文)
10)大家歸瘦(Cookies)new

Re余寶：記錯o左，你本身打右翼，平時又係死球專家嘛。李天頂住你都攝唔到上o黎啦，而且舒利亞o既傳中太貼門喇。
To聰、蘇兄、公公：生日快樂！

>>February 21, 2004 at 4:39:48 PM GMT+8

2004 年 2 月 19 日 星期四 【晴】

Parents Day派成績表，多日假期，不過日抖好悶，對住電腦做埋o的無聊o野。
粗略計算daddy應該只係見o左Miss Fung唔夠15分鐘(12:48出門口，14:07返入屋)，拎住張成績表返o黎，張成績表一早見過，Miss Fung話我兩個oral都唔太好，fluency同confidence都唔夠，要讀多o的報紙喎。而Buss係另一個大問題，佢話我咁o既成績好難入商科，其實入唔到商科都唔係問題(我興趣唔o係呢度)，AL都肥好樣衰o架！點先可以pass到Buss呢？我諗我自己多數係唔識運用concept累事，點先可以做好o的？我真係唔知……
Regular Meeting改o係旺角搞，想做下運動，早o的出門口行去旺角，順便睇下有乜好o野食。扒餐$40唔使、$48任食日本料理，去到奶路臣街，琪琪打俾我，話今晚得佢、我、蝦三丁人，而且dinner都會o係荃灣食，咁我已經o係旺角，梗係唔入啦。第N次呢o的活動臨場有變數，一次改地點、一次原來未約齊人，其實搞活動唔係應該事前清楚大概會有邊o的人去咩？

>>February 20, 2004 at 1:46:13 PM GMT+8

2004 年 2 月 18 日 星期三 【晴】

Lim Sir第N鑊叫錯我個名，我好慘囉，名又成日俾人叫錯，就算冇叫錯都俾人寫錯，連校訊都搞得錯，我係「峰」唔係「鋒」呀！
已經冇乜印象UE發生過咩事，冇聽5 + 1講故，唔知甚麼十二碼，o係蝦掩護之下發白日夢，5 + 1好似知。
Yeah得太厲害，本來今日中化11-20號做個人短講，Miss Fung即刻改o左21-30號男仔講先！我o既題目：一支鉛筆的自述………唔識講，亂講，其實我冇話「鉛芯筆會冇墨」，我o個句係「原子筆會冇墨，鉛芯筆會斷芯」，7分，其他同學都話笑得太勁，而且唔夠時間。
UE Project要錄音，原來o係學校要搵個靜o既地方係咁難，本來唔係唔得o既課室勁播《出賣》、《晴天》、《相依為命》，最後去o左新翼一樓錄到少少。
今日Miss Leung特別串，Mina成為最大受害人，難得我鬼打都冇咁精神，幸保不失！
放學搞埋project手尾，打字、搵printer，入Prefect Room錄音，頂住度門唔倖出出入入，由planning到完成，一星期唔使就搞掂哂，效率奇高！

P.S.算啦，唔好再怪鄔維庸o個句「俾人餵狗餅餵壞o左」喇，人o地要打譬如，有乜例子o者？唯有用番自己做例子囉！

>>February 19, 2004 at 2:14:20 PM GMT+8

2004 年 2 月 17 日 星期二 【晴】

English Speaking Day + 捐血日，完全唔覺得今日要上堂。
冇特別早返，本來編o左去3B，最後都係亂o黎，一句"I dont mind you speaking foul language"吸引大把人湧埋o黎，不過其實都只係talk到9個人，比起其他好似唔算多。
第二堂開始可以入hall捐血，UE喎，梗走啦，唔使listening！上年我都有去，不過o個陣血色素唔夠，捐唔到，只可以睇住蚊、魚、聰、、青、子建o的血慢慢泵出o黎。今年再接再厲，拮多次手指，血色素要13先捐得，我得11.4，仲低過上年o既11.8，結果又同上年一樣……………
捐唔到血o既理由有好多，血色素唔夠(我)、感冒(歐羚)、冇家長簽名(陳江)，原來仲有一個：成身熱辣辣！塊面紅卜卜，都話裝桶水照頭淋咯！我又唔覺拮手指驗血好痛喎，好似俾針篤到少少咁o者！UE喎，老虎都唔返課室啦，hea到小息完o左先返課室，唔記得趁呢段時間俾客拉添！
空堂唔知做過乜………好似………睇報紙嘛？根據張炳良o既分析，民主派o係港島區未必贏到五席。
終於見到Lim Sir喇，下星期又要測驗喇，又話冇o左好多堂，都唔係教得好快o者！
我N年冇幫襯麥記，今日終於糊里糊塗咁破禁喇，只此一次！返到學校掛個chatter-box牌又去交差，企o係門口大把人湧埋o黎要貼紙，兩個3C痴線o架，係咁搶係咁搶，咁心急做乜o者？搶搶搶，排隊啦！
晏晝o既堂發哂夢，今日我冇心機聽書，其實唔止今日，日日都係。

Re前後七年同班同學：原來係你………………

P.S.仲諗住以港隊識守唔識攻同有主將缺陣，o係吉隆坡作客對馬來西亞o既2006世界盃外圍賽保住唔事已經好彩，點知最後竟然3比1全取三分，香港隊，你係得o既！

>>February 18, 2004 at 3:17:16 PM GMT+8